എന്റെ പ്രാണപ്രിയയ്ക്ക്, നിലാവിന്റെ മൃദുല വെളിച്ചം പോലെ നിന്റെ ഓർമ്മകൾ ഇന്ന് എന്റെ മനസ്സിൽ പരന്നുകിടക്കുന്നു. വാലന്റൈൻ ദിനത്തിന്റെ ഈ നിശബ്ദ നിമിഷത്തിൽ, വാക്കുകൾ മങ്ങുമ്പോഴും ഹൃദയം മാത്രം നിന്നെ വിളിക്കുന്നു. നിന്റെ വരവ് എന്റെ ജീവിതത്തിലേക്ക് പെയ്തിറങ്ങിയ ഒരു വസന്തമഴയായിരുന്നു. മൗനത്തിൽ പോലും നീ എന്നോട് സംസാരിക്കുന്നു… ഒരു ചിരിയാൽ നീ എന്റെ ലോകം മുഴുവൻ പ്രകാശിപ്പിക്കുന്നു. ആ നിമിഷങ്ങളിൽ ഞാൻ തിരിച്ചറിയുന്നു — ലോകത്തിലെ ഏറ്റവും ഭാഗ്യവാനായ മനുഷ്യൻ ഞാനാണെന്ന്. ഒരു ആയുസ്സിന്റെ പുണ്യഫലമായി നീ എന്നിലേക്ക് വന്നവൾ. എന്റെ ഹൃദയത്തിന്റെ ഓരോ തുടിപ്പിലും നിന്റെ പേര് പതിഞ്ഞിരിക്കുന്നു. നമ്മുടെ പ്രണയം ഒരു കാവ്യം മാത്രമല്ല; വായിച്ചു തീർക്കാനല്ല, അനുഭവിച്ച് ജീവിക്കാൻ വിധിക്കപ്പെട്ട ഒരു അനന്ത ഗാനം. കാലം കടന്നുപോയാലും, വാർദ്ധക്യത്തിന്റെ നിശ്ശബ്ദ സായാഹ്നങ്ങളിലും നിന്റെ കൈകൾ കോർത്തുപിടിച്ച് ഇതേ സ്നേഹത്തോടെ നിന്റെ കണ്ണുകളിലേക്ക് നോക്കി ഇരിക്കാൻ എനിക്ക് കഴിയണം. നീയില്ലാത്ത ഒരു ലോകം ഞാൻ ചിന്തിക്കാനാവുന്നില്ല. എന്റെ ഓരോ ശ്വാസത്തിലും, ഓരോ സ്വപ്നത്തിലും, നീ മാത്രമാണ്. ഹൃദയത്തിന്റെ ആഴങ്ങളിൽ നിന്നുയർന്ന ഒരു ആയിരം ചുംബനങ്ങളും എന്റെ മുഴുവൻ സ്നേഹവും ഇന്ന് നിനക്കായി മാത്രം… നൂറു വസന്തങ്ങൾ വന്നുപോയാലും, നിന്റെ ഓർമ്മതൻ ഗന്ധം മരിക്കില്ല. കാലം തളർത്താത്ത പ്രണയമായി, നീ എന്നിൽ എന്നും പെയ്തുകൊണ്ടേയിരിക്കും... എന്നും നിന്റെ പ്രണയമായി, നിന്റെ സ്വന്തം ഇശൽ മഹൽ ❤️❤️❤️😘😍😍😘🥰🥰😍 #💃 Reels വീഡിയോസ് #🎶 പാട്ടും പാട്ടുകാരും 🎤 #👌 വൈറൽ വീഡിയോസ് #💚 എന്റെ കേരളം #♥Cute couple videos