900+ Jay Jagannat🙏🙏 Odia Status, Images & Videos

647 views • 28 days ago • AI indicator

⚫❗⚫ ll ପୁରୁଷୋତ୍ତମ ଏକାଦଶୀ ll ଆଜି ଜ୍ୟେଷ୍ଠ ମଳ ମାସ ଶୁକ୍ଳପକ୍ଷ ଏକାଦଶୀ ଏହାର ନାମ ପୁରୁଷୋତ୍ତମ ଏକାଦଶୀ । ଅଧିକ ମାସର ଶୁକ୍ଳ ପକ୍ଷର ଏକାଦଶୀ କୁ ପଦ୍ମିନୀ ଏକାଦଶୀ ବୋଲି ମଧ୍ୟ କହନ୍ତି । ଭଗବାନ ବିଷ୍ଣୁ ‘ମଳମାସ’ କୁ ନିଜର ନାଆଁ ଦେଇ ‘ ପୁରୁଷୋତ୍ତମ ମାସ ’ ଭାବରେ ପରିଚିତ କରିଛନ୍ତି । ସେହି ଅନୁସାରେ, ମଳମାସର ଏକାଦଶୀ ମଧ୍ୟ ‘ ପୁରୁଷୋତ୍ତମ ଏକାଦଶୀ ’ ଭାବରେ ପରିଚିତ ହୋଇଛି । ଚଳିତ ବର୍ଷ ଜ୍ୟେଷ୍ଠ ମାସଟି ‘ ମଳ ମାସ ’ ହୋଇଥିବାରୁ ଏହି ଅନୁସାରେ ଜ୍ୟେଷ୍ଠ ଶୁକ୍ଳ ଏକାଦଶୀ ‘ପୁରୁଷୋତ୍ତମ ଏକାଦଶୀ’ ହୋଇଛି। ଜ୍ୟେଷ୍ଠ ମାସର ପ୍ରଥମ ପକ୍ଷ ଅର୍ଥାତ୍ କୃଷ୍ଣପକ୍ଷ ଏବଂ ଶେଷ ପକ୍ଷ ଅର୍ଥାତ୍ ଶୁକ୍ଳପକ୍ଷ ହେଉଛି ଶୁଦ୍ଧ। ମଝିର ଏକମାସ ମଳ। ଏଣୁ, ପ୍ରଥମ କୃଷ୍ଣପକ୍ଷ ଅର୍ଥାତ୍ ଶୁଦ୍ଧ କୃଷ୍ଣପକ୍ଷରେ ପଡ଼ୁଥିବା ଏକାଦଶୀର ନାମ ଅପରା ହୋଇଥିବାବେଳେ, ଶେଷ ପକ୍ଷ ଅର୍ଥାତ୍ ଶୁଦ୍ଧ ଶୁକ୍ଳପକ୍ଷରେ ପଡ଼ୁଥିବା ଏକାଦଶୀର ନାମ ନିର୍ଜଳା ରହିଛି। କିନ୍ତୁ ମଝି ମଳମାସର ଦୁଇ ଏକାଦଶୀର ନାମ ବଦଳିଯାଇ ଦୁଇଟିଯାକର ନାଆଁ ‘ ପୁରୁଷୋତ୍ତମ ଏକାଦଶୀ ’ ହୋଇଛି। କାମ୍ପିଲ୍ଯ ନଗରୀରେ ସୁମେଧ ନାମକ ଜଣେ ବ୍ରାହ୍ମଣ ଥିଲେ ।ସେ ଜଣେ ବିଷ୍ଣୁ ଭକ୍ତ ଥିଲେ ।ଉଭୟ ସ୍ବାମୀ, ସ୍ତ୍ରୀ ବିଷ୍ଣୁ ପୁଜନ କରିବା ସହ ଅତିଥି ପରାୟଣ ମଧ୍ୟ ଥିଲେ ।ଦରିଦ୍ର ହୋଇଥିଲେ ମଧ୍ୟ କେବେହେଲେ କୌଣସି ଅତିଥି ଙ୍କୁ ନିଜ ଦ୍ବାର ରୁ ଫେରାଇଦେଉନଥିଲେ ।ନିଜେ ଅଭୁକ୍ତ ରହି ସେମାନଙ୍କ ର ଭୋଜନ ର ବ୍ଯବସ୍ଥା କରୁଥିଲେ ।ଏହାର ସମାଧାନ ନିମନ୍ତେ ଥରେ ବ୍ରାହ୍ମଣ ସୁମେଧ ନିକଟସ୍ଥ ସହରକୁ ଯିବାକୁ ସ୍ଥିର କଲେ ।ମାତ୍ର ତାଙ୍କ ପତ୍ନୀ କହିଲେ , ଈଶ୍ବରଙ୍କ କୃପାରୁ ଆମର ଯେତିକି ପ୍ରାପ୍ୟ ତାହା ଏହିଠାରେ ମଧ୍ଯ ମିଳିବ ।ତେଣୁ ବ୍ରାହ୍ମଣ ସହରକୁ ଗଲେନି ,ହେଲେ ବଡ ଚିନ୍ତିତ ରହିଲେ ।ଏହି ସମୟରେ ତାଙ୍କ ଘରକୁ କୌଣ୍ଡିଲ୍ଯ ଋଷି ଆସିଲେ ।ସେତେବେଳେ ଅଧିକ ମାସ ଚାଲିଥିଲା । ଉଭୟ ପତିପତ୍ନୀ ତାଙ୍କୁ ଯେତେବେଳେ ଦରିଦ୍ରତା ରୁ କିପରି ମୁକ୍ତି ପାଇବେ ପଚାରିଲେ , ଋଷି ସେମାନଙ୍କୁ ଏହି "ପରମବ୍ରତ" କରିବାକୁ କହିଥିଲେ । ମହାଭାରତ ରେ ସ୍ବୟଂ ଶ୍ରୀକୃଷ୍ଣ ମଧ୍ୟ ଅର୍ଜୁନଙ୍କୁ ଏହି ବ୍ରତ ସର୍ବଶ୍ରେଷ୍ଠ ବ୍ରତ ବୋଲି କହିଥିଲେ। ଏହା ମୋକ୍ଷ ପ୍ରଦାନ କରେ ।ସମସ୍ତ ପାପ ନଷ୍ଟ କରେ ତଥା ମୁକ୍ତି ଦିଏ ।ଏହି ବ୍ରତ ଜୀବନରେ ସୁଖ ସମୃଦ୍ଧି ଆଣେ ।ଏହା ଦରିଦ୍ରତା ନାଶ କରେ ।କହନ୍ତି କୁବେର ଏହି ବ୍ରତ କରି ଶ୍ରେଷ୍ଠ ଧନପତି ହୋଇଥିଲେ । ଅତି ସହଜ ଓ ସରଳ ଏହି ବ୍ରତର ବିଧି ବିଧାନ । ପ୍ରଭାତରୁ ସ୍ନାନଶୌଚଦି ନିତ୍ୟ କର୍ମ ସମାପନାନ୍ତେ ପୁଜାସ୍ଥଳରେ ଗୋଟିଏ ଖଟୁଳି ରଖି ତାଉପରେ ହଳଦିଆ କପଡା ପକେଇବା ।ତାହାଉପରେ ଲକ୍ଷ୍ମୀ ନାରାୟଣ ଙ୍କର ମୂର୍ତ୍ତି ବା ଫଟୋ ରଖି ,ଧୁପ,ଦୀପ,ପୁଷ୍ପ ଆଦିରେ ସଜେଇଦେଇ ବିଭିନ୍ନ ପ୍ରକାରର ଫଳମିଠା ନୈବଦ୍ଯ ଦିଆଯାଏ ।ଶୁଦ୍ଧ ଗୋଘୃତରେ ଦୀପଟିଏ ଲଗେଇଲେ ଭଲ ।କର୍ପୂର ଆଳତୀ ପୁଜା ପରେ କରାଯାଏ । ନାରାୟଣଙ୍କ ସ୍ତୁତି,କବଚ ତଥା ବିଷ୍ଣୁ ସହସ୍ରନାମ ପଢାଯାଏ । ଏହିଦିନ ଅନେକ ନିର୍ଜଳା ଉପବାସ କରନ୍ତି ।କେବଳ ଫଳ,କ୍ଷୀର ଖାଇ ମଧ୍ୟ ଅନେକ ବ୍ରତ କରନ୍ତି ।ଏହିଦିନ ଅର୍ଣ୍ନ ଭୋଜନ ନିଷେଧ ।ସବୁଠୁ ବଡ କଥା ଏହିଦିନ ଯେତେ ମାନସିକ ଜପ କରିହେବ ,ସେତେ ଭଲ ।ମୌନବ୍ରତ କଲେ ମଧ୍ୟ ଭଲ । ମନକୁ ଆମର ସେଇ ପ୍ରିୟ ପୁରୁଷୋତ୍ତମ ଙ୍କ ପାଖରେ ସମର୍ପଣ କରି ଜପଓ ଧ୍ଯାନ କରିବା ।ଯେଉଁମାନେ ଏହି ପବିତ୍ର ବ୍ରତକୁ ଵିଶ୍ଵାସ ର ସହିତ ନିଷ୍ଠାବାନ ହୋଇ ଶାସ୍ତ୍ରୀୟ ବିଧିରେ ପାଳନ କରିବେ, ସେହି ସଜ୍ଜନ ଭଗବାନ ବିଷ୍ଣୁ ଙ୍କ ବନ୍ଦନୀୟ ହେବା ସହ ଏ ଜଗତର ପୁଣ୍ୟମୟ ବ୍ୟକ୍ତି ହିସାବରେ ପରିଗଣିତ ହେବେ। ଦେହାନ୍ତରେ ଵିଷ୍ଣୁଲୋକ ଗମନ କରିବେ। #🚩ସନାତନ ଧର୍ମ💪 #jay jagannat🙏🙏

17 likes

12 shares