BG (ISKCON) 15 ശ്ലോകം 18 ശരീരം വിട്ടുവരുന്ന പരമാത്മാവ് വ്യക്തിശുന്യബ്രഹ്മജ്യോതിസ്സിൽ പ്രവേശിക്കുന്നു. എന്നിട്ട് സ്വന്തം രൂപത്തോടെ ആദ്ധ്യാത്മികതലത്തിൽ(in vaikuntas) വാഴുന്നു യസ്മാത്‌ക്ഷരമതീതോ ഽഹമക്ഷരാദപി ചോത്തമഃ അതോ ഽസ്മി ലോകേ വേദേ ച പ്രഥിതഃ പുരുഷോത്തമഃ യസ്മാത് - യാതൊന്ന് ഹേതുവായിട്ട്; അഹം - ഞാൻ; ക്ഷരം - ക്ഷരത്തെ (ക്ഷരമായ ജീവാത്മാക്കൾക്ക്); അതീതഃ - അതീതനാകുന്നു; അക്ഷരാദപി - അക്ഷരനേക്കാളും (അനശ്വരരായവരേക്കാളും); ഉത്തമഃ ച. - ഉത്തമനുമാകുന്നു; അതഃ – അതുകൊണ്ട്; ലോകേ - ലോകത്തിലും; വേദേ ച - വേദത്തിലും; പുരുഷോത്തമഃ ച. – പുരുഷോത്തമനെന്ന്; പ്രഥിതഃ അസ്മി - ഞാൻ പ്രസിദ്ധനാണ്. ഞാൻ ഇന്ദിയാതീതനും, ക്ഷരങ്ങൾക്കും അക്ഷരങ്ങൾക്കും അതീതനും, സർവ്വശ്രേഷ്ഠനുമായതുകൊണ്ട് ലോകരും വേദങ്ങളും എന്നെ പുരുഷോത്തമനെന്ന് പുകഴ്ത്തുന്നു. പരമദിവ്യോത്തമപുരുഷനായ ശ്രീകൃഷ്ണനെ അതിശയിക്കാൻ ബദ്ധജീവാത്മാവാകട്ടെ, മുക്തനാകട്ടെ ആർക്കും സാദ്ധ്യമല്ല. അതുകൊണ്ട് അദ്ദേഹത്തെ പുരുഷോത്തമനെന്ന് പറയപ്പെടുന്നു. ജീവാത്മാക്കളും ഭഗവാനും വ്യക്തികളാണെന്ന് ഇവിടെ സ്പഷ്ടമാക്കുന്നുണ്ട്. ജീവാത്മാക്കൾക്ക് ""ബദ്ധാവസ്ഥയിലായാലും"" (in universes) "" മുക്താവസ്ഥയിലായാലും"" (in spiritual vaikunta planets) അചിന്ത്യങ്ങളായ ഭഗവാന്റെ ശക്തികളെ അവയുടെ പരിമാണത്തിൽ അതിശയിക്കാനാവില്ലെന്നതു മാത്രമാണ് വ്യത്യാസം. ഭഗവാനോട് എല്ലാ പ്രകാരവും സമശീർഷരാണ് ജീവാത്മാക്കളെന്ന ധാരണ തെറ്റുതന്നെ. അവരുടെ വ്യക്തിത്വങ്ങൾക്ക് ഉത്തമാധമഭേദം എന്നുമുണ്ടായിരിക്കും. 'ഉത്തമ’ എന്ന പദം അന്വർത്ഥമാണിവിടെ. ഭഗവാനെ കവിഞ്ഞു നിൽക്കുവാൻ ആർക്കും സാദ്ധ്യമല്ല. ഇവിടെ ലോകേ, എന്ന പദം പൗരുഷാഗമത്തിൽ (സ്മൃതിഗ്രന്ഥങ്ങൾ) എന്ന അർത്ഥത്തിലാണ് പ്രയോഗിച്ചിട്ടുള്ളത്. ‘ലോക്യതേ വേദാർഥോഽനേന‘വേദങ്ങളുടെ ഉദ്ദേശ്യം സ്മൃതിഗ്രന്ഥങ്ങൾ വിവരിക്കുന്നു എന്ന് നിരുക്തം. സ്ഥാനീയ പരമാത്മാവായ ഭഗവാനെക്കുറിച്ച് വേദങ്ങളിൽത്തന്നെ പ്രതിപാദിച്ചിട്ടുണ്ട്. ഛാന്ദോഗ്യോപനിഷത്ത് (8.12.3) പറയുന്നു. ‘താവദ് ഏഷസം പ്രസാദോഽസ്മാച്ഛരീരാത് സമുത്തായ പരം ജ്യോതിരൂപം സംപദ്യസ്വേനരൂപണോഭിനിഷ്പദ്യതേ സ ഉത്തമഃ പുരുഷഃ’ ശരീരം വിട്ടുവരുന്ന പരമാത്മാവ് വ്യക്തിശുന്യബ്രഹ്മജ്യോതിസ്സിൽ പ്രവേശിക്കുന്നു. എന്നിട്ട് സ്വന്തം രൂപത്തോടെ ആദ്ധ്യാത്മികതലത്തിൽ(in vaikuntas) വാഴുന്നു; പരമപുരുഷനെന്നറിയപ്പെടുന്നു. പരമപുരുഷൻ ആത്യന്തികമായ തന്റെ ആദ്ധ്യാത്മിക ജ്യോതിസ്സിനെ വെളിപ്പെടുത്തുകയും പ്രസരിപ്പിക്കുകയുംചെയ്യുന്നു എന്നർത്ഥം. ആ പരമപുരുഷന് പരമാത്മാവെന്ന നിലയിലും ഒരു മൂർത്തിഭാവമുണ്ട്. പരാശര മുനിയുടേയും സത്യവതിയുടേയും മകനായി ജനിച്ച് അദ്ദേഹം വ്യാസനെന്ന പേരിൽ വേദങ്ങളെ വിശദീകരിച്ചു. #Devotional #🆕 ലേറ്റസ്റ്റ് അപ്ഡേറ്റ് ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥 #🙏 ശ്രീകൃഷ്ണ ഭജനകൾ #💭 Best Quotes