::::::: നീയെന്നൊരാ വാക്ക്:::::: പ്രണയം ചുവപ്പിച്ച ചെമ്പനീർ പൂവൊന്നിതാ സമർപ്പിച്ചിടുന്നു ഞാൻ നിന്നുടെ കരങ്ങളിൽ, അതിന്റെ ഇതളിലെൻ ഹൃദയം പതിച്ചിട്ടുണ്ട -- തിന്റെ സുഗന്ധം പോലെന്നുടെ പ്രണയവും, വാക്കുകൾ പൂത്തീടുന്ന മൗനത്തിൻ താഴ്‌വാ രത്തിൽ ചേക്കേറിയോരല്ലേ നാം രണ്ടിണക്കിളികളായ്, തങ്ങളിൽ വസന്തങ്ങൾ വിരിയിച്ചവർ നമ്മൾ പ്രണയം പൊഴിക്കുന്ന മഴയിൽ നനഞ്ഞവർ, അന്യോന്യം മിഴി നട്ടിരുന്നിട്ടില്ല നമ്മൾ നടന്നില്ലൊരു ചോടും കൈയ്യുകൾ കൊരുത്തിട്ട്, നുകർന്നില്ലൊരു തേനും ചുണ്ടുകൾ പരസ്പരം എങ്കിലും പ്രിയനേ നാം പ്രണയിക്കുന്നു തമ്മിൽ! എത്ര വാക്കുകൾ ഞാനെഴുതിച്ചേർത്തീടിലും കഴിയില്ലവയ്ക്കെന്റെ പ്രണയം പകർത്തീടാൻ, എങ്കിലും പ്രണയത്തിൻ പുസ്തകത്താളിൽ നീളെ കുറിച്ചു വയ്ക്കുന്നു ഞാൻ നീയെന്നൊരാ വാക്കിന്ന്! എന്നുടെ മനസ്സിലും ഹൃദയത്തിലും നീളേ വെളിച്ചം ചൊരിയുന്നതെന്നുമാ വാക്കാണല്ലോ ആ വാക്കിൻ വെളിച്ചമെന്നാത്മാവിൽ നിറയവേ അറിയുന്നുണ്ടിന്ന് ഞാൻ നീയെന്നാൽ ഞാനാണെന്ന് . !!𝚕𝚘𝚟𝚎 𝚢𝚘𝚞 𝚏𝚊𝚒𝚣𝚊 🧡🧡🧡 #💞 നിനക്കായ്