അതിരുകളില്ലാത്തൊരാ വാനിൽ ഞാൻ തീർത്ത- തൊരുകോടി വർണ്ണങ്ങൾ ചേർത്ത ലോകം, കണ്ണടയ്ക്കുമ്പോഴെൻ കൺമുന്നിൽ വിരിയുന്ന കനകമയൂരം പോൽ സ്വപ്നലോകം. ​കാറ്റിലെ ഗന്ധമായ്, തെന്നലിലെ സ്പർശമായ് നീ വന്നിറങ്ങുന്നൊരെൻ സങ്കല്പം, മിഴികൾ തുറക്കുമ്പോൾ മായുന്നതെങ്കിലും മനസ്സിൽ മായാത്തൊരു സ്വർണ്ണച്ചിത്രം. ​കാലം തളച്ചിട്ട വേഗങ്ങൾ തോറും പറന്നു നടക്കുവാൻ ചിറകുകൾ നീട്ടി, നക്ഷത്രപ്പൂക്കൾ വിരിഞ്ഞൊരാ പാതയിൽ നമ്മളൊന്നായി നടന്നു നീങ്ങുന്നു. ​യാഥാർത്ഥ്യത്തിൻ കയ്പ്പേറും നോവുകൾക്കിടയിൽ ഈ കനവുതൻ തേൻതുള്ളി നുണഞ്ഞു കൊണ്ട്, അനന്തമായീ സ്മൃതി വീഥികളിൽ- ഇനിയുമെൻ യാത്ര തുടർന്നീടാം...💛 #💞 നിനക്കായ്