900+ Tamil Nadu Moves To Make Home Childbirth Punishable Odia Status, Images & Videos

566 views • 3 hours ago

ତାମିଲନାଡୁରେ ମୁଖ୍ୟମନ୍ତ୍ରୀ ବିଜୟଙ୍କ ନେତୃତ୍ୱାଧୀନ ନୂଆ ସରକାର ଲଗାତାର କିଛି ନା କିଛି ଭିନ୍ନ ନିଷ୍ପତ୍ତି ନେଉଛନ୍ତି। ଏବେ ରାଜ୍ୟ ସରକାର ମହିଳାମାନଙ୍କ ସୁରକ୍ଷିତ ପ୍ରସବ ପାଇଁ ନୂଆ ନିୟମ ପ୍ରସ୍ତୁତ କରୁଛନ୍ତି, ଯେଉଁଥିରେ ଘରେ ସନ୍ତାନ ପ୍ରସବ କରାଇବାକୁ ଦଣ୍ଡନୀୟ ଅପରାଧ ଭାବେ ଗ୍ରହଣ କରାଯିବାର ବ୍ୟବସ୍ଥା ରହିଛି।ଗତ ସୋମବାର ବିଧାନସଭାରେ ରାଜ୍ୟର ସ୍ୱାସ୍ଥ୍ୟମନ୍ତ୍ରୀ କେ.ଜି. ଅରୁଣରାଜ ସୂଚନା ଦେଇ କହିଛନ୍ତି ଯେ, ରାଜ୍ୟ ସରକାର ଖୁବଶୀଘ୍ର ଘରେ ଏବଂ ଡାକ୍ତରଖାନା ବାହାରେ ହେଉଥିବା ପ୍ରସବକୁ ଦଣ୍ଡନୀୟ ଅପରାଧ ଘୋଷଣା କରିବାକୁ ଯାଉଛନ୍ତି। ବର୍ତ୍ତମାନ ଦେଶରେ ଘରେ ପ୍ରସବ କରାଇବା ଆଇନଗତ ଭାବେ ଅପରାଧ ନୁହେଁ। ଅନେକ କ୍ଷେତ୍ରରେ ଲୋକେ ଘରେ ହିଁ ପ୍ରସବ କରାଇବାକୁ ପସନ୍ଦ କରୁଛନ୍ତି।୮୭ ବର୍ଷ ପୁରୁଣା ପବ୍ଲିକ୍ ହେଲ୍ଥ ଆକ୍ଟ ବଦଳିବ: ସ୍ୱାସ୍ଥ୍ୟ ବିଭାଗର ଅନୁଦାନ ଦାବି ଉପରେ ଆଲୋଚନା ବେଳେ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ, ତାମିଲନାଡୁ ପବ୍ଲିକ୍ ହେଲ୍ଥ ଆକ୍ଟ, ୧୯୩୯ (ତାମିଲନାଡୁ ଜନସ୍ୱାସ୍ଥ୍ୟ ଆଇନ) ପ୍ରାୟ ୯ ଦଶନ୍ଧି ଅର୍ଥାତ୍ ୮୭ ବର୍ଷ ପୁରୁଣା ଏବଂ ଏହା ଏବେ ବାତିଲ ହୋଇଯାଇଛି।ବିଦ୍ୟମାନ ଏବଂ ନୂତନ ସ୍ୱାସ୍ଥ୍ୟଗତ ଆହ୍ୱାନର ମୁକାବିଲା କରିବା ପାଇଁ ଟିଭିକେ ସରକାର ଏକ ନୂଆ ତାମିଲନାଡୁ ଜନସ୍ୱାସ୍ଥ୍ୟ ଆଇନ ଆଣିବାକୁ ଯାଉଛନ୍ତି। ଏହି ପ୍ରସ୍ତାବିତ ଆଇନରେ ଡାକ୍ତରଖାନା ବାହାରେ ବା ଘରେ ସନ୍ତାନ ଜନ୍ମ କରିବାକୁ ଏକ ଦଣ୍ଡନୀୟ ଅପରାଧ ବୋଲି ବିବେଚନା କରାଯିବାର ପ୍ରାବଧାନ ସାମିଲ ହେବ। ସ୍ୱାସ୍ଥ୍ୟ ବିଭାଗ ପାଇଁ କରାଯାଇଥିବା ୧୧୫ଟି ଘୋଷଣା ମଧ୍ୟରୁ ଏହା ଥିଲା ପ୍ରଥମ।ସଂଶୋଧନ ବିଲ୍ ଖୁବଶୀଘ୍ର ଆସିବ: ଅନ୍ୟପକ୍ଷରେ ସ୍ୱାସ୍ଥ୍ୟ ସଚିବ ଦାରାଜ ଅହମ୍ମଦ କହିଛନ୍ତି ଯେ ନୂଆ ଆଇନ ଖୁବଶୀଘ୍ର ଅଣାଯିବ। ତେବେ ଘରେ ପ୍ରସବ ସମ୍ବନ୍ଧୀୟ ଏକ ସଂଶୋଧନ ମଧ୍ୟ ପୃଥକ୍ ଭାବେ ଆଗତ କରାଯିବ, କାରଣ ଏହା ଉପରେ ଯଥାଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ।ଘରେ ପ୍ରସବ ପରେ ମହିଳାଙ୍କ ମୃତ୍ୟୁ: ଘରେ ପ୍ରସବକୁ ନେଇ କଠୋର ଆଭିମୁଖ୍ୟ ଗ୍ରହଣ କରିବା ପଛରେ ଏକ ସାମ୍ପ୍ରତିକ ଘଟଣା ମୁଖ୍ୟ କାରଣ ବୋଲି କୁହାଯାଉଛି। କୋଏମ୍ବାଟୁର ଜିଲ୍ଲାରେ ଘଟିଥିବା ଏକ ଘଟଣା ପରେ ଏହି ପ୍ରସଙ୍ଗ ଚର୍ଚ୍ଚାକୁ ଆସିଛି। ଜୁନ୍ ମାସରେ ଉଥୁକୁଲି ନିକଟସ୍ଥ ପୁଞ୍ଜଇ ଥଲାଇବିପାଲୟମର ବାସିନ୍ଦା ୩୨ ବର୍ଷୀୟା ଶଶିକଳା ଘରେ ନିଜର ଦ୍ୱିତୀୟ ସନ୍ତାନକୁ ଜନ୍ମ ଦେବାର ୪ ଦିନ ପରେ ଏକ ଘରୋଇ ଡାକ୍ତରଖାନାରେ ପ୍ରାଣ ହରାଇଥିଲେ। #🏠ଘରେ ପିଲା ଜନ୍ମ କଲେ ଭୋଗିବେ ଦଣ୍ଡ🚨

15 shares