റാഗി സൂപ്പ് 😋😋😋😋 പോഷകങ്ങളുടെ കലവറ എന്ന് വിശേഷിപ്പിക്കാവുന്ന ഒന്നാണ് റാഗി. സാധാരണയായി കൊച്ചു കുട്ടികൾക്കുള്ള കുറുക്കായി മാത്രം റാഗിയെ കാണാറുണ്ടെങ്കിലും, മുതിർന്നവർക്കും ഒരുപോലെ പ്രയോജനപ്പെടുന്ന സൂപ്പർഫുഡാണിത്. കാൽസ്യം, ഇരുമ്പ്, നാരുകൾ എന്നിവയാൽ സമ്പന്നമായ റാഗി എല്ലുകളുടെ ബലത്തിനും ദഹനപ്രക്രിയ സുഗമമാക്കാനും ഏറെ സഹായിക്കുന്നു. പ്രമേഹം, കൊളസ്ട്രോൾ എന്നിവ നിയന്ത്രിക്കാനും ശരീരഭാരം കുറക്കാൻ ആഗ്രഹിക്കുന്നവർക്കും റാഗി മികച്ചൊരു ഉപാധിയാണ്. റാഗി വെറും കുറുക്കിയെടുക്കുന്നതിനു പകരം ഇന്ന് നമുക്ക് അതുപയോഗിച്ച് ഹെൽത്തിയായി ഒരു സൂപ്പ് തയ്യാറാക്കാം. ചേരുവകൾ:- 😋😋😋 _റാഗി - 1 കപ്പ്_ _വെള്ളം - 4 കപ്പ്_ _ഉപ്പ് - ആവശ്യത്തിന്_ _തൈര് - 1 കപ്പ്_ _ചുവന്നുള്ളി - 5-6 എണ്ണം_ _പച്ചമുളക് - 1 എണ്ണം_ തയ്യാറാക്കുന്ന വിധം:- 😋😋😋 ഒരു ബൗളിലേക്ക് ഒരു കപ്പ് റാഗിപ്പൊടി ചേർക്കാം. അതിലേക്ക് ഒരു കപ്പ് വെള്ളം ഒഴിച്ച് കട്ടപിടിക്കാതെ ഇളക്കിക്കൊണ്ടിരിക്കാം. ഒരു പാൻ അടുപ്പിൽ വക്കാം, മൂന്ന് കപ്പ് വെള്ളം അതിലേക്ക് ഒഴിച്ച് തിളപ്പിക്കാം. അത് തിളച്ചു കഴിയുമ്പോൾ റാഗിമാവ് ചേർത്തിളക്കാം. വെള്ളം വറ്റി കുറുകി വരുന്നതു വരെ ഇളക്കാം. കട്ടിയായി തുടങ്ങുമ്പോൾ തീ കുറച്ചു വക്കാം. ശേഷം 10 മിനിറ്റ് പാത്രം അടച്ചു വച്ച് വേവിക്കാം. ഇത് വെന്തു കഴിഞ്ഞാൽ ആവശ്യമായ അളവിൽ ഉപ്പ് ചേർക്കാം. അത് തണുക്കാൻ വക്കാം. തണുത്തു വരുമ്പോൾ ചുവന്നുള്ളി ചെറുതായി അരിഞ്ഞതും, പച്ചമുളകും, തൈരും ചേർത്ത് ഇളക്കി യോജിപ്പിക്കാം. ഇനി ഇത് കഴിച്ചു നോക്കൂ, ഒപ്പം അച്ചാറും കൂട്ടാവുന്നതാണ്. ``` 😋😋😋 #റാഗി സൂപ്പ് 😋💚❤️ #പാചകം #പാചകം paachakam #പാചകം #ആരോഗ്യം

ജ്യൂവിഷ് പെൻസിലിൻ..?* 💢⭕💢⭕💢⭕💢⭕ ഗാന്ധിജിയുടെ മകനായ മണിലാൽ ഗാന്ധിക്ക്, ടൈഫോയ്ഡും ന്യൂമോണിയയും വന്ന് കിടപ്പിലായ ഒരു കഥ കേട്ടിട്ടുണ്ട്.. ഡോക്ടർ, മരുന്നുകൾക്കൊപ്പം മണി ലാലിന്, ചിക്കൻ സൂപ്പും നിർദ്ദേശിച്ചു..! വളരെ കർശനമായ വെജിറ്റേറിയൻ പാരമ്പര്യമുള്ള ഹിന്ദു കുടുംബാംഗക്കാരനായിരുന്നതു കൊണ്ടാകണം, ഗാന്ധിജി പോലും അതിനെ എതിർത്തു...! പക്ഷേ, അതിനെ ഒന്നും വക വക്കാതെ, മണിലാൽ സൂപ്പ് കുടിക്കുകയും ആരോഗ്യം തിരിച്ചു പിടിക്കുകയും ചെയ്ത ഒരു അനുഭവ കഥയുണ്ട്..! മീറ്റ് സൂപ്പുകളുടെ രോഗശമനത്വത്തിന് ഒരു ഉദാഹരണ കഥ കൂടിയാണിത്..! ചെറുപയറു കൊണ്ടും മറ്റും ഉണ്ടാക്കുന്ന എഴുപത്തഞ്ചു വിധം സൂപ്പുകൾ ആയുർവേദത്തിലെ പ്രധാന ഗ്രന്ഥമായ കശ്യപ സംഹിതയിലുണ്ട്... വെജിറ്റബിൾ സൂപ്പിനെ പൊതുവേ യൂഷം എന്നാണ് ആയുർവേദത്തിൽ പറയാറുള്ളത്. എന്നാൽ, അതിൽ നിന്ന് വ്യത്യസ്തമായി, മീറ്റ് സൂപ്പുകൾക്ക് `മാംസ രസം` എന്നാണ് പറയുക.. നമ്മുടെ സദ്യയിലെ രസവും ഒരുതരം സൂപ്പ് തന്നെ..! പല തരം മാംസ രസങ്ങളുണ്ട്.. ഏറ്റവും മികച്ചത്, ആട്ടിൻ സൂപ്പ് ആണ്.. കോഴി സൂപ്പും ഉണ്ട്.. പക്ഷേ നമ്മുടെ ബ്രോയിലർ കോഴിയല്ല എന്നു മാത്രം...! വന കുക്കുടം, അല്ലെങ്കിൽ കാട്ടു കോഴിയുടേതാണ് അന്ന് ഉപയോഗിച്ചിരുന്നത്.. നാടൻ ഗ്രാമ്യ കുക്കുടങ്ങളും ധാരാളം ഉണ്ടായിരുന്നു.. വെറും മാംസ രസത്തിന് പകരം, ഔഷധങ്ങൾ ഇട്ട് പാകപ്പെടുത്തിയ മാംസ രസം ആയുർവേദത്തിൽ ശ്രേഷ്ഠമായ ഔഷധവും ആഹാരവുമാണ്. പൊതുവേ എല്ലാ മാംസ രസങ്ങളും, ശരീര ധാതുക്കളെ പുഷ്ടിപ്പെടുത്തുന്നതാണ്.. രുചികരവും ഹൃദ്യവുമാണ്. ക്ഷയരോഗം ബാധിച്ചവർക്കും, ശരീരം മെലിഞ്ഞവർക്കും, ചില ആൺ വന്ധ്യതാ പ്രശ്നങ്ങളിലും, ഏറ്റവും മികച്ചത്....! അതത് രോഗങ്ങൾക്ക് അനുസരിച്ച്, മാംസ രസങ്ങൾ പാകപ്പെടുത്തി എടുക്കാം എന്നൊരു സൗകര്യം കൂടി ഉണ്ട്.. അതത് രോഗങ്ങളെ ശമിപ്പിക്കാൻ അത് ഉപകാരപ്പെടും... ഇത് സ്വരം, ബലം, ബുദ്ധി എന്നിവയെ വർദ്ധിപ്പിക്കും.. നിത്യം, വ്യായാമം ചെയ്യുന്നവർ, ജിമ്മിൽ പോകുന്നവർ, കഠിനമായ പ്രവൃത്തികളിൽ ഏർപ്പെടുന്നവരൊക്കെ, മാംസ രസം കഴിക്കേണ്ടവരാണ്...! മാംസ രസം, പല രോഗാവസ്ഥകളിലും പഥ്യവുമാണ്...! ലോക വ്യാപകം ആയി പ്രചാരത്തിലുള്ളത് ചിക്കൻ സൂപ്പ് തന്നെ ആണെന്ന് തോന്നുന്നു.. ചൈനക്കും ജർമനിക്കും ഫ്രാൻസിനും ഇറ്റലിക്കുമൊക്കെ തനതായ ചിക്കൻ സൂപ്പ് വൈവിധ്യങ്ങൾ ഉണ്ട്.. ഇന്ത്യയിലും അതെ...! ബ്രോയിലർ ഒഴിവാക്കി നാടൻ കോഴി കൊണ്ട് സൂപ്പ് ഉണ്ടാക്കുന്നത് നന്നായിരിക്കും... പൊതുവേ കൊഴുപ്പ് കുറഞ്ഞ മാംസം ആയതിനാൽ, ഗുണകരമാണ്...! കാൽസ്യവും പ്രോട്ടീനുകളും ധാരാളം... ധാതു മൂലകങ്ങളുടെയും വൈറ്റമിനുകളുടേയും കലവറ... എത്രയോ കാലം മുമ്പു തന്നെ, folk മെഡിസിൻ്റെ ഭാഗം തന്നെയായിരുന്നു സൂപ്പുകൾ..! `ജ്യൂവിഷ് പെൻസിലിൻ` എന്ന അപരനാമം തന്നെ ഉണ്ട്, ഈ മാംസ രസങ്ങൾക്ക്...! ജലദോഷത്തിലും കഫക്കെട്ടിലും ഒക്കെ പെട്ടെന്ന് ഫലം ചെയ്യും എന്നതുകൊണ്ടാണ് ഈ പേര് വന്നത്. വെജിറ്റബിൾ സൂപ്പുകളും ഔഷധയുക്തമായ മാംസ രസങ്ങളും വിധിപ്രകാരം ഇനിയും ഏറെ നമുക്ക് പ്രയോജനപ്പെടുത്താനുണ്ട്.. 💢⭕💢⭕💢⭕💢⭕ #സൂപ്പുകൾ💚❤️💚 #ആരോഗ്യ രംഗം ❤️❤️❤️

AD #bjpindia