మట్టితో మమేకమైన బ్రతుకులు మట్టి సువాసనని వదులుకోలేకపోతున్నాయి..
రిఫ్రిజిరేటర్లో పెట్టిన మంచినీళ్లు తాగి చాలా ఏళ్లయిపోయింది..
ఎవరింటికైనా వెళితే ఎంతో గౌరవంగా చల్లటి నీళ్ల బాటిల్ చేతికందిస్తుంటారు..
నేను అంతే మర్యాదగా ఫ్రిడ్జ్ లో నీళ్లు తాగనని చెప్పేస్తుంటాను..
కుండలో నీళ్ళివ్వండి అంటే కుండలో నీళ్ళా?? ఈరోజుల్లో కుండలెవరు వాడుతున్నారు??
ఈ మాటలు వింటుంటే నాకు భలే నవ్వొస్తుంది.. నవ్వి ఊరుకోవడం తప్ప బదులివ్వలేను మరి!!
ఇక ఈ కుండ విషయానికి వస్తే నిన్న ఊరిలోకి ఒక తాతగారు వస్తే 200పెట్టి కొన్నది మా అమ్మ..
ఆయన ఎండలో తిరుగుతున్నారు.. బేరం ఆడొద్దని ముందే చెప్పా..
అయినా సరే 230 ఇవ్వమంటే 200ఇచ్చి వచ్చింది.. పైగా నీకేం తెలీదు ఊరుకో అంటుంది!!
ఇల్లు కడుతుంటే కొత్త కుండ కొనకూడదని చెప్పారట ఎవరో సాంప్రదాయ శాస్త్రవేత్తలు!!
దానితో పోయిన సంవత్సరం బిందెలోని నీళ్లే తాగాము కానీ కూలింగ్ నీళ్ళ జోలికి మాత్రం పోలేదు..
నేనే కాదు మా ఇంట్లో వాళ్ళకి కూడా ఫ్రిడ్జ్ లో నీళ్లు నిషిద్ధం.. ఇది నేను 10ఏళ్ళ క్రితం పెట్టిన రూల్..
ఏదైనా ఫంక్షన్లకి వెళ్లినా నేను మ్యాగ్జిమం కూలింగ్ నీళ్లు తాగను.. తప్పని పరిస్థితి అయితే తప్ప!!!
మా వాళ్ళు మాత్రం నిక్షేపంగా తాగేస్తారు.. అయినా ఆ నీళ్ళేందుకో చప్పగా అనిపిస్తాయి..
మట్టికుండలోని నీళ్లు మాత్రం చల్లదనంతో పాటు ఒక ప్రత్యేకమైన రుచిని అదనంగా అందిస్తాయి..
ఆరోగ్యంతో పాటు రుచిని అందించే మట్టిలోని మమకారపు మాధుర్యాన్ని ఎలా వదులుకోగలము..
వీలైతే మీరు కూడా మట్టికుండలోని నీళ్ళు తాగి ఆరోగ్యంతో పాటు మట్టి మాధుర్యాన్ని ఆస్వాదించండి..🙏🙏🙏🙏🙏
#తెలుసుకుందాం #Summer Health care #summer care #🩺ఆరోగ్య జాగ్రత్తలు
