*।। କାର୍ତ୍ତିକ କୃଷ୍ଣ ଏକାଦଶୀ ବା ରମା ଏକାଦଶୀ ମାହାତ୍ମ୍ୟ ।।* ରମା ଏକାଦଶୀ ବା ରମ୍ଭା ଏକାଦଶୀ ର ହିନ୍ଦୁ ଧର୍ମରେ ବହୁତ ମାନ୍ୟତା ରହିଛି। ଏହି ଏକାଦଶୀ ପାଳନ କଲେ ଏ ଜନ୍ମ ର ସମସ୍ତ ପାପ ନଷ୍ଟ ହୋଇଥାଏ ଏବଂ ମୄତ୍ୟୁ ପରେ ବିଷ୍ଣୁ ଲୋକ ପ୍ରାପ୍ତ ହୁଏ ବୋଲି ମାନ୍ୟତା ଅଛି। ରମା ଏକାଦଶୀ ଦିନ ଭଗବାନ ବିଷ୍ଣୁ ଙ୍କ ସହିତ ମାତା ଲକ୍ଷ୍ମୀ ଙ୍କ ପୂଜନ ମଧ୍ୟ କରାଯାଉଥିବାରୁ ଏହାକୁ ଅତ୍ୟନ୍ତ ପବିତ୍ର କୁହାଯାଏ। ଏହି ପର୍ବ ଧନଦା ତ୍ରୟୋଦଶୀ ର ଦୁଇ ଦିନ ପୂର୍ବରୁ କାର୍ତ୍ତିକ କୄଷ୍ଣ ପକ୍ଷ ଏକାଦଶୀ ଦିନ ପଡେ। ଏହି ଏକାଦଶୀ ପାଳନ କଲେ ବାଜପେୟ ଯଗ୍ଙ୍ୟ ର ଫଳ ମିଳିଥାଏ। ll ରମା ଏକାଦଶୀ ର ପୂଜା ବିଧି ll ରମା ଏକାଦଶୀ ପାଳନ କରୁଥିବା ଭକ୍ତ ଗୋଟିଏ ଦିନ ପୂର୍ବରୁ ନିୟମ ରେ ରହିବାକୁ ପଡ଼ିବ। ଏକାଦଶୀ ଦିନ ସକାଳୁ ଉଠି ସ୍ନାନ କରି ସଫା ଲୁଗା ପିନ୍ଧନ୍ତୁ। ଏହି ବ୍ରତ ନିର୍ଜଳା ଉପବାସ ଅଟେ। ଘରେ ବିଷ୍ଣୁ ପ୍ରତିମା କୁ ସ୍ଥାପନ କରନ୍ତୁ ବିଷ୍ଣୁ ଭଗବାନଙ୍କୁ ତୁଳସୀ, ଫଳ, ଫୁଲ ଏବଂ ନୈବେଦ୍ୟ ଅର୍ପଣ କରନ୍ତୁ ବିଷ୍ଣୁ ଆରତୀ କରି ଘରର ସମସ୍ତଙ୍କୁ ପ୍ରସାଦ ଦିଅନ୍ତୁ। ଏହି ଦିନ ସୁନ୍ଦରା କାଣ୍ଡ ମଧ୍ୟ କରାଯାଏ।ରାତିରେ ଜାଗରଣ ରହି ଭଗବାନଙ୍କ ଭଜନ କିର୍ତନ କରାଯାଏ। ଆରଦିନ କୌଣସି ବ୍ରାହ୍ମଣ କିମ୍ବା ଗରିବଙ୍କୁ ଭୋଜନ କରାନ୍ତୁ। ତାପରେ ଅନ୍ନ ଜଳ ଗ୍ରହଣ କରନ୍ତୁ। ll ରମା ଏକାଦଶୀ ବ୍ରତ କଥା ll ପୌରାଣିକ ମାନ୍ୟତା ଅନୁସାରେ ମୁଚକୁନ୍ଦ ନାମକ ଏକ ରାଜା ଥିଲେ। ତାଙ୍କର ଇନ୍ଦ୍ର, ବରୁଣ, କୁବେରଙ୍କ ସହ ମିତ୍ରତା ଥିଲା। ରାଜା ଧର୍ମାନୁପ୍ରୈମୀ ଏବଂ ବିଷ୍ଣୁ ଭକ୍ତ ଥିଲେ। ତାଙ୍କର ଏକ ଝିଅ ଥିଲେ ଯାହାର ନାମ ଚନ୍ଦ୍ରଭାଗା। ଚନ୍ଦ୍ରଭାଗା ର ବିବାହ ଚନ୍ଦ୍ରସେନ ରାଜା ଙା ପୁଅ ଶୋଭନ କୁମାର ସହ ହେଲା। ଦିନେ ଶୋଭନ ଶ୍ବଶୁର ଘରକୁ ଆସିଥିଲେ। ସେହି ଦିନ ରମା ଏକାଦଶୀ ଥିଲା। ସେହି ରାଜ୍ୟରେ ସମସ୍ତେ ଏକାଦଶୀ ବ୍ରତ କରନ୍ତି। ତେଣୁ ରାଜ୍ୟରେ କିଏବି ଖାଦ୍ୟ ଗ୍ରହଣ କରିବାକୁ ବାରଣ ଥିଲା। କିନ୍ତୁ ଶୋଭନ ବିନା ଖାଦ୍ୟ ରେ ରହିପାରିବ ନାହିଁ ବୋଲି କହିଲେ ଏବଂ ଖାଦ୍ୟ ବିନା ପ୍ରାଇ ରହିବ ନାହିଁ ବୋଲି ଚନ୍ଦ୍ରଭାଗା କୁ କହିଲେ। କିନ୍ତୁ ଚନ୍ଦ୍ରଭାଗା କହିଲେ- ଆମ ରାଜ୍ୟରେ ଆଜି କୌଣସି ଲୋକ ଭୋଜନ କରନ୍ତି ନାହିଁ। ଆଜି ସମସ୍ତେ ରମା ଏକାଦଶୀ ପାଳନ କରନ୍ତି। ଏହା ଶୁଣି ଶୋଭନ କହିଲେ ମୁଁ ମଧ୍ୟ ବ୍ରତ କରିବି। ଭାଗ୍ୟରେ ଯାହା ଥିବ ତାହା ହେବ।ଏପରି ଭାବି ରାଜକୁମାର ବ୍ରତ ଆରମ୍ଭ କଲେ। କିନ୍ତୁ ନିର୍ଜଳା ଉପବାସରେ ରହି ନପାରି ନିଜର ପ୍ରାଣ ତ୍ୟାଗ କଲେ। ରାଜକୁମାର ଙ୍କ ଅନ୍ତ୍ୟେଷ୍ଟି ପରେ ଚନ୍ଦ୍ରଭାଗା ନିଜ ପିତା ଘରେ ରହିଲେ। ସେପଟେ ଶୋଭନ କୁମାର କୁ ରମା ଏକାଦଶୀ ର ପୁଣ୍ୟ ରେ ଏକ ନୂତନ ସୁନ୍ଦର ଦେବପୂର ପ୍ରାପ୍ତ ହେଲା। ସେଠାରେ ସେ ସ୍ବର୍ଗ ସୁଖ ପ୍ରାପ୍ତ କଲେ। କିଛି ଦିନ ପରେ ସେଠାକୁ ଏକ ବ୍ରାହ୍ମଣ ଆସିଲେ। ସେ ଶୋଭନ କୁମାର କୁ ଚିହ୍ନି ପାରିଲେ। ବ୍ରାହ୍ମଣ ଙ୍କ ପ୍ରଶ୍ନ ପରେ ନିଜର ପୂର୍ବ ଜନ୍ମ ବୄତାନ୍ତ କହିଲେ। କିନ୍ତୁ ମୁଁ ଶ୍ରଦ୍ଧା ରହିତ ହୋଇ କରିଥିବାରୁ ଏହା ଚିରସ୍ଥାୟି ନୁହେଁ ବୋଲି କହିଲେ। ଯଦି ଆପଣ ଏ କଥା ଚନ୍ଦ୍ରଭାଗା କୁ କହିବେ ତେବେ ଏହି ସ୍ବର୍ଗ ବାସ ଚିରସ୍ଥାୟି ହେବ। ବ୍ରାହ୍ମଣ ନିଜ ରାଜ୍ୟ କୁ ପ୍ରତ୍ୟାବର୍ତ୍ତନ କରି ଚନ୍ଦ୍ରଭାଗା କୁ ସବୁ କହିଲେ। ଏହାଶୁଣି ଚନ୍ଦ୍ରଭାଗା ନିଜର ପତି ପାଖକୁ ଜିବାକଙ ମନ ବଳାଇଲେ। ନିଜର କୂଳ ପୁରୋହିତ ଙ୍କୁ ଡ଼କାଇ ଅଭିଶେକ କରାଇଲେ ଏବଂ ଦିବ୍ୟ ଶରୀର ପ୍ରାପ୍ତ କଲେ। ଏହାପରେ ଦିବ୍ୟ ଶରୀର ରେ ନିଜର ପତିଦେବ ଙ୍କୁ ପାଇ ଅତି ଆନନ୍ଦରେ ସ୍ବରଗ ସୁଖ ଭୋଗ କଲେ। ll ଶ୍ରୀଏକାଦଶୀ ବ୍ରତ ମାହାତ୍ମ୍ୟ ll ll ଯୁଧିଷ୍ଠିର ଉବାଚ ll କହନ୍ତି ପଣ୍ଡୁଙ୍କ ନନ୍ଦନ l ଶୁଣନ୍ତୁ ପ୍ରଭୁ ଭଗବାନ ll କାର୍ତ୍ତିକ କୃଷ୍ଣ ଏକାଦଶୀ l କରନ୍ତି କି ନାମେ ପ୍ରକାଶି ll ll ଶ୍ରୀକୃଷ୍ଣ ଉବାଚ ll ଶୁଣ ରାଜନ ଏକ ଚିତ୍ତେ l କହିବା ତୁମ୍ଭର ଅଗ୍ରତେ ll କାର୍ତ୍ତିକ କୃଷ୍ଣ ଏକାଦଶୀ l ରମା ନାମରେ ଯେ ବିକାଶି ll ସେ ସର୍ବ ପାପର ଖଣ୍ଡନେ l ଯାହା ନୁହନ୍ତି ମହାଦାନେ ll ଯେ ରୂପେ ଶାସ୍ତ୍ର କଲା ବାଦ l କାର୍ତ୍ତିକେ ସନ୍ତୋଷ ଗୋବିନ୍ଦ ll ସେ ରୂପେ ଯୋଗଯାଗ ଧ୍ୟାନେ l ତୃପ୍ତ ନୁହନ୍ତି ମହାଦାନେ ll କାର୍ତ୍ତିକେ ବିଷ୍ଣୁ କଥାମାନ l ପଢନ୍ତି ଶୁଣନ୍ତି ଯେ ଜନ ll ଶୋକାର୍ଥେ ଶୋକେ ନାହିଁ ଗୋଳ l ପାଆନ୍ତି ଶତଧେନୁ ଫଳ ll ଛାଡ଼ି ସମସ୍ତ ଧନମାନ l କରିବ କେଶବ ଅର୍ଚ୍ଚନ ll ଶୁଣିବ ଶୁଣାଇ ପୁରାଣ l କାର୍ତ୍ତିକେ ନେଇଥିବ ଦିନ ll ଶ୍ରେୟ ଲାଭରେ ହରିକଥା l କାର୍ତ୍ତିକେ ଯେ କରେ ସର୍ବଥା ll ତାରଇ ସେହୁ କୁଳ ଶତ l ଜାଣ ନାରଦ ଏ ନିୟତ ll ନିୟମେ ଶୁଣେ ଯେ ପୁରାଣ l ଯହିଁ ବର୍ଣ୍ଣିତ ନାରାୟଣ ll ବିଶେଷ କାର୍ତ୍ତିକେ ଶୁଣଇ l ସେ ଗୋ ସହସ୍ର ଫଳ ପାଇ ll ବୋଧିନୀ ହର କଥା ଦିନେ l ଫଳ ପାଆନ୍ତି ଏ ନିଦାନେ ll ସେ ସପ୍ତଦ୍ୱୀପ ଭୂମିଦାନ l ଫଳ ପାଆନ୍ତି ଏ ବିଦାନ ll ଯେ ବିଷ୍ଣୁ କଥାମାନ ଶୁଣି l ପୂଜିବ କେତକୀ କି ଆଣି ll ପୂଜିଲେ ଶକ୍ତି ଅନୁସାରେ l ଅକ୍ଷୟ ଫଳ ମିଳେ ତାରେ ll ଯେ ଗୀତ ଶାସ୍ତ୍ର ବିନୋଦରେ l କାର୍ତ୍ତିକ ନିଅଇ ମୋଦରେ ll ପୁନରାବୃତ୍ତି ନାହିଁ ତାର l ସତ୍ୟ କହୁଛି ମୁନିବର ll ଯେ ଗୀତ ବାଦ୍ୟ ନୃତ୍ୟ ଆଦି l କରଇ ବିଷ୍ଣୁ ଆଗେ ମୋଦି ll ଯେ ଅବା କୃଷ୍ଣ କଥା କରେ l ସେ ପୁଣ୍ୟ ଆତ୍ମା ସର୍ଵାପରେ ll ବହୁତ ପୁଷ୍ପ ବହୁ ଫଳ l କୁଙ୍କୁମ ଅଗୁର କର୍ପୂର ll କାର୍ତ୍ତିକେ ବୋଧିନୀ ଦିନରେ l କରିବ ହରି ପୂଜା ନରେ ll ପାଇ ଏ ପ୍ରବୋଧିନୀ ଦିନ l ନ କରି ଚିତ୍ତ ସାଠ୍ୟମାନ ll ଯେଣୁ ଏଥିରେ ଯାହା ଦେଇ l ସେ ପୁଣ୍ୟ ଅସଂଖ୍ୟ ହୁଅଇ ll ଯେ ଦିବ୍ୟ ନାନାବିଧ ଫଳେ l ପୂଜିବ ବୋଧିନୀ ଜାଗରେ ll ସଙ୍ଗେ ସୁରଭି ତୋୟ ଘେନି l ଯେ ଅର୍ଘ୍ୟ ମନ୍ତ୍ର ପରିମାଣି ll ll ଶୋଭନ ଉବାଚ ll ସତ୍ୟ କହିଲ ହେ ସୁକେଶୀ l ଆଜ ହୋଇବି ଉପବାସୀ ll ବିଧାତା ବିଧେୟ ଅନ୍ୟଥା l ନୁହଇ ନତାଙ୍ଗି ସର୍ବଥା ll ଏମନ୍ତ କହି ସେ ଶୋଭନ l ବ୍ରତରେ କଲେ ଯେ ନିୟମ ll କ୍ଷୁଧା ତୃଷାରେ ପୀଡ଼ା ପାଇ l ଅତି ଦୁଃଖିତ ଚିତ୍ତ ହୋଇ ll ଶୋଭନ ଇତଃସ୍ତତ ହେଲେ l ଅସ୍ତଗିରିକି ରବି ଗଲେ ll ଭଗବାନର ସମାର୍ଚ୍ଚନେ l ସମସ୍ତେ ଆନନ୍ଦିତ ମନେ ll ପୂଜା ଜାଗର ସମାଧାନ l କରେ ସେ ହୋଇ ସାବଧାନ ll ଶୋଭନ ନାମା ଦିନ ତହିଁ l ସମସ୍ତେ ସୁଶୋଭିତ ହୋଇ ll ପ୍ରଭାତେ ରବି ଉଦୟନେ l ପଞ୍ଚତ୍ୱ ପାଇଲେ ଶୋଭନେ ll ଚନ୍ଦନ କାଷ୍ଠେ ମହିଭୃତ l ଦାହ କରାଇ ଯଥୋଚିତ ll ଶୋଭନ ଶୁଦ୍ଧି କ୍ରିୟାମାନ l କଲେ ବିଧିରେ ସମାପନ ll ନ ଚାହିଁ ଚନ୍ଦ୍ରଭାଗା ଦେହ l ରହିଲା ପିତାଙ୍କର ଗୃହ ll ଏ ରମାବ୍ରତ ପ୍ରଭାବରେ l ଶୋଭନ ମନ୍ଦର ସାନୁରେ ll ରହିଲା ଦେବପୁର ପାଇ l ଆପେ ଉତ୍ତମ ରୂପ ହୋଇ ll ଯେ ହେମମୟ ସ୍ତମଗତ l ନାନା ରତ୍ନରେ ସୁମଣ୍ଡିତ ll ସେ ସୌଧମାନଙ୍କର ପୁର l ଦିଶଇ ଅତି ମନୋହର ll ଏ ପୁରେ ସ୍ୱର୍ଣ୍ଣ ସିଂହାସନ l ତହିଁରେ ବସନ୍ତେ ଶୋଭନ ll ସୁଛତ୍ର ଚାମରେ ଅର୍ପିତ l ସୂହାରେ କେୟୁର ଚର୍ଚ୍ଚିତ ll ଗନ୍ଧର୍ବଗଣରେ ସଂଯତ l ଅପ୍ସରାଗଣେ ସୁଶୋଭିତ ll ଅପର ରାଜରାଜା ପରି l ଶୋଭନ ସେ ପୁରେ ସଞ୍ଚରି ll ଏକଦା ସୋମଶର୍ମା ନାମ l ମୁର କୁନ୍ଦର ସେ ବ୍ରାହ୍ମଣ ll ଭ୍ରମରେ ତୀର୍ଥଯାତ୍ରା କ୍ରମେ l ମିଳିଲେ ଶୋଭନ ଆଶ୍ରମେ ll ବହୁତ କମ ବିଧିହୀନ l କିଛି ହିଁ ନ ଫଳଇ ଜାଣ ll ଦେଖି ବିସ୍ମିତ ଦ୍ବିଜ ହୋଇ l ଆନନ୍ଦେ ସମୀପକୁ ଯାଇ ll ଶୋଭନ ସୋମଶର୍ମା ଜାଣି l ଉଠି ଯୋଡ଼ିଲେ ବେନି ପାଣି ll ପଚାରେ ଶ୍ଵଶୁର କୁଶଳ l ଯେ ଅବା ପୁରର ମଙ୍ଗଳ ll ଚନ୍ଦ୍ରଭାଗାର ଶୁଭାଶୁଭ l ଅଛି ତୁମ୍ଭର ବଡ଼ ଲୋଭ ll ଆଶ୍ଚର୍ଯ୍ୟ ତୁମ୍ଭର ବୃତ୍ତାନ୍ତ l କହିବା ଚନ୍ଦ୍ରସେନ ସୁତ ll ଯାଦୃଶ ପୁରେ ଅଛ ରହି l ଦେଖି ନଥିବେ କେହି କାହିଁ ll କାହୁଁ ପାଇଲ ହେ ଶୋଭନ l କି ଅବା ସତ୍ୟ କିବା ସ୍ୱପ୍ନ ll ll ଶୋଭନ ଉବାଚ ll କାର୍ତ୍ତିକ କୃଷ୍ଣ ଏକାଦଶୀ l ଯାହାକୁ ରମା ନାମେ ଭାଷି ll ସେ ଉପବାସ କରି ମୁହିଁ l ଜାଣ ମୁଁ ଏହି ସ୍ଥାନ ପାଇ ll ଏ ଯେଉଁ ରୂପେ ଧୃବଦେବ l ସେ ରୂପେ କରିବ ଭୂଦେବ ll ll ସୋମଶର୍ମା ଉବାଚ ll କିମ୍ପାଇ ଏ ସ୍ଥାନ ଅଧ୍ରୂବ l କି ରୂପେ ଅବା ଧ୍ରୁବ ହେବ ll ତାହା କହିବା ହେ ଶୋଭନ l ଆନନ୍ଦ ହେବ ଆମ୍ଭ ମନ ll ll ଶୋଭନ ଉବାଚ ll ଶ୍ରଦ୍ଧାରେ ହୀନ ହୋଇ ମୁହିଁ l ଏ ଏକାଦଶୀ କରିଲଇଁ ll ତେଣୁ ମୁଁ ମଣୁଛି ଅଧ୍ରୁବ l ଶୁଣ କି ରୂପେ ହେବି ଧ୍ରୁବ ll ତୁମ୍ଭର ରାଜା ମୁଚୁକୁନ୍ଦ l ତାହାକୁ ଯେ କନ୍ୟା ସମ୍ପଦ ll ଚନ୍ଦ୍ରଭାଗାକୁ ଏ ଖବର l କହି ମାଗିବ ପୁଣ୍ୟ ତାର ll ସେ ରମା ବ୍ରତ ପୁଣ୍ୟ ଦେଲେ l ଏ ସ୍ଥାନ ଧ୍ରୁବ ହେବ ଭଲେ ll ଶୁଣି ଭାଷିତ ଶୋଭନର l ଗଲେ ସେ ସୋମଶର୍ମା ଘର ll କହିଲେ ଚନ୍ଦ୍ରଭାଗା ଆଗେ l ଶୋଭନ ବୃତ୍ତାନ୍ତ ଯେ ଭାଗେ ll ଶୁଣି ଏ ଅଦ୍ଭୁତ ଚରିତ l ବିସ୍ମିତ ଚନ୍ଦ୍ରଭାଗା ଚିତ୍ତ ll ଏ ସ୍ବପ୍ନ ସତ୍ୟ କି ତୁମ୍ଭର l ନିଶ୍ଚୟ କହ ଦ୍ୱିଜବର ll ll ସୋମଶର୍ମା ଉବାଚ ll ପ୍ରତ୍ୟକ୍ଷେ ଦେଖିଲି ନିୟତ l ହେ ଚନ୍ଦ୍ରଭାଗେ ତୁମ୍ଭ କାନ୍ତ ll ଶୁଣ ପାପଘ୍ନ ପୁଣ୍ୟବନ୍ତ l ଏ ବ୍ରତ ମାହାତ୍ମ୍ୟ ସମ୍ବାଦ ll ଯାବତ କାଳ ପରିଯନ୍ତେ l ତୀର୍ଥ ସାଗର ରସ ଯେତେ ll ରହିଅଛନ୍ତି ଏ ଯାବତ l ରହିଛି ପ୍ରବୋଧିନୀ ବ୍ରତ ll ବୋଧନୀ ଏକ ଉପବାସ l ଯେ ନର କଲା ସେ ଋଷୀଶ ll ଯେ କଲା ବାଜପେୟ ଶତ l ବହୁତ ଅଶ୍ଵମେଧ ଶତ ll ll ନାରଦ ଉବାଚ ll କି ପୁଣ୍ୟ ହୁଏ ଏକ ଭୁକ୍ତେ l ଅଛି ବା କେଉଁ ପୁଣ୍ୟ ନକ୍ତେ ll ଉପବାସରେ ଯେଉଁ ପୁଣ୍ୟ l କହିବା ଚତୁର ଆନନ ll ll ବ୍ରହ୍ମା ଉବାଚ ll ଏକ ଭୋଜନ ଜନ୍ମ କର l ନକ୍ତ ଭୋଜନେ ଦ୍ୱିଜବର ll ଉପବାସରେ ସାତ ଜନ୍ମ l ପାପ ନାଶନ୍ତି ଜନାର୍ଦ୍ଦନ ll ଯେ ଅବା ଦୁଷ୍ପାପଦୁଷ୍କର l ଯେ ତିନିଲୋକ ଅଗୋଚର ll ସୁପୁତ୍ର ଅଜାତ୍ୟ ଯେ ଜାଣି l ଦିଅନ୍ତି ଯେ ହରି ବୋଧିନୀ ll ସୁଖ ସମ୍ପତ୍ତି ପଜ୍ଞା ରାଜ୍ୟ l ଯେ ଅବା ସ୍ୱତନ୍ତ୍ର ଐଶ୍ୱର୍ଯ୍ୟ ll ଏ ସର୍ବ ଦିଏ ପ୍ରବୋଧିନୀ l ସେବିଲେ ବିଷ୍ଣୁଭକ୍ତି ଘେନି ll ମେରୁ ମନ୍ଦର ଅଦ୍ରସମ l ଯେ ପାପ ମହା ପାପମାନ ll ନାଶ କରଇ ହରଜନ l ଏକହିଁ ଉପବାସ ଜାଣ ll ପୂର୍ବେ ସହସ୍ର ଜନ୍ମ ଅନ୍ତ l ଯେ ଲୋକ ଦୁଷ୍କର୍ମ ଅର୍ଜିତ ll ସେ ପାପ ତୁଳା ପ୍ରାୟ ଯହିଁ l ଯାଗରେ ଜାଣ ଦଗ୍ ଧ ହୋଇ ll ଯେ ହୋଇ ସାତ୍ତ୍ୱିକ ମାନସ l କରେ ବୋଧିନୀ ଉପବାସ ll ଜାଣ ତାହାର ସବୁ କୃତ l ବିଧିରେ ଜାଣ ସେ ସୁକୃତ ll ବିଧିରେ କୃତ ଯେ ସୁକୃତ l ସେ ଅଳ୍ପ ହୋଇଲେ ବହୁତ ll କରିବି ପ୍ରବୋଧିନୀ ବ୍ରତ l ଏତେ ଯେ ବିଚାରଇ ଚିତ୍ତ ll ତା ପିତୃଲୋକେ ଆନନ୍ଦରେ l ରହନ୍ତି ଶ୍ରୀହରି ମନ୍ଦିରେ ll ବ୍ରହ୍ମହତ୍ୟାଦି ମହାପାପ l ତରିବା ପାଇଁ ବ୍ରହ୍ମଶାପ ll ଶୋଭନ ଚନ୍ଦ୍ରଭାଗା ସଙ୍ଗ l ପାଇ ଭୁଞ୍ଜିଲେ ଦିବ୍ୟ ଭୋଗ ll ରମା ବ୍ରତର ପ୍ରଭାବରେ l ଶୋଭନ ଚନ୍ଦ୍ରଭାଗା ମିଳେ ll କୃଷ୍ଣ କହିଲେ ଯୁଧିଷ୍ଠିର l ଶୁଣିଲ ରମାବ୍ରତ ଫଳ ll ଏ ରମା ଚିନ୍ତାମଣି ଜାଣ l କି ଅବା କାମଧେନୁ ପୁଣ ll କହିଲି ତୁମ୍ଭ ଆଗେ ମୁହିଁ l ଅବଜ୍ଞା କରି ନ ଯୋଗାଇ ll ll ଶ୍ରୀକୃଷ୍ଣ ଉବାଚ ll ବ୍ରତମାନଙ୍କେ ଏକାଦଶୀ l ଦୁଇ ପକ୍ଷରେ ଯେ ପ୍ରକାଶି ll ହୃଦ ଦିଅନ୍ତି ଭକ୍ତି ମୁକ୍ତି l ଶୁକ୍ଳ କୃଷ୍ଣରେ ନାହିଁ ଶକ୍ତି ll ଗାଈ ମାତ୍ରକେ ଦେଖି ଭେଦ l ଦୁଗ୍ଧରେ ଏକ ହିଁ ଆସ୍ୱାଦ ll ଏ ଏକାଦଶୀମାନଙ୍କର l ମାହାତ୍ମ୍ୟ ଶୁଣଇ ଯେ ନର ll ସର୍ବ ପାପରୁ ମୁକ୍ତ ହୋଇ l ବିଷ୍ଣୁ ଲୋକରେ ପୂଜା ପାଏ ll ଇତି ଶ୍ରୀ ବ୍ରହ୍ମବୈବର୍ତ୍ତ ପୁରାଣେ କାର୍ତ୍ତିକ କୃଷ୍ଣ ରମୈକାଦଶୀ ମାହାତ୍ମ୍ୟେ ତ୍ରୟୋବିଂଶୋଽଧ୍ୟାୟଃ ଲା #🚩ସନାତନ ଧର୍ମ💪 #Jay jaganntah

*।। ଇନ୍ଦିରା ଏକାଦଶୀ ମାହାତ୍ମ୍ୟ ।।* Indira Ekadashi Mahatmya. ଆଜି ଆଶ୍ୱିନ ମାସ କୃଷ୍ଣପକ୍ଷ ଏକାଦଶୀ ଏହାର ନାମ ‘ଇନ୍ଦିରା ଏକାଦଶୀ’। ଏହି ବ୍ରତର ପ୍ରଭାବରେ ବଡ଼ ବଡ଼ ପାପ ନଷ୍ଟ ହୋଇଯାଏ । ଏହି ଏକାଦଶୀ ପିତୃପକ୍ଷରେ ପଡ଼ୁଥିବାରୁ ଏହାର ମହତ୍ତ୍ୱ ସର୍ବାଧିକ। କାରଣ, ଏହି ଏକାଦଶୀ ବ୍ରତର ମୁଖ୍ୟ ଉଦ୍ଦେଶ୍ୟ ହେଉଛି, ବ୍ରତ ପାଳନ କରି ତାର ପୁଣ୍ୟ ଫଳ ପିତୃପୁରୁଷଙ୍କୁ ଅର୍ପଣ କରିବା। ଏହାଦ୍ବାରା ସେମାନଙ୍କର ମୋକ୍ଷ ପ୍ରାପ୍ତି ହୋଇଥାଏ। ଏ ସଂପର୍କରେ ପୁରାଣରେ ଏକ ସୁନ୍ଦର କାହାଣୀ ଅଛି। ସତ୍ୟଯୁଗରେ ମାହିଷ୍ମତିପୁରରେ ଇନ୍ଦ୍ରସେନ ନାମରେ ଜଣେ ପ୍ରସିଦ୍ଧ ରାଜା ଥିଲେ। ସେ ଅତ୍ୟନ୍ତ ଧର୍ମଜ୍ଞ ଓ ନ୍ୟାୟବନ୍ତ ଧର୍ମପରାୟଣ ହୋଇଥିବାରୁ ତାଙ୍କର ଖ୍ୟାତି ଚତୁର୍ଦ୍ଦିଗକୁ ବ୍ୟାପିଥିଲା । ରାଜା ଇନ୍ଦ୍ରସେନ ଭଗବାନ ବିଷ୍ଣୁଙ୍କ ଭକ୍ତିରେ ତଲ୍ଲୀନ ରହି ଗୋବିନ୍ଦଙ୍କର ମୋକ୍ଷଦାୟକ ନାମ ଜପ କରି ସମୟ ଅତିବାହିତ କରୁଥିଲେ । ତେଣୁ ତାଙ୍କ ରାଜ୍ୟରେ ପ୍ରଜାମାନେ ସୁଖରେ ବସବାସ କରୁଥିଲେ। ଦିନେ ରାଜା ରାଜ ଦରବାରରେ ବସିଥିବା ସମୟରେ ଦେବର୍ଷି ନାରଦ ସେଠାରେ ପହଞ୍ଚିଲେ । ତାଙ୍କୁ ଆସିବାର ଦେଖି କରଯୋଡ଼ି ଠିଆହେଲେ ଓ ବିଧିପୂର୍ବକ ପୂଜାକରି ଆସନରେ ବସାଇଲେ । ଆସିବାର କାରଣ ଜିଜ୍ଞାସା କଲେ । ନାରଦ କହିଲେ - ଶୁଣ ରାଜନ୍ ! ମୁଁ ଯମଲୋକକୁ ଯାଇଥିଲି ଓ ସେଠାରେ ତୁମ ପିତାଙ୍କୁ ଦେଖିଲି । ସେ ବ୍ରତଭଙ୍ଗ ଦୋଷରୁ ନର୍କଯନ୍ତ୍ରଣା ଭୋଗକରୁଛନ୍ତି । ସେ ମୋହାତରେ ସନ୍ଦେଶ ପଠାଇଛନ୍ତି, ଏହା ଶୁଣି ଇନ୍ଦ୍ରସେନ ଅତ୍ୟନ୍ତ ଦୁଃଖିତ ହେଲେ। ତେଣୁ ନାରଦ ତାଙ୍କୁ ଉପଦେଶ ଦେଲେ। ତୁମେ ନିଷ୍ଠାର ସହିତ ଆଶ୍ୱିନ କୃଷ୍ଣ ପକ୍ଷର ଇନ୍ଦିରା ଏକାଦଶୀ ବ୍ରତ କରି ତାର ପୁଣ୍ୟ ଫଳ ଯଦି ତୁମର ପିତାଙ୍କୁ ଅର୍ପଣ କରିବ ସେ ପୁନଶ୍ଚ ସ୍ୱର୍ଗଲୋକ ଗମନ କରିବେ। ରାଜା ଇନ୍ଦ୍ରସେନ ନାରଦଙ୍କ କହିବା ଅନୁସାରେ ବ୍ରତ ପାଳନ କଲେ । ବ୍ରତ ପୂର୍ଣ୍ଣ ହେବା ପରେ ଆକାଶରୁ ପୁଷ୍ପ ବୃଷ୍ଟି ହେଲା । ଇନ୍ଦ୍ରସେନଙ୍କ ପିତା ଗରୁଡ଼ରେ ବସି ବିଷ୍ଣୁଧାନକୁ ଚାଲିଗଲେ ଓ ଇନ୍ଦ୍ରସେନ ମଧ୍ୟ ନିଷ୍କଣ୍ଟକ ରାଜ୍ୟ ଭୋଗ କରି ନିଜର ପୁତ୍ରକୁ ରାଜସିଂହାସନରେ ବସାଇ ସ୍ୱର୍ଗକୁ ଚାଲିଗଲେ । ଏହାକୁ ପଠନ ଓ ଶ୍ରବଣ କରି ମନୁଷ୍ୟ ସବୁ ପାପରୁ ମୁକ୍ତ ହୋଇଯାଏ । ll ବ୍ରତ ବିଧି ll :- ଆଶ୍ୱିନ ମାସ କୃଷ୍ଣପକ୍ଷର ଦଶମୀ ଦିନ ପ୍ରାତଃକାଳରେ ସ୍ନାନ କରିବା ସହିତ ମଧ୍ୟାହ୍ନରେ ପୁଣି ଅବଗାହନ କରି ଭୋଜନ କରିବା ଉଚିତ୍ । ରାତିରେ ଭୂମିରେ ଶୟନ କରିବା ନିୟମ ରହିଛି । ଏକାଦଶୀ ଦିନ ସ୍ନାନ ଶୌଚ ହୋଇ *"ଅଦ୍ୟ ସ୍ଥିତ୍ୱା ନିରାହାରାଃ ସର୍ବଭୋଗ ବିବର୍ଜିତଃ ।* *ଶ୍ୱୋ ଭୋକ୍ଷେ ପୁଣ୍ଡରୀକାକ୍ଷ ଶରଣଂ ମେ ଭବାଚ୍ୟୁତ ।।"* ଏହି ମନ୍ତ୍ର ପାଠ କରି ଉପବାସର ନିୟମ ପାଳନ କରିବା ଜରୁରୀ । ଏହିପରି ନିୟମ ଅନୁସରଣ କରି ମଧ୍ୟାହ୍ନ କାଳରେ ପିତରଙ୍କ ପ୍ରସନ୍ନତା ନିମନ୍ତେ ଶାଳଗ୍ରାମ-ଶିଳା ସମ୍ମୁଖରେ ବିଧିପୂର୍ବକ ଶ୍ରାଦ୍ଧ ଦେବା ସହିତ ଦକ୍ଷିଣାଦ୍ୱାରା ବ୍ରାହ୍ମଣଙ୍କୁ ସତ୍କାର କରି ତାଙ୍କୁ ଭୋଜନ ଦେବା ଉଚିତ୍ । ପିତୃପୁରୁଷଙ୍କୁ ଦିଆଯାଇଥିବା ଅନ୍ନପିଣ୍ଡକୁ ଶୁଙ୍ଘି ଗାଈକୁ ଖୁଆଇ ଦିଆଯାଏ । ପୁଣି ଧୂପ ଓ ଗନ୍ଧଦ୍ୱାରା ଭଗବାନ୍ ହୃଷିକେଶଙ୍କ ପୂଜା କରି ରାତିରେ ତାଙ୍କ ପାଖରେ ଉଜାଗର ରହିବ । ସକାଳ ହେଲେ ଦ୍ୱାଦଶୀ ଦିନ ପୁଣି ଭକ୍ତିପୂର୍ବକ ଶ୍ରୀହରିଙ୍କର ପୂଜା କରିବ । ଏହା ପରେ ବ୍ରାହ୍ମଣଙ୍କୁ ଭୋଜନ କରାଇ ଭାଇ-ବନ୍ଧୁ ନାତି ଓ ପୁତ୍ରମାନଙ୍କ ସହିତ ସ୍ୱୟଂ ମୌନପୂର୍ବକ ଭୋଜନ କର । ଏହିଦିନ ରସୁଣ, ପିଆଜ, ବାଇଗଣ, ମାଂସ, ମଦିରା, ପାନ, ଗୁଆ, ତମାଖୁ ଆଦିର ସେବନ ନିଷିଦ୍ଧ। ବ୍ରତ ସମାପ୍ତ ହେବା ପରେ ତାହାର ପୁଣ୍ୟଫଳ ପିତୃପୁରୁଷଙ୍କୁ ସମର୍ପଣ କଲେ ସେମାନଙ୍କର ମୋକ୍ଷପ୍ରାପ୍ତି ହେବ। ll ଆଶ୍ୱିନ କୃଷ୍ଣ ଇନ୍ଦିରା ଏକାଦଶୀ ବ୍ରତ ମାହାତ୍ମ୍ୟ ll:- ll ଯୁଧିଷ୍ଠିର ଉବାଚ ll କହନ୍ତି ପଣ୍ଡୁଙ୍କ ନନ୍ଦନ l ଶୁଣନ୍ତୁ ଶ୍ରୀ ମଧୁସୁଦନ ll ଆଶ୍ଵିନ କୃଷ୍ଣ ଏକାଦଶୀ l କି ନାମ ବୋଲି ତାକୁ ଭାଷି ll କି ଅବା ଅଛଇ ବିଶେଷ l କହିବା ପ୍ରଭୁ ପୀତବାସ ll ll ଶ୍ରୀକୃଷ୍ଣ ଉବାଚ ll କହନ୍ତି କୃଷ୍ଣ ନୃପ ଶୁଣ l ଇନ୍ଦିରା ନାମ ତାର ଜାଣ ll ସେ ମହାବ୍ରତର ପ୍ରତାପେ l ନାଶ ଯାଆନ୍ତି ମହାପାପେ ll ଯେ ଅଧୋଯୋନିଗତ ନର l ଉଦ୍ଧାର ହୁଅନ୍ତି ସତ୍ଵର ll ଶୁଣ ହେ ସାବଧାନ ତଥା l ଯେ ପାପ ହରଇ ସର୍ବଥା ll ଏକା ହିଁ ମାହୀଷ୍ମତୀ ଭାଗେ l ନୃପତି ପୂର୍ବେ ସତ୍ୟଯୁଗେ ll ନାମରେ ଇନ୍ଦ୍ରସେନ ଜାଣ l ଯେ ରିପୁ କୁଳର ଶମନ ll ଧର୍ମରେ ପାଳିଲାକ ମହୀ l ପୁତ୍ର ପୌତ୍ରରେ ଯୁକ୍ତ ହୋଇ ll ଯଶସ୍ବୀ ଧନ ଧାନ୍ୟବନ୍ତ l ଯେ ଦାନୀ ମାନୀ ବିଷ୍ଣୁ ଭକ୍ତ ll ମୁକ୍ତିର ଗୋବିନ୍ଦ ନାମକୁ l ଜପନ୍ତି ପାନ୍ତି ଆଧ୍ୟାତ୍ମ୍ୟକୁ ll ନେଲେ ସେ ଦାନ ପୁଣ୍ୟ କାଳ l ସର୍ବତ୍ର ଜୟ ଯାର କାଳ ll ଏକ ଦିନରେ ସଭାଘରେ l ବସିଅଛନ୍ତି ସେ ସୁଖରେ ll ଅଶ୍ୱରୁ ଓହ୍ଲାଇ ନାରଦ l ପ୍ରବେଶ ହୋଇଲେ ସଂସଦ ll ଦେଖି ଉଠିଲେ ହସ୍ତ ଯୋଡ଼ି l ବିଧିରେ ନମସ୍କାର କରି ll ଯୋଗ୍ୟ ଆସନେ ବସାଇଲେ l ପୂଜାର ବିଧି ପଚାରିଲେ ll ରାଜାଙ୍କ ପୂଜା ଅର୍ଘ୍ୟ ଘେନି l ସୁଖେ ଆସନେ ବସି ମୁନି ll ହସି କହିଲେ ନୃପବର l ସପ୍ତାଙ୍ଗେ କୁଶଳ ତୁମର ll ଧନରେ ଅଛି ଟିକି ମନ l ବିଷ୍ଣୁ ଭକ୍ତିରେ କରି ଧ୍ୟାନ ll ll ରାଜୋବାଚ ll ତୁମ୍ଭ ପ୍ରସାଦେ ମୁନିଶ୍ରେଷ୍ଠ l ସର୍ବତ୍ର କୁଶଳ ଗରିଷ୍ଠ ll ଯହିଁରେ ତୁହି ଦାନ ପୁଣ୍ୟ l ସେ ହେଲେ ସୁଫଳ ମୁଁ ଧନ୍ୟ ll ତୁମ୍ଭେ ସାକ୍ଷାତ ମୁନିଶ୍ବର l ପ୍ରବେଶ ହେଲେ ମୋର ପୁର ll ବିସ୍ପୃହ ତପସିଦ୍ଧ ତୁମ୍ଭେ l ଆଗମ ହେତୁ କି ସମ୍ଭବେ ll ତଥାପି ପର ଉପକାରେ l ତୁମ୍ଭେ ବୁଲୁଛ ଏ ସଂସାରେ ll ଏ ଘେନି ପଚାରୁଛି ମୁହିଁ l କହି ନିଷ୍ପାପ କରି ତୁହି ll ଆଗମ କାରଣ କହିବ l ଆମ୍ଭଙ୍କୁ ଦୁସ୍ତରୁ ତାରିବ ll ll ନାରଦ ଉବାଚ ll ବିସ୍ମୟପ୍ରଦ ମୋ ବଚନ l ଶୁଣ ହେ ରାଜା ଇନ୍ଦ୍ରସେନ ll ଏକଇ ଦିନ ଉତ୍ସୁକରେ l ବାହାର ହେଲି ଭ୍ରମଣରେ ll ମନ ଉତ୍ସାହେ ଏକଦିନେ l ଗଲି ମୁଁ ଯମଙ୍କ ସଦନେ ll ଦେଖିଲି ସଭାକରି ଯମ l ବସି ଅଛନ୍ତି କିବା ସୋମ ll କହୁଅଛନ୍ତି ଧର୍ମମାନ l ପ୍ରାୟସ ଯେ ଧର୍ମରାଜନ ll ଶୁଣୁଅଛନ୍ତି ତତ୍ଵବାଦ l ଋଷିମାନଙ୍କ ଯେ ସମ୍ବାଦ ll ଦେଖି ଝଟତି ଉଠି ଯମ l କରିଣ ମୋ ପାଦେ ପ୍ରଣାମ ll ଦେଇ ଉଚିତ ପୀଠ ଆଣି l କଲେ କୁଶଳ ପ୍ରଶ୍ନବାଣୀ ll ଆଜ ସୁଯୋଗ ଯୋଗୀବର l ପ୍ରବେଶ ହେଲେ ମୋର ପୁର ll ଶ୍ରୀଗୀତା ଭାଗବତ ଚିନ୍ତା l ଫଳ ଏ ଅନ୍ୟରେ ନୁହଁନ୍ତା ll କାହିଁ ନାରଦ ଦେବରଷି l କାହିଁ ଏ ଯମପୁର ବାସୀ ll ଈଶ୍ଵର ଅନୁଗ୍ରହ ବିନା l ଏହା ନୁହଁଇ ଏକା ସିନା ll ଦେଖିଲି ଧର୍ମରାଜା ପାଖେ l ଅଛନ୍ତି ଧର୍ମଶୀଳ ଲୋକେ ll ଯେ ପୁଣ୍ୟକରି ସତ୍ୟ ଭାଷେ l ସେହି ଯେ ଯମପାଶେ ବସେ ll ଈଦୃଶ ଯମ ସ୍ଵଭାବତ l ହୋଇଅଛନ୍ତି ତୁମ୍ଭ ତାତ ll ବ୍ରତ କୈବଲ୍ୟ ଦୋଷ ହେତୁl ଦେଖିଲି ମାହୀଷ୍ମତୀ କେତୁll ସେ କହିଅଛନ୍ତି ସନ୍ଦେଶ l ଶୁଣ ହୋ ମାହୀଷ୍ମତୀ ଈଶ ll ଯେ ଇନ୍ଦ୍ରସେନ ହୋଇ ଖ୍ୟାତ l ଅଛନ୍ତି ମାହୀଷ୍ମତୀ ନାଥ ll ତାଙ୍କ ଆଗରେ କହ ଯାଇ l ତମ ପାଖରେ ଅଛି ମୁହିଁ ll ପୂରୁବ ଜନ୍ମର ଦୁରିତ l କି ଅବା ହୋଇଲା ଉଦିତ ll ଇନ୍ଦିରା ବ୍ରତ ପୁଣ୍ୟ ଦେଇ l ନିଅ ସ୍ୱର୍ଗକୁ ମୋତେ ତୁହି ll ଏମନ୍ତ ତୁମ୍ଭ ପିତା ବାକ୍ୟେ l ଅଇଲି ଜାଣ ସତ୍ୟ ବାକ୍ୟେ। ll ପିତାଙ୍କ ସ୍ୱର୍ଗ କାମ ହୋଇ l କର ଇନ୍ଦିରା ବ୍ରତ ତୁହି ll ll ରାଜୋବାଚ ll କରିଣ ଅନୁଗ୍ରହ ମୋତେ l କହନ୍ତୁ ଏ ବ୍ରତ କେମନ୍ତେ ll କେଉଁ ବିଧିରେ ଏ ଇନ୍ଦିରା l ବାର ଏ କିବା ତିଥିବରା ll ହେ ରାଜା ଇନ୍ଦ୍ର ଶୁଣ ତୁହି l ଏ ବ୍ରତ ଶୁଭ ବିଧି କହି ll ଆଶ୍ୱିନ କୃଷ୍ଣ ଦଶମୀରେ l କରିବ ପ୍ରାତଃସ୍ନାନ ନରେ ll ଶ୍ରଦ୍ଧା ରଖିବ ମାନସରେ l ଯେ ରୂପେ ପାପ ମାନସରେ ll ମଧ୍ୟାହ୍ନ ସମୟକୁ ଜାଣି l ସ୍ନାନ କରିବ ନରେ ପୁଣି ll କରିବ ଇଷ୍ଟ କର୍ମ ମାନ l ଭକ୍ତିରେ ହବିଷ୍ୟ ଭୋଜନ ll ଛାଡ଼ିବ ଜାୟା ଶଯ୍ୟା ସଙ୍ଗl ଶୟନ କରିବ ଭୂଭାଗ ll ରହିବ କାମ କ୍ରୋଧ ଜିଣି l ନେବ ଦଶମୀ ନିଶି ପୁଣି ll ବିମଳ ପ୍ରାତଃକାଳ ଦିଶି l ଜାଣିବ ହେଲା ଏକାଦଶୀ ll ଦନ୍ତ ଧାବନ ପୂର୍ବ କରି l ମୁଖରେ ପ୍ରକ୍ଷାଳନ ସାରି ll ଉପବାସର ସେ ନିୟମ l ସୁମକ୍ତ ଭାବରେ ଘେନିଣ ll ଆଜି ହୋଇବ ନିରାହାର l ସମସ୍ତ ଭୋଗ କରି ଦୂର ll କାଲି ଭୁଞ୍ଜିବ ତହିଁ ଅନ୍ତେ l ଶରଣ ପୁଣ୍ଡରିକ ନେତ୍ରେ ll ଏ ରୂପେ କରିଣ ନିୟମ l ମଧ୍ୟାହ୍ନେ ପୁଣ କରି ସ୍ନାନ ll ବସାଇ ଆଗେ ଶାଳଗ୍ରାମ l କରିବ ଯେ ବିଧି ନିୟମ ll ପିତୃ ମାତୃଙ୍କ ଶ୍ରଦ୍ଧା ପାଇ l କରିବ ଶ୍ରାଦ୍ଧ ଶ୍ରଦ୍ଧା ବହି ll ଗୋଧୂମ ମାସ ଯବଧାନ l ଚଣକ ବ୍ରୀହି ତିଳ ଘେନ ll ଏହିମାନଙ୍କେ ଶ୍ରାଦ୍ଧ କର l ଏ ପିତୃଲୋକ ଶ୍ରଦ୍ଧାକର ll ନିତ୍ୟ ଏ ଉପବାସ ଜାଣ l ଶ୍ରଦ୍ଧାକୁ ନୈମିତ୍ତିକ ଗଣ ll ଆଘ୍ରାଣ କରି ପିତୃ ଦତ୍ତ l କରିଣ ଉପବାସ ବ୍ରତ ll ଏ ଶ୍ରାଦ୍ଧ କରି ପିତୃ ଦିନେ l ଯେବେ ନ ଭୁଞ୍ଜି ବିପ୍ରଜନେ ll ଦେବତା ହବ୍ୟ ନ ଘେନନ୍ତି l କବ୍ୟକୁ ପିତାଏ ତେଜନ୍ତି ll ଯେ ଅଛି ଶାସ୍ତ୍ରମାନଙ୍କରେ l ଆଘ୍ରାଣେ ଅଧ ଭୋଜନରେ ll ଯେ ଏକାଦଶୀ ପର ନୋହେ l ଯେଣୁ ଏ ଦିନ ପାପରହେ ll ରହନ୍ତି ଅନ୍ନ ଆଶ୍ରେ କରି l ଏଣୁ ଏ ଦିନେ ଅନ୍ନ ଛାଡ଼ି ll ଆଘ୍ରାଣ କରି ପିତୃ ଅନ୍ନ l ସାର ଯେ ଶ୍ରାଦ୍ଧ ବିଧିମାନ ll ବ୍ରାହ୍ମଣେ ଦେବ ସୁଭୋଜନ l ଦକ୍ଷିଣା ଦାନେ ତୋଷି ମନ ll ସୁଗନ୍ଧ ଧୂପ ଦୀପ ବାସ l ଦେଇ ପୂଜିବ ହୃଷୀକେଶ ll ରାତ୍ରରେ ଜାଗରଣ କରି l ଥିବ କେଶବ ଅନୁସରି ll ଶର୍ବରୀ ଯାଇ ପ୍ରାତଃ କାଳେ l ପ୍ରବେଶ ଦ୍ୱାଦଶୀର ବେଳେ ll ଯାଇଣ ସ୍ନାନ ବିଧି ସାରି l ଭକ୍ତିରେ ପୂଜ ନରହରି ll ସାରିବ ମଧ୍ୟାହ୍ନିକ ବିଧି l ପୂଜା କରିବ କୃପାନିଧି ll ହବିଷ୍ୟ ଅନ୍ନକୁ ଭୁଞ୍ଜିବ l ଏ କାଳେ କଥା ନ କହିବ ll ଯେ ମହାରାଜା ଏ ବିଧିରେ l କରିବ ବ୍ରତକୁ ଆଦରେ ll ତୁମ୍ଭର ପିତୃ ଲୋକମାନେ l ବିଷ୍ଣୁ ଲୋକକୁ ଯିବେ ଏଣେ ll କୃଷ୍ଣ କହିଲେ ଯୁଧିଷ୍ଠିର l ଏମନ୍ତ କହି ଋଷିବର ll ଗଲେ ସେ ଅନ୍ତର୍ଦ୍ଧାନ ହୋଇ l ଇନ୍ଦ୍ରସେନକୁ ଚିନ୍ତା ଦେଇ ll ଇନ୍ଦିରା ବ୍ରତ ନିକଟରେ l ଡିଣ୍ଡିମ ଦେଲେ କଟକରେ ll ଆଜ ହବିଷ ସର୍ବେ କର l ଆଜ ଇନ୍ଦିରା ବ୍ରତ କର ll ଶୁଣି ଏ ଡିଣ୍ଡିମର ଧ୍ୱନି l ବ୍ରତେ ସମସ୍ତେ ସାବଧାନି ll ବ୍ରାହ୍ମଣମାନଙ୍କୁ ବିଚାରି l କଲେ ଯେ ବିଧାନ ପ୍ରଚାରି ll ଆଶ୍ୱିନ କୃଷ୍ଣ ଏକାଦଶୀ l ଯାହାକୁ ଇନ୍ଦିରା ଆଭାଷି ll ଏ ବ୍ରତ କରିବ ସମସ୍ତେ l ଇନ୍ଦ୍ରସେନର ଆଜ୍ଞା ମତେ ll ପ୍ରାତଃ କାଳରୁ ସ୍ନାନ ସାରି l ସେ ମାହୀଷ୍ମତୀ ଦଣ୍ଡଧାରୀ ll ଦଶମୀ ବିଧି ଆଚରିଲେ l ଯେ ଅବା ଅନ୍ତପୁରେ ଥିଲେ ll ଜାୟା ଆତ୍ମଜ ଘେନି ରାଜା l ବିଷ୍ଣୁଙ୍କୁ ଅନ୍ନ କରି ପୂଜା ll ହବିଷ୍ୟ କରି ତଳେ ଶୋଇ l କଲେ ଦଶମୀ ବ୍ରତ ସେହି ll ଦଶମୀ ହେଲା ଅବଶେଷ l ଦିଶିଲା ଦିଶେ ରବି ତ୍ରାସ ll ନୃପତି ଅବକାଶ ହେଲେ l ସ୍ନାନ କରିଣ ବିଜେ କଲେ ll ସଂକଳ୍ପ ଏକାଦଶୀ କଲେ l ଯେ ରୂପେ ନାରଦ କହିଲେ ll ସ୍ନାନ ଶ୍ରବଣ ଉପବାସ l ଜାଗର ବିଷ୍ଣୁ ପୂଜା ରସ ll ଭାବି ନାରଦ ଉପଦେଶ l କଲେ ସେ ବ୍ରତଙ୍କର ଈଶ ll ଯଥା ବିଧିରେ କରି ବ୍ରତ l ଦ୍ୱାଦଶୀ ପ୍ରବେଶେ ନୃନାଥ ll ସ୍ନାନାଦି ସର୍ବେ କର୍ମ ସାରି l ହବିଷ୍ୟ କଲେ ଦଣ୍ଡଧାରୀ ll ବ୍ରତ କରିଣ ଇନ୍ଦ୍ରସେନ l ପିତାଙ୍କୁ କଲେ ସମର୍ପଣ ll ସ୍ୱର୍ଗରୁ ହେଲା ପୁଷ୍ପ ବୃଷ୍ଟି l ନୃପ ମନରେ ହେଲା ତୁଷ୍ଟି ll ପିତା ଆରୋହି ପକ୍ଷବର l ଗଲେ ସେ ବଇକୁଣ୍ଠ ପୁର ll ରାଜ୍ୟକୁ ଅକଣ୍ଟକ କରି l ବହୁତ କାଳ ଭୋଗ କରି ll ରାଜ୍ୟେ ପୁତ୍ରକୁ ରାଜା କରି l ଗଲେ ସେ ଆପେ ସ୍ୱର୍ଗପୁରୀ ll ମାହାତ୍ମ୍ୟ ଇନ୍ଦିରା ବ୍ରତର l କହିଲି ଆଗରେ ତୁମ୍ଭର ll ଯାହାକୁ ପଢି଼ ଅବା ଶୁଣି l ପାପରୁ ମୁକ୍ତ ହୁଏ ପ୍ରାଣୀ ll ଇତି ଶ୍ରୀ ବ୍ରହ୍ମବୈବର୍ତ୍ତ ପୁରାଣେ ଆଶ୍ୱିନ କୃଷ୍ଣ ଇନ୍ଦ୍ରିରୈକାଦଶୀ ମାହାତ୍ମ୍ୟେ ନାମ ଏକବିଂଶୋଧ୍ୟାୟଃ ।। #🚩ସନାତନ ଧର୍ମ💪 #Jay jaganntah

🙏 ଜୟ ଜଗନ୍ନାଥ ସିଂହଦ୍ୱାର ଫିଟା ନୀତି ଭିତରଛ ମହାପାତ୍ର ଙ୍କ ଦ୍ୱାରା ୦୪.୩୩ AM ରେ ସମାପ୍ତ ହେଲା 🙏ଜୟ ଜଗନ୍ନାଥ 🙏 Lions Gate opening rituals completed by 𝑆ℎ𝑟𝑒𝑒 𝑉𝑖𝑡𝑎𝑟𝑐ℎℎ𝑎 𝑀𝑜ℎ𝑎𝑝𝑎𝑡𝑟𝑎 at 04.33 AM 🙏 𝐉𝐚𝐲 𝐉𝐚𝐠𝐚𝐧𝐧𝐚𝐭𝐡 🙏 Dated 17/10/2025🙏❤️#viralreels #photoshoot #fashionblogger #🚩ସନାତନ ଧର୍ମ💪 #Jay jaganntah

ଜୟ ଶ୍ରୀ ଜଗନ୍ନାଥ ମହାପ୍ରଭୁ 🙏🚩 #🚩ସନାତନ ଧର୍ମ💪 #Jay jaganntah