#సింహాచలం న్యూస్ సింహాద్రి అప్పన్న ఆధ్యాత్మిక సమాచారం 🙏 #విశాఖపట్నం సమాచారం 📷స్థానిక వార్తలు 📺 లోకల్ న్యూస్ ✍️ ( Visakhapatnam Local News ) #సింహాచలం శ్రీ సింహాద్రి అప్పన్న క్షేత్రంలో ఉత్సవాలు #సింహాచలం సింహాద్రి అప్పన్న #సింహాద్రి అప్పన్న 🙏 శ్రీ శ్రీ వరాహ లక్ష్మీనరసింహస్వామి వారి దేవస్థానం సింహాచలం. సింహగిరిపై వైభవంగా హనుమత్ వాహనంపై తిరువీధి. సింహాచలం, 25 ఏప్రిల్ 2026: ప్రముఖ పుణ్యక్షేత్రం శ్రీ వరాహ లక్ష్మీనృసింహ స్వామి వారి దేవస్థానంలో ఆధ్యాత్మిక శోభ వెల్లివిరిసింది. వైష్ణవ శ్రీరామ నవమి (శ్రీ చక్రవర్తి తిరుమగన్ తిరునక్షత్రం) పర్వదినాన్ని పురస్కరించుకుని, శనివారం సాయంత్రం సింహగిరిపై స్వామివారి గ్రామ తిరువీధి మహోత్సవం అత్యంత అంగరంగ వైభవంగా నిర్వహించబడింది. సాయంత్రం 05:30 గంటలకు, భక్తాగ్రేసరుడైన హనుమంతుని వాహనంపై స్వామివారు అధిరోహించి భక్తులకు దర్శనమిచ్చారు. రామ భక్తుడైన ఆంజనేయుని భుజస్కందాలపై వెలసిన ఆ నృసింహ రూపం భక్తులను పరవశింపజేసింది. నాదస్వరాల మంగళ ధ్వనులు, వేద పండితుల గంభీర మంత్రోచ్ఛరణల మధ్య ఈ వేడుక ఆధ్యాత్మిక చైతన్యాన్ని నింపింది. ఆలయ కార్యనిర్వహణాధికారి జె. వెంకటరావు ఆధ్వర్యంలో జరిగిన ఈ ఉత్సవం, ఆలయ స్థానాచార్యులు రాజగోపాల్ ,ప్రధాన అర్చకులు సీతారామ ఆచార్యులు మరియు శ్రీనివాసాచార్యుల వారి పర్యవేక్షణలో శాస్త్రోక్తంగా సాగింది. ఉత్సవమూర్తి వెంట సాగిన కోలాట ప్రదర్శనలు, భజనలు తిరువీధుల్లో కోలాహలాన్ని భక్త జనం కనులవిందుగా సాగిన ఈ తిరువీధి మహోత్సవాన్ని వీక్షించేందుకు భక్తులు తరలివచ్చారు. ఆలయపర్యవేక్షణ అధికారి బి .సత్య శ్రీనివాస్ దగ్గరుండి పర్యవేక్షించారు స్వామివారికి నీరాజనాలు అర్పించి, భక్తులు తన్మయత్వంతో సేవలో నిమగ్నమయ్యారు. సింహగిరి మాడవీధులన్నీ గోవింద నామస్మరణతో మారుమోగాయి. భక్త రక్షణార్థం హనుమంతునిపై ఊరేగిన ఆ స్వామి దర్శనం సర్వపాప హరణమని భక్తులు విశ్వసిస్తారు. మీడియా విభాగం, శ్రీ వరాహ లక్ష్మీనృసింహ స్వామి వారి దేవస్థానం, సింహాచలం.