#📢29 ઓક્ટોબરની મુખ્ય અપડેટ્સ🆕 #સુરત #💥 સુરત અપડેટ્સ #સુરત સમાચાર #અમે સુરતી ગત 26 ઑક્ટોબર, 2025ની રાત્રે 11 વાગ્યાની આસપાસ સુરતના ઉદ્યોગપતિ આશિષ ગુજરાતી સાથે લૂંટની ઘટના બની. આશિષ ગુજરાતી પોતાની ટોયોટા હાઇરાઇડર કારમાં પરિવાર અને મિત્રો સાથે સુરતથી ઉદયપુર તરફ જઈ રહ્યા હતા. રાજસ્થાનના ઉદયપુર જિલ્લાના રિષભદેવ પોલીસ સ્ટેશન હદમાં આવેલ પીપળી ગામ પાસેના રામદેવ મંદિર નજીક તેઓ લઘુશંકા માટે કારમાંથી નીચે ઉતર્યા ત્યારે બાઇક પર સવાર ત્રણ અજાણ્યા શખ્સો ત્યાં આવી પહોંચ્યા હતા. લાકડાથી સજ્જ આ લૂંટારુઓએ આશિષ ગુજરાતીને ધમકાવી પૈસા આપવા કહ્યું અને વિરોધ કરતાં તેમના માથા પર લાકડા વડે જીવલેણ હુમલો કર્યો. આ હુમલામાં આશિષ ગુજરાતી ઘાયલ થયા હતા. લૂંટારુઓએ તેમની પાસેથી 15,000 રૂપિયા રોકડા, પર્સ, ડેબિટ કાર્ડ, ડ્રાઇવિંગ લાઇસન્સ સહિતના દસ્તાવેજો તેમજ હાથમાં પહેરેલી આશરે 3 લાખ રૂપિયાની હીરાની વીંટી લૂંટી લીધી હતી. હુમલા બાદ લૂંટારુઓએ પરિવારને ધમકાવ્યું કે જો પોલીસ ફરિયાદ કરવામાં આવશે તો તેઓને જાનથી મારી નાખવામાં આવશે. ઘટનાથી ડરી ગયેલા આશિષ ગુજરાતી અને પરિવારજનો તાત્કાલિક ઉદયપુરના સૂરજપોળ પોલીસ સ્ટેશન પહોંચ્યા હતા જ્યાંથી તેમને મહારાણા ભૂપાલ ચિકિત્સાલયમાં સારવાર માટે મોકલાયા હતા. બાદમાં, આશિષ ગુજરાતીએ 28 ઑક્ટોબરે ઇ-મેઇલ મારફતે રિષભદેવ પોલીસ સ્ટેશનમાં આ સમગ્ર લૂંટની વિગતવાર ફરિયાદ નોંધાવી છે. તેમણે લૂંટાયેલી વસ્તુઓ, દસ્તાવેજો અને કિંમતી હીરાની વીંટી પાછી મેળવવા તથા આરોપીઓને ઝડપી સખત કાયદાકીય કાર્યવાહી કરવાની માંગ કરી છે. #surat #suratnews #suratcity #suratcitynews #suratsmartcity #suratcityupdates #amesurati #gujarat #udaipur #palace #rajasthan #highway #pipli #pimpli #rishabhdevpolice