#ਪੰਜਾਬ 1947 ਤੋਂ 1984 #Meri_soch_mere_laffz #😢ਘੱਲੂਘਾਰਾ ਸ੍ਰੀ ਅਕਾਲ ਤਖ਼ਤ ਸਾਹਿਬ🙏 ਅਕਾਲੀ ਦਲ ਦੇ ਲੀਡਰਾਂ ਵੱਲੋਂ ਸੱਤ ਖੁਫੀਆ ਚਿੱਠੀਆਂ ਵਿਚ ਇੰਦਰਾ ਦੇ ਨਿੱਜੀ ਸਕੱਤਰ ਸ੍ਰੀ ਧਵਨ ਅਤੇ ਸਰਕਾਰੀ ਖੁਫੀਆ ਮਹਿਕਮੇ ਦੇ ਉੱਚ ਅਧਿਕਾਰੀਆਂ ਨੂੰ ਲਿਖੀਆਂ ਸਨ । ਸਭ ਤੋਂ ਪਹਿਲਾਂ ਇਨ੍ਹਾਂ ਚਿੱਠੀਆਂ ਨੂੰ ਬੰਬਈ ਤੋਂ ਛਪਣ ਵਾਲੇ ਪਰਚੇ 'ਇੰਮਪ੍ਰਿੰਟ' ਅੰਗਰੇਜੀ ਨੇ ਅਗਸਤ 1986 ਵਿਚ ਛਾਪਿਆ ਸੀ। ਇੱਥੋਂ ਇਹ ਚਿੱਠੀਆਂ ਸਿਰਦਾਰ ਗੁਰਤੇਜ ਸਿੰਘ ਦੇ ਧਿਆਨ ਵਿਚ ਆਈਆਂ, ਉਨ੍ਹਾਂ ਨੇ ਇਸ ਨੂੰ ਆਪਣੀ ਕਿਤਾਬ 'ਚੱਕਰਵਿਊ' ਵਿਚ ਛਾਪਿਆ। ਹੁਣ ਇਹ ਚਿੱਠੀਆਂ ਜਿੱਥੇ ਵੀ ਛਪ ਰਹੀਆਂ ਹਨ ਜਾਂ ਸੋਸ਼ਲ ਮੀਡੀਆ ਤੇ ਚੱਲ ਰਹੀਆਂ ਹਨ ਉਹ 'ਇੰਮਪ੍ਰਿੰਟ' ਵਾਲੀਆਂ ਹੀ ਹਨ। ਵੈਸੇ ਇਹਨਾਂ ਚਿੱਠੀਆਂ ਦੀ ਪ੍ਰਮਾਣਿਕਤਾ ਤੇ ਵੀ ਸਵਾਲ ਖੜੇ ਹੁੰਦੇ ਰਹੇ ਹਨ । ਗੁਰਚਰਨ ਸਿੰਘ ਦੇ ਜ਼ਰੀਏ ਸੰਤ ਹਰਚੰਦ ਸਿੰਘ ਲੌਂਗੋਵਾਲ ਦੁਆਰਾ ਇੰਦਰਾ ਗਾਂਧੀ ਦੇ ਨਿੱਜੀ ਸਕੱਤਰ ਆਰ ਕੇ ਧਵਨ ਨੂੰ ਲਿਖੀ ਗਈ ਇਕ ਚਿੱਠੀ ਅਨੁਵਾਦ ਸਮੇਤ ਦੁਬਾਰਾ ਪੋਸਟ ਕਰ ਰਹੇ ਹਾਂ ਬਾਕੀ ਚਿੱਠੀਆਂ Comment Box ਵਿੱਚ ਦੇਖ ਸਕਦੇ । 👇 ਸਮਾਂ - ਅਪ੍ਰੈਲ 25,1984 ਮਿਸਟਰ ਆਰ. ਕੇ. ਧਵਨ ਸਫਦਰਜੰਗ ਰੋਡ ਨਵੀਂ ਦਿੱਲੀ ਪਿਆਰੇ ਧਵਨ ਸਾਹਿਬ, ਜਿਵੇਂ ਆਪ ਜੀ ਨੂੰ ਪਤਾ ਹੈ ਕਿ ਸਰਦਾਰ ਗੁਰਚਰਨ ਸਿੰਘ ਦੀ ਜਾਨ ਨੂੰ ਖਤਰਾ ਹੈ ਇਸ ਲਈ ਮੈਂ ਇਹ ਚਿੱਠੀ ਆਪ ਜੀ ਨੂੰ ਲਿਖ ਰਿਹਾ ਹਾਂ। ਸੰਤ ਜਰਨੈਲ ਸਿੰਘ ਆਪਣੀ ਅੜੀ ਨਹੀਂ ਛੱਡ ਰਿਹਾ ਅਤੇ ਮੈਂ ਮਹਿਸੂਸ ਕਰਦਾ ਹਾਂ ਕਿ ਸਾਨੂੰ ਉਹ ਕੁੱਝ ਕਰਨਾ ਪੈਣਾ ਹੈ, ਜਿਹੜਾ ਅਸੀਂ ਪਹਿਲਾਂ ਵਿਉਂਤਿਆ ਸੀ ਅਤੇ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਨੇ ਪਹਿਲਾਂ ਹੀ ਆਪ ਜੀ ਨੂੰ ਵਿਸਥਾਰ ਸਾਹਿਤ ਸਮਝਾ ਦਿੱਤਾ ਹੈ। ਭਿੰਡਰਾਂਵਾਲੇ ਦੇ ਆਦਮੀ ਫੌਜ ਨੂੰ ਦੇਖ ਕੇ ਭੱਜ ਜਾਣਗੇ ਅਤੇ ਸੰਭਾਵਨਾ ਹੈ ਉਹ ਵੀ (ਸੰਤ ਭਿੰਡਰਾਂਵਾਲਾ) ਭੱਜ ਜਾਵੇਗਾ। ਮੇਜਰ ਜਨਰਲ ਜਸਵੰਤ ਸਿੰਘ ਭੁੱਲਰ ਅਤੇ ਪ੍ਰੋਫੈਸਰ ਮਨਜੀਤ ਸਿੰਘ ਅਮਰੀਕਾ ਜਾਣ ਲਈ ਰਾਜ਼ੀ ਹੋ ਗਏ ਹਨ। ਉਹਨਾਂ ਨੂੰ ਪੂਰੀਆਂ ਹਦਾਇਤਾਂ ਦੇ ਦਿੱਤੀਆਂ ਗਈਆਂ ਹਨ ਅਤੇ ਅਮਰੀਕਾ ਜਾਣ ਤੋਂ ਪਹਿਲਾਂ ਆਪ ਜੀ ਨੂੰ ਮਿਲਣਗੇ। ਉਹਨਾਂ ਦੇ ਖਰਚੇ ਦਾ ਪ੍ਰਬੰਧ ਕਰ ਦਿੱਤਾ ਗਿਆ ਹੈ। ਅਮਰੀਕਾ ਵਾਲਾ ਦੀਦਾਰ ਸਿੰਘ ਬੈਂਸ ਅਤੇ ਜਗਜੀਤ ਸਿੰਘ ਚੌਹਾਨ ਉਹਨਾਂ ਨਾਲ ਕੰਮ ਕਰਨਗੇ। ਉਹਨਾਂ ਨੂੰ ਕਿਹਾ ਗਿਆ ਹੈ ਇਸ ਤੋਂ ਪਹਿਲਾਂ ਕਿ ਸਿੱਖ ਸੰਗਠਤ ਹੋਕੇ ਸੰਤ ਜਰਨੈਲ ਸਿੰਘ ਦੀ ਮਦਦ ਕਰਨ, ਉਹ ਵਿਦੇਸ਼ ਵਿੱਚ ਰਹਿੰਦੇ ਸਿੱਖਾਂ ਨੂੰ ਸੰਗਠਿਤ ਹੋਣ ਤੋਂ ਰੋਕਣ। ਕ੍ਰਿਪਾ ਕਰਕੇ ਆਪਣੇ ਸਾਰੇ ਆਦਮੀਆਂ ਨੂੰ ਕਹਿਣਾ ਕਿ ਉਹ ਇਹਨਾਂ (ਮੇਜਰ ਜਨਰਲ ਜਸਵੰਤ ਸਿੰਘ ਭੁੱਲਰ ਅਤੇ ਪ੍ਰੋਫੈਸਰ ਮਨਜੀਤ ਸਿੰਘ ਸਿੱਧੂ) ਦੀ ਹਰ ਕਿਸਮ ਦੀ ਸੰਭਵ ਮਦਦ ਕਰਨ। ਅਸੀਂ ਛੇਤੀ ਹੀ ਆਪ ਜੀ ਨੂੰ ਵਿਦੇਸ਼ਾਂ ਵਿੱਚ ਰਹਿੰਦੇ ਉਹਨਾਂ ਸਿੱਖਾਂ ਦਾ ਨਾਮ ਪਤਾ ਦੇਵਾਂਗੇ ਜਿਹੜੇ ਸੰਤ ਜਰਨੈਲ ਸਿੰਘ ਦੀ ਮਦਦ ਕਰਦੇ ਹਨ। ਮੈਨੂੰ ਉਮੀਦ ਹੈ ਕਿ ਆਪਣੀ ਸਕੀਮ ਸਿਰੇ ਚੜ ਜਾਵੇਗੀ ਅਤੇ ਇਸ ਸੰਤਾਪ ਤੋਂ ਬਹੁਤ ਛੇਤੀ ਮੁਕਤ ਹੋ ਜਾਵਾਂਗੇ। ਆਪ ਜੀ ਦਾ ਸ਼ੁਭਚਿੰਤਕ ਸੰਤ ਹਰਚੰਦ ਸਿੰਘ ਲੌਂਗੋਵਾਲ!