#😮बागेश्वर बाबांचे नागपुरात वादग्रस्त विधान➡️ : 'शिवाजी महाराज युद्ध लढून थकले अन् रामदास स्वामींना म्हणाले राजपाट सांभाळा', बागेश्वर बाबांचं वक्तव्य.................... बागेश्वर धामचे पीठासीन धीरेंद्र कृष्ण शास्त्री तथा बागेश्वर बाबा यांनी छत्रपती शिवाजी महाराज यांच्याबद्दल धक्कादायक वक्तव्य केलं आहे. नागपुरात भारतदुर्गा शक्तिस्थळाचा शिलान्यास समारंभ पार पडला. मुख्यमंत्री देवेंद्र फडणवीस, सरसंघचालक मोहन भागवत, केंद्रीय मंत्री नितीन गडकरी यांच्यासह अनेक संतांच्या उपस्थितीत हा कार्यक्रम पार पडला. या कार्यक्रमाला बागेश्वर धामचे धीरेंद्र शास्त्री हे देखील उपस्थित होते. यावेळी त्यांनी छत्रपती शिवाजी महाराजांबद्दल वादग्रस्त वक्तव्य केलं. "भारतीय सनातनी परंपरेत जन्म घेतल्याने आज आणखी गौरव होत आहे. आम्ही धन्य आहोत, ज्या देशात आम्ही जन्म घेतला तिथे मातृ प्रधानता आहे. अशा देशात भारतदुर्गामाता मंदिरचे भूमीपूजन होत आहे", असं बागेश्वर बाबा म्हणाले. यानंतर त्यांनी शिवरायांबद्दल वादग्रस्त वक्तव्य केलं.