മായക്കണ്ണൻ!!
🕉️🕉️🕉️🕉️🕉️🕉️🕉️🕉️🕉️🕉️🕉️🕉️🕉️
🙏🙏🙏🙏🙏🙏🙏🙏🙏🙏🙏🙏🙏
അമ്പലനടയിൽ ഞാൻ തൊഴുതുനിൽക്കുമ്പോൾ,
അരികിൽ വന്നു നീ ചിരി തൂകിടുന്നു.
കൈകൂപ്പി നിൽക്കുമീ ഏഴയെ നോക്കി നീ,
കണ്ണു ചിമ്മി വീണ്ടും ഒളിച്ചിടുന്നു!
പാലഭിഷേകം കണ്ടു ഞാൻ നിൽക്കുമ്പോൾ,
പാൽവെണ്ണയാം മനം നീ കവർന്നീടുന്നു.
താപമെന്നുള്ളിൽ നിറഞ്ഞിടുമ്പോഴേക്കും,
കോമളരൂപം കാട്ടി മയക്കിടുന്നു.
ഗോപികാ വല്ലഭൻ നീയെങ്കിലും കണ്ണാ,
ഗോപാലബാലനായ് കാണാനാണെന്നിഷ്ടം.
ആ കുഞ്ഞു കൈയിലെ വെണ്ണത്തുണ്ടുപോലെ,
ആത്മാവു നിൻ്റെ മുന്നിൽ വെയ്ക്കുന്നു ഞാൻ.
ചന്ദനച്ചാർത്തിനപ്പുറം തിളങ്ങുന്ന കണ്ണുകളിൽ,
ഈരേഴു ലോകവും ഞാൻ കാണുന്നു.
തീരാത്ത നിൻ്റെയീ ലീലകൾ കാണുവാൻ,
ഈ ജന്മമത്രയും ഞാൻ കാത്തിരിക്കാം.
🕉️🕉️🕉️🕉️🕉️🕉️🕉️🕉️🕉️🕉️🕉️🕉️🕉️
🙏🙏🙏🙏🙏🙏🙏🙏🙏🙏🙏🙏🙏
🦚🪈ചാരുമാധവം🦚 🪈
#krishna #കൃഷ്ണ #🕉️ശ്രീ ഗുരുവായൂരപ്പൻ #ശ്രീ ഗുരുവായൂർ കണ്ണൻ 🙏 #ॐ ഗുരുവായൂർ ക്ഷേത്രംॐ 🔥 🔥ഓം നമോ നാരായണായ🔥
