Odia News
773 views • 3 hours ago
ରକ୍ଷାବନ୍ଧନରେ ଆସିଛି ଖୁସି ଖବର। ସାରା ଦେଶରେ ଚାରି ଦିନ ଧରି ଲଗାତାର ବୃଦ୍ଧି ପାଉଥିବା ସୁନା ଦରରେ ଆଜି ବ୍ରେକ୍ ଲାଗିଛି। ନୂଆଦିଲ୍ଲୀ ବୁଲିଅନ୍ ବଜାରରେ ସୁନା ଦରରେ ୬୦୦ ଟଙ୍କାର ହ୍ରାସ ଘଟି ୧୦ ଗ୍ରାମ୍ ପ୍ରତି ୧ ଲକ୍ଷ ୬୬ ହଜାର ୫୦୦ ଟଙ୍କା ଛୁଇଁଥିଲା। ତେବେ ପରବର୍ତ୍ତୀ କାରବାର ସେସନ୍ରେ ସୁନା ଦରରେ ୧,୭୦୦ ଟଙ୍କାରୁ ଅଧିକର ବଡ଼ ଧରଣର ହ୍ରାସ ରେକର୍ଡ କରାଯାଇଛି।ଅପରପକ୍ଷରେ, ଅଲ୍ ଇଣ୍ଡିଆ ସରାଫା ଆସୋସିଏସନ୍ ଅନୁଯାୟୀ, ରୂପା ମୂଲ୍ୟରେ ସାମାନ୍ୟ ଉନ୍ନତି ଘଟିଛି, ପ୍ରତି କିଲୋଗ୍ରାମରେ ୫୦୦ ବୃଦ୍ଧି ପାଇ ୨ ଲକ୍ଷ ୫୦ ହଜାର ୫୦୦ ହୋଇଛି।
ଆଜି ସୁନା ଦର କେତେ?
ଇଷ୍ଟର୍ଣ୍ଣ ହେରାଲ୍ଡରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ୨୪ କ୍ୟାରେଟ୍ ସୁନାର ମୂଳ ମୂଲ୍ୟ ପ୍ରତି ଗ୍ରାମ ୧୬ ହଜାର ୨୦୦ ଟଙ୍କା ଏବଂ ୨୨ କ୍ୟାରେଟ୍ ସୁନାର ମୂଳ ମୂଲ୍ୟ ୧୪ ହଜାର ୮୫୦ ଟଙ୍କା ହୋଇଛି, ଯାହା ଗତକାଲି ତୁଳନାରେ ଯଥାକ୍ରମେ ୧୭୪ ଏବଂ ୧୫୦ ହ୍ରାସ ପାଇଛି। ୧୦ ଗ୍ରାମ ସୁନାର ମୂଲ୍ୟ ସିଧାସଳଖ ପ୍ରାୟ ୧ ହଜାର ୭୪୦ ହ୍ରାସ ପାଇଛି।ସୁନା ଦର କମିବାର ମୁଖ୍ୟ କାରଣ: ଜୁଲାଇ ମାସରେ ଆମେରିକାର ବ୍ୟକ୍ତିଗତ ବ୍ୟବହାର ଖର୍ଚ୍ଚ (PCE) ସୂଚକାଙ୍କ ୩.୭% ଥିଲା, ଯାହା ଆମେରିକାର ଫେଡେରାଲ ରିଜର୍ଭର ୨% ଲକ୍ଷ୍ୟଠାରୁ ବହୁତ ଅଧିକ। ଏହା ଦ୍ୱାରା ଫେଡେରାଲ ରିଜର୍ଭ ସେପ୍ଟେମ୍ବର ବୈଠକରେ ସୁଧ ହାର ବୃଦ୍ଧି କରିପାରେ ବୋଲି ଚିନ୍ତା ବଢ଼ିଛି।ସୁଧ ହାର ବୃଦ୍ଧିର ସମ୍ଭାବନା ହେତୁ, ନିବେଶକମାନେ ସୁନାରୁ ଡଲାର ଏବଂ ବଣ୍ଡ୍ରେ ଟଙ୍କା ନିବେଶ କରୁଛନ୍ତି। ଫଳସ୍ୱରୂପ, ଅନ୍ତର୍ଜାତୀୟ ବଜାରରେ ସ୍ପାଟ୍ ଗୋଲ୍ଡ (Spot Gold) ମୂଲ୍ୟ ଆଉନ୍ସ ପ୍ରତି ୪ ହଜାର ୬୩୩ କୁ ହ୍ରାସ ପାଇଛି।
ଭୁବନେଶ୍ୱର ଓ ଅନ୍ୟ ସହରଗୁଡ଼ିକର ଆଜିର ସୁନା ଦର:
ଭୁବନେଶ୍ୱର ବଜାରରେ ଆଜିର ସୁନା ଦର, ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମକୁ ୧ ଲକ୍ଷ ୫୯ ହଜାର ୧୮୦ ଟଙ୍କା ଥିଲା ବେଳେ, ୨୨ କ୍ୟାରେଟ୍ ସୁନାର ଦାମ ୧ ଲକ୍ଷ ୫୧ ହାଜର ୬୦୦ଟଙ୍କା ରହିଛି, ଏହାସହ ୧୮ କ୍ୟାରେଟ୍ ସୁନା ୧ ଲକ୍ଷ ୨୪ ହଜାର ୪୦ଟଙ୍କାରେ ପହଞ୍ଚିଛି। #📢ରାକ୍ଷୀରେ ସୁନା ଦରରେ ଲାଗିଲା ବ୍ରେକ୍🚫
10 shares
