செங்கோட்டையனின் நீண்ட அரசியல் அனுபவம் அப்படிப்பட்ட சூழலில் எம்ஜிஆர் காலத்து சட்டமன்ற உறுப்பினர், ஜெயலலிதாவுக்கு பிரசார பிளான் போட்டு கொடுத்தவர் என மூத்த அரசியல்வாதியான செங்கோட்டையன் தவெகவில் இணைந்ததை அக்கட்சி உறுப்பினர்கள் மிகவும் கொண்டாடினர். குறிப்பாக அரசியல் விமர்சகர்கள் பலரும் செங்கோட்டையன் இணைப்புக்கு முன், செங்கோட்டையன் இணைப்புக்கு பின் என பிரித்து பேசும் அளவுக்கு செங்கோட்டையனின் இணைப்பு முக்கியத்துவம் வாய்ந்ததாக இருக்கிறது. அதிமுக டூ ஓபிஎஸ் டூ தவெக... அந்த வரிசையில் வைத்திலிங்கத்தின் இணைப்பு டெல்டா மாவட்டத்தில் தவெகவின் பலம் அதிகரிக்க உதவும் என்று சொல்லப்படுகிறது. முன்னாள் அமைச்சரும், அதிமுக மூத்த நிர்வாகிகளில் ஒருவருமான இவர் ஜெயலலிதா மறைவுக்கு பின்னர் ஓ.பன்னீர்செல்வம் அணியில் இணைந்து பயணித்தார். அதிமுக ஒருங்கிணைப்பு என்ற நிலைப்பாட்டில் பன்னீர்செல்வத்துடன் செயல்பட்டாலும் அது போதிய அளவு கைகொடுக்கவில்லை. பரபரப்பை கிளப்பிய வைத்திலிங்கம் மேலும் உடல் நலக் குறைவு காரணமக கடந்த சில மாதங்களாக பொது நிகழ்ச்சிகளில் கலந்து கொள்வதை தவிர்த்து வந்த இவர் அண்மையில் ஓபிஎஸ் தலைமையில் நடைபெற்ற தொண்டர் உரிமை மீட்பு குழுவின் உயர்மட்ட ஆலோசனை கூட்டத்தில் பங்கேற்று வருகின்ற 15ம் தேதிக்குள் அதிமுகவை ஒன்றிணைக்கவில்லை என்றால் முக்கிய அறிவிப்பு வெளியிடப்படும். நாங்கள் வெளியிடும் அறிவிப்பு தமிழக அரசியலையே மாற்றி அமைக்கும் என்று கூறி பரபரப்பை கிளப்பினார். இந்நிலையில் வைத்திலிங்கத்தின் இணைப்பு கவனம் ஈர்த்துள்ளது. #📺டிசம்பர் 11 முக்கிய தகவல் 📢 #தவெகவில் செங்கோட்டையன் #தவெக வில் இணையும் செங்கோட்டையன்..? #🙋‍♂️தமிழக வெற்றி கழகம் #🐘🇪🇦தமிழக🪷வெற்றி🪷கழகம்🇪🇦🐘

விஜய்யின் கட்சிக்கு இந்த முக்கிய கட்சிகளின் ஆதரவு கிடைக்குமானால், அது தமிழக அரசியலில் ஒரு திருப்புமுனையாக அமையும். மேலும், தமிழகம் மட்டுமல்லாமல், புதுச்சேரியிலும் த.வெ.க. குறிவைப்பதாக வரும் தகவல்கள் திராவிட கட்சிகள் மத்தியில் பதற்றத்தை ஏற்படுத்தியுள்ளது. செங்கோட்டையனின் இணைப்பிற்கு பிறகு, த.வெ.க.வின் அரசியல் மதிப்பு கணிசமாக உயர்ந்துள்ளது. வெறும் ரசிகர் மன்ற பலத்தை தாண்டி, அனுபவம் வாய்ந்த ஒரு நிர்வாகியை கட்சிக்குள் கொண்டு வந்தது, கூட்டணிக்கு தயாராக உள்ள சிறிய மற்றும் நடுத்தர கட்சிகளுக்கு நம்பிக்கையை அளித்துள்ளது. மதி.மு.க. மற்றும் வி.சி.க. போன்ற கட்சிகள் தி.மு.க. கூட்டணியில் தங்களுக்கு சாதகமான இடப்பங்கீடு கிடைக்காத பட்சத்தில், த.வெ.க.வை ஒரு நம்பகமான மாற்றாக பார்க்கலாம். இதேபோல், பா.ம.க. மற்றும் தே.மு.தி.க. ஆகிய கட்சிகளும், அ.தி.மு.க. அல்லது தி.மு.க. கூட்டணியில் போதுமான தொகுதிகள் கிடைக்கவில்லை என உணர்ந்தால், த.வெ.க.வை மையமாக கொண்டு ஒரு வலுவான மாற்று அணியை உருவாக்க முயற்சிக்கும் வாய்ப்புள்ளது. செங்கோட்டையனின் இணைப்பின் மிக முக்கியமான நோக்கம், கட்சிக்குள் ஒரு மூத்த நிர்வாகியின் அனுபவத்தை கொண்டு வருவது மட்டுமல்ல. நீண்டகால அரசியல் அனுபவம் மற்றும் அனைத்து கட்சிகளிலும் உள்ள தலைவர்களுடன் அவருக்கு இருக்கும் தனிப்பட்ட நட்பு ஆகியவை கூட்டணி பேச்சுவார்த்தைகளில் செயல்பட உதவும். ஒரு புதிய கட்சி நேரடியாக பேச்சுவார்த்தை நடத்துவதை விட, அனுபவம் வாய்ந்த செங்கோட்டையன் மூலமாக பேச்சுவார்த்தை நடத்தும்போது, சிறிய கட்சிகளுக்கு நம்பகத்தன்மை அதிகரிக்கும். தமிழக வெற்றிக் கழகம், தமிழ்நாட்டை தாண்டி, அண்டை யூனியன் பிரதேசமான புதுச்சேரியிலும் தனது அரசியல் ஆதிக்கத்தை கோரும் வகையில் கட்டமைப்பை வலுப்படுத்த திட்டமிடுவதாக தகவல்கள் தெரிவிக்கின்றன. தமிழ்நாட்டில் உள்ள பெரிய கட்சிகள் புதுச்சேரியிலும் செல்வாக்கு செலுத்துவது இயல்புதான் என்றாலும், ஒரு புதிய கட்சி இவ்வளவு குறுகிய காலத்தில் இரண்டு பிராந்தியங்களிலும் தீவிர கவனம் செலுத்துவது வியப்பளிக்கிறது. புதுச்சேரியிலும் தி.மு.க., அ.தி.மு.க., காங்கிரஸ் போன்ற கட்சிகள்தான் பிரபலம் என்ற நிலையில், அங்கும் புதிய மாற்று சக்திக்கு தேவை நிலவுவதால், விஜய்யின் செல்வாக்கை நம்பி த.வெ.க. இந்த வாய்ப்பை பயன்படுத்திக்கொள்ள முயற்சிக்கிறது. ஒரு புதிய அரசியல் கட்சி, தனது முதல் தேர்தலிலேயே இரண்டு மாநிலங்களில் ஆட்சியைப் பிடிப்பது என்பது வரலாற்றில் மிகவும் அபூர்வமான மற்றும் சவாலான செயலாகும். இதற்கு கட்சிக்கு அசுரத்தனமான நிதி பலம், இரண்டு பிராந்தியங்களிலும் வலுவான அமைப்புரீதியான கட்டமைப்பு, மற்றும் ஆழமான மக்கள் நம்பிக்கை தேவை. எனினும், விஜய்யின் மக்கள் செல்வாக்கு எல்லைகளை கடந்து புதுச்சேரியிலும் வலுவாக இருப்பதால், அவர் இந்த கோரிக்கையைச் சாத்தியமாக்கும் திறன் கொண்டவராக இருக்கலாம். த.வெ.க., சட்டமன்ற தேர்தலில் புதுச்சேரி மற்றும் தமிழ்நாட்டில் உள்ள சில இடங்களை வெல்வது, 2026 சட்டமன்றத் தேர்தலுக்கு ஒரு வலுவான அடித்தளத்தை அமைத்து கொடுக்கும். த.வெ.க.வின் இந்த திடீர் எழுச்சியும், செங்கோட்டையனின் கூட்டணி பேச்சுவார்த்தை முயற்சிகளும் தி.மு.க. மற்றும் அ.தி.மு.க. ஆகிய இரு கட்சிகளுக்கும் பெரும் அச்சுறுத்தலாக மாறியுள்ளது. ஏற்கனவே பலவீனமடைந்துள்ள அ.தி.மு.க., செங்கோட்டையன் மூலமாக மேலும் நிர்வாகிகளை இழந்தால், அது அ.தி.மு.க.வின் சரிவை விரைவுபடுத்தும். ஆளும் கட்சியாக இருந்தாலும், த.வெ.க. மூன்றாவது அணியாக உருவெடுத்து, வாக்கு வங்கியை பிரித்தால், அது தி.மு.க.வின் வெற்றி வாய்ப்புகளையும் பாதிக்கக்கூடும். மொத்தத்தில், செங்கோட்டையனின் வருகை, த.வெ.க.வின் அரசியல் விளையாட்டை வேறு தளத்திற்கு எடுத்து சென்றுள்ளது. இனி, தமிழகத்தின் அரசியல் களம் மூன்று முனை போட்டியாகவோ, அல்லது த.வெ.க.வை மையப்படுத்திய புதிய கூட்டணி அணி திரள்வாகவோ மாறக்கூடும் என எதிர்பார்க்கப்படுகிறது. #📢 நவம்பர் 28 முக்கிய தகவல்🤗 #தவெக வில் இணையும் செங்கோட்டையன்..? #தவெகவில் செங்கோட்டையன்

AD #bjpindia

அதிமுகவில் குறிப்பாக கொங்கு மண்டலத்தில் பல தசாப்தங்களாக முக்கிய முகமாக விளங்கிய மூத்த அரசியல்வாதி செங்கோட்டையன், அதிமுக பொதுச் செயலாளர் எடப்பாடி பழனிச்சாமிக்கு எதிராக எடுத்த நிலைப்பாட்டால் கட்சியில் இருந்து நீக்கப்பட்டார். எம்ஜிஆர் முதன்முதலாக முதல்வராக பதவி ஏற்ற 1977-ஆம் ஆண்டில் எம்எல்ஏ ஆன செங்கோட்டையன், அதன் பின் 1991-இல் ஜெயலலிதா ஆட்சிக்கு வந்த போதும் அமைச்சர் உள்ளிட்ட உயர்ந்த பொறுப்புகளை வகித்தவர். அதிமுகவின் மிகப் பிரம்மாண்டமான பொதுக்கூட்டங்களை ஒருங்கிணைத்து வெற்றிகரமாக நடத்துவதில் அவர் முக்கிய பங்கு வகித்திருந்தார். செங்கோட்டையன் தவெக ஜெயலலிதாவின் பயணத் திட்டங்களை செயல் வடிவில் கொண்டு வந்த முக்கிய நிர்வாகிகளில் ஒருவராகவும், கொங்கு மண்டலத்தில் வலுவான சமுதாய ஆதரவு கொண்ட தலைவராகவும் செங்கோட்டையன் நீண்ட காலம் அறியப்பட்டார். ஆனால் எடப்பாடி பழனிசாமி தலைமையிலான அதிமுகவில் அவருக்கு வழங்கப்பட்ட முக்கியத்துவம் குறைந்தது என்ற அதிருப்தி கடந்த சில ஆண்டுகளாகவே வெளிப்பட ஆரம்பித்தது. இதன் உச்சமாக, சில மாதங்களுக்கு முன்பு அவர் செய்தியாளர் சந்திப்பின் போது எடப்பாடி மீது பல்வேறு குற்றசாட்டுகளை தெரிவித்தார். விஜய் கட்சி பின்னர் நடந்த சமரச முயற்சிகளும் பயனளிக்கவில்லை. அதிமுகவில் இருந்து பிரிந்த தலைவர்களையும் மீண்டும் ஒன்றுபடுத்த வேண்டும் எனக் கூறிய அவரது பேச்சு கட்சியில் அதிர்வலை ஏற்படுத்தியது. இதையடுத்து, முதலில் அவரின் கட்சிப் பதவிகளும், பின்னர் அடிப்படை உறுப்பினர் பதவியும் பறிக்கப்பட்டது. இந்நிலையில், செங்கோட்டையன் நடிகர் விஜய் தலைமையிலான தமிழக வெற்றி கழகத்தில் (தவெக) இணைவது உறுதியாகியுள்ளது. விஜய் மடியில் விழுந்த இதயக்கனி.. செங்கோட்டையனை வைத்து ஸ்கோர் செய்வாரா? கொங்கில் எடப்பாடிக்கு பிரஷர்? செங்கோட்டையன் கடந்த 24 மணி நேரத்தில் நடந்த பல அரசியல் நிகழ்வுகள் செங்கோட்டையன் தவெகவில் இணைவது உறுதி தான் என தெளிவுபடுத்தியுள்ளன. இந்நிலையில், அதுவும் பல கட்ட ஆலோசனைக்குப் பிறகே அவர் கட்சியில் இணைவதை உறுதி செய்திருக்கிறார். முதற்கட்ட ஆலோசனையில் தவெக தலைவர் விஜய், செங்கோட்டையன், தவெக பொதுச் செயலாளர் என். ஆனந்த், தேர்தல் மேலாண்மை பிரிவு தலைவர் ஆதவ் அர்ஜுனா உள்ளிட்டோர் பங்கேற்றனர். இதில் பல முக்கிய விவாதங்கள் நடைபெற்றதாக தகவல் வெளியாகியுள்ளது. முக்கிய சந்திப்பு அதன்பின் இரண்டாம் கட்டமாக, விஜய் - செங்கோட்டையன் - வியூக ஆலோசகர் ஜான் ஆரோக்கியசாமி ஆகிய மூவரும் ஒரு மணி நேரம் தனிப்பட்ட ஆலோசனையில் ஈடுபட்டனர். இதில் செங்கோட்டையனுக்கு வழங்கப்பட உள்ள பொறுப்புகள் மற்றும் எதிர்காலத் திட்டங்கள் குறித்து விரிவாக விவாதிக்கப்பட்டதாகத் கூறபடுகிறது. தற்போது கிடைத்துள்ள தகவலின் அடிப்படையில், தவெகவில் செங்கோட்டையனுக்கு முக்கியமான இரண்டு பொறுப்புகள் வழங்கப்படுகின்றன. செங்கோட்டையன் மட்டுமல்ல.. ஒட்டுமொத்த டீமும் தவெகவில் ஐக்கியம்! பாண்டிச்சேரியிலும் இன்னிங்ஸ் தொடக்கம் கொங்கு மண்டலம் முதலாவது நிர்வாகக் குழுவின் ஒருங்கிணைப்பாளர் (Coordinator for Admin Council) பதவி. இதன் மூலம், கட்சியின் கட்டமைப்பு, நிர்வாகப் பொறுப்புகளில் ஒருங்கிணைப்பு, பிரிவுகளின் செயல்பாட்டை வலுப்படுத்துதல் உள்ளிட்ட முக்கிய பொறுப்புகளை அவர் மேற்கொள்வார். 2வது கொங்கு மண்டல பொறுப்பாளர் பதவி. கொங்கு பகுதியில் தவெகவின் வலிமையை அதிகரிக்க வேண்டிய பொறுப்பு முழுமையாக செங்கோட்டையனின் தோள்களில் வைக்கப்பட்டுள்ளது. அந்தப் பகுதியின் தேர்தல் வியூகம், பிரச்சார முறை, அமைப்பு கட்டமைப்பு போன்றவை குறித்து ஜான் ஆரோக்கியசாமியுடன் இணைந்து அவர் தீர்மானிப்பார். கொங்கு மண்டலம் மேலும், செங்கோட்டையன் நேரடியாக தலைவர் விஜய்க்கே ரிப்போர்ட் செய்வார் என்பதும் ஆலோசனைக் கூட்டத்தில் முடிவாகியுள்ளது. இது, அவருக்கு தவெகவில் வழங்கப்படும் முக்கியத்துவமும் பொறுப்பும் எவ்வளவு உயர்ந்தது என்பதையும் காட்டுகிறது. அதிமுகவின் பழம்பெரும் தலைவரான செங்கோட்டையனின் வருகை, தவெகவுக்கு அமைப்பு ரீதியாகவும், வியூகம் ரீதியாகவும் உறுதியாக பலன் தரும் என அரசியல் வட்டாரங்கள் கருதுகின்றன. குறிப்பாக கொங்கு மண்டலத்தில் உள்ள அவரின் செல்வாக்கு, விஜயின் புதிய அரசியல் பயணத்திற்கு ஒரு முக்கிய பலமாக அமையும் என மதிப்பிடப்படுகிறது. ##🗞️27 நவம்பர் முக்கிய தகவல்📺 #தவெக வில் இணையும் செங்கோட்டையன்..? #அதிமுகவில் இருந்து செங்கோட்டையன் நீக்கம்