👣🌿🧿 PRIYADARSHI 🧿🌿👣
949 views • 3 months ago
😋😋😋సాంబారు పొడి😋😋😋 .
సాంబారు రుచికరంగా తయారవ్వాలంటే మరుగుతున్న పులుసులో , సాంబారు పొడి కాని లేక సాంబారు ముద్ద కాని వేసుకోవాలి .
దక్షిణాదిన తమిళనాడు వారే రక రకాల సాంబారులు ప్రతి రోజు పెట్టుకుంటారు .
ప్రతిరోజు భోజనములో వారు సాంబారుతో పాటుగా రసము కూడా పెట్టుకుంటారు .
దక్షిణాది వారు సాంబారులో అన్ని రకములైన కాయగూరలు మరియు ఎక్కువ మోతాదులో పప్పు వేసి బాగా చిక్కగా సాంబారు పెట్టుకుంటారు.
ఉదయం ఇడ్లీ , వడలు మొదలైన టిఫిన్ల లో సాంబారు ఒక రకంగా , మధ్యాహ్నము భోజనము లోకి సాంబారు మరో రకంగా పెట్టుకుంటారు .
మన ఆంధ్రాలో దొరికే సాంబారు పొడులు అంత రుచిగా ఉండవు .
తమిళనాడులో అంబిక , శక్తి ఇంకా ఇతర కంపెనీ వారి సాంబారు పొడులు ప్రతి షాపులోను విరివిగా దొరుకుతాయి .
వాటిలో With మసాలా , Without మసాలా అని కూడా ఉంటాయి .
మసాలా అంటే దాల్చిన చెక్క మరియు లవంగాలు వాసన వేస్తూ పొడి చాలా ఘాటుగా ఉంటుంది .
మసాలా వేయనిది అంటే పై వస్తువులు లవంగాలు మరియు దాల్చిన చెక్క వంటివి వేయకుండా చేసినది కూడా దొరుకుతుంది .
మామూలుగా సాంబారు , మసాలా వేయనిదే రుచిగా ఉంటుంది .
ఈ సాంబారు పొడి నెలకు సరిపడా ఇంట్లోనే తయారు చేసుకోవచ్చు .
సాంబారు పొడి .
తయారీ విధానము .
కావలసినవి.
ఎండుమిరపకాయలు -- 20
చాయమినపప్పు -- 20 గ్రాములు
పచ్చి శనగపప్పు -- 50 గ్రాములు.
కందిపప్పు -- 25 గ్రాములు
బియ్యము -- రెండు స్పూన్లు
మెంతులు -- స్పూను
జీలకర్ర -- స్పూను
ఆవాలు -- అర స్పూను.
ధనియాలు -- 50 గ్రాములు.
మిరియాలు -- షుమారు 15 గ్రాములు
ఇంగువ -- పొడి కాకుండా పలుకులు 5 గ్రాములు
పసుపు -- ఒక స్పూను.
తయారీ విధానము .
ముందుగా చాయ మినపప్పు , పచ్చి శనగపప్పు , కందిపప్పు , బియ్యము , ధనియాలు నూనె అసలు వేయకుండా ఒక బాండిలో కమ్మని వాసన వచ్చేదాకా వేయించుకుని విడిగా వేరే పళ్ళెంలోకి తీసుకోవాలి .దానిపైన స్పూను పసుపు వేసుకోవాలి .
ఆ తర్వాత తిరిగి బాండిలో నూనె లేకుండా ఎండుమిరపకాయలు , మెంతులు , జీలకర్ర , ఆవాలు , మిరియాలు మరియు ఇంగువ పలుకులు కూడా వేసి వేయించుకోవాలి .
ముందుగా మిక్సీ లో మొదట వేయించుకున్న ధనియాలు , శనగపప్పు , కందిపప్పు , మినపప్పు తదితర మిశ్రమాన్ని వేసి మెత్తగా పొడి వేసుకుని ఒక బేసిన్ లో తీసుకోవాలి .
తర్వాత రెండవసారి వేసుకున్న ఎండుమిరపకాయలు , జీలకర్ర , మెంతులు , ఇంగువ మిశ్రమాన్ని వేసుకొని మిక్సీ లో మెత్తగా వేసుకోవాలి.
ఈ పొడిని ముందుగా తీసుకున్న బేసిన్ లోని పొడిలో వేసుకుని రెండూ చేతితో బాగా కలుపుకోవాలి.
తర్వాత ఒక సీసాలో పోసుకుని ఫ్రిజ్ లో పెట్టుకుని అవసరమైనప్పుడు మూడు స్పూన్లు చొప్పున సాంబారు లో వేసుకుని , తిరిగి సీసాను ఫ్రిజ్ లో పెట్టుకుంటే నాలుగు నెలలు పైన ఈ సాంబారు పొడి ఘుమ ఘుమ లాడుతూ సాంబారుకు మంచి రుచిని తెస్తుంది.
#tasty food recipes 😋 #🥗tasty వంటకాలు #సాంబార్ పొడి #sambar powder #తెలుసుకుందాం
13 likes
12 shares
