#સુરત #💥 સુરત અપડેટ્સ #અમે સુરતી #સુરત સમાચાર #📰 5 ડિસેમ્બર ના સમાચાર શહેરના લિંબાયત વિસ્તારમાં કચરાની આગે પાર્ક કરેલી કારને પોતાની ઝપેટમાં લેતા અફરાતફરીનો માહોલ સર્જાયો હતો. આંજણા ફાર્મ નજીક પાર્ક કરેલી એક કારમાં અચાનક આગ ફાટી નીકળતા આસપાસના લોકોમાં ગભરાટ ફેલાઈ ગયો હતો. પ્રાથમિક માહિતી મુજબ કોઈ અજાણ્યા વ્યક્તિ દ્વારા રસ્તા પર પડેલો કચરો સળગાવવામાં આવ્યો હતો. જોતજોતામાં કચરાની આગ વિકરાળ બની ગઈ અને નજીકમાં ઉભેલી કાર સુધી પહોંચી ગઈ હતી. આગ એટલી ઝડપી ફેલાઈ કે કારનો મોટાભાગનો ભાગ બળીને ખાખ થઈ ગયો હતો. આ ઘટનામાં કાર માલિકે દાવો કર્યો છે કે ગાડીમાં રાખેલા અંદાજે 10 લાખ રૂપિયાની રોકડ પણ આગમાં બળી ગઈ છે. ઘટનાની જાણ થતા જ ફાયર વિભાગની ટીમ તાત્કાલિક સ્થળ પર પહોંચી ગઈ હતી અને પાણીનો મારો ચલાવી ટૂંક સમયમાં આગ પર કાબૂ મેળવી લીધો હતો. સદનસીબે આ ઘટનામાં કોઈ જાનહાનિ નોંધાઈ નથી, પરંતુ કારને મોટું આર્થિક નુકસાન થયું છે. હાલ આગ લાગવાના ચોક્કસ કારણ અંગે વધુ તપાસ હાથ ધરવામાં આવી રહી છે. #SuratNews #Limbayat #FireIncident #CarFire #SuratUpdate Surat fire news, Limbayat car fire, Anjana Farm fire incident, garbage fire Surat, car cash burnt case Car Catches Fire After Garbage Blaze in Limbayat, Surat | ₹10 Lakh Cash Claim Burnt