அதற்கு ஒரு நோபல் பரிசு இல்லையா? வாய்ப்பே இல்லை ராசா. இதுதாண்டா ஜனநாயகம்... பாகிஸ்தானில் அவ்வப்போது மக்களாட்சி நிலவுவதாக ஒரு தோற்றம் கட்டமைக்கப் படுவது உண்டு. ஆனால், அடிப்படையில் நீண்ட நெடுங்காலமாக அந்த நாடு இராணுவத்தின் கட்டுப்பாட்டில்தான் உள்ளது. தற்போது, அரசியலமைப்பு நீதிமன்றங்களை அமைப்பது, தலைமைத் தேர்தல் ஆணையரை நியமிப்பது, நீதிபதிகளை இடமாற்றம் செய்வது போன்ற விஷயங்களிலும் இராணுவ மேலாதிக்கத்திற்கு வழிகோலும் வகையில் சட்டத்திருத்தங்கள் நிறைவேற்றப்படும் என்று செய்திகள் வருகின்றன. அதாவது, ஜனநாயகச் சுவடுகளை முற்றிலும் அழித்துவிடுலது என்ற முனைப்புடன் பாக் இராணுவம் இன்று செயல்பட்டு வருகிறது. ஒரு பக்கத்து நாட்டில், அதுவும் குறிப்பாக பாக் போன்ற எதிரி நாட்டில் நடக்கும் இத்தகைய மாற்றங்கள் மக்களாட்சி வலுவாக வேரூன்றிச் செயல்படும் இந்தியா போன்ற அண்டைநாடுகளிலும் எதிர்மறையான தாக்கங்களை ஏற்படுத்துகிறது. உலக நாடுகளில் எத்தனையோ விதமான கூட்டணிகள் உள்ளன. ஆனால், ஜனநாயகத்தைக் காப்பதற்காக உலக ஜனநாயக நாடுகளின் அணி ஒன்று இதுகாறும் உருவாகாதது ஏன் என்று புரியவில்லை. அமெரிக்க அதிபர் டிரம்பை அமெரிக்க அரசியலமைப்பின் மூலம் அவரது பதவிக்காலம் முடிவதற்குள் தூக்கி எறியவில்லை என்றால், வரலாற்றில் அது உலகிலேயே ஒரு மோசமான அரசியலமைப்பு என்ற மாண்பை எய்தும் என்பதில் சந்தேகமே இல்லை! ஜனநாயகத்தில் குறைகள் இல்லாமல் இல்லை. பலவிதமான கொள்கைகள் மற்றும் கோட்பாடுகளுடன் மனித குலத்தில் பல்வேறு குழுக்கள் இயங்கும்போது இந்தக் குறைகளைத் தவிர்ப்பது சாத்தியம் இல்லை. மேலும், ஜனநாயகத்தை விட உயர்வான அரசியலமைப்பு முறையை இந்த உலகம் இன்னும் கண்டுபிடிக்கவில்லை. ஜனநாயகத்திற்கு எதிராக உலக அளவில் விளங்கும் அரசியல் சக்திகளை எதிர்த்துப் போராடுவது சாத்தியம் இல்லைதான். ஆனால், ஜனநாயக தீபம் எரிந்துகொண்டிருக்கிற நாடுகள் தங்களைத்தாமே காத்துக் கொள்வதற்கு ஒரு சர்வதேச அமைப்பு தேவை இல்லையா? ஜனநாயகம் To எதேச்சாதிகாரம் என்பது ஒரு வழிப்பாதை... மக்களிடையே விழிப்புணர்ச்சி இல்லாமல் போனதால் எதேச்சாதிகாரத்தில் ஒருமுறை சிக்கிய நாட்டில் மக்கள் மீண்டும் ஜனநாயகத்தை விரும்பினாலும், அதில் திரும்புவது சாத்தியம் இல்லை. வாய்ப்பே இல்லை ராசா... இந்த இலட்சணத்தில் உலகின் இருபெரும் ஜனநாயக நாடுகள் மோதல் போக்கில் இருப்பதால் யாருக்கு இலாபம்? டிரம்ப் இந்த நூற்றாண்டின் மோசமானதொரு அமெரிக்க ஜனாதிபதி என்பதில் மாற்றுக் கருத்து இல்லை. பேசுவதெல்லாம் பொய். அதையே திருப்பித் திருப்பிச் சொல்லும் அடாவடி. அதற்கு ஒரு நோபல் பரிசு இல்லையா? இல்லை. Repeat: வாய்ப்பே இல்லை ராசா. இதுதாண்டா ஜனநாயகம்... "திசைகெட்ட பயணங்கள்" https://www.amazon.in/dp/B0CH12RHGR #அரசியல் #✍️ கதைகள் #✍🏻புது கவிதைகள்📝 #நாட்டுநடப்பு