#સુરત સમાચાર #અમે સુરતી #📰 5 ડિસેમ્બર ના સમાચાર #સુરત #💥 સુરત અપડેટ્સ સુરત શહેરના નવાપુરા વિસ્તારમાં શનિવારે મોડી રાત્રે અફવાને કારણે ગંભીર કાયદો-વ્યવસ્થાની સ્થિતિ સર્જાઈ હતી. ડીકેએમ પોલીસ ચોકી નજીક એક અજાણ્યા યુવકને શંકાસ્પદ હાલતમાં જોતા સ્થાનિકોમાં “બાળક ચોર” હોવાની અફવા ઝડપથી ફેલાઈ ગઈ હતી. અફવાને પગલે મોટી સંખ્યામાં લોકો એકઠા થઈ ગયા અને કોઈપણ પુષ્ટિ વગર યુવકને પકડી તેને ઢોર માર માર્યો હતો. બનાવની જાણ થતાં જ પોલીસનો કાફલો ઘટનાસ્થળે પહોંચી ગયો હતો અને ટોળાની વચ્ચે ફસાયેલા યુવકને બચાવી હોસ્પિટલ ખસેડવાની કાર્યવાહી હાથ ધરી હતી. પોલીસ જ્યારે ઘાયલ યુવકને 108 એમ્બ્યુલન્સમાં સારવાર માટે મોકલવાનો પ્રયાસ કરી રહી હતી ત્યારે ટોળાએ એમ્બ્યુલન્સ રોકી વિરોધ નોંધાવ્યો હતો. પરિસ્થિતિ બેકાબૂ બનતા પોલીસે હળવો બળપ્રયોગ કરી ટોળાને વિખેર્યું હતું. પ્રાથમિક તપાસમાં યુવક સ્થાનિક ફૂટપાથ પર રહેતો હોવાનું સામે આવ્યું છે અને બાળક ચોરીની વાત અફવા હોવાનું પોલીસ દ્વારા જણાવાયું છે. પોલીસ દ્વારા લોકોને અપીલ કરવામાં આવી છે કે કોઈપણ પ્રકારની શંકાસ્પદ ઘટના હોય તો કાયદો હાથમાં લેવાના બદલે તાત્કાલિક પોલીસને જાણ કરવી અને સોશિયલ મીડિયામાં ફેલાતી અફવાઓથી દૂર રહેવું. #SuratNews #Navapura #LawAndOrder #PublicAwareness #FakeRumours Surat Navapura mob attack news update, child kidnap rumour Surat police action news, mob violence awareness Gujarat news update, fake rumour public safety awareness India news, Surat crime latest breaking update Surat Navapura Mob Attack Over Child Kidnap Rumour | Police Save Youth From Crowd