முழுக்க நனைந்தபின் முக்காடு எதற்கு? தேர்தல் முடிந்த ஈரம்கூடக் காயவில்லை. ஆளும் கட்சியும் எதிர்க்கட்சியும் கூட்டணி அமைத்தால் அது என்ன ஜனநாயகம்? AI படம்: A historic handshake of DMK with ADMK! 2026 தேர்தலுக்கு முன் திமுக ஆளும் கட்சியாகவும் அதிமுக எதிர்க்கட்சியாகவும் இருந்தது. தமிழகத்தில் ஆளும் கட்சிக்கும் எதிர்க்கட்சிக்கும் திரைமறைவில் எப்போதுமே நல்லுறவு இருந்ததாக சொல்லப்பட்டது இன்று வெட்டவெளிச்சம் ஆகியுள்ளது. இருந்தாலும் இன்று வெளிப்படையாக திமுக-அதிமுக கூட்டணி என்ற செய்திகளைப் படிக்கும்போது திகைப்பாக இருக்கிறது. அரசியலில் எது வேண்டுமானாலும் நடக்கலாம். அதற்காக இப்படியா? EPS எதற்கெடுத்தாலும் "MGR ஆவி மன்னிக்காது" என்று சொல்துண்டு. திமுகவுடன் கூட்டணி வைத்த அவரை அது மன்னிக்குமா? இந்தக் கேள்வியை யாரிடம் கேட்பது? அதிமுகவை பாஜக ஆட்டுவிப்பதாகக் திமுக கூறிய கட்டுக் கதைகளை அவ்வளவு சீக்கிரம் மறக்க முடியுமா பாஜகவுக்கு அதிமுகவினர் அடிமைகளாகச் செயல்படுவதாகக் கூறிவந்த திமுக தற்போது அதிமுகவுடன் கூட்டணி அமைத்து ஆட்சிக் கட்டிலில் அமர நினைப்பது ஏன்? அதே போல, காங்கிரசார் பதவி வெறி பிடித்து அலைவதாகவும் முதுகில் குத்திவிட்டதாகவும் குற்றம் சாட்டும் இரண்டு கழங்கங்களும் மக்களுடைய விருப்பத்திற்கு மாறாக அவர்களுடைய முதுகில் குத்தி ஆட்சிக் கட்டிலில் அமரத் துடிப்பது ஏன்? மக்களுக்கு எப்படியாவது சேவை செய்தே தீர்வது என கங்கணம் கட்டிக்கொண்டு இரண்டு கழகங்களும் கூட்டணி அமைக்கின்றன. இது மிகவும் பொருத்தமான கூட்டணி. இதே புரிதல் அவர்களுக்குள் எப்போதும் இருந்திருக்கிறது. திமுக அமைச்சர்கள் மீது வண்டி வண்டியாக ஊழல் புகார்கள் என்றால், அதிமுக அமைச்சர்கள் மீது அதைவிட மோசமான புகார்கள். இனம் இனத்துடன் சேர்வதுதானே முறை? முழுக்க நனைந்தபின் முக்காடு எதற்கு? அடுத்த பாராளுமன்றத் தேர்தலில் அதிமுக தாய்க் கழகமான திமுகவுடன் கூட்டணி வைத்தாலும் வைக்கலாம். 'கள்ள உறவு' என்று மற்ற கட்சிகளை விமர்சனம் செய்து வந்த திமுக, இப்போது யாரை குறை சொல்லப் போகிறது? கழகங்கள் ஜனநாயகத்தின் மீது அதிக நம்பிக்கை கொண்டவை என்று அவர்களே சொல்லிக்கொள்வார்கள். விலை கொடுத்து மக்களின் ஓட்டுக்களை இவர்கள் போட்டி போட்டுக்கொண்டு வாங்க நினைத்தது ஊடகங்களில் சந்தி சிரித்தது. இனி என்னென்ன கர்மங்களை எல்லாம் தமிழக மக்கள் காண வேண்டுமோ தெரியவில்லை. நாளை ஒருவேளை காங்கிரஸ் கட்சி பாஜக கூட்டணிக்கு வந்தாலும் வரலாம். அதில் ஆச்சரியப்பட எதுவும் இல்லை! அது போகட்டும் - * தவெகவினர் திமுக-அதிமுக கூட்டணியை எதிர்த்து மறுதேர்தலுக்கு தயாராக இருக்கிறார்கள். * மக்களும் மறுதேர்தலுக்கு தயாராக இருக்கிறார்கள். * இரண்டு கழகங்களும் மறுதேர்தலுக்கு தயாரா? #திமுகசெய்திகள் #அதிமுகசெய்திகள் #தவெகசெய்திகள் #TVK #BJP #DMK #ADMK #Elections2026 #TamilnaduNews #🚹உளவியல் சிந்தனை #📺அரசியல் 360🔴