#📈ચાંદીના ભાવમાં એક લાખનો ઘટાડો😲, સોના અને ચાંદીમાં જ્યારે બંપર તેજી જોવા મળી તો રોકાણકારો ખુશખુશાલ થઈ ગયા હતા. પરંતુ અચાનક શુક્રવારનો દિવસ કઈક એવો જોવા મળ્યો કે સોના ચાંદીનું માર્કેટ લોહીલુહાણ થઈ ગયું. કારણકે ભાવમાં અકલ્પનીય ઘટાડો જોવા મળ્યો. અચાનક ઊભી થયેલી આ પરિસ્થિતિ પાછળ શું કારણ હતું તે પણ ખાસ જાણો અને હાલ કેટલા ભાવ છે તે પણ જાણી લો. ભારતીય વાયદા બજાર (MCX) અને રિટેલ બજારમાં કિંમતી ધાતુ સોના અને ચાંદીમાં જબરદસ્ત કડાકો જોવા મળ્યો. એક્સપર્ટ્સ પણ સ્તબ્ધ રહી ગયા. વાયદા બજારમાં તો ચાંદીનો ભાવ 1 લાખ કરતા વધુ તૂટી ગયો. 4 લાખ પર ચાંદી પહોંચ્યા બાદ સીધી 3 લાખની અંદર જતી રહી. લોઅર સર્કિટ સુદ્ધા લાગી ગઈ હતી. ગુરુવારે 29 જાન્યુઆરીના રોજ ચાંદી લગભગ 9 ટકા જેટલી ઉછળીને 4.20 લાખ પ્રતિ કિલોગ્રામના ઓલટાઈમ હાઈ પર પહોંચી ગઈ હતી. પરંતુ પછી અચાનક શુક્રવારે એવું તે શું થઈ ગયું ચાંદી 3 લાખની અંદર જતી રહી. ભારતીય વાયદા બજારની હાલ સ્થિતિ જોઈએ તો 30 જાન્યુઆરી 2026ના રોજ 23.55ના છેલ્લા ભાવ મુજબ 2 એપ્રિલની ડિલિવરીવાળું 10 ગ્રામ સોનું છેલ્લે 150849 રૂપિયાના સ્તરે હતું. જ્યારે ચાંદી છેલ્લે 2,91922 રૂપિયાના સ્તરે બંધ થઈ હતી. જબરદસ્ત કડાકા પાછળ પ્રોફિટબુકિંગ હોવાનું મનાઈ રહ્યું છે. ગુરુવારે ચાંદીના ભાવ રોકેટ ગતિથી ભાગ્યા અને પહેલીવાર 4 લાખ રૂપિયા પ્રતિ કિલોગ્રામનું ઐતિહાસિક સ્તર પાર કર્યું. 4,20,048 ના હાઈ લેવલ પર પહોંચી ગઈ હતી. પરંતુ એક ઝટકે ચાંદીએ રોકાણકારોને એવા પછાડ્યા કે હાઈ લેવલથી સીધી 1,28,126 રૂપિયા માત્ર એક જ દિવસમાં ગગડી ગઈ. એજ રીતે સોનું પણ પછડાયું સોનાનો પરપોટો પણ ફૂટી ગયો. 10 ગ્રામ 24 કેરેટ સોનું એક જ કારોબારી દિવસમાં 33,113 રૂપિયા જેટલું તૂટ્યું. વાયદા બજારમાં 2 એપ્રિલની એક્સપાયરીવાળા સોનાનો વાયદો ગુરુવારે 1,83,962 રૂપિયા પ્રતિ 10 ગ્રામ પર ક્લોઝ થયું હતું. જ્યારે શુક્રવારે તે ગગડીને 1,50,849 રૂપિયા પ્રતિ 10 ગ્રામ પર આવી ગયું. સોનાના હાઈ લેવલના ભાવ પર ધ્યાન આપીએ તો ગુરુવારે જ સોનું પણ તાબડતોબ તેજી બાદ લાઈફ ટાઈમ હાઈ પર પહોંચ્યું હતું અને પછી અચાનક એવો કડાકો આવ્યો કે હાઈથી 42,247 રૂપિયા પ્રતિ 10 ગ્રામ સસ્તું થઈ ગયું. આ ઉપરાંત સોના અને ચાંદીના ETFમાં શુક્રવારે 23 ટકા સુધીનો ઘટાડો નોંધાયો હતો. IBJAના રેટ્સ જોઈએ તો અહીં પણ ભારે કડાકો જોવા મળ્યો. 999 પ્યોરિટીવાળું શુદ્ધ 10 ગ્રામ સોનું સવારે જ્યારે ખુલ્યું ત્યારે 168475ના રેટ પર હતું અને બંધ થયું ત્યારે 165795 રૂપિયા પર પહોંચ્યું હતું એટલે કે ભાવમાં 2680 રૂપિયાનો ઘટાડો જોવા મળ્યો. એ જ રીતે ચાંદીમાં જોઈએ તો ચાંદી પ્રતિ કિલો 357163 રૂપિયાના સ્તરે ખુલી હતી અને સાંજે બંધ થઈ તો 339350 રૂપિયા પર પહોંચી હતી. એટલે કે ભાવમાં 17813 રૂપિયાનો ઘટાડો જોવા મળ્યો. #તાજા સમાચાર #🔥 બિગ અપડેટ્સ #🗞️ ગુજરાત અપડેટ્સ #📽 લેટેસ્ટ અપડેટ વીડિયો