sn vyas
672 views • 1 months ago
#जय श्री राधे
गोरी भोरी सी किशोरी खेलिबे पधारो मो संग आज री।।
कारो रूप है तिहारो तुम संग चलू तो आवे लाज री।।
चलो आज कुंजन में राधे खेले दें गल बाँही।।
जमुना तीर कदम चल श्यामा श्री व्रन्दावन मांही।।
रास मिलिके रचावो सखियाँ बजावे सब साज री।।
तुम कारे कारो रंग तुम्हरो मैं हु है जाऊँ कारी।
कीरति मात लडेगी मोते देंगी मोकू गारी।
राधे साँच तो बताय दे जमुना पे क्यू गई प्यारी आज री।।
एक दिन कारो बने जमाई श्री ब्र्श्भानु बबा को।।
सासू बने कीरति सी रानी झगरो यामे काको।।
अजी कहा चोर तिहारो लीनो खेलिबे पधारो मो संग आज री।
बसे चोर जो ब्रज में प्यारे हम भोरी ब्रज गोरी।।
याद करो वा दिन की कान्हा मेरी मुंदरी चोरी।।
चोरी करत न आवे तुमको तो एकहू नेकहु लाज री।।
।।राधे राधे राधे राधे राधे राधे राधे।।
...
10 likes
20 shares
