सावध रहा सतर्क रहा 👍

कुडाळ बसस्थानकात धाडसी चोरी; महिलेचे सात तोळ्यांचे दागिने लंपास कुडाळ बसस्थानकात एसटी बसमध्ये चढताना गर्दीचा फायदा घेऊन अज्ञात चोरट्याने एका महिला प्रवाशाच्या पर्समधील सुमारे ७ तोळे सोन्याचे दागिने असलेले पाऊच लंपास केले. ही घटना बुधवारी दुपारी २.४५ वाजताच्या सुमारास घडली. याप्रकरणी सौ. सुप्रिया सचिन पेंडूरकर (३९, सध्या रा. अंधेरी-मुंबई, मूळ रा. चौके-मालवण) यांनी कुडाळ पोलीस ठाण्यात तक्रार दिली असून, सुमारे २ लाख ५५ हजार रुपये किमतीचा ऐवज चोरीला गेल्याचे स्पष्ट झाले आहे. मिळालेल्या माहितीनुसार, पेंडूरकर दांपत्य आपल्या गावी धार्मिक कार्यक्रमासाठी मुंबईहून तेजस एक्सप्रेसने कुडाळला आले होते. रेल्वे स्थानकावर उतरल्यावर त्यांनी दागिन्यांची खातरजमा केली होती आणि त्यानंतर ते रिक्षाने बसस्थानकात पोहोचले. दुपारी पावणे तीनच्या सुमारास कुडाळ-पेंडूर कट्टा मार्गे मालवणला जाणारी बस फलाटावर लागली असता, प्रवाशांच्या प्रचंड गर्दीत बसमध्ये चढताना चोरट्याने त्यांच्या पर्सची चैन उघडून दागिन्यांचे पाऊच हातोहात लंपास केले. बसमध्ये बसल्यानंतर सौ. सुप्रिया यांना आपल्या पर्सची चैन अर्धवट उघडी असल्याचे आढळले. त्यांनी तपासणी केली असता, त्यातील मंगळसूत्र, लक्ष्मीहार, सोन्याच्या बांगड्या, अंगठी आणि कानातले बट्टू असलेले पाऊच गायब असल्याचे लक्षात आले. बसमध्ये शोध घेऊनही काहीच न सापडल्याने त्यांनी तातडीने पोलीस ठाणे गाठले. कुडाळ पोलिसांनी याप्रकरणी अज्ञात चोरट्याविरुद्ध गुन्हा दाखल केला असून, पोलीस उपनिरीक्षक सखाराम भोई या घटनेचा पुढील तपास करत आहेत. #kudal #sindhudurg #police #crime #breakingnews #🌴 कोंकण कुडाळ आणि सिंधुदुर्ग 🥭🥭 #आमच कोंकण 🌴 #माझं कोंकण #सावध रहा सतर्क रहा 👍 #सावध रहा सुरक्षित रहा ❌

12 साल विश्वास के, विकास के, जनकल्याण के #12 साल विश्वास के, विकास के, जनकल्याण के