Trending
📔 കഥ

📔 കഥ

#

📔 കഥ

full part ഖൽബിലെ മൊഞ്ച് .......................................................................... "ഹലൊ..... അസ്കർ നാളെ രാവിലെ പത്ത് മണിക്ക് എത്തിക്കോട്ടാ മറക്കണ്ട... നിന്റെ ബൈക്കിൽ വന്നാൽ മതി... കാറൊന്നും വേണ്ട ഒരു ഹാന്റ് ബാഗ് മാത്രമേ ഉള്ളു കയ്യിൽ " " അത് പൊളിച്ചു..... ഡൺ.... ബ്രോ.... " അവന്റെ മറുപടി കേട്ട് ഒന്ന് ഞെട്ടി... പടച്ചോനെ ഇപ്പോഴത്തെ പിള്ളേരുടെ കാര്യം, കൂടുതൽ ചോദ്യവും പറച്ചിലും ഒന്നുമില്ല, സ്വന്തം ഇക്ക ദുബായിൽ ചെന്ന് മൂന്ന് മാസം ആയപ്പോഴേക്കും തിരിച്ച് വരുന്നത് അവനെ ബാധിക്കുന്ന പ്രശ്നമല്ല. അഞ്ച് വയസ്സ് വ്യത്യാസം ഉള്ളു പക്ഷെ ഒരു തലമുറയുടെ മാറ്റം സംഭവിച്ചു ഈ അഞ്ച് കൊല്ലം കൊണ്ട്. ആൺപിള്ളേരും കണക്കാ പെൺപിള്ളേരും കണക്കാ.. പെണ്ണ് കെട്ടാൻ തന്നെ പേടിയായി, മൊട്ടേന്ന് വിരിയും മുമ്പ് എല്ലാത്തിനും ഉണ്ട് ലൈന്. ബാക്കിയുള്ളവർക്ക് ഇത് വരെ ഒരെണ്ണത്തിനെ പോലും വളക്കാൻ കഴിഞ്ഞിട്ടില്ല. കട്ട മീശയിലും കട്ടത്താടിയിലും വിരിഞ്ഞ നെഞ്ചിലും ഒന്നും ഒരു കാര്യം ഇല്ല. വെറുതെ കുറേനാൾ ജിമ്മിലും പോയി സമയം കളഞ്ഞ്.പെൻസില് പോലെ ഇരിക്കുന്ന മുടി വെട്ടാത്ത കുളിക്കാത്ത ഫ്രീക്കന്മാരെ മതി പെൺപിള്ളേർക്ക്. എന്റെ അറിവ് അനുസരിച്ച് അസ്കറിന് ഒരഞ്ചെണ്ണം എങ്കിലും കാണണം. പതിനെട്ട് കഴിഞ്ഞിട്ടുള്ളു പഹയന്. ഒരു ദിവസം അവൻ വീഡിയോ ചാറ്റ് ചെയ്ത് മതി മറന്ന് കിടക്കുമ്പോൾ അറിയാതെ പതുങ്ങി പിന്നിൽ ചെന്ന് നിന്നു. ആ കാഴ്ച കണ്ട് തലക്കകത്ത് കൂട് കെട്ടിയ കിളികളെല്ലാം ഷോക്കടിച്ച് ചത്ത് പോയിക്കാണും. ഒരു കിടിലൻ കുട്ടി അവന്റെ പ്രായം കാണും. പാതിരാത്രിയിൽ കിടന്ന് സംസാരം തന്നെ.. ഇരുപത്തിമൂന്ന് വയസ്സായ എനിക്ക് അത് കാണാൻ ഉള്ള ശേഷി ഇല്ലായിരുന്നു. സിയാദ് എമിഗ്രേഷൻ കഴിഞ്ഞ്‌ വിമാനം കാത്തിരിക്കുന്നിടത്ത് പോയി ഇരുന്നു. അപ്പോഴാണ് അവൻ ഇരിക്കുന്നിടത്തേക്ക് നടന്ന് വന്ന പെൺകുട്ടിയെ ശ്രദ്ധിച്ചത്. നല്ല വൃത്തിയിൽ വസ്ത്രം ധരിച്ച് വത്തങ്ങ സ്റ്റൈൽ അല്ലാത്ത തട്ടം തലയിൽ നിന്ന് താഴ്ത്തിയിട്ടിരിക്കുന്നു ,തല താഴ്ത്തിയുള്ള നല്ല അടക്കവും ഒതുക്കവും ഉള്ള നടത്തവും. മുഖത്ത് നോക്കിയാൽ കണ്ണടുക്കാൻ തോന്നില്ല അത്ര ഭംഗി കാണാൻ. അടുത്തൊന്നും ഇത്രയും സൗന്ദര്യം ഉള്ള ഒരു കുട്ടിയെ കണ്ടിട്ടില്ല. സാധാരണ പെൺകുട്ടികൾ സമയം കിട്ടുമ്പോൾ മൊബൈലും തോണ്ടി ആർക്കെങ്കിലും പണി കൊടുക്കുന്ന രസത്തിലായിരുക്കും.ഈ കുട്ടി ഒരു പുസ്തകം എടുത്ത് വായനയിൽ മുഴുകി. ഫ്ലൈറ്റിലേക്ക് കയറാൻ വിളിക്കുന്നത് വരെ കണ്ണെടുക്കാതെ അവളെ നോക്കി ഇരുന്നു പോയി.പക്ഷെ ഒരു വട്ടം പോലും അവളുടെ കണ്ണുകൾ ഉയർന്ന് കണ്ടില്ല. ഫ്ലൈറ്റിനുള്ളിലേക്ക് കടന്നപ്പോൾ അവളെ കണ്ടില്ല. ബോർഡിംങ്ങ് പാസ്സിലെ സീറ്റ് നമ്പർ നോക്കി പോയി ഇരുന്നു. വിൻഡോ സീറ്റിനരികിലാണ് ഇരുന്നത് വിൻഡോസീറ്റിൽ ആള് എത്തിയിട്ടില്ല. സീറ്റ് ശരിയാക്കി വെക്കുന്നതിനിടയിൽ ആരോ അരികിൽ വന്നു നിന്നു. സീറ്റിന്റെ ആളായിരിക്കും. നോക്കിയപ്പോൾ വിശ്വസിക്കാൻ കഴിഞ്ഞില്ല. എഴുന്നേറ്റ് മാറി നിന്നു, അവൾ സീറ്റിലേക്ക് കടന്ന് ഇരുന്നു.ആകാശത്തെ വെള്ള മേഘങ്ങളെ കീറിമുറിച്ച് വിമാനം പറന്നു. പെൺകുട്ടികളോട് സംസാരിക്കാൻ ചമ്മൽ ഇത്രയായിട്ടും മാറിയിട്ടില്ലല്ലൊ പടച്ചോനെ. പെങ്ങൻമാര് ഇല്ലാത്തതിന്റെ കുറവാണെന്ന് തോനുന്നു. ഈ അസ്കറിനെ ഒക്കെ സമ്മതിക്കണം. എങ്ങനെയാ ഇവളോട് ഒന്ന് മിണ്ടുക. തൊട്ടരികിൽ ഇരിക്കുന്ന സുന്ദരിയായ നല്ല ഒരു പെൺകുട്ടിയോട് മിണ്ടാൻ കഴിഞ്ഞില്ലെങ്കിൽ ... ഛെ.. മോശം.... ധൈര്യം സംഭരിച്ച് അവളോട് ചോദിച്ചു. " പേര് എന്താ?" അവൾ ഒന്നും മിണ്ടിയില്ല കേൾക്കാത്ത ഭാവത്തോടെ ഇരുന്നു. നാണക്കേടായി ചോദിക്കണ്ടായിരുന്നു, ഇതൊന്നും നമുക്ക് പറ്റിയ പണിയല്ല. അവൻ കണ്ണടച്ച് കിടന്നു.. മെല്ലെ ഉറക്കത്തിലേക്ക് വീണു. വിമാനം നെടുംബാശ്ശേരിയിൽ ലാന്റ് ചെയ്യാനൊരുങ്ങിയപ്പോഴാ അവൻ ഉറക്കിൽ നിന്നുണർന്നത്. കൊച്ചിയിൽ എമിഗ്രേഷൻ ക്ലിയർ ചെയ്യാൻ നിന്നപ്പോൾ തൊട്ട് മുന്നിൽ തന്നെ അവൾ ഉണ്ടായിരുന്നു. പുറത്തിറങ്ങിയപ്പോൾ അവൾ ഒന്ന് തിരിഞ്ഞ് നോക്കി പുഞ്ചിരിച്ചു. പടച്ചോനെ എന്താ ഒരു ചിരി, ആ മുഖത്ത് പുഞ്ചിരി വിരിഞ്ഞഞ്ഞപ്പോൾ അവളുടെ സൗന്ദര്യം പതിൻമടങ്ങ് ഇരട്ടിയായി, എന്ത് ഭംഗിയിലാ അവളെ പടച്ചോൻ സൃഷ്ടിച്ചത്. പുറത്തിറങ്ങിയപ്പോൾ അസ്കർ കാത്തിരിക്കുന്നുണ്ടായിരുന്നു. അവളെ ഒന്നുകൂടി കാണാൻ പറ്റുമോ എന്ന് ചുറ്റും നോക്കി കണ്ടില്ല. വീട്ടിൽ ഉമ്മാനോടും ഉപ്പാനോടും കമ്പനി സാമ്പത്തിക മാന്ദ്യത്തിൽ പെട്ട് പിരിച്ച് വിട്ടതാ ഇനി വിളിക്കുമ്പോൾ വന്നാൽ മതി എന്നെല്ലാം പറഞ്ഞപ്പോൾ ആദ്യം അവർ വിഷമിച്ചു എങ്കിലും. "സാരമില്ല മോനെ എല്ലാം ശരിയാകും, ഇതല്ലെങ്കിൽ വേറെ ജോലി " എന്ന് പറഞ്ഞ് രണ്ടാളും ആശ്വസിപ്പിച്ചപ്പോൾ സമാധാനമായി. "എന്തായാലും ഫർഷാനയുടെ കല്യാണം കൂടാനുള്ള ഭാഗ്യമുണ്ടാല്ലൊ.. സിയാദിന്." ഉമ്മ പറഞ്ഞപ്പോഴാ ഓർത്തത് നാളെ അമ്മായിയുടെ മകൾ ഫർഷാനയുടെ കല്ല്യാണമല്ലെ. ഓഡിറ്റോറിയത്തിൽ ചെന്ന അവൻ.. "എന്താ പെട്ടന്ന് വന്നത്?" എന്ന ചോദ്യത്തിന് മറുപടി പറഞ്ഞ് വട്ടായി. ചെക്കനും ചെക്കന്റെ വീട്ടുകാരും എത്തിയപ്പോൾ സ്വീകരിക്കാൻ അവൻ മുൻവശത്ത് തന്നെ വന്ന് നിന്നു. കല്ല്യാണ ചെക്കന്റെ മുഖത്ത് നോക്കിയപ്പോൾ അവൻ ഒന്നു ഞെട്ടി... അതാ ചെക്കന്റെ തൊട്ടരികിൽ നിൽക്കുന്നു ഫ്ലൈറ്റിലെ മൊഞ്ചത്തി. പിന്നെ അവിടെ നിന്ന് അവന് ഒരു പ്രത്യേക ഉൻമേഷം കൈ വന്നു. മൊഞ്ചത്തി പോകുന്നിടത്തെല്ലാം അവൻ പിൻതുടർന്നു.അവൾ ഭക്ഷണം കഴിക്കാനിരുന്നപ്പോൾ, കാറ്ററിംഗ്‌കാരെല്ലാം മാറി നിൽക്കണം അവൻ ഭക്ഷണം സെർവ് ചെയ്യുന്നത് കണ്ടാൽ. എന്തിന് പറയുന്നു കല്യാണ വീട്ടിൽ അവന്റെ പ്രണയം പൂവിടാൻ അവൻ പരക്കം പാഞ്ഞു. മൊഞ്ചത്തിക്കുട്ടിക്കും മനസ്സിലായി ഈ ചെക്കൻ ഒരു രക്ഷയില്ല എന്ന്, അവൻ തന്നേം കൊണ്ടേ പോകൂ എന്ന് അറിഞ്ഞ അവൾ തിരിച്ച് പോകും നേരം ഒരു കുട്ടിയുടെ കയ്യിൽ ഒരു പേപ്പർ കൊടുത്ത് വിട്ടു. " സിയാദ്ക്ക.. ഇക്കാക്ക് എന്നെ ഇഷ്ടമായെന്ന് എനിക്ക് മനസ്സിലായി, ഇക്കയെ കുറിച്ച് എല്ലാവരും എന്നോട് പറഞ്ഞു, നല്ല ഒരാളാണെന്ന് എനിക്കറിയാം, അന്ന് ഫ്ലൈറ്റിൽ വെച്ച് എന്നോട് പേര് ചോദിച്ചപ്പോൾ ഞാൻ മറുപടി നൽകാതിരുന്നത് എനിക്ക് സംസാരിക്കാൻ കഴിയില്ല, അത് കൊണ്ടാട്ടൊ... എന്റെ പേര് "നികിത ".... നാളെ സർട്ടിഫിക്കറ്റ് വാങ്ങാൻഞാൻ കോഴിക്കോട് പോകുന്നുണ്ട്,രാവിലെ പത്ത്മണിക്കുള്ള ട്രെയിനിൽ. ഇത് അറിഞ്ഞിട്ടും ഇക്കാക്ക് എന്നെ ഇഷ്ടമാണെങ്കിൽ തൃശൂർ റെയിൽവേ സ്‌റ്റേഷനിലേക്ക് നാളെ വാ.. എന്റെ വാപ്പയും ഉമ്മയും ഉണ്ടാവും കൂടെ.. " രാത്രി കിടന്നിട്ട് ഉറക്കം വരുന്നുണ്ടായില്ല.. തിരിഞ്ഞും മറിഞ്ഞും കിടന്നു.രാവിലെ എപ്പോഴോ ഉറക്കത്തിൽ പെട്ടു. പെട്ടെന്ന് ഞെട്ടി ഉണർന്ന് കണ്ണ് തുറന്ന് ക്ലോക്കിലേക്ക് നോക്കി ഒമ്പത് കഴിഞ്ഞു. പടച്ചോനെ പണിയായി, വേഗം ചാടി എഴുന്നേറ്റു പല്ല് തേച്ച് കുളിച്ച് റെഡിയായപ്പോഴേക്കും ഒമ്പതര, ഇനി അര മണിക്കൂറേ ഉള്ളു. ഓടി പുറത്തിറങ്ങിയപ്പോൾ അസ്കർ മുറ്റത്തുണ്ട്... "വാപ്പയും ഉമ്മയും എവിടെടാ?" " ആ.... എനിക്കറിയില്ല.... " അവൻ വീണ്ടും മുബൈലിൽ കളിക്കാനിരുന്നു.. "ടാ.. ബൈക്കിന്റെ താക്കോൽ താ.... " " അത് വണ്ടിയിൽ തന്നെയുണ്ട്.. " അരമണിക്കൂർ മാത്രമെ ഉള്ളു ഇനി. തൃശൂർ എത്തണം. അവൻ ബൈക്ക് എടുത്ത് പറന്നു... പടച്ചോ നെ ഇന്ത്യൻ റെയിൽവെ എന്നത്തേയും പോലെ ഇന്നും സമയം വൈകി വരണെ. കൃത്യം പത്ത് മണിക്ക് അവൻ റെയിൽവേ സ്റ്റേഷനിൽ എത്തി,ഓടി ഫ്ലാറ്റ്ഫോമിലൂടെ.. അനൗണ്സ്മെന്റ് കേൾക്കുന്നുണ്ട് കോഴിക്കോട് ട്രെയിൻ പുറപ്പെടുന്നു എന്ന്. അവൻ ഓടി ...ട്രെയിൻ മെല്ലെ നീങ്ങി തുടങ്ങിയിരുന്നു... വേഗത്തിൽ ഓടി അവൻ അവസാനത്തെ കമ്പാർട്ട്മെന്റിൽ ചാടി കയറി.... കുറച്ച് നേരം അവിടെ നിന്ന് കിതച്ചു... കിതപ്പ് മാറിയതിന് ശേഷം അവൻ മെല്ലെ മുന്നോട്ട് നടന്നു. നികിത നീ എവിടെയാണ്.... ഏത് കമ്പാർട്ട്മെന്റിലാണ് നീയുള്ളത്... അവൻ മുന്നോട്ട് നടന്നു... പെട്ടെന്ന് അവൻ കണ്ടു വാതിലിനരികിൽ പുറത്തേക്ക് നോക്കി നിക്കുന്ന അവളെ. " നികിത...." അവൾ തിരിഞ്ഞ് നോക്കി.... "നിന്നെ ആദ്യം കണ്ടപ്പോൾ തന്നെ എന്റെ മനസ്സിൽ പതിഞ്ഞതാ ഈ മുഖം... എനിക്ക് ഒരു പാട് ഇഷ്ടമായി നിന്നെ. എന്റെ ജീവിതത്തിൽ എന്റെ പെണ്ണായി നീ മതി.. അവരെവിടെ വാപ്പയും ഉമ്മയും?.. ഞാൻ ചോദിക്കട്ടെ നിന്നെ എനിക്ക് കെട്ടിച്ച് തരുമോ എന്ന് " "ടാ ചെക്കാ നീയും പെണ്ണിന്റെ വീട്ടുകാരും തീരുമാനിച്ചാൽ മതിയാ ഈ കാര്യങ്ങളൊക്കെ നിന്റെ വാപ്പയും ഉമ്മയും ആണെന്ന് പറഞ്ഞിട്ട് ഞങ്ങൾക്ക് ഇതിൽ റോള് ഒന്നുമില്ലെ?" തിരിഞ്ഞ് നോക്കിയത് വാപ്പയുടെയും മുഖത്തേക്ക്... "നിങ്ങൾ എങ്ങനെ?.... ഇവിടെ...." "ടാ മക്കൾക്ക് വല്ല മാറ്റവും ഉണ്ടായാൽ സ്വന്തം മാതാപിതാക്കൾക്കാ ആദ്യം മനസ്സിലാവുക. കല്യാണത്തിന് നിന്റെ കാണിക്കല് ഞങ്ങൾ കണ്ടതാ.... എല്ലാവരും ചർച്ച ചെയ്തു.ഈ കുട്ടി ആരാണെന്നറിയോ നിനക്ക്... ഫർഷാനയുടെ ചെക്കന്റ ഒരേയൊരു പെങ്ങളാ... എല്ലാവരും ദുബായിലാ... ഇവൾ ക്ലാസ്സ് തീരും വരെ അവിടെ നിന്നതാ... നിങ്ങൾ ഒരുമിച്ചാണ് ഫ്ലൈറ്റിൽ യാത്ര ചെയ്തത് എന്നെല്ലാം ഈ കുട്ടി കല്യാണ ദിവസം തന്നെ അറിയിച്ചിരുന്നു. ഞങ്ങൾക്കെല്ലാം അന്ന് തന്നെ ഇഷ്ടമായി ഈ പൊന്ന് മോളെ.. പക്ഷെ നിനക്ക് ഇവളെ പറ്റി ഒന്നും അറിയില്ല എന്ന് മനസ്സിലാക്കിയപ്പോൾ ഞങ്ങൾ എല്ലാരും കൂടി ഉണ്ടാക്കിയ പ്ലാനാ ഇത്.." നോക്കിയപ്പോൾ ആ കമ്പാർട്ട്മെന്റ് നിറയെ കുടുംബക്കാരാണ്... ഫർഷാനയും അളിയനും അടുത്ത് വന്നു... ഫർഷാന പറഞ്ഞു.... "എന്നാലും നീ ഒന്ന് പേടിപ്പിച്ച് കളഞ്ഞു.... രാവിലെ കിടന്ന് ഉറങ്ങി സമയം കളഞ്ഞ്ഞങ്ങളെ ടെൻഷനാക്കി... ഒരുത്തനെ അവിടെ ഇരുത്തിയിരുന്നു നിന്റെ കാര്യങ്ങൾ അറിയിക്കാൻ അസ്കറിനെ... " "ഇനി രണ്ടാളും അടുത്ത് നിന്നെ..... ട്രെയിനിൽ വെച്ച് ഉള്ള ആദ്യത്തെ വിവാഹ നിശ്ചയം നടക്കട്ടെ.... " അവന്റെ ഉമ്മ ഒരു വള മൊഞ്ചത്തിയുടെ കൈകളിൽ അണിഞ്ഞു.. അവൻ അവളുടെ മുഖത്ത് നോക്കിയപ്പോൾ.... ആ കണ്ണുകളിൽ കണ്ണുനീർ തുള്ളി തിളങ്ങി നിൽക്കുന്നുണ്ട്.. [ഒരു നല്ല പുരുഷൻ ഇഷ്ടപ്പെടുന്നത് തുണി അഴിച്ച് സ്വാതന്ത്ര്യം ,സമത്വം എന്ന് പറഞ്ഞ് തെരുവിൽ അലയുന്ന പരിഷ്കാരി പെണ്ണിനോടല്ല... മറിച്ച് മറയ്ക്കേണ്ടത് മറച്ച് പെണ്ണാണെന്ന ബോധത്തോടെ നടക്കുന്ന നല്ല കുടുംബത്തിൽ പിറന്ന പെൺകുട്ടികളെയാണ്...... ഇത് എന്റെ അഭിപ്രായം മാത്രം....] ....................................... സിയാദ് ചിലങ്ക
13k views
21 hours ago
#

📔 കഥ

ഡാ വിനൂ അവളു പോയെടാ... അമ്മയുടെ അലർച്ച കേട്ട് വിനു ഞെട്ടിയുണർന്നു ആരു പോയ കാര്യമാ അമ്മേ പറയുന്നത് "മറ്റാരുമല്ല നിന്റെ പുന്നാര പെങ്ങൾ അവൾ അടുത്ത വീട്ടിൽ പണിക്കു വന്ന ബംഗാളിയൊടെപ്പം ഒളിച്ചോടി " ഈശ്വരാ ഞാനിനിയെങ്ങനെ നാട്ടുകാരുടെ മുഖത്ത് നോക്കും വസുമതി പിറുപിറുത്തു വസുമതിക്ക് 2 മക്കളാണ് വീനീതും വിനയയും വിനീതിന് 6ഉം വിനയക്ക് 2ഉം വയസുള്ളപ്പോൾ അവരുടെ അച്ഛൻ ഉപേക്ഷിച്ചു പോയതാണ് പിന്നീടങ്ങോട്ട് വളരെ കഷ്ടപ്പെട്ടാണ് വസുമതി അവരെ വളർത്തിയത് വിനീത് ഇപ്പോൾ ഒരു സർക്കാർ സ്കൂളിൽ അധ്യാപകനാണ് വിനീത ഒരു സ്വകാര്യ സ്ഥാപനത്തിൽ ജീവനക്കാരിയാണ് അവർ സന്തോഷത്തോടെ ജീവിക്കുമ്പോളാണ് വിനീത ബംഗളയോടൊപ്പം ഒളിച്ചോടുന്നത് താൻ ജീവനെക്കാൾ ഏറെ സ്നേഹിച്ച പെങ്ങളുട്ടി ഒളിച്ചോടിയത് വിനിതിനു വിശ്വസിക്കാനായില്ല താൻ അവൾക്ക് വേണ്ടതെല്ലാം ചെയ്തു കൊടുത്തിട്ടും അവൾ എന്തിനാണിങ്ങനെ ചെയ്തതെന്ന് വിനീത് സങ്കടം കൊണ്ട് പൊട്ടിക്കരഞ്ഞു പിന്നെ സങ്കടം ദേഷ്യത്തിലേക്ക് വഴിവെച്ചു പിന്നെ ഒന്നും ആലോചിച്ചില്ല ബാഗുമെടുത്ത് അടുത്ത വണ്ടിക്ക് ബംഗാളിലേക്ക് വെച്ചിടച്ചു അമ്മ തടയാൻ ശ്രമിച്ചെങ്കിലും ഫലം കണ്ടില്ല ................................ .................. :- .. ഒന്നര മാസത്തിനു ശേഷം വാതിലിൽ മുട്ടുകേട്ടാണ് വസുമതി കണ്ണു തുറന്നത് മകളും മകനും പോയ ശേഷം ആ അമ്മ ആകെ തകർന്നു പോയിരുന്നു വാതിൽ തുറന്ന വസുമതിക്ക് തന്റെ കണ്ണുകൾ വിശ്വസിക്കാൻ കഴിഞ്ഞില്ല......... വിനുട്ടൻ'' ....... ആ അമ്മ മകനെ കണ്ട് കെട്ടി പിടിച്ചു പൊട്ടിക്കരഞ്ഞു വിനുട്ടാ എവിടെയായിരുന്നു ഇത്ര നാൾ അമ്മയ്ക്ക് മറുപടി കൊടുക്കാതെ വിനു പറഞ്ഞു " അമ്മേ ഒരു നിലവിളക്ക് ഇങ്ങെടുത്തെ " അപ്പോളാണ് വിനു വിനു പുറകിലുള്ള സുന്ദരിയായ പെൺകുട്ടിയെ വസുമതി ശ്രദ്ധിച്ചത് ആരാടാ ഇത് വസുമതി ചോദിച്ചു ഇത് നമ്മുടെ പെങ്ങളുട്ടിയെ കൊണ്ടു പോയവന്റെ പെങ്ങളാണ് അവളെ ഞാനിങ്ങടിച്ചെടുത്തു നമ്മൾ മലയാളികളോടാ ബംഗാളി യുടെ കളി പെങ്ങളെ നഷ്ടപ്പെട്ട തിന്റെ സങ്കടം അവനും അറിയണം കടം കടം കൊണ്ട് വീട്ടണം
12.2k views
22 hours ago
#

📔 കഥ

സഖാവിന്റെ  സഖി ************* °•꧁.🔥 FULL_STORy🔥. ꧂°•.           ഉച്ചയൂണും കഴിഞ്ഞ് വണ്ടി സ്റ്റാൻഡിൽ ഇട്ട് ഓട്ടോയുടെ മുൻ സീറ്റിൽ ഇരുന്നു എന്തൊക്കെയോ ആലോചിക്കുവായിരുന്നു .ഉച്ച ആയത് കൊണ്ട് തന്നെ  ഓട്ടവും അല്പം കുറവായിരുന്നു .ചെറുതായി മയക്കം വരുന്നെങ്കിലും ഓരോ കാര്യങ്ങൾ മനസ്സിനെ വല്ലാതെ അലട്ടുന്നു .( ആ കാര്യങ്ങൾ വഴിയേ മനസ്സിലാക്കാം ) ചേട്ടാ ഒരു ഓട്ടം പോകാമോ ? ഒരു പെൺകുട്ടിയുടെ മധുരമായ (അല്ലെങ്കിലും നായികയുടെ വരവിൽ അല്പം മധുരമൊക്കെ വേണമല്ലോ )... ശബ്ദം കേട്ടാണ് ഞാൻ എന്റ്റെ ചിന്തകളിൽ നിന്നും ഉണർന്നത് ... എ എന്താ? അതേയ്  ചേട്ടാ ഒരു ഓട്ടം പോകാമോ ? ആഹ് എവിടേയ്ക്കാ ? വഞ്ചിയൂർ . ആഹ് കേറിക്കോളൂ ..... (പെണ്ണ് കാണാൻ അല്പം സുന്ദരിയാ .ഏതൊരാണും നോക്കി പോവും .നല്ല ഐശ്വര്യവും ഉണ്ട് .) ഹാ ഇത് പോലെ എത്രയോ സുന്ദരിമാർ വന്നു പോയതാ ഓട്ടോയിലും ജീവിതത്തിലും ..... മാഷേ ഒരു മിനിറ്റ് .( അല്പം ക്ഷീണമുള്ളതിനാൽ വാട്ടർ ബോട്ടിലിൽ ഉണ്ടായിരുന്ന വെള്ളത്തിൽ അല്പം എടുത്ത് മുഖം ഒന്നു കഴുകി ഉഷാറാക്കി) . ശരി പോകാം .... ഉം .. ഓട്ടോ എടുത്ത് യാത്ര തുടങ്ങി .. ഇതിനിടയിൽ എന്റ്റെ ഫോണിൽ കുറച്ച് കോളുകൾ വന്നു കൊണ്ടേ യിരുന്നു .വിളിക്കുന്നത് സുഭാഷാണ്. സഹി കെട്ടപ്പോ കോൾ എടുത്ത് ഞാൻ ഓട്ടത്തിലാണെന്ന് പറഞ്ഞു വെച്ചു. പക്ഷെ പിന്നേം പിന്നേം അവൻ വിളിച്ച് കൊണ്ടേ ഇരുന്നു.ഞാൻ വണ്ടി അല്പം സൈഡ് ആക്കി വണ്ടിയിൽ നിന്നും മാറി അവനോട് സംസാരിച്ചു ...... സോറി മാഷേ ഒരു അത്യാവശ്യ കോൾ ആയിരുന്നു .അതാ . ഉം സാരമില്ല . വണ്ടി പിന്നേം മുന്നോട് എടുത്തപ്പോഴും മനസ്സിൽ ഒരു അസ്വസ്ഥത എന്താ സഖാവേ എന്ത് പറ്റി ? അല്പം ഞെട്ടലോടെ ഞാൻ ആ കുട്ടിയുടെ മുഖത്തേയ്ക്ക് തിരിഞ്ഞ് നോക്കി .പുഞ്ചിരിച്ച് കൊണ്ടുള്ള ആ മുഖത്തിന് പൂർണ്ണചന്ദ്രന്റ്റെ തിളക്കം അല്ല മാഷെ ന്നെ എന്താ വിളിച്ചേ ? സഖാവെന്ന് ... എങ്ങനെ മനസ്സിലായി ഞാൻ സഖാവെന്ന് . ഓ അതോ വണ്ടിയുടെ മുന്നിൽ തന്നെ സഖാവ് എന്ന് അല്ലേ എഴുതിയിരിക്കുന്നത് .പിന്നെ ദേ ഈ രണ്ട് സൈഡിലും ചെഗുവേരയുടേയും ഫിഡൽ കാസ്ട്രോ യുടേയും ചിത്രങ്ങളും .അങ്ങനെ മനസ്സിലായി .. ആഹാ .ഞാൻ അത്ര വല്യ സഖാവൊന്നുമല്ല മാഷേ .എന്തോ ഇഷ്ടമാണ് ഈ പ്രസ്ഥാനത്തിനോട് . ഉം .സഖാവിനെന്താ പ്രശ്നം .സഖാവിന്റ്റെ മുഖത്ത് ഒരു അസ്വസ്ഥത പോലെ .മറ്റൊന്നും കൊണ്ടല്ല .ഇങ്ങനെ പോയാൽ വണ്ടി വല്ല മതിലിലും ഇടിക്കും .അതാ . ഏയ് ഒന്നൂല്ല സഖാവേ ഏയ് ഒന്നൂല്ല സഖാവേ ( ഇത്തവണ മാഷേ ന്ന് വിളിക്കാൻ തോന്നിയില്ല) ... അത് ചുമ്മാ .പ്രശ്നങ്ങൾക്ക് പരിഹാരവും ഉണ്ടാവും .സഖാവിന് പറയാൻ ബുദ്ധിമുട്ടെങ്കിൽ നിർബന്ധിക്കുന്നില്ല .പക്ഷെ സഖാക്കന്മാർ ഒരിക്കലും തളരരുത് .അതാ . എന്തോ അവളുടെ വാക്കുകളിൽ അല്പം കാര്യമുള്ളത് പോലെ തോന്നി .ആത്മവിശ്വാസവും ഒരു പോസിറ്റീവ് എനർജിയും .. അല്ല സഖാവേ സഖാവ് ഒരു വായാടി ആണല്ലേ .എത്ര പെട്ടെന്നാ ഇങ്ങനെ കമ്പനി ആവുന്നേ .ഇലക്ഷന് നിൽക്കാം .നല്ല ഭാവിയുണ്ട് .ഞാൻ പറഞ്ഞു . ഉം സമയമാവട്ടെ നിൽക്കാം .. എന്ന് പറഞ്ഞ് ഒരു ചിരിയും പെണ്ണ് പാസാക്കി . അതേയ് സഖാവേ നാളെ ഒരു വിവാഹമാണ്. എന്റ്റെ മുൻ കാമുകിയുടെ .അതാ ഒരു അസ്വസ്ഥത .ഒന്നുമില്ലെങ്കിലും മനസ്സിൽ ഒരുപാട് കൊണ്ട് നടന്നതല്ലേ സഖാവേ .പെട്ടെന്ന് മറ്റൊരുത്തന്റ്റേത് ആവാൻ പോവുന്നു എന്നറിഞ്ഞപ്പോൾ എന്തോ ഉൾക്കൊള്ളാൻ കഴിയുന്നില്ല .കൂട്ടുകാരൻ വിളിച്ചത് അതിനാ അവൾക്കൊരു പണി കൊടുക്കാൻ .ഞാൻ പറഞ്ഞ് വേണ്ട .അവൾ കാരണം അവളുടെ കുടുംബം മുഴുവൻ തല കുനിക്കേണ്ടി വരും .അത് ഒരിക്കലും ചെയ്യാൻ പാടില്ലാത്തതാ. എവിടെ ത്തയാലും നന്നായിട്ട് ഇരുന്നാൽ മതി അവൾ .. ഉം പിന്നെ കുറച്ച് നേരം എന്തോ അവൾ ഒന്നും സംസാരിച്ചില്ല .ഞാൻ അസ്വസ്ഥനാവും എന്നു കരുതിയാവും . അവൾ പറഞ്ഞ സ്ഥലത്തേയ്ക്ക് എത്താൻ ഇനിയും ഒരുപാട് ദൂരമുണ്ട് .റിട്ടേൺ കിട്ടുമോ ആവോ ? അതേയ് സഖാവേ ആരുടെ ഭാഗത്തായിരുന്നു തെറ്റ് .. ( അല്പ മൗനത്തിന് ശേഷം അവൾ വീണ്ടും ചോദിച്ചു) എ എന്താ ? അല്ല നിങ്ങളിൽ ആരുടെ ഭാഗത്താ തെറ്റെന്ന്. വിട്ടു പോകാൻ ... അത് ഇന്നും എനിക്കറിയില്ല സഖാവേ .ഞാൻ അവളെ ഒരു പാട് വിശ്വസിച്ചു കെയർ ചെയ്തു .അതാവാം . ഞാൻ അല്പം ദേഷ്യക്കാരനായിരുന്നു .അത് മാറ്റി എടുത്തു ഞാൻ .ഒരു പരീക്ഷണത്തിന് ജീവിതം കളയണ്ട എന്നവൾക്ക് തോന്നിക്കാണും .അല്ലെങ്കിൽ ദരിദ്രവാസിയായ ഒരുത്തന്റ്റെ കൂടെ ഉള്ള ജീവിതം സുഖകരമല്ല എന്ന് അവളും ചിന്തിച്ച് കാണും. പ്രാക്ടിക്കലായി ചിന്തിച്ചപ്പോൾ വേണ്ട എന്ന് തോന്നിക്കാണും . ഒഴിവാക്കാനായി മാത്രം നോക്കുന്നവർ കാരണങ്ങൾ മാത്രമാവും അന്വേക്ഷിക്കുക. ഞാൻ തെറ്റ് ചെയ്തില്ല എന്ന് പറയുന്നില്ല .ചെയ്തു .അതിന് ക്ഷമയും ചോദിച്ചു. ആവർത്തിക്കില്ലാന്നും പറഞ്ഞു . എന്താ സഖാവേ വല്ല കുടിയോ വലിയോ ആണോ? ഏയ് അങ്ങനെയുള്ള ദുശ്ശീലം ഒന്നുമില്ല സഖാവേ .ദേഷ്യപ്പെടും .ഇഷ്ടമില്ലാത്തത് കണ്ടാൽ പ്രതികരിക്കും .അല്പം തെറി വിളിക്കും .ശരിയാണ് ഒരു പെണ്ണിന് ഇത് താങ്ങാൻ പറ്റി എന്നു വരില്ല.പക്ഷെ ഒരു അവസരം തന്നില്ല .സൗഹൃദം വലുതെന്ന് അവൾ വിശ്വസിച്ചു.ശരിയാണ് സൗഹൃദം വലുത് തന്നെയാണ് .പക്ഷെ സൗഹൃദങ്ങൾക്ക് വേണ്ടി പ്രണയത്തിനേയോ പ്രണയത്തിന് വേണ്ടി സൗഹൃദത്തിനേയോ കളയരുത് . സൗഹൃദം കൂടിയപ്പോ അതിനകത്തുള്ള ചിലർ എരിതീയിൽ എണ്ണ ഒഴിച്ച് കൊടുത്തു .എന്നെ മനസ്സിലാക്കാതെ എന്നോട് പിരിയാമെന്ന് പറഞ്ഞു . ഏതോ ഒരുത്തിയ്ക്ക് വേണ്ടി സ്വന്തം സൗഹൃദം കളഞ്ഞ് പോയ ഒരുത്തൻ അവൾ തേച്ചിട്ട് പോയപ്പോൾ പഴയ സൗഹൃദം പുതുക്കി വന്നു .ഇനി ഒരുത്തി വന്നാൽ പോകില്ല എന്ന് ആരു കണ്ടു .സൗഹൃദത്തിന് വേണ്ടി ജീവന് തുല്യം സ്നേഹിച്ചവനെ കളഞ്ഞവൾ നാളെ ആ സൗഹൃദം കളയില്ലാന്ന് ഉറപ്പുണ്ടോ ? സ്വന്തം കൂട്ടുകാരിയുടെ പ്രണയം തകർത്ത അവർ നാളെ അവളെ ഒറ്റപ്പെടുത്തില്ല എന്ന് പറയാൻ പറ്റുമോ? മുഖത്ത് നോക്കി പറഞ്ഞാൽ നമ്മൾ തെറ്റ് കാരാവും .കാലം മനസ്സിലാക്കി കൊടുക്കും . അവസാനമായി പറഞ്ഞ കാരണം അവളുടെ അച്ഛനെയും അമ്മയെയും കരയിപ്പിക്കാൻ പറ്റില്ലാന്ന്. എന്തേയ് പ്രണയിക്കുന്നതിന് മുമ്പും പ്രണയിച്ച് തുടങ്ങുമ്പോഴും ഈ അച്ഛനും അമ്മയും ഇല്ലേ .പിന്നേട് ആണോ അവരെ കുറിച്ച് ആലോചിക്കേണ്ടത് .അങ്ങനെ ഉള്ളവളുമാർ എന്തിനാ പ്രേമിക്കാൻ പോകുന്നേ . പിരിയാം എന്ന് ഒറ്റവാക്കിൽ പറഞ്ഞ് ഇവളുമാർക്ക് പോവാം .ആ സമയം ജീവനെ പോലെ സ്നേഹിച്ചവനെ കുറിച്ച് അവന്റ്റെ മാനസിക അവസ്ഥയെ കുറിച്ച് ആലോചിച്ചിട്ടുണ്ടോ ? അവനും ഉണ്ട് ഒരു കുടുംബം .അവന്റ്റെ ഈ മനസ്സികാവസ്ഥ ആ അച്ഛനും അമ്മയും സഹിക്കുമോ ? നെഞ്ചു പൊട്ടും? അവളുടെ വീട്ടിൽ കേറി രണ്ട് പൊട്ടിച്ചിട്ട് തന്തയില്ലായ്മത്തനം കാണിക്കുന്നോടി നല്ല തന്തയ്ക്ക് ഉണ്ടായ നല്ല മോളെ എന്ന് പറയാൻ അറിയാഞ്ഞിട്ടല്ല ജീവനു തുല്യം സ്നേഹിക്കുന്ന ഒരുത്തൻ താൻ കാരണം അവൾക്കോ അവളുടെ കുടുംബത്തിനോ കളങ്കമോ ചീത്തപേരോ ഉണ്ടാക്കരുത് എന്ന് ചിന്തിക്കുന്നവരാ .അല്ലാതെ പണി തരാൻ അറിയാഞ്ഞിട്ടോ കഴിവില്ലായ്മയോ അല്ല .പകരം ജീവനു തുല്യം സ്നേഹിക്കുന്നത് കൊണ്ടാ .അതാ ആണിന്റ്റെ മനസ്സ് .അത് നിങ്ങൾ പെണ്ണുങ്ങളോട് എത്ര പറഞ്ഞാൽ മനസ്സിലാവും എന്നെനിക്കറിയില്ല . എല്ലാ പെൺകുട്ടികളും അങ്ങനെ അല്ല കേട്ടോ സഖാവേ ? ആവാം .പക്ഷെ കൂടുതലും ഇങ്ങനെയുള്ള താ .ഞാൻ അങ്ങനെയല്ല ഇങ്ങനെയല്ല എന്ന് പറയും .പറയാനേ പറ്റൂ .പക്ഷെ പ്രാവർത്തികമാക് കില്ല .അങ്ങനെയെങ്കിൽ നിങ്ങളിൽ എത്ര പെണ്ണുങ്ങൾക്ക് സ്വന്തം ഇഷ്ടം വീട്ടിൽ തുറന്ന് പറഞ്ഞ് ആ പയ്യന്റ്റെ വീട്ടിൽ വന്നു മോൾക്ക് വേണ്ടി ആ പയ്യനെ ആലോചിക്കാൻ പറ്റും .വേണ്ട എത്ര കാലം അവന് വേണ്ടി കാത്തിരിക്കാൻ പറ്റും ? നല്ലൊരു ആലോചന വരുന്നത് വരെ .അല്ലെങ്കിൽ അമ്മയും അച്ഛനും കരയുന്നത് വരെ .പിന്നെ തേയ്ക്കാൻ ഉള്ള വഴിയും .ഭൂരിഭാഗവും പെണ്ണുങ്ങളുടെ ജീവിതത്തിൽ ഒരു ആണിന്റ്റെ ത്യാഗം കാണും .അവൻറ്റെ ഭിക്ഷയാ ഇന്ന് സന്തോഷമായി കുടുംബ ജീവിതം നയിക്കുന്ന പല പെണ്ണിന്റ്റേയും ജീവിതം .അവന്റ്റെ ത്യാഗം ., നഷ്ട സ്വപ്നങ്ങൾ ഇതെല്ലാം .പക്ഷെ ഇത് ആരും സമ്മതിച്ചു തരില്ല ... ഇത്രയും പറഞ്ഞ് ഞാൻ ഒരു നെടുവീർപ്പിട്ടു .... ഉം ഉം അതേയ് സഖാവേ ഞാനൊരു കാര്യം പറഞ്ഞാൽ ഇഷ്ടാവോ? താൻ കാര്യം പറ സഖാവ് നാളെ ആ കല്യാണത്തിന് പോകണം . എന്തിന് ?അതിന്റ്റെ ആവശ്യമൊന്നുമില്ല . പോകണം. ഞാനും വരാം .സഖാവിന്റ്റെ പെണ്ണെന്ന് പറഞ്ഞ് പരിചയപ്പെടുത്തിയാൽ മതി . ങേ. ഇയാൾക്കെന്തു പറ്റി .വട്ടായോ? സഖാവിന് വേണ്ടങ്കിൽ വേണ്ട .സഖാക്കന്മാർ ഒരിക്കലും ഒരിടത്ത് തോറ്റ് കൊടുക്കാൻ പാടില്ല .പിന്നെ സഖാവിന്റ്റെ പ്രണയത്തിലെ ആത്മാർത്ഥത കണ്ടപ്പോ അവളുടെ നല്ല ദിവസത്തിൽ ആ കുട്ടി വിചാരിക്കട്ടെ സഖാവ് ഹാപ്പി ആണെന്ന് .അത് മതി .ഇതിനേക്കാൾ വല്യ നീറ്റൽ കൊടുക്കാനില്ല . ങേ. അതേ നമ്മൾ തമ്മിൽ പരിചയപ്പെട്ടിട്ട് 10 മിനിട്ട് അല്ലേ ആയുള്ളൂ .അത്രയ്ക്ക് മാത്രം എന്റ്റെ ജീവിതത്തിൽ ഇങ്ങനെ സ്വന്തം ലൈഫ് വെച്ച് കളിക്കാൻ എന്താ സഖാവേ തോന്നിയത് ? സഖാവ് കൂടുതൽ കാട് കയറണ്ട .പ്രണയവും മണ്ണാങ്കട്ട യൊന്നുമല്ല .എന്തോ സഖാവിന്റ്റെ പ്രണയത്തിൽ സത്യമുണ്ടെന്ന് തോന്നി .അതാ. ഉം .പക്ഷെ തന്റ്റെ അച്ഛനും അമ്മയും അറിഞ്ഞാൽ? അത് പേടിക്കണ്ട .ഞാൻ സമ്മതിപ്പിക്കാം ... ഉം .. അപ്പോഴേയ്ക്കും അവളുടെ സ്റ്റോപ്പ് എത്തി .എന്റ്റെ നമ്പറും വാങ്ങി നാളെ രാവിലെ 9 മണിക്ക് ഈ സ്റ്റോപ്പിൽ വന്നാൽ മതി എന്നും പറഞ്ഞ് ഓട്ടോ കൂലിയും തന്ന് ഒരു പുഞ്ചിരിയും പാസാക്കി അവൾ പോയി .. പിറ്റേന്ന് (ഇന്ന് പുലർച്ചെയ്ക്കും ഇന്നലെ രാത്രിയ്ക്കും ഇടയിൽ അല്പം സംഭവങ്ങൾ നടന്നു. സമയ പരിമിധി കാരണം അത് മറ്റൊരു കഥയായി എഴുതുന്നതാണ് .ചില കാര്യങ്ങൾ ഈ കഥയോടൊപ്പം ചേർക്കുന്നു) പിറ്റേന്ന് ......... ......................................... ദൈവമേ ഇവൾ ആരാ അപ്സരസോ ? കുളിച്ച് കുറി തൊട്ട് സെറ്റ് സാരിയും ഉടുത്ത് മുല്ലപ്പൂവും ചൂടി വരുന്ന വരവ് കണ്ടപ്പോൾ തന്നെ ഇന്ന് കല്യാണം നടക്കുന്ന അമ്പലത്തിൽ വെച്ച് ഇവളെയും കെട്ടിയാലോ എന്നാലോചിച്ചു. വേണ്ട വേണ്ട .വെറുതേ ഓരോ ചിന്തകളേ അതേ സഖാവേ ചുള്ളനായിട്ടുണ് ടെല്ലോ .മുണ്ടും വെള്ള ഷർട്ടും ഒക്കെയായി കല്യാണ ചെക്കൻ ലുക്ക് . സഖാവും നന്നായിട്ടുണ്ട് കല്യാണ പെണ്ണിനെ പോലെ ആണോ .താങ്ക് യൂ എന്നാൽ പോകാമോ ? ഓകെ ...... .......................... കല്ല്യാണം നടക്കുന്ന അമ്പലത്തിൽ എത്തിയപ്പോൾ എല്ലാ കൂട്ടുകാരും എന്നേയും അവളേയും ആശ്ചര്യത്തോടെ നോക്കിയിരുന്നു .എന്റ്റെ കൈപ്പിടിച്ച് ചേർന്ന് തന്നെ അവൾ നടന്നു .ആ സമയത്തെ എന്റ്റെ നെഞ്ചിലെ അവൾ കേട്ടോ ആവോ ? എല്ലാ കൂട്ടുകാരും അവളോട് കുശലന്വേഷണം നടത്തി .ചിരിച്ച് കൊണ്ടുള്ള അവളുടെ വശ്യമായ സംസാരം എല്ലാരേയും അസൂയാവാഹകരാക്കി യപ്പോൾ ഇവൾ എന്നെ അമ്പരപ്പിക്കുകയായിരുന്നു .ചിലർ പറഞ്ഞു ഇവൾ തന്നെയാടാ നിനക്ക് ചേർന്നതെന്ന്. അത് കേട്ടപ്പോ അല്പം അഭിമാനം തോന്നിയ നിമിഷം .ഇടയ്ക്കുള്ള ഏട്ടാ വിളിയും കൂടി ആയപ്പോ ഞാൻ ഫ്ലാറ്റ് ... ഒടുവിൽ പൂർവ്വ കാമുകിയുടെ അടുത്തെത്തി അവൾ തന്നെ സ്വയം പരിചയപ്പെടുത്തി യപ്പോഴാ ഞാൻ അറിഞ്ഞത് പെണ്ണ് ഡോക്ടർ എന്ന് .എനിക്ക് ആഗ്രഹിക്കാൻ പറ്റാവുന്നതിലും വലുത്... സഖാവിന്റ്റെ സഖി എന്ന് പറഞ്ഞവൾ പരിചയപ്പെടുത്തി യപ്പോൾ ഞാൻ കണ്ടു അവളുടെ കണ്ണിലെ തിളക്കം .പൂർവ്വ കാമുകിയുടെ ഒരു വിളർച്ചയും .ജയിച്ചവന്റ്റെ ഒരു ചെറു പുഞ്ചിരി മാത്രം ഞാൻ അവൾക്ക് മുന്നിൽ പാസാക്കി .അപ്പോഴും എന്റ്റെ സഖിയുടെ കൈ എന്നിൽ നിന്നും പിടി വിട്ടിരുന്നില്ല .സ്വന്തം എന്ന് കരുതിയവൾ മറ്റൊരുവന്റ്റെ താലി ചരടിന് അർഹയായപ്പോൾ എന്തോ ചെറുതായി കണ്ണ് നിറഞ്ഞു .അപ്പോഴും എന്നെ ചെറുതായി തട്ടി എന്റ്റെ സഖി ആശ്വസിപ്പിച്ചു .ഒടുവിൽ അവൾക്ക് മുന്നിൽ ഒരു ദർശനവും പുഞ്ചിരിയും നൽകി യാത്രയായി ..... .................................... നന്ദി മാഷേ ഓ എന്തിന് ? അല്ലാ സഖാവിന്റ്റെ സഖി ആയി അഭിനയിച്ചതിന് .ചില സമയത്ത് ഞാൻ വരെ അതിശയിച്ചു താൻ ജീവിക്കുവാണോ എന്ന് .അതിനാ നന്ദി പറഞ്ഞേ ... ഓ അതോ .ഉം .അത് സംശയം അല്ല സഖാവേ യാഥാർത്ഥ്യം തന്നെയാ . എ എന്താ ? അതേ സഖാവേ ,ഏതൊരു പെണ്ണും ഒരു പുരുഷനിൽ നിന്നും ആഗ്രഹിക്കുന്ന കുറച്ച് കാര്യം ഉണ്ട് .സ്നേഹം ,സംരക്ഷണം ,സുരക്ഷ ,സ്വാതന്ത്ര്യം .ഇതെല്ലാം സഖാവ് എനിക്ക് തരുമെന്ന് തോന്നി .അർഹതയില്ലാത്തവർക്ക് കൊടുക്കുന്നതിനേക്കാൾ നല്ലതല്ലേ അർഹതയുള്ളവർക്ക് കൊടുക്കേണ്ടത് .പിന്നെ സഖാവ് എന്നെ രാജകുമാരിയെ പോലെ നോക്കിയില്ലെങ്കിലും എന്നെ പട്ടിണിയ്ക്കിടില്ല എന്ന് അറിയാം .പിന്നെ സഖാവ് ഒരു ആൺ കുട്ടിയാ .ആ ആൺ ബലം ഉളളി ടത്തോളം ഞാൻ സുരക്ഷിതയായിരിക്കും .അല്പം സാമ്പത്തിക സ്ഥിതി എനിക്കുണ്ടെങ്കിലും അല്പം പ്രാരാബ്ദവും സന്തോഷവും ദേഷ്യവും സ്നേഹവുമൊക്കെയു ള്ള ഈ സഖാവിന്റ്റെ സഖി ആവാനാ എനിക്ക് ആഗ്രഹം .... ഇവൾ ഇത്രയും പറയുമ്പോഴും നടക്കുന്നത് യാഥാർത്ഥ്യമോ മിഥ്യയോ എന്ന് തിരിച്ചറിയാനാവാതെ നിൽക്കുവായിരുന്നു ..... ഓയ് സഖാവേ സഖാവ് ആലോചിച്ച് പറഞ്ഞാൽ മതി .ഞാൻ കാത്തിരിക്കാം. എന്നിട്ട് സഖാവ് പറഞ്ഞത് പോലെ വീട്ടിൽ ആണ് ചോദിക്കാൻ അച്ഛനെ വിടാം എന്ന് പറഞ്ഞ് ഒരു പുഞ്ചിരിയും പാസ്സാക്കി പെണ്ണ് പോയി ..... അപ്പോഴേയ്ക്കും ഞാൻ മനസ്സിൽ കുറിച്ചിട്ടു .അതേ ഇവൾ തന്നെയാ എന്റ്റെ സഖി .ഈ സഖാവിന്റ്റെ സഖി... രചന: ഷിജു അച്ചൂസ് കർണ്ണ
11k views
1 days ago
#

📔 കഥ

full part പെണ്ണ് കാർ പാർക്ക് ചെയ്തു വീട്ടിലേക്ക് കയറി കാളിങ്ബെൽ അടിക്കുമ്പോൾ പതിവില്ലാതെ എന്റെ ചുണ്ടിൽ ഒരു മൂളിപ്പാട്ടും പുഞ്ചിരിയും ഉണ്ടായിരുന്നു. രണ്ടു ദിവസത്തെ ബിസിനസ് ടൂർ വിജയമായിരുന്നല്ലോ. ടൂർ മാത്രമല്ല ആഗ്രഹിച്ചതെല്ലാം. " സ്റ്റെല്ല " അവളൊരു സ്വപ്നമായിരുന്നു. പേർസണൽ അസിസ്റ്റന്റ് ആയി ആ കൊച്ചുസുന്ദരി വന്നതുമുതൽ മുൻപൊരിക്കലും തോന്നിയിട്ടില്ലാത്ത ഒരു അഭിനിവേശം അവളോട്. കുറച്ചു ബുദ്ധിമുട്ടിയെങ്കിലും ഇത്തവണ അവൾ കനിഞ്ഞു. അല്ലെങ്കിലും അത്യാവശ്യം പേഴ്‌സണാലിറ്റിയുള്ള എന്നെപ്പോലൊരാൾ മനസ്സുവെച്ചാൽ എത്രനാൾ ഒരു പെൺകുട്ടിക്ക് പിടിച്ചു നിൽക്കാൻ കഴിയും? രണ്ടുമൂന്നു വട്ടം ബെല്ലടിച്ചിട്ടും അനക്കമൊന്നുമില്ല. ഇവളിതെവിടെ പോയി കിടക്കുന്നു? " ലേഖേ' എന്ന വിളിയോടെ വാതിൽ തട്ടാനൊരുങ്ങിയതും വാതിൽ തുറന്നു. മുന്നിൽ ലേഖ. നല്ലൊരു തൂവെള്ള സാരിയുടുത്ത്, അത്യാവശ്യം നന്നായി മേക്കപ്പ് ചെയ്തിട്ടുണ്ട്. " നീ ഇതെവിടെ പോകുന്നു? " ഞാൻ ചോദിച്ചു. അവൾ ഒന്നും പറയാതെ പുഞ്ചിരിച്ചുകൊണ്ട് അകത്തേക്ക് പോയി. കുട്ടികൾ സ്കൂളിൽ പോയിരിക്കുന്നു. ഇവൾക്കിതെന്ത് പറ്റി? ഞാനില്ലാതെ എവിടെയും പോകാത്തവളാണ്. സ്വന്തം വീട്ടിൽ പോലും ഞാനും മക്കളുമില്ലാതെ പോകാൻ അവൾക്കിഷ്ടമല്ല. ഇനി ഞാൻ മറന്നുപോയ വിശേഷങ്ങൾ വല്ലതും ഉണ്ടായിരുന്നോ ദൈവമേ. അല്ലെങ്കിലും ഈ യാത്ര പ്ലാൻ ചെയ്തപ്പോൾ മുതൽ ഞാനീ ലോകത്തൊന്നും അല്ലായിരുന്നല്ലോ. പതിയെ ചോദിച്ചു മനസ്സിലാക്കാം. പറയാതെവിടെപോകാനാ. ഞാനൊന്നു തൊടുമ്പോഴേക്കും എന്നിലേക്ക് ചായുന്ന വെറുമൊരു തൊട്ടാവാടിയല്ലേ എന്റെ ഭാര്യ .. ഡ്രസ്സ് മാറാമെന്നു കരുതി റൂമിലേക്ക് കയറിയ ഞാൻ വിറങ്ങലിച്ചു പോയി. ഞങ്ങളുടെ ഡ്രസിങ് ടേബിളിന്റെ മുകളിൽ ലേഖയുടെ ഫ്രെയിം ചെയ്ത ഒരു ഫോട്ടോ മാലയിട്ട് അലങ്കരിച്ചു വെച്ചിരിക്കുന്നു. മുന്നിൽ കത്തിച്ചു വെച്ച മെഴുതിരിയും. " നന്നായിട്ടുണ്ട് അല്ലെ ചേട്ടായി? " തൊട്ടു പിന്നിൽ ലേഖ. " ഇതെന്താ ഈ ചെയ്തു വെച്ചേക്കുന്നത്? " എന്റെ ശബ്ദം ഉയർന്നു. " ഇതിനെന്താ കുഴപ്പം? ഒരാൾ മരിച്ചാൽ ഇത് സാധാരണ ചെയ്യുന്നതല്ലേ". അവളുടെ മറുപടി ശാന്തമായിരുന്നു. " ഇനിയൊരു ബൾബ് ഇടണം. ഫുൾ ടൈം കത്തി നിൽക്കുന്നത്.. സീറോ ബൾബ് മതി. അപ്പോൾ കറന്റ് ഒരുപാട് ചെലവാകില്ലല്ലോ. നമ്മൾ പോയാലും ജീവിച്ചിരിക്കുന്നവർക്ക് ഉപദ്രവം ആവരുതല്ലോ." " നിനക്കെന്താ ഭ്രാന്ത് പിടിച്ചോ? " എനിക്ക് വല്ലാതെ ദേഷ്യം വരുന്നുണ്ടായിരുന്നു. " സാരി കണ്ടില്ലേ നന്നായിട്ടില്ലേ. ഒരുക്കവും ഇത്ര പോരെ? അന്ത്യയാത്ര ആവുമ്പോൾ മാന്യമായി പോണം. ഒന്നുമില്ലെങ്കിലുംഞാൻ ബിസിനസ് രാജാവ് വിമൽ സേവ്യറിന്റെ ഭാര്യയല്ലെ? " എന്റെ ഭാവവ്യത്യാസമൊന്നും ശ്രദ്ധിക്കാതെ ചിരിച്ചുകൊണ്ട് തന്നെ അവൾ പറഞ്ഞുകൊണ്ടിരുന്നപ്പോൾ, എന്റെ നിയന്ത്രണം തെറ്റി. അവളുടെ മുഖത്തിനു നേരെ ഞാൻ കൈ വീശിയതും അവളത് തടുത്തതും പെട്ടന്നായിരുന്നു. ഞാൻ ഞെട്ടിപ്പോയി. പൂ പോലുള്ള കയ്യെന്നു ഞാനെന്നും കളിയാക്കാറുള്ള ആ കൈകൾക്കിന്നു കാരിരുമ്പിന്റെ കരുത്ത്.. അവളുടെ കണ്ണുകളിൽ തീ നാളങ്ങളും.. " തല്ലാനാണെങ്കിൽ പോലും ഇനി നിങ്ങളെന്റെ ദേഹത്ത് തൊടരുത് ". അവളുടെ ശബ്ദം ഉറച്ചതായിരുന്നു. എനിക്കെന്തൊക്കെയോ അപകട സൂചന തോന്നി. " നീയെന്താ ഇങ്ങനെയൊക്കെ സംസാരിക്കുന്നത്? എന്റെ ചോദ്യം പതിഞ്ഞതായിരുന്നു. " ബിസിനസ് ആവശ്യത്തിനെന്നു പറഞ്ഞു ഇവിടെ നിന്നുപോയ നിങ്ങളോടൊപ്പം ചെന്നൈയിൽ ഒരു പെൺകുട്ടി കൂടെ ഉണ്ടെന്നറിഞ്ഞ ഞാൻ തകർന്നു. അവിടെ ഹോട്ടൽ അശോകയിൽ മിസ്റ്റർ ആൻഡ് മിസ്സിസ് വിമൽ എന്നപേരിൽ നിങ്ങൾ ഫാമിലി റൂം എടുത്തപ്പോൾ എന്റെ വീഴ്ച പൂർത്തിയായി. ആ ഏസി റൂമിൽ അവളെ നെഞ്ചോട് ചേർത്താണ് നിങ്ങളെന്നെ വിളിച്ചിരുന്നതെന്നും സുഖവിവരം അന്വേഷിച്ചതെന്നും അറിഞ്ഞപ്പോൾ, അതെന്റെ മരണം തന്നെയായിരുന്നു. നിങ്ങളെ മാത്രം വിശ്വസിച്ചു നിങ്ങൾക്ക് വേണ്ടി ജീവിച്ച ഈ ഭാര്യയുടെ മരണം. ഈ നിൽക്കുന്നത് എന്റെ ശവശരീരമാണ്. നിങ്ങൾ എത്തിയതിനു ശേഷം അടക്കം ചെയ്യാൻ ഒരുക്കി നിർത്തിയിരിക്കുന്ന ശരീരം." അവൾ കിതക്കുന്നുണ്ടായിരുന്നു. ഞാൻ കേട്ടതൊന്നും വിശ്വസിക്കാനാവാതെ നിൽക്കുകയായിരുന്നു. ഇവൾ, പുറം ലോകം എന്തെന്ന് പോലുമറിയാത്ത ഈ പൊട്ടിപ്പെണ്ണ് ഒന്നുമറിയില്ലെന്ന് ഞാൻ കരുതി. അല്ലെങ്കിൽ എന്തും പറഞ്ഞു വിശ്വസിപ്പിക്കാമെന്നും. പക്ഷെ, കണക്കുകൂട്ടലുകളെല്ലാം തെറ്റിയിരിക്കുന്നു. അവളോട് സ്നേഹമില്ലാഞ്ഞിട്ടല്ല മറ്റൊരുത്തിയെ തേടിയത്. ഒരുപക്ഷെ, പത്തുവർഷത്തെ ദാമ്പത്യം എന്റെ ഉള്ളിൽ ഒരു വിരസത വളർത്തിയിരുന്നിരിക്കാം. അതുമല്ലെങ്കിൽ പുതുമയോടുള്ള ആസക്തി. തെറ്റ്, എന്റെ മാത്രം തെറ്റ്. " നിങ്ങൾ അവിടെ മറ്റൊരു പെണ്ണുമായി എത്തിയത് മുതൽ എനിക്ക് വിവരം ലഭിക്കുന്നുണ്ടായിരുന്നു. ഞാൻ ഒന്നും മനസ്സിലാവാത്ത പൊട്ടിയായിരുന്നില്ല ചേട്ടായി. അങ്ങനെ കരുതിയത് നിങ്ങളാണ്.. ഭർത്താവിന്റെ ഹൃദയമിടിപ്പിന്റെ താളം മാറിയാൽ പോലും മനസ്സിലാക്കാൻ കഴിവുള്ളവളാണ് യഥാർത്ഥ ഭാര്യ. ഉത്തമഭാര്യയെന്ന് സ്വയം അഹങ്കരിച്ചിരുന്ന ഞാനെന്ന വ്യക്തി ഇനിയില്ല ". അവളുടെ ഓരോ വാക്കുകളും ഉള്ളിൽ തീ വാരിയിട്ടുകൊണ്ടിരുന്നു. " മോളെ, ഒന്നും നിഷേധിക്കുന്നില്ല.. തെറ്റുപറ്റി. കാലുപിടിച്ചു മാപ്പു ചോദിക്കാം ഞാൻ ". എന്റെ ശബ്ദം ഇടറി. " നിങ്ങൾ തിരിച്ചു വരുമ്പോഴേക്കും ഈ ശരീരം കത്തിച്ചു കളഞ്ഞാലോ എന്നോർത്തു ഞാൻ ആദ്യം. പിന്നെ മക്കളുടെ മുഖം കണ്ടപ്പോൾ കഴിഞ്ഞില്ല. എന്റെ ഒരു വാശിക്ക് അവരുടെ ജീവിതം നരകമാക്കുന്നത് എന്തിനു എന്നോർത്തു. നിങ്ങൾക്കാണല്ലോ ഞാൻ മരിച്ചത്. അത് അങ്ങനെ മതി ". ഞാൻ കട്ടിലിരിക്കുന്ന അവൾക്ക് അഭിമുഖമായി ഇരുന്നു. " മോളെ, ഈ ചേട്ടായിയോട് ക്ഷമിക്കെടി. എന്താ ചെയ്യേണ്ടത്? നീ പറ. പ്രായശ്ചിത്തമായി നീ പറയുന്ന എന്തും ഞാൻ ചെയ്യും. പറയെടി..? " പറഞ്ഞു തീർക്കുമ്പോഴേക്കും കരഞ്ഞു പോയിരുന്നു ഞാൻ. " എനിക്കൊരു ചുംബനം തരണം. ഇതുവരെ എന്റെ ചേട്ടായി പ്രേമത്തോടെയും വാത്സല്യത്തോടെയും മാത്രം ചുംബിച്ചിട്ടുള്ള എന്റെ മുഖത്തു, വേർപാടിന്റെ വേദയുള്ള, കണ്ണീരിന്റെ നനവുള്ള ഒരന്ത്യചുംബനം. " ശാന്തമെങ്കിലും അവളുടെ വാക്കുകളിൽ എന്നെ ചുട്ടുപൊള്ളിക്കാനുള്ള അഗ്നിയുണ്ടായിരുന്നു. " തരുന്നെങ്കിൽ പെട്ടെന്ന്. ഇനി ഒരവസരം ഉണ്ടാവില്ല. കുട്ടികൾ സ്കൂളിൽ നിന്ന് വരുംമുൻപേ എനിക്കെന്നെ നിങ്ങളുടെ ഉള്ളിൽ കബറടക്കണം.. " ഒരു പൊട്ടിക്കരച്ചിലോടെ ഞാനവളെ വാരിപ്പുണർന്നു ചുംബിച്ചു. നെറ്റിയിൽ, കണ്ണിൽ, കവിളിൽ, ചുണ്ടിൽ... ഒരു ഭ്രാന്തനെപ്പോലെ. പക്ഷെ, അവളിൽ ഒരു ഭാവമാറ്റവും ഉണ്ടായില്ല.. കണ്ണിൽ ഒരു തുള്ളി കണ്ണീരുപോലും പൊടിഞ്ഞില്ല. പതിയെ എന്നിൽ നിന്നടർന്നു മാറി ഫോട്ടോയുടെ മുന്നിലെ മെഴുതിരി എടുത്തുമാറ്റി. പുറത്തേക്ക് നടന്നു.. ഞാൻ വേഗം ആ മാല എടുത്ത് വലിച്ചെറിഞ്ഞു. ഉടനെ ആ വാതിലിനടുത്ത് നിന്നു അവളുടെ ശബ്ദം കേട്ടു. " ആ ഫോട്ടോ അവിടെ തന്നെ ഉണ്ടാവണം. ഞാനെന്ന ഭാര്യ ജീവിച്ചിരിപ്പില്ല എന്ന് ഞാനോ നിങ്ങളോ മറന്നു പോകാതിരിക്കാൻ ". മെല്ലെ കിടക്കയിലേക്ക് തളർന്നിരിക്കുമ്പോൾ ഞാൻ തിരിച്ചറിയുകയായിരുന്നു ചവിട്ടിയരയ്ക്കപ്പെട്ട പെണ്ണിന്റെ പകയെന്തെന്ന്. ബലഹീനയെന്നു ഞാൻ വിലകുറച്ചു കണ്ടവളുടെ മനഃശ്ശക്തിയെന്തെന്ന്. ഇവിടെ മരിച്ചുവീണത് നീയല്ല പെണ്ണെ, അത് ഞാനാണ്. ഞാനെന്ന പുരുഷന്റെ ധാർഷ്ട്യമാണ്. എന്നിലെ ഭർത്താവിന്റെ അഹംഭാവമാണ്. എത്രയൊക്കെ നീയെന്നെ വേദനിപ്പിച്ചാലും അതെല്ലാം സഹിക്കും. നിന്നോട് മത്സരിക്കാനോ നിന്നെ തോല്പിക്കാനോ എനിക്കാവില്ല. എന്തിന്,നിന്റെ മുഖത്ത് നോക്കി ന്യായീകരിക്കാൻ പോലും. കാരണം ഞാൻ ഒരു തെറ്റാണ്. നീ വലിയൊരു ശരിയും. ജെയ്‌നി റ്റിജു
26.8k views
1 days ago
#

📔 കഥ

ഭാര്യ എന്ന പുണ്യം ❤❤ ************************* സച്ചു ഏട്ടാ.. ചാരു വിളിക്കുന്നതുകേട്ടാണ് സജീവ് കണ്ണു തുറന്നത്. നീ എപ്പോളാ ചാരു വന്നത് ? എന്റെ സച്ചു ഏട്ടാ ഞാൻവന്നു കുളിയും കഴിഞ്ഞു, സച്ചു ഏട്ടൻ ഇത് എന്തു ഉറക്കമാ ഉറങ്ങുന്നേ ..ഇവിടുന്ന് ആരേലും കട്ടിലോടുകൂടി എടുത്തോണ്ട് പോയാലും അറിയില്ലലോ.......... കുളി കഴിഞ്ഞു കണ്ണാടിയിൽ നോക്കി നിൽക്കുന്ന ചാരുനെ തല തിരിച്ചു നോക്കി സജീവ്.. സച്ചു ഏട്ടാ എഴുനേൽക്കണോ ? മ്മ് മം വേണം.... എത്ര മണിയായി ചാരു? "6മണി ആവുന്നു ഏട്ടാ " ഇന്ന് മനോജ്‌ നേരത്തെ കിടത്തിട്ടു പോയി അവന് ട്യൂഷൻ ഉണ്ട്, അതുകൊണ്ട് കുറെ നേരം കിടന്നു ചാരു( മനോജ്‌ അപ്പുറത്തെ വീട്ടിലെ ഭവ്യ ചേച്ചിടെ മോനാ ഇടക്ക് ഏട്ടനെ സഹായിക്കാൻ വരും ) തലവണ പതുക്കെ പൊന്തിച്ച് സച്ചിയെ പതുക്കെ ചാരിയിരുത്തി.............. ചാരു , മായക്കുട്ടി എവിടെ? (ഞങ്ങളുടെ മോളാ മായക്കുട്ടി) അവൾ ഇറയത്തുണ്ട് ഏട്ടാ.. അപ്പുറത്തെ മീനാക്ഷിയും അവളും കുടി കളിക്കുവാ.. മ്മ് മം .. ഞാൻ പോയി ചായ എടുത്തോണ്ട് വരാം ഏട്ടാ .... ചാരു പോകുന്നതും നോക്കി സച്ചു ഇരുന്നു പാവം ഒരുപാട് ക്ഷിണിച്ചു പോയി, കൺതടങ്ങളിൽ കറുപ്പു നിറം തളം കെട്ടി നിൽക്കുന്നു, എന്തു തേജസ്‌ ഉള്ളൊരു പെണ്ണാരുന്നു... കവിളെല്ലാം ഒട്ടിപോയി, എങ്കിലും അവളുടെ കണ്ണിലെ തിളക്കം കാണുമ്പോൾ ആ ആത്മവിശ്വാസം കാണുമ്പോൾ അവളോട്‌ വല്ലാത്ത ഒരു ബഹുമാനം......... ആദ്യമായി അവളെ കാണുന്നത് വീട്ടിലേക്കുള്ള ഇടവഴിയിൽ വച്ചാണ് , ആദ്യ നോട്ടത്തിൽ തന്നെ ഇഷ്‌ടായി, അടുത്ത വീട്ടിൽ വിരുന്നിനു വന്ന കുട്ടി... അമ്മയോട് പറഞ്ഞപ്പോൾ അമ്മയ്ക്കു വല്യ താല്പര്യമില്ല കാരണം സ്ത്രീധനമായി ഒന്നും കിട്ടില്ലത്ര, അപ്പൻ മാത്രമേ ഉള്ളു, കള്ളുകുടിച്ചു ഉള്ളതെല്ലാം നശിപ്പിച്ചു ആകെ ഉള്ളത് കുറച്ചു കടം.... അതുകൂടി അറിഞ്ഞതോടെ ഞാൻ ഉറപ്പിച്ചു അവളുമതി എനിക്ക്..... അവസാനം എന്റെ നിർബന്ധത്തിന് വഴങ്ങി അമ്മ കല്യാണത്തിന് സമ്മതിച്ചു, പക്ഷേ അതിന്റെ അരിശം അവളോട്‌ തീർക്കാൻ അമ്മ മറന്നില്ല.. അവളെ താലികെട്ടി കൊണ്ട് വന്നപ്പോൾ മുതൽ അമ്മ അവളെ ആവുന്ന പോലെ കഷ്‌ടപ്പെടുത്തി, ഒരിക്കൽ പോലും ആ വീട്ടിലെ ഒരു കഷ്‌ടപ്പാടും അവൾ എന്നോട് പറഞ്ഞില്ല... പലപ്പോഴും കരഞ്ഞു കലങ്ങിയ കണ്ണുകളുമായി അവളെ കാണുമ്പോൾ ഞാൻ ചോദിച്ചു എന്താ എന്റെ ചാരുന് പറ്റിയെതെന്നു പക്ഷേ അവൾ ഓരോന്ന് പറഞ്ഞു ഒഴിഞ്ഞുമാറും.... ഒന്നു മാത്രമേ എന്റെ മനസ്സിൽ ഉണ്ടായിരുന്നുള്ളു, അവളുടെ സന്തോഷം, എന്റെ മുൻപിൽ സന്തോഷവതിയായി അവൾ അഭിനയിച്ചു..... പക്ഷേ അനിയന്റെ കല്യാണം കൂടി കഴിഞ്ഞതോടെ അവൾക്ക് വീട് കൂടുതൽ നരകം ആയി, ഒരിക്കൽ ജോലി കഴിഞ്ഞു നേരത്തെ വന്ന ഞാൻ കണ്ടത് അനിയന്റെ ഭാര്യ അവളുടെ മുഖത്തേക്ക് കഴിച്ചുകൊണ്ടിരുന്ന ചോറ് എടുത്തെറിയുന്നതാണ്, അമ്മയും ചാരുനെ ചീത്ത പറയുന്നു, ഒരു തലമുടി കിടന്നത്രെ ചോറിൽ... അതുകണ്ടു ചെന്ന ഞാൻ അന്ന് ആദ്യമായി അമ്മയോട് കയർത്തു സംസാരിച്ചു... പക്ഷേ അതിന്റെ ശിക്ഷയും അവൾക്കു കിട്ടി രണ്ടു ദിവസം പട്ടിണിക്കിട്ടു, തലകറങ്ങി വീണ അവളെ ഹോസ്പിറ്റലിൽ കൊണ്ടു പോകുമ്പോൾ അവൾ പറഞ്ഞു ഏട്ടാ എനിക്ക് ഒന്നുമില്ല എന്തെങ്കിലും കഴിക്കാൻ വാങ്ങി തന്ന മതീന്ന്... അതുകേട്ട എനിക്ക് പറയാതെ തന്നെ മനസിലായി എന്താണ് അവളുടെ അസുഖമെന്ന്.. പാവം ആഹാരം ആക്രാന്തത്തോടെ കഴിക്കുന്ന അവളെ നോക്കിയ എന്റെ ചങ്കു പിടച്ചു... രാപ്പകലില്ലാതെ ജോലി ചെയ്തു എല്ലാം അമ്മയുടെ കൈയിൽ കൊണ്ടു കൊടുത്തിട്ടും ഞാൻ താലി കെട്ടിയ എന്റെ പെണ്ണിന്റെ വയറു വിശന്നത് ഞാൻ അറിഞ്ഞില്ല........ അന്ന് തീരുമാനിച്ചു ഇനി ആ വീട്ടിൽ നിന്നും ഇറങ്ങണമെന്ന് , കുറച്ച് പൈസ സ്വരുകുട്ടി, അവിടുന്ന് അവളുടെ കൈ പിടിച്ച് ഇറങ്ങുമ്പോൾ അമ്മ അവളെ ശപിച്ചു,നീ നശിച്ചു പോകുമെടി, എന്റെ കുഞ്ഞിനെ എന്നിൽ നിന്ന് അകറ്റി... ഒരുകാലത്തും നീ ഗതി പിടിക്കില്ല... അമ്മയോടും അനിയനോടും വാശിയായിരുന്നു.. അത്യാവശ്യം കുറച്ചു പൈസ കൈയിൽ ഉണ്ടായിരുന്നത് കൊണ്ട് ഒരു ചെറിയ വീട് വാങ്ങി, അങ്ങനെ സന്തോഷത്തോടെ ഞങ്ങൾ പുതിയ ഒരു ജീവിതം സ്വപ്‍നം കണ്ടുതുടങ്ങി, ആ കൊച്ചു ജീവിതത്തിനു നിറം പകരാൻ ഞങ്ങളുടെ മായക്കുട്ടിയും വന്നു...... മായക്കുട്ടിക്കു 3വയസ്സ് ആയപ്പോൾ ആണ് ദൈവം ഞങ്ങളുടെ സന്തോഷം തട്ടിപ്പറിച്ചത്, എന്നെ ഒരു ആക്‌സിഡന്റിലുടെ കിടപ്പിലാക്കി... അരക്കു കിഴ്പ്പോട്ടു തളർത്തി കളഞ്ഞു... ആരും അന്വേഷിച്ചില്ല ഞാനും അവളും ജീവിച്ചിരുപ്പുണ്ടോന്നു പോലും.... എന്റെ ആ അവസ്ഥയിൽപോലും എന്റെ അമ്മയോ അനിയനോ എന്നെ ഒന്നു കാണാൻ പോലും വന്നില്ല, ഞാൻ തളർന്നു പോയി.... കാരണം ഇല്ലാതെ, ആദ്യമായി അവളോട്‌ ഞാൻ ദേഷ്യപ്പെട്ടു. വഴക്കുണ്ടാക്കി.. അവസാനം മരണത്തിനു മുന്നിൽ കിഴടങ്ങാൻ ഞാനും അവളും തീരുമാനിച്ച ആ രാത്രി ആദ്യമായിട്ടും അവസാനമായിട്ടുംഅവളുടെ കണ്ണുകൾ നിറഞ്ഞൊഴുകി ...... വിഷം ചേർത്ത് ഉരുട്ടിയ ചോറ് തട്ടി എറിഞ്ഞു എന്റെ കാലിൽ കെട്ടിപിടിച്ചു അവൾ പൊട്ടി കരഞ്ഞു.... സച്ചുഏട്ടാ വേണ്ട നമ്മൾ ജീവിക്കണം, ഞാനും സച്ചുഏട്ടനും നമ്മുടെ മോളും... എനിക്ക് കൊതി തീർന്നിട്ടില്ല എന്റെ ഏട്ടനെ കണ്ട്, നമ്മുടെ കുഞ്ഞു മായമ്മയെ കണ്ട്.. വേണ്ട ഏട്ടാ നമ്മുക്ക് മരിക്കേണ്ട, ഏതാണ്ട് തീരുമാനിച്ച് ഉറപ്പിച്ച പോലെ അവൾ എഴുന്നേറ്റു കണ്ണു തുടച്ചു, എന്റെ അടുത്തു വന്ന് എന്നെ കെട്ടിപിടിച്ചു ഒരു കൊച്ചു കുട്ടിയെ പോലെ ഞാൻ പൊട്ടി കരഞ്ഞു, എന്റെ കണ്ണുകൾ ഒപ്പി കൊണ്ട് അവൾ പറഞ്ഞു, ഇനി ഈ കണ്ണുകൾ നിറയാൻ ഞാൻ സമ്മതിക്കില്ല ഏട്ടാ, എനിക്ക് അത് കാണാൻ വയ്യ.. സച്ചു ഏട്ടന് ഒന്നുമില്ല, ഞാൻ നോക്കിക്കോളാം എന്റെ ഏട്ടനെ ആ കണ്ണുകളിലെ ദൃഢനിച്ഛയത്തിനു മുന്നിൽ ഞാൻ തോറ്റുപോയി...... . ആ കണ്ണുകളിൽ ഇന്നും എനിക്കാ തിളക്കം കാണാം, പിന്നീട് ഒരിക്കലും അവൾ കരഞ്ഞു ഞാൻ കണ്ടിട്ടില്ല, ആ രാത്രിക്കു ശേഷം അവൾ ഒരുപാട് മാറി.. ഒരു സ്ത്രീ ഇത്ര ശക്തയാണോ,അതെ ശക്തയാണ്,എന്റെ ചാരു എന്നെ അതു മനസ്സിലാക്കി തന്നു, അന്നുമുതൽ ഇങ്ങോട്ട് എന്തെല്ലാം പരീക്ഷണങ്ങൾ അവൾ അഭിമുഖികരിച്ചു, സമൂഹത്തിൽ ഒരു ഭർത്താവില്ലാത്ത സ്ത്രീ നേരിടേണ്ടി വരുന്ന എല്ലാ പ്രശ്നങ്ങളും അവളും നേരിട്ടു, ഒരുപക്ഷേ അവളുടെ ജീവിതമായിരിക്കും അവൾക്കു ശക്തി കൊടുത്തത്,അതുവരെ എന്റെ പുറകിൽ ഒളിച്ച എന്റെ ചാരു പകുതി ചലനം മില്ലാത്ത എനിക്ക് വേണ്ടി " ആരോടും പരാതി പറയാതെ, ഒരു വാക്ക് കൊണ്ടു പോലും എന്നെയോ മോളെയോ നോവിക്കാതെ അവൾ ജീവിതം കൈപ്പിടിയിൽ ഒതുക്കാൻ പാടുപെടുന്നു... ചാരുവാണ് എന്റെ ബലം, ആ കണ്ണുകളിലെ തിളക്കമാണ് എന്റെ ജീവിതം.... എന്തിനും ഏതിനും സച്ചുഏട്ടനെ ആശ്രയിച്ച അവൾ എനിക്കും എന്റെ കുഞ്ഞിനും വേണ്ടി ജോലിക്കിറങ്ങി, കുറെ കഷ്ട്ടപെട്ടു..... അവസാനം അയൽക്കൂട്ടം വഴി പഞ്ചായത്തിലെ 10സ്ത്രീകളെ ഓട്ടോ ഓടിക്കാൻ പഠിപ്പിക്കുന്നു എന്ന് അറിഞ്ഞ അവൾ എന്നോട് പറഞ്ഞു, ഏട്ടാ ഞാനും പോയി പഠിച്ചോട്ടെന്ന്? രണ്ടാമതെന്നു ആലോചിക്കാൻ ഉണ്ടായിരുന്നില്ല, അവളിലെ ആത്മവിശ്വാസം അത്രക്കുണ്ടായിരുന്നു... വളരെ വേഗം തന്നെ ഓട്ടോ ഓടിക്കാൻ പഠിച്ചു, ലോൺ എടുത്തു ഒരു ഓട്ടോയും വാങ്ങി, ഓട്ടോ എടുത്തപ്പോൾ അവൾ പറഞ്ഞത് രണ്ടു കാര്യങ്ങൾ ആയിരുന്നു ഒന്നാമത് നമ്മുടെ ജീവിതമാർഗമാണിത് , രണ്ടാമത് ഏട്ടനെ ചെക്കപ്പിന് കൊണ്ടു പോകാൻ വണ്ടികാശും കൊടുക്കേണ്ട എല്ലാവർക്കും കൂടി പോവുകയും ചെയ്യാം.... സച്ചു ഏട്ടാ എന്താ ഇത്ര ആലോചന? അവളുടെ ചോദ്യം കേട്ടാണ് ഓർമ്മകളിൽ നിന്ന് ഉണർന്നത്.. ഒന്നുമില്ല ചാരു ! "നീ എന്റെ അടുത്തോട്ടുവന്നിരുന്നെ,ചോദിക്കട്ടെ" എന്താ സച്ചു ഏട്ടാ, ചാരു ചായ പതുക്കെ വായിൽ വച്ച് കൊടുത്തു കൊണ്ട് ചോദിച്ചു... നിനക്ക് ഒരു വിഷമവും ഇല്ലേ? എന്തിന്? എനിക്ക് ഒന്നിനും സാധിക്കുന്നില്ലലോ ചാരു, നീയും മോളും എന്നിൽ നിന്ന് എന്തെല്ലാം പ്രതീക്ഷിക്കുന്നുണ്ടായിരിക്കും, നിന്റെയോ മോളുടെയോ ഒരാഗ്രഹവും സാധിച്ചു തരാൻ എനിക്ക് പറ്റുന്നില്ലാലോ? എനിക്ക് എന്തഗ്രഹമാ സച്ചുഏട്ടാ, സാധിക്കേണ്ടത്? പിന്നെ നമ്മുടെ മോൾ അവൾക്കു ഇപ്പോളെ നല്ല പക്വതയാണ് അവൾക്കു എല്ലാം അറിയാം, അവളുടെ അച്ഛനെ അവൾക്കു നന്നായി അറിയാം ദൈവം ഞങ്ങൾക്ക് തന്ന പുണ്യമാണ് ഏട്ടൻ..... എന്നാലും നിനക്കും കാണില്ലേ എല്ലാവരെയും പോലെ ജീവിക്കണമെന്ന്? ഹും, എന്റെ സച്ചു ഏട്ടാ, എന്റെഏറ്റവും വല്യ ആഗ്രഹം എന്റെ എട്ടന്റേം മോളുടേം കൂടെ സന്തോഷമായി ഇങ്ങനെ ജീവിക്കുക എന്നുള്ളതാണ്, ദാ ഈ ഇരിക്കുന്നതാണ് എന്റെ സന്തോഷം... ഈ തോളിൽ ഇങ്ങനെ തല ചായ്ച്ചു കിടന്നു എന്റെ സങ്കടമെല്ലാം ഇറക്കി വയ്ക്കണം, പിന്നെ സ്നേഹത്തോടെ ചേർത്തു പിടിക്കുന്ന ഈ കൈകളിൽ കിടന്ന് എനിക്കുറങ്ങണം........ എന്നെ ചേർത്തു പിടിക്കുന്ന ഈ കൈകളാണ് എന്റെ ബലം സച്ചുഏട്ടാ. പിന്നെ ഏറ്റവും വലിയ ഒരാഗ്രഹം ഉണ്ട്, "അത് " ചാരു കൈനീട്ടി അവളുടെ സിന്ദൂര ചെപ്പ് എടുത്തു എന്റെ നേരെ നീട്ടി... "സച്ചു ഏട്ടാ ഇത് എന്റെ നെറ്റിയിൽ ഇട്ടു താ" ഇതാ സച്ചു ഏട്ടാ എന്റെ ഏറ്റവും വല്യ ആഗ്രഹവും ഭാഗ്യവും... ഈ സൗഭാഗ്യം എന്നും എന്റെ സന്തോഷമായി നെറ്റിയിൽ കാണണം. അതിലും വലിയ ഒരു ഭാഗ്യവും എനിക്ക് വേണ്ട.... സിന്ദൂരം അവളുടെ നെറ്റിയിൽ ഇട്ടു കൊടുത്തപ്പോൾ അവളുടെ മുഖം ഒന്നുടെ സുന്ദരമായി..... സച്ചു ഏട്ടൻ ഇന്നത്തെ ദിവസം വീണ്ടും മറന്നു പോയി... ഇന്നത്തെ ദിവസത്തിന് ഒരു വിശേഷമുണ്ട്... അതെന്താ ചാരു? (സത്യമാണ് എനിക്ക് ഇപ്പോൾ ദിവസമോ വർഷമോ ഒന്നും അറിയില്ല ) ഒന്ന് ഓർത്തു നോക്ക് സച്ചു ഏട്ടാ.. എനിക്കറിയില്ല ചാരു, നീ പറ... ഏട്ടൻ മറന്നോ ! എനിക്ക് എന്റെ ഏട്ടനെ കിട്ടിയിട്ട് പത്തുവർഷമായി ഇന്ന്...... അവൾ അത് പറഞ്ഞു അലമാര തുറന്നു. ഏട്ടാ ഇത് ഞാൻ ഏട്ടന് വേണ്ടി വാങ്ങിയതാ.... അവൾ ഒരു ചെറിയ ബോക്സ്‌ എന്റെ കൈയിൽ തന്നു. തുറന്നു നോക്ക് ഏട്ടാ... തുറന്നു നോക്കിയപ്പോൾ ഒരു മോതിരം അവളുടെ പേര് എഴുതിയത്, എന്തിനാ ചാരു ഇപ്പോൾ ഇത് വാങ്ങിയത്? സച്ചു ഏട്ടന് ഓർമ്മയുണ്ടോ, ഏട്ടന്റെ മോതിരം എന്തിനാ വിറ്റതെന്ന്? എനിക്ക് വേണ്ടിയാ എന്റെ പ്രസവത്തിന്റെ ആവിശ്യത്തിനാ, അന്ന് ഏട്ടൻ എന്നോട് പറഞ്ഞത് നമ്മുക്ക് അത് പെട്ടെന്ന് തന്നെ മേടിക്കാമെന്നാ, പക്ഷേ വർഷം ഇത്രയും കഴിഞ്ഞിട്ടും നമ്മൾക്ക് അത് മേടിക്കാൻ പറ്റിയോ. ഇപ്പോൾ ഇത് ഏട്ടന്റെ കൈയിൽ കിടക്കട്ടെ അവിടെ കിടക്കുമ്പോൾ ഉള്ള ഒരു ഭംഗി അത് എനിക്ക് കാണണം എന്നെ തഴുകുന്ന ആ വിരലിൽ അത് വേണം സച്ചു ഏട്ടാ ...... വർഷങ്ങളായി ഞാൻ അനുഭവിക്കുന്ന കരുതൽ, ഒരു കുഞ്ഞിനെ പോലെ എന്നെ നോക്കുന്ന എന്റെ ഭാര്യയുടെ സ്നേഹത്തെ, അവളുടെ സഹനത്തെ, അവളെ ചേർത്തു പിടിക്കുമ്പോൾ ഞാൻ അറിയുകയായിരുന്നു ഭാര്യ എന്ന പുണ്യത്തെ... അതെ ഇവളാണ് എന്റെ പുണ്യം. ദൈവം എനിക്ക് കരുതിവച്ച എന്റെ സമ്പത്ത് ...... സമർപ്പണം :രാപ്പകൽ ഇല്ലാതെ തിരിച്ചൊന്നും പ്രതീക്ഷിക്കാതെ കുടുബത്തിനു വേണ്ടി കഷ്‌ടപ്പെടുന്ന എല്ലാ ഭാര്യ മാർക്കും,അമ്മമാർക്കും വേണ്ടി...... ഭാര്യ ഒരു പുണ്യമാണ് ചേർത്ത് നിർത്തുക എന്നും....
9k views
2 days ago
#

📔 കഥ

°•꧁.🔥 FULL_STORy🔥. ꧂°•. "മാളു... നേരം ഒരുപാടായി.. എഴുന്നേൽക്ക്.. അച്ഛൻ ഉമ്മറത്തിരുന്ന് പിറുപിറുക്കാൻ തുടങ്ങീട്ടുണ്ട്" രാഹുൽ കട്ടിലിൽ ഇരുന്ന് മാളുവിനെ തട്ടി വിളിച്ചു. വിവാഹം കഴിഞ് ഇതാദ്യമായാണ് മാളു ഇത്രയും നേരം വൈകി എഴുന്നേൽക്കുന്നത്. കണിശക്കാരനായ അച്ഛൻ വേണു മരുമകൾ എഴുന്നേൽക്കാൻ നേരം വൈകിയതിന് ഭാര്യ സുലോചനയോട് പിറുപിറുക്കാൻ തുടങ്ങി. അച്ഛനെ ഭയന്ന് ജീവിക്കുന്ന മകൻ രാഹുൽ മാളുവിനെ എഴുന്നേൽപ്പിക്കാതെ റൂമിൽനിന്നും വരാനും പറ്റാതെ നിന്നു. പതിവ് ദിനങ്ങളിൽ മാളു ഉമ്മറത്ത് കത്തിച്ചുവെക്കുന്ന നിലവിളക്കിന്റെ വെളിച്ചത്തിലാണ് ആ വീട് ഉണരാറുള്ളത്. ഇന്നിപ്പോ മാളുവിന്റെ സാന്നിദ്ധ്യം ഉമ്മറത്ത് എത്തിയിട്ടില്ല. ചാരു കസേരയിൽ പത്രവും പിടിച്ചു മുഖം കനപ്പിച്ച് അച്ഛന്റെ ഇരുപ്പ് കണ്ടാലറിയാം ആ മനസ്സിൽ എന്താണെന്ന്. "അതേ.. എനിക്കിനി ഒട്ടും വയ്യാട്ടാ ഇവിടിങ്ങനെ പണിയെടുക്കാൻ.. കാലിലെ നീര് കൂടിക്കൂടി വരികയാ. എനിക്കൊരുകൂട്ടിന് മോനെകൊണ്ട് കെട്ടിക്കണം. വേഗം രാഹുലിന് പെണ്ണുനോക്കണം" എന്ന് ഭാര്യ സുലോചന പറഞ്ഞതുകേട്ടപ്പോൾ ഉമ്മറത്തെ ചാരു കസേരയിൽ ഇതുപോലൊരു ഇരുപ്പ് ഇരുന്നതാ. അതന്ന് ഭാര്യയോടുള്ള ദേഷ്യമാണോ അതോ ഒരു ജോലി കണ്ടെത്താതെ നിൽക്കുന്ന തന്റെ മകനെ സ്വന്തം പോക്കറ്റിൽ നിന്നും പൈസ ചിലവാക്കി കെട്ടിക്കേണ്ട അവസ്ഥ ഓർത്തുള്ള വെപ്രാളമോ.. അറിയില്ല.. ഭാര്യയുടെ വാക്കിനെ മാനിച്ച് വേണുവും അനിയനും നാനാ ദിക്കിലേക്കും പെണ്ണ് തിരഞ്ഞു നടപ്പിലായി. ബ്രോക്കറിന് പൈസ കൊടുത്തു കൊടുത്തു അവസാനം ബ്രോക്കർ സ്വന്തമായൊരു ബൈക്ക് വാങ്ങി എന്ന് അറിഞ്ഞപ്പോൾ വേണു പിന്നെ ബ്രോക്കറോടൊത്തുള്ള യാത്ര മതിയാക്കി സ്വയം പെണ്ണ് തിരഞ്ഞു നടന്നുതുടങ്ങി. ആ അമ്മയുടെ പുണ്ണ്യമെന്നോണം ഒരു പെണ്ണിന്റെ ജാതകം ഒത്തു. പെൺകുട്ടി ഇരുനിറം, ചെറിയ വീട്.. എങ്കിലും തൊലി വെളുത്ത രാഹുലിന്റെ മനസ്സും വെളുത്തതുകൊണ്ട് അവളെ മതിയെന്ന് രാഹുൽ പറഞ്ഞു. സ്ത്രീധനം അധികമൊന്നും തരാനില്ലാന്ന് പെൺകുട്ടിയുടെ അച്ഛൻ പറഞ്ഞപ്പോൾ വേണു എടുത്തുചാടി പറഞ്ഞു.. "ഞങ്ങൾക്ക് ഈ കുട്ടിയെ ഒന്ന് ഇറക്കി തന്നാൽ മാത്രം മതി. ഒരു പണ്ടവും പണവും വേണ്ടാ" എന്നും. അതുകേട്ട് മനം നിറഞ്ഞ പെൺകുട്ടിയുടെ അച്ഛൻ സന്തോഷത്തോടെ സമ്മതിച്ചു. അധികം വൈകാതെ രാഹുലും മാളുവും തമ്മിലുള്ള വിവാഹം നടന്നു. വിവാഹം കഴിഞ്ഞു വൈകാതെ രാഹുലിന് വിദേശത്ത് ഒരു ജോലി കിട്ടി അങ്ങോട്ട് പോയി. മാളു തന്റെ പഠനം നിർത്തി രാഹുലിന്റെ വീട്ടിൽ നല്ലൊരു മരുമകളായി ജീവിച്ചു നേരത്തെ എഴുന്നേൽക്കുന്ന മാളു വീട്ടിലെ സകല ജോലികളും നേരത്തെ ചെയ്തതീർക്കും. ബാക്കിയുള്ള സമയത്തും മാളു വീട്ടിൽ എന്തെങ്കിലുമൊക്കെ ചെയ്തുകൊണ്ടിരിക്കും. അതുകൊണ്ടുതന്നെ സുലോചനക്ക് മാളുവിനെ ഒത്തിരി ഇഷ്ട്ടമായി. എന്തും കണ്ടറിഞ്ഞു ചെയ്യുന്നവൾ. അവരുടെ വീടിന് ഇപ്പൊ എന്തെന്നില്ലാത്ത വെളിച്ചവും ഐശ്വര്യവും കൈവന്നു. സുലോചനക്ക്‌ വയ്യാതെ വീട് വൃത്തിയാക്കലും മറ്റും ഇല്ലായിരുന്നു. മാളു വന്നു കയറിയതിൽ പിന്നെ അതെല്ലാം അവൾ തന്നെ ചെയ്തു. ഒരുനേരം പോലും വെറുതെ ഇരിക്കാറില്ല. അച്ഛൻ വേണു പ്രഷറിന് ഗുളിക കഴിക്കാറുണ്ട്. കഴിക്കേണ്ട സമയം ആയാൽ വേണു പറയാതെതന്നെ മാളു ഒരു ഗ്ലാസ് വെള്ളവും ഗുളികയും വേണുവിന്റെ അടുത്ത് എത്തിച്ചിരിക്കും. മുട്ടിന് താഴേക്ക് ഇടക്ക് നീരുവന്ന് വീർക്കാറുള്ള സുലോചനയുടെ കാലുകൾ മാളുവാണ് ഇപ്പോൾ കുഴമ്പും തൈലവും ഇട്ടു ഉഴിയാറുള്ളത്. അപ്പോഴൊക്കെ മാളുവിന്റെ തലയിൽ തലോടി സുലോചന പറയാറുണ്ട്.. "നീയെനിക്ക് പിറക്കാതെ പോയ എന്റെ സ്വന്തം മോൾ തന്ന്യാ". ദിവസങ്ങൾ കഴിഞ്ഞു. വേണുവിന്റെ അനിയൻ ദിവാകരന്റെ മകന് വിവാഹം ആയി. വലിയ ഒരു വീട്ടിൽ നിന്ന് 75 പവനും ഒരു കാറും ആ പയ്യന് ആ പെണ്ണിന്റെ വീട്ടുകാർ കൊടുത്തു. പെൺകുട്ടിയാണേൽ നല്ല ചൊകചൊകാന്ന് ഇരിക്കുന്നു. കല്യാണപ്പന്തലിൽ വേണുവിന്റെ നോട്ടം പെൺകുട്ടിയിൽ മാത്രമായിരുന്നു. വിവാഹം കഴിഞ്ഞു വീട്ടിലെത്തിയ വേണു സുലോചനയോടായ് പറഞ്ഞു. "എന്റെ മോൻ ഇവനെക്കാൾ എത്രയോ ഭംഗിയുണ്ട്. എന്നിട്ട് കിട്ടിയത് ഒരു കരികൊള്ളിയെ. ത്ഫൂ.!! വേണുവിന്റെ മനസ്സിലെ സ്വാർത്ഥ ചിന്തകൻ പുറത്തുവന്നു. അന്നുമുതൽ വേണു മാളുവിനോട് അകൽച്ച കാണിച്ചു. മാളു കൊണ്ടുവന്ന ഗുളിക കഴിക്കാറില്ല. മാളുവിനെ കാണുമ്പോൾ പുച്ഛിക്കുന്ന മുഖവുമായി വേണു തല തിരിക്കും. ഇതെന്താ മറിമായം എന്നറിയാതെ മാളു ആലോചിക്കും. പിന്നീട് വേണു റൂമിൽ വേണു സുലോചനയോട് തലയണമന്ത്രം ചൊല്ലിത്തുടങ്ങി. "ഹും.. എന്റെ അനിയന്റെ മോൻ നമ്മുടെ മോന്റെ അത്ര ഭംഗിയുണ്ടോടി? നമ്മുടെ മോന്റെ അത്ര ശമ്പളം ഉണ്ടോടി? എന്നിട്ടും അവന് കിട്ടിയ പെണ്ണിനേയും വീട്ടുകാരെയും സ്ത്രീധനവും ഒന്ന് നോക്ക്യേ.. ഇവിടൊന്നു കേറി വന്നിട്ടുണ്ടല്ലോ അടുക്കളയിലെ മല്ലുപോലെയുള്ളതൊന്ന്. അവരുടെ കയ്യിൽ ഒന്നുമില്ലത്രേ. ത്ഫൂ.. ഏത് നേരത്താ ദൈവമേ എനിക്ക് ഈ കുരുപ്പിനെ ഇങ്ങോട്ട് കെട്ടിയെടുക്കാൻ തോന്നിയത്" "ദേ മനുഷ്യാ ആ പെൺകുട്ടി അപ്പുറത്തുണ്ട്. കേൾക്കണ്ടാ." "കേട്ടാൽ എനിക്കെന്താ ഉള്ളതുതന്നെയല്ലേ പറഞ്ഞത്. അർഹതപ്പെടാത്തത് ആഗ്രഹിക്കാൻ പാടില്ല. അവർക്ക് അന്ന് തോന്നണമായിരുന്നു നമ്മളെപ്പോലെ ഉള്ള വലിയ കുടുംബത്തേക്ക് ബന്ധം ചേരില്ലാന്ന്." "അതിന് നിങ്ങൾ തന്നെയല്ലേ മനുഷ്യ അവളെ മാത്രം ഇറക്കിത്തന്നാൽ മതിയെന്നും പൊന്നും പണവും വേണ്ടാന്നോക്കെ പറഞ്ഞത്. എന്നിട്ടിപ്പോ അവരെയാണോ കുറ്റപ്പെടുത്തുന്നത്." "ഞാൻ അങ്ങനെ പലതും പറയും. അതെന്ന് വെച്ച് അവർ സ്ത്രീധനം കുറക്കാൻ പാടുണ്ടോ." "ആ എനിക്കൊന്നും പറയാനില്ല. നിങ്ങൾക്ക് വേണ്ടേൽ മോനെ നാട്ടിലോട്ട് വിളിച്ചുവരുത്തി എന്താന്നുവെച്ചാൽ തീരുമാനിച്ചോ. ഞാനൊന്നിനും ഇല്ല്യ" "ആഹ് അത് തന്നെയാ ചെയ്യാൻ പോകുന്നത്. എന്റെ മോന് നല്ല ചാമ്പക്ക പോലെയുള്ള ഒരു പെണ്ണിനെ കണ്ടെത്തും ഞാൻ. നോക്കിക്കോ നീ" ഇതെല്ലാം കേട്ട് കണ്ണുനീർ വാർത്ത് കയ്യിൽ വെള്ളത്തിന്റെ ജഗ്ഗുമായി മാളു അവിടെനിന്നു. കുറച്ചുനാളത്തെ ഇടവേള കഴിഞ്ഞു രാഹുൽ നാട്ടിൽ മടങ്ങിയെത്തി. പോകുമ്പോൾ ഉള്ള സാഹചര്യമല്ല ഇപ്പോൾ വീട്ടിൽ ഉള്ളതെന്ന് രണ്ടുദിവസത്തിനുള്ളിൽ തന്നെ രാഹുലിന് മനസ്സിലായി. രാഹുൽ കാര്യം മാളുവിനോട് ചോദിച്ചെങ്കിലും മാളു ഒന്നും പറഞ്ഞില്ല. അച്ഛനോട് ചോദിക്കാൻ ധൈര്യമില്ലാത്തതുകൊണ്ട് രാഹുൽ അച്ഛന്റെ അടുത്തും ചോദിച്ചില്ല. കുറച്ചുദിവസം കഴിഞ്ഞു അച്ഛൻ തന്നെ രാഹുലിന്റെ അടുത്തുവന്നു പറഞ്ഞു. "മോനെ നമ്മൾ പേരുകേട്ട തറവാട്ടുകാരാണ്. അച്ഛന് ഈ നാട്ടിലെ വില മോന് അറിയുന്നതല്ലേ. അതുകൊണ്ട് ഞാൻ ഒരു കാര്യം പറഞ്ഞാൽ മോൻ അനുസരിക്കണം. ഞാനായിട്ട് നിനക്ക് കണ്ടെത്തിതന്ന നിന്റെ ഭാര്യയെ നീ ഒഴിവാക്കി വേറെ നല്ല കുടുംബത്തിൽനിന്നും കാണാൻ കൊള്ളാവുന്ന ഒരു പെൺകുട്ടിയെ നീ വിവാഹം കഴിക്കണം. അല്ലെങ്കിൽ അച്ഛന് സമൂഹത്തിൽ ഇറങ്ങി നടക്കാൻ പറ്റാതാകും. നമ്മുടെ നിലക്കും വിലക്കും ചേർന്ന ബന്ധമല്ല ഇത്. അതുകൊണ്ട് നമുക്കിത് അവസാനിപ്പിക്കാം." ഇന്നുവരെ അച്ഛന്റെ വാക്കുകൾക്ക് എതിർത്തൊരു മറുപടി പറയാത്ത രാഹുൽ സ്വന്തം ജീവിതത്തിന്റെ കാര്യത്തിലും ഒരു തീരുമാനം എടുക്കാൻ പറ്റാത്ത മനുഷ്യനായിമാറി. ഒന്നും മിണ്ടാതെ തിരിഞ്ഞുനടക്കാൻ മുതിർന്ന രാഹുൽ കണ്ടത് മുഖം പൊത്തിപിടിച്ചു അകത്തേക്ക് ഓടിയ മാളുവിനെയാണ്.  രാഹുൽ മാളുവിന്റെ അടുത്തേക്ക് ചെന്നു. "മോളെ മാളു.. ഞാൻ" "വേണ്ട ഏട്ടാ.. ഒന്നും പറയേണ്ട.. അച്ഛൻ പറഞ്ഞതാ ശരി. അച്ഛന്റെ പേരിനും പ്രൗഢിക്കും ഞങ്ങളെപ്പോലുള്ള പാവപ്പെട്ടവരുമായുള്ള ബന്ധം ചേരില്ല. നമ്മൾ അധികമൊന്നും ജീവിച്ചില്ലല്ലോ. അച്ഛൻ പറഞ്ഞപോലെ ചെയ്യാം. അല്ലെങ്കിൽ അച്ഛന്റെ ഉള്ളിൽ ഞാൻ ഇത്രയും വലിയൊരു കരടായി ഇവിടെ കഴിയേണ്ടിവരും. അതുവേണ്ടാ. നമുക്ക് പിരിയാം. എന്തായാലും ഏട്ടൻ എന്നെ ഉപേക്ഷിച്ചാലും ഈ മാളു വേറെ ഒരാളെ വിവാഹം കഴിച്ചു ജീവിക്കാനൊന്നും പോണില്ല. ഏട്ടന് വേണ്ടി അച്ഛൻ നല്ലൊരു പെണ്ണിനെ കണ്ടെത്തി തരും. ആ കുട്ടിയെ വിവാഹം ചെയ്തു സന്തോഷത്തോടെ ജീവിക്കണം." "നീയെന്തൊക്കെയാ മാളു പറയുന്നത്. അച്ഛൻ അങ്ങനെ ഓരോന്നും പറഞ്ഞെന്നുവെച്ചു നീ കാര്യമാക്കേണ്ട ആവശ്യമില്ല" രാഹുലിന്റെ വാക്കുകൾ മുഴുവൻ കേൾക്കാതെ മാളു കണ്ണുകൾ തുടച്ചു റൂമിലേക്കോടി. പിറ്റെന്നാൾ കയ്യിൽ രണ്ട് ബാഗുമായി റൂമിൽ നിന്നും വരുന്ന മാളുവിനെക്കണ്ട രാഹുൽ അവളെ പിന്തിരിപ്പിക്കാൻ കുറെ ശ്രമിച്ചു. അന്നേരം അച്ഛന്റെ മുഖം കണ്ട് രാഹുൽ ആ പിന്തിരിപ്പിക്കലിൽ നിന്നും പിൻവാങ്ങി. 'അമ്മ അടുക്കളയിൽനിന്നും മോളെ എന്ന് വിളിച്ചു അടുത്തുവന്നപ്പോൾ അമ്മയുടെ വലതു കൈ പിടിച്ചു അച്ഛൻ അതിനും തടസ്സം നിന്നു. അവസാനം നിറഞ്ഞൊഴുകിയ കണ്ണുകളുമായി മാളു ആ പടിയിറങ്ങി നടന്നു. കുറച്ചു ദിവസങ്ങൾക്ക് ശേഷം വേണുവിന്റെ അനിയനും ഭാര്യയും കൂടി വീട്ടിൽ വന്നു. രാവിലെ പുറത്തോട്ടിറങ്ങാൻ തുടങ്ങിയ വേണു പതിവില്ലാതെ അനിയനെയും ഭാര്യയെയും കണ്ടപ്പോൾ അവിടെ നിന്നു. "എന്തേ രണ്ടാളുംകൂടി രാവിലെതന്നെ"? "ഒന്നും പറയണ്ടാ... ആകെയുള്ള സന്തതി ഒരു മൂധേവിയെ കെട്ടികൊണ്ടുവന്നതിനു ശേഷം ആ വീടിന്റെ ഐശ്വര്യവും സമാധാനവും എല്ലാം പോയി." "എന്താടാ ഒന്ന് തെളിച്ചുപറ" അനിയന്റെ ഭാര്യ തുടർന്നു. "ഏട്ടാ.. രണ്ടുനില വീടല്ലേ വലിയ പഠിപ്പും പത്രാസ്സുമുള്ള പെണ്ണല്ലേ സൗന്ദര്യം തുളുമ്പി നിൽക്കുന്ന പെണ്ണല്ലേ എന്നൊക്കെ പറഞ്ഞു അന്ന് നമ്മളെല്ലാവരും അവനെക്കൊണ്ട് കെട്ടിച്ചു. പക്ഷെ അന്നുമുതൽ ഈ നിമിഷംവരെ അവളെ എനിക്കൊരു മരുമകളായി കാണാൻ പറ്റിയിട്ടില്ല അവൾക്ക് എന്നെ ഒരു അമ്മായിഅമ്മ ആയി കാണാനും പറ്റിയിട്ടില്ല." "വീട്ടിൽ ഒരു ജോലി പോലും ചെയ്യില്ല. അതുപോട്ടെ, രാവിലെ എഴുന്നേൽക്കുന്നത് 10 മണിക്ക്. എന്നിട്ട് ആ വെള്ളാമ്പിച്ചു നിൽക്കുന്ന മുഖത്തു എന്തൊക്കെയോ തേച്ചു പിടിപ്പിച്ചു ഒരു മണിക്കൂർ ഇരിക്കും. പിന്നെയാണ് കുളിയും തേവാരവും. അതുമാത്രമല്ല, അവൾക്ക് മാത്രമായി ഒരു കറി ഉണ്ടാക്കണം. ഉണ്ടാക്കിയില്ലേൽ അവൾ അവനെയും കൂട്ടി കാറിൽ ഹോട്ടലിൽ പോയി കഴിക്കും. ഏത്  സമയവും ടീവിയുടെ മുന്നിൽ അല്ലേൽ കമ്പ്യൂട്ടറും മടിയിൽ വെച്ച് ഇരിക്കും. വേണുവും ഭാര്യയും മുഖാമുഖം നോക്കി. അപ്പോൾ ഭാര്യ വേണുവിന്റെ മുഖത്തുനിന്ന് ദേഷ്യത്തോടെ തലവെട്ടിച്ചു. അനിയന്റെ ഭാര്യ തുടർന്നു. "ന്റെ ചേച്ച്യേ.. അവൾക്ക് ആർത്തവം ഉണ്ടായാൽ പോലും വീട്ടിലെ ഉമ്മറത്തെ പൂജാമുറിയുടെ മുന്നിലൂടെയൊക്കെയാ നടത്തം. അതൊക്കെ സാമാന്യം ബുദ്ധിയുള്ള പെൺകുട്ടികൾ ചെയ്യുമോ? എന്നിട്ട് ഞാൻ എന്തേലും പറയാൻ പോയാൽ എന്നോട് തട്ടിക്കേറും. മിനിഞ്ഞാന്ന് ഞാനൊന്ന് കിണറിന്റെ അവിടെ വഴുക്കി വീണു. കാലിൽ നീരും വന്നു. നടക്കാൻ പറ്റാതെ അന്ന് കിടന്നു. അന്ന് ഈ മനുഷ്യനാ അടുക്കള പണി ചെയ്തത്. അവൾക്ക് വെട്ടിവിഴുങ്ങാൻ വെച്ചുണ്ടാക്കിയത്. ഒരു തൈലത്തിന്റെ കുപ്പി എടുക്കാൻ പറഞ്ഞപ്പോൾ അവൾ പറയാ അതിന്റെ മണം കേട്ടിട്ട് ചർദ്ധിക്കാൻ വരുന്നെന്ന്. ഞങ്ങൾക്കും ഇല്ലേ ഒരു കൊച്ചിനെ താലോലിക്കാനൊക്കെ മോഹം. അതിനുപോലും അവൾ മുടക്കം പറഞ്ഞു. എന്തോ പഠിക്കാൻ പോണമത്രേ. അപ്പോൾ വയറു വീർത്താൽ മോശമാണെന്ന്. അവസാനം എന്റെയും ഏട്ടന്റെയും അടുത്ത് അവൾക്കിനി നിൽക്കാൻ പറ്റില്ലെന്ന്. അവനെയും കൂട്ടി ഒരു ഫ്ലാറ്റ് എടുക്കാൻ പോവുകയാണത്രെ. "എന്തൊക്കെയാ ഈ കേള്ക്കുന്നെ ദൈവമേ. ഇങ്ങനെയും പെൺകുട്ടികൾ ഉണ്ടോ" സുലോചന മുഖത്ത് കൈവെച്ചു പറഞ്ഞു. "ഇതൊക്കെയല്ലേ ചേച്ചി അവിടത്തെ കാര്യം. പോകുവാണേൽ പോട്ടെ. നാട്ടുകാരെക്കൊണ്ട് പറയിപ്പിക്കും അവളും അവനും. അത് ഞങ്ങൾ സഹിച്ചോളാം. അല്ല മാളു എന്ത്യേ. കണ്ടില്ലല്ലോ. അല്ലേൽ ചായയുമായി വരേണ്ട സമയം കഴിഞ്ഞല്ലോ" അനിയന്റെ ഭാര്യയുടെ ചോദ്യം കേട്ട് വേണു സുലോചനയെ നോക്കി. എന്താ പറയാ എന്നുള്ള ചിന്തയിൽ. "അവൾ രണ്ടൂസം അവളുടെ വീട്ടിൽ നിൽക്കാൻ പോയി." സുലോചനയുടെ മറുപടി കാക്കാതെ വേണു പറഞ്ഞു. "ഏട്ടാ നിങ്ങളുടെ ഭാഗ്യമാണ് മാളു. ഇന്നത്തെ കാലത്തു അങ്ങനെയുള്ള ഒരു കുട്ടിയെ എവിടെയും കിട്ടില്ല. പഠിത്തവും നിർത്തി ഭർത്താവിന്റെ മാതാപിതാക്കളെ ശുശ്രൂഷിക്കാൻ തീരുമാനമെടുക്കുന്ന ആ മനസ്സുണ്ടല്ലോ അതാണ് ഏറ്റവും വലിയ പുണ്യം"  വേണുവിന്റെ അനിയൻ പറഞ്ഞതുകേട്ട് വാക്കുകൾ ഇല്ലാതെ വേണു ഇരുന്നു. കുറച്ചു നാളുകൾ കഴിഞ്ഞു. സുലോചനയുടെ കാലിൽ നീര് കൂടിവന്നു. മുറ്റം അടിച്ചുവാരാതെ പുല്ലുകൾ മുളച്ചുതുടങ്ങി. അരിമണികൾ കാത്ത് മുറ്റത്ത് വീട്ടിലെ കോഴികളും താറാവുകളും കാത്തുനിൽക്കാൻ തുടങ്ങി. നിലവിളക്കിലെ കരി ദിവസങ്ങളോളം അങ്ങനെ ഇരുന്നു. ഉമ്മറത്തെ മുലകളിലും മറ്റും മാറാലകൾ വന്നു തുടങ്ങി. വേണുവിന്റെ പ്രഷറിന്റെ ഗുളിക കഴിക്കേണ്ട സമയം തെറ്റി തുടങ്ങി. എല്ലാംകൊണ്ടും ആ വീട് ഉറങ്ങി. അനക്കമില്ല വെളിച്ചമില്ല ശബ്ദമില്ല. ഓരോരുതരും ഒരു മൂലയിൽ ഇരുന്നു. "അച്ചാ.. എനിക്ക് ടിക്കറ്റ് കിട്ടി. മറ്റന്നാൾ പോണം. അതിനുമുൻപ് അച്ഛന്റെ തീരുമാനം എന്താണെന്നുവെച്ചാൽ എടുക്കണം. കാരണം ഒപ്പിടാൻ ഞാൻ വേണമല്ലോ. പിന്നൊരു കാര്യം, എന്നെ വേറെ പെണ്ണ് കെട്ടിക്കാം എന്നുള്ള ആഗ്രഹം നടക്കില്ല. ഇന്നുവരെ അച്ഛനെ ഞാൻ ധിക്കരിച്ചിട്ടില്ല. പക്ഷെ അച്ഛനും അമ്മയും കണ്ടെത്തിത്തന്ന പെണ്ണിനെത്തന്നെയാണ് ഞാൻ വിവാഹം ചെയ്തതും. എനിക്കില്ലാത്ത പോരായ്മ അച്ഛൻ അവളിൽ കണ്ടെത്തി കുറ്റം ചുമത്തി പറഞ്ഞയച്ചു. ഞാൻ പിന്നെ അവളെ കാണാനും മിണ്ടാനും പോയിട്ടില്ല. രാഹുലിന്റെ ഭാര്യ അത് മാളു തന്നെയാണ്. എന്റെ മരണം വരെ." വേണു ഒന്നും മിണ്ടാതെ ചാരുകസേരയിൽ ചാഞ്ഞിരുന്നു. സുലോചന അകത്തിരുന്നു പുഞ്ചിരിച്ചു. രാഹുലിന് പോവേണ്ട ദിവസമെത്തി. "അമ്മേ.. അച്ഛനെന്ത്യേ.. ഇറങ്ങേണ്ട സമയമായി." "അപ്പൊ നീ പോവാണ് അല്ലേടാ. ആ പാവം പെണ്ണിന്റെ ശാപം വാങ്ങിവെച്ച് പോവുകയാണല്ലേ?" "അതിനി ഇവിടെ സംസാരിക്കേണ്ട അമ്മേ, ഞാൻ പോട്ടെ.. " രാഹുൽ പെട്ടിയുമായി ഉമ്മറത്തോട്ട് നടന്നു. അപ്പോൾ മുറ്റത്ത് ഒരു കാർ വന്നുനിന്നു. ഡോർ തുറന്നു വേണു ഇറങ്ങിവന്നു. "നീ ഇറങ്ങുവാനായോ.?" "മ്മ്.. സമയമായി. അച്ഛനെ കാക്കുവായിരുന്നു. ഇനി യാത്ര പറയുന്നില്ല. പോയിവരാം" "മ്മ്.. പോയിവാ.." അച്ഛൻ സമ്മതം മൂളി ചവിട്ടുപടി കയറി. കൂടെ രാഹുൽ മുറ്റത്തോട്ടിറങ്ങി. "പിന്നേ.. പോയിട്ട് ഒരു എട്ട് മാസം കഴിഞ്ഞിങ്ങു പോരെ. നിന്റെ കുട്ടിയെ കാണാൻ" വേണു തിരിഞ്ഞുനിന്നു രാഹുലിനോടായ് പറഞ്ഞു. പറഞ്ഞത് എന്താണെന്ന് മനസ്സിലാവാതെ രാഹുലും സുലോചനയും വേണുവിനെ നോക്കി. "അതേടാ... ദാ ഇരിക്കുന്നു കാറിൽ നിന്റെ മാളു. പോയി ചോദിക്ക് എന്താ കാര്യമെന്ന്." രാഹുൽ കാറിലേക്ക് നോക്കി. പുഞ്ചിരിച്ചു മുഖവുമായി മാളു കാറിൽ നിന്നിറങ്ങി. നീര് കൂടിയ കാലുമായി സുലോചന അതിവേഗം മാളുവിന്റെ അടുത്തുവന്നു. "മോളെ മാളു" സുലോചന അവളുടെ നെറുകയിൽ ഉമ്മ വെച്ചു. "അമ്മേ.. 'അമ്മ ഒരു അച്ചമ്മ ആവാൻ പോകുന്നു.. രാഹുലേട്ടാ.," മാളുവിന്റെ ആ വിളിയിൽ രാഹുലിന് മനസ്സിലായി താനൊരു അച്ഛൻ ആവാൻ പോകുന്നുവെന്ന്. മാളുവിനെ നെഞ്ചോട് ചേർത്തുപിടിച്ചു. "രണ്ടാളും അകത്തോട്ട് പോയി സ്നേഹപ്രകടനം നടത്തിക്കോ. ഇവിടെ ആളുകൾ കാണും." വേണു ചിരിച്ചുകൊണ്ട് പറഞ്ഞു. എല്ലാരും അകത്തോട്ട് കയറിപ്പോയി. നടക്കുന്നതിനിടയിൽ അച്ഛൻ പറഞ്ഞു. "മോളെ മാളു.. അച്ഛനോട് ക്ഷമിക്കണം. നിന്നെ വാക്കുകൾ കൊണ്ട് ഒരുപാട് നോവിച്ചിട്ടുണ്ട് ഞാൻ. അതിനു തിരിച്ചൊരു വാക്കുപോലും പറയാതെ നീ എല്ലാം കേട്ടു. അതുകൊണ്ട് തന്നെയാ ഞാൻ തന്നെ നിന്നെ കൂട്ടികൊണ്ടുവന്നത്. നീ പോയതിൽ പിന്നെ ഈ വീടുറങ്ങി ഞങ്ങൾ തനിച്ചായി. നീയായിരുന്നു ഈ വീടിന്റെ വെളിച്ചം. ഇനി അച്ഛന്റെ ഭാഗത്തുനിന്ന് എന്റെ മോളെ വേദനിപ്പിക്കുന്ന ഒരുവാക്കുപോലും വരില്ല" "എന്താ അച്ഛാ ഇതൊക്കെ.. അങ്ങനൊന്നും പറയണ്ടാ. ശാസിക്കേണ്ടിടത്ത് ശാസിക്കണം. എങ്കിലേ ഞാൻ നല്ല കുട്ടിയാകൂ" മാളുവിന്റെ മറുപടി കേട്ട് എല്ലാരും ചിരിച്ചു. പിന്നീട് ആ വീട് സന്തോഷത്തിന്റെ നാളുകൾ മാത്രമായി. NB: സ്ത്രീധനത്തിന്റെ പേരിൽ പല പെൺകുട്ടികളും ഇന്നും ഒരുപാട് വിഷമങ്ങൾ അനുഭവിക്കുന്നവരുണ്ട്. സ്ത്രീധനം എന്നത് ഒരു പെൺക്കുട്ടിയുടെ നല്ല മനസ്സ് മാത്രമാണ്. അതിനേക്കാൾ വലിയ സ്ത്രീധനം ഇല്ല എന്ന് ചിന്തിക്കുക. ഇനി സ്ത്രീധനത്തിന്റെ പേരിൽ ഒരു പെൺകുട്ടിയും വിഷമിക്കാതിരിക്കട്ടെ. രചന വിപിൻ‌ദാസ് അയിരൂർ
16.1k views
2 days ago
#

📔 കഥ

*✍✍👰👰❣മാലാഖ❣👰👰✍✍* ------------------------------ *പ്രണയാഞ്ജലി* *ഫുൾ പാർട്ട്‌* --------------------- "പ്രണവ്... " അവൾ തന്നാലാവും വിധം ഉച്ചത്തിൽ വിളിച്ചു,.. അതവന്റെ ഉള്ളിൽ കൂരമ്പ് കണക്കെ തറച്ചു നിന്നു,.. അഞ്ജലി അവന്റെ അരികിലേക്ക് ഓടി... വർഷങ്ങൾക്ക് ശേഷം തന്റെ മുന്നിൽ അവൻ വന്ന് നിൽക്കുമ്പോൾ അവളുടെ കണ്ണുകൾ ആനന്ദത്താൽ നിറഞ്ഞിരുന്നു,.. അപ്രതീക്ഷിതമായിരുന്നു ഈ കണ്ടുമുട്ടൽ, ആ ഷോക്കിൽ നിന്നും മുക്തനാവാൻ അവൻ കുറച്ചു സമയമെടുത്തു,... പ്രണവിന്റെ നെഞ്ചോട് ചേർന്നപ്പോൾ ഒരു നിമിഷത്തേക്കവൾ പരിസരം പോലും മറന്നു പോയി,. "പ്രണവേട്ടാ,... " ആ വിളി കേട്ടതുകൊണ്ടാവണം ഭയപ്പാടോടെ പ്രണവ് അഞ്ജലിയിൽ നിന്നുമടർന്നു മാറി,.. അഞ്ജലിക്ക് അത് അവിശ്വസനീയമായി തോന്നി,. കൈക്കുഞ്ഞുമായി ഒരു യുവതി പ്രണവിനെ കാത്തു നിൽക്കുന്നു,. അവളുടെ കണ്ണുകളിലും സംശയം തളം കെട്ടി നിൽക്കുന്നു,... അവൾ അരികിലേക്ക് വന്നു,... പ്രണവിനെ വല്ലാതെ വിയർത്തിരുന്നു,. അവന്റെ ചങ്കിടിപ്പിന്റെ ആഴം കൂടുന്നത് അവൾ അറിഞ്ഞു,. "ദിവ്യ,.. ഇതെന്റെ ഫ്രണ്ട് ആണ് അഞ്ജലി,.. കോളേജിൽ എന്റെ ജൂനിയർ ആയിരുന്നു,... " അഞ്ജലിക്ക് തന്റെ മുന്നിൽ നടക്കുന്നത് എന്താണെന്ന് മനസിലായില്ല,. ജൂനിയർ ആയിരുന്നു പോലും,. വെറും ജൂനിയർ മാത്രം,.. മറ്റൊരു ബന്ധവും അവന് തന്നോടില്ലേ ? അഞ്ജലിയുടെ മിഴികൾ നിറഞ്ഞതവൻ ശ്രദ്ധിച്ചു,.. "അഞ്ജലി ഇത്,. " "പ്രണവ്,.. എനിക്കൽപ്പം തിരക്കുണ്ട്,.. ഓഫീസിൽ അർജന്റ് ആയിട്ട് എത്തണം,.. " അവന്റെ മറുപടിക്ക് കാക്കാതെ അവൾ നടന്നു,.. ഇത്രയും കാലം പ്രതീക്ഷയോടെ കാത്തിരുന്നത് ഇവന് വേണ്ടിയായിരുന്നു,.. എന്നാൽ,.. അഞ്ജലിയുടെ മിഴികൾ നിറഞ്ഞൊഴുകി,.. "വെറൈറ്റി ക്യാരക്ടർ ആണല്ലോ ആ കുട്ടി,... " "മ്മ്,... " അഞ്ജലി ഒന്ന് നിന്നു, മിഴികൾ തുടച്ചു,. പല വട്ടം മനസ്സ് വിലക്കിയിട്ടും അവൾ തിരികെ നടന്നു,.. "പ്രണവ്,.. എനി വേ ദിസ്‌ ഈസ് മൈ കാർഡ്, . വൈഫിനേയും കൂട്ടി ഒരു ദിവസം ഫ്ലാറ്റിലേക്ക് വരൂ,... " ദിവ്യ പുഞ്ചിരിച്ചു,.. പ്രണവ് അവളോട്‌ എന്താ പറയേണ്ടതെന്നറിയാതെ നിന്നു,. അവന്റെ മനസ്സ് വായിക്കാൻ അഞ്ജലിക്ക് കഴിഞ്ഞു,.. "ഓക്കേ, ബൈ,... " പ്രണവിനോട് യാത്ര പറയുമ്പോൾ അഞ്ജലിയുടെ ശബ്ദം ഇടറിയിരുന്നു,. "ഓക്കേ,... " ചങ്ക് പറിച്ചെടുക്കുന്ന വേദനയിലും അവൾ പുഞ്ചിരിക്കാൻ ഒരു ശ്രമം നടത്തി,... വിട്ട് പോരാൻ കഴിയുന്നില്ല അവകാശമില്ലെന്നറിഞ്ഞിട്ടും,.. പ്രണവ് ബൈക്ക് സ്റ്റാർട്ട്‌ ചെയ്തു,. ദിവ്യയുടെ കയ്യിൽ നിന്നും കുഞ്ഞിനെ വാങ്ങി മുന്നിൽ ഇരുത്തി ,... "ഹഗ് ചെയ്തത് ഞാൻ കണ്ടു,... " ദിവ്യ കളിയാക്കാൻ എന്നവണ്ണം പറഞ്ഞു,... പ്രണവിന്റെ ഉള്ളിൽ ഒരാളൽ ഉണ്ടായി. പിന്നെ അത് മറയ്ക്കുവാൻ ശ്രമിച്ചുകൊണ്ട് പറഞ്ഞു,.. "അത് ആ കുട്ടി പുറത്തൊക്കെ പഠിച്ചു വളർന്നത് കൊണ്ട് ശീലങ്ങളൊക്കെ അങ്ങനാ,... " "അല്ലെന്നു ഞാൻ പറഞ്ഞില്ലാലോ,.. " പ്രണവ് വണ്ടി മുന്നോട്ടേക്ക് എടുത്തു ... " പ്രണവേട്ടാ ഈ മുംബൈ സിറ്റിയ്ക്ക് ഒരു പ്രത്യേക ഭംഗി ഉണ്ടല്ലേ ?" "ആവോ അറിയില്ല !" "എന്തൊരു മുരടൻ സ്വഭാവമാ ഇത്,... " അവൻ മറുപടി പറഞ്ഞില്ല,.. " ഞാൻ ഒരു കാര്യം ചോദിച്ചാൽ സത്യം പറയുമോ ?" "എന്താ ???" "കോളേജിൽ ജൂനിയർ ആയിപ്പഠിച്ച ഒരു പെൺകുട്ടിയെ ഇത്രയേറെ ഓർത്തിരിക്കണമെങ്കിൽ എന്തൊക്കെയോ സീരിയസ് ആയി ഉണ്ടാവുമല്ലോ ?" "നീയിപ്പോൾ നിന്റെ ഏതേലും സീനിയർ ചേട്ടനെ ഓർത്തിരിക്കുന്നത് അങ്ങനെ എന്തേലും ഉണ്ടായിട്ടാണോ ? അല്ലല്ലോ,.. അവളെന്റെ നല്ലൊരു ഫ്രണ്ട് ആയിരുന്നു.... അതുകൊണ്ട് ഓർത്തിരിക്കുന്നു, അത്രേ ഉള്ളൂ " "വേറൊന്നും ഇല്ലല്ലോ ? !" അവളിൽ സംശയം ബാക്കിയാണെന്നവന് തോന്നി,... "എന്ത് ?" "ഒന്നൂല്ലേ ഞാനൊന്നും ചോദിച്ചില്ല !" താൻ ദിവ്യയോട് മറച്ചു വെക്കാൻ ശ്രമിച്ചത് വലിയൊരു സത്യമാണ്,. തന്റെ ഹൃദയത്തോടെന്നും ചേർന്നു നിൽക്കുന്ന സത്യങ്ങൾ,.. അഞ്ജലിക്ക് അവൻ കാണിച്ച അപരിചിതത്വം താങ്ങാവുന്നതിലുമേറെയായിരുന്നു,.. തനിക്കിന്ന് പരിഭവിക്കാൻ പോലും അധികാരം ഇല്ല,... ആ അവകാശം ഇന്ന് മറ്റൊരു പെണ്ണിന്റെ സീമന്തരേഖയിൽ സിന്ദൂരമായി കിടക്കുന്നു,... തനിക്കത് മരണതുല്യമാണ്,.. *******---******* സ്കൂൾ പരിസരത്ത് ആകെ മുദ്രാവാക്യങ്ങൾ ഉച്ചത്തിൽ മുഴങ്ങി,.. "മോളേ, ദാ ഇന്ന് മാത്‍സ്ന്റെ ടെസ്റ്റ്‌ പേപ്പറിൽ നിന്നും കഷ്ടിച്ച് രക്ഷപെട്ടു,.. ഇന്ന് സ്ട്രൈക്ക് ആണ്.. കോളേജിൽ നിന്നും നല്ല കിടു ചേട്ടന്മാർ വന്നിട്ടുണ്ട്,.. " അഞ്ജലിക്ക് ദേഷ്യമാണ് വന്നത്,... "ഉത്തരേന്ത്യയിലെ ഏതോ കോളേജിൽ ആരൊക്കെയോ തല്ല് കൂടിയതിന് ഇവരെന്തിനാ ഇവിടെ സ്ട്രൈക്ക് വെക്കണത്,.. " "എന്റെ അഞ്ജലി നീ ഇങ്ങനെ ഒരുമാതിരി ബൂർഷാസ്വികളെ പോലെ സംസാരിക്കരുത്,. എക്സാം മുടങ്ങിയില്ലേ സന്തോഷിക്കൂ മോളേ,.. " അമൃത ബാഗിൽ ബുക്ക്സ് എടുത്തു വെച്ചു,... "നീയെന്താ ഈ ചെയ്യണത് അമൃത,.. " "എന്തേ, ഇപ്പോൾ സ്കൂൾ വിടും,...,, " കുട്ടികൾ എല്ലാം പെറുക്കി ബാഗിലാക്കി, അഞ്ജലി അവിടെ തന്നെ ഇരുന്നതേ ഉള്ളൂ,... "അഞ്ജലി വേഗം അവരിപ്പോൾ എത്തും,. ഹ്യൂമാനിറ്റീസുകാരുടെ ക്ലാസ്സിന്റെ അവിടെ എത്തീട്ടൊ,. " അതിനകം നിർദ്ദേശങ്ങൾ വന്നു,.. "വേഗം എല്ലാരും ബാഗ് ഒക്കെ എടുത്ത് ഇറങ്ങിക്കോ,. ഇന്ന് സ്ട്രൈക്ക് ആണ്,... ക്ലാസ്സ്‌ ഒന്നും നടക്കില്ല,... " അഞ്ജലി ഇറങ്ങാൻ കൂട്ടാക്കിയില്ല,.. "അഞ്ജലി വാ,.. " "ഞാനെങ്ങോട്ടേക്കും ഇല്ല നീയും പോണില്ല,... " "അഞ്ജലി പ്ലീസ്, ഇത് നീ പഠിച്ചത് പോലെ മുബൈയിലെയോ ബാംഗ്ളൂരിലെയോ സ്കൂളല്ല, ഇത് കേരളവാ,. ഇതൊക്കെ പതിവാ,.. " "എന്താ മോളെ അവിടെ ഒരു കുശുകുശുപ്പ്,. ബാക്കി പുറത്തേക്കിറങ്ങി സംസാരിച്ചോ,.. സമയമില്ല ക്ലാസ്സ്‌ അടപ്പിക്കണം ഇനി അടുത്ത സ്കൂളിൽ പോവണ്ടതാ,.. " "ഓഹോ,.. ഞാനിവിടെ പഠിക്കാനാണ് വന്നത്,.. നാലര വരെയാണ് ക്ലാസ്സെങ്കിൽ നാലര വരെ ഞാൻ ഇവിടിരുന്നു പഠിക്കുക തന്നെ ചെയ്യും,.. അതെന്റെ അവകാശമാണ് !" "നീ കൊള്ളാലോ കൊച്ചേ,... അവകാശങ്ങളെക്കുറിച്ചൊക്കെ നന്നായി അറിയാമല്ലോ,.. " അമൃത അവളുടെ കൈകളിൽ പിടിച്ചു,.. "എന്താ ഇവിടൊരു പ്രശ്നം ?" "എന്ത് ചെയ്യാനാ പ്രണവേട്ടാ, ഈ കൊച്ചിന് പഠിക്കാൻ വല്ലാത്ത ത്വര, .. " "ആഹാ കൊള്ളാലോ,. ഒരാൾക്ക് മാത്രമാണോ അതോ രണ്ടാൾക്കും ഉണ്ടോ,.. " അമൃത ഇല്ലെന്ന് തലയാട്ടി,.. "എന്നാ മോള് വേഗം വീട്ടിലേക്ക് പൊക്കോ !" "ചേട്ടാ, അത് അഞ്ജലി,. " "അഞ്ജലിയോ ?" അമൃത അഞ്ജലിയെ നോക്കി,... "ഓ ഇതാണോ അഞ്ജലി,.. ആ കുട്ടിക്ക് പഠിക്കണമെന്നൊക്കെ ഉണ്ട് നിങ്ങളെ പോലൊന്നുമല്ല,... അതോണ്ട് മോളിപ്പോൾ ചെല്ല് ആ കുട്ടി സ്കൂൾ വിടുന്ന സമയം നോക്കി വീട്ടിലെത്തിക്കോളും,.. " അഞ്ജലി ദേഷ്യമടക്കാൻ പാട് പെട്ടു,... അമൃത നിസ്സഹായയായി അഞ്ജലിയെ നോക്കി,... "എന്താ പറഞ്ഞത് കേട്ടില്ലേ ?" അമൃത മനസില്ലാമനസോടെ നടന്നു,.. പ്രണവ് അഞ്ജലിക്കരികിലേക്ക് നടന്നു,... "എന്താരുന്നു പേര്? ... " അവൻ ബുക്ക്‌ തുറന്നു നോക്കി,.... "ആ അഞ്ജലി,.. കുട്ടി പഠിച്ചോളൂ,.. പഠിച്ചു തീരണ വരെ ചേട്ടനിവിടെ ഇരിക്കാം,.. " പ്രണവ് മേശമേൽ കാലും കയറ്റി വെച്ച് കസേരയിൽ ഇരുന്നു,... അഞ്ജലിയെ ഇത് ക്ഷുഭിതയാക്കി എങ്കിലും അവളത് പുറത്ത് കാണിച്ചില്ല,. അവന് മുൻപിൽ തോറ്റു കൊടുക്കാൻ അവളും തയ്യാറായിരുന്നില്ല എന്ന് വേണം പറയാൻ,... "പിന്നെ പഠിച്ചു കഴിഞ്ഞാൽ ചേട്ടൻ ചോദ്യം ചോദിക്കും,.. കറക്റ്റ് ആൻസർ പറഞ്ഞോളണം ഇല്ലെങ്കിൽ,... " "എന്ത് തോന്നിവാസമാണ് നിങ്ങളീ കാണിക്കുന്നത് ? ഇവിടെ കയറി സ്ട്രൈക്ക് നടത്താനും ക്ലാസ്സ്‌ നിർത്തിവെക്കാനും ഒക്കെ ആരാ നിങ്ങൾക്ക് അധികാരം തന്നത് ? ഇത് സ്കൂൾ ആണ് അല്ലാതെ നിങ്ങടെ കോളേജ് അല്ല,... " അഞ്ജലി പൊട്ടിത്തെറിച്ചു,... പ്രണവിന്റെ ക്ഷമ നശിക്കാൻ അത് ഒരു കാരണമായിരുന്നു,. ദേഷ്യത്താൽ അവന്റെ മുഖം ചുവന്നു,... അവൻ കസേരയിൽ നിന്ന് എഴുന്നേറ്റു,... "ആരാ അധികാരം തന്നതെന്ന് നിനക്കറിയണമല്ലേ ? നിന്റപ്പനാടി ! എന്തേ ?" "ഡോ,.. മൈൻഡ് യുവർ വേർഡ്‌സ്,... " പ്രണവ് അവളുടെ കയ്യിൽ പിടിച്ചു,... "ആമ്പിള്ളേരോട് കൈ ചൂണ്ടി സംസാരിക്കുന്നോ ? " അഞ്ജലി വേദനയാൽ പുളഞ്ഞു,.. അവളുടെ മിഴികൾ നിറഞ്ഞു,... അപ്പോഴവൻ പുഞ്ചിരിയോടെ കൈ വിട്ടു,... "എല്ലാരും ഇറങ്ങിക്കോ,.. മോളിവിടെ ഒറ്റയ്ക്കിരുന്നു പഠിച്ചോളും,... " ക്ലാസ്സിൽ ഉണ്ടായിരുന്നവരെല്ലാം പുറത്തിറങ്ങി,. അഞ്ജലിയ്ക്ക് ശ്വാസം നേരെ വീണു,.... അടുത്ത നിമിഷം വാതിലുകൾ കൊട്ടിയടക്കപ്പെട്ടു,. *****----***** അഞ്ജലിയുടെ ഉള്ളൊന്ന് കാളി,.. അവൾ സഡൻ ബ്രേക്ക് ഇട്ടു,. നിയന്ത്രണം വിട്ട തന്റെ കാർ ഒരു ബൈക്കിൽ പോയി ഇടിച്ചിരിക്കുന്നു, അഞ്‌ജലി വണ്ടി നിർത്തി,. ബൈക്ക് മറഞ്ഞിട്ടുണ്ട്,.. ചുറ്റും ആള് കൂടി,.. ആക്രോശങ്ങൾ തുടങ്ങി,... അവളുടെ ഉള്ളിൽ ഒരു ഭയം രൂപപ്പെട്ട് വന്നു,.. തനിക്ക് തെറ്റ് പറ്റിയിരിക്കുന്നു,... "ബാഹർ ആവോ മാഡം,... " അഞ്‌ജലി എന്ത് ചെയ്യണമെന്നറിയാതെ വിയർത്തു... (തുടരും ) അവികയെയും കിഷോറിനെയും ഹൃദയത്തോട് ചേർത്ത എല്ലാവർക്കും നന്ദി,.. ആ സപ്പോർട്ട് അഞ്ജലിക്കും പ്രണവിനും നൽകുമെന്ന് കരുതട്ടെ,... പ്രണയിക്കുന്നവർക്കും പ്രണയനഷ്ടം അനുഭവിക്കുന്നവർക്കും,. ഇനി പ്രണയിക്കാൻ പോകുന്നവർക്കും ധൈര്യമായി വായിക്കാം.. അവികയെ പോലെ അഞ്ജലിയെയും നിങ്ങൾ ഇഷ്ടപ്പെടും ! പ്രണയാഞ്ജലി :2 രണ്ടും കല്പിച്ച് അഞ്‌ജലി പുറത്തിറങ്ങി,... "നിനക്കൊക്കെ എവിടെയാ ശ്രദ്ധ കണ്ണ് തുറന്നു വണ്ടിയോടിച്ചൂടേ,... " പുറകിലിരുന്ന് യാത്ര ചെയ്തവൻ അവളോട്‌ ചൂടായി,. മറ്റേ ആൾക്ക് അൽപ്പം സാരമായ പരിക്കുകൾ ഉണ്ട്‌,.. "ഐ ആം സോറി,... ഞാൻ നിങ്ങളെ ഹോസ്പിറ്റലിൽ എത്തിക്കാം,... " "ആഹാ മലയാളി തന്നെയാണല്ലേ,.. ചുമ്മാതല്ല,.. " അഞ്‌ജലി ഒന്നും മിണ്ടാതെ വണ്ടിയെടുത്തു,.. "ഇനി വേറെ എവിടേലും ഇടിച്ചിടുമോ ??" അവൾ സംയമനം പാലിച്ചു,.. കഴിഞ്ഞ കുറേ വർഷങ്ങളായി ഉണ്ടായി വന്ന മാറ്റങ്ങളിലൊന്നാണ് ഇതും,. അഞ്ജലി മൊത്തത്തിൽ മാറിപ്പോയി,.. പക്ഷേ ഇന്നും മാറ്റം വരാത്തതും മറക്കാനാവാത്തതും ഒന്ന് മാത്രമാണ്,.. പ്രണവ്,... ******** "കതക് തുറക്ക്,.. പ്ലീസ്,.. " അവൾ ഉറക്കെ കരഞ്ഞു,. അത് ഒരു തരിപോലും അവനിൽ അലിവുണ്ടാക്കിയില്ല,.. "സഖാവേ, ഇത് വേണോ ? പണിയാകുമെന്നാ തോന്നണത്,... " "അവൾക്ക് ഇത്തിരി അഹങ്കാരം കൂടുതലാ,.. കുറച്ചു നേരം കഴിയട്ടെ,... എന്നിട്ട് തുറക്കാം " "പ്ലീസ്,... " അഞ്ജലിക്ക് തല കറങ്ങുന്നത് പോലെ തോന്നി,.. കണ്ണിൽ ഇരുട്ട് കയറുന്നു,.. ആകെ മൊത്തം ഒരു അസ്വസ്ഥത,.. അഞ്‌ജലി നിലത്ത് പടിഞ്ഞിരുന്നു,.... പ്രണവ് പുറത്തെ ആൽമരത്തണലിൽ ഇരുന്നു,.. "സഖാവേ,.. കുറേ നേരമായി ഉള്ളിൽ നിന്ന് അനക്കമൊന്നും കേൾക്കുന്നില്ലാട്ടോ,.. എനിക്കെന്തോ,.. " "ഒന്നുമില്ല ആര്യ സഖാവേ,.. പഠിച്ചു പഠിച്ചവൾ ഉറങ്ങിപ്പോയിക്കാണും,... " പ്രണവിന്റെ മുഖത്ത് ഒരു പരിഹാസച്ചിരിയായിരുന്നു,.. " മതി പ്രണവ്,.. പാവം കുട്ടി,.. നമ്മുക്ക് കോളേജിലേക്ക് പോവണ്ടേ,. നാളത്തെ പ്രകടനപരിപാടി സെറ്റ് ചെയ്യേണ്ടതാ !" "അത്ര പാവമൊന്നുമല്ല,.. ആ ഞാൻ പോകുവാ... നിങ്ങൾ വേണേൽ തുറന്നു കൊടുത്തോ,.. " പ്രണവ് അഭിരാമിന് താക്കോൽ എറിഞ്ഞു കൊടുത്തു,... " എന്നാ ശരി, ഞാനിറങ്ങുവാ,.. " അവൻ തിരിഞ്ഞതും ആര്യയുടെ കരച്ചിൽ കേട്ടു,... പരിഭ്രാന്തനായ പ്രണവ് ക്ലാസ്സ്‌ മുറിയിലേക്കോടി കയറി,... നിലത്ത് ബോധമില്ലാതെ കിടക്കുന്ന അഞ്ജലിയെ ആണവൻ കണ്ടത്,.. ഒരു നിമിഷത്തേക്കവൻ പകച്ചു നിന്നു,... "ഞാനപ്പോഴേ പറഞ്ഞതല്ലേ ഇത് പണിയാകുമെന്ന്,.. " അഭിറാം പ്രണവിനെ നോക്കി,... പ്രണവ് അവൾക്കരികിൽ മുട്ടുകുത്തിയിരുന്നു,.. "ബാഗിൽ വെള്ളമുണ്ടോ എന്ന് നോക്കിക്കേ,... സഖാവേ ആ കുട്ടീടെ കൈ നന്നായി തിരുമി കൊടുക്കൂ,... " വെപ്രാളത്തിൽ ആര്യ അവളുടെ കൈ തിരുമി,.. പ്രണവ് വെള്ളമവളുടെ മുഖത്ത് തെളിച്ചു,.. എന്നിട്ടും അഞ്‌ജലി അബോധാവസ്ഥയിൽ തന്നെ നില നിന്നു,.. "പ്രണവ് ഇനി എന്ത് ചെയ്യും,... " പ്രണവ് അവളുടെ കൈ പിടിച്ചു,. അഞ്ജലിയുടെ തലച്ചോറിൽ ഒരു വൈബ്രേഷൻ ഉണ്ടായി,... "പൾസ് ഉണ്ട്‌,.. ആര്യ,.. വേഗം സി. പി. ആർ കൊടുക്ക്,... " "എന്താ ?" ആര്യ ഞെട്ടലിൽ അവനെ നോക്കി,.. "സി. പി. ആർ,.. " "എന്റെ കൈയും കാലും വിറക്കുവാ സഖാവേ, എന്നെക്കൊണ്ട് പറ്റൂല്ല,.. " "താനെന്തൂട്ട് സഖാവാടോ ?" ആര്യ തല കുനിച്ചു,.. പ്രണവ് പ്രതീക്ഷയോടെ അഭിറാമിനെ നോക്കി,.. "എന്റെ പൊന്നളിയാ,.. മൃദുവുമായുള്ള കഴിഞ്ഞ ആഴ്ചയിലെ പിണക്കം ഇന്ന് ഞാൻ ഒരുവിധത്തിൽ ആണ് മാറ്റിയെടുത്തത്,.. നീയെന്നെ നിർബന്ധിക്കരുത്,. എന്റെ ജീവിതപ്രശ്നമാണ് !" "എടാ ഇതൊരാളുടെ ജീവന്റെ പ്രശ്നമാണ്,.. " പ്രണവ് രണ്ടും കല്പിച്ച് ആര്യയുടെ കൈ പിടിച്ചു,. അവളൊന്ന് ഞെട്ടിയത് അവൻ ശ്രദ്ധിച്ചു.. "തെറ്റിദ്ധരിക്കണ്ട,... " അവൻ ആര്യയുടെ കൈകൾക്ക് മുകളിലായി തന്റെ കൈ വെച്ച് അഞ്ജലിയുടെ നെഞ്ചിൽ അമർത്തി,... അവൾക്ക് അനക്കമൊന്നും ഉണ്ടായില്ല,.. അവന് നിരാശ തോന്നി,... "ഡാ,.. മറ്റേത് ട്രൈ ചെയ്യ്,.. " പ്രണവ് മനസിലാവാത്തത് പോലെ അഭിറാമിനെ നോക്കി,... "ലിപ് കിസ്സ്,.. " പ്രണവിന്റെ ഉള്ളിൽ ഒരാളാലുണ്ടായി, . അത് പുറത്ത് കാണിക്കാതിരിക്കാൻ അവൻ പാട് പെട്ടു,... "അത് ലിപ് കിസ്സ് ഒന്നും അല്ല,.. " "അല്ലെങ്കിൽ അല്ല,.. അതുപോലൊന്ന്,.. സമയമില്ല,.. നീ കരണവാ ഈ കൊച്ചിന് ഇങ്ങനൊരവസ്ഥ വന്നത്,.. " അവൻ ആര്യയെ പ്രതീക്ഷയോടെ നോക്കി,. അവൾ മുഖം താഴ്ത്തി,.. പ്രണവ് രണ്ടും കല്പിച്ചു അവൾക്ക് നേരെ മുഖമടുപ്പിച്ചു,.. ചങ്കിടിപ്പ് വല്ലാതെ കൂടി വരുന്നതവനറിഞ്ഞു !! അവന്റെ വിയർപ്പുതുള്ളികൾ ഇറ്റ് അവളുടെ കവിളിൽ വീണു,.. അവന്റെ അധരങ്ങൾ അവളുടെ അധരങ്ങളെ പൊതിഞ്ഞു,... "ലിപ് കിസ്സ് അല്ലെന്ന് പറഞ്ഞിട്ട് ഇവനെന്താ ഈ ചെയ്യണത് ? എടാ കിട്ടിയ അവസരം നീ നന്നായി ഉപയോഗിക്കുവാണല്ലേ,.. " അഭിറാം അർത്ഥം വെച്ച് പറഞ്ഞു ! പ്രണവ് ദേഷ്യം ഉള്ളിൽ അമർത്തി,.. പിന്നെ അവളുടെ വായിലേക്ക് ശക്തമായി ഊതി,.. അഞ്ജലി ഒന്ന് ചുമച്ചു,... അവന് ശ്വാസം നേരെ വീണു,. പ്രണവ് അവളുടെ തല മടിയിലേക്ക് എടുത്തു വെച്ചു,.. കൈ ചൂടാക്കി,.. "ഇപ്പോൾ അവന് ആരുടേയും കൈ പിടിക്കേണ്ട,.. " "അഭി,. നിനക്ക് ഞാൻ പിന്നെ തരാട്ടോ,.. " ആര്യ മുഖത്ത് ഒരിക്കൽ കൂടി വെള്ളം തളിച്ചു,.. അഞ്ജലി പതിയെ കണ്ണുകൾ തുറന്നു,... താനൊരു പുരുഷന്റെ മടിയിലാണ് കിടക്കുന്നതെന്ന് ബോധ്യപ്പെടാൻ അവൾക്കൊരു നിമിഷം സമയമെടുത്തു,... അവൾ പ്രണവിനെ തന്നെ നോക്കി കിടന്നു,... ********* " നിങ്ങളിത് ആരെയും സ്വപ്നം കണ്ടിരിക്കുവാ. ? " അഞ്ജലി ചിന്തകളിൽ നിന്നും ഞെട്ടിയുണർന്നു,. " ഐ ആം സോറി ഞാൻ,.. " "വേണ്ട ഇതേപോലെ നിങ്ങൾ സ്വപ്നം കണ്ട് വണ്ടിയോടിച്ചിട്ടാ ഞങ്ങൾ ഈ അവസ്ഥയിൽ ആയത്,. നോക്ക് മാഡം ഞങ്ങളുടെ ബൈക്കിന്റെ പെയിന്റ് പോയി ,.. കൂടെ ഞങ്ങളുടെ ശരീരത്തിലെ പെയിന്റും അത്യാവിശം നന്നായി പോയിട്ടുണ്ട്,.. സോ കോമ്പൻസേഷൻ കിട്ടിയേ പറ്റു,... " "അത് റെഡിയാക്കാം,.. ഇപ്പോൾ എന്റെ അടുത്ത് ലിക്വിഡ് ക്യാഷ് ആയിട്ട് അധികം പൈസ ഇല്ല,.. " "ചെക്കായാലും മതി,.. " "ഞാൻ കഴിയുന്നത് ചെയ്യാം,.. ഇപ്പോൾ ഇത് പിടിക്ക്, ഒരു 7000 റുപ്പീസ് ഉണ്ട്,. ബാക്കി ഞാൻ എത്തിക്കാം,.. ഞാനെന്നാൽ കൗണ്ടറിൽ ബിൽ അടച്ചിട്ട് വരാം,... " "പേ ടി എം ചെയ്താലും മതി !" അവൾ ആദർശിനെ സൂക്ഷിച്ചു നോക്കി ! "സൗകര്യം പോലെ ചെയ്താൽ മതി "... "എത്ര വേണമെന്ന് വെച്ചാൽ ഞാൻ പിന്നീട് എത്തിച്ചു തരാം,... " "ഈ പോക്ക് ഈ വഴി പോവോ അതോ,.. " "എനിക്കൊരു വാക്കേ ഉള്ളൂ,... " "ചൂടാവല്ലേ മാഡം,.. പേരൊന്നു പറയാമോ ?" "അഞ്ജലി,.. " അവളുടെ മുഖത്തെ ഗൗരവം അപ്പോഴും മാറിയിരുന്നില്ല,... "എനി വേ ഐ ആം ആദർശ്,... " അവൻ കൈ നീട്ടി അഞ്ജലി അനങ്ങാതെ നിന്നതേ ഉള്ളൂ,... അവൻ ജാള്യത മറയ്ക്കാൻ ശ്രമിച്ചു കൊണ്ട്,.. പുഞ്ചിരിച്ചു,.. "അത് ബിബിൻ,.. മാരീഡ് ആണ്,.. ഞാൻ പിന്നെ,... ". "ഞാൻ കമ്മിറ്റഡ് ആണ് എന്തേ ? " അഞ്‌ജലി എടുത്തടിച്ചപോലെ പറഞ്ഞു ആ ശ്രമവും പാളിയതിൽ അവന് തെല്ലൊരു നിരാശ തോന്നി,... "ആ അളിയാ നീയെപ്പോ വന്നു ?" "ഒരു 5 മിനിറ്റ്,.. നിന്റെ തിരക്ക് കഴിയട്ടെ എന്ന് വിചാരിച്ചു,.. " അഞ്ജലിയുടെ കാതുകളിൽ ആ ശബ്ദം അലയടിച്ചു,. അവൾ ഞെട്ടലിൽ തിരിഞ്ഞു,.. മുന്നിൽ പ്രണവ്,... ഇപ്പോൾ അവന്റെ മുഖത്ത് നേരത്തെ കണ്ട ഞെട്ടലില്ല തന്നെ കണ്ടതും പരിചയത്തോടെയുള്ള പുഞ്ചിരിയുമായി അടുത്തേക്ക് വന്നു,... "അഞ്ജലി എന്താ ഇവിടെ ?" കാലങ്ങൾക്ക് ശേഷമാണ് തന്റെ മുന്നിൽ നിന്നിങ്ങനെ സംസാരിക്കുന്നത്,.. നേരത്തെയും കാര്യമായൊന്നും സംസാരിക്കാതിരുന്നതാണ്,. അതൊരുപക്ഷേ ദിവ്യ കൂടെയുണ്ടായിരുന്നതിനാലാവാം ! "അത് എന്റെ വണ്ടിയാ,.. " അവന്റെ മുഖം മങ്ങിയതവൻ ശ്രദ്ധിച്ചു,... "അളിയാ അപ്പോൾ നിങ്ങൾ പരിചയമുണ്ടോ. ?" "മ്മ്,.. ഉണ്ട്‌ " അവന്റെ മുഖം തെളിഞ്ഞു,... "തനിക്ക് ഓഫീസിൽ പോവനെന്തോ തിരക്കുണ്ടെന്ന് പറഞ്ഞതല്ലേ,. പൊക്കോ,. " "ഇല്ല പ്രണവ്,.. ഐ ആം,.. " "ഇവിടെ ഞാനുണ്ടല്ലോ,. എന്തെങ്കിലും ആവശ്യം വന്നാൽ വിളിക്കാൻ നമ്പറും തന്നിട്ടില്ലേ പൊക്കോ,... " അവൾ എന്ത് പറയണമെന്നറിയാതെ നിന്നു,. അവന്റെ വാക്കുകളെ എന്നും അനുസരിക്കാനാണ് ഇഷ്ടം,. അന്നത്തെ സംഭവത്തിന്‌ ശേഷം,.. അഞ്ജലി മനസില്ലാമനസോടെ തിരികെ നടന്നു,.. "നീയവളുടെ കയ്യിൽ നിന്ന് പൈസ വല്ലതും മേടിച്ചോ ?" "അത് പിന്നെ,.. " പ്രണവ് അവന്റെ പോക്കെറ്റിൽ നോട്ടുകൾ കണ്ടു,.. അവന്റെ സമ്മതം ചോദിക്കാതെ തന്നെ അവൻ ആ പൈസ എടുത്ത് അഞ്ജലിയുടെ പുറകെ നടന്നു,.. "അഞ്ജലി,... " അവളുടെ ഉള്ള് തുടിച്ചു,... "ദാ ഇത് വേണ്ട,. കയ്യിൽ വെച്ചോ,.. " അവൾക്ക് നിരാശ തോന്നി,... "അത് കുഴപ്പമില്ല,.. " "നീ വെച്ചോ,.. ഇവിടെ അത്ര ബില്ലൊന്നും ആവില്ല,.. " അവൻ കാലങ്ങൾക്ക് ശേഷം അവളുടെ കൈ പിടിച്ചു,.. അഞ്ജലിയുടെ ശരീരമാകെ കോരിത്തരിച്ചു,.. അവൻ പണം അവളുടെ ഉള്ളം കയ്യിൽ വെച്ചു,.. അവളുടെ മനസ്സവന് വായിക്കാൻ കഴിഞ്ഞു,.. അവൻ പെട്ടെന്ന് കൈ വലിച്ചു,.. "ചെല്ല്,.. " അവൾക്ക് ദുഃഖമടക്കാൻ കഴിഞ്ഞില്ല,.. "ടേക്ക് കെയർ,.. സൂക്ഷിച്ചു പോണം,.. " അവൾ അവനെത്തന്നെ നോക്കി നിന്നു പ്രണവ് അവളുടെ മുഖം കൂടുതൽ കണ്ടു നിൽക്കാനാവാതെ തിരിച്ചു നടന്നു,.. "നീയെന്തിനാ പൈസ തിരിച്ചു കൊടുത്തത്,?.. " "അത്,... " "എന്തായാലും സാരമില്ല,.. നിങ്ങൾ പരിചയക്കാരായ സ്ഥിതിക്ക്,. കൂടുതൽ ഡീറ്റെയ്ൽ ആയി എനിക്കും പരിചയപ്പെടാനുള്ളതാണല്ലോ,.. " പ്രണവിന് അരിശം ഇരച്ചു കയറി,.. "ദേ ആദർശേ,. നിന്റെ കോഴിത്തരം നീ അവളോട്‌ കാണിക്കാൻ നിക്കണ്ട,. പിന്നെ ഞാൻ പൈസ തിരിച്ചു കൊടുത്തത്,.. അതിനു വേറെ കാരണമുണ്ട്,.. " "എന്താണാവോ ആ കാരണം ?" "ഈ ആക്‌സിഡന്റ് ഞാൻ കാരണം ഉണ്ടായതാണ്,. അത് തന്നെ കാരണം,.. " പ്രണവ് റൂമിനുള്ളിലേക്ക് നടന്നു,.. ആദർശ് അന്തം വിട്ട് നിന്നു,. (തുടരും,) പ്രണയാഞ്ജലി :3 "എടാ പറയാൻ,.. " പ്രണവിന് അരിശം കേറി,.. "നിനക്കിപ്പോ എന്താ അറിയേണ്ടത് ?" "നീ കാരണം ഉണ്ടായതെന്ന് പറഞ്ഞില്ലേ അതിന്റെ കാരണം !" പ്രണവിന്റെ മുഖത്ത് നഷ്ടബോധം ഉണ്ടായിരുന്നു,.. ********** ഇരുവരെയും നന്നായി വിയർത്തിരുന്നു,.. അവളുടെ നോട്ടം ഫേസ് ചെയ്യാനാകാതെ,. അവൻ മുഖം താഴ്ത്തി,... "ആർ യൂ ഓക്കേ അഞ്ജലി ?" ആര്യ ചോദിച്ചു അവന്റെ മുഖത്ത് നിന്ന് കണ്ണെടുക്കാതെ അവൾ തലയാട്ടി,.. അവനെ അത് കൂടുതൽ പരവശനാക്കി, . "ഒന്ന് പിടിച്ചേ!" സഹായത്തിനായി ആര്യ പ്രണവിനെ നോക്കി, അവൻ അനങ്ങിയില്ല,.. "എന്തോന്നാ സഖാവേ നോക്കി നിൽക്കണത്,.. പിടിക്കാൻ ?" അവൻ അനങ്ങാതെ നിന്നതേ ഉള്ളൂ,. അഭിറാം സഹായിച്ചു.. അഞ്‌ജലി ഒരു വിധം നേരെ നിന്നു,.. അവൾ ഒന്ന് വേച്ചു,.. പ്രണവിന്റെ കൈകൾ അവളെ താങ്ങി,. അവന്റെ നെഞ്ചിടിപ്പിന്റെ ആഴം അവൾക്കറിയാൻ കഴിഞ്ഞു,.. "ഈ കുട്ടീനെ വീട്ടിൽ കൊണ്ടാക്കണ്ടേ ?" "ആ അഭി,.. ഈ അവസ്ഥയിൽ തനിച്ചു വിടണ്ട,... " "എന്നെ ഈ ചേട്ടൻ കൊണ്ടോയാൽ മതി,.. " പ്രണവ് ഞെട്ടിപ്പോയി,... കൂടെയുണ്ടായിരുന്നവരും,.. അവളുടെ മുഖത്ത് ഗൗരവം,.. "ഹേയ് അതൊന്നും പറ്റൂല്ല,.. എനിക്ക് കുറേ തിരക്കുള്ളതാ " "നിങ്ങളല്ലേ എന്നെ പൂട്ടിയിട്ടത്,.. അപ്പോൾ വീട് വരെ എത്തിക്കാനുള്ള ഉത്തരവാദിത്തം നിങ്ങൾക്കാ,.. " അവൻ മറ്റു വഴിയില്ലാതെ സമ്മതിച്ചു,.. "അഭി, നീ വണ്ടി, പാർട്ടി ഓഫീസിൽ വെച്ചേക്ക്,.. " "അതെന്താ,. ?" "നമ്മൾ ഓട്ടോയ്ക്കാ പോവണത് !" "അതൊന്നും പറഞ്ഞാൽ പറ്റില്ല,. എനിക്ക് ചേട്ടന്റെ കൂടെ ബുള്ളറ്റിൽ വന്നാൽ മതി,... " "അതെന്റെ ബുള്ളറ്റ് ഒന്നും അല്ല,. ദേ ഇവന്റെയാ ഇവൻ കൊണ്ട് വിടും,.. !" അഭിറാം പ്രണവിനെ നോക്കി കണ്ണുരുട്ടി ! ആര്യ ചിരിയടക്കി,. അഞ്‌ജലി ഗൗരവത്തിൽ തന്നെയാണ് !. "എന്നെ ചേട്ടൻ തന്നെ കൊണ്ട് വിട്ടാൽ മതി,. അല്ലാതെ ഞാനിവിടെന്ന് പോവുകയും ഇല്ല,. ചേട്ടനെ ഇട്ട് വിടുകയും ഇല്ല,... "ഇത് വല്ലാത്ത ശല്യമായല്ലോ,.. വാ കേറാൻ !" മറ്റു വഴിയില്ലാതെ അവൻ ബുള്ളറ്റ് സ്റ്റാർട്ട്‌ ചെയ്തു,.. അഞ്ജലി അഭിറാമിനെ സൈറ്റ് അടിച്ചു കാണിച്ചു... "അപ്പോൾ ഇവിടെ നടന്നതെല്ലാം ആ കൊച്ചിന്റെ ഡ്രാമ ആയിരുന്നോ ?" ആര്യ കൈ മലർത്തി,.. ***** അവൾ അടുത്തിരിക്കുംതോറും അവൻ അകലം പാലിച്ചു,.. "എനിക്ക് ചൊറിയും ചിരങ്ങുമൊന്നും ഇല്ല ഇങ്ങനെ അകന്നിരിക്കാൻ,.. " അഞ്ജലി രണ്ടും കല്പിച്ചവന്റെ തോളിൽ കൈ വെച്ചു,... "താനെന്താ ഈ ചെയ്യണത് ?" "എന്തേ ? എന്തായാലും നിങ്ങൾ ചെയ്തത്രേം ഇല്ലല്ലോ,.. " "അതൊരു മിസ്റ്റേക്ക് പറ്റി സോറി,. ക്ഷമിച്ചേക്ക് " "അതല്ല, . " "പിന്നെ ?" അവളവന്റെ ഉടലിൽ ചുറ്റി പിടിച്ചു,.. വണ്ടിയൊന്ന് പാളി,.... "എന്നെ കിസ്സ് ചെയ്തില്ലേ ??" അവൻ വണ്ടി നിർത്തി,.. "മോളിറങ്ങി നടന്നു പൊക്കോ,. എനിക്ക് വയ്യ,.. " "അതെന്താ വയ്യാത്തെ ? എന്നെ മര്യാദക്ക് വീട്ടിൽ കൊണ്ടുപോയി ആക്കിക്കോ,.." "നിന്നെക്കൊണ്ട് വലിയ ശല്ല്യം ആയല്ലോ,.. " "ആവണമല്ലോ, നിങ്ങളോട് ഞാൻ പറഞ്ഞോ എന്നെ പൂട്ടിയിടാൻ,.. " "എനിക്ക് ഏതു നേരത്താണോ ഈ വയ്യാവേലി വലിച്ചു തലയിൽ കേറ്റാൻ തോന്നിയത്?" മഴതുള്ളി അവളുടെ നെറ്റിത്തടങ്ങളെ പുൽകി,... "അയ്യോ മഴ,... " അവൾ ഓടി പള്ളിയുടെ അടുത്തേക്ക് ഓടി,.. മഴ ശക്തമാവുകയാണ്,... "നിങ്ങൾ സഖാക്കൾ പള്ളിയിൽ കേറൂല്ലേ ? നല്ല മഴയാട്ടോ,.. " അവൾ വിളിച്ചു ചോദിച്ചു,.. മറ്റു ഗത്യന്തരമില്ലാതെ അവനും കയറി ! " നല്ല മഴ,.. " അഞ്ജലിയുടെ കൈകളിൽ തട്ടി മഴത്തുള്ളികൾ അവന്റെ മുഖത്ത് തെറിച്ചു,.. അവൻ ദേഷ്യമടക്കാൻ ശ്രമിച്ചു... അഞ്ജലി അവന്റെ അടുത്തേക്ക് നീങ്ങി നിന്നതും അവൻ തടഞ്ഞു,.. " ചിലരെ കൊണ്ട് എവടെ ഇറങ്ങിയാലും ഇതാണ് അവസ്ഥ,... " "എന്നെയുദ്ദേശിച്ചാവും ?" "അയ്യോ മാഡത്തെ ഞാൻ ഉദ്ദേശിച്ചേ ഇല്ലേ ?" അവൾ ഉറക്കെ ചിരിച്ചു,... "നിന്നെയൊക്കെ എങ്ങനാടി വീട്ടുകാർ സഹിക്കണത്,... ഇതിനെയൊക്കെ കെട്ടുന്നവന്റെ അവസ്ഥ " "മാഷെന്നെ കെട്ടുന്നോ ??" അവൻ ഞെട്ടലിൽ അവളെ നോക്കി,. മുഖത്തൊരു ഭാവ വ്യത്യാസവും ഇല്ല,... "എന്റെ പൊന്നോ അത്രയും കപ്പാസിറ്റി ഒന്നും എനിക്കില്ലായെ,.. " "ഞാൻ സീരിയസ് ആയിട്ട് ചോദിച്ചതാ,.. സഖാവിനെ എനിക്ക് ഭയങ്കര ഇഷ്ടായി,... " "നോക്ക് മോളെ എനിക്ക് നിന്റെ കൂടെ തമാശ കളിക്കാൻ ഒട്ടും സമയമില്ല,... ഇതെല്ലാം നിന്റെ പ്രായത്തിന്റെ ഓരോ തോന്നലാ,.. പിന്നെ ഓർത്ത് ചിരിക്കാൻ വേണ്ടി മാത്രമുള്ളത്,... " അവന്റെ ഉള്ളിൽ ഒരു വിങ്ങലുണ്ടായത് അവളറിഞ്ഞു,... "പ്രായത്തിന്റെ കുഴപ്പമല്ലന്ന് ബോധ്യപ്പെടുത്താൻ ഞാനെന്തു ചെയ്യണം പറയ്,.. " "തൽക്കാലം ഒന്നും ചെയ്യാനില്ല,.. കുറച്ചു നേരം ഒന്ന് മിണ്ടാതിരുന്നാൽ മതി, .... " "ഞാൻ മിണ്ടുന്നതപ്പോൾ ശല്യമാണല്ലേ ?" "അതേ,. ശല്യമാണ്,.. " "എങ്കിൽ നിങ്ങളെന്നെ കൊണ്ട് വിടണ്ട ഞാനൊറ്റയ്ക്ക് പൊക്കോളാം,.. " "ഈ മഴയത്തോ ?" "ഞാൻ മഴ നനഞ്ഞാൽ നിങ്ങക്കെന്താ കുഴപ്പം ? " "എനിക്കെന്താടി കുഴപ്പം,. നീ പനിയും പിടിച്ചു രണ്ടു മൂന്ന് ദിവസം വീട്ടിൽ കിടക്കും അത്ര തന്നെ,... " "ദേ എടി പോടീ എന്നൊന്നും വിളിക്കണ്ട !" "അതെന്താ വിളിച്ചാൽ ?" "ഞാൻ നിങ്ങടെ ആരും അല്ലാത്ത സ്ഥിതിക്ക് അങ്ങനെ വിളിക്കുന്നത് എനിക്കിഷ്ടമല്ല !" "ഓ,. അങ്ങനാണോ,.. ഭവതി ക്ഷമിച്ചാലും !" "ഈ മഴ ഒന്ന് കുറയുന്നില്ലാലോ ദൈവമേ ?" "ഡീ,.. സോറി മാഡം,.. ഇവിടേക്ക് കയറി നിൽക്ക് വെറുതെ ഊത്തലടിക്കണ്ട,.. " "ഞാൻ എനിക്കിഷ്ടമുള്ളത് പോലെ നിൽക്കും,.... നിങ്ങൾക്കെന്താ?" അവനവളുടെ കയ്യിൽ പിടിച്ചു തന്നിലേക്ക് വലിച്ചടുപ്പിച്ചു,... "ഇതിന് ഞാനെന്താ അർത്ഥമാക്കേണ്ടത്,.. " "തൽക്കാലം നീ അർത്ഥമൊന്നും ഇടണ്ട,.. ഓക്കേ,... " അവളുടെ മുഖം മങ്ങി,... മഴ മാറിയതും അവൾ ഇറങ്ങി നടന്നു,.. "ഡോ,.. നിൽക്കാൻ,.. " "വീട് ഇവിടടുത്താ ഞാൻ പൊക്കോളാം !" "നിക്ക് ഞാനും കൂടെ വരാം, എന്തായാലും കൊണ്ടാക്കാമെന്ന് പറഞ്ഞുപോയില്ലേ ?" നടക്കുമ്പോൾ അവൾ നിശ്ശബ്ദയായിരുന്നു,. അവനും കൂടുതലൊന്നും ചോദിച്ചില്ല,.. എത്രയൊക്കെ മുരടത്തരം പുറത്ത് കാണിച്ചാലും ഈ കാന്താരിയുടെ മുന്നിൽ തന്റെ മനസ്സ് വല്ലാതെ ദുർബലപ്പെടുന്നുണ്ട്,... പ്രതീക്ഷിക്കാതെയുള്ള അവളുടെ ചുംബനമാണ് അവനെ ചിന്തകളിൽ നിന്നും ഉണർത്തിയത്,... "നീയെന്താ ഈ കാണിച്ചത് !" പതർച്ച മറച്ചു അവൻ ദേഷ്യപ്പെടാൻ ഒരു ശ്രമം നടത്തി,... "സഖാവ് ആരെയും സ്വപ്നം കണ്ടാ നടക്കണത്,.. എന്റെ വീടെത്തി,.. " "ഇങ്ങനാ വീടെത്തി എന്ന് പറയണത്,.. " "സഖാവ് സ്പെഷ്യൽ അല്ലേ ?? എല്ലാരേം പോലെ അല്ലല്ലോ !" "എടി, പെൺപിള്ളേരായാൽ ഇത്തിരി അടക്കവും ഒതുക്കവും ഒക്കെ വേണം,.. അല്ലാതെ,.. " "ആ എനിക്കിത്തിരി അടക്കവും ഒതുക്കവും ഒക്കെ കുറവാ,.. എന്തേ,.. എനിക്ക് തന്നതെ ഞാൻ തിരിച്ചു തന്നിട്ടുള്ളൂ,... " "എന്ത് തന്നതാ?... " "കിസ്സ്,.. " "അത് സി. പി. ആർ,.. അല്ലാതെ കിസ്സ് ഒന്നും അല്ല,.. " "ഓ,.. പിന്നെ സഖാവെന്തിനാ വിയർത്തത് ? ഒരു മെഡിക്കൽ എയ്ഡ് തന്നപ്പോഴേക്കും വിയർത്തു കുളിച്ചു, തൊണ്ടയിലെ വെള്ളം വറ്റി,.. ആകെ വിറച്ചു !" അവൾ വിടാനുള്ള ഭാവമില്ലെന്ന് അവന് ഉറപ്പായി,.. "ആദ്യായിട്ടാ ഒരു പെൺകുട്ടിക്ക്,.. " "അത്രേ,. ഉള്ളൂ,.. ആദ്യായിട്ടാ ഒരന്യ പുരുഷൻ എന്നെ തൊടുന്നത് പോലും,. അത് കൊണ്ട് എനിക്ക് ചേട്ടൻ സ്പെഷ്യൽ ആയപോലെ ഞാനും ചേട്ടന് സ്പെഷ്യൽ ആണ് ! അപ്പോൾ നല്ലപോലെ ആലോചിച്ചൊരു തീരുമാനം പറഞ്ഞാൽ മതി.... ഇത്രയും ഖട്ട്സ് ഉള്ള ഒരു പെണ്ണിനെ താൻ വേറെ കണ്ടിട്ടില്ല... ഒരു കൂസലും ഇല്ലാതെയാണവൾ തന്നോട് തോന്നിയ വികാരമെന്തെന്ന് മുഖത്ത് നോക്കി പറഞ്ഞത്,.. "വീട്ടിൽ കേറുന്നോ ?" "ഇല്ല,.. " പെട്ടന്നായിരുന്നു അവന്റെ മറുപടി,.. "ഇറ്റ്സ് ഓക്കേ,.. അപ്പോൾ ബൈ, ഐ ലവ് യൂ,.. !" പിന്നീട് സ്കൂൾ വിട്ട് പോകുമ്പോൾ എന്നെ കാത്തു നിൽക്കുക എന്നത് അവളുടെ പതിവായി,.... സാധരണ ആൺകുട്ടികളിൽ ആണ് അങ്ങനൊരു സ്വഭാവം കണ്ടു വരിക,.. ഇതിപ്പോ,.. അങ്ങനെ പാർട്ടിയുടെ ഏരിയ സമ്മേളനത്തിൽ പ്രസംഗിച്ചു കൊണ്ട് നിൽക്കുമ്പോഴായിരുന്നു അവളുടെ വരവ്,.. ആൾക്കൂട്ടത്തിൽ നിന്നുമവൾ കൈ ഉയർത്തി കാണിച്ചു,.. അതോടെ തന്റെ കിളി പോയി,.. "ദൈവമേ ആ കുരിശ് ഇവിടെയും വന്നോ ?"ദാ അവിടെന്നും ഫ്‌ളൈയിങ് കിസ്സ്,.. ആരും ഇതൊന്നും കാണല്ലേ എന്നവൻ ഉള്ളിൽ പ്രാർത്ഥിച്ചു,.. ഒരുവിധം പ്രസംഗം പൂർത്തിയാക്കി ഇറങ്ങി,.. "വാ,.. സഖാവ് ഇറങ്ങി... " അഞ്ജലി അമൃതയുടെ കൈ പിടിച്ചു,... "എടി,. വേണ്ടാട്ടോ,.. ഇപ്പോൾതന്നെ ഓവറാ,.. അന്ന് അടച്ചിട്ടതിന്റെ വാശിക്കുള്ളത് മൊത്തം ആയിട്ടുണ്ട്,... " അഞ്ജലി അത്ഭുതത്തോടെ അമൃതയെ നോക്കി,.. "നിന്നോടാരാ പറഞ്ഞത് വാശി ആണെന്ന്?" "അഞ്ജു ആർ യൂ സീരിയസ് ?" "യെസ്,.. ഐ ഫെൽ ഇൻ ലവ് വിത്ത്‌ ഹിം !" അമൃതയുടെ വായടഞ്ഞുപോയി,.. പിന്നെ അഞ്ജലിക്കൊപ്പം നടന്നു അവന്റെ കണ്ണുകൾ അഞ്ജലിയെ തിരഞ്ഞു,. "എന്തോന്നാ സഖാവേ എവിടെയാ ശ്രദ്ധ ?" മധു ഗൗരവത്തിൽ ആയിരുന്നു,. "അത് സഖാവേ ഞാൻ, .. " പ്രണവിന്റെ മുഖത്ത് പരിഭ്രമം ! മധു അഞ്ജലിയെ കണ്ടു,. "മനസിലായി,... ശ്രദ്ധ എവിടെയെന്നൊക്കെ,.. പ്രസംഗിക്കുമ്പോൾ വാക്കുകളുടെ അക്ഷരപ്പുഴ ഒഴുക്കാറുള്ള നീ ഇന്ന് പലയിടത്തും തട്ടിത്തടഞ്ഞാണ് നിന്നത് ,. പാർട്ടി സമ്മേളനമാണ് വരുന്നത്,. യൂത്ത് വിങ്ങിൽ ഞാൻ നിന്റെ പേരാണ് നിർദേശിച്ചിരിക്കുന്നത്,.. പ്രണയമൊന്നും ഒന്നും തരില്ല സഖാവേ,. വർക്ക്‌ ചെയ്യണം " "എന്റെ പൊന്ന് സഖാവേ, എനിക്കാ കൊച്ചിനോട് പ്രേമമൊന്നും ഇല്ല, ചെറിയൊരബദ്ധം പറ്റി പോയി,.. ഇന്നത്തോടെ അവസാനിപ്പിക്കുന്നുണ്ട്,. അവളുടെ സൂക്കേട്,... " അവൻ മുണ്ടും മടക്കി കുത്തി,.. അരികിലേക്ക് വന്നു,... "ഡി,.. ചേട്ടൻ നല്ല കലിപ്പിലാണല്ലോ, പണിയാകുമെന്നാ തോന്നണത്,.. " "എനിക്കാ കലിപ്പൻ ചേട്ടനെയാണ് ഇഷ്ടം,.. ആ വരവ് കണ്ടില്ലേ എന്നാ ഒരു ഗ്ലാമർ ആണ്, .. " "നിനക്കൊക്കെ സ്കൂൾ വിട്ടാൽ വീട്ടിൽ പൊക്കൂടെ, ആരെ വായിനോക്കി നടക്കുവാ ഇവിടെ?" "അങ്ങനെ എല്ലാരേം ഒന്നും വായി നോക്കൂല്ല,.. ഞാൻ ചോയ്ച്ച കാര്യത്തിന് സഖാവൊരു മറുപടി തന്നില്ല,... " അവൻ അഞ്ജലിയെ നോക്കി,.. പിന്നെ അമൃതയെയും,.... "ഒരു മിനുട്ട്,.. കുട്ടി ഒന്ന് ഇവിടെ നിൽക്ക്,. ഞാനിവൾക്ക് മറുപടി കൊടുത്തിട്ട് പറഞ്ഞു വിടാവേ,... " അവൻ അവളുടെ കൈ പിടിച്ചു,... ഒരു ടിപ്പറിന്റെ മറവിലേക്ക് തള്ളി,... "എനിക്കറിയാൻ പാടില്ലാത്തോണ്ട് ചോദിക്കുവാ ? എന്താ നിന്റെ പ്രശ്നം ?" "സഖാവ്,.. " അവൻ ദേഷ്യം കടിച്ചമർത്തി,... "എനിക്ക് പ്രേമിക്കാനൊന്നും സമയമില്ല,.. എന്റെ പ്രണയം,.. അത് ചുവപ്പിനോടാ " "ആഹാ,. എനിക്കും റെഡ് കളർ ഭയങ്കര ഇഷ്ടവാ,.. പ്രണയത്തിന്റെ നിറം തന്നെ ചുവപ്പല്ലേ ?" "എനിക്ക് സമയമില്ല,. നിന്റെ വട്ടിനൊത്ത് തുള്ളാൻ,.. " അവൻ പോയതും അവളവന്റെ കൈ പിടിച്ചു,... "എന്താണ്,... " "എന്നെ ഇഷ്ടാണോ അല്ലയോ എന്ന് മാത്രം പറഞ്ഞാൽ മതി,... " "അല്ല,. സമാധാനമായോ ?" അവനവളുടെ കൈ വിടീച്ചു,.. അവളുടെ മിഴികൾ നിറഞ്ഞൊഴുകി,.. "ഞാൻ സീരിയസ് ആയിട്ടാ പറഞ്ഞത്,.. " "ഞാനും,.. " അവൻ തിരിഞ്ഞു നടന്നു,.. അവളവന്റെ കൈ പിടിച്ചു,.. പിന്നെ അവനോട് ചേർന്നു നിന്നു "ഇത് വല്ലാത്തൊരു ശല്യമായല്ലോ !" അവൻ തിരിഞ്ഞതും പുറകിൽ നിന്നവൻ അവന് നേരെ കത്തി വീശി,... അപ്രതീക്ഷിതമായിരുന്നു അയാളുടെ നീക്കമെങ്കിലും,.. അവൻ ഒഴിഞ്ഞു മാറി,.. കത്തിമുന അവന്റെ ചുമലിൽ ചെറുതായി പോറലുണ്ടാക്കി,.. ആളുകൾ ഓടിക്കൂടാൻ തുടങ്ങിയതും,.. അയാൾ ഉദ്യമം പാതി വഴിയിലുപേക്ഷിച്ചു സ്ഥലം വിട്ടു,.. കൈകളിൽ ഒരു നനവ്,. ഒരു പൂ കൊഴിയും പോലെ അവളവന്റെ മേത്തേക്ക് വീണു,.. അഞ്ജലിയുടെ ബോധം മറഞ്ഞിരിക്കുന്നു,.. അവന്റെ കൈകളിൽ അവളുടെ രക്തം പടർന്നിരുന്നു,. ഒരു നിമിഷത്തേക്ക് പ്രണവ് അന്ധാളിച്ചു പോയി,.. "അഞ്‌ജലി,... " അവൻ ഉറക്കെ വിളിച്ചു,.. അവൾക്ക് അനക്കമില്ല,.. "പ്രണവ് ആരാ അത്???" മധു അവനരികിലെത്തി ! "മധുവേട്ടാ എന്റെ അഞ്ജലി !" അവനവളെ കൈകളിൽ കോരിയെടുത്തു,... (തുടരും ) പ്രണയാഞ്ജലി 4 അഞ്ജലി അന്ന് പതിവിലും ഉന്മേഷഭരിതയായിരുന്നു,. ഇനി ഒരിക്കലും പ്രണവിനെ കാണാനാകുമെന്ന് കരുതിയതല്ല,.. വീണ്ടും ഒരിക്കൽ കൂടെ അവനരികിലേക്ക്... അഞ്ജലി ഹോസ്പിറ്റലിലേക്ക് നടന്നു,.. പക്ഷേ അവളുടെ എല്ലാ പ്രതീക്ഷകളും തെറ്റിച്ചുകൊണ്ട്,. പുതിയ ആളുകൾ റൂം കയ്യേറിയിരുന്നു,.. ഡിസ്ചാർജ് ആയിപ്പോയിട്ട് പ്രണവ് ഒന്ന് വിളിക്കുക കൂടെ ചെയ്തില്ല,.. അവന്റെ നമ്പർ എങ്കിലും വാങ്ങേണ്ടതായിരുന്നു ! "അഞ്ജലി ?" "യെസ്,.. " "വോ യേ ആപ്കോ ദേനേ കേലിയെ കഹാ !" അതൊരു കവർ ആയിരുന്നു,.. "താങ്ക് യൂ !" അഞ്ജലി അത് സിസ്റ്ററുടെ കയ്യിൽ നിന്നും വാങ്ങിച്ചു ഒരുപക്ഷേ പ്രണവ് ഏൽപ്പിച്ചതാകും ! അഞ്ജലി അക്ഷമയോടെ കവർ പൊട്ടിച്ചു,.. അതിൽ കുറച്ചു കാഷ് ഉണ്ടായിരുന്നു താൻ ഹോസ്പിറ്റലിൽ അടച്ച പണം അവൻ അത്രയും തിരിച്ചു വെച്ചിരിക്കുന്നു ! അവളുടെ ഉള്ളിൽ ഒരു വിങ്ങൽ ഉണ്ടായി,.. എന്നും അവൻ തന്നെ അന്യ ആയിട്ടേ കണ്ടിട്ടുള്ളു,.. ഇപ്പോഴും ! അഞ്ജലിയുടെ മിഴികൾ നിറഞ്ഞു,.. ലെറ്റർ വായിക്കാനേ തോന്നിയില്ല,.. എങ്കിലും അവൾ അത് പതിയെ തുറന്നു ! "ഡിയർ അഞ്ജലി,... നിന്നോട് എങ്ങനെ ക്ഷമ ചോദിക്കണമെന്നെനിക്കറിയില്ല എന്നും നിന്നെ വേദനിപ്പിച്ചിട്ടേ ഉള്ളൂ,.. എനിക്ക് വേണ്ടി ജീവൻ പോലും കളയാൻ തയ്യാറായ നിന്നെ വിട്ടുകളഞ്ഞത് എന്തിനെന്ന ചോദ്യം നിന്റെ ഉള്ളിൽ ഇപ്പോഴും ഉണ്ടെന്നെനിക്കറിയാം,.. നിന്നെ മനസിലാവാഞ്ഞത് കൊണ്ടായിരുന്നില്ല അത്,. എനിക്കപ്പോൾ അതല്ലാതെ മറ്റു വഴിയില്ലായിരുന്നു " അഞ്ജലിയുടെ മിഴികളിൽ പരിഭ്രമം ഉണ്ടായിരുന്നു,.. ******** "എനിക്കറിയണം മധുവേട്ടാ ആരാ ഇതിന് പിന്നിൽ ?" അയാൾ ഒരു നിമിഷം നിശ്ശബ്ദനായി നിന്നു,.. പിന്നെ ഒന്നാലോചിച്ച ശേഷം പറഞ്ഞു,... "അവനുള്ള പണി നമ്മുടെ പാർട്ടി കൊടുത്തോളും,.. " "അവനാരാണെന്നാ ചോദിച്ചത് ? " "അത് ഞാൻ പറയണോ പ്രണവ്,.. നിനക്കറിഞ്ഞൂടെ ?" "പക്ഷേ എന്തിനാ അയാൾ അഞ്ജലിയെ ?" "അഞ്ജലിയെ അല്ല നിന്നെയാണവർ ലക്ഷ്യം വെച്ചത്,.. ആ കുട്ടി അതിൽ ഇരയായി പോയെന്ന് മാത്രം,.. " അവന് ദുഃഖം അടക്കാനായില്ല... "എനിക്കെല്ലാം മടുത്തു സഖാവേ,.. ഇനി എനിക്ക് കഴിയില്ല ഒന്നിനും. എനിക്കൊരു സ്ഥാനവും വേണ്ട,.. മടുത്തു എല്ലാം !" "പതിയെ പറ പ്രണവ്,.. വേറെ ആരും കേൾക്കണ്ട,.. അഥവാ കേട്ടാൽ മറ്റാരും നിന്നെ ബാക്കി വെച്ചൂന്ന് വരില്ല,.. ഒരു രക്തസാക്ഷിയെ സൃഷ്ടിക്കാൻ പാർട്ടിക്ക് അധികം ബുദ്ധിമുട്ടൊന്നും കാണില്ല,... " അവന് ഉത്തരമുണ്ടായില്ല.. ഇന്ന് തന്നെക്കൊല്ലാൻ നോക്കിയത് വേറെ പാർട്ടിക്കാരാണെങ്കിലും നാളെ സ്വന്തം പാർട്ടിയും അതിന് മടി കാണിക്കില്ലെന്നാണ് പറഞ്ഞത്,... താൻ കാരണം... ഇതൊക്കെ തന്നെയാണ് അവളെ അകറ്റി നിർത്തിയത്,.. അല്ലാതെ ഇഷ്ടമില്ലാഞ്ഞിട്ടല്ല,. നാളെ താൻ അവൾക്കൊരു വേദനായകരുതെന്ന് തോന്നി,.. പക്ഷേ ഇന്നവളുടെ സ്നേഹം നിഷേധിക്കാൻ തനിക്ക് അധികാരം ഇല്ല,.. അത്രയേറെ സ്നേഹം കൊണ്ടവൾ തന്നെ തോൽപിച്ചു കളഞ്ഞു,.. "എനിക്കെന്റെ അഞ്ജലിയെ കാണണം!" "പ്രണവ് അവൾക്ക് ബോധം തെളിഞ്ഞിട്ടില്ല,.. പിന്നെ നിന്റെ ഈ അവസ്ഥ വെച്ച് എങ്ങനെ അവളെ കാണാനാണ് ? വേണ്ട " "എനിക്ക് കണ്ടേ പറ്റുള്ളൂ !" അവന്റെ മുറിവുകളിൽ നിന്നും ചോര പൊടിഞ്ഞു എങ്കിലും അവൻ എഴുന്നേറ്റു,.. എല്ലാവരും അവന് വഴി മാറിക്കൊടുത്തു ! അവൻ ഐ സി യൂ വിന്റെ വാതിൽ തുറന്ന് അകത്തു കയറി ! ജീവന് വേണ്ടി പോരടിക്കുന്ന അഞ്ജലി ആ കാഴ്ച്ച അവനെ വല്ലാതെ, ഉലച്ചു,. തനിക്ക് ഏൽക്കേണ്ട മുറിവാണ് അവൾ ഏറ്റുവാങ്ങിയിരിക്കുന്നത്,.. അതുകൊണ്ടാവാം ആ വേദന താനും അനുഭവിക്കുന്നത്,.. "എന്റെ ജീവനാ നീ,.. നിനക്കെന്തെങ്കിലും സംഭവിച്ചിട്ട് ഞാൻ പിന്നെ ജീവിച്ചിരിക്കുന്നുവെന്നതിൽ എന്താണ് അർത്ഥമുള്ളത്, ഐ ആം വെരി സോറി,.. നിന്നിൽ നിന്നും ഞാൻ അകന്ന് നിന്നതും ഇതൊക്കെ കൊണ്ടാണ്,. പക്ഷേ എനിക്കിപ്പോ ഒന്നും നിന്റത്രേം വലുതല്ല ഒന്നും,.. നീ തിരിച്ചു വരണം,.. ജീവിതാവസാനം വരെ പ്രണയിക്കണം,.. എനിക്ക് നിന്നെ വേണം അഞ്‌ജലി !" അവനവളുടെ നെറുകയിൽ ചുംബിച്ചു,.. അഞ്ജലിയിൽ ഒരു വൈബ്രേഷൻ ഉണ്ടായി, പ്രണവ് സ്വയം മറന്നു പൊട്ടിക്കരഞ്ഞു,... "മതി ഇനി നിങ്ങൾ പുറത്ത് നിക്കണം ഇത് ഐ സി യൂ ആണ്,. പേഷ്യന്റിനെ ഡിസ്റ്റർബ് ചെയ്യരുത് ! " അവൻ കണ്ണ് തുടച്ചു പുറത്തേക്കിറങ്ങിയത് അഞ്ജലിയുടെ അച്ഛന് മുന്നിലേക്കായിരുന്നു ! "കഴിഞ്ഞോ നിന്റെ സ്നേഹപ്രകടനം ?" അയാൾ കോപാകുലനായിരുന്നു,... അയാൾ അവന്റെ കഴുത്തിൽ കുത്തിപ്പിടിച്ചു,.. കെട്ടിവെച്ച മുറിവിൽ നിന്നും രക്തത്തുള്ളികൾ അവന്റെ ശരീരത്തിലൂടെ ഒഴുകിയിറങ്ങി . ആളുകൾ അയാളെ പിടിച്ചു മാറ്റാൻ ശ്രമിച്ചു .. "അവന്റെ ഒരു കോപ്പിലെ പ്രേമം ?? എന്തും പറഞ്ഞാടാ നീ അവളെ വളച്ചെടുത്തത് ? പഠിച്ചു നടക്കേണ്ട പ്രായത്തിൽ രാഷ്ട്രീയം കളിച്ചു നടക്കുന്നു,.. അത് കാരണം എന്റെ മോള് ഇനി ജീവിതത്തിലേക്കോ മരണത്തിലേക്കോ എന്നറിയാതെ കിടക്കുവാ,... " അയാളുടെ മിഴികൾ നിറഞ്ഞൊഴുകി,. "ആണായിട്ടും, പെണ്ണായിട്ടും ഞങ്ങൾക്ക് ഒന്നേ ഉള്ളൂ,.. ഇന്നേ വരെ അവളുടെ എല്ലാ ആഗ്രഹവും ഞാൻ സാധിച്ചു കൊടുത്തിട്ടുണ്ട്,.. പക്ഷേ നിന്റെ കാര്യത്തിൽ അതുണ്ടാവില്ല,.. രാഷ്ട്രീയക്കാർക്ക് വേണ്ടി കൊല്ലാനും ചാവാനും നടക്കുന്ന നിന്നെയൊന്നും എന്റെ മോൾക്ക്‌ വേണ്ട,.. എനിക്ക് വയ്യ അവളുടെ കണ്ണീര് കാണാൻ,.. അത് കൊണ്ട് പറയുവാ,.. അവൾ കണ്ണ് തുറക്കുന്നതിന് മുൻപ് പൊയ്ക്കോണം നീ ഇവിടന്ന്,.. ഇനിയും അവളെ ഉപദ്രവിക്കരുത് !" ഒരു വാക്ക് പോലും പറയാതെ പ്രണവ് അപ്രത്യക്ഷൻ ആയത് ഇതുകൊണ്ടാണ്,.. അഞ്‌ജലി ശബ്ദമടക്കിക്കരഞ്ഞു,.. എന്നെങ്കിലും തിരിച്ചെത്തുമെന്ന പ്രതീക്ഷയോടെ താൻ ഇത്രയും കാലം അവന് വേണ്ടി കാത്തിരുന്നു,.. പക്ഷേ മുന്നിൽ വന്നു നിന്നപ്പോഴോ അവൻ തനിക്ക് തീർത്തും അന്യനായി തീർന്നിരിക്കുന്നു ! തിരികെ നടക്കുമ്പോൾ അവളുടെ കാലുകൾ വിറച്ചു,.. പ്രണവിനെ ഓർക്കാത്ത ഒരൊറ്റ ദിവസം പോലും തന്റെ ജീവിതത്തിൽ ഉണ്ടായിട്ടില്ല,.. അവൻ തനിക്ക് എല്ലാമായിരുന്നു,.. എന്നാലും വിധി എത്ര ക്രൂരമായിട്ടാണ് തങ്ങളെ വേർപിരിച്ചത് ? "അഞ്ജലി,... " മുന്നിൽ പ്രണവ് അവൾക്ക് തന്റെ കണ്ണുകളെ വിശ്വസിക്കാനായില്ല,.. ********** "കയറൂ,.. " അവൾ ഒരു നിമിഷം മടിച്ചു നിന്നു,. "വേണ്ട പ്രണവ് ഞാൻ പൊക്കോളാം,.. " "ഞാൻ നിനക്ക് അന്യനായിപ്പോയോ ഇത്രയും വർഷങ്ങൾ കൊണ്ട് ?" "നീയെനിക്ക് അല്ലല്ലോ,. ഞാൻ നിനക്കല്ലേ അന്യയായത് ? നീ അല്ലേ എന്നെ ഇട്ടിട്ട് പോയത്,.. നീ അല്ലേ വേറെ കല്ല്യാണം കഴിച്ചത് ?" അവൻ ചിരിച്ചു,.. അഞ്ജലിക്ക് ദേഷ്യം വന്നു,.. "പ്രണവ് ഐ ആം സീരിയസ്,.. " "ഇട്ടിട്ട് പോയിന്നുള്ളത് ശരിയാ,.. അതിന്റെ കാരണം ഞാൻ നിന്റെ കയ്യിലിരിക്കുന്ന ലെറ്ററിൽ വ്യക്തമായി എഴുതീട്ടുണ്ട്,... പക്ഷേ കല്ല്യാണം കഴിച്ചുവെന്ന് നിന്നോടാരാ പറഞ്ഞത് ?" അഞ്ജലിക്ക് താൻ സ്വപ്നം കാണുകയാണെന്ന് തോന്നി,.. "അപ്പോൾ ദിവ്യ ?" "അയ്യോ അത് മധുവേട്ടന്റെ മോളാണ്,.. എനിക്ക് സ്വന്തം പെങ്ങളെപ്പോലെയാ അവളുടെ ഹസ്ബൻഡ് ഇവിടില്ല,.. കുഞ്ഞിനൊരു ഫീവർ അതോണ്ട് കുഞ്ഞിനേയും കൊണ്ട് ഹോസ്പിറ്റലിലേക്ക് വന്നതാ ! " അഞ്ജലി അവന്റെ ഷർട്ടിന്റെ കോളറിൽ മുറുകെ പിടിച്ചു .. "എന്നിട്ടെന്താ അന്ന് പറയാഞ്ഞത് ?" "അത് പിന്നെ നീ എല്ലാം അങ്ങ് സ്വയം ഊഹിച്ചു വൈഫ്‌ ആണെന്ന്,. പറയാൻ അവസരം പോലും തരാതെ പ്രണവ്,. എനിക്ക് ഓഫീസിൽ തിരക്കുണ്ടെന്നും പറഞ്ഞു സെന്റി ആയങ്ങ് പോയില്ലേ ? ഇതിനിടയിൽ ഞാനെങ്ങനെ പറയാനാ ?" അവൾ മുഖം കറുപ്പിച്ചു,... "ഹോസ്പിറ്റലിൽ നിന്ന് ഡിസ്ചാർജ് ആവുകയാണെന്ന് പോലും പറയാഞ്ഞതെന്താ?" "വിളിക്കാൻ ഒന്നും സമയം കിട്ടീല്ല,. അതല്ലേ അവനെ കൊണ്ടോയി വീട്ടിലാക്കി വന്നിട്ട് ഞാൻ ഇവിടെ കാത്തു നിന്നത് ?" "ലെറ്റർ എഴുതാനൊക്കെ സമയം കിട്ടിയല്ലോലെ ?" "അത് ഇന്നലെ എഴുതീതാ,... നീ കേറുന്നുണ്ടേൽ കേറൂ,. ഇവിടെ അധികനേരം നിർത്താൻ പറ്റില്ല,.. " "അപ്പോൾ എന്റെ വണ്ടി ? " "അത് നീ പിന്നെ വന്നെടുക്കാം !" അവളുടെ ചങ്കിടിപ്പ് കൂടി,.. "എന്തെടി,.. ഇപ്പോൾ നിനക്ക് ബുള്ളറ്റിൽ കേറണ്ട ??" "അത് പിന്നെ,.. " "ഏത് പിന്നെ അന്ന് നിന്റെ നിർബന്ധം ആണേൽ ഇന്നെന്റെ നിർബന്ധം ആണ് ! " പ്രണവിനൊപ്പം ചേർന്നിരുന്ന് ബുള്ളറ്റിൽ അതും ഒരുപാട് കാലത്തിനു ശേഷം,.. വീണ്ടും ഇങ്ങനൊന്നും സംഭവിക്കുമെന്ന് സ്വപ്നത്തിൽ പോലും കരുതിയില്ല ! "രാഷ്ട്രീയം ഒക്കെ വിട്ടോ ?" "അതൊക്കെ ഒരു വിധത്തിൽ ഒഴിവാക്കിപ്പോന്നു !" " വേണേൽ പണ്ടത്തെ പോലെ കെട്ടിപ്പിടിച്ചിരുന്നോട്ടോ,.. അന്ന് രാഷ്ട്രീയക്കാരനെ ആണെങ്കിൽ ഇന്ന് ഒരു ഐ പി എസ് കാരനെ ആണെന്ന് കരുതിയാൽ മതി !" ******* "കഴിഞ്ഞോ ??" "ആ കഴിഞ്ഞു,.. ബാക്കി ദാ വരാനുള്ളത് ജൂനിയർ പ്രണവ് ആണ് !" അഞ്ജലി തന്റെ നിറവയറിൽ തലോടി ! ഞാനും പതിയെ അഞ്ജലിയുടെ ഉടലിനോട് ചെവിയോർത്തു ! "അവൻ ദാ ചവിട്ടുന്നുണ്ട് " "അവനെന്നുറപ്പിച്ചോ ?" "പിന്നല്ലാതെ,. അവനും അവന്റെ അച്ഛനെപ്പോലെ ഒരു ഐ പി എസ് കാരനാവുമെന്നാ തോന്നണേ,. ഇപ്പോഴേ അമ്മാതിരി ചവിട്ടല്ലേ ?" ഞങ്ങളുടെ തമാശയിൽ ഓഫീസിൽ നിന്ന് വന്നു കയറിയ പ്രണവും ചേർന്നു,.. "അല്ല അനു ഇവൾ കത്തി വെച്ച് നിന്നെ കൊന്നോ ! " അഞ്‌ജലി പ്രണവിന്റെ നേരെ മുഖം കറുപ്പിച്ചു,.. "ഹേയ് ഇല്ല !" "പ്രണവ് എന്നും ഈ അനൂന്റെ കഥ മൊത്തം ട്രാജഡി എൻഡിങ് ആണെന്നെ,. വെറുതെ ഇട്ട് കരയിക്കുവാ,. അതോണ്ട് നമ്മുടെ കഥ അങ്ങ് എഴുതിക്കോളാൻ പറഞ്ഞു,.. തുടക്കം ട്രാജഡി ആണേലും ഹാപ്പി എൻഡിങ് ആണല്ലോ !",. അഞ്ജലി ആവേശത്തിൽ പറഞ്ഞു,... "ഇപ്പോൾ അത് മണ്ടത്തരമായെന്ന് എനിക്കും തോന്നാറുണ്ട്ട്ടോ,.. " പ്രണവിന്റെ കൗണ്ടറിന് അഞ്ജലിയുടെ കയ്യിൽ നിന്ന് കുറേ കിട്ടി,.. വല്ല്യ ഐ പി എസ് കാരനൊക്കെ ആണേലും ഭാര്യയുടെ മുൻപിൽ വെറും പൂച്ചയാ,.. എന്തായാലും ജൂനിയർ പ്രണവ് അധികം വൈകാതെ അവരുടെ ജീവിതത്തിലേക്ക് വരും,.. അഞ്ജലിയോടും പ്രണവിനോടും യാത്ര പറഞ്ഞിറങ്ങുമ്പോൾ മനസിന് എന്തെന്നില്ലാത്ത ആശ്വാസം തോന്നി,... (അവസാനിച്ചു ) കാത്തിരുന്നു മുഷിഞ്ഞുവെന്നറിയാം തിരക്കായതിനാലാണ് പെട്ടന്നവസാനിപ്പിച്ചത്,.. നല്ലൊരു കഥയുമായി അധികം വൈകാതെ നിങ്ങൾക്ക് മുന്നിലെത്താമെന്നു പ്രതീക്ഷിക്കുന്നു,... കീപ് സപ്പോർട്ടിങ്,...
30.5k views
4 days ago
❤സിയ❤ ഫുൾ പാർട്ട് @kissakal പതിവ് പോലെ അന്നും കോളേജിലേക്ക് ഇറങ്ങിയതായിരുന്നു സിയ. " അച്ഛാ ചോറ് റെഡി ആയോ.. ഞാൻ ഇറങ്ങുകയാ." " ഒച്ച വക്കാതെ ദേവു.. കൊണ്ട് വരികയാ.." അച്ഛൻ സേതു മാധവൻ അടുക്കളയിൽ നിന്നും വിളിച്ച് പറഞ്ഞു. തുടർന്ന് ചോറ്റുപാത്രം കൊണ്ട് ഹാളിലേക്ക് വന്നു. " ദേവു.. അച്ഛ ഇന്ന് കുറച്ച് വൈകും കേട്ടോ. ഓഫീസിൽ ഇന്ന് ഇൻസ്പെക്ഷന് ആളു വരും. ഫയൽ ഒക്കെ സൈൻ ചെയ്തത് വാങ്ങണം. കുസൃതി ഒന്നും കാട്ടാതെ വീട്ടിൽ വന്നേക്കണം.നിന്റെ വാനരപ്പടയുമായി തെണ്ടാൻ പോയേക്കരുത്. " സിയ അച്ഛനെ നോക്കി ഒരു കള്ളച്ചിരി കാണിച്ചു. " ചിരിക്കുകയൊന്നും വേണ്ട.. പോയി അമ്മയോട് പറഞ്ഞിട്ട് ഇറങ്ങാൻ നോക്ക്.. ഞാനും റെഡി ആകട്ടെ.. " സിയ അമ്മയുടെ ഫോട്ടോയുടെ അടുത്തേക്ക് ചെന്നു. " അമ്മേ, ഞാൻ ഇറങ്ങുകയാ. വൈകിട്ട് ഞങ്ങൾ സിനിമക്ക് പോകുന്നുണ്ട്. അച്ഛയോട് പറഞ്ഞു സമ്മതിപ്പിക്കണേ.. പ്ലീസ്.." കുറച്ച് ഉറക്കെ ആണ് സിയ അത് പറഞ്ഞത്. എന്നിട്ട് അച്ഛന്റെ മുറിയിലേക്ക് ഒളികണ്ണോടെ നോക്കി. സേതു അവിടെ അവളെയും നോക്കി നോക്കുന്നുണ്ടായിരുന്നു കള്ള ഗൗരവത്തോടെ. " എനിക്കറിയാം നീ ഉറക്കെ പറഞ്ഞപ്പോ എന്നെ കേൾപ്പിക്കാൻ ആണെന്ന്.." " അച്ഛാ പ്ലീസ്.. ഇന്ന് DQ വിന്റെ പുതിയ പടം റിലീസ് ആണ്. പൊക്കോട്ടെ അച്ചേ... അവർ എല്ലാവരും ഉണ്ട്. എന്നെ ഇവിടെ കൊണ്ടുവന്നു വിടും. അച്ഛ എന്തായാലും വൈകി അല്ലേ വരു.. പ്ലീസ്.. " " ശരി പൊക്കൊ.. പക്ഷേ പൈസ ഞാൻ തരില്ല.." " വേണ്ടാ അത് ഞാൻ നേരത്തേ പോക്കറ്റിൽ നിന്നും പൊക്കി.. " അതും പറഞ്ഞു അവൾ മുറ്റത്തേക്ക് ഓടി ഇറങ്ങി. " ഇൗ പെണ്ണിന്റെ ഒരു കാര്യം. ഞാൻ അറിഞ്ഞില്ലെന്നാ അവളുടെ വിചാരം... " **** ഇത് സിയ.. സിയയുടെ കഥയാണ് നിങ്ങൾ ഇനി കേൾക്കാൻ പോകുന്നത്. സേതുമാധവന്റെയും യാമിനിയുടെയും ഒരേ ഒരു മകൾ ആണ് സിയ. സ്നേഹിച്ച് വിവാഹം കഴിച്ചതിനാൽ യാമിനിയുടെ വീടുമായി യാതൊരു ബന്ധവും ഇല്ല. യാമിനി രണ്ടാമത്തെ പ്രസവം ആയപ്പോൾ മരിച്ചു. കൂടെ കുട്ടിയും. പ്രസവത്തിൽ ചില പ്രശ്നങ്ങൾ ഉണ്ടായതും ചികിത്സ ഉടൻ നൽകാത്തതും കൊണ്ട് അമ്മയുടെയും കുഞ്ഞിന്റെയും മരണം സംഭവിച്ചു. അന്ന് സിയക്ക്‌ 6 വയസ്. സേതുവിന്റെ വീട്ടിൽ ഒരു പെങ്ങളും അമ്മയും മാത്രമേ ഉള്ളൂ. അമ്മയുടെ പേര് ദേവിക എന്നായിരുന്നു. ആ പേര് ചൊല്ലി ആണ് സിയയെ വിളിക്കുന്നത്. അമ്മ മൂന്ന് വർഷം മുമ്പ് മരണപ്പെട്ടു. അനിയത്തി സീത ലക്ഷ്മിയുടെ കല്യാണം കഴിഞ്ഞ് ഒരു പെൺകുട്ടി ഉണ്ട്. ദിവ്യ. സിയയുടെ പ്രായം. അവർ ഒരു കോളേജിൽ ഒരുമിച്ച് ആണ് പഠിക്കുന്നത്. സൈക്കോളജി. യാമിനി മരിച്ചതിൽ പിന്നെ സേതു ദേവുവിന് വേണ്ടി മാത്രമാണ് ജീവിച്ചത്. വേറെ പെണ്ണ് കെട്ടാൻ പലരും നിർബന്ധിച്ചു എങ്കിലും സേതു അത് ചെവിക്കൊണ്ടില്ല. അയാൾ വില്ലേജ് ഓഫീസിൽ ക്ലാർക്ക് ആണ്. മകളെ പൊന്നു പോലെ ആണ് നോക്കുന്നത്. അവളുടെ ഏത് ആഗ്രഹവും അയാൾ സാധിച്ച് കൊടുക്കും. എന്തിനും സ്വാതന്ത്യം കൊടുത്തിരുന്നു ദേവുവിന്‌. പക്ഷേ ഇന്നു വരെ അവള് അത് അനാവശ്യമായി ഉപയോഗിച്ചില്ല. രാവിലത്തെ വീട് ഭരണം അച്ഛനും വൈകിട്ട് ദേവുവിനും ആണ്. ***** ദേവു ബസ് സ്റ്റോപ്പിൽ അമ്മുവിനെ(ദിവ്യ) നോക്കി നിൽക്കുകയായിരുന്നു. കോളേജ് ബസ് വരാൻ നേരമായി. അപ്പോ ദൂരേ നിന്നും ഓടി വരുന്ന അമ്മുവിനെ ദേവു കണ്ടു.. അടുത്തെത്തിയപ്പോൾ ദേവു അമ്മുവിനെ വഴക്ക് പറഞ്ഞു. " എന്താടീ വൈകിയത്. ?" അതിന് ഉത്തരം നൽകുന്നതിന് മുന്നേ ബസ് വന്നു. ബസിൽ നിന്നും ആർപ്പ്‌ വിളികൾ കേൾക്കാമായിരുന്നു. ദേവുവും അമ്മുവും ബസിൽ കയറി എല്ലാവരെയും കൈ വീശി കാണിച്ചു. എന്നിട്ട് ഏറ്റവും ബാക്ക് സീറ്റിലേക്ക് നടന്നു. അവിടെ യദുവും അപർണയും ഉണ്ടായിരുന്നു. ദേവുവും അമ്മുവും അവരുടെ അടുത്ത് ഇരുന്നു.. " ഡാ സിനിമക്ക് പോകാൻ സമ്മതിച്ചോ അങ്കിള്?" അപർണ ചോദിച്ചു. " അതൊക്കെ നമ്മള് സെറ്റ് ആക്കൂലേ അപ്പു.. സീത അമ്മായിയും വേണു മാമനും എന്ത് പറഞ്ഞു അമ്മു.." " അച്ഛൻ പൈസ തന്നില്ല. പിന്നെ അമ്മയെ പിടിച്ച് നിറുത്തി കാല് പിടിച്ച് വാങ്ങിച്ചു. അതാ വൈകിയത്.. " വേണു അങ്കിൾ ഒരു സൂപ്പർ മാർക്കറ്റ് നടത്തുകയാണ്. അപ്പുവിന്റെ അമ്മയും അച്ഛനും ഡോക്ടർമാരാണ്‌. സ്വന്തമായി ക്ലിനിക്ക് നടത്തുന്നു. അപ്പുവിന് ഒരു ചേട്ടൻ കൂടി ഉണ്ട്. ബാംഗ്ലൂർ പഠിക്കുന്നു. യദു സാധാകൂലിപ്പണിക്കാരന്റെ മകൻ ആണ്. കൂട്ടത്തിൽ ദരിദ്രൻ. പിന്നെ ഒരാള് കൂടി ഉണ്ട്. കൂട്ടത്തിൽ അംബാനി. അഖിൽ എന്ന അക്കു. അക്കുവിന്റെ അച്ഛൻ ഒരു ബിസിനെസ്സ്കാരൻ ആണ്. ഇന്റീരിയൽ വർക്ക് ചെന്നുന്ന കമ്പനി ഉടമസ്ഥൻ. വർഷത്തിൽ നൂറ് കോടി രൂപക്ക് മേൽ ലാഭമുള്ള കമ്പനി. ദക്ഷിണ ഇന്ത്യയിൽ പേര് കെട്ട കമ്പനി... അക്കു ഒറ്റ മകൻ ആണ്.. ഇതാണ് ദേവുവിന്റെ വാനരപ്പട. കോളേജിലെ എന്ത് പരിപാടിക്കും മുന്നിട്ട് ഇറങ്ങുന്നത് ഇവർ ആയതിനാൽ എല്ലാവർക്കും ഇവരെ നന്നായി അറിയാം. യദു കോളേജ് ആർട്സ് ക്ലബ് സെക്രട്ടറി കൂടി ആണ്. അഞ്ച് പേരും നല്ല ഡാൻസേഴ്‌സ്‌ കൂടി ആണ്. " dazzling five " അതാണ് ഡാൻസ് ഗ്രൂപ്പിന്റെ പേര്. പല വിധ മത്സരങ്ങളിലും വിജയം നേടിയ ടീം ആണ് ഇവർ.. കോളേജിലും ഇവർ ഇൗ പേരിൽ തന്നെ ആണ് അറിയപ്പെടുന്നത്. ***** ബസ് അക്കുവിൻെറ സ്റ്റോപ്പിൽ നിന്നു.. അക്കുവിനെ കണ്ടതും ഒരു ആരവം ബസിൽ ഉണ്ടായി. കാണാൻ സുന്ദരൻ ആണ് അക്കു. കോളേജിലെ പെൺകുട്ടികളുടെ ആരാധനാ പുരുഷൻ. പണക്കാരനും കൂടി ആയതിനാൽ പെൺകുട്ടികൾ അവന്റെ ഒരു നോട്ടത്തിനു വേണ്ടി പോലും കാത്തിരിക്കുന്നു. പക്ഷേ അക്കു എല്ലാവർക്കും നല്ല ഫ്രണ്ട് ആണ്. അവന് ദേവുവിൻെറ കയ്യിൽ നിന്നും നല്ല തല്ല് കിട്ടും എന്ന പേടിയും ഉണ്ട്.. അക്കു ബസിൽ കയറി പുറകിൽ യദുവിന്റെ മടിയിലേക്ക് ഇരുന്നു. " അപ്പോ എങ്ങനാ.. അടിച്ച് പൊളി അല്ലേ..?? " " പിന്നല്ലാതെ.." നാല് പേരും ഒരേ സ്വരത്തിൽ പറഞ്ഞു.. ***** കോളേജിൽ എത്തി നേരെ പോയത് കാന്റീനിലേക്ക് ആണ്. " കുട്ടേട്ടാ...." " ആ എത്തിയോ.. ദാ ഇപ്പൊ എടുക്കാം." രാവിലെ വന്ന് കുട്ടേട്ടന്റെ ചായ കുടിച്ചില്ലെങ്കിൽ ഒരു സുഖവും ഇല്ല. അതോണ്ട് എന്നും അവർക്ക് കുട്ടന്റെ വക സ്പെഷ്യൽ ചായ ഉണ്ട് രാവിലെ.. ചായയും കുടിച്ച് ക്ലാസ്സിലേക്ക് നടന്നപ്പോൾ ബിനു മിസ്സ് ദേവുവിനെ വിളിച്ചു. ബാക്കിയുള്ളവരെ പറഞ്ഞ് വിട്ടിട്ട് ദേവു മിസ്സിന്റെ അടുത്തേക്ക് ചെന്നു. " എന്താ മിസ്സ് ?" " സിയ.. എന്റെ ഭർത്താവ് സ്റ്റേജ് ഷോ ചെയ്യുന്ന ആളാണെന്ന് അറിയാലോ.. ഇപ്പോ ഒരു പ്രോഗ്രാം സ്റ്റാർട്ട് ചെയ്യാൻ പോവുകയാണ് അവർ. സൂപ്പർ ഡാൻസേഴ്സ് എന്നാ പരിപാടിയുടെ പേര്. കേരളത്തിൽ അറിയപ്പെടുന്ന 25 ഓളം ഡാൻസ് ടീമിനെ മത്സരിപ്പിച്ചത് അതിൽ നിന്നും ബെസ്റ്റ് ഡാൻസ് ഗ്രൂപ്പിനെ സെലക്ട് ചെയ്യുന്നത് ആണ് പ്രോഗ്രാം. ഇതൊരു ടിവി ഷോ അല്ല. പക്ഷേ റെക്കോർഡ് ചെയ്യും. താൽപര്യമുണ്ടെങ്കിൽ ഞാൻ ഹസിനോട് പറഞ്ഞു ഡീറ്റൈൽസ് തരാം. നിങ്ങടെ കാര്യം പറഞ്ഞപ്പോൾ പുള്ളിക്ക് താൽപര്യം ഉണ്ട്. അവരോട് ആലോചിച്ച് പറയ്.. " " താങ്ക്യൂ മിസ്സ്. ഇത് ഞങ്ങൾക്ക് നല്ലൊരു അവസരം ആയിരിക്കും. ഞാൻ അവരോട് സംസാരിച്ചിട്ടു മറുപടി തരാം. " " ശരി.." *** " ഡാ... മിസ്സ് ഒരു പ്രോഗ്രാമിന്റെ കാര്യം പറയാൻ വിളിച്ചതാ.." ദേവു കെട്ട കാര്യങ്ങളെല്ലാം അവരോട് പറഞ്ഞു . " ഇത് നമുക്ക് പൊളിക്കണം... നീ സമ്മതം പറ ദേവു.." യദു പറഞ്ഞു.. ബാക്കിയുള്ളവർ അത് സപ്പോർട്ട് ചെയ്തു. ദേവു മിസ്സിനോട് സമ്മതം അറിയിച്ചു.. മിസ്സ് ദേവുവിന്റെ ഫോൺ നമ്പർ ഭർത്താവിന് കൈമാറി.. ***** വൈകിട്ട് സിനിമ കണ്ട് വീട്ടിൽ എത്തുമ്പോൾ 9:30 ആയിരുന്നു. അക്കു തന്റെ കാറിൽ ആണ് എല്ലാവരെയും സിനിമക്ക് കൊണ്ട് പോയത്. അമ്മുവിനെ വീട്ടിൽ വിട്ടിട്ടാണ് അവർ വന്നത്. അമ്മായി അപ്പോ തന്നെ അച്ഛനെ വിളിച്ച് പറഞ്ഞു എന്ന് അമ്മു മെസ്സേജ് അയച്ചു. " ഡാ നിങ്ങളും വാടാ.. അച്ഛ വഴക്ക് പറയും.." ദേവു അവരെയും കൂട്ടി വീട്ടിലേക്ക് നടന്നു.. വീട്ടിൽ ചെന്നപ്പോൾ അച്ഛ അടുക്കളയിൽ ആയിരുന്നു.. അവർ വന്നപ്പോൾ എല്ലാവരോടും ചിരിച്ച് കൊണ്ട് തന്നെ സംസാരിച്ചു. ദേവുവിനേ അവിടെ ആക്കി അവർ തിരിച്ച് പോയി.. ദേവു അച്ഛന്റെ മുഖത്തേക്ക് നോക്കി.. സേതു തിരിച്ചും. " അച്ഛാ.." " ഒന്നും പറയണ്ട.. എനിക്ക് എന്റെ മോളെ അറിയാം. മറ്റൊരാളുടെ വാക്ക് കേട്ട് ഞാൻ എന്റെ മോളെ കുറ്റപ്പെടുത്തില്ല. ആര് എന്ത് പറഞ്ഞാലും. " ദേവു ഓടിച്ചെന്ന് അച്ഛനെ കെട്ടി പിടിച്ചു.. " അധികം സോപ്പ് ഒന്നും വേണ്ട.. നാളെ രാവിലെ അടുക്കളയിൽ കയറിക്കോളണം. " ദേവു ചിരിച്ചു കൊണ്ട് അച്ഛനെ ഒന്നുകൂടി മുറുക്കെ കെട്ടിപിടിച്ചു. **** പിറ്റേന്ന് ശനിയാഴ്ച ആയിരുന്നു. ദേവു രാവിലെ തന്നെ എഴുന്നേറ്റ് അടുക്കള പണികൾ തീർത്തു.. സേതു റെഡി ആയപ്പോൾ ദേവു ആവിപറക്കുന്ന പുട്ടും കടലക്കറിയും പപ്പടവും മേശമേൽ നിരത്തി വച്ചു. രണ്ട് പേരും ഒരുമിച്ചിരുന്ന് കഴിച്ചു. പിന്നെ സേതു ഓഫീസിലേക്ക് പോയി. കുറച്ച് കഴിഞ്ഞപ്പോൾ ദേവുവിനു ബിനു മിസ്സിന്റെ ഭർത്താവിന്റെ ഫോൺ കോൾ വന്നു.. ഡീറ്റൈൽസും ആപ്ലിക്കേഷൻ ഫോമും ഫീയും മെയിൽ അയച്ച് കൊടുത്തു.. ദേവു ഡീറ്റൈൽസ് എല്ലാവർക്കും കൈമാറി.. ഗ്രൂപ്പ് ചാറ്റിൽ എല്ലാവർക്കും സമ്മതം അറിയിച്ചു കഴിഞ്ഞു.. അക്കു ആപ്ലിക്കേഷൻ അയച്ചു. കൂടെ ഫീസും. പിന്നെ മറുപടിക്കായി ഉള്ള കാത്തിരിപ്പ് ആയിരുന്നു... തുടരും.. ഭാഗം രണ്ട് മത്സരത്തിൽ പങ്കെടുക്കാനായി അക്കു ആപ്ലിക്കേഷൻ അയച്ചു. കൂടെ ഫീസും. പിന്നെ മറുപടിക്കായി ഉള്ള കാത്തിരിപ്പ് ആയിരുന്നു... **** അവരുടെ സൈറ്റിൽ അവർക്ക് കിട്ടികൊണ്ടിരിക്കുന്ന ആപ്ലിക്കേഷന്റെ എണ്ണം കൂടി കൂടി വരുന്നത് കാണാമായിരുന്നു. അതിപ്പോൾ 303 എന്ന സംഖ്യയിൽ എത്തി. അത്രയും അധികം ഡാൻസ് ഗ്രൂപ്പുകൾ നമ്മുടെ ഇൗ കൊച്ചു കേരളത്തിൽ ഉണ്ട്. മാത്രമല്ല സമ്മാനമായി തായ്‌ലന്റിലേക്ക്‌ ഉള്ള ഒരാഴ്ച ട്രിപ്പ് ആണ് അവർ ഓഫർ ചെയ്തിരിക്കുന്നത്. ഇനി ഇരുപത് മിനിറ്റ് കൂടിയുണ്ട്. ആ സമയം കൊണ്ട് ദേവു ഉച്ചക്കത്തേക്ക് കഴിക്കാൻ ഒരു സലാഡ് ഉണ്ടാക്കി ഫ്രിഡ്ജില് വച്ചു. ഗ്രൂപ്പിൽ എന്തായി എന്ന് ചോദിക്കുന്നുണ്ട്.. വീണ്ടും സൂപ്പർ ഡാൻസേഴ്‌സിന്റെ സൈറ്റിൽ കയറി. ആപ്ലിക്കേഷൻ അയക്കുന്ന സമയം കഴിഞ്ഞിരിക്കുന്നു. മൊത്തം 397 ഗ്രൂപ്പ്.. ഇതിൽ നിന്നും ഓഡിഷൻ വച്ചാണ് 25 ഗ്രൂപ്പിനെ തിരഞ്ഞെടുക്കുന്നത്.. ഓരോ ഗ്രൂപ്പിന്റെയും ഡേറ്റ് അറിയിക്കും. ഒരു ക്ലാസിക്കൽ ഡാൻസും, ഒരു സിനിമാറ്റിക് ഡാൻസും ചെയ്യണം. രണ്ടിനും മികച്ച മാർക്ക് നേടുന്നവർ സെലക്ട് ആകും. ഇൗ വിവരങ്ങൾ ദേവു ഗ്രൂപ്പിലൂടെ എല്ലാവരെയും അറിയിച്ചു. പിന്നെ സോങ്ങ് സെലക്ഷന്റെ കാര്യങ്ങളും പ്രാക്ടീസ് ചെയ്യുന്ന കാര്യങ്ങളും ആയി ചർച്ച. അവസാനം നാളെ മുതൽ പ്രാക്ടീസ് തുടങ്ങാം എന്ന തീരുമാനത്തിൽ എത്തി. എല്ലാവരും ക്ലാസ്സ് കഴിഞ്ഞു ദേവുവിന്റെ വീട്ടിൽ കൂടാം എന്ന് ഉറപ്പിച്ചു.. ഉച്ചക്കത്തേ ആഹാരം കഴിഞ്ഞ് ദേവു വീട്ടു പണികൾ എല്ലാം തീർത്തു... ****** വൈകിട്ട് അച്ഛൻ വരുന്നതും കാത്ത് ഇരിക്കുകയായിരുന്നു ദേവു.. സേതു വന്നപ്പോൾ ഓടി ചെന്ന് ബാഗ് വാങ്ങി.. സേതുവിന്റെ കയ്യിൽ പലഹാരത്തിന്റെ ഒരു കൂടും ഉണ്ടായിരുന്നു.. അച്ഛൻ കുളിച്ച് വരുന്നതും നോക്കി ചായ എടുത്ത് വച്ച് ദേവു ഇരുന്നു. " ഇന്നെന്തോ എന്റെ കൊച്ചിന് പറയാനുണ്ടല്ലോ? പറഞ്ഞോ.." ദേവു അച്ഛനോട് വിശദമായി ഡാൻസ് പ്രോഗ്രാമിന്റെ കാര്യം പറഞ്ഞു. അദ്ദേഹം മകൾക്ക് എല്ലാ പിന്തുണയും വാഗ്ദാനം ചെയ്തു.. " അതൊന്നുമല്ല ഞാൻ പറയാൻ ഉദ്ദേശിച്ചത്.. " " പിന്നേ??" " അമ്മുവിനെ ഇവിടെ നിർത്താൻ അമ്മായിയോട് അച്ഛ പറയണം. അവളിവിടെ നിർത്തിയാൽ രാവിലത്തെ അടുക്കള ജോലിയും ഞാൻ ചെയ്തോളാം. അച്ഛ പറഞ്ഞാല് അമ്മായി കേൾക്കും.." " അങ്ങനെ വരട്ടെ.. ഞാൻ ചോദിച്ചു നോക്കാം. അടുക്കളയിൽ കയറുന്ന കാര്യം പറഞ്ഞു സോപ്പ് ഇടുകയൊന്നും വേണ്ട. എന്റെ മോൾടെ സന്തോഷം അല്ലേ അച്ഛക്കു വലുത്. പകരമായി മത്സരത്തിൽ നല്ല പെർഫോർമൻസ് കാഴ്ച്ച വക്കണം. ജയിച്ചില്ലെങ്കിലും സാരമില്ല. മോശമായി എന്ന് പറയിപ്പിക്കരുത്. " " ഉറപ്പ്.. ജയിക്കുന്നവർക്ക്‌ കിട്ടുന്ന ഫ്രീ ട്രിപ്പില് dazzling five ആയിരിക്കും പോകുക... " സേതു അപ്പൊൾ തന്നെ പെങ്ങളെ വിളിച്ച് കാര്യം പറഞ്ഞു. അവർക്ക് സമ്മതിക്കാൻ ഒരു മടിയും ഉണ്ടായില്ല. കാരണം ഏട്ടൻ എന്നും അവർക്ക് അച്ഛന്റെ സ്ഥാനത്ത് ആയിരുന്നു. " ദേവു , നാളെ നമുക്ക് അവിടെ ചെന്ന് അമ്മുവിനെ കൂട്ടി ഇങ്ങോട്ട് വരാം. " അച്ഛന് കെട്ടിപ്പിടിച്ച് ഉമ്മ കൊടുത്തു ദേവു... " my hero is my sweet അച്ഛ... " ****** പിറ്റേന്ന് ദേവുവും സേതുവും അമ്മുവിന്റെ വീട്ടിൽ ചെല്ലുമ്പോൾ വേണുവും സീതയും മുറ്റത്ത് പച്ചക്കറിത്തോട്ടത്തിൽ ആയിരുന്നു. അമ്മു റെഡി ആയി നിൽക്കാൻ തുടങ്ങിയിട്ട് കുറച്ച് നേരം ആയി. ചെന്നു കയറുമ്പോൾ അമ്മു വൈകിയതിന് ദേവുവിനോട് വഴക്ക് കൂടുന്നുണ്ടായിരുന്നു. സേതു വേണുവിന്റെ അടുത്തേക്ക് ചെന്നു... അവർ തമ്മിൽ സംസാരിച്ചു കൊണ്ട് നിന്നതിനാൽ സീത അകത്തേക്ക് ചായ എടുക്കാൻ പോയി.. " അമ്മായി... " " ദേവു.. എന്തുണ്ട് വിശേഷം.." " അങ്ങനെ പോകുന്നു അമ്മായി.." " ഉം.. ഇൗ ഇടയായി രണ്ടിനും കുറച്ച് രാത്രി സഞ്ചാരം കൂടുന്നുണ്ട്.. " " എന്റെ അമ്മായി... രാത്രി ആയാലും പകൽ ആയാലും ഞങ്ങൾക്ക് സെക്യൂരിറ്റി ആയി രണ്ട് ചൊങ്കൻ ചെക്കന്മാരായ ആങ്ങളമാർ ഉണ്ട്. അവരുള്ളപ്പോൾ ഞങ്ങൾ എന്തിന് പേടിക്കണം. " " അവന്മാരെ അല്ല എനിക്ക് പേടി.. നാട്ടുകാരെ ആണ്. അവർ എന്റെം മക്കൾ തന്നെയാ.." " നാട്ടുകാരോട് പോകാൻ പറ അമ്മായി. ഞങ്ങൾക്ക് നിങ്ങള് അല്ലേ ചിലവിനു തരുന്നത്. നാട്ടുകാർ ആണോ? അവർക്ക് ആരു നന്നാകുന്നതും ഇഷ്ടമല്ല. ഇപ്പോളത്തെ ന്യൂ ജെൻ പിള്ളേർ ഒന്നിച്ച് നടക്കുന്നത് പോലെ പണ്ട് നടക്കാൻ പറ്റാത്തതിന്റെ വിഷമമാണ് അവർ പറഞ്ഞു തീർക്കുന്നത്.. " " എന്നാലും ഒരു കല്യാണ ആലോചന വരുമ്പോൾ ഇൗ നാട്ടുകാർ എന്തെങ്കിലും പറഞ്ഞ് കൊടുത്താൽ അത് മുടങ്ങില്ലേ മക്കളെ.. അതാണ് എല്ലാ വീട്ടുകാർക്കും നാട്ടുകാരെ പേടിച്ച് ജീവിക്കേണ്ടി വരുന്നത്." " അമ്മായി.. കാലം മാറി വരികയാണ്.. ഇപ്പോ എല്ലാ ചെക്കൻമാരും വീട്ടുകാരും മോഡേൺ ചിന്തകളിലേക്ക് മാറി തുടങ്ങി. നമ്മുടെ നാട്ടിൻ പുറങ്ങളിൽ മാത്രേ നാട്ടുകാരുടെ അടുത്ത് തിരക്കുന്ന ആചാരം ഉള്ളൂ.. അതും സാവധാനം മാറും. ഞങ്ങളെ കൂട്ടിൽ അടച്ചാൽ ഞങ്ങൾ നിങ്ങള് അറിയാതെ പോകും. അതിനും നല്ലത് അച്ഛയേ പോലെ സ്വതന്ത്രമായി പറക്കാൻ അനുവദിച്ചാൽ എന്നും ഇങ്ങനെ നിങ്ങടെ ചിറകിൻ ചോട്ടിൽ ഞങ്ങൾ ഉണ്ടാകും.." ദേവു സീതയെ കെട്ടിപ്പിടിച്ചു.. അത് കണ്ട് സീതയുടെ കണ്ണു നിറഞ്ഞു... യാമിനിയുടെ മുഖമാണ് മനസ്സിൽ ഓർമ വന്നത്.. " നീ മാറിക്കേ ദേവു. നിനക്ക് നിന്റെ അമ്മയുടെ ധൈര്യമാണ് കിട്ടിയത്.. അതാ ഇങ്ങനെ... അമ്മു ഇൗ ചായ കൊണ്ട് പോയി അച്ഛനും അമ്മാവനും കൊടുക്ക്.. ദേവു ഇന്നാ നിനക്കുള്ള ചായ.." ദേവു ചായ കുടിച്ചു.. ഉച്ച ഊണും കഴിച്ചിട്ടാണ് അവർ അവിടന്ന് ഇറങ്ങിയത്.. ****** വീട്ടിൽ വന്ന് കയറിയപ്പോൾ ദേവുവിന്‌ ബിനു മിസ്സിന്റെ ഭർത്താവിന്റെ കോൾ വന്നു. വരുന്ന പത്താം ദിവസം ഓഡിഷന് ഡേറ്റ് കിട്ടിയത് ആയി അറിയിച്ചു.. പ്രാക്ടീസ് തുടങ്ങാനും. ദേവു വേഗം തന്നെ കൂട്ടുകാരെ വിളിച്ച് അറിയിച്ചു. അവർ വൈകിട്ട് എത്തും എന്ന് പറഞ്ഞു. ദേവുവും അമ്മുവും ജോലി കഴിഞ്ഞ് അവർക്കായി കാത്തിരുന്നു.. അവർ വന്നപ്പോൾ തന്നെ പ്രാക്ടീസ് തുടങ്ങി. നേരത്തെ ചെയ്ത പാട്ട് തന്നെ ആയതിനാൽ കുറച്ച് സ്റ്റെപ്പുകൾ മാറ്റി പുതിയത് കൂട്ടി അവർ പഠിച്ചു.. തുടർന്നുള്ള ദിനങ്ങളിലും അവർ അതി ശക്തമായി പ്രാക്ടീസ് ചെയ്തു. അങ്ങനെ ഓഡീഷൻ ദിനം എത്തി. ഒരു ദിവസം തന്നെ പല സ്റ്റേജുകളിലായി ഓഡീഷൻ പുരോഗമിച്ചു... അവർ നന്നായി തന്നെ കളിച്ചു.. **** ഒരാഴ്ച കഴിഞ്ഞപ്പോൾ സെലക്ട് ചെയ്തതായി അവർക്ക് മെസ്സേജ് വന്നു... ആ കോളേജ് മുഴുവൻ അവർക്കുള്ള ആശംസകൾ അറിയിച്ചു.. മൂന്ന് ആഴ്ച നീണ്ടു നിൽക്കുന്ന മത്സരം ആണ്.. ഓരോ ഗ്രൂപ്പിനും 5 ഡാൻസ് ഫോമുകൾ ചെയ്യാം. അതിൽ ഏറ്റവും നല്ല മാർക്ക് വങ്ങിക്കുന്നവർ ആയിരിക്കും വിജയി എന്നും അവർക്ക് മെസ്സേജ് വന്നു.. പിന്നെ ഏതൊക്കെ ഫോം ഡാൻസ് വേണമെന്നുള്ള ചർച്ചകൾ ആയിരുന്നു. മിസ്സിന്റെ ഭർത്താവും അവരെ പല ഡാൻസ് ഫോമുകൾ പരിചയപ്പെടുത്തുവാൻ സഹായിച്ചു. പല സംസ്ഥാനങ്ങളില്‌ നിന്നായി അഞ്ച് ഡാൻസ് ഫോമുകൾ തിരഞ്ഞെടുക്കുകയും അത് പ്രാക്ടീസ് ചെയ്യാൻ തുടങ്ങുകയും ചെയ്തു.. കോളേജിൽ നിന്നും വീട്ടിൽ നിന്നും നിറഞ്ഞ പിന്തുണ അവർക്ക് ലഭിച്ചു. അങ്ങനെ മത്സരത്തിൽ പങ്കെടുക്കാനായി അവർ അഞ്ച് പേരും അക്കുവിന്റെ എക്സ് യുവിക്ക്‌ പുറപ്പെട്ടു.. തിരുവനന്തപുരത്ത് ഒരു വലിയ സെന്ററിൽ വച്ച് ആയിരുന്നു മത്സരം. അവിടെത്തന്നെ താമസിക്കാനും സൗകര്യം കിട്ടി.. തുടരും... അവർ തിരുവനന്തപുരത്ത്‌ എത്തിയപ്പോൾ വൈകിട്ട് 4 മണി ആയിരുന്നു.. എൻട്രി കാർഡും ഐഡി കാർഡും ഫ്രണ്ട് ഓഫീസിൽ നിന്നും കിട്ടി. പിന്നെ നേരെ പോയത് മീറ്റിംഗ് ഹാളിലേക്ക് ആണ്.. കുറച്ച് പേര് ഹാളിൽ ഉണ്ടായിരുന്നു. ബാക്കിയുള്ളവർ എത്തിക്കൊണ്ട് ഇരിക്കുന്നു. അവർ അഞ്ച് പേരും ഏറ്റവും മുന്നിലത്തെ സീറ്റിൽ പോയി ഇരുന്നു. കുറച്ച് കഴിഞ്ഞപ്പോൾ ഹാൾ നിറഞ്ഞു. സ്റ്റേജിലേക്ക് മിസ്സിന്റെ ഭർത്താവും ഒരു പെൺകുട്ടിയും കയറി നിന്നു. " സൂപ്പർ ഡാൻസേഴ്‌സിന്റെ ഇൗ ബ്രഹ്മാണ്ഡ ഷോയിലേക്ക്‌ നിങ്ങൾ ഏവർക്കും സ്വാഗതം... ഞാൻ നിങ്ങളുടെ സ്വന്തം അഭിറാം.. " " ഞാൻ നിങ്ങളുടെ സ്വന്തം ചിത്ര... ആദ്യമായി ഇൗ ഷോ ഉത്ഘാടനം ചെയ്യാൻ പ്രശസ്ത സിനിമാതാരം കോറിയോഗ്രാഫർ എന്നീ മേഖലകളിൽ മികച്ച സാന്നിധ്യം കാഴ്ച്ച വച്ച നമ്മുടെ സ്വന്തം പ്രഭുദേവയെ സ്വാഗതം ചെയ്യുന്നു.... " സദസ്സിൽ കയ്യടി ഉയർന്നു.. പ്രഭു ദേവ സ്റ്റേജിലേക്ക് കയറി.. " കൂടാതെ സൂപ്പർ ഡാൻസേഴ്‌സിന്റെ സ്പോൺസർസ് ആയ വണ്ടർലാ ഗ്രൂപ്പ് എംഡി ചിറ്റിലപ്പിള്ളി കൊച്ചൗസേപ്പ് സാറിനും ഇന്‍ററിയൽ ഡിസൈനിംഗ് കമ്പനി D Life എംഡി ജോബി മാത്യു സാറിന്റെയും സ്റ്റേജിലേക്ക് സ്വാഗതം ചെയ്യുന്നു." അങ്ങനെ അവരും സ്റ്റേജിലേക്ക് എത്തി.. ഉത്ഘാടനം കഴിഞ്ഞു... " ഇനി ഇൗ ഷോയുടെ വിവരങ്ങൾ ചിത്ര നിങ്ങൾക്ക് കൈമാറുന്നത് ആണ്. " എല്ലാവരും നമ്മുടെ സൈറ്റിൽ മത്സരങ്ങളെ കുറിച്ച് കണ്ട് കാണുമല്ലോ. ഇവിടെ ഇരുപത്തി അഞ്ചു ഗ്രൂപ്പ് ആണ് ഓഡിഷനിൽ നിന്നും സെലക്ട് ആയി വന്നിട്ടുള്ളത്. എല്ലാ ഗ്രൂപ്പും ഇന്ത്യയിലെ ഏതെങ്കിലും അഞ്ച് തരത്തിലുള്ള ഡാൻസ് ഫോമുകൾ അവതരിപ്പിക്കാം. നമുക്ക് മൂന്ന് ആഴ്ച അതായത് ഇരുപത്തി ഒന്ന് ദിനങ്ങളിൽ ആയി ഇരുപത്തി അഞ്ചു ഗ്രൂപ്പിന്റെയും പെർഫോർമൻസ് കാണാം. ആദ്യ ഇരുപത് ദിവസം ആറ് പെർഫോമൻസ് വച്ചും ലാസ്റ്റ് ദിവസം അഞ്ച് പെർഫോമൻസും ആണ് നടത്തുന്നത്. ഒരു ഗ്രൂപ്പിനും അവരുടെ പെർഫോമൻസ് ഡേ നേരത്തെ അറിയിക്കുവാൻ ബോർഡിൽ ഇടും. മറ്റു ഷോകളിൽ നിന്നും നമ്മുടെ ഷോ വ്യത്യസ്തമാകുന്നത് ഇവിടെ എലിമിനേഷൻ എന്ന പ്രൊസസ്സ് ഇല്ല. ഏറ്റവും മികച്ച ഒരു ടീമിനെ തിരഞ്ഞെടുക്കുന്നു. അതാണ് നമ്മുടെ പ്രത്യേകത. പിന്നെ വിജയിക്ക് ലഭിക്കുന്ന സമ്മാനം എന്താണെന്ന് എല്ലാവർക്കും അറിയാമല്ലോ അല്ലേ....... അതേ.. തായ്‌ലൻഡ് ട്രിപ്പ്.. കൂടാതെ സ്പോൺസേഴ്സ് ഗ്രൂപ്പ് അംഗങ്ങൾക്കായി അഞ്ച് ലക്ഷം രൂപ വീതം പോക്കറ്റ് മണിയും തരുന്നു... ഇവിടെ സെലക്ട് ആകുന്ന ബാക്കി അഞ്ച് സ്ഥാനക്കാർക്കും സമ്മാനമുണ്ട്. സെക്കൻഡ് പ്രൈസ് ഗ്രൂപ്പിന് അഞ്ച് ലക്ഷം ,വണ്ടർലാ ടിക്കറ്റും.. തേർഡ് പ്രൈസ് മൂന്ന് ലക്ഷം രൂപ, വണ്ടർലാ ടിക്കറ്റും, ഫോർത്ത് പ്രൈസ് ഒരു ലക്ഷം രൂപ, വണ്ടർലാ ടിക്കറ്റും, ഫിഫ്ത്ത് വണ്ടർലാ ഫാമിലി ടിക്കറ്റ്.. ഇതാണ് നമ്മുടെ ആഘോഷം.. ബാക്കി കാര്യങ്ങളും വിശദാംശങ്ങളും അഭി വിവരിക്കും. അഭി..." " നിങ്ങളുടെ താമസത്തിന്റെ കാര്യമാണ് എനിക്ക് പറയാനുള്ളത്.. ചില ഗ്രൂപ്പുകൾക്ക് മെമ്പർസ് കുറവും ചിലതിൽ കൂടുതലും ആണ്.. അതുകൊണ്ട് ഒരു റൂമിലേക്ക് അഞ്ച് പേര് വച്ചാണ് സ്റ്റേ ഒരുക്കിയിരിക്കുന്നത്. റൂം നമ്പറും പേരുകളും ബോർഡിൽ ഇട്ടിട്ടുണ്ട്... പ്രാക്ടീസ് ചെയ്യാൻ നിങ്ങൾക്ക് ഇരുപത്തി അഞ്ചു റൂമുകൾ വേറെ ഉണ്ട്. ഫ്രണ്ട് ഓഫീസിൽ നിന്നും നിങ്ങൾക്ക് കീ കളക്റ്റ് ചെയ്യാം. ഫുഡ് എല്ലാവർക്കും ഒരുമിച്ച് ഒരേ ഹാളിൽ ആണ്. ഇപ്പോ എല്ലാവർക്കും ഹാളിൽ ഫുഡ് ഒരുക്കിയിട്ടുണ്ട്. നാളെ മുതൽ മത്സരങ്ങൾ തുടങ്ങും.. താങ്ക്യൂ... " " താങ്ക്യൂ all" ***** എല്ലാവരും ഫുഡ് കഴിക്കാൻ ഹാളിലേക്ക് നീങ്ങി. ബുഫേ മോഡലിൽ ആയിരുന്നു ഫുഡ് അറേഞ്ച്മെന്റ്. അവർ ഫുഡ് എടുത്ത് ഒരു ടേബിളിന്റെ അടുത്ത് ഇരുന്നു. കഴിച്ച് കഴിയാറായപ്പോൾ ദേവുവിന്റേ തോളത്ത് ഒരാള് തട്ടി വിളിച്ചു.. " ചേച്ചീ... " ദേവു തിരിഞ്ഞ് നോക്കി.. " എന്റെ ദേവി.. ഇതാരാ.. നീയും ഉണ്ടോ ഇവിടെ?" " പിന്നേ.. ഇൗ ചിപ്പി ഇല്ലാതെ എന്ത് ഡാൻസ് മത്സരം.. ബോർഡിൽ റൂം മേറ്റ് സിയ എന്ന് കണ്ടു. ചേച്ചി ആണെന്ന് തോന്നി.. അതോണ്ട് അന്വേഷിച്ച് വന്നതാ... " " ടാ ഞാൻ പറഞ്ഞില്ലേ ചിപ്പി, പണ്ട് ഞാനും അമ്മുവും അമ്മാവന്റെ വീടിനടുത്ത് പ്രോഗ്രാമിന് പോയപ്പോൾ കണ്ട കുട്ടി.." " അം എന്തോ പ്രോബ്ലം ഉണ്ടായപ്പോൾ ഇവരുടെ കൂടെ ഉണ്ടായിരുന്ന പിള്ളേര് കേറി ഇടപെട്ടെന്ന് പറഞ്ഞ.. അതല്ലേ" അക്കു ചോദിച്ചു.. " അത് തന്നെ. അവന്മാരും ഉണ്ട്. ഇത് വിജിത ഗ്രൂപ്പിൽ ഉള്ളത് ആണ്.." അപ്പോളേക്കും ചിപ്പിയുടെ കൂടെ ഉളളവർ അവരുടെ അടുത്തേക്ക് വന്നു.. " അയ്യോ ചേച്ചി... സുഖമാണോ ചേച്ചീ...?" " പിന്നേ സുഖം.. നിങ്ങൾക്കോ.. ?" " ഉം... ഞങ്ങൾ റൂം മേറ്റിനെ നോക്കി നടക്കുവാരുന്നു. കീ വാങ്ങി. dazzling five.. ആണ്.. " " ഡാ അത് ഞങ്ങളാ... " " ആണോ.. ഇവർ അപ്പോ നിങ്ങടെ കൂടെ അല്ലേ . സമാധാനം ആയി.. നിങ്ങള് നടന്നോ.. ഞങ്ങൾ ചേട്ടായിമാരെ പരിചയപ്പെടട്ടെ." ഞങ്ങൾ കൈ കഴുകാൻ വാഷ് റൂമിലേക്ക് നടന്നു.. അതിനിടയിൽ ചിപ്പിയും വിജിയും ഞങ്ങളോട് കൂട്ടായി.. വാ തോരാതെ സംസാരിക്കുന്ന കൂട്ടത്തിൽ ആയിരുന്നു ചിപ്പി.. അപ്പുവുമായി അവള് ഇടി വരെ ഉണ്ടാക്കി തുടങ്ങി.. ഞാനും അമ്മുവും അക്കുവിന്റെയും കൂട്ടരുടെയും അടുത്തേക്ക് നീങ്ങി. അവർ റെസ്റ്റ് റൂമിലേക്കും. അവരോട് കത്തി വച്ച് കൊണ്ട് ഇരിക്കുന്നതിനിടയിൽ ആണ് അപ്പു ഓടി ഞങ്ങളുടെ അടുത്തേക്ക് വന്നത്. " ദേവു.. അക്കു... ഇവിടെ അവരും വന്നിട്ടുണ്ട്.." " ആര്??" ദേവു ചോദിച്ചു.. " അവര്.. ബ്ലോവേഴ്സ്... " ദേവു ഞെട്ടി അക്കുവിനെ നോക്കി. അക്കു എന്റെ മുഖത്തേക്ക് ദേഷ്യത്തോടെ നോക്കി.. മറ്റുള്ളവരും എന്ത് പറയണം എന്നറിയാതെ പരസ്പരം നോക്കി. " ദേവു.. കഴിഞ്ഞ തവണ അവർ തല്ലുകൊള്ളാതെ പോയത് നീ കാരണമാ.. ഇത്തവണ ആ ക്ഷമ ഞാൻ കാണിക്കില്ല. " " ഇൗ കാര്യത്തിൽ ഞാനും അക്കുവിന്റെ കൂടെയാണ്.." യദുവും അക്കുവിനെ പിന്തുണച്ചു.. " വാ മുറിയിലേക്ക് പോകാം.." അവരുടെ പുറകെ നടക്കുന്നതിന്റെ കൂടെ ദേവു ചുറ്റും ഒന്നുകൂടി കണ്ണോടിച്ചു.. രണ്ട് വർഷങ്ങൾക്ക് ശേഷം ഹാളിന്റെ ഒരു മൂലക്ക് തന്റെ കൂട്ടുകാരോട് സംസാരിച്ച് കൊണ്ട് നിൽക്കുന്ന അവനെ ദേവു കണ്ടു.. കൂടെ ബ്ലോവേഴ്‌സിന്റെ ലീഡർ ആയ അവളെയും... ഒന്നുകൂടി അവരെ തിരിഞ്ഞ് നോക്കിയിട്ട് ദേവു അമ്മുവിന്റെ കൂടെ നടന്നു... അമ്മു ദേവുവിനേ തന്നോട് ചേർത്ത് പിടിച്ചു... അപ്പു ദേവുവിന്റെ തണുത്ത കൈകൾ കൂട്ടി പിടിച്ചു.. ********* തുടരും... റൂമിലേക്ക് എത്തുന്നത് വരെ അക്കു ദേവുവിനെ ശ്രദ്ധിച്ചു.. അവർ മുറിയിൽ കയറി കഴിഞ്ഞപ്പോൾ അക്കു പറഞ്ഞു. " ദേവു നമ്മൾ ഇവിടെ എന്തിന് വന്നുവോ അത് ശ്രദ്ധിച്ചാൽ മതി. ഇന്ന് മുതൽ ഞാൻ നിന്റെ ബ്രദർ അല്ല. ലവർ ആണ്. അങ്ങനെയേ ഇവിടുള്ള മറ്റ് ആൾക്കാർ അറിയാവു..കേട്ടല്ലോ" അത് കേട്ടിട്ടും ദേവുവിനു തലയാട്ടൻ അല്ലാതെ മറ്റൊന്നിനും കഴിഞ്ഞില്ല. ചിപ്പിക്കും വിജിക്കും ഒന്നും മനസിലായില്ല.. അക്കു മുറി വിട്ട് ഇറങ്ങിയതും ചിപ്പി അവരോട് കാര്യം അന്വേഷിച്ചു... ദേവു കുറച്ച് നേരം ഒന്നും മിണ്ടിയില്ല. പണ്ടത്തെ കാര്യം ഓർത്തിരുന്നു. പിന്നെ കഥ പറയാൻ തുടങ്ങി.. അമ്മുവും അപ്പുവും ആ കഥ ഒന്നുകൂടെ കേൾക്കാൻ അവളുടെ അടുത്തേക്ക് ഇരുന്നു. ചിപ്പിയും വിജിയും ആകാംഷയോടെ ദേവുവിൻെറ മുഖത്തേക്ക് നോക്കി ഇരുന്നു... *********** രണ്ട് വർഷത്തിന് മുൻപ് ഒരു അമ്പലത്തിലെ നാല് ദിവസത്തെ ഉത്സവത്തിന് ഡാൻസ് പ്രോഗ്രാം ബുക്ക് ചെയ്ത് എത്തിയത് ആയിരുന്നു dazzling five. പ്ലസ് ടൂ കഴിഞ്ഞ് കോളേജിലേക്ക് കടക്കാൻ ഒരുങ്ങുന്ന സമയം. ഞങ്ങളെ കൂടാതെ blowers ഉണ്ടായിരുന്നു അവിടെ. ഞങ്ങൾ അഞ്ച് പേരും ഒരു മുറി ആണ് എടുത്തത്. മറ്റൊരു മുറിയിൽ പല രീതിയിൽ ഉള്ള ആർട്ടിസ്റ്റ് മാരും. ഇടവിട്ട് ഇടവിട്ട് ആയിരുന്നു ഞങ്ങളുടെ പ്രോഗ്രാം. ആദ്യ ദിവസം ഞങ്ങളുടേതും പിന്നത്തെ ദിവസം അവരുടെതും. അന്നത്തെ പ്രോഗ്രാം ഞങ്ങളുടെ ആയിരുന്നു. ഞങ്ങൾ ഡ്രസ്സ് ചെയ്ത് സ്റ്റേജിലേക്ക് നടന്നു. ഡാൻസ് കഴിഞ്ഞ് ഗ്രീൻ റൂമിലേക്ക് എത്തിയ ഞങ്ങളെ അഭിനന്ദിക്കാൻ blowers എത്തി.. വളരെ സന്തോഷത്തോടെ ആണ് ഞങ്ങൾ അവരെ സ്വീകരിച്ചത്. അവർ ആറ് പേര് ഉണ്ട്. അന്നാണ് അവനെ ഞാൻ ആദ്യമായി കാണുന്നത്. എല്ലാവരെയും പരിചയപ്പെടുമ്പോൾ എന്റെ മേൽ നിന്നും കണ്ണെടുക്കാതെ നോക്കിയ അവൻ... ആദിത് എന്ന ആദി.. ബാക്കിയുള്ളവരെ പരിചയപ്പെട്ടു. വിമൽ, പ്രീതി, വിനി, കിരൺ പിന്നെ ടീം ലീഡർ തനൂജ. ആദിയെ പരിചയപ്പെടുമ്പോൾ അവൻ എന്റെ കയ്യിൽ മുറുകെ പിടിച്ചു. പിന്നെ സോഫ്റ്റ് ആയി തലോടി. സംസാരിച്ച് തീരുന്നത് വരെ അവൻ എന്റെ കൈ വിട്ടതും ഇല്ല. അങ്ങനെ ഞങ്ങളും അവരും ഭയങ്കര കൂട്ടായി. താമസവും ഭക്ഷണവും എല്ലാം ഒരുമിച്ച്. അതിനിടയിൽ തനുജക്ക് അക്കുവിനോട് ചെറിയ പ്രേമം ഉണ്ടായി. അക്കു ഒറ്റ മകൻ ആയത് കൊണ്ട് പ്രേമിച്ച് നടക്കില്ലെന്ന് അവൻ അവന്റെ അമ്മക്ക് വാക്ക് കൊടുത്തിരുന്നു. മാത്രമല്ല അവന് തനുജയെ പോലെ ഒരു ഫുള്ളി മോഡേൺ പെൺകുട്ടിയെ താൽപര്യം ഇല്ലായിരുന്നു. ആദി എന്നോട് ഇഷ്ടം തുറന്ന് പറഞ്ഞില്ലെങ്കിലും പറയാൻ ആഗ്രഹിക്കുന്നുണ്ട് എന്ന് എനിക്ക് തോന്നി. ഇതുവരെ മറ്റാരോടും തോന്നാത്ത ഒരു ഇഷ്ടം എനിക്കും ആദിയോട് തോന്നിയിരുന്നു. ഉത്സവത്തിന്റെ പകൽ സമയത്ത് ഞങ്ങൾ അവിടെ എല്ലാം ചുറ്റി നടക്കാരുണ്ടായിരുന്നു. മൂന്നാം ദിവസം തനുജ അക്കുവിനേ ഒറ്റക്ക് കിട്ടിയപ്പോൾ അവളുടെ ഇഷ്ടം അവനോട് പറഞ്ഞു. കാരണങ്ങൾ ഒന്നും തുറന്നു പറയാതെ അത് നിരസിച്ചു. തിരിച്ച് റൂമിലേക്ക് എത്തിയപ്പോൾ എനിക്ക് പനി പിടിച്ചിരുന്നു. ഡാൻസ് ചെയ്യാൻ കഴിയുന്ന അവസ്ഥയിൽ അല്ലതായിരുന്നു ഞാൻ. എനിക്ക് മരുന്ന് വാങ്ങി തന്നിട്ട് അവർ സ്റ്റേജിലേക്ക് പോയി. സ്റ്റേജിൽ കയറുന്നതിന് തൊട്ടു മുൻപ് അക്കു ഒന്നുകൂടി എന്റെ അടുത്തേക്ക് വന്നു. പനി കുറഞ്ഞു എങ്കിൽ മുറിയിൽ ഒറ്റക്ക് ഇരിക്കാതെ ഗ്രീൻറൂമിലേക് വിളിക്കാൻ ആയിരുന്നു. അവൻ എന്റെ അടുത്തിരുന്ന് എന്റെ മുഖത്തും കഴുത്തിലും തൊട്ടു നോക്കുമ്പോൾ തനൂജ റൂമിലേക്ക് കയറി വന്നു. അവള് ഞങ്ങളെ തെറ്റിദ്ധരിച്ചു എന്ന് ഞങ്ങൾ മനസ്സിലാക്കിയത് വൈകിയാണ്. അക്കു പോയി കഴിഞ്ഞപ്പോൾ തനൂജ വിമലിനെ എന്റെ മുറിയിൽ ആക്കി വാതിൽ പുറത്ത് നിന്നും അടച്ചു. ഗുളികയുടെ ആലസ്യത്തിൽ ഉറങ്ങാൻ തുടങ്ങിയ ഞാൻ ഇതൊന്നും അറിഞ്ഞില്ല. പരിപാടി വന്ന് കഴിഞ്ഞ് ഇറങ്ങിയപ്പോൾ തനൂജ ഇതും പറഞ്ഞ് അവരെ കളിയാക്കി. അവർ വന്നു വാതിൽ തുറന്നപ്പോൾ വിമൽ പുറത്തേക്ക് ഇറങ്ങി. ബഹളം കെട്ട് ഞാൻ എഴുന്നേറ്റു. എന്റെ തുണികൾ മാറികിടക്കുന്നുണ്ടായിരുന്നു. അക്കു വന്ന് എന്നോട് ചോദിച്ചപ്പോൾ എനിക്ക് ഒന്നും പറയാൻ ഉണ്ടായിരുന്നില്ല. നാണം കെട്ട ഞങ്ങൾ വേഗം തന്നെ കാശും വാങ്ങി അവിടെ നിന്നും പോന്നു. ആദിയേ അവസാനമായി പോലും ഞാൻ അന്ന് കണ്ടില്ല. അതിന് ശേഷം ഇന്നാണ് അവനെ കാണുന്നത്. അവൻ എന്നെ കണ്ടില്ലെന്ന് തോന്നുന്നു.. ************* എല്ലാം കേട്ടുകൊണ്ട് ഇരുന്ന ചിപ്പി പറഞ്ഞു. " എന്നാല് അക്കു ചേട്ടൻ പറഞ്ഞത് ശരിയാ. ചേച്ചിക്ക് എന്തെങ്കിലും പറ്റിയാൽ ഉപേക്ഷിക്കാതെ കൂടെ നിറുത്തിയ ലവർ ആയി തന്നെ അക്കു ചേട്ടൻ അവരുടെ മുന്നിൽ ചെല്ലണം.ചേച്ചിയും ഒന്നും സംഭവിക്കാത്തത് പോലെ അഭിനയിക്കണം. അവൾക്കിട്ട്‌ ഒരു പണിയും കൊടുക്കണം.l" " ശരിയാ അക്കു പറഞ്ഞത് പോലെ ചെയ്താൽ മതി" അപ്പുവും അമ്മുവും ഏറ്റ് പറഞ്ഞു.. *************** പിറ്റേന്ന് ഞങ്ങൾ പ്രാക്ടീസ് ചെയ്യാൻ തുടങ്ങി. ഉച്ചക്ക് ഭക്ഷണം കഴിക്കാൻ ഹാളിലേക്ക് പോകുന്നത് വരെ അവരെ കാണുവാൻ കഴിഞ്ഞില്ല. ഹാളിലേക്ക് കയറിയത് അക്കുവിന്റെ കൂടെയാണ്. ഹാളിൽ ഫുഡ് എടുത്ത് മടങ്ങുന്ന ആദിയുടെ മുന്നിലേക്കാണ് ഞാനും അക്കുവും കൈപിടിച്ച് നടന്ന് എത്തിയത്. അക്കു അവനെ കണ്ടില്ലെങ്കിലും ഞാൻ കണ്ടു ആദി എന്നെയും അക്കുവിനെയും നോക്കി അത്ഭുതപ്പെട്ടു നിൽക്കുന്നത്. അത് നോക്കാതെ ഞാൻ അക്കുവിന്റെ കൂടെ ഫുഡ് എടുത്ത് തിരിച്ച് നടന്നു. നടക്കുന്നതിനിടയിൽ അക്കു എന്റെ നടുഭാഗത്ത് കൂടി വയറിൽ പിടിച്ച് അവനോട് ചേർത്തു. ഞെട്ടിപ്പോയി ഞാൻ. അവൻ നോക്കുന്ന ദിശയിലേക്ക് നോക്കിയപ്പോൾ അവിടെ തനുജയും കൂട്ടരും നിൽക്കുന്നുണ്ടായിരുന്നു. ആദി അവരുടെ അടുത്തേക്ക് നടന്നടുക്കുകയും ചെയ്യുന്നു. അവരെ നോക്കാതെ ഞങ്ങൾ ഫുഡ് കഴിച്ച് പ്രാക്ടീസ് ചെയ്യാൻ മടങ്ങി. അടുത്ത ദിവസം ഞങ്ങടുടെ ഡാൻസ് ഉണ്ടായിരുന്നു. പോകുന്നതിനിടയിൽ ചിപ്പി വന്ന് ആദിയെ കണ്ണ് കൊണ്ട് ചൂണ്ടി അതാണോ ആള് എന്ന് ചോദിച്ചു. അതേ എന്ന് ഞാൻ മെല്ലേ തലയാട്ടി.. **************** രാത്രി ചിപ്പി വന്നത് ഒരു വാർത്തയുമായി ആണ്. ഉച്ചക്ക് അവള് ഫുഡ് കഴിച്ച് ഞങ്ങൾ തിരിച്ച് പോന്നപ്പോൾ അവരുടെ മുന്നിൽ പോയി നിന്നു ചിപ്പി വിജിയോട്‌ പറഞ്ഞത്രേ ഞാനും അക്കുവും എന്ത് ചേർച്ചയാണ്, ശരിക്കും ദൈവം ഒന്നിച്ചതാണവരെ എന്ന്.. അത് കേട്ട് തനുജയുടെ മുഖം ചുവന്നു എന്നും ആദി ഒന്നും കഴിച്ച് തീർക്കാതെ എഴുന്നേറ്റ് പോയി എന്നും.. അതൊക്കെ കേട്ട് അപ്പുവും അമ്മുവും ഉറക്കെ ചിരിച്ചു. എനിക്കെന്തോ ചിരിക്കമായില്ല. പിന്നെ അതൊക്കെ മറക്കാൻ ശ്രമിച്ച് നാളത്തെ ഡാൻസ് പ്രോഗ്രാം ഭംഗി ആക്കണം എന്ന് മനസ്സിൽ ഉറപ്പിച്ചു. ***** പിറ്റേന്ന് ഡാൻസ് കഴിയുന്നത് വരെ മറ്റാരും എന്റെ മനസ്സിലേക്ക് വന്നില്ല. എല്ലാവരും ഫുഡ് കഴിച്ച് കഴിഞ്ഞാണ് ഞാൻ എഴുന്നേറ്റത്. എഴുന്നേറ്റ് നടക്കുമ്പോൾ ആദി എന്റെ എതിരെ നടന്നു വന്നു. ആരും കൂടെ ഇല്ലാത്തതിനാൽ ഞാൻ ചുറ്റും നോക്കി. കൈ കഴുകി അക്കു എന്റടുതേക്ക്‌ ഓടി വരുന്നത് ഞാൻ കണ്ടു. ഞാൻ ചിരിച്ച് കൊണ്ട് വിളിച്ച് പറഞ്ഞു.. " അക്കു.. അവിടെ നിക്ക്‌.. ഞാൻ കൈ കഴുകിയിട്ട്‌ വേഗം വരാം." അത് കേട്ട് ആദി അക്കുവിന്റേ നേർക്ക് നോക്കി. എന്നിട്ട് നിരാശയോടെ എനിക്ക് വഴിമാറി തന്നുകൊണ്ട് എന്റെ മുഖത്തേക്ക് നോക്കി... ഞാൻ അത് ശ്രദ്ധിക്കാതെ ആദിയെ കടന്നു അക്കുവിന്റെ അടുത്തേക്ക് ചെന്നു... തുടരും... അക്കു എന്റെ തോളിലൂടെ കയ്യിട്ടു എന്നെ വിളിച്ചുകൊണ്ട് പോയി. ****** ആ ആഴ്ച അങ്ങനെ കടന്നുപോയി.. ഞങ്ങളുടെ രണ്ട് പെർഫോമൻസ് കഴിഞ്ഞു. ഞാനും അക്കുവും പ്രണയമാണെന്നും അടുത്ത മാസം കല്യാണം ആണെന്നും ക്യാമ്പ് മുഴുവൻ വ്യാപിച്ചിരുന്നു. ആദി പല തവണ എന്നോട് മിണ്ടാൻ ശ്രമിച്ചു എങ്കിലും അക്കു അതിന് ഒരിക്കലും അവസരം കൊടുത്തില്ല. ഞാനും നിന്നു കൊടുത്തില്ല. എന്നാല് ഒരു ദിവസം തനുജ എന്നെ പിടിച്ച് നിറുത്തി.. " നീയും അവനും തമ്മിൽ ഭയങ്കര പ്രേമം ആണെന്ന് കേട്ടല്ലോടി.. നേരാണോ.. അതോ അന്നത്തെ പോലെ.." " അതേടി.. ഞാനും അവനും തമ്മിൽ നല്ല മുഴുത്ത പ്രണയം ആണ്. അതിന് നിനക്കെന്താ നഷ്ടം?" അവള് മറുപടി പറയുന്നതിന് മുൻപേ അക്കു എത്തിയിരുന്നു. " എന്താ ദേവു?" " ഒന്നുമില്ലാടാ.. " " നീയും അവനും ചേർന്ന് മറ്റെപ്പണി ചെയ്യുകയാണോ എന്ന് ഞാൻ ചോദിച്ചു എന്ന് തന്നെ പറയടീ " അത് പറഞ്ഞതും അവളുടെ കാരണം പൊത്തി അടി വീണു. അക്കുവിനേ നോക്കിയപ്പോൾ അവൻ കൈ ഉയർത്തിയത് മാത്രമേ ഉള്ളു. അവന്റെ നോട്ടം അടുത്ത് നിന്ന ആദിയിലേക്ക്‌ നീണ്ടത് ഞാൻ കണ്ടു. അപ്പോളാണ് എനിക്ക് മനസ്സിലായത് ആദിയാണ് അവളെ തല്ലിയത് എന്ന്. " എടാ... നീ എന്നെ തല്ലിയല്ലെ.. " " അതേടി.. ഇവളുടെ മുന്നിൽ വച്ച് നിനക്ക് ഇങ്ങനൊന്ന് തരാൻ വേണ്ടി മാത്രമാണ് ഞാൻ ഇത്രയും നാൾ നിന്റെ കൂടെ നടന്നത്. " " നീ എന്ത് അറിഞ്ഞിട്ടാ... നിനക്ക് അന്ന് മനസ്സിലായത് അല്ലേ ഇവളുടെ സ്വഭാവം." " അന്ന് ഞാൻ മനസിലാക്കിയത് അവളുടെ അല്ല നിന്റെ സ്വഭാവം ആണ്. വിമലിനെ പനിച്ച് ക്ഷീണിച്ച് ഉറങ്ങിയ അവളുടെ മുറിയിൽ കയറ്റി കതകടച്ച നിന്റെ സ്വഭാവം. വിമലിനിട്ട്‌ അന്ന് തന്നെ ഞാൻ പൊട്ടിച്ചു. അത് കൊണ്ടാ അവൻ നിറുത്തി പോയത്. എനിക്ക് അവളെ അത്രക്ക് ഇഷ്ടമായിരുന്നു. ഇന്നും അവളെ അതെ അളവിലോ അതിനേക്കാൾ കൂടുതലോ ഇഷ്ടമാണ്. അവളുടെ സന്തോഷം എന്തോ അതാണ് എനിക്ക് വലുത്. ഇനി നിന്റെ നിഴൽ പോലും അവളുടെ മേൽ വീണേക്കരുത്. പിന്നെ ഇനി മുതൽ ഈ ഗ്രൂപ്പ് ഇങ്ങനെ പോകണം എന്ന് നിനക്കുണ്ടെങ്കിൽ ഞാൻ നിൽക്കാം. അല്ലെങ്കിൽ ഞാൻ ഈ നിമിഷം പോവുകയാണ്.." അത്രയും പറഞ്ഞ് ആദി എന്റെ മുഖത്തേക്ക് നോക്കിയതും അക്കു എന്റെ കയ്യിൽ പിടിച്ചു വലിച്ച് നടന്നു തുടങ്ങിയിരുന്നു. ആദിയെ ഞാൻ ഒന്ന് കൂടി തിരിഞ്ഞ് നോക്കി. തനുജ അവനോട് സോറി പറയുന്നത് കേട്ടിട്ടും അവൻ എന്റെ മുഖത്തേക്ക് നോക്കി പുഞ്ചിരിച്ചു. ഞാൻ വേഗം തലവെട്ടിച്ച് അക്കുവിനേ നോക്കി.. അവൻ വേഗം അവിടന്നും പോകാനുള്ള വ്യഗ്രതയിൽ ആയിരുന്നു. ******* " അവന്റെ മനസ്സിൽ എന്താണെന്ന് അറിയില്ല. എന്തായാലും നീ അവനോട് മിണ്ടാൻ പോകണ്ട. തനുജ ആളു ശരിയല്ല. ഒരു തവണ അവള് പണിതന്നതാ. ഇപ്പോ അവളുടെ കൂട്ടത്തിലെ ഒരുത്തൻ അവളുടെ നേരെ തിരിഞ്ഞു. ഇനിപ്പോ അവള് എന്തൊക്കെ കാട്ടികൂട്ടും ആവോ.." റൂമിൽ എത്തിയപ്പോൾ അക്കു പറഞ്ഞു. എല്ലാത്തിനും തലയാട്ടി കൊടുത്തു എങ്കിലും എനിക്ക് മനസ്സിലായിരുന്നു ആദി എന്നെ ഇഷ്ടപ്പെടുന്നു എന്ന്. തനിക്ക് വേണ്ടി ഇത്രയും നാൾ കാത്തിരിക്കുകയായിരുന്നു എന്ന്.. അവന്റെ കണ്ണുകളിൽ കണ്ടത് തന്നോട് ഉള്ള മനസ്സ് നിറഞ്ഞ പ്രേമം ആണെന്ന്. പക്ഷേ അക്കുവിന്റേ സമ്മതം ഇല്ലാതെ പ്രേമിക്കാൻ ഒന്നും തനിക്ക് ആവുമായിരുന്നില്ല. പിന്നെ അങ്ങോട്ട് എന്റെ ഉള്ളിൽ ആദിയെ കാണാനുള്ള ആഗ്രഹം വർദ്ധിച്ചു. ഭക്ഷണം കഴിക്കാൻ പോകുമ്പോൾ അവനിരിക്കുന്ന സ്ഥലം നോക്കി വക്കും. ഇടയ്ക്ക് ഒളികണ്ണിട്ടു അവനെ നോക്കും. ഇടയ്ക്ക് കണ്ണുകൾ തമ്മിൽ കോർക്കും എന്നാകുമ്പോൾ ഞാൻ നോട്ടം പിൻവലിക്കും.. അവനോടുള്ള ഇഷ്ടം മനസ്സിൽ കുന്നുകൂടുന്നത് ഞാൻ അറിഞ്ഞു. എന്നാലും എല്ലാം അടക്കിപ്പിടിച്ച് ഓരോ ഡാൻസും കളിച്ചു. **** അക്കുവിനു എന്റെ മാറ്റം മനസ്സിലാകുന്നുണ്ടെന്ന് ഞാൻ അറിഞ്ഞത് അവസാന ദിവസത്തിന്റെ തലേന്ന് അക്കു എന്നെ ആദിയുടെ മുന്നിൽ കൊണ്ടുപോയി നിർത്തുമ്പോൾ ആണ്.. അക്കു അങ്ങനെ ചെയ്തപ്പോൾ അക്ഷരാർത്ഥത്തിൽ ഞാൻ ഞെട്ടിപ്പോയി.. വേഗം അവിടന്നും തിരിച്ച് നടന്നു.. അക്കു എന്റെ പേര് വിളിച്ച് പുറകെയും.... തുടരും.. തിരിച്ച് നടന്ന എന്നെ അക്കു വേഗം പിടിച്ച് നിറുത്തി.. " എന്താ ദേവു... " " അക്കു.. വാ പോകാം.. " " നീ ആദിയോട് സംസാരിക്കു. എന്നിട്ട് പോകാം.." " എനിക്ക് ഒന്നും പറയാൻ ഇല്ല.. നീ വാ... " ഞാൻ വേഗം അക്കുവിന്റെ കയ്യിൽ പിടിച്ചു വലിച്ച് അവിടന്നും പോയി.. ഇതെല്ലാം തനൂജ മാറി നിന്ന് കാണുന്നുണ്ടായിരുന്നു. നാളെ കൊണ്ട് എല്ലാം അവസാനിക്കും. നാളെ ഒരു ഡാൻസ് കൂടെ ഉണ്ട് ഞങ്ങൾക്ക്. അതിനുള്ള പ്രാക്ടീസ് ചെയ്യാൻ തുടങ്ങി.. മനസ്സിൽ ആദി ആയിരുന്നു. എന്നിട്ടും അവനോട് മിണ്ടാതെ ഇരുന്നത് തനുജയേ കണ്ടത് കൊണ്ടാണ്. നാളെ പ്രോഗ്രാം കഴിയുമ്പോൾ എല്ലാം തുറന്നു പറയണം. അച്ഛയോട് എല്ലാം വിളിച്ച് പറഞ്ഞു. നാളെ അച്ഛ വരും. അച്ഛക്ക് കൂടി ഇഷ്ടമായാൽ മാത്രമേ ഇത് മുന്നോട്ട് കൊണ്ട് പോകുന്നുള്ളു. ഇല്ലെങ്കിൽ ഇത് നാളെ തന്നെ അവസാനിക്കട്ടെ. തനുജ എന്തെങ്കിലും പ്രശ്നം ഉണ്ടാക്കുമോ എന്ന് ഭയം ഉണ്ട്. പ്രാക്ടീസ് കഴിഞ്ഞ് രാത്രി ഫുഡ് കഴിക്കാൻ ഹാളിലേക്ക് പോയപ്പോൾ ആദിയെ നോക്കി എങ്കിലും എങ്ങും കണ്ടില്ല. അക്കുവും യദുവും ആരോ ഫോൺ വിളിച്ച് പുറത്തേക്ക് പോയി. ഞങ്ങൾ വേഗം ഭക്ഷണം കഴിച്ച് റൂമിലേക്കും.. കുറേ നേരം ഞങ്ങൾ സംസാരിച്ച് ഇരുന്നു.. പിറ്റേന്ന്, ഫുഡ് കഴിക്കാൻ കയറിയപ്പോൾ എതിരെ വിമൽ നടന്നു വരുന്നുണ്ടായിരുന്നു.. അവന്റെ മുഖത്ത് പുച്ഛച്ചിരി ഉണ്ട്. തന്നെ നോക്കി വരുന്നത് കണ്ടപ്പോൾ വേഗം ഒരു സീറ്റിൽ ചെന്ന് ഇരുന്നു. അക്കുവും യദുവും എത്തിയിട്ടില്ല. ഞങ്ങൾ പെൺകുട്ടികൾ മാത്രമേ ഉള്ളൂ. ഞാൻ അവരുടെ ഗ്രൂപ്പിന് നേരെ നോക്കി. ആദി അവരുടെ കൂടെ ഇല്ലായിരുന്നു. തനുജയുടെ മുഖത്തും പുച്ഛം മാത്രം. വിമലും തനുജയും തന്റെ അടുത്തേക്ക് വന്നു.. " നീ അവനെ ആണോ നോക്കിയത്.. ഹും... അവൻ ഇനി ഞങ്ങളുടെ ഗ്രൂപ്പിൽ ഇല്ലാടി.. നിനക്ക് വേണ്ടി നിന്റെ മുന്നിൽ വച്ച് തല്ലിയ അവനുള്ള കൊട്ടേഷൻ ഞങ്ങൾ കൊടുത്തിട്ടുണ്ട്. ജീവനോടെ അവൻ ഉണ്ടോ എന്ന് മാത്രമേ ഇനി അറിയാൻ ഉള്ളൂ.. " തനൂജ എന്റെ മുഖത്തേയ്ക്ക് നോക്കി പുച്ഛത്തോടെ പറഞ്ഞു. " എടീ ദുഷ്ടേ.. നിന്റെ ഗ്രൂപ്പിൽ ഇത്രയും നാൾ നിന്നവൻ അല്ലേ ആദി.. എന്നിട്ടും നിനക്ക് എങ്ങനെ കഴിഞ്ഞുടി ഇതവനോട് ചെയ്യാൻ... " അവന് എന്തോ പറ്റി എന്ന് കേട്ടതോടെ എന്റെ ചങ്ക്‌ തകർന്നു. ഞാൻ തളർന്നു പോകും എന്ന് തോന്നി. " എടീ.. നീ അടങ്ങടി.. നിന്റെ മുറിയിൽ അന്ന് കയറിയതിനു ഞാൻ അനുഭവിച്ചത് എന്റെ ഗ്രൂപ്പിൽ നിന്നും എന്നെ പുകച്ച് ചാടിച്ചതും പോരാ എന്നെ തല്ലി അവൻ.. അതിനുള്ള പ്രതികാരം അന്ന് ഞാൻ ഇപ്പോ ചെയ്തത്. ഇപ്പോ അവൻ അങ്ങ് ചെന്നിട്ടുണ്ടാകും.. നിനക്ക് എന്ത് ചെയ്യാൻ പറ്റും??" അപ്പോളേക്കും അക്കു വന്നു.. " അതിനു അവള് എന്ത് ചെയ്യണം എന്നാ നീ പറയുന്നത്.. അവന് എന്ത് സംഭവിച്ചാലും ഞങ്ങൾക്ക് ഒന്നുമില്ല. " അക്കു എന്നെ അവനോട് ചേർത്തു.. " മതിയാക്കാറായില്ലെ നിങ്ങളുടെ അഭിനയം.. ഒരു കാമുകനും കാമുകിയും... " തനുജ അക്കുവിനു നേരെ ചീറി അവന്റെ മുന്നിലേക്ക് കയറി നിന്നു " നീ പോടീ.. വഴി തടയാൻ വന്നിരിക്കുന്നു.. " അക്കു അവളെ പിടിച്ച് തള്ളി.. വിമൽ അക്കുവിനേ തല്ലാൻ വന്നു. യദു വേഗം വിമലിന് ഒരു ചവിട്ട് കൊടുത്തു.. അവൻ എഴുന്നേറ്റ് വരുന്നതിന് മുമ്പുതന്നെ അക്കു അവന്റെ നെഞ്ചിലേക്ക് കാൽ എടുത്ത് വച്ചു. " അന്ന് നീ ചെയ്തതിന് ഞാൻ നിനക്ക് തിരിച്ച് തരുന്നുണ്ട്. ഇൗ പരിപാടി ഒന്ന് കഴിഞ്ഞോട്ടെ.. അത് വരെ പിന്നാലെ വന്നാൽ പിന്നെ നീ ജീവനോടെ കാണില്ല. കത്തിച്ച് കളയും ഞാൻ.." അക്കു ഞങ്ങളെയും കൊണ്ട് മുറിയിലേക്ക് നടന്നു. എനിക്ക് കരച്ചിൽ വരുന്നുണ്ടായിരുന്നു. ആദിയുടെ കാര്യം ഒന്നും അറിയാതെ കളിക്കാൻ സ്റ്റേജിൽ കയറാൻ പറ്റില്ല എന്ന് തോന്നി. അത് മനസിലാക്കിയതു കൊണ്ടാകണം അക്കു എന്നോട് സമാധാനമായി ഇരിക്കാൻ ആംഗ്യം കാട്ടി.. അച്ഛയുടെ കോൾ ഫോണിൽ വന്നു. വേഗം എടുത്തു.. അച്ഛ പുറത്ത് ഉണ്ടായിരുന്നു. യദുവും അക്കുവും അച്ഛയെ കൂട്ടാൻ പുറത്തേക്ക് പോയി.. അപ്പുവും അമ്മുവും എന്നെ സമാധാനിപ്പിച്ചു കൊണ്ടിരുന്നു.. ഇന്നലെ ആദിയോട് സംസാരിക്കേണ്ടത് ആയിരുന്നു. ഇപ്പോ.. വയ്യ. അവനെക്കുറിച്ച് എന്തെങ്കിലും ഒന്ന് അറിഞ്ഞിരുന്നു എങ്കിൽ.. അച്ഛ വന്ന് കയറിയപ്പോൾ തന്നെ ഓടി ചെന്ന് അച്ഛയെ കെട്ടിപ്പിടിച്ചു. സങ്കടം അടക്കാൻ കഴിയാത്തത് കൊണ്ട് പൊട്ടിക്കരഞ്ഞു പോയി ഞാൻ. എല്ലാം കേട്ട് കഴിഞ്ഞ് അച്ഛ പറഞ്ഞു. " ദേവു.. നമ്മുടെ ജീവിതത്തിൽ പലതും സംഭവിക്കും. നല്ലതും ചീത്തയുമായ കാര്യങ്ങളും അതിൽ ഉണ്ടാകും. പക്ഷേ എല്ലാം നമ്മൾ പോസിറ്റീവ് ആയി കാണണം. നല്ലതേ സംഭവിക്കൂ.. നീ ചെന്ന് മര്യാദക്ക് പ്രൈസ് വാങ്ങിക്കൊണ്ട് വാ... " പിന്നെ എല്ലാവരും ഡ്രസ്സ് ചെയ്തത് സ്റ്റേജിലേക്ക് നടന്നു.. ഞങ്ങളുടെ നമ്പർ നോക്കി ഇരുന്നു..മനസ്സിൽ അപ്പോളും ആദി മാത്രമേ ഉണ്ടായിരുന്നുള്ളൂ.. ഡാൻസ് ചെയ്യാൻ പറ്റില്ല എന്ന് അക്കുവിനോട് പറഞ്ഞു നോക്കി. അവൻ സമ്മതിച്ചില്ല. നമ്പർ വിളിച്ചതും സ്റ്റേജിലേക്ക് കയറി. മനസ്സ് പതറി എങ്കിലും ജയിക്കുക എന്ന ലക്ഷ്യം ഓർത്തപ്പോൾ ആദിയെ മനസ്സിൽ നിന്നും കുറച്ച് നേരത്തേക്ക് മറക്കാൻ ശ്രമിച്ചു. എന്റെ കൂടെ കളിക്കാൻ എന്റെ പെയർ ആയി അക്കു ആയിരുന്നെങ്കിലും കൂടെ നിൽക്കുന്ന ആൾക്ക് അക്കുവിനേക്കാൽ പൊക്കം ഉള്ളതായി തോന്നി. തിരിഞ്ഞ് നോക്കിയപ്പോൾ ആദി.. കാണുന്നത് സ്വപ്നമാണോ സത്യമാണോ എന്ന് ആലോചിക്കാൻ പോലും സമയം കിട്ടുന്നതിനു മുൻപ് കർട്ടൻ പൊങ്ങുകയും പാട്ട് കേൾക്കാൻ തുടങ്ങുകയും ചെയ്തതോടെ ശ്രദ്ധ ഡൻസിലേക്ക്‌ തിരിച്ചു. ആദി എന്റെ കൂടെ നൃത്തം ചെയ്തു. ഞാൻ മനസ്സിൽ ആനന്ദ നൃത്തം ചെയ്യുകയായിരുന്നു അപ്പൊൾ. സ്റ്റേജിൽ നിന്ന് ഇറങ്ങുമ്പോൾ ആദി എന്റെ കയ്യിൽ കയറി പിടിച്ചു... ഞാൻ അവന്റെ മുഖത്തേക്ക് സൂക്ഷിച്ചു നോക്കി.. അവൻ പുഞ്ചിരിച്ചു.. അക്കു എന്റെ മറു കയ്യിലും പിടിച്ചു... തുടരും.. ഭാഗം ഏഴ് ( അവസാന ഭാഗം) ഞങ്ങൾ ഇറങ്ങി വരുന്നതും നോക്കി തനുജയും വിമലും കൂട്ടരും ഉണ്ടായിരുന്നു. അവർ ഞങ്ങൾക്ക് നേരെ ദേഷ്യത്തോടെ നോക്കി. അക്കുവും ആദിയും എന്നെ കൂടെ ഒന്ന് കൂടെ ചേർന്ന് നിന്നു. അവരുടെ നമ്പർ ആയതിനാൽ പ്രതികരിക്കാൻ പോലും അവർക്കായില്ല. ഞാൻ തെല്ലൊരു അഹങ്കാരത്തോടെ തനുജയുടെ മുഖത്തേയ്ക്ക് നോക്കി.. അവള് വേഗം തിരിഞ്ഞ് നിന്നു.. ആദി എന്നെ കൂട്ടി പോയത് അച്ഛയുടെയും കൂടെ നിന്ന ആദിയുടെ അമ്മയുടെയും അച്ഛന്റെയും അടുത്തേക്ക് ആണ് . " അമ്മ ഇതാണ് ഞാൻ പറഞ്ഞ ദേവു.. ഇത്രയും നാൾ എന്റെ പ്രണയം ഉള്ളിൽ ഒതുക്കി.. ഇന്ന് ഞാൻ നിങ്ങളുടെ എല്ലാം മുൻപിൽ വച്ച് ഇവളോട് പറയുകയാണ്.. " ശേഷം എന്റെ നേർക്ക് തിരിഞ്ഞ് ആദി പുഞ്ചിരിച്ചു.. " ദേവു.. നിന്നെ കണ്ടപ്പോൾ മുതൽ നീ എന്റെ ഉള്ളിൽ ഉണ്ട്. ഇത്രയും നാൾ നിനക്ക് വേണ്ടി ആണ് ഞാൻ കാത്തിരുന്നത്.. നിനക്ക് എന്റെ ആകുവാൻ ഇഷ്ടമാണോ ?" ഉത്തരം പറയാതെ ഞാൻ അച്ഛയുടെ മുഖത്തേക്കും അക്കുവിനേയും യദുവിനെയും മാറി മാറി നോക്കി.. അക്കു വന്നു എന്നെ കഴുത്തിലൂടെ ചുറ്റി പിടിച്ച് അവന്റെ സമ്മതം അറിയിച്ചു. യദു കയ്യിൽ പിടിച്ചു.. ഞാൻ അച്ഛയുടെ മുഖത്തേയ്ക്ക് നോക്കി.. " അച്ഛാ.. എനിക്ക് ദേവുവിനേ ഒത്തിരി ഇഷ്ടമാണ്.. അവൾക്കും ഇഷ്ടമായി എങ്കിൽ തന്നുടെ എനിക്കവളെ ?" ആദിയുടെ ചോദ്യം കേട്ട് അച്ഛ അവനെ ചേർത്ത് പിടിച്ചു.. " എന്റെ മോളെ എനിക്ക് നന്നായി അറിയാം.. അവൾക്ക് നിന്നെ ഇഷ്ടമാണ്.. ഞാനും ഉറപ്പ് തരുന്നു.. അവളെ നിനക്ക് തന്നെ തരും... രണ്ടു പേരുടെയും പഠിത്തം കഴിഞ്ഞു ഒരു ജോലി ഒക്കെ ആയിട്ട്.. " ആദിയുടെ മുഖം സന്തോഷം കൊണ്ട് വിടർന്നു.. അവൻ അച്ഛനെ മുറുകെ കെട്ടിപ്പിടിച്ചു.. ഞാനും സന്തോഷം കൊണ്ട് ചിരിച്ചു എങ്കിലും ആദിയുടെ അമ്മ എന്നെ വന്നു കെട്ടി പിടിച്ചതോടെ എനിക്ക് നാണം വന്നു അമ്മയുടെ നെഞ്ചിലേക്ക് മുഖം താഴ്ത്തി.. അമ്മ എന്നെ ഒന്നുകൂടെ ചേർത്ത് പിടിച്ചു... കുറെ കാലങ്ങൾക്ക് ശേഷം സ്വന്തം അമ്മയുടെ നെഞ്ചില് ചാഞ്ഞ ഒരു കുളിർമയും സുരക്ഷിതത്വവും ആയിരുന്നു എനിക്ക് അപ്പൊൾ കിട്ടിയ ഫീൽ.. അങ്ങനെ ആ കാര്യത്തിന് ഒരു തീരുമാനം ആയതോടെ ഞങ്ങൾ പിള്ളേര് മുതിർന്നവരെ അവിടെ ഇരുത്തിയിട്ട്‌ മുറിയിലേക്ക് നീങ്ങി.. " അക്കു.. ആദി.. ഇന്നലെ എന്താ സംഭവിച്ചത്.. ഞങ്ങൾക്ക് അറിയണം.." " ഇന്നലെ ഫുഡ് കഴിച്ച് ഇറങ്ങുമ്പോൾ ആണ് ആദി വിളിച്ചത്.. ആരോ ആദിയുടെ പുറകെ വരുന്നു എന്ന്.. ഞങ്ങൾ വേഗം അഭി സാറിനോട് പറഞ്ഞ് ചിപ്പിടെ കൂട്ടത്തിലെ പിള്ളേരും കൂടി ഇവന്റെ അടുത്തേക്ക് ചെന്നു.. ഇവനെ ഉപദ്രവിക്കാൻ നോക്കിയ അവർക്ക് കണക്കിന് കൊടുത്തു.. അതോടെ അത് തനുജയുടെ കൊട്ടാഷൻ ആണെന്ന് മനസിലായി.. ആ സമയം അഭി വിളിച്ചു.. ആദിയെ അവർ മാറ്റി വിമൽ എന്നവനെ ഗ്രൂപ്പിലേക്ക് എടുത്തു എന്ന്.. അങ്ങനെ ഞങ്ങൾ ഇവനെ നമ്മുടെ ഗ്രൂപ്പിലേക്ക് എടുത്തു.. ഇന്നലെ രാത്രി മുഴുവൻ ഇവന് പ്രാക്ടീസ് കൊടുത്തു.. ഇനി ഈ പ്രോഗ്രാം കഴിയട്ടെ.. എന്നിട്ട് വേണം അവർക്കിട്ട്‌ ഒന്ന് കൊടുക്കാൻ.." എല്ലാം കേട്ട് കഴിഞ്ഞ് ഞാൻ പറഞ്ഞു. " ഒന്നും വേണ്ട.. ആർക്കും ഒന്നും പറ്റാതെ രക്ഷപ്പെട്ടുലോ.. അത് മതി.. ഇനി ഒന്നിനും പോണ്ട.." " പറ്റില്ല ദേവു.. ഞാനും കൂടി ചേർന്ന് ആണ് ഗ്രൂപ്പ് ഇത്രയും എത്തിച്ചത്. എന്നിട്ട് എന്നെ അവിടന്നും പുറത്ത് ആക്കി.. അത് ചോദിക്കണ്ട എന്നാണോ നീ പറയുന്നത്.. " പിന്നെ ഒന്നും മിണ്ടാൻ എനിക്ക് കഴിഞ്ഞില്ല.. ഞങ്ങൾ ഡ്രസ്സ് മാറാൻ മുറിയിലേക്ക് നടന്നു.. തിരിച്ച് വന്നപ്പോൾ പ്രോഗ്രാം കഴിഞ്ഞിരുന്നു.. ഇനി പ്രൈസ് അനൗൺസ് ചെയ്യുവാൻ പോവുകയാണ്.. ഞങ്ങൾ എല്ലാവരും ആശങ്കയോടെ പരിപാടിയിലേക്ക് ശ്രദ്ധ തിരിച്ചു.. അഞ്ചും. നാലും പ്രൈസ് കൊടുത്ത് കഴിഞ്ഞു. തേഡ് പ്രൈസ് അനൗൺസ് ചെയ്തു. ചിപ്പിക്കും ഗ്രൂപ്പിനും ആയിരുന്നു.. അതോടെ ഞങ്ങളുടെ ടെൻഷൻ കൂടി.. സെക്കൻഡ് പ്രൈസ് ബ്ലോവെഴ്സ്.. തനുജയുടെ ഗ്രൂപ്പ്... അവർ ഞങ്ങളെ അഹങ്കാരത്തോടെ നോക്കി.. പിന്നെ കൂവി കൊണ്ട് സ്റ്റേജിലേക്ക് കയറി.. പ്രൈസ് വാങ്ങുമ്പോൾ അവരുടെ നോട്ടം ഞങ്ങളിൽ തന്നെ ആയിരുന്നു.. ഞങ്ങളുടെ ശ്വാസം നിലച്ചത് പോലെ തോന്നി... ഇനി പ്രൈസ് ഒന്നും ഇല്ലെങ്കിൽ... അവർ ഇറങ്ങി ഞങ്ങളെ കളിയാക്കാൻ ഞങ്ങളുടെ അടുത്തേക്ക് വന്നു.. അപ്പോളേക്കും ഫസ്റ്റ് പ്രൈസ് അനൗൺസ് ചെയ്തു... " the first price goes to Dazzling five... " അത് കേട്ടതും സന്തോഷം കൊണ്ട് ഞങ്ങൾ തുള്ളിച്ചാടി.. എങ്ങും വർണ കടലാസുകൾ വാരി വിതറി.. പുറത്ത് പടക്കങ്ങൾ പൊട്ടിച്ചു. ഞങ്ങളെ കളിയാക്കാൻ വന്ന തനുജയും കൂട്ടരും ഞെട്ടലോടെ നോക്കുന്നത് ഞങ്ങൾ കണ്ടു എങ്കിലും ഇത്തവണ ഞങ്ങൾ അഹങ്കരിച്ചില്ല.. സന്തോഷം മാത്രമായിരുന്നു മനസ്സിൽ.. എല്ലാവരും ആഘോഷത്തോടെ സ്റ്റേജിലേക്ക് കയറി... സമ്മാനമായ തായ്‌ലൻഡ് ട്രിപ്പിന്റെ ടിക്കറ്റ് എല്ലാവർക്കും വേണ്ടി അക്കു ഏറ്റുവാങ്ങി. ഓരോരുത്തർക്കും ഉള്ള ക്യാഷ് അവാർഡും ചെക്ക് ആയി നൽകി. എല്ലാവരോടും നന്ദി പറഞ്ഞു സ്റ്റേജിൽ നിന്ന് ഇറങ്ങുമ്പോൾ അഭി സാർ മൈക്കിലൂടെ ഒന്ന് കൂടെ അനൗൺസ് ചെയ്തു.. " ആരും പ്രതീക്ഷിക്കാത്ത ഒരു പ്രൈസ് കൂടി ഉണ്ട്. ബെസ്റ്റ് മെയിൽ ആൻഡ് ഫീമെയിൽ പെർഫോർമർക്ക് അഞ്ച് ലക്ഷം രൂപ വീതം നൽകുന്നു.. ബെസ്റ്റ് മെയിൽ ആയി തിരഞ്ഞെടുക്കപ്പെട്ടത് അഖിൽ ആൻഡ് ബെസ്റ്റ് ഫീമെയിൽ സിയ... " അതോടെ സന്തോഷം ഇരട്ടിച്ചു.. ആ പ്രൈസും വാങ്ങി സ്റ്റേജിൽ നിന്ന് ഇറങ്ങുമ്പോൾ മനസ്സിൽ സന്തോഷം നിറഞ്ഞു തുളുമ്പിയിരുന്നു.. ********** തായ്‌ലൻഡ് ട്രിപ്പിൾ ഞാനും ആദിയും കൂടുതൽ അടുത്തു.. ഇണക്കങ്ങളും പിണക്കങ്ങളും എല്ലാം പറഞ്ഞു തീർത്തു.. തിരിച്ച് വീട്ടിൽ എത്തിയ ഞാൻ പഴയത് പോലെ എന്റെ അച്ഛയുടെ വികൃതിക്കുട്ടി ആയി മാറി... പിന്നങ്ങോട്ട് കാത്തിരിപ്പ് ആയിരുന്നു ആദിയുടെത് മാത്രം ആകാനുള്ള... ഇന്നാണ് ആ കാത്തിരിപ്പിന്റെ അവസാനം... ഇന്ന് ഞാൻ ആദിയുടെ സ്വന്തം ആകുന്ന ദിവസം ആണ്.. നിങ്ങളുടെ എല്ലാവരുടെയും അനുഗ്രഹം എനിക്ക് നൽകണം... പിന്നേയ്‌ ഒരു സ്വകാര്യം...... ആദിയും അക്കുവും ചേർന്ന് മറ്റവർക്ക്‌ എന്തോ പണി കൊടുത്തിരുന്നു.. അത് എന്താണെന്ന് മാത്രം ഇന്ന് വരെ അവർ എന്നോട് പറഞ്ഞില്ല.. അവർ എന്നോട് പറഞ്ഞാല് ഞാൻ നിങ്ങളോടും പറയാം കേട്ടോ.അശ്വതി എന്നാൽ വീണ്ടും കാണുന്നത് വരേക്കും..... bye
#

📔 കഥ

❤സിയ❤ ഫുൾ പാർട്ട് @കിസ്സകളുടെ സുൽത്താൻ പതിവ് പോലെ അന്നും കോളേജിലേക്ക് ഇറങ്ങിയതായിരുന്നു സിയ. " അച്ഛാ ചോറ് റെഡി ആയോ.. ഞാൻ ഇറങ്ങുകയാ." " ഒച്ച വക്കാതെ ദേവു.. കൊണ്ട് വരികയാ.." അച്ഛൻ സേതു മാധവൻ അടുക്കളയിൽ നിന്നും വിളിച്ച് പറഞ്ഞു. തുടർന്ന് ചോറ്റുപാത്രം കൊണ്ട് ഹാളിലേക്ക് വന്നു. " ദേവു.. അച്ഛ ഇന്ന് കുറച്ച് വൈകും കേട്ടോ. ഓഫീസിൽ ഇന്ന് ഇൻസ്പെക്ഷന് ആളു വരും. ഫയൽ ഒക്കെ സൈൻ ചെയ്തത് വാങ്ങണം. കുസൃതി ഒന്നും കാട്ടാതെ വീട്ടിൽ വന്നേക്കണം.നിന്റെ വാനരപ്പടയുമായി തെണ്ടാൻ പോയേക്കരുത്. " സിയ അച്ഛനെ നോക്കി ഒരു കള്ളച്ചിരി കാണിച്ചു. " ചിരിക്കുകയൊന്നും വേണ്ട.. പോയി അമ്മയോട് പറഞ്ഞിട്ട് ഇറങ്ങാൻ നോക്ക്.. ഞാനും റെഡി ആകട്ടെ.. " സിയ അമ്മയുടെ ഫോട്ടോയുടെ അടുത്തേക്ക് ചെന്നു. " അമ്മേ, ഞാൻ ഇറങ്ങുകയാ. വൈകിട്ട് ഞങ്ങൾ സിനിമക്ക് പോകുന്നുണ്ട്. അച്ഛയോട് പറഞ്ഞു സമ്മതിപ്പിക്കണേ.. പ്ലീസ്.." കുറച്ച് ഉറക്കെ ആണ് സിയ അത് പറഞ്ഞത്. എന്നിട്ട് അച്ഛന്റെ മുറിയിലേക്ക് ഒളികണ്ണോടെ നോക്കി. സേതു അവിടെ അവളെയും നോക്കി നോക്കുന്നുണ്ടായിരുന്നു കള്ള ഗൗരവത്തോടെ. " എനിക്കറിയാം നീ ഉറക്കെ പറഞ്ഞപ്പോ എന്നെ കേൾപ്പിക്കാൻ ആണെന്ന്.." " അച്ഛാ പ്ലീസ്.. ഇന്ന് DQ വിന്റെ പുതിയ പടം റിലീസ് ആണ്. പൊക്കോട്ടെ അച്ചേ... അവർ എല്ലാവരും ഉണ്ട്. എന്നെ ഇവിടെ കൊണ്ടുവന്നു വിടും. അച്ഛ എന്തായാലും വൈകി അല്ലേ വരു.. പ്ലീസ്.. " " ശരി പൊക്കൊ.. പക്ഷേ പൈസ ഞാൻ തരില്ല.." " വേണ്ടാ അത് ഞാൻ നേരത്തേ പോക്കറ്റിൽ നിന്നും പൊക്കി.. " അതും പറഞ്ഞു അവൾ മുറ്റത്തേക്ക് ഓടി ഇറങ്ങി. " ഇൗ പെണ്ണിന്റെ ഒരു കാര്യം. ഞാൻ അറിഞ്ഞില്ലെന്നാ അവളുടെ വിചാരം... " **** ഇത് സിയ.. സിയയുടെ കഥയാണ് നിങ്ങൾ ഇനി കേൾക്കാൻ പോകുന്നത്. സേതുമാധവന്റെയും യാമിനിയുടെയും ഒരേ ഒരു മകൾ ആണ് സിയ. സ്നേഹിച്ച് വിവാഹം കഴിച്ചതിനാൽ യാമിനിയുടെ വീടുമായി യാതൊരു ബന്ധവും ഇല്ല. യാമിനി രണ്ടാമത്തെ പ്രസവം ആയപ്പോൾ മരിച്ചു. കൂടെ കുട്ടിയും. പ്രസവത്തിൽ ചില പ്രശ്നങ്ങൾ ഉണ്ടായതും ചികിത്സ ഉടൻ നൽകാത്തതും കൊണ്ട് അമ്മയുടെയും കുഞ്ഞിന്റെയും മരണം സംഭവിച്ചു. അന്ന് സിയക്ക്‌ 6 വയസ്. സേതുവിന്റെ വീട്ടിൽ ഒരു പെങ്ങളും അമ്മയും മാത്രമേ ഉള്ളൂ. അമ്മയുടെ പേര് ദേവിക എന്നായിരുന്നു. ആ പേര് ചൊല്ലി ആണ് സിയയെ വിളിക്കുന്നത്. അമ്മ മൂന്ന് വർഷം മുമ്പ് മരണപ്പെട്ടു. അനിയത്തി സീത ലക്ഷ്മിയുടെ കല്യാണം കഴിഞ്ഞ് ഒരു പെൺകുട്ടി ഉണ്ട്. ദിവ്യ. സിയയുടെ പ്രായം. അവർ ഒരു കോളേജിൽ ഒരുമിച്ച് ആണ് പഠിക്കുന്നത്. സൈക്കോളജി. യാമിനി മരിച്ചതിൽ പിന്നെ സേതു ദേവുവിന് വേണ്ടി മാത്രമാണ് ജീവിച്ചത്. വേറെ പെണ്ണ് കെട്ടാൻ പലരും നിർബന്ധിച്ചു എങ്കിലും സേതു അത് ചെവിക്കൊണ്ടില്ല. അയാൾ വില്ലേജ് ഓഫീസിൽ ക്ലാർക്ക് ആണ്. മകളെ പൊന്നു പോലെ ആണ് നോക്കുന്നത്. അവളുടെ ഏത് ആഗ്രഹവും അയാൾ സാധിച്ച് കൊടുക്കും. എന്തിനും സ്വാതന്ത്യം കൊടുത്തിരുന്നു ദേവുവിന്‌. പക്ഷേ ഇന്നു വരെ അവള് അത് അനാവശ്യമായി ഉപയോഗിച്ചില്ല. രാവിലത്തെ വീട് ഭരണം അച്ഛനും വൈകിട്ട് ദേവുവിനും ആണ്. ***** ദേവു ബസ് സ്റ്റോപ്പിൽ അമ്മുവിനെ(ദിവ്യ) നോക്കി നിൽക്കുകയായിരുന്നു. കോളേജ് ബസ് വരാൻ നേരമായി. അപ്പോ ദൂരേ നിന്നും ഓടി വരുന്ന അമ്മുവിനെ ദേവു കണ്ടു.. അടുത്തെത്തിയപ്പോൾ ദേവു അമ്മുവിനെ വഴക്ക് പറഞ്ഞു. " എന്താടീ വൈകിയത്. ?" അതിന് ഉത്തരം നൽകുന്നതിന് മുന്നേ ബസ് വന്നു. ബസിൽ നിന്നും ആർപ്പ്‌ വിളികൾ കേൾക്കാമായിരുന്നു. ദേവുവും അമ്മുവും ബസിൽ കയറി എല്ലാവരെയും കൈ വീശി കാണിച്ചു. എന്നിട്ട് ഏറ്റവും ബാക്ക് സീറ്റിലേക്ക് നടന്നു. അവിടെ യദുവും അപർണയും ഉണ്ടായിരുന്നു. ദേവുവും അമ്മുവും അവരുടെ അടുത്ത് ഇരുന്നു.. " ഡാ സിനിമക്ക് പോകാൻ സമ്മതിച്ചോ അങ്കിള്?" അപർണ ചോദിച്ചു. " അതൊക്കെ നമ്മള് സെറ്റ് ആക്കൂലേ അപ്പു.. സീത അമ്മായിയും വേണു മാമനും എന്ത് പറഞ്ഞു അമ്മു.." " അച്ഛൻ പൈസ തന്നില്ല. പിന്നെ അമ്മയെ പിടിച്ച് നിറുത്തി കാല് പിടിച്ച് വാങ്ങിച്ചു. അതാ വൈകിയത്.. " വേണു അങ്കിൾ ഒരു സൂപ്പർ മാർക്കറ്റ് നടത്തുകയാണ്. അപ്പുവിന്റെ അമ്മയും അച്ഛനും ഡോക്ടർമാരാണ്‌. സ്വന്തമായി ക്ലിനിക്ക് നടത്തുന്നു. അപ്പുവിന് ഒരു ചേട്ടൻ കൂടി ഉണ്ട്. ബാംഗ്ലൂർ പഠിക്കുന്നു. യദു സാധാകൂലിപ്പണിക്കാരന്റെ മകൻ ആണ്. കൂട്ടത്തിൽ ദരിദ്രൻ. പിന്നെ ഒരാള് കൂടി ഉണ്ട്. കൂട്ടത്തിൽ അംബാനി. അഖിൽ എന്ന അക്കു. അക്കുവിന്റെ അച്ഛൻ ഒരു ബിസിനെസ്സ്കാരൻ ആണ്. ഇന്റീരിയൽ വർക്ക് ചെന്നുന്ന കമ്പനി ഉടമസ്ഥൻ. വർഷത്തിൽ നൂറ് കോടി രൂപക്ക് മേൽ ലാഭമുള്ള കമ്പനി. ദക്ഷിണ ഇന്ത്യയിൽ പേര് കെട്ട കമ്പനി... അക്കു ഒറ്റ മകൻ ആണ്.. ഇതാണ് ദേവുവിന്റെ വാനരപ്പട. കോളേജിലെ എന്ത് പരിപാടിക്കും മുന്നിട്ട് ഇറങ്ങുന്നത് ഇവർ ആയതിനാൽ എല്ലാവർക്കും ഇവരെ നന്നായി അറിയാം. യദു കോളേജ് ആർട്സ് ക്ലബ് സെക്രട്ടറി കൂടി ആണ്. അഞ്ച് പേരും നല്ല ഡാൻസേഴ്‌സ്‌ കൂടി ആണ്. " dazzling five " അതാണ് ഡാൻസ് ഗ്രൂപ്പിന്റെ പേര്. പല വിധ മത്സരങ്ങളിലും വിജയം നേടിയ ടീം ആണ് ഇവർ.. കോളേജിലും ഇവർ ഇൗ പേരിൽ തന്നെ ആണ് അറിയപ്പെടുന്നത്. ***** ബസ് അക്കുവിൻെറ സ്റ്റോപ്പിൽ നിന്നു.. അക്കുവിനെ കണ്ടതും ഒരു ആരവം ബസിൽ ഉണ്ടായി. കാണാൻ സുന്ദരൻ ആണ് അക്കു. കോളേജിലെ പെൺകുട്ടികളുടെ ആരാധനാ പുരുഷൻ. പണക്കാരനും കൂടി ആയതിനാൽ പെൺകുട്ടികൾ അവന്റെ ഒരു നോട്ടത്തിനു വേണ്ടി പോലും കാത്തിരിക്കുന്നു. പക്ഷേ അക്കു എല്ലാവർക്കും നല്ല ഫ്രണ്ട് ആണ്. അവന് ദേവുവിൻെറ കയ്യിൽ നിന്നും നല്ല തല്ല് കിട്ടും എന്ന പേടിയും ഉണ്ട്.. അക്കു ബസിൽ കയറി പുറകിൽ യദുവിന്റെ മടിയിലേക്ക് ഇരുന്നു. " അപ്പോ എങ്ങനാ.. അടിച്ച് പൊളി അല്ലേ..?? " " പിന്നല്ലാതെ.." നാല് പേരും ഒരേ സ്വരത്തിൽ പറഞ്ഞു.. ***** കോളേജിൽ എത്തി നേരെ പോയത് കാന്റീനിലേക്ക് ആണ്. " കുട്ടേട്ടാ...." " ആ എത്തിയോ.. ദാ ഇപ്പൊ എടുക്കാം." രാവിലെ വന്ന് കുട്ടേട്ടന്റെ ചായ കുടിച്ചില്ലെങ്കിൽ ഒരു സുഖവും ഇല്ല. അതോണ്ട് എന്നും അവർക്ക് കുട്ടന്റെ വക സ്പെഷ്യൽ ചായ ഉണ്ട് രാവിലെ.. ചായയും കുടിച്ച് ക്ലാസ്സിലേക്ക് നടന്നപ്പോൾ ബിനു മിസ്സ് ദേവുവിനെ വിളിച്ചു. ബാക്കിയുള്ളവരെ പറഞ്ഞ് വിട്ടിട്ട് ദേവു മിസ്സിന്റെ അടുത്തേക്ക് ചെന്നു. " എന്താ മിസ്സ് ?" " സിയ.. എന്റെ ഭർത്താവ് സ്റ്റേജ് ഷോ ചെയ്യുന്ന ആളാണെന്ന് അറിയാലോ.. ഇപ്പോ ഒരു പ്രോഗ്രാം സ്റ്റാർട്ട് ചെയ്യാൻ പോവുകയാണ് അവർ. സൂപ്പർ ഡാൻസേഴ്സ് എന്നാ പരിപാടിയുടെ പേര്. കേരളത്തിൽ അറിയപ്പെടുന്ന 25 ഓളം ഡാൻസ് ടീമിനെ മത്സരിപ്പിച്ചത് അതിൽ നിന്നും ബെസ്റ്റ് ഡാൻസ് ഗ്രൂപ്പിനെ സെലക്ട് ചെയ്യുന്നത് ആണ് പ്രോഗ്രാം. ഇതൊരു ടിവി ഷോ അല്ല. പക്ഷേ റെക്കോർഡ് ചെയ്യും. താൽപര്യമുണ്ടെങ്കിൽ ഞാൻ ഹസിനോട് പറഞ്ഞു ഡീറ്റൈൽസ് തരാം. നിങ്ങടെ കാര്യം പറഞ്ഞപ്പോൾ പുള്ളിക്ക് താൽപര്യം ഉണ്ട്. അവരോട് ആലോചിച്ച് പറയ്.. " " താങ്ക്യൂ മിസ്സ്. ഇത് ഞങ്ങൾക്ക് നല്ലൊരു അവസരം ആയിരിക്കും. ഞാൻ അവരോട് സംസാരിച്ചിട്ടു മറുപടി തരാം. " " ശരി.." *** " ഡാ... മിസ്സ് ഒരു പ്രോഗ്രാമിന്റെ കാര്യം പറയാൻ വിളിച്ചതാ.." ദേവു കെട്ട കാര്യങ്ങളെല്ലാം അവരോട് പറഞ്ഞു . " ഇത് നമുക്ക് പൊളിക്കണം... നീ സമ്മതം പറ ദേവു.." യദു പറഞ്ഞു.. ബാക്കിയുള്ളവർ അത് സപ്പോർട്ട് ചെയ്തു. ദേവു മിസ്സിനോട് സമ്മതം അറിയിച്ചു.. മിസ്സ് ദേവുവിന്റെ ഫോൺ നമ്പർ ഭർത്താവിന് കൈമാറി.. ***** വൈകിട്ട് സിനിമ കണ്ട് വീട്ടിൽ എത്തുമ്പോൾ 9:30 ആയിരുന്നു. അക്കു തന്റെ കാറിൽ ആണ് എല്ലാവരെയും സിനിമക്ക് കൊണ്ട് പോയത്. അമ്മുവിനെ വീട്ടിൽ വിട്ടിട്ടാണ് അവർ വന്നത്. അമ്മായി അപ്പോ തന്നെ അച്ഛനെ വിളിച്ച് പറഞ്ഞു എന്ന് അമ്മു മെസ്സേജ് അയച്ചു. " ഡാ നിങ്ങളും വാടാ.. അച്ഛ വഴക്ക് പറയും.." ദേവു അവരെയും കൂട്ടി വീട്ടിലേക്ക് നടന്നു.. വീട്ടിൽ ചെന്നപ്പോൾ അച്ഛ അടുക്കളയിൽ ആയിരുന്നു.. അവർ വന്നപ്പോൾ എല്ലാവരോടും ചിരിച്ച് കൊണ്ട് തന്നെ സംസാരിച്ചു. ദേവുവിനേ അവിടെ ആക്കി അവർ തിരിച്ച് പോയി.. ദേവു അച്ഛന്റെ മുഖത്തേക്ക് നോക്കി.. സേതു തിരിച്ചും. " അച്ഛാ.." " ഒന്നും പറയണ്ട.. എനിക്ക് എന്റെ മോളെ അറിയാം. മറ്റൊരാളുടെ വാക്ക് കേട്ട് ഞാൻ എന്റെ മോളെ കുറ്റപ്പെടുത്തില്ല. ആര് എന്ത് പറഞ്ഞാലും. " ദേവു ഓടിച്ചെന്ന് അച്ഛനെ കെട്ടി പിടിച്ചു.. " അധികം സോപ്പ് ഒന്നും വേണ്ട.. നാളെ രാവിലെ അടുക്കളയിൽ കയറിക്കോളണം. " ദേവു ചിരിച്ചു കൊണ്ട് അച്ഛനെ ഒന്നുകൂടി മുറുക്കെ കെട്ടിപിടിച്ചു. **** പിറ്റേന്ന് ശനിയാഴ്ച ആയിരുന്നു. ദേവു രാവിലെ തന്നെ എഴുന്നേറ്റ് അടുക്കള പണികൾ തീർത്തു.. സേതു റെഡി ആയപ്പോൾ ദേവു ആവിപറക്കുന്ന പുട്ടും കടലക്കറിയും പപ്പടവും മേശമേൽ നിരത്തി വച്ചു. രണ്ട് പേരും ഒരുമിച്ചിരുന്ന് കഴിച്ചു. പിന്നെ സേതു ഓഫീസിലേക്ക് പോയി. കുറച്ച് കഴിഞ്ഞപ്പോൾ ദേവുവിനു ബിനു മിസ്സിന്റെ ഭർത്താവിന്റെ ഫോൺ കോൾ വന്നു.. ഡീറ്റൈൽസും ആപ്ലിക്കേഷൻ ഫോമും ഫീയും മെയിൽ അയച്ച് കൊടുത്തു.. ദേവു ഡീറ്റൈൽസ് എല്ലാവർക്കും കൈമാറി.. ഗ്രൂപ്പ് ചാറ്റിൽ എല്ലാവർക്കും സമ്മതം അറിയിച്ചു കഴിഞ്ഞു.. അക്കു ആപ്ലിക്കേഷൻ അയച്ചു. കൂടെ ഫീസും. പിന്നെ മറുപടിക്കായി ഉള്ള കാത്തിരിപ്പ് ആയിരുന്നു... തുടരും.. ഭാഗം രണ്ട് മത്സരത്തിൽ പങ്കെടുക്കാനായി അക്കു ആപ്ലിക്കേഷൻ അയച്ചു. കൂടെ ഫീസും. പിന്നെ മറുപടിക്കായി ഉള്ള കാത്തിരിപ്പ് ആയിരുന്നു... **** അവരുടെ സൈറ്റിൽ അവർക്ക് കിട്ടികൊണ്ടിരിക്കുന്ന ആപ്ലിക്കേഷന്റെ എണ്ണം കൂടി കൂടി വരുന്നത് കാണാമായിരുന്നു. അതിപ്പോൾ 303 എന്ന സംഖ്യയിൽ എത്തി. അത്രയും അധികം ഡാൻസ് ഗ്രൂപ്പുകൾ നമ്മുടെ ഇൗ കൊച്ചു കേരളത്തിൽ ഉണ്ട്. മാത്രമല്ല സമ്മാനമായി തായ്‌ലന്റിലേക്ക്‌ ഉള്ള ഒരാഴ്ച ട്രിപ്പ് ആണ് അവർ ഓഫർ ചെയ്തിരിക്കുന്നത്. ഇനി ഇരുപത് മിനിറ്റ് കൂടിയുണ്ട്. ആ സമയം കൊണ്ട് ദേവു ഉച്ചക്കത്തേക്ക് കഴിക്കാൻ ഒരു സലാഡ് ഉണ്ടാക്കി ഫ്രിഡ്ജില് വച്ചു. ഗ്രൂപ്പിൽ എന്തായി എന്ന് ചോദിക്കുന്നുണ്ട്.. വീണ്ടും സൂപ്പർ ഡാൻസേഴ്‌സിന്റെ സൈറ്റിൽ കയറി. ആപ്ലിക്കേഷൻ അയക്കുന്ന സമയം കഴിഞ്ഞിരിക്കുന്നു. മൊത്തം 397 ഗ്രൂപ്പ്.. ഇതിൽ നിന്നും ഓഡിഷൻ വച്ചാണ് 25 ഗ്രൂപ്പിനെ തിരഞ്ഞെടുക്കുന്നത്.. ഓരോ ഗ്രൂപ്പിന്റെയും ഡേറ്റ് അറിയിക്കും. ഒരു ക്ലാസിക്കൽ ഡാൻസും, ഒരു സിനിമാറ്റിക് ഡാൻസും ചെയ്യണം. രണ്ടിനും മികച്ച മാർക്ക് നേടുന്നവർ സെലക്ട് ആകും. ഇൗ വിവരങ്ങൾ ദേവു ഗ്രൂപ്പിലൂടെ എല്ലാവരെയും അറിയിച്ചു. പിന്നെ സോങ്ങ് സെലക്ഷന്റെ കാര്യങ്ങളും പ്രാക്ടീസ് ചെയ്യുന്ന കാര്യങ്ങളും ആയി ചർച്ച. അവസാനം നാളെ മുതൽ പ്രാക്ടീസ് തുടങ്ങാം എന്ന തീരുമാനത്തിൽ എത്തി. എല്ലാവരും ക്ലാസ്സ് കഴിഞ്ഞു ദേവുവിന്റെ വീട്ടിൽ കൂടാം എന്ന് ഉറപ്പിച്ചു.. ഉച്ചക്കത്തേ ആഹാരം കഴിഞ്ഞ് ദേവു വീട്ടു പണികൾ എല്ലാം തീർത്തു... ****** വൈകിട്ട് അച്ഛൻ വരുന്നതും കാത്ത് ഇരിക്കുകയായിരുന്നു ദേവു.. സേതു വന്നപ്പോൾ ഓടി ചെന്ന് ബാഗ് വാങ്ങി.. സേതുവിന്റെ കയ്യിൽ പലഹാരത്തിന്റെ ഒരു കൂടും ഉണ്ടായിരുന്നു.. അച്ഛൻ കുളിച്ച് വരുന്നതും നോക്കി ചായ എടുത്ത് വച്ച് ദേവു ഇരുന്നു. " ഇന്നെന്തോ എന്റെ കൊച്ചിന് പറയാനുണ്ടല്ലോ? പറഞ്ഞോ.." ദേവു അച്ഛനോട് വിശദമായി ഡാൻസ് പ്രോഗ്രാമിന്റെ കാര്യം പറഞ്ഞു. അദ്ദേഹം മകൾക്ക് എല്ലാ പിന്തുണയും വാഗ്ദാനം ചെയ്തു.. " അതൊന്നുമല്ല ഞാൻ പറയാൻ ഉദ്ദേശിച്ചത്.. " " പിന്നേ??" " അമ്മുവിനെ ഇവിടെ നിർത്താൻ അമ്മായിയോട് അച്ഛ പറയണം. അവളിവിടെ നിർത്തിയാൽ രാവിലത്തെ അടുക്കള ജോലിയും ഞാൻ ചെയ്തോളാം. അച്ഛ പറഞ്ഞാല് അമ്മായി കേൾക്കും.." " അങ്ങനെ വരട്ടെ.. ഞാൻ ചോദിച്ചു നോക്കാം. അടുക്കളയിൽ കയറുന്ന കാര്യം പറഞ്ഞു സോപ്പ് ഇടുകയൊന്നും വേണ്ട. എന്റെ മോൾടെ സന്തോഷം അല്ലേ അച്ഛക്കു വലുത്. പകരമായി മത്സരത്തിൽ നല്ല പെർഫോർമൻസ് കാഴ്ച്ച വക്കണം. ജയിച്ചില്ലെങ്കിലും സാരമില്ല. മോശമായി എന്ന് പറയിപ്പിക്കരുത്. " " ഉറപ്പ്.. ജയിക്കുന്നവർക്ക്‌ കിട്ടുന്ന ഫ്രീ ട്രിപ്പില് dazzling five ആയിരിക്കും പോകുക... " സേതു അപ്പൊൾ തന്നെ പെങ്ങളെ വിളിച്ച് കാര്യം പറഞ്ഞു. അവർക്ക് സമ്മതിക്കാൻ ഒരു മടിയും ഉണ്ടായില്ല. കാരണം ഏട്ടൻ എന്നും അവർക്ക് അച്ഛന്റെ സ്ഥാനത്ത് ആയിരുന്നു. " ദേവു , നാളെ നമുക്ക് അവിടെ ചെന്ന് അമ്മുവിനെ കൂട്ടി ഇങ്ങോട്ട് വരാം. " അച്ഛന് കെട്ടിപ്പിടിച്ച് ഉമ്മ കൊടുത്തു ദേവു... " my hero is my sweet അച്ഛ... " ****** പിറ്റേന്ന് ദേവുവും സേതുവും അമ്മുവിന്റെ വീട്ടിൽ ചെല്ലുമ്പോൾ വേണുവും സീതയും മുറ്റത്ത് പച്ചക്കറിത്തോട്ടത്തിൽ ആയിരുന്നു. അമ്മു റെഡി ആയി നിൽക്കാൻ തുടങ്ങിയിട്ട് കുറച്ച് നേരം ആയി. ചെന്നു കയറുമ്പോൾ അമ്മു വൈകിയതിന് ദേവുവിനോട് വഴക്ക് കൂടുന്നുണ്ടായിരുന്നു. സേതു വേണുവിന്റെ അടുത്തേക്ക് ചെന്നു... അവർ തമ്മിൽ സംസാരിച്ചു കൊണ്ട് നിന്നതിനാൽ സീത അകത്തേക്ക് ചായ എടുക്കാൻ പോയി.. " അമ്മായി... " " ദേവു.. എന്തുണ്ട് വിശേഷം.." " അങ്ങനെ പോകുന്നു അമ്മായി.." " ഉം.. ഇൗ ഇടയായി രണ്ടിനും കുറച്ച് രാത്രി സഞ്ചാരം കൂടുന്നുണ്ട്.. " " എന്റെ അമ്മായി... രാത്രി ആയാലും പകൽ ആയാലും ഞങ്ങൾക്ക് സെക്യൂരിറ്റി ആയി രണ്ട് ചൊങ്കൻ ചെക്കന്മാരായ ആങ്ങളമാർ ഉണ്ട്. അവരുള്ളപ്പോൾ ഞങ്ങൾ എന്തിന് പേടിക്കണം. " " അവന്മാരെ അല്ല എനിക്ക് പേടി.. നാട്ടുകാരെ ആണ്. അവർ എന്റെം മക്കൾ തന്നെയാ.." " നാട്ടുകാരോട് പോകാൻ പറ അമ്മായി. ഞങ്ങൾക്ക് നിങ്ങള് അല്ലേ ചിലവിനു തരുന്നത്. നാട്ടുകാർ ആണോ? അവർക്ക് ആരു നന്നാകുന്നതും ഇഷ്ടമല്ല. ഇപ്പോളത്തെ ന്യൂ ജെൻ പിള്ളേർ ഒന്നിച്ച് നടക്കുന്നത് പോലെ പണ്ട് നടക്കാൻ പറ്റാത്തതിന്റെ വിഷമമാണ് അവർ പറഞ്ഞു തീർക്കുന്നത്.. " " എന്നാലും ഒരു കല്യാണ ആലോചന വരുമ്പോൾ ഇൗ നാട്ടുകാർ എന്തെങ്കിലും പറഞ്ഞ് കൊടുത്താൽ അത് മുടങ്ങില്ലേ മക്കളെ.. അതാണ് എല്ലാ വീട്ടുകാർക്കും നാട്ടുകാരെ പേടിച്ച് ജീവിക്കേണ്ടി വരുന്നത്." " അമ്മായി.. കാലം മാറി വരികയാണ്.. ഇപ്പോ എല്ലാ ചെക്കൻമാരും വീട്ടുകാരും മോഡേൺ ചിന്തകളിലേക്ക് മാറി തുടങ്ങി. നമ്മുടെ നാട്ടിൻ പുറങ്ങളിൽ മാത്രേ നാട്ടുകാരുടെ അടുത്ത് തിരക്കുന്ന ആചാരം ഉള്ളൂ.. അതും സാവധാനം മാറും. ഞങ്ങളെ കൂട്ടിൽ അടച്ചാൽ ഞങ്ങൾ നിങ്ങള് അറിയാതെ പോകും. അതിനും നല്ലത് അച്ഛയേ പോലെ സ്വതന്ത്രമായി പറക്കാൻ അനുവദിച്ചാൽ എന്നും ഇങ്ങനെ നിങ്ങടെ ചിറകിൻ ചോട്ടിൽ ഞങ്ങൾ ഉണ്ടാകും.." ദേവു സീതയെ കെട്ടിപ്പിടിച്ചു.. അത് കണ്ട് സീതയുടെ കണ്ണു നിറഞ്ഞു... യാമിനിയുടെ മുഖമാണ് മനസ്സിൽ ഓർമ വന്നത്.. " നീ മാറിക്കേ ദേവു. നിനക്ക് നിന്റെ അമ്മയുടെ ധൈര്യമാണ് കിട്ടിയത്.. അതാ ഇങ്ങനെ... അമ്മു ഇൗ ചായ കൊണ്ട് പോയി അച്ഛനും അമ്മാവനും കൊടുക്ക്.. ദേവു ഇന്നാ നിനക്കുള്ള ചായ.." ദേവു ചായ കുടിച്ചു.. ഉച്ച ഊണും കഴിച്ചിട്ടാണ് അവർ അവിടന്ന് ഇറങ്ങിയത്.. ****** വീട്ടിൽ വന്ന് കയറിയപ്പോൾ ദേവുവിന്‌ ബിനു മിസ്സിന്റെ ഭർത്താവിന്റെ കോൾ വന്നു. വരുന്ന പത്താം ദിവസം ഓഡിഷന് ഡേറ്റ് കിട്ടിയത് ആയി അറിയിച്ചു.. പ്രാക്ടീസ് തുടങ്ങാനും. ദേവു വേഗം തന്നെ കൂട്ടുകാരെ വിളിച്ച് അറിയിച്ചു. അവർ വൈകിട്ട് എത്തും എന്ന് പറഞ്ഞു. ദേവുവും അമ്മുവും ജോലി കഴിഞ്ഞ് അവർക്കായി കാത്തിരുന്നു.. അവർ വന്നപ്പോൾ തന്നെ പ്രാക്ടീസ് തുടങ്ങി. നേരത്തെ ചെയ്ത പാട്ട് തന്നെ ആയതിനാൽ കുറച്ച് സ്റ്റെപ്പുകൾ മാറ്റി പുതിയത് കൂട്ടി അവർ പഠിച്ചു.. തുടർന്നുള്ള ദിനങ്ങളിലും അവർ അതി ശക്തമായി പ്രാക്ടീസ് ചെയ്തു. അങ്ങനെ ഓഡീഷൻ ദിനം എത്തി. ഒരു ദിവസം തന്നെ പല സ്റ്റേജുകളിലായി ഓഡീഷൻ പുരോഗമിച്ചു... അവർ നന്നായി തന്നെ കളിച്ചു.. **** ഒരാഴ്ച കഴിഞ്ഞപ്പോൾ സെലക്ട് ചെയ്തതായി അവർക്ക് മെസ്സേജ് വന്നു... ആ കോളേജ് മുഴുവൻ അവർക്കുള്ള ആശംസകൾ അറിയിച്ചു.. മൂന്ന് ആഴ്ച നീണ്ടു നിൽക്കുന്ന മത്സരം ആണ്.. ഓരോ ഗ്രൂപ്പിനും 5 ഡാൻസ് ഫോമുകൾ ചെയ്യാം. അതിൽ ഏറ്റവും നല്ല മാർക്ക് വങ്ങിക്കുന്നവർ ആയിരിക്കും വിജയി എന്നും അവർക്ക് മെസ്സേജ് വന്നു.. പിന്നെ ഏതൊക്കെ ഫോം ഡാൻസ് വേണമെന്നുള്ള ചർച്ചകൾ ആയിരുന്നു. മിസ്സിന്റെ ഭർത്താവും അവരെ പല ഡാൻസ് ഫോമുകൾ പരിചയപ്പെടുത്തുവാൻ സഹായിച്ചു. പല സംസ്ഥാനങ്ങളില്‌ നിന്നായി അഞ്ച് ഡാൻസ് ഫോമുകൾ തിരഞ്ഞെടുക്കുകയും അത് പ്രാക്ടീസ് ചെയ്യാൻ തുടങ്ങുകയും ചെയ്തു.. കോളേജിൽ നിന്നും വീട്ടിൽ നിന്നും നിറഞ്ഞ പിന്തുണ അവർക്ക് ലഭിച്ചു. അങ്ങനെ മത്സരത്തിൽ പങ്കെടുക്കാനായി അവർ അഞ്ച് പേരും അക്കുവിന്റെ എക്സ് യുവിക്ക്‌ പുറപ്പെട്ടു.. തിരുവനന്തപുരത്ത് ഒരു വലിയ സെന്ററിൽ വച്ച് ആയിരുന്നു മത്സരം. അവിടെത്തന്നെ താമസിക്കാനും സൗകര്യം കിട്ടി.. തുടരും... അവർ തിരുവനന്തപുരത്ത്‌ എത്തിയപ്പോൾ വൈകിട്ട് 4 മണി ആയിരുന്നു.. എൻട്രി കാർഡും ഐഡി കാർഡും ഫ്രണ്ട് ഓഫീസിൽ നിന്നും കിട്ടി. പിന്നെ നേരെ പോയത് മീറ്റിംഗ് ഹാളിലേക്ക് ആണ്.. കുറച്ച് പേര് ഹാളിൽ ഉണ്ടായിരുന്നു. ബാക്കിയുള്ളവർ എത്തിക്കൊണ്ട് ഇരിക്കുന്നു. അവർ അഞ്ച് പേരും ഏറ്റവും മുന്നിലത്തെ സീറ്റിൽ പോയി ഇരുന്നു. കുറച്ച് കഴിഞ്ഞപ്പോൾ ഹാൾ നിറഞ്ഞു. സ്റ്റേജിലേക്ക് മിസ്സിന്റെ ഭർത്താവും ഒരു പെൺകുട്ടിയും കയറി നിന്നു. " സൂപ്പർ ഡാൻസേഴ്‌സിന്റെ ഇൗ ബ്രഹ്മാണ്ഡ ഷോയിലേക്ക്‌ നിങ്ങൾ ഏവർക്കും സ്വാഗതം... ഞാൻ നിങ്ങളുടെ സ്വന്തം അഭിറാം.. " " ഞാൻ നിങ്ങളുടെ സ്വന്തം ചിത്ര... ആദ്യമായി ഇൗ ഷോ ഉത്ഘാടനം ചെയ്യാൻ പ്രശസ്ത സിനിമാതാരം കോറിയോഗ്രാഫർ എന്നീ മേഖലകളിൽ മികച്ച സാന്നിധ്യം കാഴ്ച്ച വച്ച നമ്മുടെ സ്വന്തം പ്രഭുദേവയെ സ്വാഗതം ചെയ്യുന്നു.... " സദസ്സിൽ കയ്യടി ഉയർന്നു.. പ്രഭു ദേവ സ്റ്റേജിലേക്ക് കയറി.. " കൂടാതെ സൂപ്പർ ഡാൻസേഴ്‌സിന്റെ സ്പോൺസർസ് ആയ വണ്ടർലാ ഗ്രൂപ്പ് എംഡി ചിറ്റിലപ്പിള്ളി കൊച്ചൗസേപ്പ് സാറിനും ഇന്‍ററിയൽ ഡിസൈനിംഗ് കമ്പനി D Life എംഡി ജോബി മാത്യു സാറിന്റെയും സ്റ്റേജിലേക്ക് സ്വാഗതം ചെയ്യുന്നു." അങ്ങനെ അവരും സ്റ്റേജിലേക്ക് എത്തി.. ഉത്ഘാടനം കഴിഞ്ഞു... " ഇനി ഇൗ ഷോയുടെ വിവരങ്ങൾ ചിത്ര നിങ്ങൾക്ക് കൈമാറുന്നത് ആണ്. " എല്ലാവരും നമ്മുടെ സൈറ്റിൽ മത്സരങ്ങളെ കുറിച്ച് കണ്ട് കാണുമല്ലോ. ഇവിടെ ഇരുപത്തി അഞ്ചു ഗ്രൂപ്പ് ആണ് ഓഡിഷനിൽ നിന്നും സെലക്ട് ആയി വന്നിട്ടുള്ളത്. എല്ലാ ഗ്രൂപ്പും ഇന്ത്യയിലെ ഏതെങ്കിലും അഞ്ച് തരത്തിലുള്ള ഡാൻസ് ഫോമുകൾ അവതരിപ്പിക്കാം. നമുക്ക് മൂന്ന് ആഴ്ച അതായത് ഇരുപത്തി ഒന്ന് ദിനങ്ങളിൽ ആയി ഇരുപത്തി അഞ്ചു ഗ്രൂപ്പിന്റെയും പെർഫോർമൻസ് കാണാം. ആദ്യ ഇരുപത് ദിവസം ആറ് പെർഫോമൻസ് വച്ചും ലാസ്റ്റ് ദിവസം അഞ്ച് പെർഫോമൻസും ആണ് നടത്തുന്നത്. ഒരു ഗ്രൂപ്പിനും അവരുടെ പെർഫോമൻസ് ഡേ നേരത്തെ അറിയിക്കുവാൻ ബോർഡിൽ ഇടും. മറ്റു ഷോകളിൽ നിന്നും നമ്മുടെ ഷോ വ്യത്യസ്തമാകുന്നത് ഇവിടെ എലിമിനേഷൻ എന്ന പ്രൊസസ്സ് ഇല്ല. ഏറ്റവും മികച്ച ഒരു ടീമിനെ തിരഞ്ഞെടുക്കുന്നു. അതാണ് നമ്മുടെ പ്രത്യേകത. പിന്നെ വിജയിക്ക് ലഭിക്കുന്ന സമ്മാനം എന്താണെന്ന് എല്ലാവർക്കും അറിയാമല്ലോ അല്ലേ....... അതേ.. തായ്‌ലൻഡ് ട്രിപ്പ്.. കൂടാതെ സ്പോൺസേഴ്സ് ഗ്രൂപ്പ് അംഗങ്ങൾക്കായി അഞ്ച് ലക്ഷം രൂപ വീതം പോക്കറ്റ് മണിയും തരുന്നു... ഇവിടെ സെലക്ട് ആകുന്ന ബാക്കി അഞ്ച് സ്ഥാനക്കാർക്കും സമ്മാനമുണ്ട്. സെക്കൻഡ് പ്രൈസ് ഗ്രൂപ്പിന് അഞ്ച് ലക്ഷം ,വണ്ടർലാ ടിക്കറ്റും.. തേർഡ് പ്രൈസ് മൂന്ന് ലക്ഷം രൂപ, വണ്ടർലാ ടിക്കറ്റും, ഫോർത്ത് പ്രൈസ് ഒരു ലക്ഷം രൂപ, വണ്ടർലാ ടിക്കറ്റും, ഫിഫ്ത്ത് വണ്ടർലാ ഫാമിലി ടിക്കറ്റ്.. ഇതാണ് നമ്മുടെ ആഘോഷം.. ബാക്കി കാര്യങ്ങളും വിശദാംശങ്ങളും അഭി വിവരിക്കും. അഭി..." " നിങ്ങളുടെ താമസത്തിന്റെ കാര്യമാണ് എനിക്ക് പറയാനുള്ളത്.. ചില ഗ്രൂപ്പുകൾക്ക് മെമ്പർസ് കുറവും ചിലതിൽ കൂടുതലും ആണ്.. അതുകൊണ്ട് ഒരു റൂമിലേക്ക് അഞ്ച് പേര് വച്ചാണ് സ്റ്റേ ഒരുക്കിയിരിക്കുന്നത്. റൂം നമ്പറും പേരുകളും ബോർഡിൽ ഇട്ടിട്ടുണ്ട്... പ്രാക്ടീസ് ചെയ്യാൻ നിങ്ങൾക്ക് ഇരുപത്തി അഞ്ചു റൂമുകൾ വേറെ ഉണ്ട്. ഫ്രണ്ട് ഓഫീസിൽ നിന്നും നിങ്ങൾക്ക് കീ കളക്റ്റ് ചെയ്യാം. ഫുഡ് എല്ലാവർക്കും ഒരുമിച്ച് ഒരേ ഹാളിൽ ആണ്. ഇപ്പോ എല്ലാവർക്കും ഹാളിൽ ഫുഡ് ഒരുക്കിയിട്ടുണ്ട്. നാളെ മുതൽ മത്സരങ്ങൾ തുടങ്ങും.. താങ്ക്യൂ... " " താങ്ക്യൂ all" ***** എല്ലാവരും ഫുഡ് കഴിക്കാൻ ഹാളിലേക്ക് നീങ്ങി. ബുഫേ മോഡലിൽ ആയിരുന്നു ഫുഡ് അറേഞ്ച്മെന്റ്. അവർ ഫുഡ് എടുത്ത് ഒരു ടേബിളിന്റെ അടുത്ത് ഇരുന്നു. കഴിച്ച് കഴിയാറായപ്പോൾ ദേവുവിന്റേ തോളത്ത് ഒരാള് തട്ടി വിളിച്ചു.. " ചേച്ചീ... " ദേവു തിരിഞ്ഞ് നോക്കി.. " എന്റെ ദേവി.. ഇതാരാ.. നീയും ഉണ്ടോ ഇവിടെ?" " പിന്നേ.. ഇൗ ചിപ്പി ഇല്ലാതെ എന്ത് ഡാൻസ് മത്സരം.. ബോർഡിൽ റൂം മേറ്റ് സിയ എന്ന് കണ്ടു. ചേച്ചി ആണെന്ന് തോന്നി.. അതോണ്ട് അന്വേഷിച്ച് വന്നതാ... " " ടാ ഞാൻ പറഞ്ഞില്ലേ ചിപ്പി, പണ്ട് ഞാനും അമ്മുവും അമ്മാവന്റെ വീടിനടുത്ത് പ്രോഗ്രാമിന് പോയപ്പോൾ കണ്ട കുട്ടി.." " അം എന്തോ പ്രോബ്ലം ഉണ്ടായപ്പോൾ ഇവരുടെ കൂടെ ഉണ്ടായിരുന്ന പിള്ളേര് കേറി ഇടപെട്ടെന്ന് പറഞ്ഞ.. അതല്ലേ" അക്കു ചോദിച്ചു.. " അത് തന്നെ. അവന്മാരും ഉണ്ട്. ഇത് വിജിത ഗ്രൂപ്പിൽ ഉള്ളത് ആണ്.." അപ്പോളേക്കും ചിപ്പിയുടെ കൂടെ ഉളളവർ അവരുടെ അടുത്തേക്ക് വന്നു.. " അയ്യോ ചേച്ചി... സുഖമാണോ ചേച്ചീ...?" " പിന്നേ സുഖം.. നിങ്ങൾക്കോ.. ?" " ഉം... ഞങ്ങൾ റൂം മേറ്റിനെ നോക്കി നടക്കുവാരുന്നു. കീ വാങ്ങി. dazzling five.. ആണ്.. " " ഡാ അത് ഞങ്ങളാ... " " ആണോ.. ഇവർ അപ്പോ നിങ്ങടെ കൂടെ അല്ലേ . സമാധാനം ആയി.. നിങ്ങള് നടന്നോ.. ഞങ്ങൾ ചേട്ടായിമാരെ പരിചയപ്പെടട്ടെ." ഞങ്ങൾ കൈ കഴുകാൻ വാഷ് റൂമിലേക്ക് നടന്നു.. അതിനിടയിൽ ചിപ്പിയും വിജിയും ഞങ്ങളോട് കൂട്ടായി.. വാ തോരാതെ സംസാരിക്കുന്ന കൂട്ടത്തിൽ ആയിരുന്നു ചിപ്പി.. അപ്പുവുമായി അവള് ഇടി വരെ ഉണ്ടാക്കി തുടങ്ങി.. ഞാനും അമ്മുവും അക്കുവിന്റെയും കൂട്ടരുടെയും അടുത്തേക്ക് നീങ്ങി. അവർ റെസ്റ്റ് റൂമിലേക്കും. അവരോട് കത്തി വച്ച് കൊണ്ട് ഇരിക്കുന്നതിനിടയിൽ ആണ് അപ്പു ഓടി ഞങ്ങളുടെ അടുത്തേക്ക് വന്നത്. " ദേവു.. അക്കു... ഇവിടെ അവരും വന്നിട്ടുണ്ട്.." " ആര്??" ദേവു ചോദിച്ചു.. " അവര്.. ബ്ലോവേഴ്സ്... " ദേവു ഞെട്ടി അക്കുവിനെ നോക്കി. അക്കു എന്റെ മുഖത്തേക്ക് ദേഷ്യത്തോടെ നോക്കി.. മറ്റുള്ളവരും എന്ത് പറയണം എന്നറിയാതെ പരസ്പരം നോക്കി. " ദേവു.. കഴിഞ്ഞ തവണ അവർ തല്ലുകൊള്ളാതെ പോയത് നീ കാരണമാ.. ഇത്തവണ ആ ക്ഷമ ഞാൻ കാണിക്കില്ല. " " ഇൗ കാര്യത്തിൽ ഞാനും അക്കുവിന്റെ കൂടെയാണ്.." യദുവും അക്കുവിനെ പിന്തുണച്ചു.. " വാ മുറിയിലേക്ക് പോകാം.." അവരുടെ പുറകെ നടക്കുന്നതിന്റെ കൂടെ ദേവു ചുറ്റും ഒന്നുകൂടി കണ്ണോടിച്ചു.. രണ്ട് വർഷങ്ങൾക്ക് ശേഷം ഹാളിന്റെ ഒരു മൂലക്ക് തന്റെ കൂട്ടുകാരോട് സംസാരിച്ച് കൊണ്ട് നിൽക്കുന്ന അവനെ ദേവു കണ്ടു.. കൂടെ ബ്ലോവേഴ്‌സിന്റെ ലീഡർ ആയ അവളെയും... ഒന്നുകൂടി അവരെ തിരിഞ്ഞ് നോക്കിയിട്ട് ദേവു അമ്മുവിന്റെ കൂടെ നടന്നു... അമ്മു ദേവുവിനേ തന്നോട് ചേർത്ത് പിടിച്ചു... അപ്പു ദേവുവിന്റെ തണുത്ത കൈകൾ കൂട്ടി പിടിച്ചു.. ********* തുടരും... റൂമിലേക്ക് എത്തുന്നത് വരെ അക്കു ദേവുവിനെ ശ്രദ്ധിച്ചു.. അവർ മുറിയിൽ കയറി കഴിഞ്ഞപ്പോൾ അക്കു പറഞ്ഞു. " ദേവു നമ്മൾ ഇവിടെ എന്തിന് വന്നുവോ അത് ശ്രദ്ധിച്ചാൽ മതി. ഇന്ന് മുതൽ ഞാൻ നിന്റെ ബ്രദർ അല്ല. ലവർ ആണ്. അങ്ങനെയേ ഇവിടുള്ള മറ്റ് ആൾക്കാർ അറിയാവു..കേട്ടല്ലോ" അത് കേട്ടിട്ടും ദേവുവിനു തലയാട്ടൻ അല്ലാതെ മറ്റൊന്നിനും കഴിഞ്ഞില്ല. ചിപ്പിക്കും വിജിക്കും ഒന്നും മനസിലായില്ല.. അക്കു മുറി വിട്ട് ഇറങ്ങിയതും ചിപ്പി അവരോട് കാര്യം അന്വേഷിച്ചു... ദേവു കുറച്ച് നേരം ഒന്നും മിണ്ടിയില്ല. പണ്ടത്തെ കാര്യം ഓർത്തിരുന്നു. പിന്നെ കഥ പറയാൻ തുടങ്ങി.. അമ്മുവും അപ്പുവും ആ കഥ ഒന്നുകൂടെ കേൾക്കാൻ അവളുടെ അടുത്തേക്ക് ഇരുന്നു. ചിപ്പിയും വിജിയും ആകാംഷയോടെ ദേവുവിൻെറ മുഖത്തേക്ക് നോക്കി ഇരുന്നു... *********** രണ്ട് വർഷത്തിന് മുൻപ് ഒരു അമ്പലത്തിലെ നാല് ദിവസത്തെ ഉത്സവത്തിന് ഡാൻസ് പ്രോഗ്രാം ബുക്ക് ചെയ്ത് എത്തിയത് ആയിരുന്നു dazzling five. പ്ലസ് ടൂ കഴിഞ്ഞ് കോളേജിലേക്ക് കടക്കാൻ ഒരുങ്ങുന്ന സമയം. ഞങ്ങളെ കൂടാതെ blowers ഉണ്ടായിരുന്നു അവിടെ. ഞങ്ങൾ അഞ്ച് പേരും ഒരു മുറി ആണ് എടുത്തത്. മറ്റൊരു മുറിയിൽ പല രീതിയിൽ ഉള്ള ആർട്ടിസ്റ്റ് മാരും. ഇടവിട്ട് ഇടവിട്ട് ആയിരുന്നു ഞങ്ങളുടെ പ്രോഗ്രാം. ആദ്യ ദിവസം ഞങ്ങളുടേതും പിന്നത്തെ ദിവസം അവരുടെതും. അന്നത്തെ പ്രോഗ്രാം ഞങ്ങളുടെ ആയിരുന്നു. ഞങ്ങൾ ഡ്രസ്സ് ചെയ്ത് സ്റ്റേജിലേക്ക് നടന്നു. ഡാൻസ് കഴിഞ്ഞ് ഗ്രീൻ റൂമിലേക്ക് എത്തിയ ഞങ്ങളെ അഭിനന്ദിക്കാൻ blowers എത്തി.. വളരെ സന്തോഷത്തോടെ ആണ് ഞങ്ങൾ അവരെ സ്വീകരിച്ചത്. അവർ ആറ് പേര് ഉണ്ട്. അന്നാണ് അവനെ ഞാൻ ആദ്യമായി കാണുന്നത്. എല്ലാവരെയും പരിചയപ്പെടുമ്പോൾ എന്റെ മേൽ നിന്നും കണ്ണെടുക്കാതെ നോക്കിയ അവൻ... ആദിത് എന്ന ആദി.. ബാക്കിയുള്ളവരെ പരിചയപ്പെട്ടു. വിമൽ, പ്രീതി, വിനി, കിരൺ പിന്നെ ടീം ലീഡർ തനൂജ. ആദിയെ പരിചയപ്പെടുമ്പോൾ അവൻ എന്റെ കയ്യിൽ മുറുകെ പിടിച്ചു. പിന്നെ സോഫ്റ്റ് ആയി തലോടി. സംസാരിച്ച് തീരുന്നത് വരെ അവൻ എന്റെ കൈ വിട്ടതും ഇല്ല. അങ്ങനെ ഞങ്ങളും അവരും ഭയങ്കര കൂട്ടായി. താമസവും ഭക്ഷണവും എല്ലാം ഒരുമിച്ച്. അതിനിടയിൽ തനുജക്ക് അക്കുവിനോട് ചെറിയ പ്രേമം ഉണ്ടായി. അക്കു ഒറ്റ മകൻ ആയത് കൊണ്ട് പ്രേമിച്ച് നടക്കില്ലെന്ന് അവൻ അവന്റെ അമ്മക്ക് വാക്ക് കൊടുത്തിരുന്നു. മാത്രമല്ല അവന് തനുജയെ പോലെ ഒരു ഫുള്ളി മോഡേൺ പെൺകുട്ടിയെ താൽപര്യം ഇല്ലായിരുന്നു. ആദി എന്നോട് ഇഷ്ടം തുറന്ന് പറഞ്ഞില്ലെങ്കിലും പറയാൻ ആഗ്രഹിക്കുന്നുണ്ട് എന്ന് എനിക്ക് തോന്നി. ഇതുവരെ മറ്റാരോടും തോന്നാത്ത ഒരു ഇഷ്ടം എനിക്കും ആദിയോട് തോന്നിയിരുന്നു. ഉത്സവത്തിന്റെ പകൽ സമയത്ത് ഞങ്ങൾ അവിടെ എല്ലാം ചുറ്റി നടക്കാരുണ്ടായിരുന്നു. മൂന്നാം ദിവസം തനുജ അക്കുവിനേ ഒറ്റക്ക് കിട്ടിയപ്പോൾ അവളുടെ ഇഷ്ടം അവനോട് പറഞ്ഞു. കാരണങ്ങൾ ഒന്നും തുറന്നു പറയാതെ അത് നിരസിച്ചു. തിരിച്ച് റൂമിലേക്ക് എത്തിയപ്പോൾ എനിക്ക് പനി പിടിച്ചിരുന്നു. ഡാൻസ് ചെയ്യാൻ കഴിയുന്ന അവസ്ഥയിൽ അല്ലതായിരുന്നു ഞാൻ. എനിക്ക് മരുന്ന് വാങ്ങി തന്നിട്ട് അവർ സ്റ്റേജിലേക്ക് പോയി. സ്റ്റേജിൽ കയറുന്നതിന് തൊട്ടു മുൻപ് അക്കു ഒന്നുകൂടി എന്റെ അടുത്തേക്ക് വന്നു. പനി കുറഞ്ഞു എങ്കിൽ മുറിയിൽ ഒറ്റക്ക് ഇരിക്കാതെ ഗ്രീൻറൂമിലേക് വിളിക്കാൻ ആയിരുന്നു. അവൻ എന്റെ അടുത്തിരുന്ന് എന്റെ മുഖത്തും കഴുത്തിലും തൊട്ടു നോക്കുമ്പോൾ തനൂജ റൂമിലേക്ക് കയറി വന്നു. അവള് ഞങ്ങളെ തെറ്റിദ്ധരിച്ചു എന്ന് ഞങ്ങൾ മനസ്സിലാക്കിയത് വൈകിയാണ്. അക്കു പോയി കഴിഞ്ഞപ്പോൾ തനൂജ വിമലിനെ എന്റെ മുറിയിൽ ആക്കി വാതിൽ പുറത്ത് നിന്നും അടച്ചു. ഗുളികയുടെ ആലസ്യത്തിൽ ഉറങ്ങാൻ തുടങ്ങിയ ഞാൻ ഇതൊന്നും അറിഞ്ഞില്ല. പരിപാടി വന്ന് കഴിഞ്ഞ് ഇറങ്ങിയപ്പോൾ തനൂജ ഇതും പറഞ്ഞ് അവരെ കളിയാക്കി. അവർ വന്നു വാതിൽ തുറന്നപ്പോൾ വിമൽ പുറത്തേക്ക് ഇറങ്ങി. ബഹളം കെട്ട് ഞാൻ എഴുന്നേറ്റു. എന്റെ തുണികൾ മാറികിടക്കുന്നുണ്ടായിരുന്നു. അക്കു വന്ന് എന്നോട് ചോദിച്ചപ്പോൾ എനിക്ക് ഒന്നും പറയാൻ ഉണ്ടായിരുന്നില്ല. നാണം കെട്ട ഞങ്ങൾ വേഗം തന്നെ കാശും വാങ്ങി അവിടെ നിന്നും പോന്നു. ആദിയേ അവസാനമായി പോലും ഞാൻ അന്ന് കണ്ടില്ല. അതിന് ശേഷം ഇന്നാണ് അവനെ കാണുന്നത്. അവൻ എന്നെ കണ്ടില്ലെന്ന് തോന്നുന്നു.. ************* എല്ലാം കേട്ടുകൊണ്ട് ഇരുന്ന ചിപ്പി പറഞ്ഞു. " എന്നാല് അക്കു ചേട്ടൻ പറഞ്ഞത് ശരിയാ. ചേച്ചിക്ക് എന്തെങ്കിലും പറ്റിയാൽ ഉപേക്ഷിക്കാതെ കൂടെ നിറുത്തിയ ലവർ ആയി തന്നെ അക്കു ചേട്ടൻ അവരുടെ മുന്നിൽ ചെല്ലണം.ചേച്ചിയും ഒന്നും സംഭവിക്കാത്തത് പോലെ അഭിനയിക്കണം. അവൾക്കിട്ട്‌ ഒരു പണിയും കൊടുക്കണം.l" " ശരിയാ അക്കു പറഞ്ഞത് പോലെ ചെയ്താൽ മതി" അപ്പുവും അമ്മുവും ഏറ്റ് പറഞ്ഞു.. *************** പിറ്റേന്ന് ഞങ്ങൾ പ്രാക്ടീസ് ചെയ്യാൻ തുടങ്ങി. ഉച്ചക്ക് ഭക്ഷണം കഴിക്കാൻ ഹാളിലേക്ക് പോകുന്നത് വരെ അവരെ കാണുവാൻ കഴിഞ്ഞില്ല. ഹാളിലേക്ക് കയറിയത് അക്കുവിന്റെ കൂടെയാണ്. ഹാളിൽ ഫുഡ് എടുത്ത് മടങ്ങുന്ന ആദിയുടെ മുന്നിലേക്കാണ് ഞാനും അക്കുവും കൈപിടിച്ച് നടന്ന് എത്തിയത്. അക്കു അവനെ കണ്ടില്ലെങ്കിലും ഞാൻ കണ്ടു ആദി എന്നെയും അക്കുവിനെയും നോക്കി അത്ഭുതപ്പെട്ടു നിൽക്കുന്നത്. അത് നോക്കാതെ ഞാൻ അക്കുവിന്റെ കൂടെ ഫുഡ് എടുത്ത് തിരിച്ച് നടന്നു. നടക്കുന്നതിനിടയിൽ അക്കു എന്റെ നടുഭാഗത്ത് കൂടി വയറിൽ പിടിച്ച് അവനോട് ചേർത്തു. ഞെട്ടിപ്പോയി ഞാൻ. അവൻ നോക്കുന്ന ദിശയിലേക്ക് നോക്കിയപ്പോൾ അവിടെ തനുജയും കൂട്ടരും നിൽക്കുന്നുണ്ടായിരുന്നു. ആദി അവരുടെ അടുത്തേക്ക് നടന്നടുക്കുകയും ചെയ്യുന്നു. അവരെ നോക്കാതെ ഞങ്ങൾ ഫുഡ് കഴിച്ച് പ്രാക്ടീസ് ചെയ്യാൻ മടങ്ങി. അടുത്ത ദിവസം ഞങ്ങടുടെ ഡാൻസ് ഉണ്ടായിരുന്നു. പോകുന്നതിനിടയിൽ ചിപ്പി വന്ന് ആദിയെ കണ്ണ് കൊണ്ട് ചൂണ്ടി അതാണോ ആള് എന്ന് ചോദിച്ചു. അതേ എന്ന് ഞാൻ മെല്ലേ തലയാട്ടി.. **************** രാത്രി ചിപ്പി വന്നത് ഒരു വാർത്തയുമായി ആണ്. ഉച്ചക്ക് അവള് ഫുഡ് കഴിച്ച് ഞങ്ങൾ തിരിച്ച് പോന്നപ്പോൾ അവരുടെ മുന്നിൽ പോയി നിന്നു ചിപ്പി വിജിയോട്‌ പറഞ്ഞത്രേ ഞാനും അക്കുവും എന്ത് ചേർച്ചയാണ്, ശരിക്കും ദൈവം ഒന്നിച്ചതാണവരെ എന്ന്.. അത് കേട്ട് തനുജയുടെ മുഖം ചുവന്നു എന്നും ആദി ഒന്നും കഴിച്ച് തീർക്കാതെ എഴുന്നേറ്റ് പോയി എന്നും.. അതൊക്കെ കേട്ട് അപ്പുവും അമ്മുവും ഉറക്കെ ചിരിച്ചു. എനിക്കെന്തോ ചിരിക്കമായില്ല. പിന്നെ അതൊക്കെ മറക്കാൻ ശ്രമിച്ച് നാളത്തെ ഡാൻസ് പ്രോഗ്രാം ഭംഗി ആക്കണം എന്ന് മനസ്സിൽ ഉറപ്പിച്ചു. ***** പിറ്റേന്ന് ഡാൻസ് കഴിയുന്നത് വരെ മറ്റാരും എന്റെ മനസ്സിലേക്ക് വന്നില്ല. എല്ലാവരും ഫുഡ് കഴിച്ച് കഴിഞ്ഞാണ് ഞാൻ എഴുന്നേറ്റത്. എഴുന്നേറ്റ് നടക്കുമ്പോൾ ആദി എന്റെ എതിരെ നടന്നു വന്നു. ആരും കൂടെ ഇല്ലാത്തതിനാൽ ഞാൻ ചുറ്റും നോക്കി. കൈ കഴുകി അക്കു എന്റടുതേക്ക്‌ ഓടി വരുന്നത് ഞാൻ കണ്ടു. ഞാൻ ചിരിച്ച് കൊണ്ട് വിളിച്ച് പറഞ്ഞു.. " അക്കു.. അവിടെ നിക്ക്‌.. ഞാൻ കൈ കഴുകിയിട്ട്‌ വേഗം വരാം." അത് കേട്ട് ആദി അക്കുവിന്റേ നേർക്ക് നോക്കി. എന്നിട്ട് നിരാശയോടെ എനിക്ക് വഴിമാറി തന്നുകൊണ്ട് എന്റെ മുഖത്തേക്ക് നോക്കി... ഞാൻ അത് ശ്രദ്ധിക്കാതെ ആദിയെ കടന്നു അക്കുവിന്റെ അടുത്തേക്ക് ചെന്നു... തുടരും... അക്കു എന്റെ തോളിലൂടെ കയ്യിട്ടു എന്നെ വിളിച്ചുകൊണ്ട് പോയി. ****** ആ ആഴ്ച അങ്ങനെ കടന്നുപോയി.. ഞങ്ങളുടെ രണ്ട് പെർഫോമൻസ് കഴിഞ്ഞു. ഞാനും അക്കുവും പ്രണയമാണെന്നും അടുത്ത മാസം കല്യാണം ആണെന്നും ക്യാമ്പ് മുഴുവൻ വ്യാപിച്ചിരുന്നു. ആദി പല തവണ എന്നോട് മിണ്ടാൻ ശ്രമിച്ചു എങ്കിലും അക്കു അതിന് ഒരിക്കലും അവസരം കൊടുത്തില്ല. ഞാനും നിന്നു കൊടുത്തില്ല. എന്നാല് ഒരു ദിവസം തനുജ എന്നെ പിടിച്ച് നിറുത്തി.. " നീയും അവനും തമ്മിൽ ഭയങ്കര പ്രേമം ആണെന്ന് കേട്ടല്ലോടി.. നേരാണോ.. അതോ അന്നത്തെ പോലെ.." " അതേടി.. ഞാനും അവനും തമ്മിൽ നല്ല മുഴുത്ത പ്രണയം ആണ്. അതിന് നിനക്കെന്താ നഷ്ടം?" അവള് മറുപടി പറയുന്നതിന് മുൻപേ അക്കു എത്തിയിരുന്നു. " എന്താ ദേവു?" " ഒന്നുമില്ലാടാ.. " " നീയും അവനും ചേർന്ന് മറ്റെപ്പണി ചെയ്യുകയാണോ എന്ന് ഞാൻ ചോദിച്ചു എന്ന് തന്നെ പറയടീ " അത് പറഞ്ഞതും അവളുടെ കാരണം പൊത്തി അടി വീണു. അക്കുവിനേ നോക്കിയപ്പോൾ അവൻ കൈ ഉയർത്തിയത് മാത്രമേ ഉള്ളു. അവന്റെ നോട്ടം അടുത്ത് നിന്ന ആദിയിലേക്ക്‌ നീണ്ടത് ഞാൻ കണ്ടു. അപ്പോളാണ് എനിക്ക് മനസ്സിലായത് ആദിയാണ് അവളെ തല്ലിയത് എന്ന്. " എടാ... നീ എന്നെ തല്ലിയല്ലെ.. " " അതേടി.. ഇവളുടെ മുന്നിൽ വച്ച് നിനക്ക് ഇങ്ങനൊന്ന് തരാൻ വേണ്ടി മാത്രമാണ് ഞാൻ ഇത്രയും നാൾ നിന്റെ കൂടെ നടന്നത്. " " നീ എന്ത് അറിഞ്ഞിട്ടാ... നിനക്ക് അന്ന് മനസ്സിലായത് അല്ലേ ഇവളുടെ സ്വഭാവം." " അന്ന് ഞാൻ മനസിലാക്കിയത് അവളുടെ അല്ല നിന്റെ സ്വഭാവം ആണ്. വിമലിനെ പനിച്ച് ക്ഷീണിച്ച് ഉറങ്ങിയ അവളുടെ മുറിയിൽ കയറ്റി കതകടച്ച നിന്റെ സ്വഭാവം. വിമലിനിട്ട്‌ അന്ന് തന്നെ ഞാൻ പൊട്ടിച്ചു. അത് കൊണ്ടാ അവൻ നിറുത്തി പോയത്. എനിക്ക് അവളെ അത്രക്ക് ഇഷ്ടമായിരുന്നു. ഇന്നും അവളെ അതെ അളവിലോ അതിനേക്കാൾ കൂടുതലോ ഇഷ്ടമാണ്. അവളുടെ സന്തോഷം എന്തോ അതാണ് എനിക്ക് വലുത്. ഇനി നിന്റെ നിഴൽ പോലും അവളുടെ മേൽ വീണേക്കരുത്. പിന്നെ ഇനി മുതൽ ഈ ഗ്രൂപ്പ് ഇങ്ങനെ പോകണം എന്ന് നിനക്കുണ്ടെങ്കിൽ ഞാൻ നിൽക്കാം. അല്ലെങ്കിൽ ഞാൻ ഈ നിമിഷം പോവുകയാണ്.." അത്രയും പറഞ്ഞ് ആദി എന്റെ മുഖത്തേക്ക് നോക്കിയതും അക്കു എന്റെ കയ്യിൽ പിടിച്ചു വലിച്ച് നടന്നു തുടങ്ങിയിരുന്നു. ആദിയെ ഞാൻ ഒന്ന് കൂടി തിരിഞ്ഞ് നോക്കി. തനുജ അവനോട് സോറി പറയുന്നത് കേട്ടിട്ടും അവൻ എന്റെ മുഖത്തേക്ക് നോക്കി പുഞ്ചിരിച്ചു. ഞാൻ വേഗം തലവെട്ടിച്ച് അക്കുവിനേ നോക്കി.. അവൻ വേഗം അവിടന്നും പോകാനുള്ള വ്യഗ്രതയിൽ ആയിരുന്നു. ******* " അവന്റെ മനസ്സിൽ എന്താണെന്ന് അറിയില്ല. എന്തായാലും നീ അവനോട് മിണ്ടാൻ പോകണ്ട. തനുജ ആളു ശരിയല്ല. ഒരു തവണ അവള് പണിതന്നതാ. ഇപ്പോ അവളുടെ കൂട്ടത്തിലെ ഒരുത്തൻ അവളുടെ നേരെ തിരിഞ്ഞു. ഇനിപ്പോ അവള് എന്തൊക്കെ കാട്ടികൂട്ടും ആവോ.." റൂമിൽ എത്തിയപ്പോൾ അക്കു പറഞ്ഞു. എല്ലാത്തിനും തലയാട്ടി കൊടുത്തു എങ്കിലും എനിക്ക് മനസ്സിലായിരുന്നു ആദി എന്നെ ഇഷ്ടപ്പെടുന്നു എന്ന്. തനിക്ക് വേണ്ടി ഇത്രയും നാൾ കാത്തിരിക്കുകയായിരുന്നു എന്ന്.. അവന്റെ കണ്ണുകളിൽ കണ്ടത് തന്നോട് ഉള്ള മനസ്സ് നിറഞ്ഞ പ്രേമം ആണെന്ന്. പക്ഷേ അക്കുവിന്റേ സമ്മതം ഇല്ലാതെ പ്രേമിക്കാൻ ഒന്നും തനിക്ക് ആവുമായിരുന്നില്ല. പിന്നെ അങ്ങോട്ട് എന്റെ ഉള്ളിൽ ആദിയെ കാണാനുള്ള ആഗ്രഹം വർദ്ധിച്ചു. ഭക്ഷണം കഴിക്കാൻ പോകുമ്പോൾ അവനിരിക്കുന്ന സ്ഥലം നോക്കി വക്കും. ഇടയ്ക്ക് ഒളികണ്ണിട്ടു അവനെ നോക്കും. ഇടയ്ക്ക് കണ്ണുകൾ തമ്മിൽ കോർക്കും എന്നാകുമ്പോൾ ഞാൻ നോട്ടം പിൻവലിക്കും.. അവനോടുള്ള ഇഷ്ടം മനസ്സിൽ കുന്നുകൂടുന്നത് ഞാൻ അറിഞ്ഞു. എന്നാലും എല്ലാം അടക്കിപ്പിടിച്ച് ഓരോ ഡാൻസും കളിച്ചു. **** അക്കുവിനു എന്റെ മാറ്റം മനസ്സിലാകുന്നുണ്ടെന്ന് ഞാൻ അറിഞ്ഞത് അവസാന ദിവസത്തിന്റെ തലേന്ന് അക്കു എന്നെ ആദിയുടെ മുന്നിൽ കൊണ്ടുപോയി നിർത്തുമ്പോൾ ആണ്.. അക്കു അങ്ങനെ ചെയ്തപ്പോൾ അക്ഷരാർത്ഥത്തിൽ ഞാൻ ഞെട്ടിപ്പോയി.. വേഗം അവിടന്നും തിരിച്ച് നടന്നു.. അക്കു എന്റെ പേര് വിളിച്ച് പുറകെയും.... തുടരും.. തിരിച്ച് നടന്ന എന്നെ അക്കു വേഗം പിടിച്ച് നിറുത്തി.. " എന്താ ദേവു... " " അക്കു.. വാ പോകാം.. " " നീ ആദിയോട് സംസാരിക്കു. എന്നിട്ട് പോകാം.." " എനിക്ക് ഒന്നും പറയാൻ ഇല്ല.. നീ വാ... " ഞാൻ വേഗം അക്കുവിന്റെ കയ്യിൽ പിടിച്ചു വലിച്ച് അവിടന്നും പോയി.. ഇതെല്ലാം തനൂജ മാറി നിന്ന് കാണുന്നുണ്ടായിരുന്നു. നാളെ കൊണ്ട് എല്ലാം അവസാനിക്കും. നാളെ ഒരു ഡാൻസ് കൂടെ ഉണ്ട് ഞങ്ങൾക്ക്. അതിനുള്ള പ്രാക്ടീസ് ചെയ്യാൻ തുടങ്ങി.. മനസ്സിൽ ആദി ആയിരുന്നു. എന്നിട്ടും അവനോട് മിണ്ടാതെ ഇരുന്നത് തനുജയേ കണ്ടത് കൊണ്ടാണ്. നാളെ പ്രോഗ്രാം കഴിയുമ്പോൾ എല്ലാം തുറന്നു പറയണം. അച്ഛയോട് എല്ലാം വിളിച്ച് പറഞ്ഞു. നാളെ അച്ഛ വരും. അച്ഛക്ക് കൂടി ഇഷ്ടമായാൽ മാത്രമേ ഇത് മുന്നോട്ട് കൊണ്ട് പോകുന്നുള്ളു. ഇല്ലെങ്കിൽ ഇത് നാളെ തന്നെ അവസാനിക്കട്ടെ. തനുജ എന്തെങ്കിലും പ്രശ്നം ഉണ്ടാക്കുമോ എന്ന് ഭയം ഉണ്ട്. പ്രാക്ടീസ് കഴിഞ്ഞ് രാത്രി ഫുഡ് കഴിക്കാൻ ഹാളിലേക്ക് പോയപ്പോൾ ആദിയെ നോക്കി എങ്കിലും എങ്ങും കണ്ടില്ല. അക്കുവും യദുവും ആരോ ഫോൺ വിളിച്ച് പുറത്തേക്ക് പോയി. ഞങ്ങൾ വേഗം ഭക്ഷണം കഴിച്ച് റൂമിലേക്കും.. കുറേ നേരം ഞങ്ങൾ സംസാരിച്ച് ഇരുന്നു.. പിറ്റേന്ന്, ഫുഡ് കഴിക്കാൻ കയറിയപ്പോൾ എതിരെ വിമൽ നടന്നു വരുന്നുണ്ടായിരുന്നു.. അവന്റെ മുഖത്ത് പുച്ഛച്ചിരി ഉണ്ട്. തന്നെ നോക്കി വരുന്നത് കണ്ടപ്പോൾ വേഗം ഒരു സീറ്റിൽ ചെന്ന് ഇരുന്നു. അക്കുവും യദുവും എത്തിയിട്ടില്ല. ഞങ്ങൾ പെൺകുട്ടികൾ മാത്രമേ ഉള്ളൂ. ഞാൻ അവരുടെ ഗ്രൂപ്പിന് നേരെ നോക്കി. ആദി അവരുടെ കൂടെ ഇല്ലായിരുന്നു. തനുജയുടെ മുഖത്തും പുച്ഛം മാത്രം. വിമലും തനുജയും തന്റെ അടുത്തേക്ക് വന്നു.. " നീ അവനെ ആണോ നോക്കിയത്.. ഹും... അവൻ ഇനി ഞങ്ങളുടെ ഗ്രൂപ്പിൽ ഇല്ലാടി.. നിനക്ക് വേണ്ടി നിന്റെ മുന്നിൽ വച്ച് തല്ലിയ അവനുള്ള കൊട്ടേഷൻ ഞങ്ങൾ കൊടുത്തിട്ടുണ്ട്. ജീവനോടെ അവൻ ഉണ്ടോ എന്ന് മാത്രമേ ഇനി അറിയാൻ ഉള്ളൂ.. " തനൂജ എന്റെ മുഖത്തേയ്ക്ക് നോക്കി പുച്ഛത്തോടെ പറഞ്ഞു. " എടീ ദുഷ്ടേ.. നിന്റെ ഗ്രൂപ്പിൽ ഇത്രയും നാൾ നിന്നവൻ അല്ലേ ആദി.. എന്നിട്ടും നിനക്ക് എങ്ങനെ കഴിഞ്ഞുടി ഇതവനോട് ചെയ്യാൻ... " അവന് എന്തോ പറ്റി എന്ന് കേട്ടതോടെ എന്റെ ചങ്ക്‌ തകർന്നു. ഞാൻ തളർന്നു പോകും എന്ന് തോന്നി. " എടീ.. നീ അടങ്ങടി.. നിന്റെ മുറിയിൽ അന്ന് കയറിയതിനു ഞാൻ അനുഭവിച്ചത് എന്റെ ഗ്രൂപ്പിൽ നിന്നും എന്നെ പുകച്ച് ചാടിച്ചതും പോരാ എന്നെ തല്ലി അവൻ.. അതിനുള്ള പ്രതികാരം അന്ന് ഞാൻ ഇപ്പോ ചെയ്തത്. ഇപ്പോ അവൻ അങ്ങ് ചെന്നിട്ടുണ്ടാകും.. നിനക്ക് എന്ത് ചെയ്യാൻ പറ്റും??" അപ്പോളേക്കും അക്കു വന്നു.. " അതിനു അവള് എന്ത് ചെയ്യണം എന്നാ നീ പറയുന്നത്.. അവന് എന്ത് സംഭവിച്ചാലും ഞങ്ങൾക്ക് ഒന്നുമില്ല. " അക്കു എന്നെ അവനോട് ചേർത്തു.. " മതിയാക്കാറായില്ലെ നിങ്ങളുടെ അഭിനയം.. ഒരു കാമുകനും കാമുകിയും... " തനുജ അക്കുവിനു നേരെ ചീറി അവന്റെ മുന്നിലേക്ക് കയറി നിന്നു " നീ പോടീ.. വഴി തടയാൻ വന്നിരിക്കുന്നു.. " അക്കു അവളെ പിടിച്ച് തള്ളി.. വിമൽ അക്കുവിനേ തല്ലാൻ വന്നു. യദു വേഗം വിമലിന് ഒരു ചവിട്ട് കൊടുത്തു.. അവൻ എഴുന്നേറ്റ് വരുന്നതിന് മുമ്പുതന്നെ അക്കു അവന്റെ നെഞ്ചിലേക്ക് കാൽ എടുത്ത് വച്ചു. " അന്ന് നീ ചെയ്തതിന് ഞാൻ നിനക്ക് തിരിച്ച് തരുന്നുണ്ട്. ഇൗ പരിപാടി ഒന്ന് കഴിഞ്ഞോട്ടെ.. അത് വരെ പിന്നാലെ വന്നാൽ പിന്നെ നീ ജീവനോടെ കാണില്ല. കത്തിച്ച് കളയും ഞാൻ.." അക്കു ഞങ്ങളെയും കൊണ്ട് മുറിയിലേക്ക് നടന്നു. എനിക്ക് കരച്ചിൽ വരുന്നുണ്ടായിരുന്നു. ആദിയുടെ കാര്യം ഒന്നും അറിയാതെ കളിക്കാൻ സ്റ്റേജിൽ കയറാൻ പറ്റില്ല എന്ന് തോന്നി. അത് മനസിലാക്കിയതു കൊണ്ടാകണം അക്കു എന്നോട് സമാധാനമായി ഇരിക്കാൻ ആംഗ്യം കാട്ടി.. അച്ഛയുടെ കോൾ ഫോണിൽ വന്നു. വേഗം എടുത്തു.. അച്ഛ പുറത്ത് ഉണ്ടായിരുന്നു. യദുവും അക്കുവും അച്ഛയെ കൂട്ടാൻ പുറത്തേക്ക് പോയി.. അപ്പുവും അമ്മുവും എന്നെ സമാധാനിപ്പിച്ചു കൊണ്ടിരുന്നു.. ഇന്നലെ ആദിയോട് സംസാരിക്കേണ്ടത് ആയിരുന്നു. ഇപ്പോ.. വയ്യ. അവനെക്കുറിച്ച് എന്തെങ്കിലും ഒന്ന് അറിഞ്ഞിരുന്നു എങ്കിൽ.. അച്ഛ വന്ന് കയറിയപ്പോൾ തന്നെ ഓടി ചെന്ന് അച്ഛയെ കെട്ടിപ്പിടിച്ചു. സങ്കടം അടക്കാൻ കഴിയാത്തത് കൊണ്ട് പൊട്ടിക്കരഞ്ഞു പോയി ഞാൻ. എല്ലാം കേട്ട് കഴിഞ്ഞ് അച്ഛ പറഞ്ഞു. " ദേവു.. നമ്മുടെ ജീവിതത്തിൽ പലതും സംഭവിക്കും. നല്ലതും ചീത്തയുമായ കാര്യങ്ങളും അതിൽ ഉണ്ടാകും. പക്ഷേ എല്ലാം നമ്മൾ പോസിറ്റീവ് ആയി കാണണം. നല്ലതേ സംഭവിക്കൂ.. നീ ചെന്ന് മര്യാദക്ക് പ്രൈസ് വാങ്ങിക്കൊണ്ട് വാ... " പിന്നെ എല്ലാവരും ഡ്രസ്സ് ചെയ്തത് സ്റ്റേജിലേക്ക് നടന്നു.. ഞങ്ങളുടെ നമ്പർ നോക്കി ഇരുന്നു..മനസ്സിൽ അപ്പോളും ആദി മാത്രമേ ഉണ്ടായിരുന്നുള്ളൂ.. ഡാൻസ് ചെയ്യാൻ പറ്റില്ല എന്ന് അക്കുവിനോട് പറഞ്ഞു നോക്കി. അവൻ സമ്മതിച്ചില്ല. നമ്പർ വിളിച്ചതും സ്റ്റേജിലേക്ക് കയറി. മനസ്സ് പതറി എങ്കിലും ജയിക്കുക എന്ന ലക്ഷ്യം ഓർത്തപ്പോൾ ആദിയെ മനസ്സിൽ നിന്നും കുറച്ച് നേരത്തേക്ക് മറക്കാൻ ശ്രമിച്ചു. എന്റെ കൂടെ കളിക്കാൻ എന്റെ പെയർ ആയി അക്കു ആയിരുന്നെങ്കിലും കൂടെ നിൽക്കുന്ന ആൾക്ക് അക്കുവിനേക്കാൽ പൊക്കം ഉള്ളതായി തോന്നി. തിരിഞ്ഞ് നോക്കിയപ്പോൾ ആദി.. കാണുന്നത് സ്വപ്നമാണോ സത്യമാണോ എന്ന് ആലോചിക്കാൻ പോലും സമയം കിട്ടുന്നതിനു മുൻപ് കർട്ടൻ പൊങ്ങുകയും പാട്ട് കേൾക്കാൻ തുടങ്ങുകയും ചെയ്തതോടെ ശ്രദ്ധ ഡൻസിലേക്ക്‌ തിരിച്ചു. ആദി എന്റെ കൂടെ നൃത്തം ചെയ്തു. ഞാൻ മനസ്സിൽ ആനന്ദ നൃത്തം ചെയ്യുകയായിരുന്നു അപ്പൊൾ. സ്റ്റേജിൽ നിന്ന് ഇറങ്ങുമ്പോൾ ആദി എന്റെ കയ്യിൽ കയറി പിടിച്ചു... ഞാൻ അവന്റെ മുഖത്തേക്ക് സൂക്ഷിച്ചു നോക്കി.. അവൻ പുഞ്ചിരിച്ചു.. അക്കു എന്റെ മറു കയ്യിലും പിടിച്ചു... തുടരും.. ഭാഗം ഏഴ് ( അവസാന ഭാഗം) ഞങ്ങൾ ഇറങ്ങി വരുന്നതും നോക്കി തനുജയും വിമലും കൂട്ടരും ഉണ്ടായിരുന്നു. അവർ ഞങ്ങൾക്ക് നേരെ ദേഷ്യത്തോടെ നോക്കി. അക്കുവും ആദിയും എന്നെ കൂടെ ഒന്ന് കൂടെ ചേർന്ന് നിന്നു. അവരുടെ നമ്പർ ആയതിനാൽ പ്രതികരിക്കാൻ പോലും അവർക്കായില്ല. ഞാൻ തെല്ലൊരു അഹങ്കാരത്തോടെ തനുജയുടെ മുഖത്തേയ്ക്ക് നോക്കി.. അവള് വേഗം തിരിഞ്ഞ് നിന്നു.. ആദി എന്നെ കൂട്ടി പോയത് അച്ഛയുടെയും കൂടെ നിന്ന ആദിയുടെ അമ്മയുടെയും അച്ഛന്റെയും അടുത്തേക്ക് ആണ് . " അമ്മ ഇതാണ് ഞാൻ പറഞ്ഞ ദേവു.. ഇത്രയും നാൾ എന്റെ പ്രണയം ഉള്ളിൽ ഒതുക്കി.. ഇന്ന് ഞാൻ നിങ്ങളുടെ എല്ലാം മുൻപിൽ വച്ച് ഇവളോട് പറയുകയാണ്.. " ശേഷം എന്റെ നേർക്ക് തിരിഞ്ഞ് ആദി പുഞ്ചിരിച്ചു.. " ദേവു.. നിന്നെ കണ്ടപ്പോൾ മുതൽ നീ എന്റെ ഉള്ളിൽ ഉണ്ട്. ഇത്രയും നാൾ നിനക്ക് വേണ്ടി ആണ് ഞാൻ കാത്തിരുന്നത്.. നിനക്ക് എന്റെ ആകുവാൻ ഇഷ്ടമാണോ ?" ഉത്തരം പറയാതെ ഞാൻ അച്ഛയുടെ മുഖത്തേക്കും അക്കുവിനേയും യദുവിനെയും മാറി മാറി നോക്കി.. അക്കു വന്നു എന്നെ കഴുത്തിലൂടെ ചുറ്റി പിടിച്ച് അവന്റെ സമ്മതം അറിയിച്ചു. യദു കയ്യിൽ പിടിച്ചു.. ഞാൻ അച്ഛയുടെ മുഖത്തേയ്ക്ക് നോക്കി.. " അച്ഛാ.. എനിക്ക് ദേവുവിനേ ഒത്തിരി ഇഷ്ടമാണ്.. അവൾക്കും ഇഷ്ടമായി എങ്കിൽ തന്നുടെ എനിക്കവളെ ?" ആദിയുടെ ചോദ്യം കേട്ട് അച്ഛ അവനെ ചേർത്ത് പിടിച്ചു.. " എന്റെ മോളെ എനിക്ക് നന്നായി അറിയാം.. അവൾക്ക് നിന്നെ ഇഷ്ടമാണ്.. ഞാനും ഉറപ്പ് തരുന്നു.. അവളെ നിനക്ക് തന്നെ തരും... രണ്ടു പേരുടെയും പഠിത്തം കഴിഞ്ഞു ഒരു ജോലി ഒക്കെ ആയിട്ട്.. " ആദിയുടെ മുഖം സന്തോഷം കൊണ്ട് വിടർന്നു.. അവൻ അച്ഛനെ മുറുകെ കെട്ടിപ്പിടിച്ചു.. ഞാനും സന്തോഷം കൊണ്ട് ചിരിച്ചു എങ്കിലും ആദിയുടെ അമ്മ എന്നെ വന്നു കെട്ടി പിടിച്ചതോടെ എനിക്ക് നാണം വന്നു അമ്മയുടെ നെഞ്ചിലേക്ക് മുഖം താഴ്ത്തി.. അമ്മ എന്നെ ഒന്നുകൂടെ ചേർത്ത് പിടിച്ചു... കുറെ കാലങ്ങൾക്ക് ശേഷം സ്വന്തം അമ്മയുടെ നെഞ്ചില് ചാഞ്ഞ ഒരു കുളിർമയും സുരക്ഷിതത്വവും ആയിരുന്നു എനിക്ക് അപ്പൊൾ കിട്ടിയ ഫീൽ.. അങ്ങനെ ആ കാര്യത്തിന് ഒരു തീരുമാനം ആയതോടെ ഞങ്ങൾ പിള്ളേര് മുതിർന്നവരെ അവിടെ ഇരുത്തിയിട്ട്‌ മുറിയിലേക്ക് നീങ്ങി.. " അക്കു.. ആദി.. ഇന്നലെ എന്താ സംഭവിച്ചത്.. ഞങ്ങൾക്ക് അറിയണം.." " ഇന്നലെ ഫുഡ് കഴിച്ച് ഇറങ്ങുമ്പോൾ ആണ് ആദി വിളിച്ചത്.. ആരോ ആദിയുടെ പുറകെ വരുന്നു എന്ന്.. ഞങ്ങൾ വേഗം അഭി സാറിനോട് പറഞ്ഞ് ചിപ്പിടെ കൂട്ടത്തിലെ പിള്ളേരും കൂടി ഇവന്റെ അടുത്തേക്ക് ചെന്നു.. ഇവനെ ഉപദ്രവിക്കാൻ നോക്കിയ അവർക്ക് കണക്കിന് കൊടുത്തു.. അതോടെ അത് തനുജയുടെ കൊട്ടാഷൻ ആണെന്ന് മനസിലായി.. ആ സമയം അഭി വിളിച്ചു.. ആദിയെ അവർ മാറ്റി വിമൽ എന്നവനെ ഗ്രൂപ്പിലേക്ക് എടുത്തു എന്ന്.. അങ്ങനെ ഞങ്ങൾ ഇവനെ നമ്മുടെ ഗ്രൂപ്പിലേക്ക് എടുത്തു.. ഇന്നലെ രാത്രി മുഴുവൻ ഇവന് പ്രാക്ടീസ് കൊടുത്തു.. ഇനി ഈ പ്രോഗ്രാം കഴിയട്ടെ.. എന്നിട്ട് വേണം അവർക്കിട്ട്‌ ഒന്ന് കൊടുക്കാൻ.." എല്ലാം കേട്ട് കഴിഞ്ഞ് ഞാൻ പറഞ്ഞു. " ഒന്നും വേണ്ട.. ആർക്കും ഒന്നും പറ്റാതെ രക്ഷപ്പെട്ടുലോ.. അത് മതി.. ഇനി ഒന്നിനും പോണ്ട.." " പറ്റില്ല ദേവു.. ഞാനും കൂടി ചേർന്ന് ആണ് ഗ്രൂപ്പ് ഇത്രയും എത്തിച്ചത്. എന്നിട്ട് എന്നെ അവിടന്നും പുറത്ത് ആക്കി.. അത് ചോദിക്കണ്ട എന്നാണോ നീ പറയുന്നത്.. " പിന്നെ ഒന്നും മിണ്ടാൻ എനിക്ക് കഴിഞ്ഞില്ല.. ഞങ്ങൾ ഡ്രസ്സ് മാറാൻ മുറിയിലേക്ക് നടന്നു.. തിരിച്ച് വന്നപ്പോൾ പ്രോഗ്രാം കഴിഞ്ഞിരുന്നു.. ഇനി പ്രൈസ് അനൗൺസ് ചെയ്യുവാൻ പോവുകയാണ്.. ഞങ്ങൾ എല്ലാവരും ആശങ്കയോടെ പരിപാടിയിലേക്ക് ശ്രദ്ധ തിരിച്ചു.. അഞ്ചും. നാലും പ്രൈസ് കൊടുത്ത് കഴിഞ്ഞു. തേഡ് പ്രൈസ് അനൗൺസ് ചെയ്തു. ചിപ്പിക്കും ഗ്രൂപ്പിനും ആയിരുന്നു.. അതോടെ ഞങ്ങളുടെ ടെൻഷൻ കൂടി.. സെക്കൻഡ് പ്രൈസ് ബ്ലോവെഴ്സ്.. തനുജയുടെ ഗ്രൂപ്പ്... അവർ ഞങ്ങളെ അഹങ്കാരത്തോടെ നോക്കി.. പിന്നെ കൂവി കൊണ്ട് സ്റ്റേജിലേക്ക് കയറി.. പ്രൈസ് വാങ്ങുമ്പോൾ അവരുടെ നോട്ടം ഞങ്ങളിൽ തന്നെ ആയിരുന്നു.. ഞങ്ങളുടെ ശ്വാസം നിലച്ചത് പോലെ തോന്നി... ഇനി പ്രൈസ് ഒന്നും ഇല്ലെങ്കിൽ... അവർ ഇറങ്ങി ഞങ്ങളെ കളിയാക്കാൻ ഞങ്ങളുടെ അടുത്തേക്ക് വന്നു.. അപ്പോളേക്കും ഫസ്റ്റ് പ്രൈസ് അനൗൺസ് ചെയ്തു... " the first price goes to Dazzling five... " അത് കേട്ടതും സന്തോഷം കൊണ്ട് ഞങ്ങൾ തുള്ളിച്ചാടി.. എങ്ങും വർണ കടലാസുകൾ വാരി വിതറി.. പുറത്ത് പടക്കങ്ങൾ പൊട്ടിച്ചു. ഞങ്ങളെ കളിയാക്കാൻ വന്ന തനുജയും കൂട്ടരും ഞെട്ടലോടെ നോക്കുന്നത് ഞങ്ങൾ കണ്ടു എങ്കിലും ഇത്തവണ ഞങ്ങൾ അഹങ്കരിച്ചില്ല.. സന്തോഷം മാത്രമായിരുന്നു മനസ്സിൽ.. എല്ലാവരും ആഘോഷത്തോടെ സ്റ്റേജിലേക്ക് കയറി... സമ്മാനമായ തായ്‌ലൻഡ് ട്രിപ്പിന്റെ ടിക്കറ്റ് എല്ലാവർക്കും വേണ്ടി അക്കു ഏറ്റുവാങ്ങി. ഓരോരുത്തർക്കും ഉള്ള ക്യാഷ് അവാർഡും ചെക്ക് ആയി നൽകി. എല്ലാവരോടും നന്ദി പറഞ്ഞു സ്റ്റേജിൽ നിന്ന് ഇറങ്ങുമ്പോൾ അഭി സാർ മൈക്കിലൂടെ ഒന്ന് കൂടെ അനൗൺസ് ചെയ്തു.. " ആരും പ്രതീക്ഷിക്കാത്ത ഒരു പ്രൈസ് കൂടി ഉണ്ട്. ബെസ്റ്റ് മെയിൽ ആൻഡ് ഫീമെയിൽ പെർഫോർമർക്ക് അഞ്ച് ലക്ഷം രൂപ വീതം നൽകുന്നു.. ബെസ്റ്റ് മെയിൽ ആയി തിരഞ്ഞെടുക്കപ്പെട്ടത് അഖിൽ ആൻഡ് ബെസ്റ്റ് ഫീമെയിൽ സിയ... " അതോടെ സന്തോഷം ഇരട്ടിച്ചു.. ആ പ്രൈസും വാങ്ങി സ്റ്റേജിൽ നിന്ന് ഇറങ്ങുമ്പോൾ മനസ്സിൽ സന്തോഷം നിറഞ്ഞു തുളുമ്പിയിരുന്നു.. ********** തായ്‌ലൻഡ് ട്രിപ്പിൾ ഞാനും ആദിയും കൂടുതൽ അടുത്തു.. ഇണക്കങ്ങളും പിണക്കങ്ങളും എല്ലാം പറഞ്ഞു തീർത്തു.. തിരിച്ച് വീട്ടിൽ എത്തിയ ഞാൻ പഴയത് പോലെ എന്റെ അച്ഛയുടെ വികൃതിക്കുട്ടി ആയി മാറി... പിന്നങ്ങോട്ട് കാത്തിരിപ്പ് ആയിരുന്നു ആദിയുടെത് മാത്രം ആകാനുള്ള... ഇന്നാണ് ആ കാത്തിരിപ്പിന്റെ അവസാനം... ഇന്ന് ഞാൻ ആദിയുടെ സ്വന്തം ആകുന്ന ദിവസം ആണ്.. നിങ്ങളുടെ എല്ലാവരുടെയും അനുഗ്രഹം എനിക്ക് നൽകണം... പിന്നേയ്‌ ഒരു സ്വകാര്യം...... ആദിയും അക്കുവും ചേർന്ന് മറ്റവർക്ക്‌ എന്തോ പണി കൊടുത്തിരുന്നു.. അത് എന്താണെന്ന് മാത്രം ഇന്ന് വരെ അവർ എന്നോട് പറഞ്ഞില്ല.. അവർ എന്നോട് പറഞ്ഞാല് ഞാൻ നിങ്ങളോടും പറയാം കേട്ടോ.അശ്വതി എന്നാൽ വീണ്ടും കാണുന്നത് വരേക്കും..... bye
49.3k views
5 days ago
#

📔 കഥ

*എന്റെ_പ്രണയം* *ഫുൾ പാർട്ട്‌ *മുരുഗേഷ് R* * *🔷🔷❁══❁♨❁══🔷🔷* ​ഹരിയെട്ടാ നിങ്ങള് ഇങ്ങനെ നടന്നോ, എന്നെ വല്ലൊരും വന്നു കെട്ടിക്കൊണ്ടു പോയി കഴിയുമ്പോൾ പിന്നെ ഞാൻ തേച്ചു എന്ന് പറഞ്ഞ് നടന്നിട്ട് ഒരു കാര്യവുമില്ല. ഇന്നും ലീല അപ്പച്ചി വന്നിരുന്നു, ഒരു ആലോചനയും കൊണ്ട്. ചെറുക്കൻ ദുബായിൽ എൻജിനീയർ ആണ്. ഗൾഫു കാരെ വേണ്ടാ സര്ക്കാര് ജോലിക്കാരെ മതിയെന്ന് അമ്മ പറയുന്നത് കേട്ടു. എനിക്കുറപ്പാണ് ഇനി അതും ഒപ്പിച്ചുകൊണ്ട് വരും അവർ. ' നിന്റെ അപ്പച്ചിക്ക് എന്തിന്റെ കേടാ, നിന്നെ കെട്ടിച്ചുവിടാൻ അവർക്കാണല്ലോ തിടുക്കം.' ഓ അതോ, ആങ്ങളെടെ മോളോടുള്ള സ്നേഹം കൊണ്ടൊന്നുമല്ല കമ്മീഷൻ അടിക്കാനുള്ള പണിയാ. നല്ല അപ്പചി...!! അതൊക്കെ അവിടെ നിക്കട്ടെ എന്തുവാ മോൻറെ പ്ലാൻ..? അമ്മയാണെങ്കിൽ സര്ക്കാര് ജോലിക്കാരെ മതിയെന്ന് വാശി പിടിച്ച് നടക്കുവാ.. ഹരിയേട്ടാ തമാശയല്ല, എനിക്ക് ശെരിക്കും പേടിയാകുന്നു. സ്ഥിരമായി ഇപ്പൊ അമ്പലത്തിൽ വരുന്നത് തന്നെ അമ്മയ്ക് നല്ല സംശയം ഉണ്ട്. നമ്മുടെ കത്തുകൾ അമ്മ കണ്ട അന്നുമുതൽ എവിടെ ഒറ്റയ്ക്ക് പോകാൻ ഇറങ്ങിയാലും അമ്മയ്ക്ക് സംശയമാണ്. പോരാത്തതിന് വസന്ത ആന്റി അമ്മയോട് വിളിച്ച് പറഞ്ഞു കഴിഞ്ഞ ദിവസം നമ്മൾ ഇവിടെ നിന്ന് സംസാരിച്ച കാര്യം. നീ ഇങ്ങനെ പേടിച്ചാലോ പെണ്ണേ, ഒന്നുമില്ലേൽ ഒരു പട്ടാളക്കാരന്റെ മോൾ അല്ലേ നീ, ആ ധൈര്യം എങ്കിലും ഒന്ന് കാണിക്കെടി. ഹരിയെട്ട, എത്രനാൾ കൊണ്ട് ഞാൻ പറയുവാ പി എസ് സി ടെസ്റ്റ് വെറുതെയെങ്കിലും ഒന്ന് പോയി എഴുതാൻ... എന്റെ ഒരു സമാധാനത്തിന് എങ്കിലും പ്ലീസ്.. എടീ പെണ്ണേ രാജി അമ്മയ്ക്ക് മാത്രമല്ല, കെട്ടിക്കാൻ പ്രായമായ എല്ലാ പെൺകുട്ടികളുടെയും വീട്ടുകാർക്ക് ഇപ്പോൾ സർക്കാർ ഉദ്യോഗസ്ഥരെ മാത്രം മതി. ഈ നാട്ടിൽ അവിവാഹിതരായ എത്രപേരുണ്ടാവും സർക്കാർ ജോലിക്കാർ. ബാക്കിയാരും കല്യാണം കഴിക്കുന്നില്ലേ സന്തോഷ ത്തോടെ തന്നെ ജീവിക്കുന്നുമില്ലെ , പിന്നെ സർക്കാർ ജോലിക്കാർ തന്നെ വേണം എന്ന് വാശി പിടിക്കുന്നത് എന്തിനാ. എടി പെണ്ണേ താലികെട്ടിയ പെണ്ണിനെ പൊന്നുപോലെ നോക്കാൻ ഈ സർക്കാർ ഉദ്യോഗം ഒന്നും വേണമെന്നില്ല എന്ത് ജോലിയും ചെയ്യാനുള്ള ഒരു മനസ്സും ആത്മാർത്ഥമായ സ്നേഹവും മാത്രം മതി... എൻറെ കൂടെ വന്നാൽ , നിന്നെ പൊന്നു പോലെ നോക്കിയില്ലേലും ആ കണ്ണ് നിറയാതെ ഞാൻ നോക്കിക്കോളാം... വരാൻ ഞാൻ തയ്യാറാണ് പക്ഷെ ഇയാളല്ലേ കൊണ്ടുപോകാത്തെ... എടി പെണ്ണേ നിന്നെ വീട്ടിൽനിന്നു വിളിച്ചിറക്കി കൊണ്ടു പോകാൻ എനിക്ക് ഒരു പ്രയാസവുമില്ല... എൻറെ കൂട്ടുകാർ ഉണ്ടാവും എനിക്ക് കൂട്ടിന്, എൻറെ വീട്ടിൽ എനിക്ക് പറഞ്ഞു സമ്മതിപ്പിക്കാം . പക്ഷേ അങ്ങനെ ചെയ്തു കൊണ്ട് നമ്മൾ എന്താണ് നേടുന്നത്, ഒരു കല്യാണം കൊണ്ട് ഒന്നാവുന്നത് രണ്ടുപേരുടെ മനസ്സു മാത്രമല്ല രണ്ടു കുടുംബങ്ങൾ തമ്മിൽ ആവണം. നമ്മൾ എപ്പോഴും സ്വപ്നം കാണാറി ലേ വിവാഹശേഷം നമുക്ക് ഒരു പെൺകുഞ്ഞ് ജനിക്കുന്നതും, അവളെ കൊഞ്ചിച്ചും ലാളിച്ചും നമ്മൾ വളർത്തുന്നതും.. നിന്നെക്കാൾ കൂടുതൽ അവൾ എന്നെ സ്നേഹിക്കണം എന്ന് ഞാൻ ആഗ്രഹികുന്നില്ലെ, എൻറെ നെഞ്ചിലെ ചൂടിൽ അവളെ കിടത്തി ഉറക്കണം എന്ന് ഞാൻ ആഗ്രഹിക്കാറില്ലെ.... അവരുടെ വിവാഹം കഴിഞ്ഞ നാൾ മുതൽ പപ്പയും അമ്മയും ഇതുപോലൊക്കെ ഒരു മോളെ കുറിച്ച് സ്വപ്നംകണ്ടിട്ടുണ്ടാവില്ലെ.. ഒരു അച്ഛനാകാൻ പോകുന്നു എന്നറിഞ്ഞ നിമിഷം മുതൽ പപ്പ എന്തെല്ലാം സ്വപ്നങ്ങൾ നെയ്തു കൂടിയിട്ടുണ്ടാകും.. ആണുങ്ങൾ എപ്പോഴും ഒരു മകളെ കിട്ടാൻ ആയിരിക്കും ആഗ്രഹിക്കുന്നത്. അതുപോലെ ആ പപ്പയും ആഗ്രഹിച്ചിട്ടുണ്ടാവില്ലേ മാലാഖയെപ്പോലൊരു മോളെ കിട്ടണമെന്ന്. നീയൊന്ന് പിച്ചവെച്ച് നടക്കുന്നതുവരെ നിനക്ക് വേണ്ടി ഉറക്കമൊഴിഞ്ഞ് എത്രയോ രാവുകൾ, നിനക്ക് വേണ്ടി മാറ്റിവെച്ച അവരുടെ എത്രയോ ആഗ്രഹങ്ങൾ, ഇതെല്ലാം മറന്നിട്ട് അവരെ വിഷമിപ്പിച്ചു നീ എൻറെ കൂടെ ഇറങ്ങി വന്നു കഴിഞ്ഞാൽ നിനക്ക് തോന്നുന്നുണ്ടോ നമുക്ക് സന്തോഷത്തോടുകൂടി ഈ ജന്മം ജീവിക്കാമെന്ന്.. മകൾ മറ്റൊരു തൻറെ കൂടെ ഇറങ്ങിപ്പോയി എന്നുള്ള അപമാനം സഹിച്ച് ജീവിക്കുന്ന രണ്ടു ശവങ്ങൾ മാത്രമായി മാറും പപ്പയും അമ്മയും.. അങ്ങനെയൊരു ജീവിതം നമുക്ക് വേണ്ട ലെച്ചൂ.. ഈ വിവാഹത്തിലൂടെ എനിക്ക് സ്വന്തമാകണ്ടത് നിന്നെ മാത്രമല്ല ആ പപ്പയും അമ്മയും കൂടിയാവണം അവരുടെ സ്നേഹം കൂടിയാവണം... അയ്യേ എന്തിനാ എൻറെ ലെച്ചൂട്ടി കരയുന്നത്. ദെ ആരേലും കാണും കണ്ണ് തുടച്ചെ.. ഹരിയെട്ടാ , എനിക്ക് ഈ ലോകത്ത് ഏറ്റവും കൂടുതൽ ഇഷ്ടം എൻറെ പപ്പയെ ആയിരുന്നു. ഇപ്പോൾ അതേ ഇഷ്ടം തന്നെ എൻറെ ഹരിയേട്ടനോടും എനിക്കുണ്ട്.. എനിക്ക് രണ്ടുപേരെയും വേണം. എൻറെ ലച്ചുട്ടി നമ്മുടെ സ്നേഹം സത്യമാണ്. സ്നേഹിച്ച പെണ്ണിനെ ഇരുവീട്ടുകാരുടെയും പൂർണ്ണസമ്മതത്തോടെ സ്വന്തമാക്കുമ്പോൾ കിട്ടുന്ന സുഖം അതിൽപ്പരം സന്തോഷം വേറെന്താണുള്ളത്... എനിക്കുറപ്പുണ്ട് അവർ സമ്മതിക്കും, നിൻറെ കണ്ണീരിനു മുന്നിൽ അധികം പിടിച്ചുനില്ക്കാനാവില്ല രാജി അമ്മയ്ക്കൂം പപ്പയ്ക്കും.. ഇൗ കണ്ണൻറെ തിരുനടയിൽ വച്ച് പരസ്പരം മനസ്സുകൊണ്ട് ഒന്നായ വരാണ് നമ്മൾ, എനിക്കുറപ്പുണ്ട് ദൈവം നമ്മളെ കൈവിടില്ല. കാത്തിരിക്കും ഹരിയേട്ടാ ഞാൻ, ഇൗ ജൻമം മുഴുവൻ. മണ്ണോടു ചേരുന്നത് വരെ എനിക് ഹരിയെട്ടന്റെ പെണ്ണായി ജീവിച്ചാൽ മതി. എൻറെ ലെച്ചൂട്ടി വിഷമിക്കണ്ട, എല്ലാം ശരിയാകും. പിന്നെ നിൻറെ അപ്പച്ചി ഇനി എപ്പോൾ വീട്ടിൽ വന്നാലും അവർക്ക് ചായയിൽ വിം കലക്കി കൊടുത്തെക്കണം.. പിന്നെ പറയാൻ മറന്നു, എറണാകുളത്ത് ഒരു ജോലിയുടെ കാര്യം ചക്കി പറഞ്ഞു. ഒന്ന് തിരക്കി നോക്കാം. അതേ ഇത്രയും താമസിച്ചില്ലെ രാജി അമ്മ എങ്ങാനും തിരക്കി വരുമോ ഇനി. ചുമ്മാ മനുഷ്യനെ പേടിപ്പിക്കല്ലേ ഹരിയേട്ടാ.. അമ്മ എങ്ങാനും വന്നാൽ എന്നെ, ഇവിടെ ഇട്ട് അടിക്കും.. അമ്മേടെ ദേഷ്യം അറിയാലോ ഹരിയെട്ടന്. ഹരിയേട്ടനോട് മിണ്ടുന്നത് ആരെങ്കിലും പറഞ്ഞ് അറിഞ്ഞാൽ, തീർന്നു എല്ലാം, പിന്നെ എന്റെ സഞ്ചയനത്തിന്റെ ഇഡ്ഡിലി തിന്നാൻ വന്നാൽ മതി മോൻ അങ്ങോട്ട്.. നീ ഇങ്ങനെ പേടിക്കാതെ ലെച്ചു, ഇവിടെങ്ങും ആരും വരില്ല, പിന്നെ രാജി അമ്മ എങ്ങനെ അറിയാനാ. അതേ ഞാനെപ്പോഴും പറയാറില്ലേ ചന്ദനക്കുറി നിനക്കൊരു അഴക് തന്നെയാണെന്ന്.. അയ്യോടാ കൂടുതൽ അങ്ങ് സുഖിപ്പിക്കല്ലേ മോനേ, ദാ ചന്ദനം, ഞാൻ തൊട്ടുതരാം.. തിരുനെറ്റിയിൽ ചന്ദനം തൊട്ടുതന്നപ്പോൾ അവളുടെ ഉള്ളംകയ്യിൽ മൃദുവായി ഒന്ന് ചുംബിച്ചു ഞാൻ.. ഞങ്ങളുടെ പ്രണയം കണ്ട് അമ്പല പ്രാവുകൾ കുറുകുന്നുണ്ടായിരുന്നൂ.. നല്ല പരിചയമുള്ള വണ്ടിയുടെ ശബ്ദം കേട്ടിട്ടാവം അവൾ‌ പെട്ടെന്ന് തിരിഞ്ഞു നോക്കി.. " ദൈവമേ രാജി അമ്മ " എൻറെ കാര്യത്തിൽ തീരുമാനം ആയി. കൂടെ ആ വസന്തയുമുണ്ട്. ഞങ്ങളുടെ പ്രണയത്തിന് ഏറ്റവും കൂടുതൽ എതിർത്ത് നിക്കുന്നത് അവരാണ് രാജി അമ്മയുടെ കൂട്ടുകാരി വസന്ത.. "ഡീ... ലച്ചൂ.." രാജി അമ്മേടെ ആ വിളി കേട്ടിട്ട് അതുവരെ ഞങളെ തലോടികൊണ്ടിരുന്ന മന്ദമാരുതൻ വരെ ഓടി ഒളിച്ചു. ​​ഞാൻ പറഞ്ഞില്ലേ രാജി അവനും ഇവിടെ ഉണ്ടാകുമെന്ന്.. വസന്ത പരിഹാസത്തോടെ എന്നെ നോക്കിയാണ് പറഞ്ഞത്. അപ്പോ ഇവനെ കാണാൻ വേണ്ടിയാണ് നീ അമ്പലത്തിൽ പോകുവാന്ന് പറഞ്ഞ് ഇറങ്ങിയത് അല്ലേ.. നീ വീട്ടിലോട്ടു വാ ലേച്ചൂ നിനക്ക് ഞാൻ തരാം... നിനക്ക് നാണം ഉണ്ടോ ഹരീ, എത്ര വെട്ടം നിന്നോട് ഞാൻ പറഞ്ഞതാ ഇവളെ കാണാൻ ശ്രമിക്കരുതെന്ന്.. ഇച്ചിരിയെങ്കിലും ഉളുപ്പ് ഉണ്ടായിരുന്നെങ്കിൽ നീ അവളെ കാണാൻ വരില്ലായിരുന്നു... രാജി അമ്മെ ... അത് .. ഞാൻ... അമ്മയോ ആരുടെ അമ്മ? ഇനിയും നീ ഇവളെ കാണാൻ ശ്രമിച്ചാൽ ഞാൻ കേസ് കൊടുക്കും പറഞ്ഞേക്കാം... പരിഹാസം കലർന്ന വസന്തയുടെ നോട്ടത്തിനു മുന്നിലും രാജി അമ്മേടെ ആക്ഷേപത്തിന് മുന്നിലും തല കുനിച്ച് നിൽക്കാനേ എനിക്ക് അന്നേരം കഴിഞ്ഞുള്ളൂ. ലെച്ചുവിനെ ആ അമ്പല മുറ്റത്ത്‌ വെച്ച് രാജി അമ്മ ഒന്നും ചെയ്തില്ല പക്ഷേ വീട്ടിൽ ചെന്നപ്പോൾ രാജി അമ്മയ്ക്ക് പകരം അവള് കണ്ടത് ഒരു ഭദ്രകാളിയെ ആയിരുന്നു. കയ്യിൽ കിട്ടിയത് വെച്ച് പരമാവധി അവർ ലേച്ചുവിനെ ഉപദ്രവിച്ചു. തടയാൻ വന്ന പാവം അമ്മുമ്മയെ പോലും അവർ തള്ളിമാറ്റി. പാവം ലച്ചു, ഒടുവിൽ കരഞ്ഞു തളർന്ന് മുറിയുടെ ഒരു കോണിൽ പോയി തളർന്നിരുന്നു അവൾ.. ഇൗ സമയം തകർന്നടിഞ്ഞ ഒരു മനസ്സുമായി വീട്ടിലേക്ക് കേറി ചെല്ലുകയായിരുന്നൂ ഞാൻ... തിണ്ണയിലിരുന്ന് ചീട്ടു കളിച്ചു കൊണ്ടിരുന്ന അനിയൻറെ കൂട്ടുകാർ എന്തൊക്കെയോ ചോദിച്ചു പക്ഷേ അതൊന്നും ഞാൻ ശ്രദ്ധിച്ചതേയില്ല എൻറെ മനസ്സ് മുഴുവനും ലച്ചു ആയിരുന്നു.. പാവം, ഇൗ പ്രണയത്തിനുവേണ്ടി ശാരീരിക പീഡനം അനുഭവിച്ചതു മുഴുവനും അവൾ ആയിരുന്നു.. ഭക്ഷണം കഴിക്കാൻ അമ്മ വിളിച്ചപ്പോൾ വിശപ്പില്ലെന്ന് പറഞ്ഞ് റൂമിൽ കയറി കതക് അടച്ചു. മനസ്സിൽ എന്തൊക്കെയോ വീർപ്പുമുട്ടൽ പാവം ലച്ചു, അവളെ രാജി അമ്മ നല്ലപോലെ ഉപദ്രവിച്ച കാണും കൂട്ടിന് ആ രാക്ഷസിയും ഉണ്ടല്ലോ വസന്ത..!! എന്താണ് വസന്തയ്ക് എന്നോട് ഇത്രയും ദേഷ്യം? ഒരിക്കലും എനിക്ക് ഉത്തരം കിട്ടാത്ത ഒരു ചോദ്യമായിരുന്നു അത്. ഒരു നോട്ടം കൊണ്ടോ വാക്ക് കൊണ്ടോ അവരെ ഞാൻ നാളിതുവരെ വേദനിപ്പിച്ചിട്ടില്ല. പിന്നെ എന്തിനാണ് അവർക്ക് എന്നോട് ഇത്രയും വൈരാഗ്യം.. അവൾ ഫോൺ എടുക്കണം എന്ന് മനസ്സിൽ പ്രാർത്ഥിച്ചു കൊണ്ടാണ് വിളിച്ചത് പക്ഷേ നിരാശയായിരുന്നു ഫലം.. അമ്മ ഫോൺ മേടിച്ച് വെച്ചുകാണും... അവളുടെ ശബ്ദം ഒന്ന് കേൾക്കാനായി എൻറെ മനസ്സ് വെമ്പി.. മെല്ലെ ഞാൻ കട്ടിലിലേക്ക് ചാരി ഇരുന്നു. എൻറെ ഓർമ്മകൾ നാലുവർഷം പുറകിലോട്ട്‌ പോയി. ലച്ചൂ, എന്നാണ് അവൾ എൻറെ മനസ്സിൽ കയറിക്കൂടിയത്.. അറിയില്ല. ഷാഫി ഇക്ക പറഞ്ഞിട്ടാണ് ഞാൻ കമ്പ്യൂട്ടർ ശേരിയാക്കാൻ വേണ്ടി ആദ്യമായി അവളുടെ വീട്ടിൽ ചെന്നത്. നേരം തെറ്റി പെയ്ത മഴയിൽ നനഞ്ഞു കുതിർന്ന് ചെന്ന എനിക്ക് തോർത്തുകൊണ്ട് തന്നത് അവളായിരുന്നു പക്ഷേ അന്നൊന്നും ഞാൻ അവളെ ശ്രദ്ധിച്ചതേയില്ല പിന്നീട് പലതവണ ആ വീട്ടിൽ പോയിട്ടുണ്ടെങ്കിലും ഞാനവളെ ശ്രദ്ധിച്ചിട്ടില്ല.. പിന്നീട് എപ്പോഴാണ് അവൾ എൻറെ മനസ്സിൽ കയറിക്കൂടിയത്... ഓർമകളിലേക്ക് ഞാൻ ഊളിയിട്ടു. ഓമനത്തം തുളുമ്പുന്ന മുഖം ആയിരുന്നു അവളുടേത്. മുട്ടോളം മുടിയും, താമരപോലെ വിടർന്ന കണ്ണുകളും ചേർന്ന് ഐശ്വര്യം തുളുമ്പുന്ന മുഖം ആയിരുന്നു അവൾക്ക്. നിരന്തരം പ്രശ്നം ഉണ്ടാക്കിയിരുന്ന ആ കമ്പ്യൂട്ടർ നോക്കാൻ വേണ്ടി എനിക് ഇടയ്ക്കൊക്കെ അവിടെ പോകേണ്ടി വന്നു. ഒടുവിൽ എനിക്ക് മനസ്സിലായി. മാടമ്പളിലെ ആ മനോരോഗി ഗംഗ ആണെന്ന്. എന്നെ കാണാൻ വേണ്ടി മനഃപൂർവം കമ്പ്യൂട്ടർ കേടാക്കുവായിരുന്നൂ അവൾ.. എന്നിലെ സൗഹൃദം മാത്രമായിരുന്നു അവൾ ആഗ്രഹിച്ചതെന്ന് പറഞ്ഞപ്പോഴും ഞാൻ മറ്റൊന്നും ചിന്തിച്ചില്ല. എന്നെപ്പോലെ ഒരു കാട്ടുമാക്കാനെ ഒരിക്കലും ഒരു പെണ്ണും സ്നേഹിക്കില്ലെന്ന് വിശ്വാസം ഉള്ളതുകൊണ്ട് എൻറെ മനസ്സ് മറ്റൊന്നും ആഗ്രഹിച്ചുപോയില്ല. അന്നൊക്കെ എന്ത് സ്നേഹത്തോടെ ആയിരുന്നു രാജി അമ്മ എന്നോട് സംസാരിച്ചിരുന്നത്. പിന്നെ എപ്പോഴാണോ ഞാൻ അവരുടെയൊക്കെ ശത്രു ആയിമാറിയത്. മുഖപുസ്തകത്തിലെ ചാറ്റിങ്ങിലൂടെ ഞങ്ങളുടെ സൗഹൃദം വളർന്നു. എന്തു വിഷമം എനിക്ക് ഉണ്ടായാലും ആദ്യം മനസ്സിൽ തെളിയുന്നത് അവളുടെ മുഖം ആയിരുന്നു. അവളുടെ ആശ്വാസവാക്കുകൾ കേൾക്കുമ്പോൾ തന്നെ മനസ്സ് നിറയും. അവളോട് പങ്ക്‌വെക്കാത്ത ഒന്നും തന്നെ എൻറെ ജീവിതത്തിൽ ഉണ്ടായിരുന്നില്ല. മനസ്സുകൊണ്ട് അത്രയ്ക്ക് അടുത്ത് അവളോട്. ഇടയ്ക്ക് അമ്പലത്തിൽ വെച്ച് സ്ഥിരം കാണാറുള്ള ഒരു പെൺകുട്ടിയോട് എനിക് ഇഷ്ടം തോന്നിയപ്പോൾ എനിക്കുവേണ്ടി പ്രണയ അഭ്യർത്ഥനയുമായി അവളെ കാണാൻ പോയതും എൻറെ ഇൗ കൂട്ടുകാരി ആയിരുന്നു. ചങ്ക് എന്നോ ചങ്കിലെ ചോരയെന്നോ ഒക്കെ വിളിക്കാവുന്ന ഇതുപോലൊരു കൂട്ടുകാരിയെ വേറെ ആർക്കും കിട്ടിയിട്ടുണ്ടാവില്ല. സൗന്ദര്യം ഇല്ലെന്ന് പറഞ്ഞ്, ഞാൻ കൊടുത്തുവിട്ട പ്രണയലേഖനം കീറി മുറിച്ച് കാറ്റിൽ പറത്തിയപ്പോൾ അവളോട് എന്നെക്കാൾ കൂടുതൽ ദേഷ്യം ലെച്ചുവിനായിരുന്നൂ. ആ പെങ്കൊച്ചിനെ കുറ്റം പറയാൻ ഒക്കില്ലല്ലോ, കറുത്ത് മെലിഞ്ഞ എന്നെയോക്കെ ഏതേലും പെണ്ണിന് ഇഷ്ടമാകുമോ, അതോർക്കാഞ്ഞത് എൻറെ തെറ്റ്. പിറ്റേന്ന് എൻറെ ജനിച്ചോസം ആയിരുന്നു. രാവിലെ അമ്പലത്തിൽ വരണം എന്ന് പറഞ്ഞിട്ടാണ് ലച്ചു അന്നത്തെ ഞങ്ങളുടെ ചാറ്റ് അവസാനിപ്പിച്ചത്. ഒന്നോർത്താൽ ഞങ്ങളുടെ സൗഹൃദം ഇത്രയും ദൃഢം ആയത് മുഖപുസ്തകത്തിലൂടെയുള്ള ചാറ്റിംഗ് കൊണ്ട് മാത്രമായിരുന്നു. രാവിലെ ഫോൺ എടുത്ത് നോക്കിയപ്പോൾ ആദ്യത്തെ ആശംസ അവളുടെ വക ആയിരുന്നു. അപ്പോഴാണ് ഫോൺ റിംഗ് ചെയ്തത്. പേര് തെളിഞ്ഞു വന്നു "രാജി ആന്റി".. ഹലോ ഗുഡ് മോണിംഗ് മാഷേ, ഞാനാ ലെച്ചുവാ, അമ്മയോട് ചോദിച്ചപ്പോൾ വിളിച്ച് വിഷ് ചെയ്തോളാൻ പറഞ്ഞു, അതാ ഞാൻ വിളിച്ചത്. ജന്മദിനാശംസകൾ ഹരിയെട്ടാ... ഒത്തിരി സന്തോഷം ലെച്ചൂസ്സെ, ആദ്യമായിട്ടാണ് നിന്റെ ശബ്ദം ഫോണിലൂടെ കേൾക്കുന്നത്. നല്ല കിളിനാധം പോലെയുണ്ട് കേട്ടോ. കാക്കയാണോ താങ്കൾ ഉദ്ദേശിച്ച ആ കിളി?? ഒന്ന് പോടാ ചെക്കാ.. മോൻ പോയി വേഗം കുളിച്ച് റെഡി ആയിട്ട് അമ്പലത്തിൽ വാ, അതേ മുണ്ട് ഉടുത്ത് വരുമോ പ്ലീസ്.. മുണ്ടോ? ആ നോക്കട്ടെ, അച്ഛന്റെ മുണ്ട് അടിച്ചുമാറ്റാം.. ഞാൻ 8 മണി ആകുമ്പോൾ അവിടെ കാണും, നീ നേരത്തെ വരണേ എന്നെ പോസ്റ്റ് ആക്കല്ലെ പെണ്ണേ.. ഇല്ല ഞാൻ 8 മണിക്ക് അമ്പലത്തിൽ കാണും, വേഗം പോയി റെഡി ആയിട്ട് വാ.. മുണ്ട് മറക്കല്ലേ, വെക്കുവാ... ഓക്കേ അപ്പോ അമ്പലത്തിൽ വെച്ച് കാണാം ബൈ.. ഒരുവിധത്തിൽ മുണ്ടൊക്കെ വാരി ചുറ്റി ചെന്നപ്പോൾ 9 മണി ആയി. ദൈവമേ അവളെ കാണുന്നില്ലല്ലോ, കാത്തിരുന്നു മുഷിഞ്ഞു തിരിച്ചു പോയോ ഇനി. ഭാഗ്യം ആള് പോയിട്ടില്ല വണ്ടി ഇവിടെ ഇരിപ്പുണ്ട്. ആലിന്റെ ചുവട്ടിൽ പോയി നോക്കാം, ആ ഹാ ഇവിടെ ഇരിക്കുവായിരുന്നോ ലച്ചൂസ്, എത്രനേരമായി ഞാൻ വന്നിട്ട്. ദെ ഹരിയെട്ടാ എന്നെക്കൊണ്ട് ഒന്നും പറയിക്കല്ലെ, ഇപ്പൊ സമയം ഒന്ന് നോക്കിക്കേ ഇതാണോ നിങ്ങടെ 8 മണി. 8.60 അല്ലേ ആയുള്ളൂ അതിനാണോ ഇൗ ചാട്ടം. ദെ ഹരിയെട്ടാ എന്നെ വെറുതെ ദേഷ്യം പിടിപ്പിക്കാൻ വരല്ലേ.. ഞങ്ങടെ നാട്ടിൽ ഇതിനെ 9 മണി എന്നാ പറയുന്നെ. എത്രവട്ടം ഞാൻ അമ്പലത്തിൽ കേറി തൊഴുതെന്ന് അറിയാമോ, ആ തിരുമേനി വിച്ചാരിച്ചുകാണൂം എനിക്ക് വല്ല കുഴപ്പവും ഉണ്ടോ എന്ന്. പോട്ടടോ ഒന്ന് ക്ഷമിക്കൂ, അല്ല എന്തുവാ ഇത് ഒരു കവർ?? ഇത് ഇയാൾക്ക് വേണ്ടി മേടിച്ചതാ തുറന്ന് നോക്ക്. ആഹാ ഇതെന്തുവാ ഷർട്ടും മുണ്ടും, കൊള്ളാം നല്ല കളറ്. ഡീ ദേ അങ്ങോട്ട് നോക്കിയേ ആരാ വരുന്നതെന്ന്. അഞ്ജലി, നമ്മുടെ ലറ്ററു കീറി കളഞ്ഞ തെണ്ടി. ഭഗവാനെ ഇവൾക് കറുത്ത് ഇരുണ്ട് മുഖത്ത് ചൊറി പിടിച്ച ഒരുത്തനെ ഭർത്താവായി കിട്ടണെ.. എൻറെ പ്രാക്ക്‌ ഫലിക്കണെ.. പാവം ഓരോരുത്തർക്കും മനസ്സിൽ ഓരോ കാഴ്ചപ്പാട് ഉണ്ടാകില്ലേ, അതിനു അവളോട് എന്തിനാ ദേഷ്യം. മോൻ ഇങ്ങോട്ട് നീങ്ങി നിന്നെ, ഇന്നെന്റെ തലയിൽ തൊട്ടു സത്യം ചെയ്യണം എന്ത് സത്യം?? "ഞാൻ പറയുന്ന പെണ്ണിനെ അല്ലാതെ എൻറെ മോൻ ഇനി വേറൊരു പെണ്ണിനെ മോഹിക്കില്ല, പ്രേമിക്കില്ലാ കല്ല്യാണം കഴിക്കില്ലാ". ഇത്രയും എൻറെ തലയിൽ തോട്ട് സത്യം ചെയ്യ്. കണ്ട പെമ്പില്ലേരെ വായിനോക്കാൻ ഞാനിനി സമ്മതിക്കില്ല. വേഗം സത്യം ചെയ്യ്.. ദൈവമേ പെട്ട്.. ആ സത്യം ചെയ്യാം തല കാണിക്ക്‌.. " നിന്നേയല്ലാതെ വേറൊരു പെണ്ണിനെ മോഹിക്കില്ലാ, പ്രേമിക്കില്ല, കല്യാണം കഴിക്കില്ല.. ഭഗവാൻ ആണെ എൻറെ അമ്മയാണെ സത്യം." വാ പൊളിച്ച് നിക്കുന്ന ലെച്ചുനെ കണ്ടപ്പോൾ ചിരി വന്നു. അവളുടെ കൈ പിടിച്ചു ഞാൻ പറഞ്ഞു, ഒരുപാട് ആലോചിച്ചെടുത്ത തീരുമാനമാണ്. എനിക്ക് നിന്നെ വേണം ലചൂ, ഒരു തീരുമാനം നീ ഇപ്പോൾ പറയണ്ട വീട്ടിൽപോയി നല്ലപോലെ ആലോചിച്ചിട്ട് പറഞ്ഞാൽ മതി.. വാ നമുക്ക് തൊഴാം.. അവളുടെ കൈപിടിച്ച് കള്ളകണ്ണനെ തൊഴുത് പ്രാർത്ഥിക്കുമ്പോൾ ആ മുഖത്ത് ഒരു അസൂയ ഞാൻ കണ്ട്. എൻറെ മുന്നിൽ വെച്ച് തന്നെ വേണോടാ തെണ്ടി എന്നായിരിക്കും പുള്ളി മനസ്സിൽ പറഞ്ഞത്... ലചൂന്‍റെ മുഖത്ത് അപ്പോഴും അന്ധാളിപ്പ് മാറിയിട്ടില്ലായിരുന്നു.. ലച്ചൂ, പിറന്നാളായിട്ട് ഒരു ആഗ്രഹം പറഞ്ഞാൽ സാധിച്ചു തരുമോ നീ..? എന്തുവാ സംഭവം? എനിക്ക് നിന്നെ വണ്ടിയുടെ പുറകിലിരുത്തി ഒന്നു കറങ്ങണം. ഒരുപാട് ദൂരമൊന്നും പോകണ്ട ഇവിടെ തന്നെ മതി. ഒരുപാട് നാളത്തെ ആഗ്രഹമാണ്. അത് വേണോ ഹരിയെട്ടാ, ആരേലും കണ്ടാലോ? ആരും കാണില്ല ഒന്ന് കേറെടോ പ്ലീസ്. ഹും ശെരി വാ വണ്ടിയെടുക്ക്.. അതേ ആ കൈ എന്റെ തോളിൽ വെച്ച് ഇരിക്കാമോ? അയ്യട മോനേ വണ്ടിയുടെ പുറകിൽ കയറാൻ പറഞ്ഞു കേറി വേറൊന്നും പറ്റത്തില്ല. ആരേലും കാണും വാ തിരിച്ച് പോകാം. ചെറിയൊരു നീരസം തോന്നിയെങ്കിലും സാരമില്ല അവളെ വണ്ടിയുടെ പുറകിൽ കേറ്റാൻ പറ്റിയല്ലോ.. ലച്ചു ഞാൻ പറഞ്ഞ കാര്യം നീ ഒന്ന് ആലോചിക്കണം ആലോചിച്ചിട്ട് തീരുമാനം പറയണം.. ഹരിയെട്ടനെ ഞാൻ അങ്ങനെയൊന്നും... ഞാൻ ആലോചിച്ചിട്ട് പറയാം. താമസിച്ചു, ഞാൻ പോകുവാണേ.. സൂക്ഷിച്ചു പോണെ, നിന്റെ മറുപടിക്ക് വേണ്ടി ഞാൻ കാത്തിരിക്കും, അവള് പോയപ്പോൾ ഉള്ളിൽ ഒരു വിങ്ങൽ പോലെ, അവളോട് സംസാരിക്കുമ്പോൾ, എനിക്കെന്തോ ഒരു ആശ്വാസമാണ്, എൻറെ എന്ത് പ്രശ്നങ്ങൾക്കും അവളുടെ കയ്യിൽ പരിഹാര വാക്ക് ഉണ്ടായിരിക്കും. ഒരു ദിവസം അവളോട് സംസാരിച്ചില്ലെങ്കിൽ നെഞ്ചില് ഒരു നീറ്റൽ പോലെയാ, ഓരോ തവണ അവളോട് പിണങ്ങിയിട്ടു ഇണങ്ങുമ്പോഴും എനിക്ക് അവളോടുള്ള ഇഷ്ടം കൂടി കൂടി വന്നു, ഇഷ്ടമാണെന്ന് പറഞ്ഞത് തെറ്റായിപ്പോയോ, എന്തായാലും അവളുടെ മറുപടി വരട്ടെ എന്നിട്ട് തീരുമാനിക്കാം ബാക്കി, എന്നെ ഇഷ്ടമാണെന്നാണ് അവളുടെ മറുപടി എങ്കിൽ ഭഗവാന്, എനിക്ക് വേണ്ടി ഈ ജന്മദിനത്തിൽ നൽകാൻ കഴിയുന്ന ഏറ്റവും മനോഹരമായ സമ്മാനം ഇതായിരിക്കും.. ഉള്ളിൽ നിറയെ അവളോടൊപ്പം ഉണ്ടായിരുന്ന നിമിഷങ്ങൾ ആയിരുന്നു. തിരികെ പോരാൻ വേണ്ടി വണ്ടിയിൽ കയറിയപ്പോൾ പിന്നിൽ അവള് ഇരിക്കുന്നപോലെ തോന്നി എനിക്ക്.. പക്ഷേ, ഇൗ സമയമത്രയും ഞങളെ നോക്കി നിന്നിരുന്ന രണ്ട് കണ്ണുകൾ ഞാനും കണ്ടില്ല. ലെച്ചുവും കണ്ടില്ലായിരുന്നൂ. വസന്തയുടെ മൂത്ത മകൻ രാജീവ്.!! ഞങ്ങൾ ഒരുമിച്ച് നിന്ന് കാര്യം പറഞ്ഞതെല്ലാം അവൻ ഫോട്ടോ എടുത്തു, തെളിവിനായി., അമ്മയുടെ ഫോൺ റിംഗ് ചെയ്തത് കണ്ടിട്ട് ലെച്ചുവാണ് ഫോൺ എടുത്തത്. ഹലോ ആരാ? ഞാൻ വസന്തയാ നിന്റെ അമ്മേടെ കയ്യിൽ കൊടുക്കെടി... അമ്മ അ... അടുക്കളയിലാ, കൊ.. കൊടുക്കാം. ദേഷ്യത്തോടെയുള്ള അവരുടെ ആ സംസാരം കേട്ടിട്ട് ലെച്ചൂന്റെ ഉള്ളൊന്നു പിടച്ചു.. ദൈവമേ വണ്ടിയിൽ കേറിയത് അവരെങ്ങാനും കണ്ടുകാണുമോ!!! (തുടരും) #എൻറെ_പ്രണയം_ അവസാന_ഭാഗം +++++++++++++++++++++++++++++++++ ​അമ്മേ.. ദേ വസന്താമ്മ വിളിക്കുന്നു, അത് പറയുമ്പോഴേക്കും ലച്ചൂന്റ ഹൃദയം പെരുമ്പറ കൊട്ടുന്നപോലെ മുഴങ്ങി. രാജി അമ്മ എങ്ങനെ പ്രതികരിക്കുമെന്ന് അറിയില്ലല്ലോ. അടുക്കളയിൽ മീൻ വെട്ടികൊണ്ട് ഇരുന്നത്കൊണ്ട് സ്പീക്കർ ഓൺ ആക്കി ലച്ചു, അമ്മയ്ക്ക് നേരെ ഫോൺ പിടിച്ച് കൊടുത്തു. ഹലോ ആഹ് പറയെടി എന്താ വിശേഷിച്ച്? രാജീ നിന്നോട് ഞാൻ പറഞ്ഞിട്ടുള്ളതാണ് ആ ചെറുക്കനോട് അധികം മിണ്ടാൻ ലച്ചൂനെ വിടരുതെന്ന്. ഇന്ന് അവനും അവളും കൂടി പുതിയിടം അമ്പലത്തിന്റെ വാതിലിൽ നിന്ന് കുറെ നേരം കാര്യം പറയുന്ന കണ്ടൂ, അവൾക്ക് നാണമില്ലേ ഇവനോടൊക്കെ റോഡിൽ നിന്ന് കാര്യം പറയാൻ. അവൻ ആളത്ര ശേരിയല്ല, വെള്ളമടിച്ച് അലമ്പുണ്ടാക്കി നടക്കുന്ന കുറേ എണ്ണങ്ങളാ അവന്റെ കൂട്ടുകാർ. അവനും ആ കൂട്ടത്തിൽ ഉള്ളതാണ്.. ഇന്ന് രാജീവ് മോൻ വന്നു പറഞ്ഞപ്പോൾ ആദ്യം ഞാൻ വിശ്വസിച്ചില്ല, പിന്നെ അവൻ ഫോട്ടോ കാണിച്ചു രണ്ടൂടെ നിന്ന് കാര്യം പറയുന്നത്. ലച്ചു ഇത് എന്തിനുള്ള പുറപ്പാടിലാണ്? ഒറ്റ ശ്വാസത്തിൽ വസന്ത ഇത്രയും പറഞ്ഞു. അത് കേട്ടിട്ട് രാജി അമ്മ ചോദിച്ചു, ഏത് ചെറുക്കന്റെ കാര്യമാ നീ ഇൗ പറയുന്നത്? അവനുണ്ടല്ലോ ആ ഹരീ, നിങ്ങടെ കമ്പ്യൂട്ടർ നോക്കാൻ വരുന്നവൻ, അവന്റെ കാര്യമാ പറഞ്ഞത്. എടി അതൊരു പാവം ചെറുക്കനാ വസന്തെ, ലെച്ചൂനെ അവന് സ്വന്തം പെങ്ങളെപ്പോലെയാ. ഇന്ന് അവന്റെ പിറന്നാള് ആയിരുന്നു. ലച്ചു എന്നോട് ചോദിച്ചു നമ്മൾ എപ്പൊ വിളിച്ചാലും ഓടി വരുന്നതല്ലെ, എന്തെങ്കിലും മേടിച്ച് കൊടുക്കണ്ടേ എന്ന്. അങ്ങനെ ഞാൻ പൈസ കൊടുത്തിട്ട് ലച്ചു പോയൊരു ഷർട്ട് മേടിച്ച്. അതും കൊടുത്തിട്ട് അമ്പലത്തിൽ കേറി തൊഴാൻ വേണ്ടി പോയതാ അവള്. പെട്ടെന്ന് തന്നെ ഇങ്ങ് വരികേം ചെയ്തു. ലച്ചൂന് അവൻ ആങ്ങളെയെ പോലെയാടി.. അതോർത്ത് പേടിക്കണ്ട. ആഹ്‌ അപ്പൊ നീയുംകൂടി അറിഞ്ഞുകൊണ്ട് ഉള്ള പരുപാടി ആണോ, ആഹ്‍ നിങ്ങടെ ഇഷ്ടം പോലെ നടക്കട്ടെ, ഞാൻ പറയാനുള്ളത് പറഞ്ഞു. ലച്ചു അവനോട് നിന്ന് കാര്യം പറയുന്നത് കണ്ടിട്ട് എൻറെ രാജീവ് മോന് എത്ര വിഷമം ആയെന്നു അറിയാമോ.. ശെരി പിന്നെ വിളിക്കാം. ഡീ ഞാൻ കൂട്ടുനിന്നെന്നോ എന്തുവാ ഇൗ പറയുന്നതു, കഴിഞ്ഞ തവണ അവൻ കമ്പ്യൂട്ടർ ശരിയാക്കാൻ വന്നപ്പോഴും പൈസാ ഒന്നും മേടിച്ചില്ല. അതിനു പകരം ഇന്നൊരു ഉടുപ്പ് മേടിച്ച് കൊടുത്തുവെന്നെ ഉള്ളു. ഓകെ... ഇച്ചിരി ജോലിയിലാടി ബൈ.. ലച്ചുവിൻറെ സന്തോഷം പറഞ്ഞറിയിക്കാൻ പറ്റില്ലായിരുന്നു കാരണം മറ്റൊന്നുമല്ല വണ്ടിയുടെ പുറകിൽ കേറിയ കാര്യം മണ്ടൻ രാജീവ് കണ്ടുകാണില്ല, അല്ലായിരുന്നെങ്കിൽ അതിപ്പോ പറഞ്ഞേനെ.. ഹരിയേട്ടനോട് അമ്മയ്ക്ക് ഇത്രയും സ്നേഹം ഉണ്ടാകും എന്ന് കരുതിയില്ല. ഹരിയേട്ടനോട് ആലോചിച്ചിട്ട് മറുപടി പറയാം എന്ന് പറഞ്ഞിട്ടില്ലേ പോരുന്നത് ഓൺലൈനിൽ ഉണ്ടോ എന്ന് നോക്കട്ടെ.. ഹരിയെട്ടാ... ഹലോ.. ആഹാ കാന്താരിക്കുട്ടി വന്നോ.. മോനെ എപ്പോഴും ഓൺലൈൻ ഉണ്ടല്ലോ ആരോടാ ചാറ്റിംഗ്. ഓരോ പോസ്റ്റുകൾ നോക്കുവായിരുന്നു, അല്ലാതെ ആരോട് ചാറ്റ് ചെയ്യാനാ പെണ്ണേ ഞാൻ.. ദൈവത്തിന് അറിയാം.. പിന്നെ ഒരു പണി കിട്ടിയെന്ന് കരുതി. ആ രാജീവ് തെണ്ടി കണ്ടൂ നമ്മൾ നിന്ന് കാര്യം പറയുന്നത്. വസന്താമ്മ ഇപ്പൊ വിളിച്ച് അമ്മയോട് പറഞ്ഞു. വണ്ടിയിൽ കേറിയത് ഭാഗ്യത്തിന് ആ പൊട്ടൻ കണ്ടില്ല. അല്ലായിരുന്നെങ്കിൽ എൻറെ കാര്യം ഇന്ന് തീരുമാനം ആയേനെ. വസന്തക്ക്‌ എന്താടി എന്നോട് ഇത്രയും ദേഷ്യം, എത്ര ആലോചിച്ചിട്ടും മനസ്സിലാകുന്നില്ല. അതോ അത് വേറൊന്നുമല്ല, രാജീവിനെ കൊണ്ട് എന്നെ കെട്ടിക്കാൻ ഒരു പ്ലാൻ ഉണ്ട് വസന്താമ്മയ്ക്. ഇടയ്ക്ക് അമ്മയോട് പറയും എന്റെ രാജീവ് മോന് തന്നേക്കണെ ലെച്ചൂനെയെന്ന്‍... അവർക്ക് കാശിനോട് അങ്ങ് ആർത്തിയാ, ബാങ്കിൽ എത്രയുണ്ട്, സ്വർണം എത്രയുണ്ട് എന്നൊക്കെ അമ്മയോട് എപ്പോഴും ചോദിക്കും. ഒറ്റമോൾ അല്ലെയുള്ളു അപ്പൊ എല്ലാം എനിക്കുള്ളതാണെന്ന് അവർക്ക് നല്ലപോലെ അറിയാം. അമ്മയ്ക്ക് ഇഷ്ടമാണോ രാജീവിനെ കൊണ്ട് കെട്ടിക്കാൻ? ഹേയ് അമ്മയ്ക്ക് അവനെ ഇഷ്ടമല്ല, അലവലാതി. നിനക്ക് ഇഷ്ടമാണോ അവനെ? പിന്നെ ഒന്ന് പോ ചെറുക്കാ എനിക് പണ്ടുമുതലേ അവനെ ഇഷ്ടമല്ല, അവന്റെയൊരു വളിച്ച ചിരിയും, എനിക് കാണുന്നതെ ഇഷ്ടമല്ല. ആഹാ പിന്നെ ആരെയാ എൻറെ മോൾക്ക് ഇഷ്ടം ? അത് പറ കേൾക്കട്ടെ.. എനിക്കാരോടും ഇഷ്ടമില്ല.. ഇൗ എന്നോടും ഇഷ്ടമില്ലേ?? അത്.. ഞാൻ ചോദിച്ച കാര്യം ആലോചിച്ചോ? പോരുന്നോ എന്റെ കൂടെ എൻറെ മണവാട്ടിയായി. അത്.... സമയം ആകുമ്പോ വീട്ടിൽ വന്ന് പെണ്ണ് ചോദിക്ക്.. വീട്ടുകാർ സമ്മതിച്ചാൽ കല്യാണം നടത്താം. അതെന്താ നിനക്ക് എന്നെ ഇഷ്ടമല്ലെ?? എനിക്കറിയാം അല്ലെന്ന്. ശേ വെറുതെ എന്തൊക്കെയോ ഞാൻ സ്വപ്നം കണ്ട്, ആ പോട്ടെ സാരമില്ല. അയ്യോ എന്റെ പൊട്ടാ, ഇതിൽ കൂടുതൽ എങ്ങനാ ഒരു പെണ്ണ് ഇഷ്ടമാണെന്ന് പറയണ്ടേ? എനിക്ക് ഇഷ്ടം ആയതുകൊണ്ട് അല്ലേ വീട്ടിൽ വന്ന് ആലോചിക്കാൻ പറഞ്ഞത്. ആണോ അപ്പൊ നിനക് എന്നോട് ഇഷ്ടം ഉണ്ടോ? എന്നെ ഇഷ്ടമാണോ ലെച്ചുസ്സിന്?? ഉം.. ഇഷ്ടമാ. ദൈവമേ അന്നേരം എനിക്കുണ്ടായ സന്തോഷം എനിക് പറഞ്ഞറിയിക്കാൻ വാക്കുകളില്ല.. ലച്ചൂ, ആദ്യം നീ എന്നിലേക്ക് ഒരു സൗഹൃദമായി കടന്നുവന്നപ്പോൾ , ഞാൻ അറിഞ്ഞിരുന്നില്ല ഇനിയുള്ള എൻറെ ലോകം നീയാണെന്നുള്ള സത്യം. എനിക്ക് പ്രണയിക്കണം നിന്നെ, നിന്നിലൂടെ പ്രണയം എന്താണെന്ന് എനിക്കറിയണം.. ചതിക്കില്ല പൊന്നേ ഒരിക്കലും, എൻറെ ചിന്തകളിലോ, സ്വപ്നങ്ങളിലോ പോലും... ചാറ്റിങ്ങിലൂടെയും പ്രണയ ലേഖനങ്ങളിലൂടെയും ഞങ്ങളുടെ പ്രണയം വളർന്നു.... വളർന്നു പന്തലിച്ചു... വീടിൻറെ കിഴക്കുവശത്തുള്ള റോഡിൽ നിന്നാൽ കാണാം അവളെന്നും ബസിൽ സ്കൂളിലേക്ക് പോകുന്നത്.. വീടിനടുത്തുള്ള സ്റ്റോപ്പിൽ ബസ് നിർത്തുമ്പോൾ ഞങ്ങൾ പരസ്പരം എഴുത്തുകൾ കൈമാറി, ഇതൊരു പതിവായതോടെ, ബസിലുണ്ടായിരുന്ന മറ്റു യാത്രക്കാരും ഞങ്ങളുടെ പ്രണയത്തിന് സാക്ഷ്യം വഹിച്ചു... സ്കൂൾ അവധി ദിവസങ്ങളിൽ അവളെ കാണാതാകുമ്പോൾ ഉള്ളിൽ വല്ലാത്ത ഒരു പിടച്ചിലായിരുന്നു.. അങ്ങനെ ഇണങ്ങിയും പിണങ്ങിയും ഞങ്ങളുടെ പ്രണയം മുന്നേറിക്കൊണ്ടിരുന്നു.. അങ്ങനെ അവളുടെ പിറന്നാൾ ദിവസം വന്നെത്തി.. രാത്രി 12 മണിക്ക് തന്നെ ഞാൻ ആശംസകൾ, മെസ്സേജ് ആയിട്ട് അയച്ചു. ആദ്യത്തെ വിഷ് എൻറെ തന്നെ ആയിക്കോട്ടെ. രാവിലെ തന്നെ പുള്ളിക്കാരി ഓൺലൈൻ വന്നു. പിറന്നാൾ സമ്മാനമായി അവൾക്ക് എൻറെ ആദ്യത്തെ ചുംബനം വേണമെന്ന് ആഗ്രഹം പറഞ്ഞു . എൻറെ കയ്യിലും കൊടുക്കാൻ അതേ ഉണ്ടായിരുന്നുള്ളൂ.. എട്ടുമണിക്ക് അമ്പലത്തിൽ വരണം എന്ന് പറഞ്ഞിട്ട് ചാറ്റ് ഓഫ് ചെയ്തു പോയി അവൾ. അമ്പലത്തിൽ ദേവനു മുന്നിൽ ഒരുമിച്ചുനിന്ന് തൊഴുതു പ്രാർത്ഥിച്ചു. നേരത്തെ തീരുമാനിച്ചതായിരുന്നു അവളുടെ പിറന്നാൾദിവസം പരസ്പരം പ്രണയ മോതിരം കൈമാറണമെന്ന്.. അവളുടെ മോതിരത്തിന് ഇച്ചിരി ഇറുക്കം കൂടിപ്പോയോ എന്നൊരു സംശയം.. എന്നാലും സാരമില്ല ഒരുവിധം രണ്ടുപേരും മോതിരം ഒക്കെ ഇട്ടു. അടുത്ത കടമ്പ അവൾക്ക് കൊടുക്കാനുള്ള പിറന്നാൾ സമ്മാനം ആണ്. അത് ദേവൻറെ മുന്നിൽവച്ച് പറ്റില്ലല്ലോ പുള്ളി എങ്ങാനും ശപിച്ചാൽ തീർന്നില്ലേ എല്ലാം.. അങ്ങനെ അമ്പലകുളക്കടവിൽ പോകാമെന്ന് തീരുമാനിച്ചു. ഭാഗ്യം കടവിൽ ആരുമില്ല. നെഞ്ചിൽ ഒരു പെടപെടപ്പ് ദൈവമേ, മിന്നിച്ചേക്കണേ.. അന്നാദ്യമായി ആ മുഖം എൻറെ കൈക്കുമ്പിളിൽ ആക്കി രണ്ട് കണ്ണുകളിലും ഓരോ ചുംബനങ്ങൾ നൽകി, എൻറെ ആദ്യചുംബനം. അവളൊന്നു കുറുകി. നാണത്താൽ മുഖം ചുവന്നു തുടുത്തു, ആയിരം പൂർണ്ണചന്ദ്രന്മാർ ഉദിച്ച പോലെയുണ്ടായിരുന്നു. ' എൻറെ പ്രണയ മോതിരം'..... അതിലും കൂടി ഒരുമ്മ വെച്ചേക്കാം എന്നു കരുതി കൈയിൽ പിടിച്ചപ്പോൾ പെണ്ണ് കൈ വലിച്ചു.. ശേ അത് നടന്നില്ല... എനിക്കൊരുമ്മ തരുമോന്നു ചോദിക്കണമെന്നുണ്ട്... കിട്ടിയ അവസരം മുതലാക്കി എന്ന് അവൾ കരുതിയാലോ.... പക്ഷേ എൻറെ മനസറിഞ്ഞിട്ടാവാം, കിട്ടി... 'കവിളിൽ ഒരു മുത്തം', കൂടെ ഒരു കടിയും... ആ കടി ഇച്ചിരി കൂടി പോയി, നല്ലപോലെ നൊന്തു. എന്നാലും സാരമില്ല ഒരുമ്മ കിട്ടിയതല്ലേ ക്ഷമിച്ചിരിക്കുന്നു.. കുറേ നിർബന്ധിച്ച്തിനുശേഷം ഒരുമിച്ച് നിന്ന് ഒരു ഫോട്ടോ എടുക്കാൻ അവൾ സമ്മതിച്ചു.. അങ്ങനെ അതും കിട്ടി.. വീട്ടിൽ എത്തിയപ്പോൾ എല്ലാം മനസ്സു മുഴുവൻ അവളായിരുന്നു, അന്ന് അമ്മയുടെ മടിയിൽ കിടന്ന് ടിവി കണ്ടുകൊണ്ടിരുന്നപ്പോൾ ലച്ചുവിൻറെ കാരൃം ചെറുതായിട്ട് ഒന്ന് സൂചിപ്പിച്ചു.. എൻറെ ജീവിതത്തിൽ അമ്മയോട് പറയാത്തതായി ഒന്നുമില്ലായിരുന്നു അതുകൊണ്ടുതന്നെ അമ്മയ്ക്ക് വലിയ കാര്യമായി ഒന്നും തോന്നിയില്ല.. എന്തായാലും ഫോട്ടോ കണ്ടമാത്ര തന്നെ അമ്മയ്ക്ക് അവളെ നന്നായി ബോധിച്ചു.. ഇതാണ് അമ്മയുടെ ഭാവി മരുമകൾ... എങ്ങനെ ഉണ്ട്?? കണ്ടിട്ട് നല്ല ഐശ്വര്യം ഉണ്ട്, നല്ല മുടി ഉണ്ടല്ലോ, നീ പറഞ്ഞതിനേക്കാൽ സുന്ദരിയാണ്. എല്ലാം കൊള്ളാം, ഇവിടെ വന്നിട്ട് എൻറെ മെക്കിട്ട് കേറാതിരുന്നാൽ മതിയായിരുന്നു.. അതൊന്നും ഇല്ലമ്മേ അവളൊരു പാവം കുട്ടിയാ.. നമ്മുടെ പുതിയ വീടിൻറെ പാലുകാച്ച് പറയാൻ അവരുടെ വീട്ടിൽ ഒന്ന് പോണം, അന്നേരം അമ്മയ്ക്ക് അവരെ നേരിട്ട് കാണാമല്ലോ.. അത് ശരിയാ എല്ലാവരെയും ഒന്ന് കാണാമല്ലോ... അങ്ങനെ പാലുകാച്ച് പറയാൻ വേണ്ടി ഞാനും അമ്മയും കൂടി ലച്ചുവിനെ വീട്ടിൽ ചെന്നു.. നേരത്തെ അറിയിച്ചത് കൊണ്ട് ലച്ചു കുളിച്ചൊരുങ്ങി നല്ല സുന്ദരി കുട്ടിയായി ഇരിക്കുവായിരുന്നു... വാലിട്ടു കണ്ണെഴുതിയാൽ ലച്ചുവിനെ കാണാൻ ഒരു പ്രത്യേക ഭംഗിയാണ്.. രണ്ടുപേരെയും പാലുകാച്ചിന് ക്ഷണിച്ച് ശേഷം ഞാനും അമ്മയും തിരികെ പോരുന്നു.. ആത്മാർത്ഥമായ സ്നേഹം ആയതുകൊണ്ടും അവളെ തന്നെ വിവാഹം കഴിക്കണമെന്ന് അതിയായ ആഗ്രഹം ഉള്ളതു കൊണ്ടും എൻറെ കുടുംബത്തിലുള്ള എല്ലാവരോടും അവളെ കുറിച്ച് ഞാൻ പറഞ്ഞിട്ടുണ്ടായിരുന്നു. അതുകൊണ്ടുതന്നെ പാലുകാച്ചിന് അന്ന് അവളെ കാണാമല്ലോ എന്നുള്ള സന്തോഷത്തിലായിരുന്നു ബന്ധുക്കളെല്ലാം.. ഒടുവിൽ ആ ദിവസം വന്നെത്തി.. ഒരു പച്ച പട്ടു പാവാട ആയിരുന്നു അവളുടെ വേഷം.. രാജി അമ്മയുടെ കൈപിടിച്ച് നടന്നു വന്ന അവളെ കണ്ടപ്പോൾ ഓടിച്ചെന്ന് പൊക്കിയെടുത്ത് ഉമ്മകൾകൊണ്ട് പൊതിയാൻ തോന്നി എനിക്ക്.. അത്രയ്ക്കു സുന്ദരിയായിരുന്നു അന്നവൾ.. പാവം രാജിയമ്മ, ഞങ്ങളുടെ പ്രണയം ഒന്നും ആ പാവം അറിഞ്ഞില്ല.. രണ്ടുപേരെയും കഴിക്കാൻവേണ്ടി പിടിച്ചിരുത്തി ഞാൻ വേഗം വീടിനുള്ളിലേക്ക് പാഞ്ഞു.. എൻറെ മുഖത്തെ സന്തോഷവും വെപ്രാളവും കണ്ടപ്പോഴേ എല്ലാവർക്കും മനസ്സിലായി ലച്ചു വന്നിട്ടുണ്ടെന്ന്.. ചേച്ചിമാരും ചേട്ടന്മാരും മാമി മാരും എന്ന് വേണ്ട ഒരുവിധം ബന്ധുക്കൾ എല്ലാവരും തന്നെ ഓരോരുത്തരായി അവളെ പോയി കണ്ടിട്ട് വന്ന് അഭിപ്രായം രേഖപ്പെടുത്തി. എല്ലാവരുടെയും ലച്ചു വിനോടുള്ള പെരുമാറ്റത്തിൽ രാജി അമ്മയ്ക്ക് എന്തോ സംശയം തോന്നി അതുകൊണ്ടുതന്നെ അധികനേരം നിൽക്കാതെ രണ്ടുപേരും മടങ്ങി.. പിന്നീടങ്ങോട്ട് സങ്കടത്തിൻറെ നാളുകൾ ആയിരുന്നു. അവൾ സൂക്ഷിച്ചുവെച്ചിരുന്ന ഞങ്ങളുടെ പ്രേമലേഖനങ്ങൾ എല്ലാം രാജി അമ്മ കണ്ടുപിടിച്ചു... പിന്നീടങ്ങോട്ട് സന്തോഷം എന്താണെന്ന് ഞങ്ങൾ രണ്ടുപേരും അറിഞ്ഞിട്ടില്ല. ലച്ചുവിനെ ഞാൻ പ്രണയിക്കും എന്ന് സ്വപ്നത്തിൽ പോലും രാജി അമ്മ വിചാരിച്ചിട്ടുണ്ടാവില്ല അതുകൊണ്ടുതന്നെയാണ് എന്നോട് രാജി അമ്മയ്ക്ക് ഇത്രയും വെറുപ്പ്.. ഒരു ദിവസം രാജി അമ്മ എന്നെ ഫോണിൽ വിളിച്ചു കുറെ പറഞ്ഞു രാജിയമ്മയുടെ ഓരോ വാക്കുകളും ഹൃദയത്തിൽ തറഞ്ഞു കയറി കൊണ്ടിരുന്നു . ഇൗ ബന്ധം അവസാനിപ്പിക്കണമെന്ന് പറഞ്ഞു കരഞ്ഞപേക്ഷിച്ചു... ഒരിക്കലും മനപ്പൂർവം ചെയ്തതല്ലെന്നും ലച്ചു വിനോടുള്ള ഇഷ്ടം കാലക്രമേണ സംഭവിച്ചു പോയതാണെന്നും ഞാൻ പറഞ്ഞു. പക്ഷേ അന്നുമുതൽ രാജി അമ്മയുടെ ഏക ശത്രുവായി എനിക്ക് മാറാൻ കഴിഞ്ഞു.. വഴിയിൽവെച്ച് ഒക്കെ കാണുമ്പോൾ പതിവുപോലെ ഒരു പുഞ്ചിരി ഞാൻ പ്രതീക്ഷിക്കാറ് ഉണ്ടെങ്കിലും തികഞ്ഞ അവഗണനയായിരുന്നു ഫലം. എല്ലാരീതിയിലും ഞങ്ങളെ തമ്മിൽ അകറ്റാൻ രാജിയമ്മയും വസന്തയും കൂടി പരിശ്രമിച്ചു പക്ഷേ പൂർവാധികം ശക്തിയോടുകൂടി തന്നെ ഞങ്ങളുടെ പ്രണയം മുന്നോട്ടുപോയി. അങ്ങനെയിരിക്കെ ഒരു ദിവസം ബൂത്തിൽ നിന്നും ലച്ചു എന്നെ വിളിച്ചു, വളരെയധികം വിഷമം ഉണ്ടാക്കുന്ന വാർത്തയായിരുന്നു അത്. പട്ടാളത്തിലായിരുന്ന അവളുടെ പപ്പയുടെ അടുത്തേക്ക് രാജി അമ്മയും ലച്ചുവും കൂടി പോകുവാൻ തീരുമാനിച്ചു എന്നായിരുന്നു ആ വാർത്ത. എന്നെയും ലച്ചുവിനെ യും തമ്മിൽ അകറ്റാൻ രാജിയമ്മ കണ്ടുപിടിച്ച ഒരേയൊരു പോംവഴി. എത്രയും പെട്ടെന്ന് തന്നെ അവൾക്ക് എന്നെ നേരിൽ കാണണമെന്ന് പറഞ്ഞ് ഫോൺ വച്ചു. അവളുടെ കരഞ്ഞുകൊണ്ടുള്ള ആ പറച്ചിൽ കേട്ടപ്പോൾ നിന്നനിൽപ്പിൽ ഉരുകിപ്പോയി ഞാൻ. എത്രയും വേഗം എൻറെ പെണ്ണിനെ കാണുവാനായി മനം വെമ്പി. എന്തൊക്കെയോ ആലോചിച്ചു വണ്ടിയോടിക്കുമ്പോൾ കണ്ണുകൾ ആകെ നിറഞ്ഞു മൂടിയിരുന്നു അതുകൊണ്ടാവാം എതിരെ വന്ന കാറിനെ ഞാൻ കാണാതെ പോയത്.. തലയ്ക്ക് നല്ല വേദന. പതിയെ എൻറെ മിഴികൾ അടയുന്നത് അബോധാവസ്ഥയിലും ഞഞാനറിയുന്നുണ്ടായിരുന്നു ​ഹരീ ...ഹരീ .... ആരോ തട്ടി വിളിക്കുന്ന പോലെ തോന്നിയപ്പോൾ, കണ്ണുകൾ മെല്ലെ തുറക്കാൻ ശ്രമിച്ചു, തലയ്ക്ക് എന്തോ വല്ലാത്ത വേദന, മുഖം ഒക്കെയും നീറിപ്പുകയുന്നു. ഞാനിത് എവിടെയാണ്? കൂട്ടുകാരൊക്കെ എപ്പോ വന്നു, എല്ലാവരും എന്താ എൻറെ ചുറ്റും കൂടി നിൽക്കുന്നത്..! "തലയ്ക്ക് ചെറിയ പൊട്ടലുണ്ട് വേദനസംഹാരി കൊടുത്തിട്ടുണ്ട് കുറച്ചുനേരം മയക്കം കാണും എന്തെങ്കിലുമുണ്ടെങ്കിൽ സിസ്റ്ററിനോട് പറഞ്ഞാൽ മതി". ഡോക്ടർ ഇത് എൻറെ കാര്യം ആയിരിക്കുമോ പറയുന്നത്.. എനിക്കെന്താ പറ്റിയത്, ആരോ തലയ്ക്ക് അടിച്ചത് പോലെ.. ഒന്നും ഓർത്തെടുക്കാൻ പറ്റുന്നില്ലല്ലോ... "നല്ല മയക്കം ഉണ്ടാകും, കിടന്നോട്ടെ, പയ്യൻറെ വീട്ടിൽ അറിയിച്ചിരുന്നോ? എന്തു പറ്റിയതാ വണ്ടിയിൽ നിന്ന് വീണതാണോ? " "ഇല്ല സിസ്റ്ററെ, വീട്ടിൽ വിളിച്ചു പറഞ്ഞില്ല, ഹരി ഓടിച്ചിരുന്ന ബൈക്ക് ഒരു കാറിൽ വന്ന് മുട്ടിയതാണ്. കാറുകാരൻറെ കുഴപ്പം അല്ല എന്നാണ് പറഞ്ഞത്. " "എന്തായാലും നല്ല പരിക്കാണ് പറ്റിയത്. മുൻനിരയിലെ ഒരു പല്ല് ഒഴിഞ്ഞുപോയിട്ടുണ്ട്, മുഖത്തെ ഇളകിയ തൊലിയെല്ലാം നേരെയാവാൻ ഇനി കുറച്ച് നാൾ പിടിക്കുമല്ലോ.. നിങ്ങൾ പയ്യൻറെ വീട്ടിൽ വിളിച്ചു കാര്യം പറയൂ " "ഹരിയുടെ അച്ഛനെ വിളിച്ച് പറഞ്ഞിട്ടുണ്ട് സിസ്റ്ററെ അവർ എപ്പോൾ എത്തും." ദൈവമേ ഇത്രയുമൊക്കെ എനിക്ക് സംഭവിച്ചോ, കണ്ണുകൾ അടച്ചു കിടന്നിട്ടും വേദനകൊണ്ട് ഉറക്കം വരാത്തതുകൊണ്ട് അവർ തമ്മിൽ പറയുന്നത് എനിക്ക് കേൾക്കാൻ പറ്റി. ആക്സിഡൻറ് പറ്റിയെന്ന് അറിഞ്ഞാൽ അമ്മ സഹിക്കില്ല മിക്കവാറും ബോധം കെട്ട് വീഴും, പാവം ലച്ചു.. അവൾ എന്നെ കാണാഞ്ഞിട്ട് വിഷമിച്ച് തിരിച്ചു പോയിട്ടുണ്ടാവും, അവൾ അറിയുന്നില്ലല്ലോ എൻറെ ഈ കിടപ്പ്. " ഡോക്ടർ ഞാൻ ഹരിയുടെ അച്ഛനാണ് ഇന്ന് വീട്ടിൽ കൊണ്ടുപോകാമല്ലോ അല്ലേ..?" " വീട്ടിൽ പോയിക്കോളൂ പക്ഷേ 8 ദിവസം കഴിഞ്ഞിട്ട് തലയിലെ സ്റ്റിച്ച് എടുക്കാനായി വരണം, പിന്നെ മുഖത്ത് നല്ല വേദനയുണ്ടാകും, ശ്രദ്ധിക്കണം, പല്ല് ഒടിഞ്ഞ് പോയതല്ലേ" ഹാവു സമാധാനമായി ഇന്ന് വീട്ടിൽ പോകാം.. ലച്ചുവിനെ എങ്ങനെയെങ്കിലും ഇതൊന്ന് അറിയിക്കണമല്ലോ. "അളിയാ രഞ്ജിത്തേ... ലച്ചുവിന് ഒരു മെസേജ് അയച്ച് ഇക്കാര്യം ഒന്നു പറഞ്ഞേക്കണേ അല്ലെങ്കിൽ അവൾ വിഷമിക്കും." വീട്ടിലെത്തിയപ്പോൾ എന്തൊരു സമാധാനം... ലച്ചു ഒന്ന് കാണാൻ വന്നിരുന്നെങ്കിൽ.. അവൾ എങ്ങനെ വരാനാണ് വസന്തയുടെ കഴുകൻ കണ്ണുകൾ എപ്പോഴും അവളുടെ മേലെ അല്ലേ.. തലയ്ക്കകത്ത് വിങ്ങിപ്പൊട്ടുന്ന വേദനയുണ്ടെങ്കിലും രാവിലെ ലച്ചു പറഞ്ഞതോർത്തു മനസ്സ് നീറി പുകഞ്ഞുകൊണ്ടിരുന്നു. അവൾ പോകുമായിരിക്കുമോ, പോയാൽ പിന്നെ ഒരിക്കലും എനിക്ക് അവളെ സ്വന്തമാക്കാൻ കഴിയില്ല. എൻറെ പ്രണയം ഇങ്ങനെ അവസാനിക്കാനാണോ ദൈവമേ വിധി.. മരുന്നിൻറെ ക്ഷീണം കൊണ്ടാവാം പതിയെ ഞാൻ മയക്കത്തിലേക്ക് വീണു പോയി. മയക്കത്തിൽ എപ്പോഴോ ലച്ചുവിൻറെ സംസാരം പോലെ.... തോന്നിയതാവും അവൾ ആയിരിക്കില്ല. "ഹരിയേട്ടൻ ഏതു മുറിയിലാണമ്മേ കിടക്കുന്നത് എനിക്ക് കാണണം" "പടിഞ്ഞാറേ മുറിയിലാ മോളെ പോയി കണ്ടിട്ടുവാ" ദൈവമേ എനിക്ക് തോന്നിയതല്ല, അത് അവളുതന്നെയാ. ഒന്ന് വേഗം കേറിവാ പെണ്ണേ... എൻറെ മനസ്സ് മന്ത്രിച്ചു. എൻറെ ഈ കിടപ്പ് കണ്ടിട്ടാവാം അവളുടെ കണ്ണുകൾ നിറഞ്ഞൊഴുകി. നനുത്ത കരങ്ങൾകൊണ്ട് എൻറെ കവിളിൽ തലോടിയപ്പോൾ ഉളളിൽ മഞ്ഞു പെയ്യുന്ന പോലെ തോന്നി എനിക്ക്. "ലച്ചു, എന്നെ ഇട്ടിട്ടു നീ പോകുമോടീ?" "ഹരിയേട്ടാ അധികം സംസാരിക്കേണ്ട, തലയനങ്ങും. അങ്ങനെ അവരെന്നെ കൊണ്ടുപോകൂമെങ്കിൽ അതെൻറെ ശവം മാത്രമായിരിക്കും. കൂടെയുണ്ടാവും ഞാൻ, എൻറെ ശ്വാസം നിലയ്ക്കും വരെ.., ഉറങ്ങിക്കോളൂ നല്ല വേദനയല്ലേ. എനിക്കൊന്ന് അമ്പലത്തിൽ പോകണം കുറച്ചു വഴിപാട് നടത്താനുണ്ട്" "സൂക്ഷിച്ചു പോകണേ പതുക്കെ പോയാൽ മതി കേട്ടോ." എൻറെ വലതുകൈയ്യിൽ മുത്തം തരുമ്പോൾ അവളുടെ കണ്ണിൽ നിന്ന് ഒരു തുള്ളി അടർന്നുവീണു. ദൈവമേ, ഞങ്ങളെ ഒരിക്കലും പിരിക്കരുതേ നീ.. ലച്ചു അടുത്തുണ്ടായിരുന്ന നിമിഷങ്ങളിൽ ഒന്നും വേദന ഞാൻ അറിഞ്ഞതേയില്ല. അവൾ പോയപ്പോൾ വേദനയെക്കാൾ കൂടുതൽ സങ്കടം തോന്നി. .................................................. മുറിവ് എല്ലാം പൊറുത്തു.. വേദനയും മാറി. പക്ഷേ, മുഖത്തെ പാടുകൾ... അതിനി മാറാൻ എത്ര നാൾ എടുക്കും, മുന്നിലെ പല്ല് പോയതുകൊണ്ട് ഇനി വേറെ വെക്കുന്നത് വരെ ആരെയും നോക്കി ചിരിക്കാൻ പറ്റില്ല. "അളിയാ ഹരി, കളരി അമ്പലത്തിൽ അടുത്ത ആഴ്ചയാണ് കാവടി മഹോത്സവം, ആഗ്രഹിക്കുന്ന കാര്യം സാധിക്കാൻ വേണ്ടി അവിടെ ശൂലം കുത്തുന്ന ആചാരമുണ്ട്. നാവിലൂടെ ശൂലം കുത്തിയാലോ? ലച്ചുവിനെ നിനക്ക് ഒരിക്കലും നഷ്ടമാകില്ല.. കാപ്പ് കെട്ടി വ്രതമനുഷ്ഠിക്കണം. എന്താ നിൻറെ അഭിപ്രായം?" "നാവിൽ തന്നെ കുത്തണോ അളിയാ, കവിളിൽ പോരെ.. അല്ലെങ്കിൽ വേണ്ട നാവിൽ തന്നെ കുത്താം, എനിക്കെൻറെ ലച്ചൂനെ നഷ്ടമാകാതിരുന്നാൽ മതി." "എൻറെ പെണ്ണ് എന്നെ തേച്ചിട്ട് പോയ കാര്യം നിനക്കറിയാമല്ലോ, നിൻറെ പ്രണയം എങ്കിലും പൂവണിയണം നിങ്ങൾ ഒന്നിക്കണം" ഞങ്ങൾ ഒന്നിക്കുന്നത് കാണാൻ ഏറ്റവും കൂടുതൽ ആഗ്രഹിക്കുന്നത് എൻറെ കൂട്ടുകാരാണ്. അതിലൊരുത്തനാണിവൻ, എൻറെ ചങ്ക് രഞ്ജിത്ത്. അങ്ങനെ ശൂലം കുത്താൻ തന്നെ തീരുമാനിച്ചു . എൻറെ അത്രയും നീളമുള്ള ശൂലം, അതും നാവിലൂടെ തന്നെ. മനസ്സുകൊണ്ടും ശരീരം കൊണ്ടും വ്രതശുദ്ധി അനുഷ്ഠിച്ചു, അങ്ങനെ ശൂലവും കുത്തി, ഭഗവാനോട് ഞങ്ങളെ പിരിക്കരുതേ എന്ന് പ്രാർത്ഥിച്ചു. എൻറെ പ്രാർത്ഥന പുള്ളിക്കാരൻ സ്വീകരിച്ചുവന്ന് മൂന്നാംദിവസം ലച്ചു വിളിച്ചപ്പോൾ എനിക്ക് ബോധ്യമായി. ഒരുപാട് സന്തോഷമുള്ള വാർത്തയായിരുന്നു അത്. പപ്പയുടെ ജോലിസ്ഥലത്ത്, ലച്ചുവിന് കോളേജിൽ അഡ്മിഷൻ കിട്ടാനും, കോട്ടേഴ്സ് കിട്ടാനും ബുദ്ധിമുട്ട് കാരണം ലച്ചൂൻറെയും അമ്മയുടെയും പോക്ക് ക്യാൻസൽ ആയി. എൻറെ സന്തോഷം പറഞ്ഞറിയിക്കാനുണ്ടോ.. സകല ദൈവങ്ങളോടും മനസ്സറിഞ്ഞ് നന്ദി പറഞ്ഞു. കുരിശുമൂട്ടിൽ മാതാവിന് ഒരു കൂട് മെഴുകുതിരിയും കത്തിച്ചു. അന്ന് വൈകുന്നേരം, കടവിൽ വെച്ച് കണ്ടപ്പോൾ ലച്ചുവിനെ കെട്ടിപ്പിടിച്ചു ഞാൻ ചുംബനങ്ങൾ കൊണ്ട് മൂടി. എന്നിട്ടും മനസ്സിൽ ചെറിയൊരു സംശയം തോന്നി. 'ഇനി ഒരു പക്ഷേ ഞങ്ങൾ അവിവേകമൊന്നും കാണിക്കാതിരിക്കാൻ രാജിയമ്മ പറഞ്ഞ നുണയാണെങ്കിലോ,' എന്തായാലും അത് നുണയല്ല എന്ന് ബോധ്യമായത് ശ്രീനാരായണ കോളേജിൽ ലച്ചുവിന് ഡിഗ്രിക്ക് അഡ്മിഷൻ എടുത്തത് കണ്ടപ്പോഴാണ്, സമാധാനം... ഇനിയിപ്പോ മൂന്നുവർഷത്തേക്ക് പേടിക്കണ്ടല്ലോ, അതിനുള്ളിൽ അവളെ ഞാൻ സ്വന്തമാക്കിയിരിക്കും. പിന്നീടങ്ങോട്ട് പരസ്പരമുള്ള കാണലുകൾ കഴിവതും ഞങ്ങൾ ഒഴിവാക്കി. പ്രണയ ലേഖനങ്ങളിലൂടെ ഞങ്ങളുടെ ഹൃദയം പങ്കുവച്ചു. സംസാരിക്കാൻ ഫോൺ ഉണ്ടായിട്ടും ഞങ്ങൾ എഴുത്തുകളിലൂടെ സംസാരിച്ചു, അല്പം പൈങ്കിളി ആയിക്കോട്ടെ എന്ന് കരുതി. ഋതുഭേദങ്ങൾ മാറിമാറി വന്നു അതൊന്നും ഞങ്ങളുടെ പ്രണയത്തെ തടസ്സപ്പെടുത്തിയില്ല.. ഇണക്കവും പിണക്കവും കളിയും ചിരിയുമൊക്കെയായി ഞങ്ങളുടെ പ്രണയം മറ്റുള്ളവരെ അസൂയപ്പെടുത്തി. അതിൻറെ ഇടയ്ക്ക് , അസൂയാലുക്കളായ അവളുടെ കൂട്ടുകാരിമാർ, എനിക്ക് സൗന്ദര്യം കുറവാണെന്ന പറഞ്ഞ് അവളെ പിന്തിരിപ്പിക്കാനും ശ്രമം നടത്തി, പക്ഷേ അതൊന്നും ഞങ്ങളെ ബാധിച്ചതേയില്ല. നാല് വർഷങ്ങൾ, 4 മിനിറ്റുകൾ പോലെ കഴിഞ്ഞുപോയി. --------------------------------------------------- പരസ്പരം കാണാൻ രണ്ടുപേർക്കും ഒരുപാട് ആഗ്രഹം തോന്നിയതുകൊണ്ടാണ് അമ്പലത്തിൽ വരാം എന്ന് തീരുമാനിച്ചത്. പക്ഷേ വസന്തയുടെ കഴുകൻ കണ്ണുകൾ ഞങ്ങളെ വേട്ടയാടുന്നത് രണ്ടുപേരും അറിഞ്ഞിരുന്നില്ല. അല്ലായിരുന്നെങ്കിൽ ഇന്ന് ഇങ്ങനെ ഒന്നും സംഭവിക്കില്ലായിരുന്നു, എൻറെ ലച്ചു ഇത്രയും അനുഭവിക്കേണ്ടിവരില്ലായിരുന്നൂ. പാവം എൻറെ കുട്ടി, അമ്മ ഒരുപാടവളെ ഉപദ്രവിച്ചിട്ടുണ്ടാകൂം, എന്നോടുള്ള ദേഷ്യമെല്ലാം പാവം അവളിൽ തീർത്തുകാണും. വസന്ത യോടുള്ള എൻറെ ദേഷ്യവും വെറുപ്പും കൂടിക്കൂടിവന്നു. നാശം പിടിച്ചവൾ, അവൾ ഒറ്റയൊരുത്തിയാണ് എല്ലാത്തിനും കാരണം. നല്ല ക്ഷീണം കണ്ണുകൾ അടഞ്ഞുവരുന്നു. ഒടുവിൽ നിദ്രാദേവി കടാക്ഷിച്ചപ്പോൾ ഉറക്കത്തിലേക്ക് വഴുതിവീണു. നിർത്താതെയുള്ള ഫോണിൻറെ അലർച്ച കേട്ടിട്ടാണ് പുതപ്പിനുള്ളിൽ നിന്നും കയ്യിട്ട് മേശപ്പുറത്തിരുന്ന മൊബൈൽ എടുത്തു നോക്കിയത്. "അഞ്ചു". ഇവളെന്താ ഈ നേരത്ത്... "ഹലോ, ഹരി ചേട്ടാ.. ലച്ചു ആത്മഹത്യയ്ക്ക് ശ്രമിച്ചു. രാജി അമ്മയും എൻറെ പപ്പയും കൂടി അവളെ ആശുപത്രിയിലേക്ക് കൊണ്ടു പോയിട്ടുണ്ട്, കുറേ രക്തം വാർന്നു പോയിട്ടുണ്ട്. എനിക്ക് പേടിയാവുന്നു. ഇന്ന് വസന്ത ആൻറിയും രാജി അമ്മയും കൂടി അവളെ ഒരുപാട് വഴക്കുപറഞ്ഞു, അതുകഴിഞ്ഞ് രാജിയമ്മ അവളെ ഒരുപാട് തല്ലി." നിന്നനിൽപ്പിൽ ഭൂമി താഴേക്ക് പിളർന്നു പോകുന്നതു പോലെ തോന്നിയെനിക്ക്. ദൈവമേ വീണ്ടും എന്നെ പരീക്ഷിക്കുവാണോ.. " അഞ്ചു... മോളെ , ഏത് ആശുപത്രിയിലാ അവർ പോയത്, എനിക്ക് ഇപ്പോൾ തന്നെ അവിടെ എത്തണം" "എനിക്ക് ഉറപ്പില്ല ചേട്ടാ മിക്കവാറും സാഫല്യയിലോട്ട് ആയിരിക്കും പോയത്. അടുത്തുള്ള ആശുപത്രി അതല്ലേ.." " ശരി മോളെ ഞാനെന്തായാലും അങ്ങോട്ട് പോകുവാ" വീട്ടിൽ ആരോടും ഒന്നും പറയാൻ നിൽക്കാതെ ഞാൻ ബൈക്ക് എടുത്ത് വേഗം പുറപ്പെട്ടു. മനസ്സു മുഴുവൻ ലച്ചുവിൻറെ മുഖം മാത്രമായിരുന്നു. പ്രതീക്ഷിച്ചത് പോലെ തന്നെ സാഫല്യയിൽ അവർ ഉണ്ടായിരുന്നു. വിഷമിച്ചിരിക്കുന്നതുകൊണ്ടാവാം എന്നെ കണ്ടിട്ടും രാജി അമ്മ പ്രകോപിതയായില്ല. ആശുപത്രിവരാന്തയിൽ ഒഴിഞ്ഞ കോണിൽ എൻറെ ലച്ചുവിൻറെ ആയുസ്സിനു വേണ്ടി സകല ദൈവങ്ങളോടും മനമുരുകി പ്രാർഥിച്ചു കൊണ്ട് ഞാനിരുന്നു. ഞങ്ങളുടെ സ്നേഹത്തിനു മുന്നിൽ ദൈവം തോറ്റുതന്നതാവാം എൻറെ ലച്ചുവിനെ ആപത്തൊന്നും കൂടാതെ തിരിച്ചുകിട്ടി. കണ്ണുതുറന്നപ്പോൾ അവൾ ആദ്യം കാണണമെന്ന് പറഞ്ഞത് എന്നെയായിരുന്നു. ലച്ചുവിൻറെ അരികിലിരുന്ന് ആ കൈയിൽ തലോടുമ്പോൾ എൻറെ കണ്ണീർത്തുള്ളികൾ ധാരയായി ഒഴുകുന്നുണ്ടായിരുന്നു. രാജി അമ്മയുടെ മുഖത്ത് നോക്കാനുള്ള ശേഷി എനിക്കില്ലായിരുന്നു. തിരികെ വീട്ടിൽ വന്നിട്ടും ആരോടും ഇതിനെക്കുറിച്ച് സംസാരിച്ചില്ല. രണ്ടുമൂന്നുദിവസം ലച്ചുവിനെ എനിക്ക് കാണുവാനും വിളിക്കുവാനും സാധിച്ചില്ല. ഒരു അവസരത്തിനായി അവളും ഒരുപക്ഷേ കാത്തിരിക്കുന്നുണ്ടാവാം. വീടിന് മുന്നിൽ ഒരു കാർ വന്ന് നിൽക്കുന്നത് കണ്ടിട്ടാണ് പത്രം വായിച്ചുകൊണ്ടിരുന്ന ഞാൻ തലയുയർത്തി നോക്കിയത്. ദൈവമേ, ഇത് ലച്ചുവിൻറെ വീട്ടിലെയല്ലേ. കാറിൽ നിന്നും രാജി അമ്മയും കൊച്ചുപപ്പയും അനിത അമ്മയും ഇറങ്ങിയത് കണ്ടപ്പോൾ ആദ്യം തെല്ലൊന്ന് ഭയന്നെങ്കിലും പിന്നാലെ ലച്ചു ഇറങ്ങുന്നതു കണ്ടപ്പോൾ ഉള്ളിൽ എവിടെയോ ഒരു പ്രതീക്ഷ പോലെ. അച്ഛൻ എല്ലാവരെയും അകത്തേക്ക് ക്ഷണിച്ചിരുത്തി. കുറച്ചുനേരത്തെ മൗനത്തെ കീറിമുറിച്ചുകൊണ്ട് രാജി അമ്മ സംസാരിച്ചുതുടങ്ങി.... "ലച്ചുവിൻറെയും ഹരിയുടെയും കാര്യത്തിൽ ഒരു തീരുമാനം എടുക്കാൻ വേണ്ടിയാണ് ഞങ്ങൾ ഇവിടെ വന്നത്.. രണ്ടു ദിവസം മുന്നേ ലച്ചു കാണിച്ച കാര്യമൊക്കെ ഹരി പറഞ്ഞിട്ടുണ്ടല്ലോ. ഈശ്വര കടാക്ഷം കൊണ്ടും, അവളുടെ അച്ഛൻറെ പ്രാർത്ഥനകൊണ്ടും ഒന്നും സംഭവിക്കാതെ തിരിച്ചുകിട്ടി. അന്ന് ഞാൻ കണ്ടില്ലായിരുന്നുവെങ്കിൽ ഞങ്ങൾക്ക് നഷ്ടമാകുന്നത് ഞങ്ങളുടെ പൊന്നുമോളെ ആയിരുന്നു. പ്രണയത്തിൻറെ പേരിൽ ആത്മഹത്യ ചെയ്ത വിഡ്ഢികളിൽ ഒരാളായി എൻറെ മകളും മാറിയേനെ. ആ പാവം മനുഷ്യൻ പോയി കഷ്ടപ്പെടുന്നത് എല്ലാം അവൾക്കു വേണ്ടിയാണ് അതുപോലും അവൾ ഓർത്തില്ല. ഇന്ന് കൈ പിടിക്കാനായി ഒരുത്തനെ കിട്ടിയപ്പോൾ പണ്ട് വിരൽ പിടിച്ചു നടത്തിയ ഞങ്ങളെ അവൾ മറന്നു. ഇനിയും അവളുടെ ആഗ്രഹത്തിന് എതിർത്തു നിന്ന് ഒരു ദുരന്തം അനുഭവിക്കാൻ ഞങ്ങൾക്ക് വയ്യ. രണ്ടാമതൊരു കുഞ്ഞ് വേണ്ടെന്നുവെച്ചത് അവളോടുള്ള സ്നേഹം കുറഞ്ഞാലോന്ന് പേടിച്ചിട്ടാണ് . ഇവടെ പപ്പാ, ഇവളെന്നൂ വെച്ചാൽ ആ മനുഷ്യന് ജീവനാണ്. അദ്ദേഹത്തെയാണ് ഇവൾ തോൽപ്പിക്കാൻ നോക്കുന്നത്. എന്തായാലും അവളുടെ ഭാവി അവൾ ആയിട്ട് തന്നെ തിരഞ്ഞെടുത്തതല്ലേ, ഞങ്ങളായിട്ട് എതിര് നിൽക്കുന്നില്ല.." രാജിയമ്മയുടെ വാക്കുകൾ കേട്ട് തലകുനിച്ച് നിൽക്കാനേ എനിക്കും ലച്ചുവിനും കഴിഞ്ഞുള്ളൂ.. അതുകൊണ്ടുതന്നെ കാരണവർ തമ്മിൽ സംസാരിക്കട്ടെ എന്നു കരുതി ഞാനും ലെച്ചുവും പുറത്ത് വരാന്തയിലേക്ക് നീങ്ങിനിന്നു. "എന്തുവാടീ ഇത്, പെണ്ണുകാണലിനു പകരം ഇപ്പോൾ ആണുകാണലാണോ നടക്കുന്നത്" "ആന്ന്.. എന്തേ... പിടിച്ചില്ലേ..? എല്ലാം മോൻറെ പ്ലാനിംഗ് പോലെതന്നെ നടന്നല്ലോ സന്തോഷമായല്ലോ?? അന്ന് കൈ മുറിച്ചപ്പോൾ, അമ്മ വരാൻ കുറച്ചുകൂടി താമസിച്ചിരുന്നെങ്കിൽ ചോരവാർന്ന് ഞാൻ ചത്തുപോയേനെ... സത്യംപറ ഞാൻ ചത്തിട്ട് നിങ്ങൾക്ക് വേറെ പെണ്ണിനെ കെട്ടാൻ വേണ്ടിയല്ലേ എന്നെ കൊണ്ട് അങ്ങനെ ചെയ്യിച്ചത്.." "ഹ ഹ ഹ എൻറെ ലോകത്ത് നീ അല്ലാതെ വേറെ ആരാടീ ഉള്ളത്, അമ്മ വീട്ടിലുണ്ടെന്ന് ഉറപ്പുവരുത്തിയിട്ട് ചെയ്യാൻ പറഞ്ഞത് അതുകൊണ്ടാണ്. ബ്ലേഡ് കൊണ്ട് ചെറുതായിട്ട് മുറിച്ച്, ഉടനെതന്നെ പാത്രം തട്ടിയിട്ടു ശബ്ദമുണ്ടാക്കാൻ പറഞ്ഞത് , അമ്മ പെട്ടെന്ന് ഓടിവരാൻ വേണ്ടിയിട്ടാണ്..! പിന്നെ വീട്ടിൽ കാർ ഉള്ളതുകൊണ്ടും, രാജി അമ്മയ്ക്ക് നല്ലപോലെ വണ്ടിയോടിക്കാൻ അറിയാവുന്നതുകൊണ്ടും നിന്നെ പെട്ടെന്ന് തന്നെ ആശുപത്രിയിൽ എത്തിക്കുമെന്ന് എനിക്കറിയാമായിരുന്നു. പക്ഷേ പേടിച്ചുതൂറി, കൈ മുറിക്കുമോ എന്ന് എനിക്ക് സംശയം ഉണ്ടായിരുന്നു. നിനക്ക് എവിടുന്ന് കിട്ടി ഇത്രയും ധൈര്യം." " പോ.. കാലാ, മനുഷ്യൻറ നെഞ്ചുകിടന്ന് പടപടാന്ന് ഇടിക്കുവായിരുന്നു. വെപ്രാളം കൊണ്ട് കക്കൂസിൽ പോകുവാനും തോന്നിയെനിക്ക്. എൻറെ മുന്നിലും അവസാന പ്രതീക്ഷയായി ഈയൊരു വഴിയേ ഉണ്ടായിരുന്നുള്ളൂ, അതാണ് രണ്ടുംകൽപ്പിച്ച് ബ്ലേഡ് കൊണ്ട് വരച്ചത്. ഓർക്കുമ്പോൾ ഇപ്പോഴും പേടിവരുന്നു.." " എന്തിനാ എൻറെ ലച്ചൂട്ടി ഇനി പേടിക്കുന്നത്, ഞാനില്ലെ എൻറെ പൊന്നിന്റെകൂടെ.. മനസ്സില്ലാമനസ്സോടെ ആണെങ്കിലും നിന്റെ വീട്ടുകാർ ഒന്നു സമ്മതിച്ചല്ലോ അതുമതി. ഇനി രണ്ടുപേരെയും കയ്യിലെടുക്കുന്നകാരൃം എനിക്ക് വിട്ടേക്ക്. പപ്പയും അമ്മയും നിന്നേക്കാൾ കൂടുതലായി എന്നെ സ്നേഹിക്കുന്നത് ഞാൻ കാണിച്ചു തരാം മോളേ..." " ഒാ പിന്നെ, ഇയാൾക്ക് കൂടിപ്പോയാൽ ഒരു പല്ല് മാത്രമല്ലേ പോയുള്ളു, ഞാൻ എന്റെ ജീവൻ പണയംവെച്ചു റിസ്ക് എടുത്തതുകൊണ്ടാ ഇങ്ങനെയൊക്കെ ആയിത്തീർന്നത്. ഹരിയേട്ടാ, എല്ലാവരെയും വിഡ്ഡികളാക്കി നമ്മൾ ജയിച്ച പോലെ ഒരു തോന്നൽ, ചെയ്തത് തെറ്റായിപ്പോയപോലെ" "സാരമില്ലെടി പെണ്ണേ, ഒളിച്ചോടിപ്പോയി, വീട്ടുകാർക്ക് മാനക്കേടൊന്നും ഉണ്ടാക്കിയില്ലല്ലോ നമ്മൾ, കല്യാണം കഴിഞ്ഞു എല്ലാവരും കൂടിയിരിക്കുമ്പോൾ ഒരു തമാശ പോലെ നമുക്കിത് എല്ലാവരോടും പറയാം. അത്രയ്ക്ക് ഇഷ്ടമായതുകൊണ്ട് ചെയ്തു പോയതല്ലേ, അവരു നമുക്ക് മാപ്പുതരും വാവേ..." ലച്ചുവിനെ ആശ്വസിപ്പിക്കാൻ വേണ്ടി അങ്ങനെയൊക്കെ പറഞ്ഞെങ്കിലും മനസ്സുകൊണ്ട് ആ മാതാപിതാക്കളുടെ കാലിൽ വീണ് ഒരായിരം വട്ടം മാപ്പു പറയുകയായിരുന്നു ഞാൻ. ഇനി ഞങ്ങൾക്ക് പ്രണയിക്കാം, അഭിമാനത്തോടെ, സ്വതന്ത്രമായി, ആരെയും ഭയപ്പെടാതെ... പതിവുപോലെ ആൽമരച്ചുവട്ടിൽ ലച്ചുവിനോട് കാര്യം പറഞ്ഞു കൊണ്ട് നിന്നപ്പോൾ വസന്ത അതിലേ വന്നു. അവരെ കാണിക്കാൻ വേണ്ടി തന്നെ ലച്ചുവിനെ ചേർത്തുപിടിച്ച് ആ കവിളിൽ ഒരു ചുംബനം നൽകി ഞാൻ...എൻറെ മധുരപ്രതികാരം... അത്രയെങ്കിലും ഞാൻ അവരോട് ചെയ്യണ്ടേ.... ലച്ചു.. നിൻ കൈകൾ എന്നുമെൻ കൂടെയുണ്ടെങ്കിൽ ഈ ലോകവും എനിക്ക് എത്രയോ ചെറുതാണ്.. ജീവിതമെന്ന ഈ യാത്രയിൽ മരണംവരെയും എൻറെ കൂടെ ഉണ്ടാകേണ്ടത് നീയാണ്. സ്നേഹിക്കുന്നു ഞാൻ മറ്റെന്തിനെക്കാളും ഏറെ. വാക്കു തരാം ഞാൻ, എന്റെ ശ്വാസം നിലയ്ക്കും നിമിഷം വരെ നിന്നെ തനിച്ചാക്കില്ലെന്ന്.... ആ കണ്ണു നിറയ്ക്കില്ലെന്ന്.... Murukesh R
19.1k views
5 days ago
#

📔 കഥ

#മൗന_പ്രതികാരം കിടക്കയിൽ അവൾ തീർത്ത തലയണ വരമ്പ് കണ്ടാലറിയാം എന്നോട് പരിഭവത്തിലാണെന്ന്........ തലയണ നീക്കി തിങ്ങി നിരങ്ങി അവളെ മുട്ടിയുരുമിചോദിച്ചു... . " എന്തിനാ നമ്മുക്കിടയിൽ ഈ വരമ്പ് ?.???.. അതിനുമാത്രം എന്തുണ്ടായി..... പിണക്കത്തിലാണെന്ന് മനസ്സിലായി പക്ഷെ അതിന്റെ കാരണം എത്ര ചിന്തിച്ചിട്ടും മനസ്സിലാവുന്നില്ല.......... വീണ..... ഞാൻ പറയുന്നത് വല്ലതും കേക്കുന്നുണ്ടോ..????....... ഇങ്ങെനെ മൗനം കൊണ്ട് എന്നെ കൊല്ലാൻ മാത്രം എന്ത് മഹാപരാതമാണ് ഞാൻ ചെയ്തത്.........." ഞാനത്രയും പറഞ്ഞിട്ടും അവളെന്നെ തിരിഞ്ഞു പോലും നോക്കിയില്ല..... എന്റെ ശബ്ദത്തിന് കനം കൂടി..... " വീണ........ ഞാൻ നിന്നോടാണ് സംസാരിക്കുന്നത്... രാവിലെ അമ്പലത്തീന്ന് വന്നപ്പൊ തൊട്ട് നിന്റെ മുഖം കടന്നൽ കുത്തിയ പോലെയാണ്.... ഇന്നെത്തെ ദിവസം എന്നോട് മിണ്ടീട്ടില്ല... ഉച്ചക്ക് ചോറുണ്ണാനും നീ വന്നില്ല..... ഞാൻ അടുത്തു വരുമ്പോള്ളാക്കെ നീ ഒഴിഞ്ഞു മാറുന്നു... ഇത്രക്കെന്നെ വേദനിപ്പിക്കാൻ നിനക്കെങ്ങനെ കഴിയുന്നു... " വീണ്ടും മറുപടി മൗനം തന്നെ.... എനിക്ക് ശരിക്കും ദേഷ്യം വന്നു. ബലമായവളെ എനിക്ക് നേരേ തിരിച്ചു.... അവളുടെ കലങ്ങിയ കണ്ണിൽ നിന്നും ഒരു കാര്യം മനസ്സിലായി. കാര്യം അത്രക്ക് നിസ്സാരമല്ല.... എന്റെ ശ്രീമതിക്ക് എന്തോ പ്രശ്നമുണ്ട്..... "എന്താ വീണാ.... എന്താ പ്രശ്നം.. എന്തായാലും പറയ്..... ദേ... നീ കൂടെ ഇങ്ങനെ തുടങ്ങിയാൽ ഞാനും തളരും....." അവൾ കിടക്കയിൽ നിന്നും എണീറ്റു... പെട്ടെന്നൊരു പൊട്ടിത്തെറി പോലെ പറഞ്ഞു..... " വേണ്ട... പഞ്ചാര വാക്ക് പറഞ്ഞ് മയക്കാൻ നോക്കണ്ട....... ഞാനിന്നലെ രാത്രി സുധിയേട്ടന്റെ മെസ്സഞ്ചറിൽ കേറി നോക്കി...... " നിസ്സാര ഭാവത്തിൽ ഞാൻ പറഞ്ഞു.... " അതിനെന്താ?.... നീയറിയാത്ത ഒന്നും അതിലില്ലല്ലോ....... " വീണാദേവീ കാളി ദേവിയായിട്ട് പറഞ്ഞു........ " ഹും അനുവുമായുള്ള ചാറ്റ് ഞാൻ കണ്ടു.. യു മിസ്ഡ് എ വിഡിയോ ചാറ്റ് വിത്ത് അനുരാധ............... മാത്രമല്ല അവളെയിന്ന് അമ്പലത്തിൽ കണ്ടപ്പൊ എന്തായിരുന്നു സംസാരം.......... സുധിയേട്ടൻ മുമ്പ് പറഞ്ഞിട്ടുമുണ്ട് അവളെ ഇഷ്ടമാണെന്ന്.... എന്നിട്ടിപ്പൊ ഒന്നുമറിയില്ല പോലും. .." അവളുടെ കുഞ്ഞുകുശുമ്പിനെ പ്രതി എനിക്കാനന്ദമായിരുന്നു...... തലക്കിട്ട് ഒരു കിഴുക്ക് കൊടുത്ത് ഞാൻ പറഞ്ഞു. "ഇതിനാണോ ഈ മൗനപ്രതികാരം....." പരിഭവം മാറ്റാൻ അവളെ നെഞ്ചോട് ചേർത്ത് ഞാൻ പറഞ്ഞു.. " എന്റെ വീണാ ദേവീ....... ഒന്നാമത് ഫോൺ ഹാങ്ങാണ്... കയ്യൊന്ന് സ്ക്രീനിൽ തൊട്ടപ്പൊ അറിയാതെ ഒരു കോൾ പോയതിനാണോ നീയീ കാട്ടി കൂട്ടിയത് മുഴുവൻ......... ഇന്നവളെ അമ്പലത്തിൽ കണ്ടപ്പൊ പരിചയമുള്ള കുട്ടിയല്ലെയെന്ന് വിചാരിച്ച് ഒന്ന് മിണ്ടിപോയി......... പിന്നെ അവളെ കാണാൻ നല്ല ഭംഗിയുണ്ട് സുന്ദരിക്കുട്ടിയാണെന്ന് മാത്രേ ഞാൻ പറഞ്ഞിട്ടുള്ളൂ അല്ലാതെ ഇഷ്ടമെന്നൊന്നും പറയാൻ പറ്റില്ല...... ഇനിയെന്റെ വീണ മോള് വന്ന് കിടക്കാൻ നോക്ക്... തലയണ വരമ്പ് കിളച്ചിട്ടിട്ടുണ്ട് അനുവല്ല ഐശ്വര്യ റായ് വന്നാലും നമ്മുക്കിടയിൽ ഇനിയൊരു വരമ്പ് വേണ്ട'...." അവളെ നെഞ്ചോട് ചേർത്ത് പരിഭവം പറഞ്ഞു തീർത്ത് കണ്ണടഞ്ഞ് പോവാൻ തുടങ്ങിയതും അവൾ പറഞ്ഞു...... " സുധിയേട്ടാ..... എനിക്കൊരു കാര്യം പറയാനുണ്ട്....... " അവൾ നീട്ടിവലിച്ച് കൊഞ്ചി കുഴഞ്ഞ് പറഞ്ഞു തുടങ്ങി.... അവളുടെ മൗനപ്രതികാരം മധുരമായ് മാറി.. " അതേയ്..... ഞാനിന്ന് പിണങ്ങിയത് അനുവിന് കോൾ പോയതിനോ അവളോട് രാവിലെ സംസാരിച്ചതിനോ അല്ല......" അടഞ്ഞു പോയ കണ്ണുകൾ ഒരു ഞെട്ടലോടെ തുറന്ന് ഞാൻ യഥാർത്ഥ കാരണം തിരക്കി.... സത്യങ്ങൾ ഓരോന്ന് പുറത്ത് വരാൻ തുടങ്ങി.... അവൾ മടിച്ച് മടിച്ച് തുടങ്ങി..... " അവളില്ലെ....അനുരാധ.... അവളെന്റെ ടൂഷൻ ക്ലാസ്സിലായിരുന്നു... സുധിയേട്ടന് എന്റെ കൂട്ടുക്കാരി ശ്യാമയെ ഓർമ്മയുണ്ടോ?????....." "ഏത്? ആ പനങ്കുല പോലെ മുടിയുള്ള കുട്ടിയോ?????" "ആ അവൾ തന്നെ........ അവൾ പറയുവാ അനുവിന് സുധിയേട്ടനെ ഇഷ്ടമായിരുന്നുവെന്ന്.... സുധിയേട്ടനെ കിട്ടാൻ എന്തോ നേർച്ചയോ വഴിപാടോ കഴിക്കാറുണ്ട് പോലും '.... " അത് കേട്ടതും ഞാനൊന്ന് നടുങ്ങി.. എന്നിട്ടെന്റെ ശ്രീമതിയെ ഒന്ന് ചൂടു കേറ്റാൻ പറഞ്ഞു.. " ആഹാ... അപ്പൊ അന്ന് നിന്റെ പിന്നാലെ നടന്ന നേരം അവളെ കെട്ടിയിരുന്നെങ്കിൽ ഇപ്പൊ ഈ കട്ടിലിൽ ഒരാൾ കൂടി ഉണ്ടാവുമായിരുന്നു..... " അത് കേട്ടപാതി കേക്കാത്ത പാതി അവളെന്നിൽ നിന്നും കുതറി മറിഞ്ഞു.... "ഹും... പൊയ്ക്കോ.... എങ്ങോട്ട് വേണേലും പോ.. അവൾ ഇപ്പോഴും വിവാഹം കഴിക്കാത്തത് സുധിയേട്ടന് വേണ്ടിയാവും...." പണി പാളിയെന്ന് മനസ്സിലായ ഉടനെ ഞാനവളെ മെരുക്കാനുള്ള ശ്രമം തുടങ്ങി, അല്ലെങ്കിൽ വീണാ ദേവിയുടെ കണ്ണുനീർ ഭൂമീദേവിയെ പൊള്ളിക്കുമെന്നുറപ്പാണ്... അവളെ വീണ്ടും വലിച്ച് മാറിലേക്കിട്ടു.. "നീയിനി കഥ മെനയണ്ട.... അവൾടെ ജാതകതത്തിൽ ചൊവ്വയും ബുധനും നീണ്ട് നിവർന്ന് കിടപ്പുണ്ട് അതുകൊണ്ടാണ് കല്യാണം നടക്കാത്തത്.... കുശുമ്പി പെണ്ണ് എന്റെ മാറിൽ കിടന്ന് പിറുപിറുത്തു.... " സുധിയേട്ടൻ എന്റെയാ.... ആർക്കും കൊടുക്കില്ല... ഇനിയവളോട് മിണ്ടാൻ പോവരുത് ട്ടോ.... ഇന്ന് രാവിലെ സുധിയേട്ടനവളോട് സംസാരിക്കുന്നത് കേട്ടിട്ട് എന്റെ നെഞ്ചിടിപ്പിന്റെ താളത്തിന് പാറപ്പൊട്ടുന്ന സ്വരമായിരുന്നു...... " അങ്ങനെ എപ്പോഴോ ഞങ്ങൾ ഉറങ്ങി..... പിറ്റേന്ന് ജോലി കഴിഞ്ഞ് റൂമിൽ കേറീപ്പൊ ദേ കിടക്കുന്നു തലയണ വരമ്പ്..... എന്റെ വീണ ദേവി സെറ്റ് മുണ്ടുടുത്ത്... കുങ്കുമം തൊട്ട് സുന്ദരിയായ് നിൽപ്പുണ്ട്.. എന്തിനുള്ള പുറപ്പാടാണാവോ..... "എന്താ വീണ?... എന്താ വിശേഷം..?.... അവൾ ആഹ്ലാദത്തോടെ പറഞ്ഞു "രണ്ട് സന്തോഷ വാർത്തയുണ്ട്.... രണ്ടാമത്തെ ഞാൻ പറയാം ഒന്നാമത്തെ സുധിയേട്ടൻ കണ്ടു പിടിക്ക്..... " ഒന്നാമത്തെ ..... അനുവിന്റെ കല്ല്യാണമുറപ്പിച്ചെന്ന് ശ്യാമ വിളിച്ചു പറഞ്ഞു...... മുഖത്ത് പുച്ഛം വാരി വിതറി ഞാൻ പറഞ്ഞു... "അയ്യേ.... ഇതാണോ ഇത്ര വലിയ കാര്യം......." "സുധിയേട്ടന് ഇത് ചെറിയ കാര്യമാവും എന്നാൽ എനിക്കിത് വലിയ കാര്യമാണ്..... " രണ്ടാമത്തെ കാര്യം ഞാൻ ഊഹിച്ചു.... " ദൈവമേ തലയണ വരമ്പ്.... ഇനി ഇവളും വല്ല നേർച്ചയോ വൃതത്തിലുമാണോ...... " ഞാൻ അവളോട് കാര്യം തിരക്കി...." ഇതെന്തിനാ വീണ ഈ വരമ്പ്?......" "വരമ്പോ ?.... വരമ്പല്ല സുധിയേട്ടാ.... അത് വാതിലാണ്.... മൂന്നാമതൊരാളെ കട്ടിലിൽ കേറ്റാനുള്ള വാതിലാണ്..... " എനിക്കൊരു കുഞ്ഞുണ്ടാവാൻ പോകുന്ന സന്തോഷത്തിൽ അവളെ കോരിയെടുത്തു...... മൗനപ്രതികാരം മധുരമായതുപോലെ തലയണ വരമ്പ് വാതിലാവാനും അധികം സമയമെടുത്തില്ല....... #അഞ്ജലി_മോഹനൻ
32.3k views
6 days ago
Share on other apps
Facebook
WhatsApp
Copy Link
Delete
Embed
I want to report this post because this post is...
Embed Post