#સુરત સમાચાર #અમે સુરતી #📰 5 ડિસેમ્બર ના સમાચાર #💥 સુરત અપડેટ્સ #સુરત પુણાગામ વિસ્તારમાં ખાદ્યપદાર્થોમાં ભેળસેળ સામે મોટી કાર્યવાહી હાથ ધરાઈ છે. સુરત શહેર SOG અને મહાનગરપાલિકાના ફૂડ સેફ્ટી વિભાગે સંયુક્ત ઓપરેશન કરીને ‘એ-વન ડેરી ફુડસ’માંથી 329 કિલોગ્રામ શંકાસ્પદ પનીરનો જથ્થો જપ્ત કર્યો છે. વેચાણ થાય તે પહેલાં જ દરોડા દરમિયાન આ જથ્થો ઝડપી પાડવામાં આવતા ખાદ્ય સુરક્ષા અંગે ગંભીર સવાલો ઊભા થયા છે. બાતમીના આધારે પુણાગામ મારુતિનગર સોસાયટી વિસ્તારમાં આવેલી ડેરીમાં તપાસ હાથ ધરવામાં આવી હતી. સ્થળ પરથી કોઈ બ્રાન્ડ વગરનું લૂઝ પનીર, પેકિંગ માટે વપરાતી પ્લાસ્ટિકની થેલીઓ અને સીલિંગ મશીન મળી આવ્યું હતું. પોલીસે અંદાજે ₹95,800નો મુદ્દામાલ કબજે કરી સંચાલક સત્યવીર તારાસિંગ ધાકરેની અટકાયત કરી છે. તપાસમાં સામે આવ્યું છે કે આરોપી કડોદરાથી લગભગ ₹200 પ્રતિ કિલોના ભાવે પનીર લાવી, પેકિંગ કરીને ₹220 પ્રતિ કિલોના ભાવે બજારમાં વેચતો હતો, જ્યારે શહેરમાં શુદ્ધ પનીરનો ભાવ અંદાજે ₹400 આસપાસ છે. પૂછપરછ દરમિયાન આરોપીએ સ્વીકાર્યું કે તે છેલ્લા અઢી વર્ષથી આ પ્રવૃત્તિ ચલાવતો હતો અને દરરોજ સરેરાશ 100 કિલો જેટલું પનીર શહેરની અલગ-અલગ ડેરી અને કેટરર્સ સુધી પહોંચાડતો હતો. અંદાજ મુજબ હજારો લોકો સુધી આ શંકાસ્પદ પનીર પહોંચ્યું હોવાની આશંકા છે. હાલ ફૂડ સેફ્ટી વિભાગે પનીરના સેમ્પલ લઈ લેબમાં તપાસ માટે મોકલ્યા છે. રિપોર્ટ બાદ પનીર નકલી અથવા સબ-સ્ટાન્ડર્ડ સાબિત થશે તો આરોપી સામે કડક કાયદેસરની કાર્યવાહી કરવામાં આવશે. #SuratNews #FakePaneer #FoodSafety #SOGRaid #PunaGam fake paneer Surat, A One Dairy Foods raid, food safety case Gujarat, adulterated paneer seizure, Surat SOG operation Surat Fake Paneer Racket Busted | 329 Kg Suspicious Paneer Seized in PunaGam Raid