🚩🪷🪷🚩 सार्थ तुकाराम महाराज गाथा अभंग क्र.३४४६ न बोलतां तुम्हां कळों न ये गुज । म्हणउनी लाज साडियेली ॥१॥ आतां तुम्हां पुढें जोडीतसें हात । नका कोणी अंत पाहों माझा ॥२॥ तुका म्हणे आम्ही बैसलों शेजारीं । करील तें हरी पाहों आतां ॥३॥ अर्थ (महाराजांची बुध्दी कृष्णरुपामध्ये इतकी तल्लीन झाली की ते म्हणतात)मी परपुरुषाबरोबर श्रीहरीबरोबर रममाण झाले हे गुज तुम्हाला मी सांगितले नसते तर कळले देखील नसते परंतू आता मी लाज सोडून दिली आणि तुम्हाला सर्व घडलेला प्रकार सांगितला. त्यामुळे मी आता तुमच्यापुढे हात जोडते त्यामुळे माझा अंत आता कोणीही पाहू नका. तुकाराम महाराज म्हणतात, “आता आम्ही हरीच्या शेजारी बसलो आहोत तो जे काही करील ते आम्ही पाहू.” संत तुकाराम महाराज 🙏🚩🙏 #🚩शिवराय