📢नागपूर अपडेट👉

ज्येष्ठ नेते स्व. बाबुरावजी तिडके यांच्या श्रद्धांजली सभेत मा. केंद्रीय मंत्री नितीन गडकरीजी यांच्यासमवेत उपस्थित राहून त्यांना विनम्र अभिवादन केले. स्व. बाबुरावजी तिडके हे उमदे, संवेदनशील आणि जनसामान्यांप्रती कळकळ असलेले नेतृत्व होते. आयुष्यभर त्यांनी समाजहिताला प्राधान्य देत इतरांच्या जीवनात आनंद पेरण्याचे कार्य केले. पक्षीय राजकारणाच्या पलीकडे जाऊन मैत्री, माणुसकी आणि परस्पर विश्वास जपणे, तसेच सहकार क्षेत्रात उल्लेखनीय योगदान देणे ही त्यांच्या सार्वजनिक जीवनाची वैशिष्ट्ये होती. त्यांचे विचार, मूल्ये आणि कार्य पुढील पिढ्यांसाठी प्रेरणादायी राहतील. त्यांच्या पवित्र स्मृतीस विनम्र अभिवादन. #महाराष्ट्र #अभिवादन #नागपूर

"महसूल विभाग हा शासनाचा चेहरा, तो सक्षम असणे गरजेचे"- सहकार मंत्री बाबासाहेब पाटील ​मराठवाडा प्रतिनिधीः- मतदारसंघातील मरशिवणी (ता. अहमदपूर) येथे १५ कोटी रुपये खर्चून उभारण्यात येणाऱ्या महसूल अधिकारी व कर्मचारी निवासस्थानांचा भूमिपूजन सोहळा दि २० जुलै रोजी अत्यंत दणक्यात पार पडला. महाराष्ट्र राज्याचे सहकार मंत्री बाबासाहेब पाटील यांच्या प्रमुख उपस्थितीत हा भूमिपूजन सोहळा संपन्न झाला असून, या महत्त्वाकांक्षी प्रकल्पामुळे महसूल विभागातील अधिकारी व कर्मचाऱ्यांना आधुनिक, सुरक्षित आणि सुसज्ज निवासाची हक्काची सुविधा उपलब्ध होणार आहे. ​यावेळी उपस्थितांशी संवाद साधताना सहकार मंत्री बाबासाहेब पाटील म्हणाले की, महसूल विभाग हा शासनाचा कणा असून तो सरकारचा खरा चेहरा आहे. शेतकऱ्यांच्या सातबारा, फेरफारपासून ते आपत्ती व्यवस्थापन, विविध दाखले आणि शासनाच्या कल्याणकारी योजनांची अंमलबजावणी ही सर्व जबाबदाऱ्या महसूल विभाग अत्यंत प्रभावीपणे पार पाडतो. अधिकारी व कर्मचारी सक्षम आणि सुस्थितीत असतील, तर त्याचा थेट लाभ सर्वसामान्य नागरिकांना मिळून प्रशासन अधिक वेगवान, पारदर्शक आणि लोकाभिमुख बनेल. अहमदपूर-चाकूर मतदारसंघात सध्या विकासाची एक नवी आणि व्यापक चळवळ रुजली असल्याचे सांगून सहकार मंत्री बाबासाहेब पाटील यांनी स्पष्ट केले की, विकास हा केवळ घोषणांमध्ये नसून प्रत्यक्ष कामांमध्ये दिसला पाहिजे. गेल्या काही वर्षांत मतदारसंघात रस्त्यांच्या कामांना मोठी गती देण्यात आली असून, प्रलंबित कामांना मंजुरी मिळवली आहे. उत्तम दळणवळणामुळे शिक्षण, आरोग्य, व्यापार, उद्योग आणि शेतीच्या विकासाला नवी गती मिळत असल्याचे त्यांनी यावेळी आवर्जून नमूद केले. ​या कार्यक्रमास उपविभागीय अधिकारी मंजुषा लटपटे, तहसीलदार उज्वला पांगारकर, अधीक्षक अभियंता बाळासाहेब थोरात, कार्यकारी अभियंता सुग्रीव केंद्रे, भारतीय जनता पक्षाचे नेते दिलीपराव देशमुख, रिपाई जिल्हाध्यक्ष बाबासाहेब कांबळे, अहमदपूर नगराध्यक्ष स्वप्निल व्हत्ते, माजी सभापती भारत चामे, जिल्हा परिषद समाज कल्याण सभापती उत्तमराव माने, शिवानंद तात्या हेंगणे, माजी सभापती टी.एन. कांबळे, जिल्हा परिषद सदस्य अशोककाका केंद्रे, तालुकाध्यक्ष शिवाजीराव देशमुख, माजी जिल्हा परिषद सदस्य त्र्यंबकआबा गुट्टे, माजी सरपंच किशोर बापू मुंडे, पंचायत समिती सभापती सुरजभैय्या पाटील, उपसभापती अयोध्याताई केंद्रे, जिल्हा परिषद सदस्य प्रतीक्षाताई गुट्टे, उपनगराध्यक्ष अय्याजभाई शेख, जिल्हा परिषद सदस्य प्रफुलचंद्र गुंडरे, जिल्हा परिषद सदस्य अजिंक्य देशमुख, जिल्हा परिषद सदस्य अश्विनकुमार नागराळे, माजी उपनगराध्यक्ष मुजीब पटेल जहागीरदार, महिला जिल्हाध्यक्ष मीनाक्षीताई शिंगडे, किसान सेल भाजपा अध्यक्ष राजकुमार मजगे, माजी नगराध्यक्ष अश्विनीताई कासनाळे, गटविकास अधिकारी पंकज शेळके, नगरसेविका सुप्रियाताई भालेराव, महेश अर्बन बँक उपाध्यक्ष निवृत्तीराव कांबळे, युवक जिल्हा कार्याध्यक्ष प्रशांत भोसले, श्रीकांत बनसोडे, बाळू केंद्रे, श्रीकांत मजगे, अमित रेड्डी, रामभाऊ नरोटे, शहराध्यक्ष अझरभाई बागवान, गंगाधरराव ताडमे, प्रकाश ससाने, किरणकुमार बारमाळे, भागवतराव गुट्टे, अशिष तोगरे, हुसेन मणियार, बालासाहेब पाटील आंबेगावकर, प्रदीप उर्फ मुन्ना कांबळे, अफरोज शेख, सय्यद युसुफ, बाबुभाई रुईकर, तानाजी राजे, बालाजी कातकडे, सादिक शेख, शिवाजीराव पाटील, रामदास कदम, उप अभियंता सुरज गौड, विजय स्वामी तसेच पक्षाचे विविध पदाधिकारी, कार्यकर्ते, सरपंच, चेअरमन व मोठ्या संख्येने ग्रामस्थ उपस्थित होते. कार्यक्रमाचे सूत्रसंचलन माधव माने व संभाजी चोपणे यांनी केले तर आभार गोविंद कुंभार यांनी मानले. #📝मराठवाडा अपडेट्स

12 साल विश्वास के, विकास के, जनकल्याण के #12 साल विश्वास के, विकास के, जनकल्याण के

वृक्षांचे महत्त्व लक्षात ठेवून वृक्षांचे जतन करणे काळाजी गरज-एन.आर.पाटील चाकुरः-वृक्षांची संख्या दिवसेंदिवस घटत आहे.त्यामुळे तापमानात वाढ,दुष्काळ आणि अनिश्चित स्वरूपात पाऊस या सारख्या समस्या निर्माण होतात.पर्यावरणाचे रक्षण करण्यासाठी वृक्ष लागवड करणे व संगोपन करणे काळाजी गरज असल्याचे जिल्हा मध्यवर्ती बँकेचे संचालक एन.आर.पाटील यांनी सांगितले.लातुर जिल्हा मध्यवर्ती सहकारी बँक लि.लातुर यांच्या वतीने सहकार सप्ताह निमित्त चाकुर शाखेत वृक्षरोपण कार्यक्रम संपन्न झाले.कॉग्रेस पक्षाचे ज्येष्ठ नेते तथा नगरसेवक विलासराव पाटील चाकुरकर,एन.आर.पाटील,पप्पुभाई शेख,अशोक नागीमे,शिवाजी पाटील,गंगाधर केराळे,सलीमभाई तांबोळी,बेग,यांच्या शुभहस्ते बँकेच्या परिसरात वृक्ष लागवड करण्यात आली.यावेळी एन.आर.पाटील म्हणाले,मानवाच्या मूलभूत गरजा पूर्ण करण्यात वृक्षांचे मोठे योगदान आहे. तसेच वृक्षांचे सामाजिक, धार्मिक व आर्थिक महत्त्व सुद्धा आहे. वाढत्या शहरीकरणामुळे, यांत्रिकीकरणा मुळे आणि मानवाच्या हव्यासापायी आज मोठ्या प्रमाणावर जंगल तोड होत आहे. वृक्षांची संख्या दिवसें दिवस घटत आहे. त्यामुळे तापमानात वाढ, दुष्काळ आणि अनिश्चित स्वरूपात पाऊस या सारख्या समस्या निर्माण होतात. अलीकडे विकासाच्या नावावर जंगले भकास होत आहेत. परिणामी पर्यावरणाचे संतुलन बिघडणे आणि सजीव सृष्टीला धोका निर्माण होणे यांसारख्ये गंभीर प्रश्न निर्माण होत आहे. यावर उपाय म्हणजे केवळ वृक्षारोपण व वृक्ष संवर्धन हाच आहे. वृक्ष म्हणजे आपल्या पृथ्वीच्या आयुष्याचे पर्यायाने आपल्या जीवनाचे आधारस्तंभ आहे. त्यांचे रक्षण करूनच आपण आपले आणि आपल्या पुढच्या पिढ्यांचे जीवन सुखी व समृद्ध करू शकतो. म्हणूनच वृक्षांचे महत्त्व जाणा आणि वृक्ष संवर्धन करावे असे आहवान त्यांनी केले. #📝मराठवाडा अपडेट्स