#⛈️ન્યૂ યર પર માવઠાંની આફત, ગુજરાતમાં અત્યારે કાતિલ ઠંડીનો ચમકારો જોવા મળી રહ્યો છે, ત્યાં હવે હવામાનમાં અચાનક પલટો આવવાની સંભાવના છે. હવામાન નિષ્ણાત અંબાલાલ પટેલે રાજ્યમાં ભરશિયાળે 'માવઠા' (Unseasonal Rain) ની આગાહી કરી છે, જે ખેડૂતો માટે ચિંતાનો વિષય બની શકે છે. આગામી દિવસોમાં કચ્છ અને ઉત્તર ગુજરાતના કેટલાક વિસ્તારોમાં વાદળછાયું વાતાવરણ અને હળવા વરસાદની શક્યતા રહેલી છે, સાથે જ જાન્યુઆરી મહિનામાં હાડ થીજવતી ઠંડી (Cold Wave) પડવાની પણ વકી છે.હવામાન (Weather) અંગેની સચોટ માહિતી આપતા નિષ્ણાત અંબાલાલ પટેલના જણાવ્યા અનુસાર, આગામી 24 કલાક દરમિયાન રાજ્યના વાતાવરણમાં નોંધપાત્ર ફેરફાર જોવા મળશે. ખાસ કરીને કચ્છના વિસ્તારોમાં હળવા ઝાપટાં કે કમોસમી વરસાદ (Mavthu) પડવાની શક્યતા છે. નલિયામાં તાપમાનનો પારો ગગડીને 12.6 ડિગ્રી સુધી પહોંચ્યો છે, ત્યારે હવે વરસાદી માહોલ સર્જાતા રાજ્યમાં બેવડી ઋતુનો અનુભવ થશે. આગામી 48 કલાકમાં લઘુત્તમ તાપમાનમાં હજુ પણ 2 થી 3 ડિગ્રીનો ઘટાડો થવાની સંભાવના છે, જે ઠંડીનું જોર વધારશે.હવામાન વિભાગ (IMD) અને નિષ્ણાતોના મતે, પાડોશી રાજ્ય રાજસ્થાનમાં 'સાયક્લોનિક સર્ક્યુલેશન' (Cyclonic Circulation) સર્જાયું છે. આ કુદરતી પ્રક્રિયાને કારણે ગુજરાતના હવામાનમાં પલટો (Gujarat Weather Change) આવવાની શક્યતા પ્રબળ બની છે. આ સિસ્ટમની અસરને પગલે સૌરાષ્ટ્ર અને કચ્છ (Saurashtra And Kutch) ઉપરાંત ઉત્તર ગુજરાતના રાધનપુર, સુઈગામ, પાટણ, મહેસાણા, હારીજ, બનાસકાંઠા અને ડીસા જેવા પંથકમાં વાતાવરણ બદલાશે. આ ઉપરાંત અમદાવાદ અને ગાંધીનગરમાં પણ આકાશ વાદળછાયું રહે તેવી શક્યતા છે, જ્યારે સાબરકાંઠા, પંચમહાલ અને મહીસાગર જિલ્લામાં પણ વાતાવરણમાં પલટો (Weather Change) આવી શકે છે. #🔥 બિગ અપડેટ્સ #આજના સમાચાર #🌦️ હવામાન અપડેટ્સ #🗞️ ગુજરાત અપડેટ્સ