Odia Trend Buzz
1K views • 11 hours ago
ମାୟାନଗରୀ ମୁମ୍ବାଇର କଥା ଆସିଲେ ବଡ଼ ବଡ଼ କୋଠା,ମେଟ୍ରୋ ଟ୍ରେନ୍,ବଲିଉଡ୍ ଏବଂ ବିଳାସପୂର୍ଣ୍ଣ ଜୀବନଶୈଳୀର ଏକ ନକ୍ସା ଆମ ମନକୁ ଆଗ ଆସେ । କିନ୍ତୁ ବର୍ତ୍ତମାନ ମୁମ୍ବାଇର ଅବସ୍ଥା ଦେଖିଲେ ଆପଣ ବି କହିବେ ପ୍ରକୃତିର ଲୀଳା ସତରେ ବଡ଼ ବିଚିତ୍ର । ଭାରତର ଅନେକ ସ୍ଥାନରେ ବର୍ଷାଦିନେ ଜଳବନ୍ଦୀ ସମସ୍ୟା ଦେଖିବାକୁ ମିଳେ । ଠିକ୍ ସେମିତି ମୁମ୍ବାଇରେ ମଧ୍ୟ ବର୍ଷା ଦିନରେ ରାସ୍ତାଘାଟ ସମୁଦ୍ର ପାଲଟିଯାଏ ଆଉ ରେଳ ଲାଇନ୍ ବୁଡ଼ିଯାଏ । କିନ୍ତୁ ଚଳିତ ବର୍ଷ ବର୍ଷା ପରେ ମୁମ୍ବାଇରୁ ଏଭଳି ଏକ ଦୃଶ୍ୟ ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଦେଇଛି । ଯେଉଁ ରେଳ ଟ୍ରାକରେ ପ୍ରତିଦିନ ଲକ୍ଷ ଲକ୍ଷ ଯାତ୍ରୀଙ୍କୁ ନେଇ ଲୋକାଲ୍ ଟ୍ରେନ୍ ଦ୍ରୁତ ଗତିରେ ଦୌଡ଼େ ଆଜି ସେହି ଟ୍ରାକରେ ଧାଡ଼ି ଧାଡ଼ି ଶେଉଳ ମାଛ ପହଁରୁଥିବାର ଦେଖିବାକୁ ମିଳିଛି ! ବିଶ୍ୱାସ ହେଉନଥିଲେ ବି ଏହା ସମ୍ପୂର୍ଣ୍ଣ ସତ।ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ୍ ହେଉଛି ଯେଉଁଥିରେ ରେଳ ଧାରଣା ସମ୍ପୂର୍ଣ୍ଣ ଭାବେ ବର୍ଷା ପାଣିରେ ବୁଡ଼ି ରହିଥିବାର ଦେଖିବାକୁ ମିଳୁଛି ଏବଂ ସେହି ଆଣ୍ଠୁଏ ପାଣି ଭିତରେ କିଛି ଶେଉଳ ମାଛ ଆରାମରେ ପହଁରି ବୁଲୁଥିବାର ମଧ୍ୟ ଦେଖାଯାଉଛି । ବନ୍ୟା ବା ପ୍ରବଳ ବର୍ଷା ଯୋଗୁଁ ଆବାସିକ ଅଞ୍ଚଳକୁ ମାଛ ଚାଲିଆସିବା ନୂଆ କଥା ନୁହେଁ କିନ୍ତୁ ରେଳ ଲାଇନକୁ ଏଭଳି ଭାବେ ମାଛମାନେ ନିଜର ଆସ୍ଥାନ କରିନେବା ସତରେ ଏକ ବିରଳ ଦୃଶ୍ୟ । ତେବେ ଏହା ପଛର କାରଣ କଣ? କୁହାଯାଉଛି ଯେ, ଲଗାତାର ହେଉଥିବା ପ୍ରବଳ ବର୍ଷା ଯୋଗୁଁ ମୁମ୍ବାଇର ଆଖପାଖ ଜଳାଶୟ, ନାଳ ଓ ପୋଖରୀଗୁଡ଼ିକର ଜଳସ୍ତର ବୃଦ୍ଧି ପାଇଛି । ବନ୍ୟା ପାଣି ସ୍ରୋତରେ ମାଛଗୁଡ଼ିକ ଭାସି ଆସି ରେଳ ଟ୍ରାକରେ ପହଞ୍ଚି ଯାଇଛନ୍ତି । ତେବେ ଏହି ଭିଡିଓ ସାମ୍ନାକୁ ଆସିବା ପରେ ସୋସିଆଲ୍ ମିଡିଆ ୟୁଜର୍ସଙ୍କ ମଧ୍ୟରେ ଦୁଇ ପ୍ରକାରର ପ୍ରତିକ୍ରିୟା ଦେଖିବାକୁ ମିଳିଛି । କିଛି ଲୋକ ଏହାକୁ ପ୍ରକୃତିର ଚମତ୍କାର କହି ମଜାଦାର କମେଣ୍ଟ କରୁଛନ୍ତି ତ କେହି କେହି ଲେଖୁଛନ୍ତି, "ଏବେ ମୁମ୍ବାଇ ଟ୍ରେନରେ ଯାତ୍ରା ପାଇଁ ଟିକେଟ୍ ନୁହେଁ ବରଂ ଜାଲର ଆବଶ୍ୟକତା ରହିଛି । #🚆ଟ୍ରେନ ଟ୍ରାକରେ ଖେଳିଲେ ଶେଉଳ ମାଛ🐟
52 likes
16 shares
