🚗ஆட்டோமொபைல் Facts & Triviaℹ️

#🚗ஆட்டோமொபைல் Facts & Triviaℹ️ ஹூண்டாய் எக்ஸ்டர் நைட் எடிசன் (Knight Edition) என்ற பெயரில் இந்த புதிய வேரியண்ட் அறிமுகம் செய்யப்பட்டுள்ளது. இந்த நைட் எடிசன் மாடலானது நான்கு விதமான தேர்வுகளில் கிடைக்கும். பெட்ரோல் மேனுவல், பெட்ரோல் ஏஎம்டி மற்றும் சிஎன்ஜி எரிபொருள் தேர்வுகளிலும் வாங்க முடியும். வேரியண்ட்டை பொறுத்து விலை ரூ.8.13 லட்சம் முதல் ரூ.9.60 லட்சம் வரை நிர்ணயிக்கப்பட்டுள்ளது.

#🚗ஆட்டோமொபைல் Facts & Triviaℹ️ புதிய பொலிவுடன் ஸ்கோடா ஸ்லாவியா ஃபேஸ்லிஃப்ட் மாடல் வரும் 18ந் தேதி அறிமுகம் செய்யப்பட உள்ளது. கடந்த 2022ம் ஆண்டுக்கு பிறகு ஸ்லாவியா காரில் மாற்றங்கள் செய்யப்பட்டு வர இருக்கிறது. முன்புறத்தில் புதிய க்ரில் அமைப்பு, எல்இடி விளக்குகள், லேசான மாற்றங்கள் செய்யப்பட்ட பம்பர்கள், புதிய அலாய் சக்கரங்களும் இடம்பெற இருக்கின்றன. முன்புறத்திலும் பார்க்கிங் சென்சார்கள் கொடுக்கப்பட உள்ளன. புதிய ஸ்கோடா ஸ்லாவியா காரில் புதிய அப்ஹோல்ஸ்ட்ரி, 10.25 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், மசாஜ் வசதியுடன் பின்புற இருக்கைகள் இடம்பெறுகின்றன. இந்த மாடலில் 1.0 லிட்டர் மற்றும் 1.5 லிட்டர் பெட்ரோல் எஞ்சின்கள் தக்க வைக்கப்படும். அதேநேரத்தில், குஷாக் ஃபேஸ்லிஃப்ட் மாடலைப் போன்று இந்த காரிலும் 8 ஸ்பீடு ஆட்டோமேட்டிக் கியர்பாக்ஸ் சேர்க்கப்பட உள்ளது முக்கிய விஷயமாக இருக்கிறது.

#🚗ஆட்டோமொபைல் Facts & Triviaℹ️ கியா நிறுவனத்தின் பாக்ஸி ஸ்டைல் புதிய ‘சிரோஸ் EV’ மாடல் எக்ஸ்-ஷோரூம் விலையில் ₹13.49 லட்சம் முதல் ₹ 19.99 லட்சம் வரையில் அறிமுகமாகியுள்ள இந்த கார், வாடிக்கையாளர்களுக்கு வசதியாக ‘பேட்டரி வாடகை திட்டம்’ (BaaS) சந்தா முறையிலும் கிடைக்கிறது. BaaS திட்டத்தின் மூலம் காரின் ஆரம்ப விலை வெறும் ரூ. 7.99 லட்சத்தில் இருந்து தொடங்குவதுடன், பயணிக்கும் ஒவ்வொரு கிலோ மீட்டருக்கும் ₹ 3.3 மட்டுமே கட்டணமாகச் செலுத்த வேண்டும்.இதில் 42 kWh பேட்டரி மாடல் 443 கிமீ ரேஞ்சும், பெரிய 51.4 kWh பேட்டரி மாடல் தனது பிரிவிலேயே அதிகபட்சமாக 526 கிமீ ரேஞ்சும் வழங்கும் திறன் கொண்டது. இதன் பிரத்யேக எலக்ட்ரிக் மோட்டார் 171 hp பவரையும் 255 Nm டார்க்கையும் வெளிப்படுத்தி, வெறும் 8.1 வினாடிகளில் 0 முதல் 100 கி.மீ வேகத்தை எட்டிப்பிடிக்கிறது. மேலும் 100kW DC ஃபாஸ்ட் சார்ஜிங் வசதியைப் பயன்படுத்தி, 10% முதல் 80% வரை வெறும் 39 நிமிடங்களில் மிக வேகமாக சார்ஜ் செய்துவிட முடியும்.