*( یومِ جمہوریہ 26 جنوری 2026 )* 77 واں یومِ جمہوریہ ہند 26 جنوری 2026 دل کی اتھاہ گہرائیوں سے تمام اہلِ وطن کو بہت بہت مبارک ہو 🇮🇳 یہ آزادی کسی ایک دن کی محنت نہیں، یہ اُن بے شمار قربانیوں کا ثمر (نتیجہ) ہے جو ہمارے اسلاف اور شہداء نے اس وطنِ عزیز کے لیے پیش کیں۔ ان کے لہو سے سینچی گئی یہ مٹی آج ہمیں عزت، وقار اور پہچان عطا کر رہی ہے۔ یومِ جمہوریہ ہمیں یاد دلاتا ہے کہ 26 جنوری 1950 کو بھارت کا آئین نافذ ہوا، جس نے ہمیں ایک خودمختار، جمہوری اور سیکولر ملک کی حیثیت دی۔ یہ دستور ہمیں برابری، انصاف، آزادیٔ اظہار، مذہبی آزادی، لسانی و ثقافتی تنوع کے ساتھ جینے کا حق دیتا ہے۔ بھارت کی خوبصورتی اسی میں ہے کہ یہاں ہر مذہب، ہر زبان، ہر تہذیب کو احترام حاصل ہے اور کسی ایک فکر یا عقیدے کو دوسروں پر مسلط کرنا ہمارے آئین اور قومی روح کے خلاف ہے۔ آئیے ہم سب مل کر اس دستور کی حفاظت کا عہد کریں اور ملک کی سالمیت، اتحاد اور بھائی چارے کو مضبوط بنائیں #26جنوری💥