પાણીપુરીના રસિકો માટે ખરાબ સમાચાર આવ્યા છે. એક સ્ટ્રીટ ફૂડની રેંકડીમાંથી જ્યારે પાણીપૂરી વિક્રેતા ચટપટું પાણી આપતા હતો એ સમયે જ એક ઉંદર તેમાંથી ન્હાય કૂદકો મારી બહાર નીકળ્યો અને પાણીપુરી ઝાપટતા રસિકોની આંખો પહોળી કરી દીધી. જોકે પ્રશ્ન એ ઉપસ્થિત થઈ રહ્યો છે કે આ ઉંદર એ પાણીપુરીના પાણીમાં છેલ્લા કેટલા સમયથી હતો ? અમૃતસર પંજાબની આ ઘટના છે. ઘટના સોશિયલ મીડિયા પર વાયરલ થઈ છે. કદાચ આજના દિવસે સૌથી વઘારે વાયરલ થયેલો આ વીડિયો હશે! ઘટના કેમેરામાં વ્લોગરના કારણે કેદ થઈ ગઈ. એ અને તેનો એક મિત્ર પાણીપુરીની લારીએ પાણીપુરીનો સ્વાદ માણતા હતા. પાણીપુરીના મસાલેદાર પાણીથી ભરેલું નાનું એવું ટીપણું હતું, જેને જોતા જ મોઢામાંથી પાણી આવી જાય. આ ટીપણાંની અંદર ક્યારની કંઈક હલચલ મચી રહી હતી. જોકે સમજાય નહોતું રહ્યું કે પાણી એકલું એકલું કેવી રીતે વમળો ઉઠાવી રહ્યું છે! જોકે પાણીપુરી વિક્રેતાને આ વાતની ભનક તો લાગી ગઈ હતી. એણે મસાલેદાર પાણીમાં સ્નાન કરી રહેલા ઉંદરને હટાવવાનો હાથથી પ્રયત્ન કર્યો હતો, પરંતુ ઉંદર તેની સહાયતા વગર કૂદકો મારી ગટરની તરફ ભાગી ગયો. એ જ સમયે પાણીપુરી મોંમાં મૂકી ચૂકેલા સ્વાદરસિકોના ચહેરાના હાવભાવ બદલી ગયા હતા. હવે થઈ ગયું એ તો થઈ ગયું !આ ઘટના બન્યા બાદ વ્લોગરે ખૂદ પાણીપુરી વિક્રેતાને કહ્યું હતું કે ઉંદરવાળું પાણી ફેંકી દે ભાઈ! આ વીડિયો શેર કર્યા પછી તેણે કેપ્શન પણ લખ્યું હતું, 'Rat In Panipuri' - હવે આ વીડિયો સોશિયલ મીડિયા પર ચર્ચાનો મુદ્દો બની ગયો છે. લોકો વાતો કરી રહ્યા છે રસ્તે રેંકડીમાં વેંચાતા ભોજનની ક્વોલિટીની. અર્થાત્ ગુણવત્તાની. પ્રશ્નો એવા ઉઠી રહ્યા છે કે... પાણીપુરીનો બીજો સામાન તો એકદમ ચોખ્ખો દેખાય રહ્યો છે પણ આ ઉંદર પાણીની અંદર થોડી વાર પહેલા પ્રવેશ્યો કે પહેલાથી એમાં હતો. કોઈ કહે છે કે, કહી દો આ AI છે અને કોઈને ડિઝની + પિક્સારની ફિલ્મ Ratatouille યાદ આવી રહી છે. જેમાં એક ભોજન પ્રિય ઉંદર રેસ્ટોરન્ટના નબળા શેફની મદદ કરતો મહાન રસોયો બની જાય છે. જોકે આ કંઈ નવું નથી. દર વર્ષે આવું કંઈકનું કંઈક થતું રહે છે. વાત છે ગયા વર્ષની એટલે કે 2025ની. જ્યારે ઉત્તર પ્રદેશના ગાઝિયાબાદમાં એક પ્લેટમાં મરેલો ઉંદર પીરસાય ગયો હતો. #📽 લેટેસ્ટ અપડેટ વીડિયો #👀 વાયરલ સ્ટોરી અપડેટ 🎬 #✔️ હકીકતો અને માહિતી #🔥 બિગ અપડેટ્સ #😋 પાણીપુરી ની રેસિપી