#ശ്രീനാരായണഗുരു🙏 #ശ്രീനാരായണഗുരു ജയന്തി# ഗുരുവേ ശരണം🙏🙏🙏🌹💖 #ശ്രീനാരായണഗുരുദേവൻ #ശ്രീനാരായണഗുരു #ശ്രീനാരായണ ഗുരുദേവൻ ഓം ശ്രീനാരായണ പരമഗുരവേ നമഃ ✨🙏🏻✨ ✨ശുഭദിനം ✨ സുപ്രഭാതം✨ കാളിനാടകം മന്ത്രം 06 പരംപഞ്ചമിച്ചന്ദ്രനും തോറ്റുപോയി- തിരയ്ക്കപ്പുറം കുറ്റമില്ലെന്നു തേറി- തിറംവിട്ടു കപ്പം കൊടുക്കുന്ന നെറ്റി- ക്കുറിക്കുള്ളിൽ വീണാഴിയേഴാമരഞ്ഞാ- ണരയ്ക്കന്വഹം ചാർത്തുമുർവീമണാളൻ മഹാദേവനും ബ്രഹ്മനും മുൻപരായോ- രഹോ! മായയിൽ പെട്ടിരിക്കുന്നു ചിത്രം! മഹാത്മാക്കളായുള്ളവർക്കും നിനച്ചാൽ മഹാമായ! നിൻ വൈഭവം കിന്തരണ്യം! 🔥 ഭാവാർത്ഥം 🔥 കറുത്തവാവു കഴിഞ്ഞ് അഞ്ചാംനാളിലെ മനോഹരനായ ചന്ദ്രൻപോലും ദേവിയുടെ നെറ്റിത്തടത്തോടു മത്സരിച്ചു തോറ്റ് ഓടി സമുദ്രത്തിലെ തിരകൾക്കുമൊക്കെ അപ്പുറം ചെന്നൊളിച്ച് ഇനി എൻ്റെമേൽ കുറ്റമൊന്നും ചുമത്തുകയില്ല എന്നു തീരുമാനിച്ച് അഭിമാനമൊക്കെ വെടിഞ്ഞ് പരാജയം സമ്മതിച്ചു കീഴടങ്ങി കപ്പം കൊടുത്തുകൊണ്ടിരിക്കുന്ന നെറ്റിത്തടത്തിലെ പൊട്ടിന്റെ മോഹശക്തിക്കടിമപ്പെട്ട് ഏഴു സമുദ്രങ്ങളാകുന്ന അരഞ്ഞാൺ അരക്കെട്ടിൽ സദാ അണിഞ്ഞുകൊണ്ടിരിക്കുന്ന ഭൂമിദേവിയുടെ ഭർത്താവായ വിഷ്ണു, ശിവൻ, ബ്രഹ്മാവ് തുടങ്ങിയവരൊക്കെ, ആശ്ചര്യമെന്നേ പറയേണ്ടു, അമ്മേ, അവിടത്തെ ഇന്ദ്രജാലശക്തിയിൽ കുടുങ്ങി കഴിഞ്ഞുകൂടുന്നു. ആശ്ചര്യം. മഹാത്മാക്കളായ അവർക്കുപോലും ആലോചിച്ചുനോക്കിയാൽ മഹാമായയായ നിൻ്റെ മോഹശക്തിയെ കടന്നുപോകാൻ കഴിയാതിരിക്കുന്നു സാധാരണക്കാരുടെ കാര്യം പിന്നെ പറയാനുണ്ടോ? (പ്രൊഫ. ജി. ബാലകൃഷ്ണൻ നായർ സാറിന്റെ ശ്രീനാരായണഗുരുദേവ കൃതികൾ സമ്പൂർണ്ണ വ്യാഖ്യാനത്തിൽ നിന്നും) ഗുരു ഓം ✨🔥🪴🔥✨