ஹெப்ரான் ஜெப ஊழியங்கள்

🌿 *இன்றைய தேவ வார்த்தை* 🌿 📖 *தேவ வசனம்* *“அவருடைய காருண்யம் எத்தனை பெரியது! அவருடைய சௌந்தரியம் எத்தனை பெரியது! தானியம் வாலிபரையும், புது திராட்சரசம் கன்னிகைகளையும் வளர்க்கும்.”* — *சகரியா 9:17* 🎙️ *செய்தி* இந்த வசனம் தேவனுடைய அளவற்ற கிருபையையும் மகிமையையும் நமக்குத் தெளிவாக வெளிப்படுத்துகிறது. “அவருடைய காருண்யம் எத்தனை பெரியது” என்று சொல்லும்போது, *நாம் தகுதியற்றவர்களாக இருந்தாலும் தேவன் நமக்கு காட்டும் அன்பும் இரக்கமும் அளவிட முடியாதது* என்பதை உணர்த்துகிறது. “அவருடைய சௌந்தரியம் எத்தனை பெரியது” என்பது தேவனுடைய *பரிசுத்தம், மகிமை, மற்றும் அவருடைய சுபாவத்தின் அழகை குறிக்கிறது.* தேவனை அனுபவிக்கும் வாழ்க்கை உண்மையிலேயே அழகானதும் நிறைவானதுமாகும். “தானியம் வாலிபரையும்” என்பது தேவன் இளைஞர்களுக்கு தேவையான *பலத்தையும் வாழ்வாதாரத்தையும் அளிப்பவரென்பதை காட்டுகிறது*. “புது திராட்சரசம் கன்னிகைகளையும் வளர்க்கும்” என்பது தேவன் மக்களின் *வாழ்க்கையை சந்தோஷத்தாலும் புத்துணர்ச்சியாலும் நிரப்புகிறார்* என்பதைக் குறிக்கிறது. இந்த வசனம் முழுமையாகச் சொல்லுவது: தேவன் தனது ஜனங்களை கிருபையால் நிறைத்து, பலத்தாலும் சந்தோஷத்தாலும் வளர்க்கிறார் என்பதே. 🙏 *ஜெபம்:* கர்த்தாவே, உம்முடைய அளவற்ற காருண்யத்திற்கும் சௌந்தரியத்திற்கும் நன்றி. எங்கள் வாழ்க்கையை உமது கிருபையாலும் சந்தோஷத்தாலும் நிரப்பும். எங்களை பலப்படுத்தி உமக்குள் வளரச் செய்யும். ஆமேன். -- ✍️ *சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏

🌿 *இன்றைய தேவ வார்த்தை/தீர்க்கதரிசனம்*🌿 📖 *தேவ வசனம்* *“என்னை ஆண்டவரே! ஆண்டவரே! என்று நீங்கள் சொல்லியும், நான் சொல்லுகிறபடி நீங்கள் செய்யாமற்போகிறதென்ன?”* — *லூக்கா 6:46* 🎙️ *செய்தி* இந்நாள்களில் தேவன் தமது ஜனங்களை எழும்ப பண்ணுகிறார். சாதாரண விசுவாச வாழ்க்கை வாழ அல்ல, சீடத்துவ வாழ்க்கை நோக்கி அழைக்கிறார். பலர் விசுவாசிகளாக இருக்கிறார்கள் — ஆசீர்வாதங்களை நாடுகிறார்கள், பிரச்சினைகளில் தேவனைத் தேடுகிறார்கள். ஆனால் தேவன் இன்று தேடுவது முழுமையாக ஒப்புக்கொடுத்த சீடர்களை தான். விசுவாசி தேவனிடம் வருகிறார்; சீடர் தேவனோடு நடக்கிறார். விசுவாசி தன் தேவைக்காக கிருபையை பெற முயல்கிறார்; சீடர் சத்தியத்தில் நிலைத்திருக்கிறார். விசுவாசி தேவனை தேவைப்படும் போது தேடுகிறார்; சீடர் தினமும் அவரை பின்பற்றுகிறார். 🔥 *தீர்க்கதரிசன வார்த்தை* 🔥 “என் ஜனமே, வெளிப்படையான உலகின் மாயவலையில் சிக்கி கொள்ளாதே, நூதன பிரசங்கத்திற்கு உன்னை உடன்படாமல் விளக்கி காத்துக்கொள்,” என்று கர்த்தர் சொல்லுகிறார். “உன் இருதயத்தை முழுவதும் எனக்கு ஒப்புக்கொடு. நான் உன்னை அழைத்தது உலகத்திற்கொத்த சுகபோகமான வாழ்க்கை வாழ அல்ல — என் சித்தத்தில் நடக்கவே. மனந்திரும்பி என்னை பின்பற்று. உன் சுயத்தை சிலுவையில் அறைந்துவிடு. நான் உன்னை உயர்த்துவேன். நான் உன்னை பயன்படுத்துவேன். நான் உன்னை என் மகிமைக்காக உருவாக்கினேன். காலம் சமீபத்தில் இருக்கிறது. அரை மன விசுவாசிகள் அல்ல, தீயாய் எரியும் செயல்படும் சீடர்கள் எனக்கு தேவையாக இருக்கிறார்கள்,” என்று கர்த்தர் உங்களை அழைக்கிறார். 🙏 *அழைப்பு ஜெபம்* கர்த்தராகிய இயேசுவே, நான் வெறும் விசுவாசியாக மட்டும் இருந்ததற்கு மன்னியுங்கள். இன்று நான் மனந்திரும்புகிறேன். என் சுயத்தை மறுக்கிறேன். என் வாழ்க்கையை முழுவதும் உமக்கு ஒப்புக்கொடுக்கிறேன். இனி நான் உம்மை பின்பற்றும் உண்மையான சீடராக வாழ விரும்புகிறேன். என் இருதயத்தை சுத்திகரிக்கவும். உமது சித்தத்தின்படி நடக்க எனக்கு பலம் தாரும். என் வாழ்க்கையை உமது மகிமைக்காக பயன்படுத்தும். இன்று முதல் நான் உம்மை முழுமையாக பின்பற்றுகிறேன். இயேசுவின் நாமத்தில் ஜெபிக்கிறேன், ஆமென். ✨ *இன்று தீர்மானியுங்கள்* — *நான் வெறும் விசுவாசியா?* *அல்லது கிறிஸ்துவின் உண்மையான சீடரா?* -- ✍️ *சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏

AD #bjpindia

🌿 *இன்றைய தேவ வார்த்தை* 🌿 📖 *தேவ வசனம்* *“யெப்தா கர்த்தருக்குப் பொருத்தனை செய்து: ‘நீர் அம்மோனின் புத்திரரை என் கையில் ஒப்புக்கொடுத்தால், நான் அம்மோனின் புத்திரரிடமிருந்து சமாதானமாய் திரும்பிவரும் போது என் வீட்டின் வாசலிலிருந்து என்னை எதிர்கொள்ள வருகிறவன் எவனாகிலும் கர்த்தருக்குரியவனாக இருப்பான்’ என்றான்.”* — *நியாயாதிபதிகள் 11:30-31* 🎙️ *செய்தி* *யெப்தா போருக்குச் செல்லும் முன் தேவனிடம் ஒரு பொருத்தனை செய்தான். அவன் வெற்றியை வேண்டி தேவனை நாடினான்*. *தேவன் அவனுக்கு வெற்றியையும் கொடுத்தார்.* *ஆனால் இந்த நிகழ்வு நமக்கு ஒரு முக்கியமான ஆவிக்குரிய பாடத்தை கற்பிக்கிறது.* தேவனுக்கு நாம் சொல்லும் வார்த்தை மிகவும் பரிசுத்தமானது. நாம் தேவனிடம் ஜெபிக்கும் போது, துன்பத்தில் அல்லது தேவையை நினைத்து பல நேரங்களில் பொருத்தனை களை, வாக்குத்தத்தங்களைச் சொல்லலாம். ஆனால் வேதாகமம் சொல்லுவது என்னவென்றால்: தேவனுக்கு செய்யும் பொருத்தனை கவனமாக இருக்க வேண்டும். உணர்ச்சி பெருக்கில் அல்லது செய்ய கடினமான, நிறைவேற்ற முடியாத, நமக்கு இழப்பை, பாதகத்தை உண்டு பண்ணும் பொருத்தனை செய்ய வேண்டாம், பொருத்தனை செய்தால் அதை உண்மையுடன் நிறைவேற்ற வேண்டும். தேவனுக்கு சொன்ன வார்த்தையை லேசாக எண்ணக்கூடாது. யெப்தா செய்த பொருத்தனையால் தன் முன் வெற்றியை கொண்டாட வந்த மகளை பொருத்தனை நிமித்தம் இழக்க நேரிட்டது. இன்றைய நாளில் நாம் சொல்லும் ஒவ்வொரு வார்த்தையும் தேவன் முன் முக்கியமானது என்பதை நினைவில் கொள்ள வேண்டும். பொருத்தனைகளை நிறைவேற்றாவிட்டால் அது நமக்கு சாபமாகவும் மாறும். அதனால் விசுவாசத்துடனும், பொறுப்புடனும் தேவனை நாடுவோம். தேவ நன்மையை ஆசீர்வாதத்தை பெற்று கொள்ளுவோம். 🙏 *ஜெபம்:* கர்த்தாவே, உம்முன் பேசும் எங்கள் வார்த்தைகள் பரிசுத்தமாக இருக்க உதவிசெய்யும். நாங்கள் செய்யும் வாக்குத்தத்தங்களை உண்மைபாய் நிறைவேற்றும் கிருபையை தாரும்.ஒரு வேளை நாங்கள் தவறும் பட்சத்தில் அது எங்களுக்கு சாபத்தை வருவிக்காமல் அதை மன்னித்து எங்களை ஆசீர்வதியும், நிறைவேற்றக் கூடிய பொருத்தனைகளை செய்ய ஞானத்தையும் நிதானத்தையும் தாரும்.ஆமேன். — ✍️*சகோ சுதாகர் காட்வின்* 🔥*ஹெப்ரான் ஜெப ஊழியங்கள்* #சகோ சுதாகர் காட்வின் #ஹெப்ரான் ஜெப ஊழியங்கள் #பைபிள் #🤞வாழ்த்துக்களுடன் நம்பிக்கை செய்தி🙏 #😍மனதை தொடும் ஸ்டேட்டஸ்