#🙏ମା ମଙ୍ଗଳା🌸 #🌺ଶୁଭ ମଙ୍ଗଳବାର🌹 #🙏ମଙ୍ଗଳବାର ଭକ୍ତି ସ୍ପେଶାଲ🙏 #🙏ମାଁ ଠାକୁରାଣୀ🌺 ଯସ୍ୟାଃ କୋଟିଜଗନ୍ତି ସନ୍ତି କତିଧା ନୋ ସନ୍ତି ଵା କୁତ୍ରଚିତ୍। ଅତ୍ର ବ୍ରହ୍ମମହେନ୍ଦ୍ର ଶଙ୍କରମୁଖାଃ କେ କେ ନ କତ୍ୟାସତେ॥ ଯତ୍ପାଦାବ୍ଜରଜଃକଣାରୁଣଶିରାସ୍ତଦ୍ବ୍ରହ୍ମ ଯାତ୍ୟଞ୍ଜସା। ତାଂ ବନ୍ଦେ ଜଗଦୀଶ୍ଵରୀଂ ଭଗବତୀଂ ସଚ୍ଚିନ୍ମୟୀମମ୍ବିକାମ୍॥ ଚୈତ୍ର ପ୍ରଥମ ପାଳି ମଙ୍ଗଳବାର ଯାତ୍ରା ବ୍ରାହ୍ମ ମୁହୂର୍ତ୍ତ ରୁ ଦ୍ୱାରଫିଟା ହୋଇ ମା ଙ୍କୁ ନିଦ୍ରାଭଙ୍ଗ କରାଯାଇ ମୁଖ ପଖାଳି ମଙ୍ଗଳ ଆଳତୀ କରାଯାଏ। ପରେ ମା ଙ୍କର ମାଜଣା ବେଶ ବିନ୍ୟାସ ଆଦି ବଢ଼ାଇ ପୂଜାପଣ୍ଡା ସୂର୍ଯ୍ୟପୂଜା ବସନ୍ତି।ମା ଙ୍କର ବଲ୍ଲଭ ପୂଜା ସାରି ପତିତପାବନ ଙ୍କର ସଂଖୁଡ଼ି ଧୂପ ବଢ଼ାଇଥାନ୍ତି। ମା ଙ୍କର ସକାଳ ଧୂପ ଓ ଆଳତୀ ପରେ ସାହାଣ ମେଲା ଦର୍ଶନ ଆରମ୍ଭ ହୁଏ। ଦ୍ବିପ୍ରହର ସମୟ ରେ ଗୋପାଳ ମାନଙ୍କ ସଲଟଣ ରେ ପୂଜାପଣ୍ଡା ମା ଙ୍କ ନୂତନ ନେତ କୁ ଏକ ଥାଳି ରେ ରଖି ମନ୍ଦିର କୁ ୩ ଥର ବେଢା କରାଇ ମା ଙ୍କ ମନ୍ଦିର ଶିଖର ରେ ଥିବା ବାରାହୀ ଚକ୍ର ମାଜଣା କରି ନୂଆ ନେତ ଲାଗି କରାନ୍ତି। ଏହି ନୀତି ଚକ୍ର ମାଜଣା ଓ ନେତ ଉତ୍ସବ ନାମ ରେ ଖ୍ୟାତ। ଏହା ପରେ ମା ଙ୍କର ମାଳି ଓ ଭୋଇ ସଂଜ୍ଞକ ପାଟୁଆ ସେବକ ପ୍ରାଚୀ ରୁ ପାଣି ତୋଳି ଗ୍ରାମଦେବତୀ କାକଟେଇ ଙ୍କୁ ପୂଜା କରି ମା ଙ୍କ ଗର୍ଭଗୃହ ରୁ ଅଜ୍ଞାମାଳ ଆଣି ନୃତ୍ୟକୀର୍ତ୍ତନ ପ୍ରିୟା ମା ଙ୍କ ସମୁଖରେ ନୃତ୍ୟ ପ୍ରଦର୍ଶନ କରିଥାନ୍ତି।ଏହା ପାଟୁଆ ନୃତ୍ୟ ନାମ ରେ ଲୋକେ ଜଣାଶୁଣା। ପରେ ମନ୍ଦିର ଶୋଧ ହୋଇ ଦିପହର ଧୂପ ଏବଂ ଭଅଣ୍ଡ ପୂଜା ନୀତି ବଢ଼ି ମା ଙ୍କୁ ଦିବା ପହୁଡ କରାଯାଏ। ପହୁଡ ଭଙ୍ଗ କରାଯାଏ ଓ ସାନ୍ଧ୍ୟ ଆଳତୀ ଅବକାଶ ପରେ ସାହାଣ ମେଲା ଦର୍ଶନ ଆରମ୍ଭ ହୁଏ। ରାତ୍ର ରେ ଯାତ୍ରାଙ୍ଗୀ ମହାସ୍ନାନ ହୋଇ ବେଶ ବଢ଼ିବା ପରେ ଯାତ୍ରାଙ୍ଗୀ ଭୋଗ ରେ ପଣା ପୂଜା ହୋଇ ବେଶ କପାଟ ଖୋଲାଯାଏ କାହାଳି ବାଦ୍ୟ ତାଳ ରେ। ସନ୍ଧ୍ୟା ଧୂପ ଆଳତୀ ବଢ଼ି ବଡ଼ସିଂହାର ପୂଜା ବସେ। ପରେ ସିଂହପୂଜା ହୋଇ ଭ୍ରମଣୀ ନୀତି ରେ ମା ମଙ୍ଗଳା ଏବଂ ମା କନକ ଦୁର୍ଗା ମନ୍ଦିର ବେଢା କରି ସିଂହାସନ ବିଜେ ହୁଅନ୍ତି। ଭ୍ରମଣୀ ଭୋଗ ବଢ଼ି ମା ଖଟଶେଜ ଲାଗି ହୁଅନ୍ତି। ପବିତ୍ର ଦିବସର ଅଭିନନ୍ଦନ ମା ସଭିଙ୍କୁ ନିଜ ଘଣ୍ଟ ପଣତ ଆଢୁଆଳ ରେ କୋଳେଇ ରଖୁ। ଜୟ ମା ମଙ୍ଗଳା