🙏🏼 రామాయణం

#🏹సీతారామ✨ #💮రామ నవమి త్వరలో🙏 #🙏🏼 రామాయణం #🎉రామనవమి వేడుకలు😊 #🥁రాముని భజనలు🎶

#🙏రామ నవమి శుభాకాంక్షలు🌸 #💮రామ నవమి స్టేటస్ 🙏 #🥁రాముని భజనలు🎶 #🙏🏼 రామాయణం #🎉రామనవమి వేడుకలు😊

. #Government_of_UP

శ్రీ సీతారామ కళ్యాణ సర్గః 1.యస్మింస్తు దివసే రాజా చక్రే గోదాన ముత్తమమ్ | తస్మింస్తు దివసే వీరో యుధాజిత్సముపేయివాన్ ǁ 2.పుత్రః కేకయరాజస్య సాక్షాద్భరతమాతులః | దృష్ట్వా పృష్ట్వా చ కుశలం రాజాన మిద మబ్రవీత్ ǁ 3.కేకాయాధిపతీ రాజా స్నేహాత్ కుశల మబ్రవీత్ | యేషాం కుశలకామోఽసి తేషాం సంప్ర త్యనామయమ్ ǁ 4.స్వస్రీయం మమ రాజేంద్ర ద్రష్టుకామో మహీపతిః | తదర్థ ముపయాతోఽ హ మయోధ్యాం రఘునందన ǁ 5.శ్రుత్వా త్వహ మయోధ్యాయాం వివాహార్థం తవాత్మజాన్ | మిథిలా ముపయాతాంస్తు త్వయా సహ మహీపతే ǁ 6.త్వరయాఽభ్యుపయాతో ఽహం ద్రష్టుకామః స్వసుః సుతమ్| అథ రాజా దశరథః ప్రియాతిథి ముపస్థితమ్ | దృష్ట్వా పరమసత్కారైః పూజనార్హమపూజయత్ ǁ 7.తతస్తా ముషితో రాత్రిం సహ పుత్రై ర్మహాత్మభిః | ప్రభాతే పునరుత్థాయ కృత్వా కర్మాణి కర్మవిత్ | ఋషీంస్తదా పురస్కృత్య యజ్ఞవాట ముపాగమత్ ǁ 8.యుక్తే ముహూర్తే విజయే సర్వాభరణభూషితైః | భ్రాతృభిః సహితో రామః కృతకౌతుకమంగళః ǁ 9.వసిష్ఠం పురతః కృత్వా మహర్షీ నపరానపి | పితుః సమీపమాశ్రిత్య తస్థౌ భ్రాతృభిరావృతః | వసిష్ఠో భగవా నేత్య వైదేహ మిద మబ్రవీత్ ǁ 10.రాజా దశరథో రాజన్ కృతకౌతుకమంగళైః | పుత్రై ర్నరవర శ్రేష్ఠ దాతార మభికాంక్షతే ǁ 11.దాతృప్రతిగ్రహీతృభ్యాం సర్వార్థాః ప్రభవంతి హి | స్వధర్మం ప్రతిపద్యస్వ కృత్వా వైవాహ్య ముత్తమమ్ ǁ 12.ఇత్యుక్తః పరమోదారో వసిష్ఠేన మహాత్మనా | ప్రత్యువాచ మహాతేజా వాక్యం పరమధర్మవిత్ ǁ 13.కః స్థితః ప్రతిహారో మే కస్యాజ్ఞా సంప్రతీక్ష్యతే | స్వగృహే కో విచారోఽస్తి యథా రాజ్యమిదం తవ ǁ 14.కృతకౌతుకసర్వస్వా వేదిమూల ముపాగతాః | మమ కన్యా మునిశ్రేష్ఠ దీప్తా వహ్నే రివార్చిషః ǁ 15.సజ్జోఽహం త్వత్ప్రతీక్షో ఽస్మి వేద్యామస్యాం ప్రతిష్ఠితః | అవిఘ్నం కురుతాం రాజా కిమర్థ మవలంబతే ǁ 16.తద్వాక్యం జనకే నోక్తం శ్రుత్వా దశరథ స్తదా | ప్రవేశయామాస సుతాన్ సర్వా నృషిగణానపి ǁ 17.తతో రాజా విదేహానాం వసిష్ఠ మిద మబ్రవీత్ | కారయస్వ ఋషే సర్వామృషిభిః సహ ధార్మిక | రామస్య లోకరామస్య క్రియాం వైవాహికీం ప్రభో ǁ 18.తథేత్యుక్త్వా తు జనకం వసిష్ఠో భగవా నృషిః | విశ్వామిత్రం పురస్కృత్య శతానందం చ ధార్మికమ్ ǁ 19.ప్రపామధ్యే తు విధివ ద్వేదిం కృత్వా మహాతపాః | అలంచకార తాం వేదిం గంధపుష్పైః సమన్తతః ǁ 20.సువర్ణపాలికాభిశ్చ ఛిద్రకుంభైశ్చ సాంకురైః | అంకురాఢ్యైః శరావైశ్చ ధూపపాత్రైః సధూపకైః ǁ 21.శంఖపాత్రైః స్రువైః స్రుగ్భిః పాత్రై రర్ఘ్యాభిపూరితైః | లాజపూర్ణైశ్చ పాత్రీభి రక్షతై రభిసంస్కృతైః ǁ 22.దర్భైః సమైః సమాస్తీర్య విధివ న్మంత్రపూర్వకమ్ | అగ్నిమాధాయ వేద్యాం తు విధిమంత్రపురస్కృతమ్ | జుహావాగ్నౌ మహాతేజా వసిష్ఠో భగవానృషిః ǁ 23.తతః సీతాం సమానీయ సర్వాభరణభూషితామ్ | సమక్ష మగ్నేః సంస్థాప్య రాఘవాభిముఖే తదా | అబ్రవీ జ్జనకో రాజా కౌసల్యానందవర్ధనమ్ ǁ 24.ఇయం సీతా మమ సుతా సహధర్మచరీ తవ | ప్రతీఛ్చ చైనాం భద్రం తే పాణిం గృహ్ణీష్వ పాణినా ǁ 25.పతివ్రతా మహాభాగా ఛాయే వానుగతా సదా | ఇత్యుక్త్వా ప్రాక్షిప ద్రాజా మంత్రపూతం జలం తదా ǁ 26.సాధు సాధ్వితి దేవానా మృషీణాం వదతాం తద | దేవదుందుభినిర్ఘోషః పుష్పవర్షో మహానభూత్ ǁ 27.ఏవం దత్వా తదా సీతాం మంత్రోదకపురస్కృతామ్ | అబ్రవీ జ్జనకో రాజా హర్షే ణాభిపరిప్లుతః ǁ 28.లక్ష్మణాగచ్ఛ భద్రం తే ఊర్మిళా ముద్యతాం మయా | ప్రతీచ్ఛ పాణిం గృహ్ణీష్వ మా భూత్కాలస్య పర్యయః ǁ 29.తమేవ ముక్త్వా జనకో భరతం చాభ్యభాషత | గృహాణ పాణిం మాండవ్యాః పాణినా రఘునందనǁ 30.శతృఘ్నం చాపి ధర్మాత్మా అబ్రవీ జ్జనకేశ్వరః | శ్రుతకీర్త్యా మహాబాహో పాణిం గృహ్ణీష్వ పాణినా ǁ 31.సర్వే భవంతః సౌమ్యాశ్చ సర్వే సుచరితవ్రతాః | పత్నీభిః సంతు కాకుత్థ్సా మా భూత్కాలస్య పర్యయః ǁ 32.జనకస్య వచః శ్రుత్వా పాణీం పాణిభి రస్పృశన్ | చత్వారస్తే చతసృణాం వసిష్ఠస్య మతే స్థితాః ǁ 33.అగ్నిం ప్రదక్షిణీకృత్య వేదిం రాజానమేవ చ | ఋషీంశ్చైవ మహాత్మానః సభార్యా రఘుసత్తమాః | యథోక్తేన తథా చక్రు ర్వివాహం విధిపూర్వకమ్ ǁ 34. పుష్పవృష్టి ర్మహత్యాసీ దంతరిక్షాత్సుభాస్వరా | దివ్యదుందుభినిర్ఘోషై ర్గీతవాదిత్రనిఃస్వనైః ǁ 35.ననృతు శ్చాప్సరస్సంఘా గంధర్వాశ్చ జగుః కలమ్| వివాహే రఘుముఖ్యానాం తదద్భుత మదృశ్యత ǁ 36.ఈదృశే వర్తమానే తు తూర్యోద్ఘుష్ఠనినాదితే | త్రిరగ్నిం తే పరిక్రమ్య ఊహు ర్భార్యా మహౌజసః ǁ 37.అథోపకార్యాం జగ్ముస్తే సభార్యా రఘునందనాః | రాజా ప్యనుయయౌ పశ్యన్సర్షిసంఘః సబాంధవః ǁ ఇత్యార్షే శ్రీమద్రామాయణే వాల్మీకీయే ఆదికావ్యే బాలకాండే త్రిసప్తతితమః సర్గః #☀️శుభ మధ్యాహ్నం #🙏🏻శుక్రవారం భక్తి స్పెషల్ #🌹శుక్రవారం స్పెషల్ స్టేటస్ #🙏రామ నవమి శుభాకాంక్షలు🌸 #🙏🏼 రామాయణం