ཽ false...
637 views • 9 days ago
ലേഖനം.
വായന- എന്ത്, എന്തുകൊണ്ട്.
വായന ഒരു മാസ്മരിക ലഹരിയാണ്, അക്ഷരങ്ങൾ മനസ്സ് തുറക്കുന്ന മനസ്സുകൾക്ക്. വായിക്കാത്തവർ എഴുത്തുകാരുമാവില്ല, അറിഞ്ഞ് ഇറങ്ങുന്ന വെള്ളത്തിലെ സുഖമേ നമ്മൾ അറിയൂ അല്ലെങ്കിൽ ഭയമായിരിക്കും. വായന ഉടലെടുക്കാൻ മനസ്സിനൊരു താളം വേണം, അറിയാത്തതിനെ അറിയാനും ഉൾക്കൊള്ളാനുമുള്ള താളം.
എഴുത്ത് ഓരോരുത്തരുടെയും അവകാശമാണ്,പക്ഷേ അത് പ്രദർശിപ്പിക്കപ്പെടുമ്പോൾ അത് എന്താണെന്ന് അറിയാൻ വായനക്കാരനും കൗതുകമുണ്ടാവും; അങ്ങിനെ ഉണ്ടാകുന്ന കൗതുകമാണ് എഴുത്തെന്ന മായിക ലോകത്തേക്കുള്ള വാതിൽ! അത് തുറക്കേണമോ വേണ്ടയോ എന്നത് നമ്മുടെ ചിന്തയുടെ ആഴം പോലെയിരിക്കും. വായിക്കാത്തവർ എഴുതിയാലും വായനക്കാർ ഉണ്ടാവില്ല, കാരണം അത് എഴുതാവില്ല; വാക്കുകളുടെ നിരത്തി വെക്കൽ മാത്രമായി പോകും.
ശബ്ദം പോലെത്തന്നെ തിരിച്ചറിയാൻ കഴിയണം പദങ്ങളും, അറിയാത്തവയെ അറിവാക്കി മാറ്റലാണ് വായന. അതിന് ഉപകരിക്കാൻ വേണ്ടിയാണ് ഭാഷയിൽ പല തരത്തിലുള്ള വ്യാകരണ ഗ്രന്ഥങ്ങളും നിഘണ്ടുവുമൊക്കെ ഉള്ളത്. വായന കൂടുന്തോറും നമ്മുടെ പദ സമ്പത്തും കൂടും, അവിടെയാണ് എഴുത്തുകാരൻ മറ്റുള്ളവരിൽ നിന്നും വ്യത്യസ്തനാകുന്നത്. എഴുത്തിന്റെ തലങ്ങൾ പോലെ വായനക്കും തലങ്ങളുണ്ട്. അത് നമ്മൾ അറിയുന്നത് മറ്റൊരാളിൽ നിന്നുമല്ല, മറിച്ച് നമ്മുടെ വായനയിൽ കിട്ടുന്ന ആത്മസംതൃപ്തിയിൽ നിന്നുമാണ്.
ഇന്ന് വായനയുടെ ഒരു യുഗം അവസാനിച്ച് മറ്റൊരു യുഗത്തിലാണ് സഞ്ചാരം. അതിന് രണ്ട് കാര്യങ്ങളാണ് ഉള്ളത്. ഒന്ന്, വിരൽ തുമ്പിൽ തള്ളി നീക്കുന്ന സമയം വായനക്ക് വേണ്ടിയല്ലെന്ന സത്യം, മറ്റൊന്ന് നമ്മളാണ് വലുത് എന്ന ചിന്ത കൊണ്ടുണ്ടായ അപകർഷതാ ബോധം- നമ്മൾ വായിച്ച് അഭിപ്രായം പറയണമെങ്കിൽ അവർ നമ്മളെ ആദ്യം വായിച്ച് അറിയിക്കണമെന്ന എഴുത്തുകാർക്കില്ലാത്ത ധാർഷ്ട്യമോ എഴുത്തുകാർ അല്ലാത്തതിന്റെ അപചയമോ!
ഡിജിറ്റൽ വായന വന്നതോടു കൂടി വായനയുടെ ആത്മാവ് മരിച്ചു, കാരണം ഒന്നിലും ശ്രദ്ധിക്കാൻ അവസരം തരാതെയുള്ള അനവസരത്തിലെ അറിയിപ്പുകൾ! വായനയിലേക്ക് കടക്കുമ്പോൾ വരുന്ന മറ്റൊരു അറിയിപ്പ് മനസ്സിനെ ചൂണ്ടയിലെന്ന പോലെ കോർത്തെടുത്തു അടർത്തി മാറ്റും. പഴയ പോലത്തെ നൂറും ഇരുന്നൂറും വരികളുള്ള ഒരു കവിത വായിച്ചവരെ ഇന്ന് കാണാൻ കഴിയുമെന്ന് തോന്നുന്നില്ല, അതിനുള്ള ആത്മസംയമനം ഇല്ല ഇന്നത്തെ വായനയിൽ.
വായന മറ്റുള്ളവരെ ബോധിപ്പിക്കാൻ ആവരുത്, അവനവന്റെ അടിത്തറ ബലപ്പെടുത്താൻ ഉള്ളത് ആവണം, അത് പോലെ കൊടുത്താൽ മാത്രമേ കിട്ടുകയുള്ളൂ എന്ന വർത്തമാന സത്യം മറക്കുകയും ചെയ്യരുത്. വായനക്കാരെ ബഹുമാനിക്കാത്ത എഴുത്തുകാരെ ഒരിക്കലും അംഗീകരിക്കാനും കഴിയില്ല. അഭിപ്രായങ്ങൾക്ക് അതാത് നിലവാരത്തിലുള്ള മറുപടി നൽകാൻ പോലും കഴിയാത്തവർ എഴുതാതിരിക്കുന്നതാണ് നല്ലത്. അക്ഷരങ്ങൾ കൊണ്ട് അഭിപ്രായം അറിയാത്തവൻ വായിച്ചിട്ടില്ല എന്നതിന്റെ തെളിവാണ്. വായന അവനവനുള്ള വളമാണ്, മറ്റൊന്നിനും തട്ടിയെടുക്കാൻ കഴിയാത്ത സമ്പാദ്യം.
false.
#🖋 എൻ്റെ കവിതകൾ🧾 #🙋♀️ എൻ്റെ സ്റ്റാറ്റസുകൾ #വായനാദിനം #വായനദിനാശംസകൾ #വായന-എന്ത്, എന്തുകൊണ്ട്
17 likes
7 shares
