C.N.R 🤴🔥🏹 N=99🦁🦅🌾🔱🚩🕉️⚔️🤱🇮🇳 జై హింద్
737 views • 6 hours ago
#గురు పౌర్ణమి శుభాకాంక్షలు 1 #గురు పౌర్ణిమ #గురు పౌర్ణమి #గురు
*గురువంటే మాయ నుంచి మనల్ని తన స్వప్రకాశంతో కాపాడుతూ ఉండే మహానుభావుడు. కారుణ్యం, సంతాష హారకత్వం, సంశయాలను పోగొట్టే లక్షణాలు కలిగిన గురువే శాంతి ప్రదాయకుడు. 'గురురుపాయః' అని శివసూత్రం. ఆత్మసాక్షాత్కారం పొంది మంత్రవీర్య ప్రకాశకుడైన గురువు ఒక్కడే ప్రయత్నపరుడైన సాధకుణ్ణి తనంతటివాడిగా చేయగల సమర్థుడు. అందుకే గురువును ఏకైక ఉపాయంగా చెప్పుకునేది.*
*గడ్డు సమస్యకు జవాబు*
*ఇద్దరి మధ్య ఎదో కారణంగా పొరపొచ్చెం వస్తే సంధి కుదర్చడానికి, ఇద్దరికీ కావలసినవాళ్లు పూనుకుంటారు. ఈ మంచికార్యాన్నే దౌత్యమని అంటాం. మాయకు లోబడిన మనుషులు అవిద్యతో భగవంతుణ్ణించి దూరమైపోతుంటారు. -నశించిపోయే భౌతికతకు ఆకర్షితులై చెప్పరానంత నష్టాన్ని పొందుతుంటారు. అటువంటి సమయంలోనే సరుడితో నారాయణుడు రాయబారం చేయాల్సిన అవసరమేర్పడుతుంది. భగవంతుడి మాయాసృష్టి నాటకాన్ని వినోదంగా చూడడానికి రూపాలను ధరిం* *చి దిగి వచ్చిన వారే జీవులు. అది మర్చిపోయి ఒక దేశానికీ ఒక సంఘానికీ ఒక కుటుంబానికీ పరిమితమైన అహంకారపూర్వకమైన ప్రవర్తనలతో కుదించుకొని పోతుంటారు. వశంతప్పి, అనవసరంగా బాధలను తలకెత్తుకోవడం అలవాటుచేసుకుంటారు. వాళ్ల గుడ్డి ఆసక్తుల కారణంగా "ఇదంతా నా శాశ్వతమైన ఆస్తి" అన్న అసంబద్ధమైన ఆవేశాన్ని పొందుతుంటారు. వ్యక్తి పరంగా స్వార్థం పెరిగి దెబ్బలాటలకు దిగుతారు. పొందికలేనితనాన్నీ దుఃఖాన్నీ బాధల్నీ పెంచుకుంటారు. కుత్సితబుద్దితో భయంకరమైన యుద్ధాలకు దిగుతారు.*
*వరసజన్మల్లో అలవాట్ల వలలో చిక్కుకొని, చిట్టచివరికి విసుగెత్తి, ఈ దుఃఖాల నుంచి విముక్తిని పొందడంకోసం అప్పుడు ప్రయత్నాన్ని మొదలుపెడతారు. విషాదం ద్వారానో, సృష్టి వైచిత్రిని చూస్తూ విస్తుపోవడం వల్లనో, వివేకం ఉదయించిన కారణంగానో ఏదో ఒక విధంగా మనిషిలో ముక్తిని పొందాలనే కోరిక పుడుతుంది.*
*మనిషి గాఢమైన ఆర్తితో ప్రార్థిస్తే, భగవంతుడు వాత్సల్యంతో అవసరమైన సాయాన్ని దూతల రూపంలో పంపుతాడు. గురువును దేవదూతగా చెబుతూ ఉంటారు. ఇంతవరకూ పరిష్కరించ లేకపోయినవి. అసలు పరిష్కారమే లేనివి విశ్వంలోని అనేక రహస్యాలతో మానవుడికి మతిపోతూ ఉంటుంది. కొద్దిగా కూడా అర్ధంచేసుకోలేక తికమక పడుతుంటాడు. అటువంటి వారికి మార్గదర్శకంగా, భగవంతుడిచ్చిన అధికారంతో దివ్యదూతలు దిగివస్తారు. వారే గురువులు. వారే కనుక లేకపోతే నేలపై మనుషులకు ఈ అయోమయమైన జీవితాన్ని గడపడం గడ్డు సమస్యగానే మిగిలిపోయేది...*
*చీకట్లు పోకార్టు దీపం*
*శాశ్వతుడూ సర్వోపగతుడూ అయిన పరమాత్మకు ఏ రూపమూ లేదు. పోనీ అని, సృష్టికర్తగా తన పిల్లలైన ప్రజల మధ్య ఉండడానికి అతను తనకంటూ ఒక రూపాన్ని ఏర్పరుచుకోలేదు కూడాను. దానికి బదులుగా అతను, అర్హత ఉన్న సాధకేంద్రుల్లో దివ్యత్వంగా అవతరించాడు. ఆ విధంగా తనను తాను తెలియబరుచుకొంటూ. ఉంటాడు. వాటినే ఖండావతారాలనీ పూర్ణావతారాలనీ చెప్పుకొంటూ ఉంటాం.*
*పరిమితమైన ప్రదేశానికీ, ప్రజానీకానికీ మాత్రమే తెలిసిన దూతను ఖందావతారమని అంటారు. విశ్వవ్యాప్తంగా విశ్వజనీనమైన సందేశాన్ని అందించడానికి వచ్చిన దూత పూర్ణావతారమవుతుంది. సంఘంలోనూ మనిషి మనిషి లోనూ యోగమనే ధర్మం సన్నగిల్లినప్పుడు, అయోగమనే అధర్మం పెచ్చుమీరినప్పుడల్లా భగవంతుడు. అవతరిస్తాడు. అంటే కిందికి దిగి వస్తాడు. అంతటా ప్రతి వ్యక్తిలోనూ యోగధర్మాన్ని గురుదూతల ద్వారా భగవంతుడు తిరిగి స్థాపింపజేస్తూ ఉంటాడు. భగవద్గీతలో కృష్ణుడు అదే చెప్పుకున్నాడు.*
*దారిని చూపించేవాడు గురువు. కనువిప్పునిచ్చే సందేశాన్ని వినిపించే వాడు గురువు తన జీవితాన్నే ఒక నమూనాగా ప్రదర్శించేవాడు గురువు. భగవత్ ప్రేమ అనే సూర్యుడు గురువుగా కిందికి దిగివస్తాడు. మాయ, అవిద్య అనే దట్టమైన పొగమంచు తెరలు కల్పించిన చీకట్లను తొలగిస్తాడు. మనుషులకు భగవంతుడి సామ్రాజ్యానికి దారి తోచేలా చేస్తాడు.*
*తన ప్రజ గుడ్డిదై పోకూడదనే భగవంతుడి ఉద్దేశ్యం. మాయ చేసిన తికమక దారుల్లోంచి బయటపడే దిక్కుతోచకుండా ఉన్నప్పుడు గురుప్రవక్తల రూపంలో మాటిమాటికీ వస్తాడు. చిమ్మచీకట్ల వరదల్లో మునిగిపోయిన దోవల్ని గురువుగా విజ్ఞానమనే వెలుగులతో నింపుతూ ఉంటాడు.*
*ఇది దైవప్రయత్నం*
*భక్తులను తన దగ్గరికి తెచ్చుకోడానికి భగవంతుడు ఎప్పుడూ ప్రయత్నిస్తూనే ఉంటాడు. ఒక మహానుభావుడి పారదర్శకమైన ఆగమశక్తినీ, అతని చైతన్యాన్నీ, ప్రవచించగలిగే సామర్థ్యాన్నీ ఉపయోగించి, మానవుల భౌతికమైన వంపుల్నీ వాలుల్నీ పోగొట్టడానికి ప్రయత్నిస్తాడు. ఇంతటి గురుతరమైన పని చేసే ఆ మహాత్ముడు సామాన్యమైన బడిపంతులు మాత్రం కాదు. పచ్చి పండితుడు కూడా కాడు; అతను దివ్యమైన సందేశాన్ని అందించే దూత. భగవంతుడి కార్యాన్ని సాధించే వైతాళికుడు. అజ్ఞానమనే గాఢనిద్ర నుంచి లేపడానికి మేలుకొలుపులు పాడే దివ్యావేశపరుడైన కవి గాయకుడు. ఆ గురువు తర్కవిజ్ఞానాల ద్వారానో సాధనోపదేశాల ద్వారానో ఒక జన్మలోనో లేక, కొన్ని జన్మల్లోనో ఆ సాధకుణ్ణి పరమాత్మ కొలువుకి చేరుస్తాడు.*
*సృష్టిలోని వస్తువులన్నిటికీ మూలమూ మొదలూ అయినది సర్వజ్ఞమైన విశ్వస్పందన, దానికి రెండు ధర్మాలు ఒకటి విశ్వకాంతి: అంటే సృజనాత్మకమైన శక్తి ఉన్న అగ్ని, రెండోది విశ్వధ్వని అయిన ఓంకారం. ఈ రెండు ధర్మాలూ మనిషి చైతన్యాన్ని పైకి లేవదీసి, విశ్వచైతన్యంతో కలపగలిగే పటుత్వమున్న శాశ్వతమైన దూతలు.*
*వెలుపలి రూపమైన యజ్ఞాగ్ని అన్ని భూతాల్లోనూ ఉంటుంది. అణువణువునా ఉన్న ప్రాణతేజస్సూ, మనిషి కనుబొమల మధ్య ఉన్న సూర్యనేత్రకాంతి, లోపలున్న సూక్ష్మాగ్ని - ఇవే సర్వజ్ఞత దిశగా మనిషిని నడిపించే గురురూపాలైన ఉపాయాలు. యోగమంటే అంశాత్మను పరమాత్మతో కలిపే ఉపాయమని ఒక గూఢమైన అర్థముంది. అంచేత గురువే ఏకైక యోగోపాయం. యోగానికి పనికి వచ్చే ఒక్కగానొక్క ఉపాయం. ఉపాయమంటే దగ్గరగా చేరనిచ్చేదని అర్థం. ఆ విధంగా మనల్ని పరమాత్మ దరికి చేరనిచ్చే పరమోపాయం గురువు.*
*గురువును గుర్తించు*
*యుగం తాలూకు అవసరాన్ని బట్టి అవతార గురువులు వచ్చి వెళ్లిపోతుంటారు. వారే కాకుండా సృష్టిలో ఎప్పటికీ పరోక్షంగాను ప్రత్యక్షంగానూ కూడా మనల్ని ఎప్పుడూ ఉద్దరిస్తూ ఉండే అగ్నివంటి దూతలు ఉండనే ఉన్నారు. వీళ్ల విషయంలో పైన చెప్పిన మోసానికీ దగాకు తావే ఉండదు...*
*గురువుల్ని గుర్తించడానికి విచక్షణా జాగర్తా కావాలి. చాలామంది ఆత్మానుభూతి లేనివాళ్ళు జీవిక కోసం, సులువుగా డబ్బు సంపాయించడం కోసం అబద్ద బోధకులుగా తయారవుతారు. కీర్తినీ శిష్యుల్నీ పోగుచేసుకుంటారు. పరపతిని పొందేందుకు మతాన్నీ ఆధ్యాత్మికతనీ మాటుగా పెట్టుకుంటారు. మనుషుల మోహావేశాన్ని ఆసరాగా తీసుకొని మోసం చేస్తుంటారు. వాళ్ళు మాటల పాండిత్యాన్ని ఒలకబోస్తూ పవిత్రత్వాన్ని ప్రదర్శిస్తూంటారు. అనర్గళంగా శాస్త్రాల్లోని వాక్యాలను గుప్పిస్తూ అమాయికులైన మూఢ ప్రజల్ని వశం చేసుకో చూస్తుంటారు. అందుకనే గురువును వరించడంలో మనం బాగా అప్రమత్తంగా ఉండాలి.*
*గుడ్డి వాడికి గుడ్డివాడు మార్గదర్శి అయితే, ఇద్దరూ కలిసి కూడగట్టుకొని గుంటలో పడిపోతారు. అలాగే ఒక అజ్ఞాని మరో అజ్ఞానిని గురువుగా చేసుకొని మోసపోతూ ఉండటం జరుగుతుంది.*
*లోకులు అంధబుద్ధులు గనక, కోరికల చిక్కటి బంధాల్లో పడి, తమ గుండెల్లోనే ఎప్పుడూ నెలకొని ఉన్న పరమాత్మను తెలుసుకోలేరు. పరమాత్మేమో మనలో సూర్యదృష్టి రూపంలో రకరకాల దృష్టుల్ని సమీక్షిస్తూ జిజ్ఞాసువులైన మనల్ని అంతర్గురువు రూపంలో ఉంటాడు. అంచేత ఆ లోపలి కంటిని తెరిపించి మన జిజ్ఞాన పిపాసను తీర్చగలిగే ఈశ్వర రూపుడైన గురువును ఎన్నుకోవటంలో తాత్సారం చేయకూడదు. ఆ ఆలస్యం చేస్తే, బహు మూల్యమే చెల్లించ వలసివస్తుంది. మళ్ళీ ఎన్నటికో గాని ఆ అవకాశం లభించదు.*
*┈┅━❀꧁గురుభ్యోనమః꧂❀━┅┈*
*ఆధ్యాత్మిక అన్వేషకులు*
🍁📚🍁 🙏🕉️🙏 🍁📚🍁 #గురుపౌర్ణమి
14 shares
