Beiman
565 views • 7 days ago
#💖💖islamic post💖💖 #🤲क़ुरान शरीफ़📗
*دجّال کے ظہور اور اس کی قتل گاہ کا بیان (1).*
*حضرت سیدنا ابو سعید خدری رضی اللہ عنہ فرماتے ہیں:*
*”ایک دن رسول اللہ ﷺ نے ہمارے ساتھ دجال کے بارے میں طویل گفتگو فرمائی۔ اس میں آپ ﷺ نے ہمارے سامنے جو کچھ بیان فرمایا اس میں یہ بھی تھا:*
*”دجال آئے گا جبکہ اس پر مدینہ کے راستے حرام کر دئیے گئے ہوں گے۔ وہ مدینہ سے متصل ایک نرم شوریلی زمین تک پہنچے گا، تب اس کے پاس ایک آدمی آئے گا، جو لوگوں میں سے بہترین (یا بہترین لوگوں میں سے ایک) ہوگا، اور اس سے کہے گا: ”میں گواہی دیتا ہوں کہ تو وہی دجال ہے جس کے بارے میں رسول اللہ ﷺ نے ہمیں بتایا تھا۔“*
*دجال اپنے ہمراہ موجود لوگوں سے کہے گا: ”تم لوگوں کا کیا خیال ہے اگر میں اس شخص کو قتل کردوں اور پھر اسے زندہ کردوں تو کیا (میری خدائی کے) معاملے میں تمہیں کوئی شک باقی رہے گا؟“ وہ کہیں گے نہیں۔ پھر وہ اس شخص کو قتل کرے گا اور دوبارہ زندہ کردے گا۔ جب وہ اس شخص کو زندہ کرے گا تو وہ شخص اس سے کہے گا:* *”اللہ تعالیٰ کی قسم! تمہارے بارے میں مجھے اب سے پہلے اس سے زیادہ بصیرت کبھی حاصل نہیں تھی جتنی اب ہے۔ (یعنی اب یقین مزید پختہ ہوگیا کہ تو ہی دجال ہے)۔“*
*(اس کے بعد حضور ﷺ نے) فرمایا:*
*”دجال اسے دوبارہ قتل کرنا چاہے گا، لیکن اسے اس شخص پر تسلط حاصل نہیں ہو سکے گا۔“*
*[صحيح البخاري، رقم الحديث: ١٨٨٢، وصحيح مسلم، رقم الحديث ٢٩٣٨]*
*`فائدہ:` اس روایت سے دو باتیں معلوم ہوئیں:*
*(١) اس زمانے کے پختہ مومنین دجال کو دیکھتے ہی پہچان لیں گے کہ یہی وہ دجال ہے جس کے متعلق حضور ﷺ نے امت کو خبر دی تھی اور اس کے مکمل اوصاف بیان فرمائے تھے۔*
*(٢) دجال ایک شخص پر صرف ایک مرتبہ اپنی طاقت آزما سکتا ہے، اس کے بعد جو مؤمن ایمان پر قائم رہا تو اس پر اس کی کسی طاقت و قدرت کا اثر نہیں ہو سکے گا۔ جبکہ بعض روایات سے معلوم ہوتا ہے کہ وہ صرف ایک شخص پر ہی یہ حربہ استعمال کر سکے گا۔*
10 likes
16 shares
