ఫన్నీ వీడియో • ShareChat Photos and Videos

1K views • 15 days ago

#😇My Status #ఫన్నీ వీడియోలు #AI వీడియోలు #using ai creativity ఆఖరికి దేవుళ్ళను కూడా లాగుతున్నారు ఈ A. I.ఊబిలోకి. ఈ A. I. పిచ్చి లోకాన్ని ముంచేస్తుంది ఎప్పుడో! అబద్ధాన్ని నిజమని భ్రమింపజేయటం, అబద్ధాన్ని భ్రమల్లో ముంచి వాస్తవం అని నమ్మేలా చేయటం. ఇది టెక్నాలజీ అనుకుంటున్నారు గానీ నిజానికి ఇది వక్రాలజీ! మన అనాకారి అవతారాలను మనమే అందంగా సృష్టించుకుని మనకు మనం భుజాలు చరుచుకుని సంబరపడుతున్నాం! పొంగిపోతున్నాం!మురిసిపోతున్నాం! అవతల వాళ్ళను నమ్మిస్తున్నాం! మన అతితెలివితేటలకు మనమే మురిసిపోతున్నాం! ఇప్పుడు మనం వీటిని సృష్టించి, వీటిని చూపించి, వీటిని చూసి సంబరపడుతున్నాము. ముందు ముందు ఎన్ని అనర్ధాలను, అవాంతరాలను తెచ్చిపెడుతుందో మనం ఊహించలేము. ఆరోజు ఎంతో దూరంలో లేదు. వినాశకాలే విపరీత బుద్ధి! అన్నారు. మనల్ని సృష్టించిన దేవుళ్లనే ఈ A. I. ద్వారా సృష్టిస్తున్నారు. చనిపోయినవారిని కూడా బ్రతికించి తీసుకొచ్చి పెళ్లిళ్ళల్లో నిలబెట్టి కొడుకు కోడలికి, కూతురుకి అల్లుడికి అక్షంతలు వేయించి వారితో గ్రూపు ఫోటోలు తీయిస్తున్నారు. ఇది మంచికా? చెడుకా? అర్ధం కావటం లేదు. టెంపరరీగా మనం ఆనందపడుతున్నాం. అవి చూసి ఉబ్బితబ్బిబ్భై పోతున్నాం. కానీ ముందు ముందు ఇది ఎన్నో ఉపద్రవాలను తెచ్చిపెట్టబోతోంది. బహుపరాక్! తస్మాత్ జాగ్రత్త! భవిష్యత్తును తలచుకుంటే భయమేస్తోంది. ఇప్పటికే ఇది చాలామంది ఉద్యోగాలను ఊడబీకి నిరుద్యోగుల్ని చేసింది. ముందు ముందు మన పిల్లలకి, మనవళ్ళకి, మనవరాళ్లకి ఉద్యోగాలు రాకుండా చేయబోతోంది. సంతోషిస్తారో, బాధ పడతారో మీ ఇష్టం. ఎంతో దూరంలో లేదు. "గతకాలము మేలు వచ్చుకాలము కంటెన్" అన్నారు. అది నూటికి నూరుపాళ్ళు నిజం కాబోతోంది!

22 likes

16 shares