தமிழக அரசியலில் இளமைப் புரட்சி: கோட்டையைப் பிடித்த டிவிகே (TVK) இளைஞர் படை! தமிழக அரசியல் வரலாற்றில் 2026 தேர்தல் ஒரு மாபெரும் திருப்புமுனையாக அமைந்துள்ளது. பல தசாப்தங்களாக திமு‌க மற்றும் அதிமுக ஆகிய கட்சிகளின் பிடியில் இருந்த தமிழகம், இன்று மாற்றத்தின் பாதையில் பயணிக்கத் தொடங்கியுள்ளது. குறிப்பாக, தமிழக வெற்றிக் கழகம் (TVK) அடைந்துள்ள வெற்றி, வெறும் அரசியல் வெற்றியல்ல; அது இளமையின் வெற்றி, மாற்றத்தின் தோற்றம்! திமுக மற்றும் அதிமுக ஆகிய கட்சிகளில் வெற்றி பெற்ற பெரும்பாலான சட்டமன்ற உறுப்பினர்கள் 60 வயதைக் கடந்தவர்களாக உள்ளனர். பலமுறை பதவியில் இருந்த இவர்களுக்குப் பதிலாக, புதிய ரத்தம் பாய வேண்டும் என்ற மக்களின் ஏக்கம் வாக்குகளாக மாறியுள்ளன. பழம் தின்று கொட்டை போட்ட தலைவர்களை விட இளைஞர்களை தொடர்பு கொள்வது எளிது. திமுகவில் சுமார் 40% எம்.எல்.ஏ-க்கள் முதியவர்களாக இருக்கும் நிலையில், அதிமுகவிலும் 50-70 வயதுடையவர்களே ஆதிக்கம் செலுத்துகின்றனர். இவர்களால் இன்றைய தலைமுறையின் வேகத்திற்கு ஈடுகொடுத்து பொதுவெளியில் வேலை பார்க்க முடியாது என்பதே நிதர்சனம். தமிழக வெற்றிக் கழகம் வரலாறு காணாத வகையில் சுமார் 14 இளம் எம்.எல்.ஏ-க்களை (30 வயதிற்குட்பட்டோர்) சட்டமன்றத்திற்கு அனுப்பியுள்ளது. அனுபவம் என்ற பெயரில் காலங்காலமாக பதவியில் அமர்ந்திருப்பவர்களைத் தவிர்த்து, துடிப்பான இளைஞர்களுக்கு வாய்ப்பளித்த டிவிகே யின் வியூகம் இன்று அக்கட்சியை தனிப்பெரும் கட்சியாக உயர்த்தியுள்ளது. உதாரணமாக அஷ்விதா (Ashweetha), விஜய் தலைமையிலான தமிழக வெற்றிக் கழகத்தின் (தவெக) நெல்லை மாவட்டத்தைச் சேர்ந்த ஒரு முக்கிய பெண் நிர்வாகி ஆவார். பீடி தொழிலாளியின் மகளாகப் பிறந்து, ஹார்வர்டு பல்கலைக்கழகத்தில் படித்து, தற்போது தவெக-வில் இணைந்து, சமூக மாற்றத்திற்காக உழைப்பவர், இவர் ஒரு கல்வியாளர் மற்றும் சமூக ஆர்வலர் என அறியப்படுகிறார். தமிழக மக்களின் ஓட்டுக்களை ஒருக்காலும் விலைபேச முடியாது என்பதை திராவிடக் கட்சிகளுக்கு உணர்த்திய தேர்தல் இது. முதியவர்கள் மற்றும் வாரிசுகளின் பிடியில் இருந்த தமிழக அரசியல், இன்று இப்பேர்ப்பட்ட துடிப்பான மற்றும் தகுதியுள்ள இளைய தலைமுறையினரின் கைகளுக்கு மாறியுள்ளது. இதுதான் புதிய தமிழகத்திற்கான உண்மையான விடியல்! #📺அரசியல் 360🔴 #🚹உளவியல் சிந்தனை