రాష్ట్రంలో కూటమి ప్రభుత్వం సాగిస్తున్న సంక్షేమ, అభివృద్ధి పాలనలో ఎలాంటి లోటుపాట్లు దొరక్క వైకాపా తప్పుడు వీడియోలతో తప్పుడు ప్రచారం చేస్తున్నది. గౌరవ ముఖ్యమంత్రి శ్రీ నారా చంద్రబాబు నాయుడు గారి వీడియోను కట్ అండ్ పేస్టుతో తప్పుడు అర్ధం వచ్చేలా వారు చేస్తున్న ఒక వీడియో ప్రచారం నా దృష్టికి వచ్చింది. తిరుపతి జిల్లా, సూళ్లూరుపేట నియోజకవర్గం, నాయుడుపేటలో టిడ్కో ఇళ్ల గృహ ప్రవేశాల కార్యక్రమం సందర్భంగా ముక్కర అంబిక అనే లబ్దిదారు ఇంటికి వెళ్లి అక్కడ శ్రీ సత్యనారాయణ స్వామి వ్రతంలో పాల్గొని తీర్థ ప్రసాదాలు స్వీకరించిన అనంతరం వారి కష్ట సుఖాలు అడిగి తెలుసుకునే క్రమంలో గౌరవ ముఖ్యమంత్రి శ్రీ నారా చంద్రబాబు నాయుడు వారికి కొన్ని హామీలు ఇచ్చారు. అంబిక భర్త ఆటో డ్రైవర్ కావడంతో ఆయనకు బ్యాటరీ ఆటో కొనిపెట్టాల్సిందిగా జిల్లా కలెక్టర్ కు ఆదేశాలిచ్చారు. గౌరవ ముఖ్యమంత్రి ఆ ఇంటి నుంచి బయటకు వచ్చిన వెంటనే ఎదురుగా ఉన్న ఇంటి గడప వద్ద ఉన్న మరొక మహిళ తన కుమారుడి ఉద్యోగం విషయం ప్రస్తావించారు. గౌరవ ముఖ్యమంత్రి అంబిక భర్త కు బ్యాటరీ ఆటో కొనిపెట్టాలి అని ఇచ్చిన ఆదేశాలను ఆ మహిళ అడిగిన విషయానికి జత చేసి ‘‘చదువుకున్న వ్యక్తికి ఆటో కొనిపెడతారట’’ అంటూ సోషల్ మీడియాలో అపహాస్యం చేసే ప్రయత్నాన్ని వైకాపా ప్రారంభించింది. ఇలాంటి తప్పుడు ప్రచారంతో వారు సాధించేది ఏమీ ఉండదు. ఎందుకంటే గౌరవ ముఖ్యమంత్రి శ్రీ నారా చంద్రబాబు నాయుడు గారు పేదల పక్షపాతిగా సముచిత నిర్ణయాలను మాత్రమే తీసుకుంటారని రాష్ట్ర ప్రజలందరికి తెలుసు. ఇలాంటి తప్పుడు ప్రచారాలను మానుకోకపోతే చట్టపరంగా చర్యలు తీసుకోవాల్సి వస్తుందని హెచ్చరిస్తున్నాను. #📰 a.p న్యూస్ #🎯ap పొలిటిక్స్