💙 भिमजयंती 130 💙

. #Government_of_UP

*शिक्षणाच्या उच्च टोकावर पोहचल्यानेच समाजाचा दर्जा उंचावेल* *८ ऑगस्ट १९३० साली, नागपूर येथे अखिल भारतीय दलित कॉग्रेसचे आयोजन करण्यात आले होते. तत्कालिन भारतातील राजकीय चळवळीप्रती दलित वर्गाचे धोरण ठरविणे हा या परिषदेचा उद्देश होता. याप्रसंगी डॉ. बाबासाहेब आंबेडकरांनी केलेले प्रदीर्घ भाषण म्हणजे दलितांच्या राजकीय हक्कांचा जाहीरनामाच होय.* *परिवर्तनाकरिता "राजकीय सत्ता प्राप्त केलीच पाहिजे," हे या भाषणातून बाबासाहेबांनी पटवून दिले. प्रस्तुत उतारा हा या भाषणातील शेवटचा समारोपाचा उतारा होय. राजकीय सत्ता साध्य नसून साधन होय हे सांगून अस्पृश्यांची मुक्ती सामाजिक उन्नतीमध्ये आहे हे त्यांनी स्पष्ट केले. ही उन्नती उच्च व उच्चतम शिक्षणाच्या माध्यमाने प्राप्त होईल हे त्यांनी या उताऱ्यात कथन केले आहे. संपादक.* *डॉ. बाबासाहेब आंबेडकरांचे भाषण* *सद्‌गृहस्थांनो, आपण राजकीय सत्ता हस्तगत केली पाहिजे, याबद्दल वाजवीपेक्षा बराच वेळपर्यंत बोलून मी तुम्हाला आग्रहपूर्वक सांगितले. परंतु दलित वर्गाच्या सर्व रोगांवर राजकीय सत्ता हे औषध लागू होऊ शकत नाही, हेही मी तुम्हास सांगितलेच पाहिजे.* *त्यांची मुक्ती सामाजिक उन्नतीमध्ये आहे. दलित वर्गाने आपल्या वाईट चालीरीतीचा त्याग केला पाहिजे. त्यांच्या जीवन निर्वाहाचे जे वाईट मार्ग आहेत ते त्यांनी सोडले पाहिजेत. जीवन जगण्याच्या पद्धतीत बदल केल्यामुळे तुमची राहणी इतकी उत्कृष्ट झाली पाहिजे की इतरांना तुमच्याबद्दल आदर-तुमची मैत्री हवी हवीशी वाटली पाहिजे. तुम्ही सुशिक्षित झाले पाहिजे. केवळ* *लिहिण्यावाचण्याचे ज्ञान पुरेसे ठरणार नाही; तर आपणापैकी काही शिक्षणांच्या उच्च टोकापर्यंत पोहोचले पाहिजेत. म्हणजे त्यांच्याबरोबर वाटचाल करून संपूर्ण समाजाचा दर्जा उंचावेल, 'ठेविले अनंते तैसेचि राहावे' या उदासीन वृत्तीचा त्याग करण्यास लोकांना प्रवृत्त केले पाहिजे. कारण आहे त्या स्थितीत समाधानी न होण्याच्या वृत्तीतूनच समाजाची उन्नती होत असते आणि शेवटची परंतु कमी महत्त्वाची नसलेली बाब म्हणजे दलित वर्गात स्फूतर्ती व उत्साह निर्माण केला पाहिजे. म्हणजे त्यांच्या मनातील भीती नष्ट होऊन इतरांच्या बरोबरीने आपल्या मानवी हक्काच्या वहिवाटीस ते सुरुवात करतील.* *आपल्या हातात केवळ राजकीय सत्ता येण्याने हे परिणाम घडून येणार नाहीत, उद्दिष्ट साध्य करण्याचे ते फक्त एक साधन आहे, हे आपण ओळखले पाहिजे. मी धोक्याची सूचना देण्याचे कारण म्हणजे केवळ दलित वर्गातील काही लोकांना विधानसभेत प्रतिनिधित्व मिळाल्याने दलित वर्गाच्या यातना नष्ट होतील,* *असा काही लोकांचा गैरसमज झालेला आहे. हे सर्व कार्य सामाजिक उन्नतीचे आहे. कै. गोखल्यांच्या* *'सव्र्वांटस् ऑफ इंडिया' किंवा कै. लाला लजपतराय यांच्या 'सव्र्व्हटस् ऑफ पिपल' या संस्थेच्या धर्तीवर दलित वर्गाची एक संस्था स्थापून तिच्यावर ही जबाबदारी सोपविली पाहिजे.* *समारोप* *सद्‌गृहस्थांनो, वाजवीपेक्षा जास्त लांब भाषणाने मी तुम्हास त्रस्त केले, याबद्दल मला खेद वाटतो. परंतु संक्षिप्तता नेहमीच अपेक्षित असली तरी राजकारणाबद्दल परिचित नसलेले लोक जेथे प्रथमच एकत्र झालेले आहेत, अशासारख्या आजच्या सभेत आपल्या प्रश्नांच्या सर्व बाजूंचा विचार करणे मला योग्य वाटले. तुम्हाला शक्य तितके अधिक मार्गदर्शन करावे, असा माझा हेतू होता. त्यामुळे लांब भाषणाबद्दल क्षमेला मी पात्र आहे, असे वाटते. ही आपली सभा शेवटची ठरणार नाही, तर आपल्या भव्य चळवळीची ती केवळ सुरुवात ठरावी आणि तिच्याद्वारा आपल्या लोकांना मुक्ती मिळून या देशात प्रत्येक व्यक्ती हे एक मूल्य-राजकीय, सामाजिक व आर्थिक मूल्य-मानण्यात येईल, अशी समाजरचना निर्माण करण्यास ती कारणीभूत ठरेल, अशी मी आशा व्यक्त करतो.* *आपण मला जो बहुमान दिला आणि माझे भाषण ऐकून घेतले याबद्दल मी आपणा सर्वांचा आभारी आहे...* *कार्यसंपादक* *मुक्तीदाता विशेषांक* *संदर्भ डॉ. बाबासाहेब आंबेडकरांची भाषणे, खंड २ संपादक मा. फ. गांजरे,* #🙏 प्रेरणादायक बॅनर #💙 भीमसैनिक 💙 #bhimsenik #🙂Positive Thought #💪बुद्धांची तत्वे📜

#भीम जयंती लवकराच #☝️भीमजयंती स्टेटस 💙 #🙏 डॉ. बाबासाहेब आंबेडकर #🙏महामानव डॉ. आंबेडकर #☸️जय भीम

*डॉ. बाबासाहेब आंबेडकरांचा शैक्षणिक प्रवास* *डॉ. बाबासाहेब आंबेडकरांच्या नावापुढे ओनक पदव्या लावलेल्या असतात. एम. ए., पीएच, डी., डी. एससी., एलएल. डी., डी. लिट. बार अॅट लॉ या पदव्या त्यांच्या नावापुढे असतात. अस्पृश्यता आणि जातीभेद तीव्र असलेल्या काळात डॉ. बाबासाहेबांनी या पदव्या मिळविण्यास अपार कष्ट वेचले व अनेक हालअपेष्टा सहन केल्या. डॉ. बाबासाहेब हे मुळात अर्थशास्त्राचे विद्यार्थी होते. त्यांच्या महत्त्वाच्या पदव्या त्यांना अर्थशास्त्रातील शोध प्रबंधांकरिता बहाल करण्यात आल्या.* *शालेय शिक्षणाचा आरंभ प्राथमिक शिक्षण कॅम्प स्कूल सातारा, १८९६ ते १९०० उपलब्ध माहितीनुसार डॉ. बाबासाहेब आंबेडकर यांना वयाच्या ५ व्या वर्षी अक्षर ओळख झाली. त्यांचे वडील बंधू आनंदराव दापोलीच्या मराठी शाळेत शिकत होते. त्यांच्यासोबत बालक भीमराव शाळेत जात असत. वडील आणि भावाच्या मदतीने त्यांना अक्षरओळख झाली. परंतू त्यांचे नाव या शाळेत दाखल करण्यात आले नव्हते. त्यांचे वडील जेव्हा दापोलीहून सातारा येथे आले. तेव्हा १८९६ च्या नोव्हेंबर महिण्यात "कॅम्प स्कूल सातारा' या शाळेत त्यांचे नाव दाखल करण्यात आले. १८९६ ते १९०० पर्यंत त्यांनी 'कॅम्प स्कूल सातारा' या शाळेत मराठी शिक्षण घेतले. काही मान्यवर ७ नाव्हेंबर १९०० हा त्यांचा शाळा प्रवेश दिवस म्हणून सांगतात. तो इंग्रजी शाळा प्रवेशाचा दिवस होय.* *माध्यमिक शिक्षण* *सातारा हायस्कूल १९०० - १९०४* *७ नोव्हेंबर १९०० रोजी सातारा हायस्कूल येथे इंग्रजी पहिल्या वर्गात त्यांचे नाव नोंदविण्यात आले. सातारा हायस्कूलमध्ये त्यांच्या शाळा प्रवेशाच्या नोंदी आहेत.* *सातारा हायस्कूलमधून प्राप्त नोंदी* *विद्यार्थ्यांचे नाव भिवा रावजी आंबेडकर* जन्म तारीख १४/४/१८९१ प्रवेश तारीख ७/११/१९०० कोणत्या वर्गात प्रवेश १ ला वर्ग (इंग्रजी) शाळा सोडण्याची तारीख नोव्हेंबर १९०४ (इंग्रजी ४ था वर्ग पास)* *एल्फिन्स्टन हायस्कूल एल्फिन्स्टन हायस्कूल, मुंबई १९०५-१९०७* *डिसेंबर १९०४ साली रामजी आंबेडकर सातारा सोडून मुंबईला आले.* *डॉ. बाबासाहेब आंबेडकरांना आधी मराठा हायस्कूलमध्ये दाखल करण्यात आले पण त्यानंतर मात्र ती शाळा बदलून त्यांच्या वडिलांनी त्यांना ३-१-१९०५ रोजी एल्फिन्स्टन हायस्कूलमध्ये दाखल केले. १९०७ साली बाबासाहेबांनी याच हायस्कूल मधून मॅट्रिकची परीक्षा पास केली. प्राप्त गुण ७५० पैकी २८२.* *एल्फिन्स्टन हायस्कूलमधून मॅट्रीकची परिक्षा पास झाल्यावर त्यांच्या अभिनंदनाची सभा आयोजित करण्यात आली. या सभेत गुरूवर्य कृष्णराव अर्जुन केळूसकर यांना त्यांनी स्वतः लिहिलेले 'गौतम बुद्धाचे चरित्र' हे पुस्तक भेट केले. यानंतर गुरूवर्य केळूसकर भीमरावांना सयाजीराव गायकवाड महाराजांकडे घेऊन गेले व महाविद्यालयीन शिक्षणाकरीता शिष्यवृत्ती मिळवून दिली.* *उच्च शिक्षण* *बी. ए. पास केल्यानंतर बाबासाहेबांनी शिष्यवृत्तीची परतफेड करण्यास बडोदे संस्थानात नोकरी पत्करली. काही विद्यार्थ्यांना बडोद्यातर्फे अमेरिकेला उच्च शिक्षणासाठी पाठवावे, याबद्दल महाराजांचा विचार चालू होता. महाराजांचा मुक्काम मुंबईत असताना भीमराव आपली बडोद्यातील नोकरीची व राहण्याची किती गैरसोय आहे, याबद्दलची माहिती महाराजांच्या कानावर घालण्यासाठी व त्यांच्याकडून काही हुकूम घेऊन पुन्हा बडोद्याला जावे या विचाराने, महाराजांना भेटण्यास मलबार हिलवरील राजवाड्यात गेले. या भेटीत भीमरावाने आपली सर्व हकीगत महाराजांना निवेदन केली. भीमरावाबद्दलची एकंदर हकीगत महाराजांच्या कानावर गेलेली होती. त्यांचे इंग्रजी भाषेवरील प्रभूत्व व त्यांचे चयनमनोहर इंगजी हस्ताक्षर पाहून महाराज त्यांच्यावर खूप झालेले होते. त्याने आपल्या गैरसोयीबद्दलची जी हकीगत सांगितली. त्याबद्दल महाराज एकही शब्द न बोलता भीमरावाबरोबर निरनिराळ्या विषयांवर संभाषण करू लागले. महाराज ज्या विषयावर प्रश्न विचारीत त्या प्रश्नावर भीमराव आपले मत देत. अशा चर्चेत अर्धा तास गेला. मग महाराज भीमरावाला म्हणाले, "तू मला उद्या याचवेळी भेट." आपल्या तक्रारीबद्दल महाराज काहीच बोलले नाहीत. याबद्दल भीमरावाला वाईट वाटले.* *महाविद्यालयीन शिक्षण एल्फिन्स्टन कॉलेज १९०८-१९१३* त्यांनी ३/१/१९०८ रोजी एल्फिन्स्टन कॉलेजमध्ये प्रवेश मिळविला.* *मॅट्रीकची परीक्षा पास केल्यावर बडोदा नरेश सयाजीराव गायकवाड यांनी भीमराव आंबेडकर यांना महाविद्यालयीन शिक्षणाकरिता दरमहा रू. २५/ शिष्यवृत्ती मंजूर केली. जानेवारी १९१३ साली भीमराव आंबेडकर यांनी बी. ए. ची परिक्षा पास केली. एकूण गुण १००० पैकी ४४९.* *एल्फिन्स्टन कॉलेज, मुंबईमधून प्राप्ती नोंदी अनुसार* *विद्यार्थ्यांचे नाव* *भिमराव रामजी आंबेडकर* *जन्म तारीख* *१४/४/१८९१* *प्रवेश तारीख* *३/१/१९०८* *कोणत्या वर्गात प्रवेश* *प्रिव्हियस* *कॉलेज सोडल्याची तारीख* *जानेवारी १९१३* *नावात व आडनावातील बदल* *शिक्षण घेत असताना डॉ. बाबासाहेब आंबेडकरांच्या नावात व आडनावात जे बदल झाले आहेत त्यांची नोंद घेण्यासारखी आहे. सुरवातीला त्यांचे नाव भिवा अथवा भिवराव असे नोंदविले गेले. कॅम्प स्कूल सातारामध्ये त्यांचे नाव भिवा रामजी आंबडेकर असे नोंदविले गेल्याचे आढळते. सातारा हासस्कूलमध्ये त्यांचे नाव भिवा रावजी आंबेडकर असे नमूद आहे. दापोलीपासून सुमारे ७-८ किलोमिटर अंतरावर असलेल्या 'आंबावडे' या लहानशा खेड्यातून आल्यामुळे त्यांच्या कुटुंबाला सुरूवातीला 'आंबावडेकर' या आडनावाने ओळखले जात असे. प्राथमिक शाळेतील त्यांच्या कृष्णाजी आंबेडकर नावाच्या शिक्षकाने त्यांचे...* *पुढील भागात* *मुक्तीदाता विशेषांक* #🙂Positive Thought #bhimsenik #💪बुद्धांची तत्वे📜 #🙏 प्रेरणादायक बॅनर #💙 भीमसैनिक 💙