#😱30 કરોડનું હેરોઈન ઝડપાયું, અમદાવાદ એરપોર્ટ પરથી 6 કિલોથી વધુ હેરોઇનના જથ્થા સાથે કસ્ટમ્સ વિભાગે એક વ્યક્તિને ઝડપી પાડ્યો છે. તેની પ્રાથમિક પૂછપરછમાં તે ચેન્નાઈનો રહીશ હોવાનું ખુલ્યું છે. તેને કુઆલાલંપુરથી આ જથ્થો અહીંયા લાવવા બદલ 30 હજાર રૂપિયા આપવામાં આવ્યા હોવાની કબૂલાત કરી છે. તે એરપોર્ટ પર ઉતરતાં જ કેરિયર આ જથ્થો લેવા આવ્યો હતો. પરંતુ પેસેન્જર પકડાઈ ગયો હોવાથી ફોન ઉપાડી શક્યો ન હતો. તે મોબાઈલના આધારે કસ્ટમ્સ વિભાગે તપાસ હાથ ધરી છે.ભારતીય બજાર પ્રમાણે એક કિલો હેરોઇનની કિંમત 2 કરોડ રૂપિયા છે, પરંતુ ઇન્ટરનેશનલ માર્કેટમાં એક કિલો હેરોઇનની કિંમત 5 કરોડની આંકી શકાય છે. એટલે ઇન્ટરનેશનલ માર્કેટ કિંમત પ્રમાણે જોવા જઇએ તો અંદાજે 30 કરોડથી વધુ કિંમતનો હેરોઇનનો જથ્થો ઝડપી પાડવામાં કસ્ટમ્સ વિભાગને સફળતા મળી છે.પેસેન્જર પ્રોફાઇલિંગના આધારે અમદાવાદ કસ્ટમ્સના એર ઇન્ટેલિજન્સ યુનિટ (AIU)ના અધિકારીઓએ ગઈકાલે 9 ફેબ્રુઆરી 2026ના રોજ SVPI એરપોર્ટ ખાતે એર એશિયા ફ્લાઈટ નંબર AK-91 દ્વારા કુઆલાલંપુરથી આવતા કુતુબ સિહાબુદીન અબ્બાસ અલીને અટકાવ્યો હતો. તેના સામાનની ચકાસણી કરતા પ્રતિબંધિત માદક દ્રવ્ય ધરાવતા કુલ 29 પેકેટ જપ્ત કરવામાં આવ્યા હતા. આ માદક દ્રવ્યને કુદરતી સાબુ અને હર્બલ સાબુ બારના રૂપમાં કુશળતાપૂર્વક છૂપાવવામાં આવ્યો હતો. મૂળ સાબુ પેકેજિંગ બોક્સમાં પેક કરવામાં આવ્યા હતા. જોકે, સાબુના કોઈ વાસ્તવિક ઘટકો મળ્યા ન હતા. સાથે ત્રણ સફેદ પરબીડિયા પણ મળી આવ્યા હતા. એક્સ-રે સ્ક્રીનિંગ દરમિયાન શોધ ટાળવા માટે પ્રતિબંધિત વસ્તુને ચાંદીના વરખ અને કાર્બન પેપરમાં લપેટવામાં આવી હતી. જપ્ત કરાયેલા પદાર્થના પ્રારંભિક પરીક્ષણમાં હેરોઇનની હાજરી દર્શાવવામાં આવી હતી.અમદાવાદ હેરોઇન પહોંચાડવાના 30 હજાર મળ્યા હતા કુલ મળીને 26 સાબુના બોક્સ અને 3 સફેદ પરબીડિયામાં છુપાવેલું 6.8 કિલો શંકાસ્પદ હેરોઇન NDPS એક્ટ, 1985ની જોગવાઈઓ હેઠળ જપ્ત કરવામાં આવ્યું હતું. પેસેન્જરની ધરપકડ કરવામાં આવી છે. આ પેસેન્જર ચેન્નાઈનો હતો. કસ્ટમ્સ વિભાગના અધિકારીઓએ પૂછપરછ કરી હતી. તેણે કસ્ટમ્સ અધિકારી સમક્ષ આપેલા નિવેદનમાં જણાવ્યું હતું કે, તેને ચેન્નાઇના જ એક વ્યક્તિએ આ વસ્તુઓ આપી હતી. તે તેને એરપોર્ટ પર આપી દેવાના હતા. તેને 30 હજાર રૂપિયા આપ્યા હતા. જો કે આ માલનો કબ્જો મેળવવા એરપોર્ટ બહાર વ્યક્તિ આવ્યો હશે, પરંતુ પેસેન્જર પકડાઇ ગયો હોવાથી તેણે ફોન ઉપાડ્યો નહીં હોવાથી કેરિયર હાથ લાગી શક્યો નથી. પરંતુ પેસેન્જર પાસેથી મળેલાં મોબાઇલ ફોનના આધારે તપાસ કરવામાં આવશે. #આજના સમાચાર #🔥 બિગ અપડેટ્સ #🗞️ ગુજરાત અપડેટ્સ #📽 લેટેસ્ટ અપડેટ વીડિયો

AD #bjpindia