📝 *دعائے نبی ﷺ* قرآن و احادیث میں متعدد مقامات پر دعاؤں کی ترغیب مختلف انداز میں فرمائی گئی ہے۔ مگر قرآن پاک کی ایک آیت میں اتنی جامع دعا ہے جس کو نبی کریم ﷺ کثرت سے مانگا کرتے تھے، جس میں دنیا و آخرت دونوں جہاں کی بھلائیاں شامل ہیں۔ چنانچہ قرآن پاک میں ہے: "وَ مِنْهُمْ مَّنْ یَّقُوْلُ رَبَّنَاۤ اٰتِنَا فِی الدُّنْیَا حَسَنَةً وَّ فِی الْاٰخِرَةِ حَسَنَةً وَّ قِنَا عَذَابَ النَّارِٜ"۔ (پارہ:2، سورہ:بقرہ۔ آیت:201،) ترجمہ : اور کوئی یوں کہتا ہے کہ اے رب ہمارے ہمیں دنیا میں بھلائی دے اور ہمیں آخرت میں بھلائی دے اور ہمیں عذاب دوزخ سے بچا۔ اس آیت کی تفسیر صراط الجنان میں ہے: {وَ مِنْهُمْ مَّنْ یَّقُوْلُ: اور کوئی یوں کہتا ہے۔}اس آیت میں مذکور مسلمان کی دعا بہت جامع دعا ہے اورتھوڑے الفاظ میں دین و دنیا کی تمام بھلائیاں اس میں مانگی گئی ہیں۔ حضرت انس بن مالک راضی اللہ عنہ سے روایت ہے، نبی کریم ﷺ اکثر یہ دعا مانگا کرتے تھے: ’’اَللّٰہُمَّ رَبَّنَاۤ اٰتِنَا فِی الدُّنْیَا حَسَنَةً وَّ فِی الْاٰخِرَةِ حَسَنَةً وَّ قِنَا عَذَابَ النَّارِ‘‘ (بخاری، کتاب الدعوات، الحدیث: ۶۳۸۹) دنیا کی بھلائی میں ہر اچھی اور مفید شے داخل ہے خواہ وہ کفایت کرنے والا رزق ہو یا اچھا گھر یا اچھی بیوی یا اچھی سواری یا اچھا پڑوس وغیرہا۔ مسلمانوں کو بھی چاہیے وہ اس آیت کریمہ کو بطورِ دعا شامل کر لیں۔ یا پھر اس کا ترجمہ یاد کر لیں۔ اور اللہ رب العزت کی بارگاہ میں دعا مانگیں۔ اللہ پاک ہم سب کی دعا قبول فرمائے۔ #جشنِ عید میلادالنبی ﷺ کا مفہوم #عید میلادالنبی #تمام اہل اسلام کو عید میلادالنبی ﷺ کے چاند کی مبارک ہو 2/ ستمبر/ 2025، بروز: منگل