*అత్యంత సంక్లిష్టత..! విదేశీ నిపుణులనూ ఆశ్చర్యపరుస్తున్న #పోలవరం ప్రాజెక్టు.. 🏗️ ..‼️* పోలవరం, జనవరి 25 ….పోలవరం ప్రాజెక్టు మీద రాజకీయ వివాదాలు, పరస్పర ఆరోపణలు, అవినీతి విమర్శలు, జాప్యం… పెరిగిన అంచనా వ్యయాల వెనుక అసలు కక్కుర్తి వేషాలు ఎట్సెట్రా కాసేపు పక్కన పెడదాం… రాజకీయ నాయకులు దండుకోని ఏ సాగునీటి ప్రాజెక్టు ఉండదు గనుక… లేదు గనుక… మొదట్లో ట్రాన్స్‌ట్రాయ్… అసలు చిన్న రోడ్డు పనినీ పూర్తిచేయని ఆ దిక్కుమాలిన కంపెనీకి పనులు అప్పగించింది మొదలు… తరువాత నవయుగ… జగన్ రాగానే ఏదో పేరు చెప్పి దాన్ని తరిమేయడం… మళ్లీ చంద్రబాబు చేతుల్లోకి ప్రాజెక్టు… ఎన్నో మలుపులు… ఎన్నో రాద్ధాంతాలు… తీరా చూస్తే… జాతీయ ప్రాజెక్టు అయినా సరే, ఇతర రాష్ట్రాల అభ్యంతరాలు, కేసులు, ఆర్ అండ్ ఆర్ ఖర్చు నేపథ్యంలో దాన్ని రెండు దశలుగా మార్చి… ప్రాజెక్టు ఎత్తును తగ్గించి, దాన్ని చివరకు ఓ బరాజ్ స్థాయికి తీసుకుపోతున్నారనే విమర్శలూ ఉన్నాయి… ఈ ప్రాజెక్టు కోసమే కదా తెలంగాణలోని ఏడు మండలాలను ఏపీలో కలిపారు… పనులపై నిర్లక్ష్యం కారణంగా… కాఫర్ డ్యాములు, డయాఫ్రమ్ వాల్ దెబ్బతిన్నాయి… ఇప్పుడవన్నీ మళ్లీ దాదాపుగా పునరుద్ధరించినట్టే… ఇప్పటికి ఆరుసార్లు విదేశీ నిపుణుల టీమ్, సెంట్రల్ వాటర్ కమిషన్ నిపుణుల టీమ్ వచ్చి పనుల ప్రగతిని సందర్శించింది… వాళ్లు చెప్పేదేమిటీ అంటే..? పోలవరం ప్రాజెక్టును మించిన సంక్లిష్ట నిర్మాణం మరొకటి లేదు… అడుగుకోరకం నేల… ఎక్కడ ఏ ఇంజినీరింగ్ టెక్నిక్ వాడాలో జాగ్రత్తగా చూసుకోవాలి… డౌట్ వచ్చిన ప్రతిచోటా సాయిల్ టెస్ట్ చేస్తున్నారు… భూకంప ప్రభావాల్ని పరీక్షిస్తున్నారు… (సీస్మిక్ ఫ్యాక్టర్)… ఆ ఫలితాన్ని బట్టి చర్యలు అవసరం… ఇక్కడ “శాండ్ శాచురేషన్” (ఇసుక పొరలు) ఎక్కువగా ఉండటం వల్ల ఈసీఆర్‌ఎఫ్ (ECRF) డ్యామ్ నిర్మాణం ఒక ఇంజనీరింగ్ సవాలు…. దీని నిర్మాణంపై ఆ టీమ్స్ కొన్ని ఆందోళనల్ని వ్యక్తం చేసి, కొన్ని జాగ్రత్తల్ని కూడా చెప్పాయి… ప్రధాన ఆందోళనలు, సాంకేతిక అంశాలు నిర్మాణ నాణ్యత – తొందరపడొద్దు…: 2020 ఆగస్టులో గోదావరికి వచ్చిన భారీ వరదల (21 లక్షల క్యూసెక్కులు) వల్ల డయాఫ్రమ్ వాల్ దెబ్బతిన్న విషయాన్ని నిపుణులు గుర్తుచేశారు… ఈ నేపథ్యంలో, ECRF డ్యామ్ నిర్మాణంలో నాణ్యత విషయంలో రాజీ పడొద్దని, CWC తుది ఆమోదం తెలిపే వరకు పనుల్లో తొందరపాటు వద్దని సూచించారు…. డిజైన్- సమన్వయం…: కన్సల్టెంట్ సంస్థ ‘AFRY’ ప్రతిపాదించిన డిజైన్లకు, CWC పరిశీలనలకు మధ్య ఉన్న సాంకేతిక వ్యత్యాసాలను నిపుణులు ఎత్తిచూపారు…. వీటిని సరిచేసి, నిర్మాణ సమగ్రతను (Structural Integrity) కాపాడాలని స్పష్టం చేశారు…. డయాఫ్రమ్ వాల్ సమస్యలు…: డయాఫ్రమ్ వాల్‌లో కనిపిస్తున్న “బ్లీడింగ్” సమస్యలపై నిపుణులు ఆందోళన వ్యక్తం చేశారు…. దీనికి కఠినమైన నివారణ చర్యలు చేపట్టాలని, సీపేజ్ (నీటి లీకేజీ)ని అరికట్టడానికి అవసరమైతే వాల్ పైభాగంలో ‘క్లే క్యాప్’ (మట్టి పొర) మందాన్ని పెంచాలని సూచించారు…. కాంపాక్షన్ పద్ధతి…: ECRF నమూనా విభాగాల్లో మట్టిని గట్టి పరిచే విధానం (Compaction methodology) సరిగా లేదని వారు గుర్తించారు…. దీనికి సంబంధించి పూర్తి డేటాను సమర్పించాలని కాంట్రాక్టర్ సంస్థ MEIL , నీటిపారుదల శాఖలను ఆదేశించారు…. ముఖ్యమైన సూచనలు… అంతర్గత కోతను అరికట్టడం…: డ్యామ్ పునాది, కోర్, ఫిల్టర్ భాగాలు భారీ వరదలను తట్టుకునేలా ఉండాలి…. నీటి ఒత్తిడి వల్ల లోపల మట్టి కొట్టుకుపోకుండా (Piping/Internal Erosion) పటిష్టమైన రక్షణ చర్యలు తీసుకోవాలి…. భూకంప విశ్లేషణ…: గరిష్ట భూకంప తీవ్రతను (Maximum Credible Earthquake) తట్టుకునేలా డ్యామ్ స్థిరత్వంపై కఠినమైన విశ్లేషణ చేయాలని కోరారు… డ్యామ్ ఎత్తు (Freeboard)…: వరదలు లేదా గాలి అలల వల్ల నీరు డ్యామ్ పైనుంచి ప్రవహించకుండా ఉండేందుకు, డ్యామ్ పైభాగం (Crest) వద్ద కనీసం 1.5 నుండి 2.0 మీటర్ల ‘ఫ్రీబోర్డ్’ ఉండేలా ఎత్తును పెంచాలని సూచించారు…. మొత్తం మీద పోలవరం ECRF డ్యామ్ డిజైన్లు ప్రమాణాలకు అనుగుణంగానే ఉన్నాయని నిపుణులు పేర్కొన్నప్పటికీ, పైన తెలిపిన సాంకేతిక మార్పులు, విశ్లేషణలను పరిగణనలోకి తీసుకుని, ప్రాధాన్యత క్రమంలో పూర్తి చేయాలని స్పష్టం చేశారు… దీనివల్ల ప్రాజెక్టు నిర్మాణంలో జాప్యం జరగకుండా చూడవచ్చని వారు తెలిపారు…. ముందు నిర్దేశించిన 45.72 మీటర్ల ఎత్తుకే స్పిల్ వే, డ్యామ్ నిర్మిస్తారు…. కాకపోతే ఆర్అండ్ఆర్ ముంపు సమస్య దృష్ట్యా 41.15 మీటర్లకే మొదటి దశను (40- 50 టీఎంసీల నిల్వ) పరిమితం చేసి, అక్కడి వరకే నీటి నిల్వ ఉంటుంది… ఆర్అండ్ఆర్ సమస్య, ఇతర రాష్ట్రాల అభ్యంతరాలు క్లియరయ్యేకొద్దీ అసలు ఒరిజినల్ ఎత్తు అమల్లోకి తీసుకొస్తారు… 41.15 మీటర్ల ఎత్తుతోనూ గ్రావిటీతో వాటర్ ఇవ్వవచ్చు... పైగా ఎలాగూ తాడిపూడి, పుష్కరం, పట్టిసీమ లిఫ్టలున్నాయి, కృష్ణాను అనుసంధానించే కుడి ప్రధాన కాలువ ఉంది... పురుషోత్తమపట్నం లిఫ్టూ ఉంటుంది... ఎటొచ్చీ... ప్రాజెక్టు పూర్తి లక్ష్యాలైన "భారీ నిల్వ" (194 టీఎంసీలు), "విద్యుత్ ఉత్పత్తి" (960 మెగావాట్లు) నెరవేరాలంటే మాత్రం భవిష్యత్తులో 45.72 మీటర్లకు పెంచాల్సిందే... ఆర్అండ్ఆర్ ఖర్చు చూస్తే ఈ ఎత్తుతో నీటి నిల్వ అనేదే పెద్ద ప్రశ్నార్థకం... *(క్రెడిట్స్ :: ఎ.శ్రీనివాసరావు హిందుస్తాన్ టైమ్స్)*

#పోలవరం ప్రాజెక్టు.. 🏗️ *ఆ బనకచర్ల ఏట్లో కలిసింది… కొత్తగా ఇంకో కాళేశ్వరం కథ మొదలైంది…❗* November 1, 2025🚧 గురువు, శిష్యడు అంటూ సోకాల్డ్ జగన్ జాన్ జిగ్రీ దోస్త్ పార్టీ బీఆర్ఎస్ ఎన్ని వెటకారాలు ఆడినా సరే… ఎహె పోవోయ్ అని ధిక్కరించి…. రేవంత్ రెడ్డి ప్రతిపాదిత బనకచర్ల అలియాస్ మరో కమీషన్ల ఏటీఎం కాళేశ్వరం ప్రాజెక్టు మెడకు చిక్కుముళ్లు బిగించాడు… దాంతో చంద్రబాబుకు ఊపిరాడలేదు… అయ్యో, కేసీయార్ తరహాలో మరో కాళేశ్వరంలా ఓ అయిదారు తరాలకు ఇక నో ఫికర్ అనుకుంటే… శిష్యుడు శిష్యుడు అంటూనే గురువు— పెట్టిన మెలికలు, ఫిక్స్ చేసిన అంశాలతో అంతటి చంద్రబాబుకూ ఠారెత్తిపోయింది… చివరకు తన క్యాంపు మనుషులే ఠాట్, ఇదేం ప్రాజెక్టు, కమీషన్ల ప్రాజెక్టులు కాదు, ముందు పెండింగ్ ప్రాజెక్టులు పూర్తిచేయాలి అనేసరికి… ఇక వృథాజలాలు అనే ఓ శుష్కగీతానికి చరమగీతం పాడి… బనకచర్ల ప్రాజెక్టునే అటక మీద పారేశాడు… నామీద ఆధారపడ్డారు, ఆలోచించుకొండి అని అన్యాపదేశంగా చెప్పినా సరే, మోడీ డోన్ట్ కేర్ అన్నాడు… దెబ్బకు దెయ్యం దిగివచ్చి, బనకచర్ల ఆలోచనల్లోనే సమాధి పాలైంది… థాంక్ గాడ్, నువ్వున్నావు స్వామీ… కానీ తను ఎవరు..? చంద్రబాబు… ఆ అడ్డదిడ్డపు అక్రమాల కాళేశ్వరం కేసీయార్ గురువు… ఇప్పుడు ఇంకో కమీషన్ల కాళేశ్వరం ఆలోచిస్తున్నాడు… అవును, నిజమే, సోకాల్డ్ చంద్రబాబు ఈనాడే చెబుతోంది, ఫస్ట్ పేజీలో… బహుపరాక్, రేవంత్… కపట నీటిదొంగ మరో రూపంలో వస్తున్నాడు… ఏపీ జనానికి ఎలాగూ సోయి లేదు… ఆ కమీషన్ల బనకచర్లను కోల్డ్ స్టోరేజీలోకి పారేసి, ఇప్పుడిక కొత్త జలదోపిడీకి ప్రతిపాదిస్తున్నాడు… ఇంకో కాళేశ్వరం..! *బాగా డెస్పరేట్‌గా ఉన్నట్టున్నాడు* … ఫాఫం, అంతటి ఆ జగన్‌కు కూడా ఈ కొత్త కాసుల ప్రాజెక్టులు సమజైనట్టు లేదు… ఇలాంటి విషయాల్లో చంద్రబాబుకన్నా చాలా వెనకబడిపోయాడు… ఈ ఇంకో కాళేశ్వరం కథేమిటయ్యా అంటే…? పోలవరం – సోమశిల అనుసంధానం అట… అరె, పోలవరం కుడి కాలువ ద్వారా ప్రకాశం బ్యారేజీకి, అక్కడి నుంచి పెన్నాకు ఎప్పటి నుంచో ఉన్నవే కదా ప్రతిపాదనలు అనేనా మీ ప్రశ్న… తప్పు, మీరు తప్పులో కాలేశారు… పోలవరం నుంచి ప్రకాశం బ్యారేజీకి ఇంకో కాలువ తవ్వుతాడట, కాలువ తవ్వకం మస్తు లాభదాయకం… తరువాత లిఫ్టులు పెట్టి, మేఘాకు అప్పగించి, పట్టిసీమ ప్రాఫిట్స్‌లాగే దండుకోవడం అన్నమాట… సరే, మొత్తం ప్రతిపాదన వివరాలు వచ్చాక మళ్లీ అందులో అసలు మర్మాలు చెప్పుకుందాం… చంద్రబాబు ఏదైనా ఆలోచించాడూ అంటే, అది మరో ఐఎంజీ భారత్ యవ్వారమే కదా… జస్ట్, ఈనాడు చెబుతున్న ప్రతిపాదనల అంచనా వ్యయమే 58 వేల కోట్లు అట.,. తన స్వార్థ అవసరార్థం పొలిటికల్ దోస్త్ పవన్ కల్యాణ్ భాషలో చెప్పాలంటే… తగ్గేదేలా…! దాన్ని కూడా కాళేశ్వరం ఏటీఎంలా లక్ష కోట్లకు చేర్చడం ఎంతసేపు… కేసీయార్ చూపిన మార్గం లేదా ఏం..? అసలు పోలవరం మార్పులు, విస్తరణలు చట్టవ్యతిరేకం అవుతాయనే సోయి కూడా లేదు ఫాఫం చంద్రబాబు టీమ్‌కు..! తాటిపూడి, పుష్కరం, పట్టిసీమ ఎన్నున్నా ఇంకా ఇంకా ఈ శుష్క ప్రతిపాదనలు దేనికి..? ఎందుకంటే… డబ్బెవరికి చేదు..!! అన్నట్టు… మేడిగడ్డ రిపేర్లకూ బనకచర్లకూ లింక్ పెట్టి నవ్వులపాలైన బీఆర్ఎస్ ఈసారైనా కాస్త తెలివిడితో విమర్శలు చేయాలి… అసలే మా పైలట్ ఉత్తముడికి కొన్ని అస్సలు అర్థం కావు..!!

AD #bjpindia