🎬 સિનેમા જગત અપડેટ્સ

સિંગર કિંજલ દવે ફરી એક વખત ચર્ચામાં આવી છે. ધ્રુવીન શાહ સાથે સગાઈના કારણે તેને ન્યાત બહાર મૂકવામાં આવી હતી. આ વિવાદ વચ્ચે તે અને ધ્રુવીન માલદિવ્સમાં વેકેશન માણવા ગયા હતા. જેની તસવીરો તેણે સોશિયલ મીડિયા પર પોસ્ટ કરી હતી. જોકે આ તસવીરો તેણે હટાવી દીધી છે, જેના કારણે કિંજલ દવે ફરી ચર્ચામાં આવી છે. લોકો કિંજલ દવે અને ધ્રુવીન શાહ વચ્ચે સંબંધમાં તિરાડ પડી તેવી અટકળો કરી રહ્યા છે, જ્યારે કેટલાક લોકો આને પબ્લિસિટી સ્ટંટ ગણાવી રહ્યા છે. કિંજલે કેમ તસવીરો હટાવી તે અંગે તેની કે ધ્રુવીન શાહ તરફથી કોઈ સત્તાવાર નિવેદન આપવામાં આવ્યું નથી.સગાઈ બાદ તરત જ કિંજલ દવે અને ધ્રુવિન શાહ માલદિવ્સના સુંદર દરિયા કિનારે ક્વોલિટી ટાઈમ સ્પેન્ડ કરવા અને વેકેશન મનાવવા ગયા હતા. આ વેકેશન દરમિયાન બંનેએ ફેન્સ સાથે પોતાની સુંદર ક્ષણોની અનેક તસવીરો શેર કરી હતી, જેને ચાહકોએ ખૂબ જ પસંદ કરી હતી. પરંતુ હવે અચાનક આ બધી જ તસવીરો પ્રોફાઈલમાંથી ડિલિટ કરી દેવામાં આવી છે. જેના કારણે ફેન્સ તેમના બ્રેકઅપ અથવા સંબંધોમાં ખટાશની આશંકા વ્યક્ત કરી રહ્યા છે.કેટલાક લોકો એવું પણ અનુમાન લગાવી રહ્યા છે કે, કિંજલ દવેનું કોઈ નવું ગીત આવી રહ્યું હશે. ફેન્સનું ધ્યાન ખેંચવા અને સમાચારમાં ચમકવા આ એક સ્ટંટ હોઈ શકે છે. જોકે હજુ સુધી કિંજલ દવે અને ધ્રુવીન શાહ તરફથી કોઈ સત્તાવાર નિવેદન આપવામાં આવ્યું ન હોવાથી લોકો અવઢવમાં છે.ચાર ચાર બંગડી ફેમ કિંજલ દવેએ ધ્રુવિન શાહ સાથે આંતરજ્ઞાતિય સગાઈ કરી હતી. જે બાદ પાંચ પરગણા ઔદિચ્ય બ્રહ્મ સમાજે તેને ન્યાત બહાર કરી હતી. જે બાદ કિંજલે સમાજ સામે બંડ પોકાર્યો હતો અને સમાજના નેતાઓ પર આકરા પ્રહાર કર્યા હતા. આ પછી કિંજલ દવેએ શાનદાર સગાઈ પાર્ટી યોજી હતી અને માલદીવમાં ધ્રુવિન સાથે વેકેશન માણવા પણ ગઈ હતી.કિંજલ દવેએ ન્યાત બહાર મૂકાયા બાદ સોશિયલ મીડિયા પર વીડિયો પોસ્ટ કર્યો હતો. તેણે કહ્યું જય માતાજી, હર મહાદેવ મિત્રો. મારા જીવનના એક નવા પડાવની શરૂઆતમાં પ્રેમ અને આશીર્વાદ આપનારા દરેકનો હું આભાર માનું છું. મારા સગપણને લઈને છેલ્લા ઘણા સમયથી મીડિયામાં અનેક તર્ક-વિતર્ક અને ચર્ચાઓ ચાલી રહી છે, જેને કારણે હું અત્યાર સુધી મૌન હતી. પણ હવે વાત જ્યારે મારા પરિવાર અને ખાસ કરીને મારા પિતા સુધી પહોંચી છે, ત્યારે એક દીકરી તરીકે મારાથી સહન થતું નથી અને તેથી આજે મારે બોલવું પડ્યું છે. #🔥 બિગ અપડેટ્સ #😎 સેલિબ્રિટી અપડેટ્સ #🎤 ગુજરાતી સિંગર પર્ફોર્મન્સ #😎 સેલિબ્રિટી જંકશન #👌બેસ્ટ સ્ટેટ્સ📱

#🎬 બોલીવુડ લેટેસ્ટ અપડેટ્સ #🎬 વેબસિરીઝ બેસ્ટ ક્લિપ

#🎬 બોલીવુડ લેટેસ્ટ અપડેટ્સ #🎬 વેબસિરીઝ બેસ્ટ ક્લિપ