എം. ശിവാനന്ദൻ .
991 views • 3 months ago
#എൻ്റെ നാട് ഭഗവതിനട #നെയ്യാറ്റിൻകര ഉണ്ണികണ്ണൻ ഭക്തി - 14/04/2026 രാവിലെ 10.15 ന് മേൽ......
കൊടിയേറി പത്ത് ദിവസം വ്രതാനുഷ്ഠാനങ്ങളോടെയുള്ള നല്ലിരിപ്പ് തുടങ്ങും. അതിൽ എട്ടാമത്തെ ദിവസമാണ് കാലൻ പുറപ്പാട്.... ഒൻപതാമത്തെ ദിവസം പറണേറ്റ് പത്താം ദിവസം നിലത്തിൽ പോര്.
ഒന്ന് ചെറുതായി വിവരിക്കാം....
8-ാം ദിവസം.. (21/04/2026)
ദേവി നാലു ദിക്കുകളിലും നാലു ദേശങ്ങളിലും ദാരികനെത്തിരഞ്ഞിട്ടും കണ്ടെത്താനാകാത്തതിനാൽ ബ്രഹ്മദേവനെ ധ്യാനിച്ച് പത്തു ദിവസം വ്രതമിരിക്കുന്നു.(നെല്ലിരിപ്പ്) എന്ന് പറഞ്ഞുവല്ലോ..
ഭദ്രകാളി വ്രതമനുഷ്ഠിക്കുന്നതറിഞ്ഞ ദാരികൻ തന്റെ അനുചരനായ "കാലകേയനെ" ദേവിയുടെ അടുത്തേയ്ക്കയയ്ക്കുന്നു. ദേവിയുടെ അനുചരനായ പപ്പര് ഇത് അറിയുകയും മാർഗമധ്യേ പപ്പര് കാലകേയനെ കാണുകയും... കാലകേയനുമായി യുദ്ധത്തി ലേർപ്പെടുകയും ചെയ്യുന്നു. ഒടുവിൽ പപ്പര് കാലകേയനെ വധിക്കുന്നു. ഇതാണ് കാലൻ പുറപ്പാട് എന്ന ചടങ്ങ്. ഈ ചടങ്ങ് കാണാൻ ഒരു കളങ്കാവിലിന് ഉള്ള ഭക്തജനങ്ങൾ ഉണ്ടാവും....
22/04/2006...
തുടര്ന്നുള്ള ചടങ്ങാണ് പറണേറ്റ് അതായത് 9-ാം ദിവസം ആകാശത്ത് കണ്ടെത്തുന്ന ദാരികനുമായുള്ള ആകാശയുദ്ധം അഥവാ "പറന്നുള്ള യുദ്ധം "എന്നതുകൊണ്ടാവാം ഈ പേര് വന്നത്.7 യുദ്ധമാണ് (വാക്പോര് ) ദാരിക വീരാ പോരിന് വാടാ നാളെ നിൻ്റെ തല എൻ്റെ കൈയ്യിൽ.... എന്നുള്ള വാക്പോരുകൾ നടക്കും.
വളരെ ഉയരത്തില് തെങ്ങ് നാട്ടിക്കൊണ്ട് കെട്ടിയുണ്ടാക്കിയ തട്ടില് വെച്ചാണ് കാളിയും ദാരികനും തമ്മിലുള്ള സംവാദവും പോര്വിളിയും. . ശക്തമായ അനുഷ്ഠാന ധാരകളോടു കൂടിയ നാടോടി നാടകമാണ് കാളിയൂട്ട്. ഒരു ഗ്രാമത്തെ മുഴുവന് വേദിയാക്കി മാറ്റുന്ന ഈ അനുഷ്ഠാന കലാരൂപത്തില് നാടകാംശങ്ങളും അനുഷ്ഠാനാംശങ്ങളും സമഞ്ജസമായി സമ്മേളിക്കുന്നു.
പത്തടി സമചതുരത്തിൽ തെങ്ങ്, കമുക്, കുലവാഴ, കുരുത്തോല, പൂക്കൾ എന്നിവ കൊണ്ട് അലങ്കരിച്ച പൊക്കമുള്ള തട്ടുകളെയാണ് പറണ് എന്ന് പറയപ്പെടുന്നത്. ശ്രീ ഭദ്രകാളിയുടെ പറണിന് 10 അടി സമചതുരത്തിൽ നാല് പൊക്കമുള്ള തെങ്ങുകൾ കുഴിച്ചുനിർത്തി, അതിനുമുകളിൽ തണ്ടുണ്ടാക്കി അതിൽ കുരുത്തോല, പൂവ് എന്നിവയാൽ അലങ്കരിക്കുന്നു. ഈ തട്ടിലേയ്ക്ക് കയറുന്നതിനായി ഒരു ഗോവണിയും ഉണ്ടായിരിക്കും. എന്നാൽ ദാരികന്റെ പറണിന് ശ്രീ ഭദ്രകാളിയുടെ പറണീന്റെയത്ര പൊക്കവുമില്ല; തെങ്ങിനു പകരം കമുകുമാണ് ഉപയോഗിച്ചിരിക്കുന്നത്.
23/04/2026...
ആകാശ യുദ്ധത്തിന് ശേഷം പോര് ഭൂമിയില് വെച്ചാകുന്നു. അതാണ് നിലത്തിൽ പോര്. അത് പത്താം ദിവസം അതായത് മേടം പത്തിന്. ഘോരമായ യുദ്ധ പ്രതീതിയുണ്ടാക്കുന്ന സന്ദര്ഭമാണിത്. ഏഴു യുദ്ധങ്ങളുടെ അന്ത്യത്തില് കാളി ദാരികന്റെ തല കൊയ്തെടുക്കുന്നു എന്നാണ് സങ്കല്പം.
വെള്ളായണിയിലെ ആറാട്ടുകടവിൽ ദേവി എഴുന്നള്ളി ആറാട്ടിനുശേഷം താലപ്പൊലിയോട് കൂടി മുടിപ്പുരക്കുള്ളിലേക്ക് മടങ്ങുന്നതോടെ ചടങ്ങുകള് സമാപിക്കുന്നു.
- വിനോദ് തകിടിയിൽ -
14 likes
10 shares
