*آمدِ رمضان پر مبارک باد دیتے:* جب رمضان کا مقدس مہینا اپنی رحمتوں کے ساتھ سایہ فگن ہوتا تو آپ صلَّی اللہ علیہ واٰلہٖ وسلَّم صحابۂ کرام کو مبارک باد اور خوشخبری دیتے ۔ حضرت سیّدُنا ابو ہریرہ رضی اللہُ عنہ فرماتے ہیں : اللہ پاک کے آخری نبی صلَّی اللہ علیہ واٰلہٖ وسلَّم نے اپنے صحابہ کو خوشخبری دیتے ہوئے ارشاد فرمایا : تمہارے پاس برکت والا مہینا آچکا ہے۔ اللہ پاک نے تم پر اس کے روزے فرض فرمائے ہیں اور تمہارے لئے اس مہینے کا قیام(یعنی نمازِ تراویح) سنّت ہے۔ جب ماہِ رمضان آتا ہے تو جنّت کے دروا زے کھول دیئے جاتے ہیں ، جہنّم کے دروازے بند کر دیئے جاتے ہیں ، شیاطین جکڑ دیئے جاتے ہیں اور اس میں ایک رات ایسی ہے جو ہزار مہینوں سے افضل ہے۔ (مصنف ابن ابی شیبہ ، 6 / 93 ، حدیث : 8959) #🕋رمضان المبارک شریف اسپشل🤲 🤲